تحميل رواية «قسوة احفاد ال هتان» PDF

راح يجيك عمامج وعماتج.

اني سمعت هيج كمت بسرعة وافرك بعيني. شعجب ومنو يجي ومنو ميجي؟ دحجي يمه.

الكل: عمامج وعماتج.

هاجر: تمام.

كمت غسلت وجيت أرتب شعري. جنت مو محجبة رغم عمامي ما قابلين، بس بابا كال بكيفها. وهل شي فرحني. خلصت شعري سويته ذيل حصان بس عالي كلش نفس النخلة ونازل على كتافي. حميت الجاي وكعدت أكل. بعدني ممكملة وفاتت عمتي.

أميرة: ها عيني، بعد وكت. كومي يمعودة تعالي أبوسج.

هاجر: هلا حبيبتي، شونج؟ زينة إن شاء الله.

أميرة: بخير إذا انتي بخير. وين أمج؟

هاجر: جوه يمكن.

فاته عمتي وأجو لارا ويارا. سلمت.

يارا: إلياس واكف وكال سوي مجال راح يفوت.

هاجر: خلي يفووت. بس سمعت اسمه كلبي صار ينبض. أحبه وأعشق الأرض الي يمشي عليها. وما أكدر أتقرب منه خاف يحس عليه. بس بينه سلام، بس ويا البنات الباقي جان عادي يسولف وياهن ويضحك وياهن. وهل شي مضوجني بس ماكدر أحجي وأسكت حتى لحد يعرف.

دخل وكال.

إلياس: السلام عليكم. شونج عيني؟

هاجر: نصدمت. شنو عيني؟ شهل تطورات؟ بعدين سمعته كال وين رحتي. كتله هلا تمام وانت شلونك؟

إلياس: بشوفتج صرت زين.

هاجر: هذا إلياس لو اني متوهمة؟ كلش فرحت بكلمة وأحس بدأ يميل إلي. وجان شنو يسوي؟ عيوني تراقبه. كمت أحضر الأكل ويا ماما. رغم هاي مو عادتي بس ساعدتها. وأجت عمتي هم وضلت تحمد بيه وتذم بالبنات. وكل شوية تبوسني. بعدين أجو عمامي وعماتي الباقين وصار البيت مليان. والأطفال يلعبون واني وياهم. وعمتي تصيح.

أميرة: الله يكبرج. بعد شكد تصيرين وتضلين تلعبين مع الأطفال؟ يمه انتي العين عليج. صار 17 عمرج. خاف أحد يضربج أو توكعين. ستري علينه حبيبتي.

هاجر: شراح أصير قابل؟ لا تخافين ماكو شي.

جان يناديني يوسف ابن عمي.

يوسف: هاجر يلا راح نسوي الفريق. وينج؟ والله بعدين ماندخلج. تعالي.

هاجر: جيت ثواني.

أميرة: الله يطيح حظج. أي فريق؟ شايحجي هذا؟ إذا طلعتي فوك ماتلومين إلا نفسج.

هاجر: عمه خلي أتانّس حبابة.

أميرة: انجبي. إلياس ماما حبيبي تعال خلي هاي الثولة يمك ولا تخليها تطلع فوك مع العجايا.

من صاحت اسمه ابتسمت وفرحت كلش. حتى لو مالعب وياهم عادي المهم أبقى يمه. جنت رغم عمري بس ألعب ويا الأطفال وماحب أحسب نفسي كبيرة. أكره هل شي. ودائماً من يكلولي كبرتي أعترض وأعصب. لأن بنات عمي وعماتي بس تكبر شوية يزوجوها. وهسه يارا مخطوبة وهيا أصغر مني سنة. ولارا لأن أصغر منها سنة كالو شوية تكبر وبس يجي أحد يخطبها يقبلون. وحتى باقي البنات لو تجي وحده من نسوان عمي تخطبها لو عماتي يخطبن لولدهم من البنات لو جيرانه لو شوف منو. بس فوراً يقبلون. واني جنت أسوي نفسي صغيرة وألعب مع الأطفال حتى لا يزوجوني. لأن عمامي ما يقبلون بهل شي. ومن كبرت البنت تتزوج وبابا يرفض. بس جان الوحيد الي رافض ومحد يسمع اله. لأن من غير أم هو وعمتي أميرة. وجان اكو تفرقة بينهم. ولهذا السبب عمتي تحبني أكثر من البنات الباقي.

أجا إلياس ولزم أيدي. وكلبي وكع بين رجليه. وكال.

إلياس: تعالي يكلبي. أمي تموتني إذا تكومين من يمي.

هاجر: هو كال كلبي واجيت أذوب. أيع امداج من إمتى انتي هيج. كتله تمام وكعدت يمه. وهما يسولفون ضجت كلش كاعدة وحدي ومحد يمي ومعرف شنو اسوي. كتله بس أجيب تلفوني وأجي.

إلياس: جذابة. هسه تروحين تلعبين مع الزعاطيط.

هاجر: يمعود حتى انت حقك متعرف ليش وياهم اني وما أكعد ويا البنات.

إلياس: ليش بله؟

هاجر: ما أقول هسه تكول الهم.

إلياس: وداعتج ما أقول.

هاجر: خوش اسمع بس إذا حجيت ما أحجي وياك خوش. إحنا البنت بس تكبر شوية يزوجوها مو صح؟

إلياس: صح. بس وين تردين توصلين بحجيج؟

هاجر: يعني هسه خواتك مو أصغر مني؟ وحدة مخطوبة والثانية محجوزة. ف اني كلت ألعب ويا الجهال حتى لحد يفكر يجي يمي أو يخطبني ويكولون جاهلة ومو مال مسؤولية. وهيك أخلص من الزواج لحد ما أكبر شوية. واني أعرف أهلي ما يقبلون يزوجوني بس تعرف جدو إذا كال لبابا بابا ما يكدر يكول لا.

إلياس: ها يولي طلعتي جبيرة وتفتهمين. بس تقشمرين نفسج. وبعدين أحد كالج تزوجين واني موجود.

نصدمت. هذا شبي وليش حتى يمنع؟ معقولة يحبني؟ رديت.

هاجر: ما فهمت بس انت شعليك إذا تزوجت أو لا؟

لزم أيدي وقربني عليه وصار عصبي وعيونه حمر. خفت من شكله وكال.

إلياس: شلون شعليك؟ انتي غبية لو تسوين نفسج غبية كدامي؟

يحجي ويعيط وأخاف أحد يسمع واحنا بغرفتي. وإذا أحد فات للغرفة يحجون علينه ويطلعون حجي. بقيت ساكتة أريد أحجي ميطلع الحجي مني. عاط بصوت أعلى.

إلياس: جاوبي. هيو.

هاجر: شنو هيو؟ حيوانة يمك تكلي هيو؟

إلياس: لا تغيرين الموضوع. جاوبيني.

هاجر: إلياس والله مجاي أفهم شي. احجي بوضوح.

إلياس: راح تخبلين. معقول ما حاسة عليه لو تغشمين نفسج؟ أحبج. وكل ماريد أحجي أكول لا صغيرة. وانتي طلعتي مسوية هيج حتى لتتزوجين. والله ما تصير لغيري لو أعرف أموتج وأكتل روحي.

فرحت كلش بس أحاول أسوي نفسي عادي وما أبين شي وأريد أكمز من الفرح بس ما أقدر. ما أريد يكول خفيفة أو شي. وما جنت حاسبة إنو يحبني وراح يعترف إلي. بس جنت فرحانة كلش. عاط بيه وكال.

إلياس: جاوبي. خرستيها؟

هاجر: من إمتى تحبني؟ شو ما أدري ولا حاسة عليك؟

إلياس: طبعاً ما تحسين. ضالة مع الزعاطيط. وإني أكول صغيرة بريئة. ماريد أخرب براءتها. وهسه تكبر وباجر تكبر وتتعلم. وماكو.

هاجر: هسه شبيك تعيط عليه؟ شسويت؟ ما يصير هيج تعيط. تخبلت لو بيك شي؟

إلياس: شنو تخبلت؟ مخبل كدامك تكول هيج؟

هاجر: آسفة.

إلياس: عوفج هسه. جاوبيني.

هاجر: على شنو؟

إلياس: راح تموتيني. شنو على شنو جاي أكولج أحبج.

هاجر: مادري شكول والله.

إلياس: تحبيني لو لا؟

هاجر: ........

إلياس: جاوبي. راح أبتلي بيج.

هاجر: معرف. أفكر.

إلياس: راح أولّي. لأن إذا بقيت أفقد. قبل ما أروح أجيك وتكولين أحبك. فاهمة؟

حبيت ألعب بأعصابه كتله.

هاجر: وإذا كلت لا؟

إلياس: كوليها. وأجي أخطبج وأخلي جدو يحجي ويا أبوك والكل يقبل. وحتى انتي إذا مو بكيفج غصباً عليج.

كلش فرحت عرفت يحبني هواي. كتله.

هاجر: أفكر وأكلك.

طلع وعافني. ماكو أحد أكله غير أسيل. ناديتها بسرعة. أجت هيا وأسيا بنات عمي وخوات.

أسيل: شكو؟ شبيج؟

هاجر: إلياس كالي أحبج واني هم كتلج أحبج.

وذي كامت تكمز فرحت كلش. تكول أختها كلش قريبة عليه هيا وأسيا.

أسيا: حبيبي ألف مبروك. بس شكتيله؟

هاجر: كتله مادري. وكال بليل قبل لا أروح آخذ الجواب منج. وكتله تمام.

أسيل: يلا كومي لعد خلي نحضر السفرة.

كمنا كلنا وساعدناهم ونضحك ونشاقة وسوالف وضحك. أكلنا. وأسيل كالت أني ولارا نغسل المواعين. كتله لا تتعبين نفسج. كالت اليوم ندللك. وغمزتلي.

لارا: شكو؟ شبيجن تتغامزن؟

هاجر: لا عمري ماكو شي.

أني ولارا ويارا وأيلا وأليف مو كلش صديقات وبينه أسرار. أيلا وأليف بنات عمتي. كملنا ورحنا كعدنا يم الكل. وجان كل اثنين يسولفن. عمه مريم ما أجت. معرف ليش. سألت عليها وكتلهم وين عمه مريم؟

أميرة: عمر ابنها مريض وكالت مانجي.

صار الليل. عمه أميرة كالت أبات وبقو يمنه. رحت لغرفتي علمود أفرش للبنات لأن راح ينامن بغرفتي. بعدني ما مكملة واجت لارا كالت.

لارا: هجورة إلياس يصيحلج.

هاجر: بس أكمل وأروحله.

لارا: يكول تعالي بسرعة ومتوتر ومعصب.

هاجر: لييش؟

لارا: هسه عوفي وروحيله. مدري شيريد منج.

هاجر: هسه أروح بس وين؟

لارا: فوك بس مدري بأي غرفة.

هاجر: خوش. كملي بين ما أجي.

طلعت من الغرفة ومجان اكو أحد بالصالة وظلمة وماكو صوت. هدوء. طلعت للطابق الثاني. مجان اكو ضوء. مجان شي مبين غير الضوء الي على الدرج. صحت بصوت ناصي.

هاجر: إلياس وينك؟ موجود؟ وين انت؟

حسيت أحد لزم أيدي. كلبي وكع وخفت. كال بعصبية.

إلياس: وينج؟ صار ساعة أنتظرج.

هاجر: من كالتلي جيت.

إلياس: معلينه. المهم شكلت.

سويت نفسي مفاهمة لأن أستحي أكله أحبك.

هاجر: على شنو؟

عاط بيه. كلت هسه البيت كله كعد من علو صوته.

إلياس: لججج! لا تثنيني. احجي. تحبيني؟

حجيت بدلع واني أفر إصبعي بخصلة شعري.

هاجر: هسه شبيك عصبي؟ خوفتي.

إلياس: لا تدلعين واحجي عدل.

هاجر: حنزل. مو مال أحجي وياك.

درت وجهي مشيت خطوة. لزم أيدي ودارني عليه وتقرب يمي. أنفاسه صارت بوجهي. استحيت. وجهي قلب أحمر. كتله.

هاجر: إلياس شويه بعد عني. حباب ليجي أحد يشوفنه.

إلياس: ما يهمني. هسه احجي بلكوة لازم أعصابي.

كتله دنك شويه وهمست بأذنه.

هاجر: أحبك.

إلياس: الله عليج تحجين صدك؟

هاجر: إليمسك أيدي وقرب وجهه مني. وخرت. عصب وكال.

إلياس: هيا بوسة. شبيج وخرتي؟

هاجر: من نخطب وبعدين. لأن هسه حرام.

إلياس: خوش. تعالي نسولف شويه.

هاجر: شنو نسولف وهنا؟

إلياس: أي. شبيج؟

هاجر: تمام. احجي.

إلياس: أول شي متحجين ويا أحد من الولد وتتحجبين.

هاجر: ما أتحجب. هل شي يصير برضاتي. انت متدخل بي ولا بلبسي.

إلياس: خوش. المهم بس أكون نفسي وأحاجي أمي. عود نخطب. خوش؟

هاجر: خوش. بس ماريد أحد يعرف هسه.

إلياس: بس أكول لتيم لأن أخوي وما أخبي شي عليه. ولارا هم.

هاجر: خوش. وأني أقول لأسيل وأسيا.

إلياس: أي حبيبتي.

جان تجي لارا.

لارا: يلا شو طولتو؟ خاف أحد يجي.

إلياس: طلعت تحبني وهسه ارتبطنا.

لارا: صدك عمري ألف مبروك.

باست أخوها واجت باستني.

هاجر: الله يبارك لج.

نزلنا ونمنا. كعدنا الصبح وأكلنا. واني كلش فرحانة. وهو يدحك عليه واني أبتسم وأغمزله وأأشر بعيونه. جان يوم كلش حلو. صار العصر وعمتي راحت لبيتها. وضليت روتيني طبيعي. جانت المدرسة قريبة. كلت لماما نروح نشتري أغراض للمدرسة وأحضر للخامس علمي بفرح. رحنا للسوك وعود نشتري أغراض للمدرسة بس اشترينا ملابس. وبعدين اشترينا دفاتر وأقلام. رجعت. جان عدنا يوسف أصغر مني بأربع سنوات بس وياي دائما. وجان هل شي مضوج إلياس.

يوسف: شنو اشتريتو؟

هاجر: أغراض مدرسة.

يوسف: وهاي الملابس تلبسيها بالمدرسة؟

هاجر: لا يمعود هاي للطلعة. شنو مشفت؟

يوسف: أشوف قابل. أعمه؟

هاجر: عبالي أعمه.

يوسف: كومي نلعب شي.

هاجر: لا كبرت بعد. مالعب ويا الزعاطيط.

يوسف: ليش سويتي الي تريدين؟ يعني هسه تريدين تزوجين؟

هاجر: لا بس أحس كافي لعب. وانت انتبه لدراستك ولا تضل تجي يمي.

يوسف: تطرديني بحجة المدرسة؟

هاجر: لا ولك بس علمود تنتبه. لأن انت ثاني متوسط ولازم تشد حيلك.

يوسف: أدري.

جو أهله أخذوه. وبدت المدرسة. وجان أول يوم. اتفقنا نروح بملابس طلعة مو مدرسة. ورحنا. وجان أشوف البنات أجو باتجاهي وصرنا نحضن بعض.

سارة: مشتاقتلك كومة.

هاجر: واني هم وربي مشتاقتلكم. لعد ريماس وين؟ شو ماكو.

سارة: بعدها ما أجت.

جان طب ريماس. إحنا يم الباب مال المدرسة. وأجت سلمت علينه وحضن وبوس. واجت ست هديل. درستنا فيزياء.

ست هديل: أنا أقول لكم بلا هل حضن والبوس. ليش ماتسمعون الكلام؟

هاجر: ست صارلنا زمان ما إغشعنه بعض.

ست هديل: بناتي عيب. إذا أحد إغشعكم ياخذ عليكم نظرة ما حلوة.

راحت هديل. ماتحب أحد يتحاضن بالمدرسة ولا بوس. مادري ليش.

سارة: بكل شي تدخل. ياربي مراح نخلص منها. هم هسه فوك راسنه وراح درس.

هاجر: ليش هيا درس خامس؟ عبالي بس رابع.

ريماس: وحتى سادس طب عليهم.

هاجر: ريماس ليش لهجتج متغيره؟ ما مال موصل؟

ريماس: ليش مكتلجنها؟

هاجر، سارة: لاريماس؟

ريماس: تعرفت على ولد بالانستا وصار حبيبي.

هاجر: امداج الثولة. شلون ترتبطين وما تكولين؟ بعدين تعرفين شنو هو؟ عوفج حلو شخصية لو لا؟

طلعت فونها نشوفه. وجان مقبول.

ريماس: شخصيته قوية وهو الكبير والكل يحترمه.

هاجر: خاف يضحك عليج؟ وما حد معبره أصلاً.

ريماس: لا ولج. من نصعد اتصال ويجي أحد لغرفته يعيط عليهم ومعقد شوية.

سارة: شلون تحبين واحد معقد وانتي أهلج فري؟

ريماس: يمعودة المهم أحبه.

هاجر: حبتكم حية صدك. إلياس كالي أحبج واني هم كتلج أحبج. وهسه مرتبطين.

سارة: جذب؟ كولي والله.

ريماس: وأخيراً أعترف. خرب راسه شكد طول يله أعترف. بس مبروك.

صارت تصيح بالمدرسة. مبروك ومبروك. واني ميتة ضحك.

سارة: فضحتينة. كافي.

رزان: شكو؟ شهل صياح؟

ريماس: ولج إلياس اعترف لهاجر بحبه.

رزان: جذب يمه كلبي متت فرح.

هاجر: كافي. خلي نروح نستلم كتب. بس صدك شصار على سالفتج ابن عمج شصار بي من خطبتي؟

رزان: ابن الكلب بعد مارفضني يكلي إذا تزوجت أنهي عليج.

هاجر: إحنا وين عدنا نهوة وهل سوالف؟ بس بالجنوب.

رزان: نسيتي من البصرة؟ هو.

هاجر: شلون من البصرة؟ مو ابن عمج؟

رزان: لا ابن عمتي.

هاجر: أي عبالي مصلاوي. لعد شلون ينهي عليج؟ غير بس ابن العمر؟

رزان: أي والله هم صحيح. شلون نسيت. وربي لعد يضحك عليه.

ريماس: عادي مو جديدة. انتي مضحكة. ههه.

بقينة سالفة تأخذنه وسالفة تجيبنه. بعدين كالو أوكفو نصيح أسماكم وكل وحدة تروح لصفها. أني وحدة بصف والبنات كلهن بصف.

سارة: أني أريدج وياي. شنو هاي؟ انتي بمكان واحنا بمكان. خلي نروح لست أسماء. هيا معاونة وجيرانكم أكيد تنقلج.

رزان: أي والله. يلا رحنا.

دكيت الباب وصاحت.

ست أسماء: فوتي.

هاجر: ست أريد أنقل على شعبة باء. ماريد بل ألف.

ست أسماء: ليش؟

كمزت سارة وكالت.

سارة: ست إحنا كلنا سوى. بس هيا مو ويانه. وإحنا نريدها معانا بنفس الصف.

ست أسماء: إحنا عملنا هاكذ. جماعت الرابع كلتكم الي كنتم بنفس الصف فرقناكم حتى ماتصير مشاكل. لأن بالرابع صارت كثير مشاكل.

رزان: ست حبابة وعد مانسوي أي مشكلة.

ست أسماء: ميخالف. روحي. هسه أنا أعدل عليج.

الكل: شكراً.

طلعنا واحنا فرحانات. فتنة للصف. جان آخر مقعدين فارغات الي يم الشباك. رحنا وكعدنا أني وسارة وريماس ورزان ورانا. مندمجين ونحجي. واجت وحدة كالت.

...: انتي هاجر الي كنتي بصف الرابع جيم؟

هاجر: أي. بس منو انتي؟ ما عرفتج. هشكل تنسين بسرعة؟ أنا كنت قدامك وقدام سارة.

سارة: أي عرفتج. انتي مو قرايب ست هديل؟ أي بنت أخوها أنا.

سارة: أي ذكرتج. هلا بيج. محتاجة شي؟

...: لا بس جيت أسلم عليج.

سارة: وصل كلبي.

راحت البنية. ورزان كالت.

رزان: اشكد ما تستحي. الكلبه نستنه وما نست هاجر وسارة.

