بعد يومين.
ملك: عز أنا أديني في المطار، أنت فين؟
عز: خمس دقايق وأكون عندك.
نزل عز وشاف روفان.
عز: روفان، ممكن تقولي لأمي ملك جت عشان تستقبلها؟
روفان في نفسها: وتستقبلها ليه إن شاء الله، كانت مراتك ولا الوزيرة!
عز: روفان.
روفان: حاضر يا أبيه.
عز طلع وركب عربيته وانطلق على المطار.
عز وصل وملك شافته وجرت عليه حضنته.
ملك: وحشتني يا حبيبي.
عز بعدها عن حضنه.
عز: يلا.
ملك: تمام.
وأخدها ومشيوا.
وصلوا القصر.
مامت عز: أهلاً يا ملوكة، عاملة إيه؟
ملك: الحمد لله يا طنط.
الجد: أهلاً يا ملك، أخبارك إيه أنت وأهلك؟
ملك: الحمد لله، كلنا بخير يا جدو.
وسلمت على الكل.
ريم: أهي يا روفان الست ملك.
روفان: دي حلوة أهي.
منار: بس اسكتي، تيجي حاجة جنبك يا بت.
نادية: بتتوشوشوا في إيه؟
البنات: ولا حاجة.
زينب: يا بنات خدوا ملك أوضتها.
البنات: حاضر.
وطلعوا فوق.
منار: اتفضلي.
ملك: شكراً.
ريم: لو عايزة حاجة ابقي قولي لنا، متتكسفيش، إحنا زي أخواتك برضه.
منار في سرها: هههه، أخواتها قال!
والبنات مشيوا.
بالليل كانوا قاعدين على السفرة.
الجد: عز.
عز: نعم يا جدو.
الجد: أنت عارف إني سايبلك كل الشغل في الشركات، عايزك ترفع راسي يا غالي.
عز: حاضر يا جدو.
روفان: جدو، أنا بعد أسبوع ورايا امتحانات تالتة ثانوي، بعد ما أخلص ممكن أشتغل معاهم في الشركة؟
الجد: بس أنتِ يا قلب جدك، إن شاء الله هدخلك طب.
روفان: منا إن شاء الله هدخل طب، وبرضه عايزة أروح الشركة، ممكن تخليني دكتورة هناك لحد ما أفتح لو حد تعب، لحد ما أفتح مستشفى.
الجد: طيب، نبقى نتكلم في الموضوع ده.
روفان في نفسها: يا رب جدو يوافق عشان أبقى قريبة من عز.
وخلصوا أكل والبنات شالوا الأكل.
وقعدوا كلهم في الريسبشن.
محمود: يا بوي، في عريس متقدم لشمس.
الجد: مين؟
محمود: سامر الزناتي.
الجد: جرا إيه يا محمود، وإحنا من امتى بناسبهم ولا مختلطين بيهم؟
اياك تاني أسمعك تتكلم عنهم، فهمت.
محمود: حاضر، متتعبش نفسك يا حج.
الجد: روفان، طلعيني أوضتي يا بنتي.
روفان: حاضر.