تحميل رواية «لعنة العشق الأسود» PDF

لحظات من الصمت مرت قبل ان يدرك جيدا ما يحدث حوله و يعود له رشده الذي اذهبه الخمر...!! احمرت عيناه بشدة حتى اصبحت شبيهة بلون الدماء و برزت عروق وجهه و عنقه لتكون على وشك الانفجار وهو يزمجر بقوة و يتجه لسيارته بخطوات شبه راكضة :

- يابن ال***** والله لاوريك يا جلال الكلب !!

ضحك الاخر بقوة وهو يجيبه :

- ليه الالفاظ ديه يا اخويا العزيز هزعل منك كده و ازعل مراتك.

رعد بغضب وهو ينطلق بالسيارة بسرعة قصوى :

- المس شعرة منها و ربي مهرحمك ولو كنت راجل واجهني شخصيا مش تستدرجني عن طريق بنت.

جلال بخبث :

- امممم وجهة نظر حلوة بردو بس انا بفضل الطرق ديه عشان احصل على اللي عايزه.

1

- عايز ايه !

هتف بها في حدة وهو يوقف السيارة ليقول الاخر وعلى وجهه ابتسامة انتصار :

- عايز الورق و المستندات الحقيقية بدل المزورة اللي بعتهوملي مع لين.

صمت رعد لوهلة ليردف بصلابة :

- تمام انا موافق.

تمتم جلال بعبث :

- و ايه اللي يثبتلي انك مش هتخلف بوعدك و تضحك عليا.

تشدق رعد بتهكم ساخر :

- وهو انا عرة زيك عشان مبقاش قد كلامي يا...اخويا العزيز.

ابتسم جلال و اردف :

- و اوعدني انك مش هتحاول تأذيني او تاذي اي حد من رجالتي.

زفر بنفاذ صبر و اشمئزاز من جبنه فهو دائما ما يرتكب تصرفات لا يستطيع تحمل نتائجها و لكنه الان اقترف شيئا كبيرا عندما قرر التلاعب مع الشبح.....اخطأ كثيرا.

رعد بحدة :

- مش هعملك حاجة متقلقش و قولي انت فين دلوقتي.

جلال بمكر :

- احزر انا فين....ف الفبلا بتاعتي هههه مكنتش متوقع صح.

ماتنسوش تصلوا علي النبي