ريماس: دخلي تولي. ليش تضوجين نفسج؟

هاجر: أصلاً أني لهسه ما أذكرها. أريد أذكرها ماكو.

سارة: هاي الي فتنت على البنت الي كانت كدامها وكالت الهم تغش. وفصلوها أسبوع. ومن رجعت البنية تعاركت ويا راما.

هاجر: أي ذكرتها. هيا هاي راما. وصح صارت عركة جبيرة وأخذوهم للإدارة.

سارة: أي.

هالفت المدرسة. وصاروا يوزعون كتب. اجت ست زهراء وكالت.

ست زهراء: اشونكم بنات؟

ردينا: الحمد لله. انتي اشونج؟

ست زهراء: الحمد لله بخير بشوفتكم. أريد هاي السنة هم تطلعون درجات بل رياضيات.

هاجر: إن شاء الله.

ست زهراء: انتي اش تطلعين بعد؟ جبتي مية. أمين تطلعين أعلى. بس أمري محيرني. اشون جبتي هاكذ وأنا جبتولكم أسئلة صعبة؟

هاجر: وراثة ست.

ست زهراء: أي أعرف. رحمة على أهله. الأبوكي لو ما هو انتي ما هشكل طلعتيها.

هاجر: أي ما كتلج وراثة.

طلعت وبقينى نحجي. وأكو بنات يجون يسلمون علينه. أبد ما جنت أحجي شي. بس إذا كولولي شلونج أرد. غيرها أبد ما أحب آخذ وانطي وياهن. بقينى نروح ونجي. وامتحانات ودرس. قررت انعفي بكم مادة حتى أخلص بسرعة وأدرس للسادس. هملت إلياس شوية. وجان يضوج من هل شي. بس يسكت وما جان يحجي شي. بقينى أني ويا تقريب خمس شهور. كعدت الصبح مثل كل يوم. أروح للمدرسة. رحت وروتيني نفسة مع البنات وشقة وضحك. وبين الدروس مشاكل. ما جنت أجيه يمها لأن أهلي حذروني. هذيج السنة جنت راح أنفصل من المدرسة بسبب مشاكلي. مو مني. هن يسون مشاكل ويغلطن عليه. رجعت للبيت بدلت. وشفت الجهاز. شغلت الواي فاي. واجت رسائل هواي. بحيث نصدمت من كثرها. جانت من إلياس. يسب ويغلط بيه. والسبب ما عرف شنو. خابرته ورد بسرعة. وستلمني غلط مال عيب وما ينحجي. كتله.

هاجر: ونعل! أشبيك تغلط عليه بهل شكل؟ وليش هيج أسلوبك وياي؟ واني مو ك*** حتى تحجي هيج.

إلياس: أكلي خرة. صارلج شكد هاملتني وما معبرتني؟ نحجي شوية وأروح أدرس. أجيك بالليل. أريد أنام. مو حالة هاي.

هاجر: انت تعرف وضعي ودراستي. وأريد أطلع أعفاء حتى ألحك أدرس سادس.

إلياس: خرة. مو أحسن. واني شنو ذنبي؟

سده بوجهي. ما خلاني أكمل. بقينى متعاركين سبوع. جان يوم جمعة. اجت ماما.

مروة: ماما حبيبتي كومي. راح نروح لبيت عمج ثامر.

هاجر: صدك؟ شعجب؟

مروة: ليش ما كلتلج أسيل؟

هاجر: محد كلي. شكو خير يا ساتر؟

مروة: أسيل اليوم العقد مالتها مال سيد.

هاجر: شو اني مثل الأطرش بالزفة؟ ما اعرف كلشي.

مروة: ش عجب ما كلتلج؟

هاجر: محد كلي شي. ولا انتي كتيلي.

مروة: عبالي تعرفين. وما كتلج. وغير هشمل انتي بالج يم الدراسة. ما يم أسيل.

هاجر: ماما هاي أختي. إذا ما كتلولي لمن يكولون؟ صدك منو خطبها؟ كرايب لو غريب؟

مروة: كرايبها.

هاجر: صدك؟ منو؟

مروة: إلياس ابن أميرة.

بس سمعت هيج نصدمت. أمي كالت بدلي وتعالي. واني مو يمها. شنو يخطبها؟ وهيا أشون تقبل بي؟ واني وحبي وين أروح؟ وهيا مو أختي؟ ليش تطعني بضهري وتروحله؟ معرف شسوي. دموعي تنزل. وحسيت نفسي شكد رخيصة. إلي صدكت إنو يحبوني. كمت أبدل. ماريد أحد يحس. وحضرت إلياس وحضرتها. لأن ماريد أسمع منهم شي. طلعنا. وصلنا. فتت سلمت عليهم وكعدت. وطلعت هيا مكياجها فول. تكول رايحة عرس. وتمشي وتطكطك بالكعب مالها. متت بداخلي. بس أبين إني عادي ومحد حس عليه. اجت يمي وسلمت. ماسألتها ليش سوت هيج. سكتت وبلعتها. ماريد يجذبون عليه. جان يوم خايس. وأبد ما فرحت. بس أسيل وأسيا فرحانات كلش. وإلياس طب يسلم. ولا كأنو اكو شي. سلم على عمتي مريم وباسها. وراح باس أمو. وبعدين سلم على ماما ومرت عمو ثامر. سلم على أسيا ورسل بنت عمو ثامر. وسلم عليه. ويباوع بعيوني. ولا هم شي. وضحكته من الأذن للأذن. شكد نقهرت. رجعت للبيت بس أبجي. وماكو شي أسوي. هملت دراستي وهملت نفسي. الكل تنتبه عليه. وعمه أميرة تكول مسحورة. البنات كلهن عرفن بسالفة إلياس. بس محد حجه. وجان لارا ورسل وياي. وأيلا وأليف. بس يارا ويا أسيل وأسيا. وكرهت أسيل كلش. بحيث ما أطيق أشوفها. لا هيا ولا إلياس ولا أختها يارا. تمشي وتذب كلام عليه.

يـارا: اوف والله جان أعمي إلياس من حبج. شو ماتنجرعين وكافة هنا.

أشارت على رقبته. جان الي طاقة أرد عليها أبد. جنت بحالة ما تسمحلي أحجي أي شي. مر شهر. واجت امتحانات نص السنة. وامتحنت. وكعت بأربع مواد. الكل استغرب. وعمه أميرة تكول هاجر مسحورة. أصلاً تحبني أكثر شي. وجانت تريدني للياس. بس بعد وين. أمي والكل صدك إنو اني مسحورة وبي شي. واكولهم ماكو شي. محد يصدك. صاروا ياخذوني للشيوخ. والشيخ يكول مابيها شي. والثاني يكول بيها جن عاشق. والثالث يكول بيها جني. وهاي مو هيا. ومو تصرفاتها. صرت أعصب على كل شي. وأعرف كلامهم جذب. بس الكل مصدك. وحتى البنات صدكن. وإلياس هم صدك. ما أطلع لمكان. والي يجي عدنا يفوت لغرفتي. لازم كاعدة بالظلمة وأبجي. حيل أذوني. كسروني. ومعرف ليش. بيوم جت عمه أميرة ولارا وتيم ابنها. وجو يمي. وعمه تحاول تضحكني. أبد. تيم ولارا يضحكوني. ما أضحك. نوب أزيد بالبجي. عمه كالت الجمعة نسوي حنة ونيشان للياس. وعزمتنه. وكالت مو بيدي. لو بيدي ما أخليهم يعرسون. لحد ما تتحسنين. أمي كالت الها عادي يمعودة سوو. بلكي بالعرس تصير أحسن. وطلعوا. بقة يمي تيم ولارا. وتيم كالت.

تيم: .......................................

انتهى البارت

توقعاتكم

تيم: آكلك شي بس يبقى بينه، ومحد يعرف بيه غيرنه.

هاجر: خوفتني تيم، شكو؟

تيم: كل خير، اكو بس ماتكولين لأحد، لأن إذا وصل لـ إلياس نتخارب. أني ولارا، مايهون علينه الي صار ولا الي يصير. ونحنا وياج. ولهذا السبب إجينه نكولچ، بس مو لازم أحد يدري.

هاجر: أي، ما أكول لأحد، والله.

تيم: قبل يومين إجو بيت عمو ثامر لبيتنا، كلهم. وجانو كاعدين بالغرفة. لارا ويارا وإلياس وأسيا وأسيل يحجون. وأني جيت عليهم لأن هما صاحوني. ومن فتت عليهم، أسيا كالت:

أسيا: إنتو مصدكين هاجر بيه جني؟ مدري من هل خربط.

إلياس: هيج الشيوخ يكول.

أسيل: لا حبيبي، غلط، لأن إنت خطبتني، هشكل صار بيه.

تيم: ما أعتقد، لأن أمي جانت تروح وياهم وكدامها يصير الحجي.

أسيا: لا عيني، منو ما يكول أمك ما تحجي حتى لاتنفضح بنت أخوها؟ لأن كلنا نعرف أمك شكد تحب هاجر أكثر من كلنه.

تيم: إلياس، تسمع قصدها؟ ماما جذابة وتجذب علينه وعلى الكل؟

أسيا: تيم، لا تضرط من يمك. أني ما كالت أمك جذابة، بس أمك تحب هاجر أكثر من عدنا، لأن بنت أخوها من أمي.

تيم: أمي ما تفرق بينكم، بس إنتي عتخربطين (تمضرطين).

أسيل: تيم، لا تحجي على أختي.

تيم: أي عيني، دللي. هسه المطلوب مني شنو؟ ليش صيحتوني؟ شتريدون مني؟

أسيل: علمود نحجي السالفة والي بردت گلبي وانتقمت بيها من هاجر.

بيني وبين نفسي، الفضول كتلني، ليش تنتقم من هاجر؟ شصاير؟ شنو السالفة؟ كتله:

تيم: ما فهمت قصدچ.

أسيا: هسه نفهمك.

أسيل: أني وإلياس نحب بعض من سنوات، وإنت تعرف الكل يحب هاجر، وحتى جدو مجان يرفض طلب الها. وشنو تريد يصير كدامها؟ وأبوها مدللها وخلاها تكمل دراسة وكل شي تسوي عادي، ويصرف عليها، وكل كم يوم ملابس غير الشغلات مال بنات ومال عناية بالبشرة وغير العطورات وصبغ الأضافر.

قاطعته:

تيم: اوكي، بس شنو يعني؟ لهسه ما فهمت.

أسيل: خليني أكمل.

«أسيل»

جان الكل يحبها، وأحنا محد يهتم. رغم هي مو الجبيرة ولا حتى الصغيرة. الكل يحمد بيها، ومن أحد يحجي عليها ترد علي، ودائماً شايفه نفسها علينه، على أساس هي أحسن من عدنا. تعبنه من هل مقارنات الي يقارنوها بينه. محد جان يذكرنا بس هاجر. ولهل سبب شخصيتها قوية ومحد يحجي وياها، ولسانها طويل.

ماتحترم أحد وتلعب ويا الجهال ومسويه نفسها زعطوطة حتى لا تتزوج. لأن تحب إلياس، وأني جنت أحبه. ومن تكلي أحبه وأريد يعترفلي، جنت أموت. أريد بس أكللها: أحبه ويحبني وعوفيه، وبعدي عنه. بس ما أكدر أحجي، أخاف تكول لجدو أو البابا، والله يذبحوني. ف كلت لأسيا ويارا علمود نخرب حياتها، مثل ما خربت حياتنه. وحطينه إلياس بالسالفة، لأن تحبه. وأكيد هيج تنكسر، ويجينا شوية دلال.

حجيت للبنات على الي أريد أسويه، كلهن قبلن. كلت لـ إلياس، ما قبل بالبداية، بعدين وافق، لأن جنت الح عليه. واتفقنه إلياس يعترف إنه يحبها، وبعدين يكسرها ويعوفها، ويخطبني. وهيج نخلص منها، وتضل زعلانه ومكسورة، وبس تبجي. هيج ترسب بالمدرسة والكل يحجي عليها.

وبدينه بيها. وبعدين تعبت، وكتله ننهي الموضوع، وإنتها. واجه خطبني. هسه عرفت ليش أريد أنتقم منها. وهاي انتقمت.

تيم: تشاقين؟ أكيد يعني هاي لعبة منچ؟

أسيا: تكدر تكول.

لارا: حرام عليكم! شنو سوتلكم؟ تسوون هيج بيها؟

أسيا: أكلي خره، شنو حرام؟ خلي تولّي.

تيم: لا تصيحين على أختي، فهمتي؟ وإنتي أستاذ إلياس، عاجبك الي صار؟

إلياس: تيم، الي صار علمود خواتي وعلمود حبيبتي. وأني سويت مثل ما يطلبون. أبد مجانت بالي، لأن جنت أشوفها طفلة. رغم هي أكبر من خواتي.

تيم: يعني عاجبك؟ خوش. أروح أكول لماما حتى أشوف هي هم يعجبها لو لا.

أسيل: تيم، حباب لا تفضحنا.

تيم: محد كال الكم، كلولي. وأني هذا الشي ما أقبله بي. دمرتو حياتها. وإنتي بس فهميني، شتحسين؟

يأشر على إلياس.

إلياس: أني معليه.

تيم: شلون معليك؟ كل الي يصير حتى بس ترضي هذول؟

ويأشر على أسيل وأسيا ويارا ولارا.

لارا: تيم، أني معرف. هسه عرفت، مثلك ونصدمت، وما أقبل بهذا الشي.

أسيا: ومن إنتي حتى ما تقبلين؟

تيم: احترمي نفسج، لأن إنتي ببيتنا. وإذا وحدة منكم تحجي ويا لارا كلمة غلط، والله أروح أحجي لماما والجدو. وساعتها شراح يخلصكم؟

أسيل: يعني تعايدنه؟

تيم: شلون ما تريدين تحسبيها، احسبيها.

إلياس: إذا فتحت حلكك بحرف واحد، بس أكول لماما إنت عندك علاقة ويا إيلا، وتسوون أشياء مو زينة.

تيم: إنت من وين تجيب هل حجي؟ بعدين ماتستحي تحجي على أخوك وبنت خالتك هيج؟

إلياس: والله كل شي أسوي. إنت لا تدخل بكل شي. وأني معليه بيك وب إيلا.

تيم: أني الحيوان الي جيت وكتلك أحبها، وأصلاً هي ماتعرف أحبها. وإنت تعرف كثير زين بهذا الحجي.

إلياس: والله معليه.

تيم: خوش، ما أكول لأحد.

«هاجر»

هاجر: أكيد إنت تشاقه.

تيم: لا والله. وما أكدر أحجي. وإنتي لا تحجين. ماريد يصير شي. لايلا مالها ذنب.

هاجر: بس الي فهمته منك إنو هما يغارون مني، ونايريدون أتوفق بحياتي.

تيم: أي. ونصيحة مني، بعدي عنهم وشوفي حياتج.

هاجر: وحقي، شلون أخذه؟

تيم: حقي بيته. خطيه، روحي أخذيج.

جيرانه اسمه حقير.

لارا: عوفيهم، وعلى عنادهم كملي. وبعد أسبوع الخطوبة مالهم.

هاجر: أمچ كالت حنة.

لارا: توهمتها.

هاجر: خوش، بسيطة. وبعد أبعت أبو إلياس لأبو أسيل.

تيم: ترا أبوي.

هاجر: عذرني. محروك كلبي.

تيم: سب خالو ثامر يستاهل على هل تربية السكط.

لارا: خالو معلي والله.

هاجر: رغم تهديده الك جيت وحجيتلي كل شي. جنت تكدر تسكت وما تحجي. الله ينطيك كل شي تريده ويوفقك. وإذا تريد أحجي ويا إيلا عليك، تدلل.

تيم: أي عفيه. وأكون ممنون منچ.

هاجر: تدلل وربي. إنت طلعت كلش خوش ولد.

تيم: أي عيني، كله بالكلش. ليش إشبيها الـ كلش؟ هههه.

هاجر: يمعود، صديقتي تحجي نفس أهل البصرة، وتتعلم منها. ولا تنسى خوالي بغداد.

تيم: خوش.

خطبت عمتي شافتنه نضحك، كالت:

أميرة: الحمد لله حبيبتي، صغتي تضحكين. الف الحمد لله. يولي، مروة، تعالي أغشع.

تيم: أي يمه، غير من ورايه. لعد شعبال؟

أميرة: الف مرة كلتلك لا تحجي عربي، أحجي مصلاوي.

تيم: يمه، ما أحب لهجتكم. أريد أحجي نفس هاجر. شو محد يكوللها لا تحجين؟ لو للناس ونا.

أميرة: انفجعت. أي والله، أش هل لسان. أنا أقول الكم، كلتكم ما، بس إنت كوي (حتى) لهاجر هم أقل.

هاجر: دحقي عمي، أنا أحكي نفسكم، بس تيم أبد ولا حرف مصلاوي ما يحجي. معف أمين متعلم.

تيم: الله يسود وجهج. إنتي تحجين مصلاوي؟ خرب حظي ونعل أبو حظي.

أميرة: دكفي، تلطم، عبالك أغملي (أرملة).

تيم: أي، المهم، ليش جيتي هوني (هنا)؟

أميرة: عمه بعينك. إنت أش عليك؟ بنت أخوي جيتو عليه.

تيم: معرف، أحس ما أصدك.

أميرة: انفجعت. كوم دنغوح على بيتنا نحضر للخطوبة مال أخوك، يوم الكه.

هاجر: أي عمه، أمين. وأني راح أجي.

أميرة: خوش. هسه أشون تغشعين نفسچ؟

هاجر: أحسن بكثير.

أميرة: خوش. ديلا، قومو.

«هاجر»

راحو، وبقيت وحدي. قررت أطلع كتبي وأدرس، علمود أكسر عيونهم، وأحاول أبين إنه عادي وما بيه شي. وأكول لماما عن كل شي، وأكللها تكول. المهم، صارت زينة، بس نو هسه. وتكول نخليها عد واحد يعرف بعل سوالف وعالجها.

وبالفعل، حاجيت ماما عن كل شي، وحتى عن الي كاله تيم الي. وكتلها شتكللهم، حتى على أساس بيه جني عاشق. وربي، كل ما أذكر من كالولهم جني عاشق، أموت ضحك.

مروة: وليش هشكل عملوها؟

هاجر: معرف والله. بس كتولچ، والي كتولچ علي، سوي. حبابه، حتى الكل يتأكد بيه جني عاشق. هههه.

مروة: اسم الله. وهذولا الحقيرات، الله راح يطلعها بيهم فد يوم.

هاجر: كلش واثقة إنه تطلع بيهم.

مروة: الي أريده منچ، تصلين وتصيرين أحسن. يمكن هل شي أحسن الج. أريدج ماتكطعين ولا صلاة، خوش؟

هاجر: خوش، إن شاء الله. ما أكطع أبد. كولي لبابا نروح نشتري ملابس علمود الخطوبة، وإلا أطلع أحلى منهم، بسيط.

مروة: اليوم أحجي ويا، وباجر نروح. وإنتي دارسي، وباجر روحي على المدرسة، صارلچ فترة ماداومتي، مو كافي هاي شهرين، وإنتي بهل حاله. وعدلي الي وكعتي بيهم، أربع مواد، مو هينة.

هاجر: خوش. بس ما أعرف إيمتى الخطوبة.

مروة: الجمعة. أميرة كالت.

طلعت ماما، وبقيت أفكر شنو أسوي، وبعدها ختنكت. والله ما أستاهل الي صار. ليش أذوني؟ بعمري ما أذيتهم. ودائماً كلامي وياهم حلو. جنت أعتبرها أختي، وكل شي أحجيلها، وهي كل شي تحجيلي. وصرت أذكر من أجيب سيرة إلياس تضوج، وتكول غيري الموضوع. طلعت تحبه، وما تريد أحجي بي كدامها. صارت دموعي تنزل، أحاول اسكت، ماكو. هو كلامه طلع كله جذب. كل حجيه وغزله بيه طلع جذب. كل كلمة أحبج، طلعت من حلكه جانت جذبة. الي أريد أعرفه، ليش؟ شنو استفادو من كسروني؟ ليش حطموني؟

ما ألكي جواب لكل سؤال يجي بالي. وما أريد أسألهم أو أحجي شي. معاد عندي طاقة لشي. معرف شلون حروح للخطبة وعادي؟ ما أكدر أشوفهم البعض. الله يشوفني بيهم يوم. وحسبيه الله ونعم الوكيل عليهم. الله لا يوفقهم، الله لا يهنيهم. عسة إنشاء الله ما يتهنون بحياتهم.

نمت، وما أدري بروحي. كعدت، الجو مو كلش برد. جان نهاية شهر الثاني. يوم الجمعة يصادف 3/3. واليوم ثلاثاء 2/31. جان مطر خفيف، والجو حلو. قررت ما أهتم، أو أحاول ما أهتم. قررت أنتبه لدراستي، ولاهلي، والنفسي. وجهي صار بي حبوب، وجسمي على أثر أزرك من النفسه الزبالة.

بدلت ونزلت أكل. جانت ماما كاعدة تسوي أكل الي، ول بابا، ولخواني حسن وحسين، لأن عدهم مدرسة. واثنينهم أصغر مني. حسن جان ثاني متوسط، وحسين جان خامس ابتدائي.

ملتمين على السفرة، وجاي ناكل. طب جدو، وكعد ياكل، وكال:

الجدو: هجورة، أشون صرتي؟

هاجر: أحسن جدو.

الجدو: أمكي كالت تعتاخذكي على شيخ. هذا الشيخ خوش، لو لا؟

هاجر: معرف. بس أشوف نفسي أحسن من قبل.

الجدو: خوش، الحمد لله. تغوحين معاهم الجمعة، ما بله؟

هاجر: أي، أغير جو.

الجدو: خوش، بنيتي. غاح تغوحين على دوامچ. ارفعي راسي، إنتي الوحيدة الي تدرسين.

هاجر: إن شاء الله جدو. يلا أكوم أجيب الجنطة وأجي، إنتظر أبو الخط.

قمت، جبت الجنطة، وطلعت. لبست الحذاء بره، لأن ماما ما تقبل أحد يفوت بل حذاء ويمشي على المحفورة (زولية). صعدت بل باص، وجان كبير وبي بنات كثير. رحت يم سارة وريماس، لأن ياخذهن قبلي، وبعدين ياخذ رزان بفرع الأوراني.

هاجر: هلووو، شونچن؟

سارة: بويه، فرحنا! شبيج؟

هاجر: تجي رزان ونحجي.

ريماس: حبابة، أحجي. ما أقدر أنتظرها.

هاجر: بدون فضول، تجي رزان وأحجي. أصلاً السالفة طويلة، بين ما نوصل المدرسة أكملها.

رزان: ها ولجن، شون الصحة؟

هاجر: زينين.

سارة: إنتي شونج؟ صدك أكلجن.

ريماس: لو أبوچ يسمعچ تحجين هيج، جان ينعل والدي.

سارة: إنتن تعرفن إني وهاجر أهلنا معقدين، ولازم نحجي نفسهم. معرف ليش؟ عود لا تغيرين لهجتج. ومن أروح للبيت، أضل أحجي مصلاوي. كلو بل غاء.

ريماس: صدك. شون كل المواصلة عدهم لدغة بل راء.

هاجر: الثولة، لا. بس هما بمكان الراء يحطون غاء. وبعد اكو تغييرات شوية.

ريماس: مو أكول.

سارة: أكلي خره. هاجر، أحجي شكو شصاير؟

حجيت الهن كل شي، وكل شي كاله تيم، وكل شي كالت ماما. ووصلنا المدرسة، وجانو ينزلون الطالبات. بقينه بل أخير. عمو المله كال: يلا نزلن. المله، أبو الخط، بس منعرف اسمه، ونكول المله إحنا، وكل الطالبات الي ويانه بل خط، لأن باص اسمه ريم، وكلش جبير.

سارة: شكد حقيرات. ولا توقعت هيج يسون.

ريماس: خلي يولن. بعدين هو شلون وافقها؟

هاجر: شعرفني؟ أصلاً ماريد أعرف. طبهم نعل.

رزان: عفيه عليج. كلمن وحدة.

هاجر: أي، وخطوبتهم يوم الجمعة.

رزان: أني لو منج، أروح وألبس أحلى لبس، وأحط مكياج فول، عبالك إني العروس، وأضل أهز وأذب لحم، وأقهرهم.

هاجر: هو هيج راح أسوي.

الجرس، لازم نفوت للصف.

ريماس: اشتهيت شي مرة، نجي فد نص ساعة، ويدك الجرس.

سارة: إحنه نجي متأخرين.

فتنه للصف، كعدنا ندرس. وجان اكو امتحان اللغة العربية، وما جنت دارسة شي. ف كتلها:

هاجر: ست، إني صارلي فترة ما مداومة. عندي ظروف، والمدرسات يعرفون بهذا الشي. وشكو امتحانات أتأجلت الي. واليوم معرف، عدنا امتحان. أجلي الي.

ست أفراح: أبد، تمتحنين حالچ حال الطالبات الباقي. مو فوك راسچ ريشة.

هاجر: استغفر الله. زين، ست، عادي أروح على ست أسماء، ثواني وأجي، بين ما أجي إنتي توزعين الأسئلة.

ست أفراح: ممنوع الطلعة بره الصف أثناء الدرس، بس بل فرصة.

هاجر: ست، اعتبري عمل خيري، حبابة. والله ما أتأخر. حبابة، الله يوفقچ.

سارة: ست، الخاطري خلي تروح. حبابة، مو تحبيني.

ست أفراح: روحي، بس بسرعة.

ست أفراح كلش تحب سارة، بحيث إذا نحل على السبورة، تكوم هيا تكتب، والبنات يحلن. وإذا عدنا مطالعه، هيا تقره كل شي. هيا بشكل تحب سارة، وسارة هيا كلش محبوبة واجتماعية.

رحت على ست أسماء، دكيت الباب وفتت. جانت يم المديرة يحجون. سمعت كم كلمة منهم: أي، خوش، لعد أبلغ البنات اليوم، والأحد نطلع. ما فهمت ولا شي. كلتلها:

هاجر: ست أفراح تريد تمتحنه، وإني معرف، عدنا امتحان. وست إنتي تعرفين وضعي، ما جان زين.

ست أسماء: أعرف بنتي. بس ليش ماتقبل تأجلوها؟

هاجر: معرف. ست، حبابة، خلي تعيدو بلا شي. إني طلعت بي، وأريد أعدلها. وكله بسبب وضعي قبل.

ست أسماء: تحسنتي؟ أمكي أخذتكي على الشيخ الي كالتله علينه؟

هاجر: أي والله ست. ويكول نفس الشيخ الي كاله القبله.

ست أسماء: يعني بيچ جني عاشق، وهو ما يرضى يعوفچ؟

هاجر: هشكل كال. معرف بعد. المهم، تعالي قليلة، حبابة.

حجت ست أسماء، وحجت ويا ست أفراح. وافقت. وأكو جان طالبتين من غير صف، هم ماجلات. وكالت ست أسماء: الجدول مال مواجلات، نعطيكم هو بعدين. وفعلاً، وكفت يم الباب، وصرت أراقب وياها. لن ست أسماء كالتلي:

يدك الجرس، جمعنه الورق، وطلعت ست أفراح. ورحت على البنات. جان عدنا فنيه. بعدني ما حاچيه كلمة، وجان تفوت ست أمل. شكد مكروهة.

ست أمل: السلام عليكم.

الطالبات: عليكم السلام.

ست أمل: جبتو الي كتلجن علي؟

الطالبات: أي ست.

دحكت على سارة وكتلها شنو؟ كالت:

سارة: نباتات ونزرعها بل حديقة.

هاجر: حبيبي، والله شغلة جديدة. أيع، شكد مستفزة. هسه إحنه فاضيين لهل سوالف؟

سارة: ماتكدر تشوفنا مرتاحات. لازم طلع شغل. يوم الي ما جيتي، جانت تصبغ التايرات مال سيارة، عود زينة. خره بهيج زينة زربة.

ست أمل: هاجر وسارة، شبيجن؟ بس طبيت لهسه تحجن؟ ماسكتن أبد. وهاجر، وين جنتي هاي الفترة؟ راحت عليچ هواي أشياء.

هاجر: ست، جان عندي ظروف.

قدرت للبنات، كتلهم: أوف، هسه تحجي بغدادي براسنه، وإحنه لازم نسمع. عود هيا من بغداد وكذا.

ست أمل: شنو وكذا؟ وليش تعيطين؟ شعدنه؟

هاجر: لا ست، مو يمج.

ست أمل: لا تقاطعينه، خليني أكمل. أي، هسه الي جابو زرع، يكومون يوكفون، خوش؟ نطوني أسماء.

ماكو بنات يجيبن الزرع، يعني يشترون. والي متريد تشتري، تزرع. بس على الي تشتري، درجات أكثر. وهاي غير الرسم الي نرسم منها، إذا تطلب، وحسب طلبها نرسم. ومرة كالت: ارسمن سوق. وإني أحب الرسم، ورسمي حلو. اخذت أعلى درجة. بس بعدها صار الي صار.

ست أمل: وهسه الي يريدون يزرعون، يوكفون وينطوني أسمائهن.

ست أمل: والباقي شنو؟ جايين خطار، لو شنو؟ أشو محد يرد؟ شبيجن؟

بقن ينطن أعذار. إني مريضة. واني عندي حساسية من الورد. والثانية تكول: إني ما عندي إمكانية. واجت عليه.

ست أمل: وإنتي ست هاجر، إيمتى تساعدينه؟ لازم أنطيچ درجات، وإنتي ماسويتي شي. شلون أنطيچ، فهميني؟

هاجر: ست، جنت بظروف متسمحلي أسوي أي شي، ولا حتى أجي للمدرسة.

ست أمل: أي، وهاي غير جيتچ للمدرسة، ليش ماتجين؟

هاجر: ظروف.

ست أمل: شنو ظروفچ الي تمنعچ متجين؟ أسبوعين، مدري أكثر.

حبيت أخوفها، وألعب عليها شوية، ويمكن أكدر أتجنب كل الشغلات الي تكللنا نسويها. كتلها:

هاجر: بيه جن عاشق.

أباوع الصدمة على عيون كل البنات. سارة وريماس ورزان يضحكن من جوه الجوه. وحتى ست أمل حسيتها نصدمت. أريد بس أضحك. متت.

ست أمل: شهل حجي؟ وين اكو هيج كلاوات؟

هاجر: ست، هذا الي صار. وإذا ما تصدقين، سئلي البنات، يعرفن. واجن عليه كم مرة ويا أمهاتهم.

سارة: أي ست، لو تشوفيها تحجي، وهاي. وثاري مو هيا التحجي، هذا الجني العاشق. وكال الشيخ، إنو الجني العاشق يمنع إنها تقبل تزوج أي شخص. واجاها هواي، بس خطيه ترفض، وهيا ما تعرف، وتنجبر. ست، الله لا يشوفچ، هيا تكطع الكل.

رزان: ست، جانت تكعد بليل خايفة، وتكول أحد يحجي وياي، أو أحد يكعدني، وتسمع أصوات حجي بل بيت.

ضلن يحجن البنات، بحيث حتى إني صدكت. وحجي يموت خوف. شوية لو مكملات، جان اقتنعت إنه بيه جني عاشق. بس استفاديت هواي بهذا الموضوع. صارت ماتطلب مني شي، وتحط درجات من يمها. والبنات يعاملوني كلش زين. وكل كم يوم وحدة تسأل عليه. وصرت مشهورة بل مدرسة، وكلها تحبني.

مدري بس حساس حلو. من تمشي، وكلها تسلم عليچ، عبالك مشهورة، أو شي.

خلصت الفرصة، ورجعنا للصف. واجت ست زهراء وياها ست أسماء، والمديرة. كلت: يا ستار، شصاير؟ وكل البنات خايفات، عبالنا مسوين شي.

ست أسماء: بنات، عدنا سفرة مدرسية. وراح نروح مجمع السدير، يوم الأحد. وغدا، وبعد غدا، ناخذ الموافقات مال أولياء الأمور.

طلعت ست أسماء وياها المديرة. واني فريت للبنات، ونحجي على السفرة. وما حبينه نكول شنو نجيب، علمود نكول لاهلنا، خاف يرفضون، وننغث. ف نكللهم. وبعدين رجعت للبيت. جانت عمه أميرة، وعمه مريم، وإلياس، وتيم، ولارا، ويارا، وإيلا، وإليف، وعمر.

جنت أضحك، ماشفتهم بل بداية، لأن جانن بل صالة، وإني بل كراج. أنزع حذائي، وأحجي ويا ماما، وفرحانة، وكتلها: ماما، الأحد عدنا سفرة على مجمع السدير، وأريد أروح، حبابة. ومن يرجع بابا، أكله، ونروح.

مروة: أي، روحي عادي.

فتت للمطبخ، بست ماما من خدودها، ومن إيدها، وراسها. وفتت للصالة، وانصدم بشوفتهم. عيوني اجت على إلياس. حاولت أكابر، وما أضعف، وسويت نفسي عادي. سلمت على عماتي، والبنات. وسلمت على الولد، وباركت لـ إلياس، وكتلهم: أبـدل وأجي.

فتت للغرفة، وفوراً نزلت دموعي. ما كدرت أسيطر عليهن. مو بيدي. كسروني، ما أنساها أبد. مسحت دموعي، وبدلت، وحطيت عطر، وشوية مرطب مال شفة، وكبست رموشي، ونزلت، لأن أريد يتندم، لأن ضيعني. وأريد أسوي مشاكل بينهم، بدون ما أدخل.

حطيتهم بالي. بعد منو يخلصهم مني؟

نزلت، وكلهم كاعدين. وهو ضل يدحك علي، وشال مال بست، لأن هو كال: البسي. إذا هو مو موجود، على شنو أسمع كلامه؟ صار يزيرني (يخزرني). كعدت وياهم. وماما كملت الأكل، وكالت: مدي السفرة.

خليت السفرة، وبديت أنقل بل مواعين الي بيها مخضر، وأكل. وساعدني البنات، اله يارا، ما قامت أبد، ضلت كاعدة. لتمينه على السفرة، وبدينا ناكل.

عمة مريم كالت:

مريم: وين راح تروحون سفرة؟

هاجر: على مجمع السدير، الي بيها ألعاب.

مريم: إنتو صغار، حتى تروحون مدينة ألعاب؟

هاجر: لا عمة، بس نتونس ونلعب. هم بيها ألعاب مال كبار، وكثير طيبة. بابا يودينه دائما هناك.

مريم: بس إشون تروحون أبدكم؟

هاجر: معانا المعلمات، ما أبدكم.

مريم: خوش، أتوني. وإذا أبوچ ما قبل، قليلو الجدو، حتى يقبل تروحين.

هاجر: أي، هو هيج. بس ما أعتقد بابا يرفضلي طلب.

مريم: هسه إيمتى تعوفين الحكي مال أمچ؟ اتعلمي الحكي مالنا.

هاجر: عمه، ما أعرف أحجي نفسكم، بس كم كلمة. هههه.

مريم: ههههه.

ضلينه سوالف وضحك، والكل يحجي، عدا إلياس، الي ياكل بصمت، وحتى مارفع راسو. حاولت ما أهتم إله، ولا أدحك بوجهه.

كالت عمتي:

أميرة: هاجر، ليش ماتجين معانا، من دنغوح نشتري بدلات للبنات؟ الكل غاح يشتري، بس إنتي لا.

هاجر: على أساس أروح إني وماما اليوم. بس مارهم.

أميرة: ها، لأن جينة، مارهم؟

هاجر: لا، عمه. هذا بيت أبوچ، إيمتى ما تريدين تدفرين الباب وتفوتين. محد يحجي.

أميرة: بعد قلبي. أشعجب ما تعوّحين بيت جدچ؟

هاجر: معرف. ماما كل ماتروح تصادف إنتو تنجمعون، وأجي ماعاكم، وما أروح مع ماما. بس حسين يروح.

أميرة: إمكي هم معف، ليش؟ ترهما معانا.

مروة: والله يا أميرة، تصير صدفه.

كملنا أكل، وشلنا المواعين. واني عزلت، وإيلا وإليف يغسلن مواعين، ولارا تسوي جاي، وتحضر الستكانات. طبت يارا، وكالت:

يارا: إشعجب صغتي مليحة (زينة)؟ لو تعودتي إنو تخسرين دائما؟

هاجر: لا أبد. بس تعلمت إنو محد يستاهل أزعل عليه. ولعلمچ، اكو ناس ماتستحي. سوتلي سحر، وهيچ إجاني جن عاشق. مو علمود أخوج صار هيچ بيه، لأن كله على بعضه مشايفتها.

جاني صوت إلياس:

إلياس: يعني تقنعيني، مو بسببي؟

هاجر: Soory. ليش، منو إنت حتى أزعل عليچ؟

إلياس: يعني مجنتي تحبيني؟

هاجر: لا. ليش الجذب؟ جنت أحبك، بس من خطبت أسيل، شلتك من كلبي، لأن متستاهل. لا إنت ولا هيا، متستاهلون أهتم بيكم، وأكسر نفسي عليچ.

إلياس.

إلياس: ما اقتنعت أبد.

هاجر: عمرك ما تقتنع، شسويلك؟ بس الحمد لله خلصت من جذبكم، منافقين. وبعدين سؤال بربك، شتحس من بالك بعدني أحبك وميتة عليك؟ طلعها من بالك حبيبي.

إلياس: راح أطلعها من بالي، بس نشوف. وأنا أعرف كلامك جذب.

هاجر: ما أحب أعيد كلامي، بس راح أعيده علمود تسمعه وتحطه حلقة بذنك. عمرك ما تصدق، خوش.

عفته وصرت أكمل شغلي وأعطيهم المواعين الوسخة وهو يحجي وما اهتم.

إجى تيم وكال:

تيم: سلامن عليكم.

الكل: وعليكم السلام.

تقرب تيم مني حيل وشاورني وكال: كلتي لإيلا؟

هزيت راسي بلا، وهو فهم.

ابتعد وكال إلياس:

إلياس: ما شاء الله صرتوا مقربين حيل، شالقصة؟

هاجر: وأنت ليش مضغوط؟ لو بعدك تغار علي؟ أوف نسيت، حتى غيرتك جانت جذبيه. غدرني.

عافنا وراح، ما حجه شي. ويارا راحت وراه، وبقيت وحدنا نحجي ونشتغل. كملنا وراحوا البنات. وقبل ما يروحون كلت لإيلا: تعالي ثواني.

إجت وبقينا أنا وياها بالمطبخ وحدنا. كتلها:

هاجر: شوفي، مراح ألف وأدور، راح أجيبها من الأخير. الج ترا تيم يحبج.

صفنت وما حجيت شي أبد، عبالك مثل الي انصدمت.

صارت تتمتم بالكلام، من عيونها عرفت تحبه.

قاطعتها وكتلها:

هاجر: إذا تحبي كولي أي، وإذا...

قاطعتني:

إيلا: أحبه من زمان، بس ما كنت أعرف يحبني، يعني أكيد يحبني.

هاجر: أي والله، هو البارحة كال لي. هسه راح أروح، أكلي تحبك. أو أكلج، صعدي فوك وأنا هسه أخلي يجي وراج، وأنتي كليليه. مراح أحجي شي.

هزت راسها وصعدت فوك. رحت يم تيم وكتله:

هاجر: تيم تعال وياي، بس نطلع هذول الصحون فوك.

ما كال شي واجه وياي. حطيت بيده صحونه وكتله:

هاجر: حاجيت إيلا وماردت، بس أحسها متحبك. معرف، نظرتها ما تكول هيج. وهسه هي فوك راح تحجي وياك وتفهمك، ليش تصعد وتحجي وياها.

تيم: ماريد أفهم شي. إذا ماتريدني، مو لازم أروح إلها.

هاجر: روح، خلي تبرر، على الأقل اسمعها. ما يصير ترا أزعل منك.

تيم: خوش.

تيم:

صعدت فوك، شفتها كاعدة على الكرسي. من شافتني وكفت وابتسمت. انصدمت، ليش تبتسم وهي ماتريدني؟ كتلها:

تيم: إيلا احجي، أسمعج.

إيلا: هاجر كالت لي إنو أنت تحبني، هذا الحكي صحيح أو لا؟

تيم: أي، بس شنو الفايدة وأنتي ماتحبيني؟

إيلا: منو كلك أصلاً أنا أحبك؟ وهاجر كالت إنو أنا أقولها الك.

تيم: أوكفي، بس استوعب. يعني هاجر تعرف أنتي تحبيني؟ يعني كتلتي لها إنو أنتي تحبيني لو لا؟

إيلا: أي، كتلها أحبه، وكالت أنت قليلة. وقلت لي طلعي فوق وأصيحو يجي.

تيم: يعني ضحكت علي.

إيلا: ليش ضحكت عليك؟ ما فهمتو.

تيم: هي كالت لي ماتحبك وراح تفهمك ليش ماتحبك.

إيلا: هههههه، لا أحبك والله.

تيم: يا عمري أنتي.

هاجر:

نزل تيم ويضحك. عمه كالت له:

أميرة: ليش تضحك؟ أشكو؟

تيم: ها، ماكو شي. بس إيلا فوك وكعت وضحكت عليها.

أميرة: أشقد غبي، هاي بمكان ما تساعده.

مريم: إيلا بيها شي؟

تيم: لا خالة، مابيها شي.

نزلت إيلا واجت عمه تسأل شلون وكعت وتأذت أو لا. وهو يأشر إلها بمعنى مابيه شي. ضلينه نسولف وصار العصر. عمه كالت:

أميرة: يلا كوموا بدلو حتى نغوح ع السوق نشتري البدلات.

البنات كلها كامت، بس أنا كاعدة لأن ماريد أروح.

أميرة: يلا هاجر، بعدكِ قاعدة؟

هاجر: عمه ماريد أروح، أنا وماما نروح بعدين، لأن ماريد أحد يشوف لبسي، عود بل خطوبة أشوفكم. هو مفاجأة يعني.

راحوا وطلعت أدرس. راسلت البنات على الكروب علمود الحل مال الأيام الي غبت بيها. إحنا مسوين كروب وبي أنا وسارة ورزان وريماس. حجيت شوية وصار العشاء. إجت ماما كالت:

مروة: هاجر صليتي؟

هاجر: أي ماما.

مروة: خوش، تعالي كلي عجل.

نزلت وجانو ملتمين، بابا وحسن وحسين وجدو وماما وأنا. كعدنا ناكل. جدو كال:

جدو: هجورة، أشونك اليوم؟ أشون تشوفين نفسج؟

هاجر: الحمد لله زينة.

صاح بيه وكال:

جدو: أشنو زينة؟ قولي مليحة. ما غيد أحد يحجي بغيغ لهجتي. مروة، لا تظلين تعلمين ولادكِ على حجي أهلكِ. هذا الشي أنا ما يناسبني، مفهوم؟

مروة: مفهوم.

هاجر: جدو، ماما ماهي اللي تعلمنه، نحنا نتعلم منها. وأنا معرف أحجي مصلاوي، وصديقاتي مو مصلاويات، فتعلمت أحجي مثلهن.

جدو: أشنو مثلهن؟ أحكي نفسنا. من أنا موجود، ما غيد أحد يحجي بغيغ المصلاوي. أما الكنين (الجناين) ما علية بيهم، مفهوم. الحجي للكل.

محد حجه، لأن جدو كل ما يشوف أحد يحجي غير لهجتنا يصيح عليهم. وهل حال ماشي على الكل، سواء بنات أو أولاد. وحتى أولاده وبناته. رغم عمه أميرة ما متزوجة مصلاوي، بس تحجي مصلاوي وياهم. أما أولادها ما يحجون مصلاوي، بس كدام جدو لازم الكل يحجي مصلاوي، حتى هما. وهل شي جان يضوج. يعني إحنا بكيفنا، ماكو هيج حجي. كل شي بكيف جدو، محد يحق له يحجي شي. وإذا بناتهم أو أولادهم يريدون يتزوجون وجدي ما يريد، خلاص. يعني ماكو، وهل زواج ما يصير، حتى لو الكل راضي، بس جدي ما راضي ينلغي. والكل يكره هل شي، لأن هو حيل متسلط علينا، والكل يسمع، والي ما يسمع ياويله. والكل يخاف منه. يعني باختصار، هو يأمر ونحنا ننفذ. وحتى خطبة إلياس وأسيل لو هو مجان قابل، جان كل شي ما صار، بس هو قبل.

كملنا أكل وكاموا. وبقيت أنا وماما. قبل ما جنت أساعدها، بس هسه كل شي أختلف. صرت أساعدها بشغل البيت، لأن هيا تعبت من شغل البيت. وغير هيج، جدو ما يحبها، لا هيا ولا مرت عمي أحمد، لأن بنات عم وما من عائلته، ولأن ما يحجون نفسو. دائماً يحجي عليهم ويصيح عليهم، ومحد يكدر يعترض، لا بابا ولا عمو تامر. بس مرت عمو ثامر، جنات أفندي، محد يحجي وياها، لأن بنت أخوه وتحجي مصلاوي. وأنا حيل أكرهها. وهسه حتى بناتها هم أكرههم. ما عندهم ولد، بس بنات.

كملنا المطبخ ورحت أكمل درس حتى أنام من وقت. وما كدرت أكمل، لأن متراكمة علي. صار تقريباً أسبوعين أو ثلاثة أسابيع. ف لازم أدرس أكثر وأكتب الواجبات كلها. وماما ما تريد أساعدها، بس كلبي ما يطيني. حسن يروح ويا بابا بأيام العطلة، لأن جدو هيج يريد. بس حسين صغير. ومو بس هو، حتى يوسف ويونس أولاد عمي تامر يجون. لأن يونس كبير، بس يوسف بعمر حسن، عمرهم 16. أما يونس عمرو 20. وهم رغم عمره ياكل رزالة بسبب حجيهم ولأن يكره أمه. وحتى حسن وحسين، لأن يكره أمي. ومرات أنا ورسل هم نترزل بدون سبب.

نمت وكعدتني ماما. غسلت وفرشت أسناني ونزلت أكل. جانو كاعدين كلهم. بابا جان دكتور، ف يكعد يروح المستشفى. بس ماما ربة منزل، تضل بالبيت. ونسوان عمامي هم. عمي تامر محامي، وعمي ثامر مهندس. وجدي نكدر نكول واصل وعنده محلات يشتغل بيها.

كملت ورحت جبت الجنطة. ونفس كل يوم، جدو يكول:

جدو: انتبهوا لدراستكم، والي يرسب يبطل، فهمتوا.

كل يوم نفس الحجي. البنات جان يبطلهن لأن يرسبن، والولد هم. بس تيم جان ما يرسب، حيل شاطر. أكبر مني سنتين، بس جان متأخر، ف هو هسه سادس.

طلعت بره، البس الحذاء وسمعت صوت الخط. بسرعة شديت القيطان وطلعت.

صعدت على الباص، وجانو البنات بالأخير. رحت يمهم وسولفنا شوية. وإجت رزان بصوت عالي:

رزان: بناتتتتتتتت!

سارة: وسم، شكو؟

ريماس: ونعل، شكو؟

هاجر: وقزلقرط، شكو؟

رزان: شكراً وعفواً.

ريماس: احجي شكو.

رزان: أسبوع الجاي يجون بيت عمتي عدنا.

هاجر: أي، وليش هيج فرحانة؟

رزان: علمود يخطبوني.

هاجر: جذب، كولي والله.

رزان: والله، وأخيراً راح أزوج الكراش.

هاجر: بالخير.

ريماس: مبروك.

سارة: مبروك حبيبتي.

بقينه نسولف. وصلنا المدرسة ونزلنا من الخط. شوية نمشي وبعدين نوصل المدرسة، لأن مسافة شوية. وأبو الخط ما يكدر يفوت بالفرع، يبقه ينتظرنه، لأن الباص جبير والفرع حيل صغير وبي سيارات. يكفون هم اشتراكات علمود البنات. كتلهم:

هاجر: صدك كلتن لأهلجن على السفره؟

رزان: أي، وقبلوا.

ريماس: قبلوا.

سارة: لعد شبي حظي؟ بس أنا ما قبلوا.

هاجر: تشاقين؟ ما؟

سارة: لا، ماكو شقة بهيج موضوع. تجين تكولين لأمي؟

هاجر: أي، عادي. أجي وحتى لأبوك هم أكول.

سارة: كولي والله.

هاجر: والله.

سارة: لعد لا تتعبين نفسج. مو لازم.

هاجر: أشون مو لازم؟

سارة: لأن عد أضحك عليكم. أهلي قبلوا.

هاجر: الله يسود وجهك.

ريماس: حيوانة، ما يفيد.

رزان: وكعتي كلبي، بومة.

هاجر: أريد تعلموني مكان يبيعون فساتين أو يأجرون.

رزان: ليش؟

هاجر: الجمعة خطوبت العارات، وحابة أطلع غير شكل.

سارة: اكو مكان بالمثنى يموت. اليوم أرجع وأدزلج هو. كلش حلو. وإذا تريدين مكياج مرت حمودي تسوي كلش حلو. شيطانه بالمكياج، ومكياجها ماركة. خطية حمودي راح يبيع لباسه علمود يشتري مكياج إلها. ههههه.

هاجر: هههه، خرب يومك. بس خطية أخوج.

رزان: أي، عود خلي يتندم عليج. وخلي تفيده الك****. شكد حقيرة.

هاجر: بسيطة، أنا أعلمهم. إذا ما أخليهم يتكاونون بسببي وأخليهم ينفصلون، وأنا أتمشى عليهم. فلم ولا أروع.

سارة: حبيتج. طبي بزودك.

وصلنا المدرسة ودخلنا الصف. ذبينه الجنط وظلينه بالصف. جانت باردة ودك الجرس وفاتت ست زهراء. وبقينه درس وراء درس. ملل ياخي، متعبة المدرسات. حددوا وقت للمواجهات بعد يومين، ولازم أدرس وأعدل المواد الأربعة. وبل فعل، بديت أدرس وأشد حيلي.

صار يوم الجمعة.

كعدت الصبح ضايجة ومالي خلك. ما عاد بيه حيل أبين طبيعية. تعبت من هذا الهم. أريد أطلعهم من بالي، بس ما كدر. كرهي يزيد وحقدي يزيد، بس بنفس الوقت كلبي مكسور. ليش يعوفني؟ معقولة هنت علي؟ كل كلامه جان جذب؟ ليش هيج؟ ما أدري.

إجت ماما شافتني أفكر وكالت:

مروة: أشكو؟ أشبيج؟ ليش ضايجة؟

هاجر: معرف، مخنوكة حيل.

مروة: كومي كلي، وروحي على بيت أم حمودي علمود نورس تحطلج مكياج. لأن عزمونه على الغدة بيت عمج ثامر. وديري بالج تهتمين. أريدج قوية. وثقي، هو ما يستاهلج وما يستاهل دموعج. لا تخليني أنقهر وأسوي مشكلة.

هاجر: لا تخافين، مابيه شي.

طلعت ماما وطلعت وراها. أكلت ورحت لبيت سارة علمود نورس مرت أخوها تحط لي مكياج. هما مو كلش بعيدين. ف إجت ماما وياي، لأن أم سارة صديقة ماما. دكينه الباب وفتحه محمد. جان مبين طالع من البيت.

حمودي: هلا، فوتو. هما جوه ينتظرونكم. خذوا راحتكم، محد موجود.

فتنه واجت سارة وأم سارة ونورس. سلمنا وكعدنا. ضلو يحجون ماما وأم سارة. ونورس راحت مدري وين. شوية واجت بيدها علاكة كالت:

نورس: سارة، جيبي المراية والميز مال الأكل أحط المكياج عليه.

راحت سارة جابت الي كالت عليهم نورس واجت.

نورس: يلا، هجورة تعالي. وإذا ما يعجبج كولي عادي، أمسحه الج.

هاجر: تمام.

بلشت، وبل البداية حطت ماسكات ومقشر مال بشرة، وحطت كريمات. وبعدها بلشت بالمكياج. كملت وشفت المكياج حرفياً روعة. صدك فنانة بالمكياج. كلش جان حلو. ماما حبتو كلش، وأم سارة صلت على محمد. وماما كالت:

مروة: الله يرحم والديج، والله عاشت أيدج. يخبل.

نورس: دللي خاله، أش تحتاجون؟ أنا موجودة.

مروة: ما تقصرين يا بعد كلبي.

هاجر: شكراً الج وعاشت أيدج. والله حلو. صدك من كالت سارة فنانه.

طلعنه، وجانت ساعة 12:35. رجعنه للبيت ولبست ملابس طلعة. وأخذت الفستان الي اشتريته، بنفسجي فاتح وطويل، وبي فتحة من الأكتاف، فد شي حلو كلش.

وصلنا بيت عمي وفتت. جانت أسيل وأسيا بالصالون، وإيلا وإيليف هم بالصالون. بس رسل ما راحت، لأن أمها كالت: لا تروحين، عمه تيماء ما تحب أسيل وأسيا ولا أمهم. وأمي هم ما تحبهم. وعمه تيماء جانت تحذرني منهن، بس ما جنت أسمع كلامها. وأكول عليها تريد تفرقنه، لأن تغار. بس طلعت تريد مصلحتي، وأنا طلعت غلطانة.

فتنه وسلمنا عليهم، وجنات أفندي طايرة من الفرح. إذا ما أخربها فلا أسمي هاجر. إذا ما أخلي العين عليه، وأخلي بنتج حالها حال غيرها. بسيطة، عماتي حبن مكياجي. وعمه أميرة تقرأ آيات. وعمه مريم تصلي على محمد.

حرفياً جنت كلش حلوة. المكياج هو الي حلاني. وصلوا وفاتوا أسيل وأسيا وياهم إيلا وإيليف ولارا ويارا وإلياس وتيم وعمر. تيم أول ما فات، إجه يمي وصار يتغزل بيه.

تيم: خرب عرضج، شهل جمال؟ شنو أنتِ كمر؟ ونبي أحلى من العروس بذاتها.

هاجر: قبانو الي يرفع معنوياتي. خوب أنت شطالع؟ غير شكل، أحلى واحد بينهم، حتى أحلى من أخوك. اللهم صلي على محمد وآل محمد.

وأجر بيها:

عمر: ليش يولي، أنا أش بيه؟

هاجر: وأنت طالع كيكة، بس تيم يقفل ملفكم. أسفه، ما أكدر أجذب.

إلياس: ومن إيمتا تيم أحلى مني؟ أشوف كلها تكول أنا أحلى.

هاجر: أيييع، تقارن نفسك ب تيم؟ وين هو وين أنت؟ هو فوكك، وأنت تحت. هو أخلاق، وأنت بدون.

إلياس: قصدج بدون أخلاق؟

هاجر: قبانو الي يفهم.

أسيل: هاجر، شو أحسج ضايجة وتزيدين كلام.

هاجر: بل عكس، يمكن أنا أكثر وحدة فرحانة، لأن تعرفين الولد خلصوا من وحدة رخيصة، والبنات خلصت من العار.

أسيل: قصدج أنا رخيصة وإلياس عار؟

هاجر: ليش أحبج؟ لأن تلقفيها.

جنات: أشوه، أنتِ ماتستحين؟ أشنو هاي قلت الأدب مالي؟

هاجر: لا عمه، لتحجين على بنتج، مو حلوة كدامنه.

جنات: عد أحكي عليج، ما على بنتي.

هاجر: مو أنتي كلتي ماتستحين وقليلة أدب، لأن بنتج بيها هاي الصفات. عبالي عليها.

تيم: هاجر تقصف ولا تبالي.

جنات: وأنت فرحان، لأن تحكي على أخوك ومرة أخوك؟

تيم: والله عمه، أنا ما عليه. ينجازون.

إجانه صوت جدي:

جدو: ليش تتكاونون؟ أش صاير؟

جنات: عمي، تقبل هاجر تقول على بنتي رخيصة وعلى إلياس عار؟

جدو: هاجر، أشنو هذا الكلام؟

هاجر: جدي حبيبي، هيا استفزتني وظلت تحجي علي. وهاي تيم يشهد، والكل يشهد.

تيم: أي جدو، كلامها صحيح.

جدو: جنات، ما عيب عليج تحجين نص الكلام والباقي لا.

جنات: عمي، والله بنتي ما حجيت شي، بس قلت له ليش ضايجة.

هاجر: عمه، عيب تكذبين، كوي (ترا) أنتِ كبيرة.

جنات: شوف عمي، أشون تحكي معاي. هذا كله تعلم مروة. مروة طلعت عينه وتعلمها هشكل شغلات.

هاجر: أي، لا وصلت حدها. شعليج بأمي؟ ليش مضغوطة منها ودائماً تحجين عليها؟ أمي خط أحمر، فهمتي؟ إذا حجيتي عليها شي بعد، والله أفضحكم، فاهمة؟

جدو: تفضحين منو؟

هاجر: أفضح جنتك وبناتها. ولا تخلوني أحجي، ترا لساني ما أكدر أمسكه. بعدين جوزي من أمي.

إنسدت السالفة، وجنات أفندي بعد ما تكدر تحجي وياي، لأن أفضحها. لازمة عليهم سوالف، بس الله يعلم بيها. بقيت كاعدة على التلفون، ولا قمت سويت شي. ومن عمتي تكلي ساعديهم، أكلها أنا خطار، وما يصير الخطار يشتغلون.

إجت عمه أميرة وكعدت يمي وكالت:

أميرة: ليش كلتي على إلياس عار؟ هسه ابني هيج طلع.

هاجر: عمه، لا تزعلين مني، بس والله اكو فرق من السماء للكاع بين تيم وإلياس. تيم متربي كلش صح. أما إلياس كلش غلط. ما أدري، يمكن ما يعجبج كلامي، بس كلبي شايل عليهم.

أميرة: شنو السبب؟ أنتي وأسيل وأسيا جنتوا دائماً سوة. شنو الي غيركم؟

هاجر: كل الي أكدر أكوله، كسروني وجرحوا مشاعري وهانو كرامتي. وأدفعهم الثمن، لو يبقى آخر يوم بعمري.

هاجر: السالفة إذا أكلج عليها، تيم راح يتأذى من وره السالفة، وأنا ما أريد هذا الشي. وكل الي أكدر أكوله، ابنك الكبير وبنات ثامر صاروا أعدائي.

أميرة: خلاص، ماراح أطول السالفة. إيمتا ما تردين، أنا موجودة وأسمعج.

قامت وراحت تساعدهم. وإجت إيلا يمي. هل فترة أحسها تتقرب مني، هيا ورسل.

إيلا: هجورة، تيم فهمني السالفة. الله يساعدج، شلون هيج كاعدة طبيعي؟ أعرف إنو بداخلج حرب، بس هاي كدامنه علمود ما تخليهم يشمتون بيج، ولا يكسرونج، نفس ما كالوا.

هاجر: لا تخافين، مابيه شي. وكلش طبيعية. وكلشي انتهى يوم الي عافني بي وراح الها.

إيلا: أعرف، ما تثقين بيه، وعبالج إني وياهم. بس والله من زمان أحبج. وجنت ما أتقرب منج بسبب أسيا وأسيل، لأن ما أحبهم، ولا أحب سوالفهم وحجيهم. مدري شلون جنتي تحبيهم.

هاجر: جنت مخدوعة بيهم. المهم، لا تخافين، ما خايفة منج، لأن أعرفج أنتي وتيم وياي. وحتى رسل كالت نفس الحجي الي أنتي كالتيه. ثقي، ما عندي شي وياج ويا رسل، بس أحتاج وقت حتى أتعود عليكم، مثل ما تعودت على تيم.

إيلا: خوش. ومن تحتاجيني، تلكيني يمج.

هاجر: تسلمين.

راحت، وصاروا يجيبون الأكل ويخلونه. جيت كعدت على السفرة وما عليه بيهم. أكلت وكملت. خربت الحمرة، ونورس علمتني شلون أحط نفسها. كملت وغسلت أيدي ورحت كعدت على التخم. وخليت رجل على رجل، عبالك أميرة كاعدة، وهم الخدم.

شالوا السفرة، وكالوا للبنات يروحن يبدلن علمود يبدأوها من وقت ويخلصوها من وقت. جانت الساعة 3:05. قمت للغرفة بدلت وحدي، مجان اكو أحد، لأن انتظرتهم يروحون وبعدين أبدا. وبعدني ألبس الحذاء، وأسمع صوت أغاني.

إختنكت حيل، ودموعي تجمعت بعيني. حاولت أسيطر عليها، بس خانتني ونزلت.

إنفتح الباب وطبت إيلا ورسل. شافوا شكلي وأجو يمي.

رسل: هاجر، أنسي، والله ما يستاهلون.

هاجر: ما أكدر، مو بيدي. ليش محد يحس بيه؟ ليش محد يعرف شنو بداخلي؟ جاي أموت ألف مرة باليوم، وأنا أشوفهم فرحانين على كسري.

رسل: هما هذا الي يريدوه. يريدون يخلونج تخسرين الثقة بنفسج، ويخلونج ضعيفة. لا تسوين الي يريدوه.

هاجر: ما أكدر أمثل، تعبت والله. ليش هيج سووا؟ شنو استفادوا؟ بس أريد أفهم.

إيلا: امسحي دموعج، لا يجي أحد يشوفج، وحرامات يخرب مكياجج، لأن حلو والله.

مسحت دموعي وكمت. رسل عدلت المكياج، لأن شوية خرب بسبب البجي. نزلت جوه، وشافتني عمه أميرة.

أميرة: ليش جنتي تبجين؟

هاجر: ها، لا، مو ما بجيت.

أميرة: لعد ليش عيونج حمر؟

هاجر: لأن، أشسمو...

رسل: خلت كحل، وما عرفت تخلي، وفكست عينها.

أميرة: دكولي هيج، وكفتي كلبي.

هاجر: لا تخافين، ماكو شي.

كعدت على التخم، وخليت رجل على رجل. وبل فعل، اكو كم مرة إجت حاجت أمي. وحدة قرابة عمه أميرة، هم سألت عليه، وتريد تخطبني. هنا كلش فرحت، علمود بس آخذ الأضواء منها، وأخلي إلياس يضوج، لأن عافني وخسر هيج جوهرة مثلي. رحت للمطبخ أشرب مي، وبل مطبخ اكو مكان صغير جنات تحط بي مواد غذائية. جنت واكفة يم الباب مال المخزن وأشرب مي. حسيت أحد سحبني، بس ما عرف منو.

من شفته، انصدمت. كال:

إلياس: صدك الي سمعته؟

هاجر: ليش؟ شنو سمعت؟

إلياس: سمعت مرة عمج خطبتج من أمي.

هاجر: ها، عرفتها. إجت حجت وياي، أصلاً فد حبابة كلش، حبيتها. وبكد ما حمدت بابنها، صار عندي فضول أشوفه، علمود أشوف يستحق هل مدح من أمك ومن أمو.

إلياس: إذا حلو، توافقين؟

هاجر: ليش لا؟ إذا حلو وشخصية، وابن عالم وناس، ويقدرني ويحبني، ف أي، أقبل.

إلياس: منو كالج أنا أقبل؟

هاجر: soory، بس منو أنت حتى تقبل أو لا؟ حبيبي، ومعرف.

إلياس: أي حبيبج، وما أخلي أحد ياخذج.

هاجر: شكد طماع. تريد أسيل، وأنا لا. صدك، نسيت، هاي جذبة علمود أرفض الولد، لأن حباب وزين. أسيل كالت لك، تكلي هيج مو؟

إلياس: أسيل مالها علاقة، وما تدري أصلاً انخطبتي.

هاجر: أي، وأنا شعلية بيكم؟ طبكم مرض.

درت وجهي أريد أروح، ورجع لزم أيدي ودارني علي. شعري صار على وجهي. وخر شعري بيده. نصدمت، هذا شبي؟ بعدت إيده عني، وكالت:

هاجر: إذا تفكر تلمسني بعد، أكسر إيدك، خوش.

إلياس: بكيفي، مو بكيفج.

هاجر: soory.

إلياس: لا تضلين تتفلسفين براسي بل إنكليزي، عبالك بس أنتِ تعرفين تحجين إنكليزي.

هاجر: وأنت شعليك؟ لساني لو لسانك؟ والله خوش، بكل شي حاط خشمك. روح تأمر على خطيبتك مو علي.

إلياس: بكيفي. وإذا عبالج هاي الخطوبة تصير، ف تحلمين.

هاجر: عناد بيك، راح أقبل، خوش.

عفته وطلعت. نرفزني. هو شعلي بيه؟ لو معقول صار يحبني؟ لازم أخلي تيم يتأكد من الموضوع. راح أوافق على الولد، حتى لو جان يلعب النفس. وبعدين أكول، ما تفاهمنه.

رحت على عمه أميرة، وجانت المرة واكفة يمها.

هاجر: عمه، هاي الي خطبتني، شتصير منج؟ أحس اقتنعت بكلامها.

.... صدك اقتنعتي؟

هاجر: هاجر: أسفه عمه، بس ما بالج أنتِ هيا.

.... لا حبيبتي، أنا. تعالي أشوفج صورة ابني، وحتى أتفاهم ويا أمج، ونجي نخطبج إذا اقتنعتي بي.

طلعت صورة، هيا ولد يمها. جان حلو كلش. عزه، شنو هذا الملاك؟ نوب تراسيم وجهه حلوة، مبين هادئ وملامحه هادئة.

ابتسمت، ورحت. عود خجلت، بس جذب. أصلاً أنا مو مال زواج ومسؤولية. بس أريد أتأكد. قمت وصرت أركض، وطلعوا أغنية مال هز خصر. عود كامت أسيا تهز خصر، عشتو، ولا يمها السالفة. أصلاً قمت وكفت يمها، دفعتها بخصري وقربت يمها وكتلها: تعلمي من تاج راسج. وبديت أهز خصري، عبالك رقاصة. وكملت وطلعوا ردح. قمت أهز، بس أركص بهدوء. ما أحب بهمج. وبسرعة، وهي تركص بهمج. نوب كامت أسيل.

هيا أبد ما تعرف تركص. كامت تركص، خزت نفسها وكعدت. فات إلياس علمود يلبسها الحلقة ويطلع. شفتهم يم بعض، وهنا ما كدرت أكتم دموعي. صارت تنزل، واسمح بيها. جنت واكفة بالأخير، وسمعت صوت من ورايه يكول:

.................

انتهى البارت.

عجبكم البارت؟ وشنو تتوقعون يصير؟

رسل: هاجر، نحنا شكلنا مو كلنا، بعد ما تبكين وتقوين نفسج.

هاجر: رسل، ما أكدر، افهمي.

إيلا: ترا والله ما يستاهل كل هذا البجي، عوفيه، هو عافج، لا تظلين تفكرين بيه، ما يستاهلج والله.

هاجر: إيلا، افهميني، ما أكدر أنسى مو بسهولة.

إيلا: ترا صارلج شهرين، مو معقولة هيج تظلين.

هاجر: ما أكدر والله.

رسل: ثولة، خربتي المكياج، تعالي أعدله وأطلعي عادي، ولا تهتمين، والله لو بي خير جان بقى.

عدلت المكياج وطلعنا. جان إلياس مو موجود، والبنات بالنص يرقصن، معناها لبسها الحلقة وطلع. غلّست على كل شي، حاولت ما أهتم، بس جنت حيل ضايجة ومالي خلك لشي، وحتى بقيت قاعدة وما قمت أرقص.

أميرة: هجورة، شبيج؟ ليش أحسج ضايجة وعيونج ليش حمر؟ اكو شي؟

هاجر: مو شسمه، بطني توجعني.

أميرة: ليش توجعج؟ مريضة؟

هاجر: لا عمة، وقتها.

أميرة: كومي رقصي حتى يروح الوجع وتنزل بسرعة.

هاجر: ما أكدر عمة، تريدين أكوم وأرقص بخطوبة أسيل الحيوانة؟

أميرة: لو أفهم ليش تكرهيها؟

هاجر: اسألي تيم، هو يجاوبج، أو لا تعالي أكلج، بس خلي نروح مكان وحدنا.

اجت وياي ورحنا لغرفة عمي ثامر، وحجيتلها كل شي، وحتى الي كاله تيم حجيته، والي إلياس هدد بي تيم هم كتلها لعمة، وكتلها تيم يحب إيلا وهي تحبه، ما خليت شي ما حجيته، وأني أحجي أبجي، متت بجي.

أميرة: معقولة إلياس يطلع منه هيج؟ والله مو مصدقة، وأسيل ما جانت قريبة منج، ليش هيج سوت؟ بس علمود غيرتها؟

هاجر: أي عمة، حتى يارا جانت وياهم، وأسيل تعرف من زمان أحب إلياس، وهي جانت مرتبطة بيه وما كالت إلي، وخلته يسوي هيج من غيرتها مني، عمة ماريد شي، بس ليش يكسروني؟ علمود الكل يدللني ويحبني؟ إذا الكل يحبوني شنو ذنبي أنا؟ ليش كل هالكره والحقد؟ مادري.

أميرة: والله يا عمري ما أعرف اش أكلج، بس إلياس حسابه عندي.

هاجر: لا عمة، أني حجيتلج مو حتى تكولين للياس، أني كتلج لأن ما عاد أتحمل، أخلي بكلبي، رغم إيلا ورسل وياي، وحتى تيم.

أميرة: وأني أقول ليش اليوم هيج حجيتي بصراحة، ضجت منج من حجيتي على ابني، بس هسه يستاهل الي كتلتي.

هاجر: عمة ماريد أحد يدري، لأن إلياس إذا عرف راح يسوي مشكلة لـ تيم.

أميرة: أبداً ما توقعت إلياس هيج يطلع، لعد سبب مرضج وتعبج الي جان قبل فترة منهم؟

هاجر: أي.

أميرة: أمج شلون تكول؟ أخذتها لشيخ وبدأ يعالجها.

هاجر: أي، أني حجيتلها وسوينا هيج حتى لا أحد يعرف.

أميرة: خوش فكرة سويتو.

أسيا: عمه، تعالي يلا يصيحوج، هاي هاجر هينه.

أميرة: منو يصيحني؟

أسيا: إلياس، لأن يريد يفوت يكعد ويا أسيل شوية.

أميرة: أي هسه أجي، خلي النسوان يلبسون حجاب.

أسيا: تمام، بس هاجر شبيج؟ ليش تبجين؟

قبل ما أحجي حجت عمه.

أميرة: اجتها وبطنها تأذيها.

أسيا: تريدين علاج؟

هاجر: والله ولا عرفتج، شو تعالي أخاف حرارتج مرتفعة.

أسيا: شبيج؟ فوك ما تعاطفت وياج.

هاجر: ليش حتى تتعاطفين وياي؟ طلبت منج تعاطف، لو تظلين آخر وحدة ما آخذ منج شي، ولا أدحك بخلقتج الزفرة.

عفتهم وطلعت، ما أريد أحجي وياها. صارت بوجهي جنات.

جنات: وين أميرة؟

حبيت أتعبها وكتلها: هاجر: طلعت فوك لغرفة أسيا، مدري منو يريدها فوك، دوري عليها تلكيها فوك.

صعدت فوك، شوية وطلعت عمتي وأسيا، وعمه راحت. وأسيا كالت لي:

أسيا: شعجب مضايجة من الخطوبة؟

هاجر: soory، ليش حتى أضوج؟

أسيا: علمود عافج إلياس.

هاجر: خطية انتي والله، بعدج بنفس تفكيرج، لج بابا من يوم الي خطبت أختج شلته من بالي، ما يستاهل لا هو ولا أختج أحطهم بالي.

أسيا: طبعاً تخافين.

هاجر: تدرين لو أحطكم بالي أنهيكم كلكم وأفضح كل شي مستور.

أسيا: شقصدج؟

هاجر: تعرفين علي.

شفتها تلبلغت، كملت: هاجر: اوف، شلون سؤال! مو معقولة ما تعرفي؟ بس راح أكلج، علي ابن خالتج ويحبج وتحبي، والبوس مالكم محد يدري بيه، والصور الي بتلفونج مال بوس عندي هيا بتلفوني، واختج من جانت تحجي ويا إلياس سوالف محلو هم يمي، ومصورتكم، عود دزتهن إلي تريد تضوجني، وأني خليتهن، كالت أحتاجهن بعدي.

أسيا: شهل حجي؟ تتبلين علينه.

هاجر: يوك، ومعناها لا، لأن أعرفج متعرفين بل لغات. المهم أشوفج الفيديوهات.

طلعت تلفوني وفتت للستوديو وصرت أقلب بي. طلعت الصور مالها، وجها صار أحمر. وطلعت الفيديو مال أختها، وكالت:

أسيا: شلون أخذتي كل هذول؟ شنو ماتستحين؟

هاجر: حبيبتي دير بالج على نفسج، ترا إذا أحطكم بالي أدمركم كلكم، ف عوفوني بحالي وخلو هاي الجنونة بعقلي، لا أطلعها عليكم، خوش بيبي سيو.

عفتها ورحت، وأدري راح تكول لأختها، بس مراح تكول للياس، لأن بيا وجه تكله. فتت للصالة، وجان إلياس كاعد على الكوشة، هو وأسيل. دحكت عليهم وضحكت. شافوني ونصدمو. وأسيا اجت أخذت أسيل وراحن.

أعرف هسه خايفات مني، أني ماناوية أطلع هذول الصور، لأن بنات وما يصير أفضحهن، ولازم أستر عليهن، مو لأن بنات عمي، لا بس لأن بنات، وهيج أخلص منهم، ويظلن خايفات مني وما يجون يمي.

صاروا يوزعون كيك، أخذت وبديت آكل، واجت أسيل كالت:

أسيل: هاجر، تعالي وياي شوية، أريد نحجي بموضوع.

هاجر: جؤ، متشوفين جاي آكل.

أسيل: هاجر، مو وقت الأكل.

هاجر: أكمل وأجي.

بقيت آكل على مهلي، وكنت حيل متونسة، لأن جاي ألعب بأعصابهم. كملت وكالت تعالي، رحت وياها، وكالت:

أسيل: شنو ناوية تسوين بالصور والفيديوهات؟

هاجر: ما أسوي شي، بس جوزوا مني.

أسيل: نحنا مو يمج والله.

هاجر: يوك يوك حبيبي، لا جذبين، عيب شكبرج وجذبين. أول ما جيت عندكم استلمتوني أنتِ واختج وإلياس، وقبل شوية أختج كالتلي ليش ما ضجتي؟ شوفي لو أريد أسوي شي جان ما انتظرت، ورحت وشفت كل شي لجدو ولابوج، بس ماريد هالشي، لأن مالي شغل وياكم، ف جوزوا مني، وكولي لخطيبج لا يضل ورايه، وراح آخذ ابن عمه، لو يموت كدامي ما أعوفه.

أسيل: دقيقة، شنو؟ يضل ورايه؟ شنو آخذ ابن عمه؟ شصاير؟

هاجر: ابن عم إلياس خطبني، وأني عجبني الولد وراح أوافق، وخطيبج ما يرضى، مدري ليش. معقول يحبني لو شنو؟ يا إذا طلع يحبني يعني جاي يضحك عليج.

أسيل: هاجر، شهل حجي؟ من وين جبتي؟

هاجر: روحي اسألي حبيبج، soory قصدي خطيبج.

عافتنه وطلعت. وكالت أسيا:

أسيا: هاي جذبة من يمج مو؟

هاجر: لا أبداً، شعليه وليش أجذب؟ محبيتها منج أني أجذب. يلا قلبي، كود باي.

طلعت وأني فرحانة، وأعرف راح يتعاركون، وراح تخرب هالخطبة. اجت عمه وكالت:

أميرة: إلياس يصيحج ومعصب، معرف شبي.

هاجر: أني شعليه؟ وليش يريدني؟

أميرة: معرف والله، بس يصيحج وهو بالمطبخ.

طلعت للمطبخ، ماكو أحد. طلع من المخزن وكال تعالي. رحت وكفت كبّاله، وكتله: خير، إنشاء الله.

إلياس: ليش كتلتي لـ أسيل الي صار؟

هاجر: والله هيا ضوجتني وكتلها هيج.

إلياس: هيا ضوجتج؟ أني شكو؟

هاجر: مو أنت سبب المشكلة، ويضوجني علمودك، عبالك أنت وزير الوزراء. بربك سؤال، شنو اسم ابن عمك؟

إلياس: جنج مانسيتي السالفة.

هاجر: أي، ما سالفة؟

إلياس: سالفة نعل ابن عمي، بعده عاجبج.

هاجر: والله حلو، شو أنت مو مثله، فوكها أمو ضلت تحمد بي، خلتني أنعجب بي.

إلياس: أكلي خره، شنو انعجب بي؟

هاجر: وأنت شعليك؟ إذا انعجبت بي، وإذا حبيته، عسى ما أزوجه، أنت شعليك؟ شهل فضول؟

إلياس: أكلي خره، شنو معليه؟

هاجر: ما أكلك، وبعدين أنت حبيبي لو خطيبي لو أبويه لو أمي، حتى تتدخل بيه؟ شعليك تتدخل بيه؟ بصفتك منو؟

إلياس: بصفتي ابن عمتج.

هاجر: مرحبا ابن عمتي، بله ما طير، شكد بطران. يله فضني، شتريد؟ خلي أروح، لأن مطايقة أشوف خلقتك.

إلياس: هسه صرتي مو طايلة تشوفين خلقتي؟ جنتي تظلين وراي نفس الجلبة.

هاجر: كل خره، أنت الي نفس الجلبة، وإذا تغلط عليه بعد أشُك حلكك. منو أنت حتى تحجي علي؟ وربي إذا تحجون علي وتجون يمي، أفضحكم كلكم. وأنت لو مو عار ما تكول لأخوك، أكول لأمي أنت وإيلا عندكم شي بينكم، وهما أصلاً مو مرتبطين، ولعلمك أمك تعرف كل شي، وكل الي جنتوا تحجون بضهري عندي علم بي، وأمك هم عدها علم.

إلياس: شنو هل حجي؟

هاجر: بس سؤال، ضال بنفسي.

إلياس: جواب.

هاجر: شنو جنتوا تحسون من تجذبون عليه؟ وبعدك مفكر نفسك زلمة؟

إلياس: لا، دخليني بهل سوالف، معليه أني.

هاجر: هههه، ضحكتني. أنت السالفة كلها بيك، وتكول لا تدخليني بالسالفة. يله راح أعوفكم، بس صدك، إذا تجي يمي أو يم تيم، والله أفضحكم وأطشركم.

إلياس: تفضحينه؟ ليش عيني؟ شعندج علينه؟

هاجر: روح اسأل خطيبتك واختها، كل شي أعرف عنكم، وحتى سوالفك الخايسة أعرفها. ف عوفوني بحالي، ولا تظلون تدورون وراي.

عفته وطلعت، مالي خلكهم، وهسه خربت ونسّتهم، وخليت خطوبتهم الي جانت فرح بالبداية، بس مشاكل بالنهاية. كعدت وحدي، وأخذت تلفوني، وصرت أطمّش باليوتيوب أدور شي أطمّش عليه. مالقيت، طفيته وكعدت. ما جان اكو عالم، بس نحنا القرايب.

وعمة وأمي أجو، وكالت عمتي:

أميرة: هجورة، أم محمود خطبتج لمحمود.

هاجر: ياهي؟

أميرة: هاي الي شفتج صورت ابنها.

هاجر: أي عرفتها، بس شنو المطلوب مني؟

أميرة: شنو شنو المطلوب منج؟ أنتِ شنو رأيج؟ إذا عاجبج أني أحجي مع أبوي ومع أخويه.

هاجر: والله عمة معرف شي عنه، شلون أقبل بيه وأني معرفه.

أميرة: حيل خوش ولد وحباب، وأبد ماشفنه علي شي، حيل زين، وبنات العائلة يريدوه، وأنتي شفتي حلو، وهم عنده فلوس وبيت بوحدو.

هاجر: عمة معرف والله.

أميرة: فكري، وباجر يجون، وأجي معاهم، وناخذ رأيج. الولد حيل رايدج.

هاجر: وين يعرفني؟ بعمري ماشفته.

أميرة: من جنتي بالمطبخ شافج، أجه يحجي ويا أمه وشافج.

هاجر: شو أني مشفته.

أميرة: شوفي، علقج وين، حتى ماشفتي. المهم فكري لباجر، خوش.

هاجر: خوش.

راحوا، ومعرف شنو مبين مناسب، بس مادري، قررت أوافق وأجرب حظي، بلكي هذا يطلع أحسن. وبالفعل ثاني يوم اجوا، وطلعت عليهم، وقدمت عصير ونساتل. واندريت أطلع، وصاحتني:

أم محمود: تعالي بنتي، اكعدي هينه.

وأشرت يمها، كعدت يمها، وكالت: شنو اسمج؟ صفنت، معقول ما تعرف اسمي؟ كتلها:

هاجر: اسمي هاجر.

أم محمود: عاشت الأسامي، شكد عمرج؟

هاجر: 17.

وظلت تسألني، وأني صافنة، شبيها هاي؟ معقول ما تعرفني؟ غلّست، وشنو تسأل، أجاو ب. كملت، وكالتلي:

أم محمود: شنو كتلتي بيت بوحدج، وابني خوش ولد، وأميرة تعرفه؟

هاجر: موافقة.

جنت حيل متوترة، طلعت وعفتهم، رحت لغرفتي، كعدت بيها، بقيت صافنة، أريد أبجي، معرف ليش، اكو شعور بداخلي مو فرحان، رغم الولد حيل زين وحلو، وصفاته حلو، بس مادري، زعلانة. حطيت راسي على المخدة، أريد أطرد أفكاري، وما عندي حل غير النوم. ف نمت، مادري شكد نمت. بعدها عمه كعدتني، وكالت:

أميرة: حجيت ويا جدج، وقبل.

وهنا حسيت بفرح، معرف ليش.

ثاني يوم اتفقت ويا البنات علمود الطلعة مال مدرسة. اتفقنا شنو نجيب. أني جبت حلويات وجبس ونساتل وبطل بيبسي، ومشمع، وجبت مواعين سفري، حتى من نخلص نذبهم.

سارة جابت دولمة، وريماس جابت لفات شاورما، ورزان جابت كيك وبقلاوة. نمت وكعدتني ماما، كمت غسلت، وطلعت للمطبخ، أكلت وياهم، ورحت للغرفة بدلت وكملت، وخليت شعري مفتوح، وأخذت الغراض وطلعت. لبست الحذاء، وسمعت صوت الخط، طلعت بسرعة وصعدت. رحت يم البنات، وحجينا شوية. وصلنا المدرسة، ونزلنا، مشينا وبإيدينا الغراض، وكوة نمشي، وكل شوية أعثر.

سارة: وثول، حتى ثول، شبيج بس تعثرين.

ريماس: أي عيني، بالها يم محمود.

هاجر: لا والله، أصلاً ولا يمه، مدري شلون راح نخطب. أحسها سريعة، بس تدرون فرحانة. بالبداية جنت رافضة، بس هسه فرحانة.

رزان: طبعاً فرحانة، غير حلو.

هاجر: هههه، خرب يومج، بس والله حلو.

ريماس: أي لعد شبي حظي.

سارة: طكتج بعين، إذا فسختو معناها بسبب عينها.

وصلنا، وفِتنه للصف، حتى يطلعون أسماؤنا ونطلع للكوسترات. وشغلوا أغاني، جانت حلوة أبداً. سارة كالت: أني أشغل، وراحت لِقُدام، لأن نحنا جنا آخر مقاعد. شوية وتغيرت الأغنية، وصارت هي، طلع، ونحنا نغني بصوت عالي، وأكو بنات يصفقون، وأكو بنات يرقصن حيل. جنت فرحانة.

وصلنا مجمع السدير، ونزلنا، وبإيدينا العلاليك مال أكل. وكفنا يم الباب، وأكو واحد كال: تحية لـ مدرسة... والبنات يكولن: أووو. أني جنت ساكتة، وسارة هم ساكتة. أما رزان وريماس يعيطن بصوت عالي: أووو وهيي. حسيت نفسي بعرس، مو غابات.

فِتنه، وصرنا ندور مكان علمود نكعد بي. فِتنه كثير، بس مالقينه. بعدها لكينه ميز فارغ، رحنا حطينا الغراض، وأشترينا بطايق حتى نلعب. جان اكو ازدحام على الي يكص بطايق، وبنات كثير، ولازم تطيبن بينهن. كالت للبنات: خلي شوية تخف. انتظرنا تقريباً 5 دقائق، وبقن بس ثلاثة.

رزان: ماريد انتظر بعد، حروح أشتري، وأنتو ضلوا تصفنون بوجه بعض.

راحت وعافتنه. كالت للبنات: خلي نحنا هم نروح. ورحنا، أشترينه، ورحنا لعبنا، وجان اكو سُره، وبنات كثير. عما يجي دورنا. اجه دورنا، وطبينه للعبه، وبديت أصور.

علمود نوثق اليوم الجميل بالنسبة النا، وعلمود ستوريات، وهاي سوالف مال بنات. ورغم اللعبة ما تخوف، بس صرت أصيح علمود أطلع الطاقة السلبية.

سارة: هاجر، خايفه يوقفها.

هاجر: لا أبداً، بس هيج متونّسة.

سارة: براحتج، بس صوتج فضحتينه.

نزلنا، والبنات سألوا: ليش هيج صيحت؟ وفهمتنهن السالفة، وصاروا يسوون مثلي. لعبنا تقريباً ثلاث لعبات، وبطلنا علمود نرتاح. اجت بنية ويانه بالمدرسة، وكالت:

...: هاجر، اشون صرتي؟

استغربت سؤالها، وكتلها: ليش؟ شبيّه؟

...: كالو مريضة، وبيج جني. صحيح؟

بقيت صافنة، مفاهمة شي، شنو جني؟ شجاي تحجي؟ كالت رزان:

رزان: زينة، بس ليش تسألين؟

...: حبيت أعرف شلون صارت، لأن مجاي أنام الليل، خايفة عليها.

ريماس: لا تخافين، ماكو شي.

راحت وعافتنه، ولهسه مصدومة.

هاجر: شكو؟ أريد أفهم، شعرفها هاي؟ ومنو هاي أصلاً؟

ريماس: أكيد وحدة من البنات الي بصفنا، كالت لصديقاتها من غير صف، وهيج نشرت بالمدرسة.

هاجر: أي، وإذا عادي، خلي تنشر، أحسن.

سارة: شنو أحسن؟ هسه كلها تطلع عليج حجي، شبيج؟

هاجر: منو كالج بالعكس؟ أصير مشهورة بهل سالفة، وكلها تكوم تعرفني. وهيج أخلص من الدروس.

رزان: أي والله، نيالج، هههه.

سارة: شوفي هاي الثانية، شنو نيالها؟ إذا عرفوا جذب، أنتِ راح تاكليها.

هاجر: محد راح يعرف.

سارة: هاجر، السالفة الي سويتيها ويا البنية، الكل عبالهم من الجني الي بيج، ما يعرفون مابيج شي، وأنتي تردين تكتليها، لأن حجت عليج.

هاجر: سارة، هسه الي بالمدرسة يعرفون بيه جني، وحتى هي عبالها من كتلتها بيه جني، ماتعرف مابيه شي وصاحية.

سارة: راح توكعين بمصيبة، وتوصل السالفة لجدج، وهسه تشوفين.

هاجر: خلاص، انسي، محد راح يعرف.

طلعنا الأكل، لأن جوعانة، وبدينا نسوي بل سفرة، ونرتبها، حتى نأخذ صور للسفر. بدينا ناكل، جنت حيل جوعانة من اللعب. كملنا، وشلنا، ورحنا نكمل لعب. جاي ننتظر دورنا، حالنا حال الكل. وكالت رزان:

رزان: وثول، حتى ثول، ماشفتيني؟

...: ثول الي يثولج، جنت راح أعتذر، بس ماتستاهلين.

رزان: لا، فوكها هي الي ما عاجبها.

سارة: شكو؟ رزان شبيج؟

رزان: هاي الثولة الي وراي تدفعني، مدري شبيها، مشايفة لعبة، عبالك.

...: كلي خره، يكفي تحجي، دوختيني.

رزان عصبت، ولزمت شعرها، وصارت تضربها، وأني أباع، ماسويت شي، لأن البنت تستاهل، عينها قوية. سارة حاولت تبعدهم، بس اجت وحدة، معرف من وين طلعت، ودفعت سارة.

سارة هم دفعتها، وسارة مو كلش قوية، بسرعة تنكتل. ذيج لزمتها من الشال، وتحاول تزعها. يا هنا أني ضجت، بنية هي، محجبة؟ شنو تزعها؟ وأكو شباب. رحت عليها، ودفعتها، وكفت كدام سارة، وكلت لـ ريماس تاخذها تعدل شالها. كتلها بصوت عالي:

هاجر: أنتِ شنو؟ ماتشوفيها محجبة؟ تشيلين الشال من راسها؟ ليش ثولة؟ أنتِ.

...: ليش تكتل صديقتي؟

هاجر: هيا تفكك بينهم، مو جاي تكتلها؟ أنتِ عمية، ماشوفين؟

...: كلي خره، أنتِ عمية.

عصبت منها، ولزمتها من شعرها، وكعت بل كاع، صرت فوكها، وأضرب بيها. البنات يطمشون، بس ولا وحدة اجت فكتنه. اجه شاب، ولزم إيدي، وخرها، وكال:

...: ما يعيب عليجن تتعاركن كدام الشباب.

هاجر: أنت انجب، ولا تدخل. عوف إيدي.

...: أسف.

دحكت على البنت، وكتلها:

هاجر: إذا تجين يمنه، وتجين يم وحدة من صديقاتي، ما يصير خير. كتفيت هيج، بعدين تصير أقوى.

صرت أمشي، واجت رزان وراي، وكالت:

رزان: خابري البنات، أني ما عندي رصيد. شوفي وينهن.

خابرت ريماس، كالت بل مغاسل، لأن سارة تعدل الشال.

رحنا لهن، ورزان حجت كل شي صار، وكالت:

رزان: بس الولد الي مسك هاجر، فد واحد يموت، وربي كلش حلو، عيونه رصاصي، شعره تمري، وأسمر، بس مو كلش، ولحيته خفيف، كرشت علي، والله حلو.

هاجر: تدرين، مانتبهت على شكله. هههه.

رزان: طبعاً من عصبيتج، جنتي راح تاكلي، حتى هو مبين عصب، بس عافج لله. هههه.

طلعنا، ورزان ثبرته، بس تحجي بي، جزعتني، كتلها: خره عليج وعلي، شدوختينه بي. بقينة نلعب، وكل شوية نروح ناكل. مدري أحس اليوم شهيتي انفتحت، وحيل فرحانة. بس الفرحة ماتكمل. أشترينه قهوة جكليتية، كالت رزان:

رزان: من يوم الي عرفتج، وأنتي تشربيني هاي القهوة، مابزعتي منها.

هاجر: أبداً، والله أحبها كثير.

جان يوم ماينسي أبد، كلش حلو. بقينة لعب ووناسة. جان ينادون على مدرستنا، أنو صار الوقت حتى نطلع. طلعت، وصلنا الفرع مالنا، وجان أشوف سيارات عمامي. انصدمت، وتوقعت جدي مات، بصراحة فرحت، بس طلعت غلطانة. فتت، نزعت حذائي، وطبيت للصالة.

جدي وعمامي كاعدين، وعماتي وأبوي وأمي، ونسوان عمامي. سلمت، ورحت للغرفة أبدل. كملت تبدلي، ورحت للصالة، جانوا كلهم كاعدين، حتى ولد عمامي وعماتي، والبنات هم كاعدات. كال جدو:

جدو: الجماعة الي طلبوا هاجر للزواج، ترفضوهم، مفهوم.

مروة: ليش عمي؟ خوش قسمة، والولد أميرة تعرفه، وتكول زين.

جدو: أنتِ لا تدخلين، هي بنتنه، وإحنا نعرف مصلحتها.

جدي بقة يحجي، وأحس محد اعترض. وكال شي، الكل وافق، وأصلاً محد كلي أنتِ شنو تريدين. كالت:

هاجر: بس جدو، الولد أني عجبني، وأريده.

جدو: أش، أنتِ ماتستحين؟ شنو أغيدو؟

هاجر: الولد مواصفاته خوش، وغير هشكل يطلعني بيت وحدي، وعمة كالت أخلاقه فول، ولد شغّال، ليش ترفض؟ أريد سبب.

جدو: سمعت كلام علينو، ما حلو.

هاجر: من منو بله؟

جدو: الي كتلولنه يصيغ، واليوم أميرة تردين خبر الهم برفض، ماريد نقاش بهذا الموضوع.

عفتهم وطلعت من الصالة. هو شعلي؟ حتى بهاي؟ هو يدخل؟ أني أريد الولد، وهو جان موافق، شنو الي غيره؟ ورحت للغرفتي، بقيت أفتر بيها. انفتح الباب، وفات إلياس. انصدمت، هذا شجابه لغرفتي؟ وأصلاً ماشفته جو كاعد. كتلته:

هاجر: اشون تفوت على غرفتي هشكل؟ بلكي جنت أبدل، أنت ماتستحي؟ مرة ثانية دق الباب وفوت، مو تدخل. جفت.

إلياس: ضايجة؟ لأن جدو رفض محمود؟ ما.

هاجر: وأنت اش عرفك؟ جدو رفض محمود؟ أنت حتى ما جنت معانا بالصالة.

إلياس: تذكرين شنو كتلج بخطوبتي؟

بقيت أذكر، أحاول ما أذكرت، كتلته:

هاجر: ما أذكر، شنو كلت؟

إلياس: هسه أني أكلك شنو كلت، كتلج ما أخلي هالخطوبة تصير، وما أخليج تنخطبين.

بقيت صافنة، معرف شحجي. كالت بصوت عالي:

هاجر: أنت شنو تريد مني بعد؟ مو كافي الي سويته؟ أنتَ الحقيرة مالتك، كافي، عوفوني بحالي، شنو تريد مني بعد؟ ليش مصر تخرب حياتي كلها؟ فهمني، ليش هيج تكرهني؟

إلياس: منو كالج أكرهج؟ أني ما أكرهج أبداً.

هاجر: لعد هاذا الي تسويه شنو؟ فهمني.

إلياس: بل مختصر، ماريد تزوجين.

هاجر: ليش؟

إلياس: بعدين تعرفين.

هاجر: بس جدو رفض، أنت شعليك بالموضوع؟

إلياس: لا قلبي، أعرفج ذكية، ليش هيج صايرة غبية؟

هاجر: ما فهمت شي، احجي شبيك.

إلياس: أني حجيت مع جدو، وكتله ما خوش ولد، واني أعرفه، بل مختصر حشيت براسه، واقتنع بحجي، ورفض.

نصدمت، شهل حقد؟ ليش هيج حاقد عليه؟ ماعرف. عيوني ملت دموع، صارت تنزل. كال:

إلياس: هيج تحبه وتبجين عليه؟

ما حجيت شي، أصلاً ما أكدر أحجي شي، أحس لساني انربط. صار يصيح، بس بصوت ناصي، ومبين عصبي كلش. كال:

إلياس: ليش تبجين عليه؟ منو هو؟ فد قندرة بهاي الكم يوم حبتج؟ لج شنو أنتِ؟ بس فهميني، لأن رفضنا تبجين؟

صحت بي:

هاجر: كافي، كافي! هذا الي فهمته، هسه ليش هيج تسوي؟ أنت مو خطبت، وهسه عادي؟ ليش بعدك تلحكني؟ ليش تخرب حياتي؟ مبين أسيل الي كالتلك هيج. عوفوني بحالي.

صرت أضرب نفسي وأبجي، وأكول: عوفوني بحالي. لزم إيدي، وحضني، وكال:

إلياس: .........

إلياس: بس اهدئي يا قلبي، شبيج؟ خلينا نتفاهم.

بعدت عنه وعيوني أحسها حتنفجر وكتله:

هاجر: شكراً الك، ما قصرت. دايماً عود تسويها وتخرب حياتي فوك ما هي خربانة.

إلياس: عفواً قلبي، دللي. كل ميجي واحد أقنع جدي يمي، معليج.

هاجر: امشي انجب واطلع بره، ومالك علاقة بيه. عوفني بحالي، ومحمود لو أعرف أنتحر اله آخذه. وهسه شوف.

إلياس: ما أنصحج تعبين نفسج. تعرفين شكد جدي يحبني لأن أول حفيد اله. وما أخليج تروحين ل...

قاطعه صوت الباب وهو ينفتح ودخلت عمه أميرة كالت:

أميرة: شبيكم؟ صوتكم عالي. شصاير؟

هاجر: عمه، ابنچ الي حجى براس جدو علمود يرفض محمود.

أميرة: شنو؟ منو كلج؟

إلياس: اني كلتلها.

أميرة: وفوكاها فرحان؟ ليش هيج عملت؟

إلياس: محد له علاقة بكيفي. انتي ما تعرفين محمود ابن عمي واني أعرفه زين.

أميرة: لا جذاب، الولد خوش. بس كول هاي من الدودة مالك. امشي اطلع بره.

طلع وبقيت اني وعمتي. نهاريت وبقيت أبجي. أخذتني لحضنها تصبر بيه.

أميرة: اني أقنع جدج وأحجي معاه. لا تخافين.

هاجر: عمه ليش هيج يسوي؟ والله ماسويت لهم شي. خلي يعوفوني وحدي. عمه تعبت منهم والله. أسيل هي تعلمه. عمه ابنچ صار ستيرن يمين (مرته تمشي بكيفها).

أميرة: ما أعتقد أسيل الها علاقة بهذا الموضوع. لأن لو تعرف هو منع خطوبتج جان سوت له مشكلة. لأن هي تريد تزوجج حتى هو لا ينتبه لج.

هاجر: منو كلج؟ ثقي هاي هي علمته.

أميرة: لا، أسيل جت عليه وتشكي إلياس.

هاجر: ليش؟

أميرة: تكول ليش ما يريد هاجر تنخطب. وأحس متغير معاي وبالو ما يمو. وكم مرة تگاونو من سالفة الخطوبة. الي فهمته إلياس ما يريد تزوجين.

هاجر: وليش عمه؟ والله هو بس يريد يخرب حياتي.

أميرة: لا حبيبتي، أحس يحبج.

هاجر: ههههه. متت.

أميرة: شبيج؟ اسم الله تخبلت؟ البنية ليش تضحكين؟

هاجر: على يحبج عمه. إلياس ما يشوف غير أسيل. عبالك بس هي بنيه. وها لو يكمل دراسة خلي يروح تمثيل.

أميرة: ليش؟

هاجر: لأن من جان مرتبط بيه جنت أگول مستحيل يشوف غيري. طلع كله جذب. خوس ممثل. والله حتى عبر الممثلين.

انفتح الباب وفاتت ماما.

مروة: هاجر، جدج يريدج. معرف ليش بكل شي يدخل.

انتبهت إنو عمه أميرة موجودة كالت:

مروة: عذريني، بس أبوچ بكل شي يدخل. يعني لو قبل أش راح يصير؟

هاجر: جدو قبل، بس إلياس الچلب راح على جدو وحجه براسه.

مروة: منو كلج؟

هاجر: هو جا قالي بكل عين صلفة.

مروة: خلي يولي. لا تهتمين. عوفي. يلا طلعي على جدج.

طلعت على جدو وكلش كارهته. ليش يسمع كلام إلياس. هو صغير حتى يجي إلياس يضحك علي. فتت للصالة وجانو كلهم كاعدين. كلت:

هاجر: جدو، صحتني.

جدو: أي، سمعتو ما عجبكي إنو نرفض.

هاجر: بصراحة ما عجبني.

جدو: بنتي، سألنا عليه وطلع ما خوش ولد.

هاجر: لا جدو، نحنا سألنا والكل حمد بيه ومحد ذمه بكلمة. بس الي كلك ما خوش ولد، أعرف إنه هو ما خوش وكلب وحقير.

وكنت أباوع على إلياس من حجيت المسبات.

جدو: نحنا نعرف أحسن منج. انتي ما تعرفين.

هاجر: أي صح، ما أعرف شي. اني ثولة وانتو الصح واني الغلط. بعد ماريد أحد يفتح موضوع خطبة وزواج. لو منو ما يكون حتى لو شخص أنت تحبه ماريد أزوج. بعد بطلت. خلي يرتاح الحقير.

عفتهم بدون ما أسمع أي شي وطلعت. مرت كم يوم وصار يوم الجمعة. كعدتني ماما الصبح وكالت:

مروة: كومي دنروح على بيت أهلي. أشكد صارلج ماشفتيهم.

هاجر: أي راح أجي.

مروة: بس عمامج وعماتج راح يجون.

هاجر: أي، أريد أجي. ماريد أشوف أسيل وإلياس.

مروة: يمه، طلعيهم من بالج. والله ما يستاهلج.

هاجر: ليش؟ محد يحس بيه؟ ماما ما أكدر. صعبة والله مو بسهولة أنسى.

مروة: أي والله أعرف. كومي أحسلج قبل لا يجون.

كمت غسلت وصليت وطلعت أكل. كعدنا أكلنا. بس من صارت السالفة مال رفض محمود إلى هسه جدي ما أحجي وياه. وإذا أحجي أي أو لا وبس. وهو ملاحض ومغلس. كملت وماما كالت:

مروة: كومي البسي. هسه ساعتين ضلين.

هاجر: خلي أعاونج ( أساعدج) وبعدين.

مروة: روحي، ماريد نتأخر. البسي وتعالي.

طلعت ألبس وأصفن شنو ألبس يا ترى؟ بقيت أفكر. آخر شي اقتنعت. لبست قميص أبيض وبي عيون سوده بكل القميص وبنطرون أزرق فاتح عريض وكفالته من يوم كعب رجلي لأن طويل. ولبست حذاء أبيض وحزام للقميص أسود. وسويت شعري ذيل حصان وطلعت.

وجانت ماما مكملة. جاي ألبس الحذاء بالباب وسمعت الباب اندك. رحت أفتح وصار بوجهي إلياس. مادحكت علي. سلمت على عمه أميرة وعلى لارا وتيم. أما يارا وإلياس مادحكت بوجهم. كالت عمه:

أميرة: شنو طالعين؟

هاجر: أي، راح نروح على بيت جدي.

أميرة: أهل أمچ؟

هاجر: أي، منو اكو غيرهم؟

أميرة: أي، وتعوفين خطارج.

هاجر: عمه، انتي على عيني وراسي. بس ذولاك الناس ما يستاهلون. أدحك بوجهم. لهذا السبب أروح أحسن ما تلعب نفسي وأسوي مشاكل.

أميرة: منو يكول تسوين مشاكل؟

هاجر: اسألي بنتج وجنتج.

أميرة: قصدچ يارا وأسيل؟

هاجر: أي. يسموني أم المشاكل. فقررت أعوفهم ومالتقي بيهم بعد. خليهم يحجون وره ضهري.

إلياس: على شنو هل غرور؟ فهميني.

هاجر: عمه، اكو صوت ذبانه تحجي لو اني متوهمة؟

عمه ماتت ضحك. وطبعاً تيم ولارا هم يضحكون. كال إلياس:

إلياس: عود تريد تقصفني؟ هو أصلاً منو يريد يشوف وجهج.

هاجر: إذا ما تريد تشوف وجهي ليش تجي لبيتنا؟

إلياس: بيت جدي. نسيتي لو أذكرج.

هاجر: بالفعل نسيت. وبعدين إذا مطايقني ليش تكول لجدو يرفض محمود؟

إلياس: هم رجعنا على سالفة قندرة.

هاجر: انت قندرة مو هو.

أميرة: كافي! شبيكم يم الباب مشاكلكم؟ يمه روحي الله ومحمد وياج. بس لاتحجين وتمدين لسانج.

هاجر: يروحون فدوه للساني ذولاك الناس.

أجو ماما وبابا وطلعنا. وجان معانا حسين وحسن. راد يجي بس جدي كال يضل مع الأولاد. وحسوني ضاج وراح.

وصلنا بيت جدي وفتت سلمت. شفت بنات ما أعرفهم. وأصلاً ما أعرف بس خالاتي وجده. جدي ميت الله يرحمه. وفتت سلمت وكعدت. ما أعرف أي شخص منهم.

جان اكو بنات كاعدات بوحدهن. بس أحس شايفه وحدة منهن. طلعت تلفوني أطمش بيه لأن محد جان معبرني وضجت كلش. بس أحسن من ما أشوف إلياس. لأن كل ما أشوفه أحس گلبي يريد يطك من القهر والي سواه بيه.

إجت وحدة يمي وكالت:

هندرين: تعالي اكعدي معانا.

هاجر: أي، هسه.

رحت يمهن وكعدت وتعرفت عليهن. مو عبالك بيت جدي. عبالك بيت غريب. طلعن يحبن وكلش حبابات. حبيتهن. حسيت إنو ما عندهن حقد وكره نفس أهل بابا. خوات ماما حبابات يشاقون ويضحكون ويحششون على بعض. كلش حبيتهم وتونست.

نور: هندرين، ليش تگاونتي مع حمودي؟

هندرين: لأن يحجي مع بنت خالتو.

نور: أشون عرفتي؟

هندرين: راما كلت.

هاجر: بس دقيقة. أفهم منو حمودي؟ شنو يصير لج؟

هندرين: ابن عمي وراما أخته.

هاجر: اها، فهمت. يعني كلجن تحبن؟

نور: أي. ليش ما تعرفين اني منو أحب؟

هاجر: منو؟

نور: حسن أخوج.

هاجر: حسن أخويه؟ بس دقيقة. أشون؟ وإيمتا؟

نور: بس أش؟ عجب حسن ما كالج؟

هاجر: أصلاً محد كلي وما أعرف.

هندرين: وانتي ماتحبين أحد؟

هاجر: لا.

هندرين: شعجب؟ معقولة عمرج 17 وما تحبين؟

هاجر: أي.

هندرين: يعني حتى من قبل ما حبيتي؟

هاجر: امبلا. جنت أحب ابن عمتي.

هندرين: وهو؟

هاجر: ما يحبني. مختصر الحجي. ضحكو عليه.

نور: أشون ضحكو عليج؟ ما فهمتج.

حجيت لهن كل شي. ومعرف ليش حجيت أصلاً. بس أحس فضفضت شوية وارتحت. وحتى على سالفة الخطوبة كتلهن. وصدمن وكالت ريم:

ريم: معقول هذول ما يستحون؟ ما عندهم قلب؟ أشون يسوون هيجي؟

هاجر: معرف والله. ولا أريد أعرف. ممكن نغير الموضوع؟

اليوم جان كلش حلو. صار الليل. كعدت ويا خالاتي ويحجون على العرس الي راح يصير يوم الثلاثاء. ومعرف منو يزوج. بس الي أعرف هو كرايب أمي حيزوج. وعزمونا وكالو ل جده جيبي بناتچ هم المزوجات. ونحنا انعزمنا. وكالت لماما نروح. وكالت نكول لابوج.

بعدها رجعنا للبيت ورحت على حسن وكتله:

هاجر: حسوني، صحيح إنت تحب نور؟

حسن: منو كلج؟

هاجر: نور.

حسن: أصلاً انتي أشعجب رحتي؟

هاجر: لا تغير الموضوع.

حسن: أي أحبها وهيا تحبني. أشبيها؟

هاجر: بالعكس ما بيها شي. والبنيه حلوة وحبابة.

رحت نمت وصار ثاني يوم. وصرت أدرس علمود أكمل الامتحانات الي مأجلتها. وجان صعب عليه هل موضوع. وماكو شي جديد. صار يوم الثلاثاء وداومت ورجعت تعبانة. وجان أخر امتحان. أسبوع الجاي مانداوم لأن نطونا عطلة علمود الامتحانات مال أخر السنة.

أكلت وكملت وساعدت ماما ورحت أنام. ساعة واجت كعدتني كالت: نروح. بدلت ولبست جاكيت سوده وبنطرون أسود وجواها بلوزة بيضة وكعب أبيض وجنطة بيضة. وسويت كعكة وخليت شوية شعر نازل وطلعت نازكة. خليت بس مسكارة وحمرة حمرة بس فاتحة مو عميقة. وجان ستايلي كلش حلو.

وصلنا العرس وما أعرف أحد. بس أسلم وأمي تكول هاي بنتي. ويكلولي كبرانة مشاء الله وحليانة. واني معرف أحد هاي المشكلة. أجو بنات خالاتي وكعدنا نسولف ونحجي على ملابس البنات الي بالعرس. وانتبهت للعريس. جان خشمه طويل والعروس هم خشمها طويل. كلت للبنات:

هاجر: هذا أشون راح يبوسها؟ يصير اصطدام.

هندرين: الله يطيح حضج. أشون تفكير.

متنا ضحك. وعبالهم اني فقيرة وما أعرف شي. ميدرون بيه أعلم بلد. وكل هاي الفترة جنه نخطط شنسوي. وأخذت حساباتهم. من يوم الي رحت لبيت جدي وتعرفت عليهن.

ريم: خلي نركص. مابعد أتحمل.

كمنا علمود نركص. بس وحدنا. وجانت أخت هندرين ويانا. واخت ريم هم ويانا. أخت ريم أكبر مني سنتين. واخت هندرين أكبر مني أربع سنوات. وبقين نركص. وبعدها تعبت لابسة كعب وعالي وركص وكله هز. تعبت. رحت كعدت.

وشفت عمه تيماء ورسل فاتن. كلت هذول شجابهم. بس ذكرت إنو ماما وعمه تيماء بنات عم. والي يزوج ابن عمهم الثاني. واجت رسل. ورسل تعرف أخت هندرين فاطمه. وصارو يحجون هيا وفاطمه ويركصون سوه. يعني بنت خالتي. بس اني ما أعرفها. وبنت عمي تعرف بنت خالتي. يعني الغريب يعرف كرايبي أحسن مني. امداني.

كعدنه علمود يكومون يكصون الكيك. واحنه نرقص ويا الأغنية. عطشت ورحت أشرب مي. شفت همام ابن خالي بعمري كال:

همام: أش تسوين هينا؟

هاجر: أشرب مي.

همام: منو جا للعرس؟

هاجر: معرف.

همام: أشون ماتعرفين؟ انتي ما جنتي جوه؟

هاجر: أي جوه. بس قصدي إنو ما أعرف أي شخص. لهذا السبب كتلك ما أعرف.

همام: تمام. انسي.

هاجر: تعال ليش سألت؟ اكو أحد يهمك جوه؟

همام: ها؟ لا يمعودة. منو يهمني؟

عافني وراح. أحسه مو طبيعي. بي شي. خلص العرس. وجان عرس حلو. رغم شكد كسبنه سيئات بس عادي. المهم أتنمر. كلش أحب هل شي. وماما تكول حرام. لا تحجين على أحد. أفوت من أذن وأطلع من الثانية.

رجعت للبيت وكملت أيامي عادي. واجت الامتحانات. وصرت أدرس وأروح أمتحن. وأشوف البنات. وجان اليوم أول امتحان. طلعت للبنات. وأجو البنات. لأن الخط كال مو لازم أجيبكم. وصرنا نروح مشي.

سارة: شلونها المعنويات؟

هاجر: تبجي بل زاوية.

ريماس: أول مرة تحجين شي صحيح.

هاجر: انجب.

ريماس: على راسي.

هاجر: طبعاً وبالقندرة.

ريماس: دنجبي. مو مال احترام.

رزان: الله ياخذكم ان شاء الله. بنات الجلب اسكتو. مجاي أكدر أحفظ.

سارة: ماتدرسين بالبيت؟ اكو أحد يدرس بالطريق؟

رزان: درست. بس أحس ناسيه كل شي. وجاي أراجع. مابيها شي.

هاجر: عبالي بس اني. طلعتي انتي هم نفسي.

رزان: تدرون الولد ما يروح من بالي. لو يدري حبيبي يشكني.

هاجر: أيمن ولد؟

رزان: الي مسكج يوم جنه بالغابات. وجنتي تتعاركين.

هاجر: اني جان كدامي وماركزت بي. ولا أذكر شكله. انتي أشون حفظتي شكله؟

رزان: الي أشوفهم مرة يضلون بالي. ما يروحون.

ساره: رزان، ما على أساس يجي ابن عمتج يخطبج. وينهم؟ أشوا ماكو.

رزان: اجلوها لأن عندي امتحانات.

ريماس: إيمتا الزواج؟

رزان: يمكن من أخلص سادس. هاي إذا داومت سادس.

هاجر: انجبي. مستقبلج.

رزان: أشنو راح أطلع طب؟ مستحيل. وغيره ماكو تعيين.

هاجر: انتي مو أكرم من الله؟ كل شي يصير.

رزان: والله ولا الي خلك أكمل. تعبت نفسيتي.

ساره: راح ترتاحين. بس هل أسبوع تتعبين وبعدها يخلص.

هاجر: ممكن تغيرون الموضوع؟ ضوجتوني.

بقين نسولف لحد ما وصلنا المدرسة. فتنا ندور مكانه. ساره ورزان وريماس بنفس القاعة. أما اني بغير قاعة بسبب الأحرف. رحت للقاعة وشفت مكاني وكعدت. بديت أقرأ آيات وأدعي علمود الله يوفقني وما أنسى شي.

إجت الأسئلة. وجانت زينة. مو صعبة كثير. كملت وبقيت أنتظر يطلعونه. صار ساعة. وصارو يطلعونه. طلعت أدور على البنات. ماكو. رحت يم القاعة مالهن. وشفت إنو بس رزان وريماس بل قاعة. ساره ماكو. جاي أصفن وأدور عليها.

وحسيت أحد ضربني بخاصرتي. صحت بصوت عالي لدرجة طلعت المدرسة وكالت شبيج. واني صفنت وشفت ساره ورايه. كلتلها: شفت صرصر. كالت: إيمتا تكبرون. وعافتنه.

صرت أركض وره ساره علمود أضربها. ومسكتها وضربتها جلاق. وشافتنه ست هديل وكالت:

ست هديل: أي بعد هاي مدرسة أولاد ما بنات.

هاجر: آسفة. ست. بس هي ضربتني.

ست هديل: بناتي عيب. هسه أش يحكون عليكم؟ بطلو هاي الحركات. هسه أبو حسين يشوفكم.

هاجر: ست، أبو حسين بره. عيطلع البنات.

ست هديل: انتو ما كملتو. اطلعو. بقة.

ساره: ست ننتظر صديقاتنه يطلعون ونروح للبيت.

عافتنه وراحت. واندارت ساره وكالت:

ساره: هسه بردة الدودة. شوفي أكلنا رزالة.

هاجر: انتي بديتي. شكو تخوفيني؟ واكفه أدور عليج. وانتي ورايه وتخوفيني. ثول حتى ثول.

ساره: يبو. هسه شيسكتج؟ خلي نشوف البنات. كملن.

رحنا نشوف البنات. وجانت رزان هسه طالعة. كلتلها:

هاجر: ريماس طلعت لو بعدها؟

رزان: بعدها. أشون جاوبتو؟

هاجر: زين.

ساره: يعني.

رزان: انجبي. دائماً تكولين يعني وتطلعين 100.

جاي نحجي وطلعت ريماس وكالت:

ريماس: جاوبت والله جاوبت.

رزان: لعد ليش طولتي؟

ريماس: راجعت.

رزان: هاجر، شفتج من جنت دحكين على الشباك. شبسرعه كملتي؟

هاجر: خلصت وطلعت.

رزان: وليش ماراجعتي؟

هاجر: تعرفين ما أراجع أبد. لأن أسمح الصح وأكتب الغلط.

ريماس: وبله جنتي ناسيه فرع أو سؤال؟

هاجر: أشوف الورق. وإذا مانسيت كلمة أو فرع أسلم.

ساره: والله معرف أشون تطمنين.

هاجر: يمكن اني عدحجي مع ثول؟ ما مع بشر.

ساره: دكافي. يلا نرجع.

رجعت للبيت وكل شي عادي. وأدرس وأروح أمتحن. لحد أخر يوم. وجان أسعد يوم لأن راح نخلص. وماكو داعي ندرس. طلعت من البيت. وجان الكل موجود عده رزان. لازم نحنا نروح ناخذها.

ساره: تدرون أشكد فرحانة.

هاجر: نفسج.

ريماس: أي حيوانات فرحانات. حتى بعد مانشوف بعض.

هاجر: يا ثولة. كل فترة نسوي جمعة بيت وحدة من عدنا.

أجانه صوت رزان وهيا تكول:

رزان: جمعة شنو؟

هاجر: ريماس تكول بعد مانشوف بعض. كلتلها كل فترة نسوي جمعة بيت وحدة من عدنا. وبس.

رزان: خوش فكرة. وإذا أجو بيت عمتي. أعرفكم على حبيبي.

هاجر: تدرين أنسى اسمه. لأن دائما تكولين حبيبي. وما تكولين اسمه.

رزان: علاوي.

هاجر: علاوي أبو البلاوي.

رزان: ليش ما أكولج اسمه؟ لأن ضلين تقلدين.

هاجر: هههه. أحب هل شي. مو بيدي.

رزان: خرا بـيدچ.

هاجر: شكراً قلبي.

وصلنا المدرسة. وأول ما فتنا دكوا الجرس. كلت:

هاجر: أحسهم متقصدين. كل مانفوت يدكون الجرس.

ساره: أتفق.

فتت للقاعة. ونفس كل يوم. قريت آيات ودعيت. وكتبت. كملت. وكالعادة ما أراجع. بس أشوف إذا نسيت فرع أو سؤال. وطلعت ناسيه فرع. كتبته وطلعت. شفت ماكو البنات. رحت للقاعة مالهن أدور عليهن. بس ما جان اكو أحد.

استغربت. عبالي طلعن ونسوني. بس ذكرت إنو اتفقنا نبقه. والي تكمل تروح للساحة الخلفية. حتى ناخذ صور. رحت للساحة الخلفية وشفتهن يضحكن. كلت:

هاجر: خير ان شاء الله. ليش هل ضحك؟

ساره: رزان كاتبه الأنش إنشاء الأول مال الوحدة الخامسة. وهو أصلاً ما جا مال وحدة الخامسة.

هاجر: دقيقة. يعني مو مال وحدة الخامسة؟ متأكدة؟

ساره: أي طبعاً متأكدة. اني حفظتهن كلهن. وما جا هو.

هاجر: تشاقين؟ اني هم كتبته.

ساره: هههه. متت. بوري مزنجر.

هاجر: سم ان شاء الله. يعني مال يا وحدة؟

ساره: الثانية.

هاجر: الله يطيح حضج. يعني مراح آخذ درجة كاملة؟ ماتكمل وياي أبداً. والله.

ساره: يعني متأكدة كلو جاوبتي؟

هاجر: أي. بس الأنشا لا. بس هسه تنطيني درجة لأن كتبته كلو.

ساره: يمكن.

بدينه ناخذ صور وفيديوهات. كملنا وطلعنا للبيت. بس نمشي على كيف. حتى لا نوصل بسرعة. وصلن ساره وريماس. وبقين اني ورزان. فتنه للفرع مالنا. وكالت:

رزان: هاي ليش اكو سيارات يمكم؟

دحكت لبيتنا وشفت سيارات عمامي. كلت:

هاجر: بلكي مات جدي. ومسوين فاتحة.

رزان: ليش تكرهيه؟

هاجر: بكل شي يحط روحه.

رزان: الله يعينج.

عافتنه وراحت. فتت للبيت وسمعت ضحك. خير ان شاء الله. ليش هل ضحك؟ شلحت حذائي وفتت للمطبخ. جان عمه أميرة وعمه مريم وتيماء وماما بل مطبخ. كلت:

هاجر: جنات خانوم ماتجي للمطبخ عيني.

أميرة: عوفي جنات وتعالي سلمي علينا.

رحت سلمت وكلت:

هاجر: منو اكو جوه؟

مريم: الكل. منو ماراح يجي على أساس البارحة نجي. بس أمچ قالت تعالو غدا علمود هاجر غدا أخر امتحان.

هاجر: أبـدل وأجي أساعدكم.

أميرة: تكملين مـا؟

هاجر: طبعاً.

أميرة: تيم يكول صعب كثير.

هاجر: تيم جا مو؟

أميرة: ليش يطيق ما يجي حتى تذبحيه؟ والله.

هاجر: خوش. أريد يدرسني هم للسادس.

أميرة: دللي.

فتت للصالة سلمت وطلعت للغرفة. بدلت ونزلت. كعدت بالصالة. كالت أسيل:

أسيل: أش لجه بل مدرسة؟ أخرتچ تقعدين بالبيت.

هاجر: اني مو فاشلة مثلج حتى أبطل وأزوج بعدج عجيه (طفلة).

أسيل: اني مو عجيه، وانتي تعرفين جدو راح يبطلكي هسه أو بعدين.

هاجر: لا غلطانة. محد له علاقة بسالفة المدرسة. اني وتيم الوحيدين الي راح نكمل. أما انتو راح ضلون فاشلين.

جدو: هاجر! أشنو هذا الحجي مالتچ؟ أشنو فاشلين؟ هيم ما فاشلين. بس ماتعبو نفسهم على شي فاضي. نفسچ ونفس تيم. أخرتكم ما راح تطلعون.

تيم: طب. جدو غلطان. راح نطلع. طب وباجر تشوف.

جدو: حيوان! عدل حكيك.

شفت تيم ضاج حيل وصار يهز رجله. كمت وكعدت يمو وخليت إيدي على رجله حتى يبطل يهزها. دحك علي وهز رأسه بمعنى أش عاسويين؟ كلت بصوت ناصي:

هاجر: إذا جدو شافك وانت تهز رجلك يرزلك مرة ثانية. لهذا السبب هيج سويت.

تيم: هذا الثاني أشبي؟

هاجر: منو؟

تيم: شوفي إلياس. بس يدحك علينه ويزورني.

هاجر: خلي إيدك على إيدي.

تيم: ليش؟

هاجر: سويها بربك.

خله تيم إيده على إيدي وكال إلياس:

إلياس: الجو هينه يلعب النفس. طالع أشتم هواء. تيم تعال أريدك بشغله.

طلع تيم واني الفضول ياكلني.

...

«تيم»

جان إلياس بل كراج واكف يم المرجوحة. رحت يمو وكتله:

تيم: أش تريد مني؟

إلياس: ليش مسكت إيد هاجر؟

تيم: عادي. شنو بيها؟

إلياس: بيها شي. تيم سوالفك أعرفها. وأعرف إنت تحبها. لا تسوي هيج.

تيم: لا تضل حيوان. هاجر أختي. وانت تعرف إني أحب إيلا مو هاجر. أتمنى ماتصير غبي. وبعدين إنت ليش هيج ضايج؟ المفروض تضوج إذا أحد مسك أسيل مو هاجر.

إلياس: إنت لا تدخل. اني أعرف شغلي. تيم ابتعد عن هاجر.

تيم: تحلم. ابتعد. وشنو تريد تسوي؟

إلياس: تتحداني؟

تيم: مو تحدي. بس اني وهاجر مقربين. وما أنسى. هيا الي خلتني أرتبط بإيلا.

إلياس: يصير خير.

فات وعافني. فتت للصالة وكعدت. وهاجر أشرتي بمعنى تعال ورايه. رحت وراها. وفتنه للغرفة مالها وكالت:

هاجر: تيم شنو راد منك إلياس؟

تيم: ليش؟

هاجر: والله فضول كتلني.

...

«هاجر»

حجالي كل شي وانصدمت. هذا ليش هيج ضايج؟ كال:

تيم: بعدج تحبي؟

هاجر: أكيد. تشاقه؟ شنو أحبه؟ مستحيل. لو يضل أخر واحد ما أحبه.

تيم: تدرين مرات أحسه يحبج. ومن أذكر شنو سوى أكول لا اني غلطان.

هاجر: انسى. أصلاً هو وأسيل يعشقون بعض.

تيم: أدري. صدك ذكرت.

هاجر: شنو؟

تيم: قبل كم يوم نزلت لعبة جديدة حرب يسموها بوبجي. وكلش حلوة. وأعرف انتي تحبين ألعاب الولد. ف كلتلج عليها. ونزليها نلعب سوه.

هاجر: علمني عليها. وشلون أشغلها.

نزلتها ونزلت. وبده تيم يسويها. ويسوي حساب الي. وكال:

تيم: لازم اربطها لو فيس لو كوكل. حتى إذا شتريتي تلفون جديد. أو إذا مسحتيها بل غلط أكدر أرجعها.

هاجر: يصير تسوي على اثنينهم؟

تيم: يصير طبعاً.

سوه حساب ونزلنا جيم. وعلمني شنو أقوى سلاح. وشنو الي يفيد. وشنو الأشياء الي بيها. وعلمني وين اكو أماكن ينزلون بيها. وكال:

تيم: بسكول وبل مطار وبوشنكي. يصير اشتباكات.

هاجر: شنو سكول؟ شنو مطار؟ شنو بوشنكي؟ شنو اشتباكات؟ ما فهمت شي.

تيم: سكول، مطار، بوشنكي. هاي مناطق تصير بيها مواجهات. يعني احنا نقتلهم. وهما يقتلونا. وإذا تموتين مرة وحدة تطلعين من الكيم. أما اشتباكات. هاي گمعنا كونا.

هاجر: أي فهمت. وشنو تيِم؟

تيم: يعني انتي وجماعتج يسموها تيِم.

هاجر: ..........

...

انتهى البارت

شنو رأيكم بهل بارت؟ وشنو تتوقعون يصير؟

هاجر : وكم واحد أكدر أدخل معاي؟

تيم : أربعة أكثر شي، خمسة ما يصير.

هاجر : ويصير ندخل ثلاثة أو اثنين أو وحدي.

تيم : أي يصير، تعالي نلعب كيم أعلمك كل شي.

لعبنا كيم وطلعنا مركز ثالث، وكلش عجبتني. وكال تيم:

تيم : إذا ماكو أحد من صديقاتك أو أحد تلعبين وياه، ادخلي هنا. وأكو بنات وأكو ولد، بس هاجر ولد لا.

هاجر : أدري بدون ما تكول، بس بنات.

تيم : خوش، وانتبهي اكو ولد مو زينة، وإذا كتلتيهم يغلطون. دير بالك أنت هم لا تغلط، لأن لسانهم وصخ وما حاجة أعلمك بولد هسه، خاصة من طلع داعش من الموصل الكل تغير.

هاجر : أدري، لا تخاف.

انفتح الباب وفات إلياس وأسيل.

أسيل : ما شاء الله كلش حلوين سوا، أحسكم تتراهمون.

تيم : شكراً لأن تعترفين نحنا حلوين.

أسيل : مو قصدي هيج، قصدي تلبقون لبعض.

هاجر : لا حبيبتي مانلبق، مستحيل أعيش وياك بيت واحد، لأن المكان اللي تدخلين عليه تنجس بوصاختك، وهسه بره غرفتي بلا مطرود اثنينكم.

إلياس : بيت جدي وين ما يعجبني أروح.

هاجر : من تكون هاي غرفتك جدك ساعتها تعال عليها.

أسيل : لا تحجين ويا خطيبي هيج.

هاجر : أشوف غيرتي لهجتج، هاه نسيت تخافين من جدو؟

أسيل : هذا مو موضوعنا.

هاجر : شنو موضوعنا لعد؟

أسيل : إنو تلبقون لبعض.

تيم : أني أحب إيلا، ف لا تظلين تلوصين بكيفك.

إلياس : تيم، أحجي ويا خطيبتي باحترام، لا أشققك.

شفت تيم سكت وما حجه شي. احترام لأخو الكبير. أني ماتحملت وكلت:

هاجر : خلي يلزم حدها حتى لا يحجي عليها، ويلا خذها وبرة غرفتي.

صرت أدفعهم حتى يطلعون. كال إلياس بأذني:

إلياس : ما أخليج تتهنين بحياتج بدوني.

نصدمت، هذا شبي وشنو قصده وليش هيج كال؟ ما فهمت شي، بقيت صافنة وأحجي ويا نفسي. كال تيم:

تيم : شنو كالج؟

هاجر : كال ما أخليج تتهنين بحياتج بدوني.

تيم : شنو يقصد؟

هاجر : معرف، حالي حالك.

تيم : خلي يولي، هو بس يريد يخرب الوناسة مالنا، لا تفكرين.

بي فتح الباب واجت عمه أميرة وكالت:

أميرة : يلا عيني تعالوا كُلوا، كاعدين هينة تلعبون ونحنا مخبوصين.

طلعنا ناكل. كل ما أرفع راسي أشوف إلياس يدحك علي. مليت بس جنت جوعانة ف كملت أكل. رفعت راسي مرة ثانية، هم جان يدحك علي، بس هسه غمز لي. اختنكت وصرت أكح وأريد أجر نفس، ما أكدر. تموا علي، واسمع تيم يكول:

تيم : تبعدوا من يمها، خلي تشم هواء.

أمي انطتني مي وشربت ورجعت أكمل أكل. كملنا الأكل، وأني والبنات صرنا نلم بالسفرة. أني وجاي أشيل صحن المرق، اجت من يمي أسيل وضربتني بكتفها، وكع صحن المرق علي وملابسي كلها صارت مرق. عصبت وزتيت الصحن وانكسر، وكتلها:

هاجر : أنتي عمية ما تشوفين لو تسويها عن قصد لأن ضايجة مني. اسمعي حيوانة، خليج وحدج ولا تجين يمي، صدكني أندمج. وتلفوني يشهد.

ما حچت شي وظلت ساكتة. وجها صار أحمر، والكل صار يدحك علينا وعلامات تعجب مبينة على وجوهم. كالت:

أسيل : آسفة، ما شفتج، عذريني.

هاجر : ما شفتيني لو عن قصد سويتيها؟ هاي سوالفج مو علي.

أسيل : كتلتج ما شفتج، ليش تريدين تسوين مشاكل؟

هاجر : أني لو أنتي.

عفتها ورحت لغرفتي أب بدل. شوف حال ملابسي تلعب النفس وريحتي صارت مرق. فتت سبحت وطلعت، بدلت وجاي أمشط شعري. انفتح الباب وفات إلياس. كلت:

هاجر : خير، إن شاء الله. جيت أنت تزت التمن علي؟

إلياس : لا، بس جيت علمود غير موضوع.

هاجر : شنو الموضوع؟ احجي بسرعة مو فاضية إلك.

إلياس : هسه صرتي مو فاضية. المهم، بعدج تحبيني؟

هاجر : ههههه، أكيد تشاقة بسؤالك.

إلياس : ترا جاي أحجي بجدية.

هاجر : جوابي لا، ما أحبك وأكرهك هم.

إلياس : لعد ليش من غمزتلج اختنكتي وصرتي تكحين؟

هاجر : انصدمت وما توقعتها، ولهذا السبب اختنكت. وبعد لا تعيدها لأن لعبت نفسي. وهسه بلا مطرود برة غرفتي.

إلياس : راح اطلع، ميخالف. بس راح أخليج ترجعين تحبيني.

هاجر : ههههه، عفواً عفواً، بس شنو المميز بيك؟ أشوف لا رجولة، لا أخلاق، لا أدب، لا شخصية. على شنو أحبك؟

إلياس : وليش من جنتي تحبيني ماشفتي هاي الشغلات؟

هاجر : ماينرادلها سؤال، جنت مخدوعة بيك، عادي.

إلياس : يعني أني مو رجال وما عندي أخلاق وما عندي شخصية؟

هاجر : أي، ونسيت الأدب هم.

إلياس : حلو، يصير خير. ثقي أنو راح أخرب حياتج، وراح أبدأ بأول شي تحبيه وهو المدرسة.

هاجر : من تكون أنت أبويه ساعتها أحجي. ويلا برة، مو مال احترام، واكف بنص غرفتي ويهدد. النص رجال.

إلياس : أشوفج النص رجال شنو يسوي.

تقرب يمي ولزمني من زندي وباس خدي. دفعتة وكتله:

هاجر : شنو هل وقاحة؟ اطلع برة لا أصيح وأفضحك يا نص رجال.

إلياس : يصير خير. بربوك.

طلع، حتى بدون ما أرد. شنو من بشر هذا؟ الله ياخذه، يريد يخرب حلمي. قفلت الباب وبديت أبجي بسكوت. ما أعرف شنو أسوي، والمشكلة جدو يسمع من إلياس، لأن جدو مربي ويستشاره بكل شي، حتى أكثر من بابا وعمامي. وهذا الشي مستغل إلياس ويسوي كل شي يريد، لأن جدو واكف بضهره. الله ياخذه ويخلصني منه. تعبت، معرف شنو يريد مني بعد؟ الله ياخذني؟ لا ليش ياخذني؟ ياخذه يارب.

بقيت أدعي عليه بكلب محروك. سمعت الباب اندك. مسحت دموعي وظليت أبتسم شوية حتى تختفي دموعي. فتحت الباب وجان تيم وإيلا. كالت إيلا:

إيلا : هاجر... دقيقة؟ ليش عيونج حمر؟ اكو شي؟ ليش تبجين؟

حجيت كل شي صار، وجنت منهارة علمود المدرسة، ماريد أبطل، أريد أحقق حلمي وأروح صيدلة. وأحس هو راح يخرب هذا الحلم.

تيم : شعليج بي؟ أكيد أبوك ما يقبل. وإذا صار هيج ساعتها كولي لهم انتحر، وهما يسكتون علمود الفضيحة، ومحد يكولج شي.

هاجر : خرب يومك، مو عقل. ضيم، من وين تجيب هاي الأفكار؟

تيم : قبل ما أنام.

هاجر : بربك شنو تفكر قبل ما تنام؟

تيم : أفكر شنو راح نسوي بعرسنا أني وإيلا، وشلون راح يطلع.

دحكت على إيلا، وجانت خجلانة، وجها أحمر. كلش حلوة وهي بيضة، أبيض وحدة بينه، حتى عيونها خضر. كلش حلوة تشبه أبوها.

هاجر : راعوا مشاعري وأنجبوا، عيب عليكم.

تيم : عذرينه عيني.

هاجر : والله بس أنت الي تضحكني وتنسيني همومي.

تيم : أختي الغالية.

هاجر : بعد روحي أختي الغالية.

تيم : ولج شنو أختي وشواربي ماشفتيها؟

هاجر : دوختنه بشواربه، شوارب أسيا أطول من شواربك.

تيم : ولج تحجين على شواربي؟ لو جانت شعرة وحدة ما يصير تحجين عليها.

هاجر : شوارب تيم، أني آسفة، اعذروني خوش هيجي.

تيم : أي عفية، هسه رضو عليج.

هاجر : صحيح، ليش جيتوا عليه؟

تيم : والله نسيت ليش جينا.

إيلا : حتى أني نسيت ليش جينا.

فاتت عمه مريم وكالت:

مريم : تيم، أنت هوني، وأخوك يدوخ عليك، روح جيب الدي جي بسرعة.

تيم : هسه أطلع، أجر واحد وأجي.

طلع هو وعمه مريم. وكلت لإيلا:

هاجر : شكو؟ ليش دي جي عدنا عرس ومعرف؟

إيلا : لا، بس جنات أفندي كالت جيبوا دي جي علمود نحتفل بخطوبة بنتها العار.

هاجر : امم، لعد خلي أحل شعري وأحط مكياج شوية. تعالي أنتِ هم.

بدينة نحط مكياج، واجت رسل كالت:

رسل : ليش تحطون مكياج؟

هاجر : علمود الحفلة.

رسل : غداً يجي شهم يخطبني.

هاجر : منو شهم؟

رسل : صديق يونس.

هاجر : يعني تحبون بعض لو شنو؟

رسل : أي.

هاجر : تحجون مع بعض مو؟

رسل : مرة شافني وكال أحبج وراح آجي أخطبج.

هاجر : أشون عرفتي غداً يخطبج؟

رسل : أخته صديقتي، هيا جت عدنا وكالتلي البارحة.

هاجر : خوش، الله يكتبلج اللي بي الخير، وإن شاء الله يوافقون.

رسل : خايفة جدو يرفض.

هاجر : والله معرف، إن شاء الله يقبل.

اجت جنات وكالت:

جنات : جدكم يصيحكم.

إيلا : أي عمة، هسه نجي.

طلعنا وراها، وجدو كال:

جدو : هاجر ورسل، جو خطابة عليكم البارحة، وكالوا انريد البنتين، بنت تامر وبنت علي. وأنا أقول الولاد حبابين ومابيهم شي.

هاجر : كتلك جدو، من رفضتو محمود ما زوجت، هسه اله بكيفي.

جدو : ما بكيفك، بكيفي، وأنا أعرف مصلحتكم.

هاجر : والله اللي يجبرني على شي ما أريده، أنتحر وأخلص منكم ومن هاي العيشة الزفت.

كمت وردت اطلع. وصلت يم الباب وجدو صاح بصوت هز البيت هز:

جدو : ما عندي بنات ترفض كلامي، والكل يسمع الكلام.

إلياس كال كلام خلاني أنصدم:

إلياس : جدو، ماله داعي، اللي ماتريبه براحتها، لا تجبرها. وبعدين منو خطبها؟

جدو : ولاد أبو أحمد.

إلياس : ماله داعي، الولد سمعتهم مو حلوة، يكولون يسكرون.

جدو : أنت تشوف إنو نرفض؟

إلياس : أي، لأن هاجر ورسل مثل خواتي، وما أريد شي ينغص عليهم.

جدو : خلص، اللي تشوفه صح نسوي.

ارتحت نوعاً ما، بس ضجت لأن يسمع كلام إلياس. رحت للغرفة وضربت الباب بقوة، وكعدت على السرير ضايجة. يعني معقولة واحد عمره 23 يضحك على واحد عمره 66؟ مو معقولة.

انفتح الباب وفات إلياس مبتسم وكال:

إلياس : شفتي شلون قنعت جدو ما يزوجكم.

هاجر : تريد أشكرك مثلاً؟

إلياس : إذا تبوسيني بمكان الشكر.

هاجر : الله ياخذك، شكد ما تستحي؟ اطلع برة.

إلياس : صدك، إذا يزوجوج تنتحرين؟ كولي أريد إلياس وفضيها.

هاجر : لو تبقى آخر ذكر على وجه الكرة الأرضية فلا أقبل بيك، أنتحر وما آخذك.

إلياس : هيج تكرهيني؟

هاجر : أكثر ما تتصور. وهسه برة.

صرت أدفع بيه حتى يطلع. طلع وبعدها بقيت بغرفتي وما طلعت. صار العشى وبقيت بغرفتي وكتلهم ما أشتهي. راسلت البنات وكتلهم على بوبجي ونزلوها وبديت أعلمهم.

سارة : كتلني، الحكوني يمه، الله ياخذه موتني. أصبر، خلي تعالجني. ولجن عالجوني.

هاجر : صوتج فضحتينه.

رزان : حباب لا تفنش، هسه تجي صديقتي تعالجني ونتحالف وياكم. شنو رأيك؟

هاجر : ويا منو تحجين؟

رزان : هذا اللي كتلني. حباب مراح يموتني، تعالي عالجيني.

راحت ريماس تعالجها، وأني عالجت سارة. وكان يقتل ريماس ورزان. كالت:

رزان : ابن القندرة، ليش تفنش؟ مو كتلك تحالف. أنعل أبوك.

هاجر : على كيفج عيني، محد كالج شي. (أهجمي) عليهم.

سارة : ورا الكرفان واحد.

رزان : أي، هذا اللي كتلني. اللي تكتله الها بوسة مني.

هاجر : اقتلو، بس ماريد البوسة.

رزان : طبج مرض، أنتي الخسرانة.

كتلتو، واسمع رزان تصيح: كفو، كفو، بعد روحي. انطرشت من صياحها. شلون أهلها؟ محد كعد على صوتها. معرف. جان ريماس تكول:

ريماس : ها حيوان؟ بنية تكتلك؟ روح طم نفسك بالطين. أمداك من بين الزلم.

بعدها اجانه ناس وكتلونا. وسارة كالت: أروح أنام. ريماس كالت: أروح أشحن تلفوني. ورزان كالت: أروح أراسل علاوي. وبقيت وحدي، معرف شنو أسوي. كلت أفوت ويا بنات ونحجي. شفت بنت دازة بالعام. دخلت. وكال واحد:

... عود اسمها شيخة زربة احسن.

هاجر : أنجب. أصلاً أني دخلت ويا بنات، أنت شلون طلعت لي؟

... زهراء، يعني هاي من يمك مو؟

زهراء : أي، نجب، خلي أحجي وياها. شلونج كلبي؟ شنو اسمج؟ من وين؟

هاجر : تمام الحمد لله. هاجر، موصل 17.

زهراء : تشرفت بيج. أني أكبر منج سنتين، واسمي زهراء. أموري حبيبي ليش ساكت؟

أمير : موجود كلبي، بس أنتظرجن تكملن.

هاجر : هذا حبيبج؟

زهراء : أي، وزوجي، وصار النه ثلاث سنوات متزوجين، وعدنا علاوي.

.... شنو رأيكم نفوت كيم وتتعرفون بالكيم؟

دخلنا كيم وبدينا نلعب. ما جنت أحجي شي لأن معرف شحجي، وبس جنت أحجي ويا زهراء، لأن ما جنت أريد أحاجي ولد. كالت زهراء:

زهراء : هجورة، عندج انستغرام؟

هاجر : أي عندي.

زهراء : خوش، من نخلص الكيم دزيلي يا على الخاص.

صرت أحجي وياها، لأن هيا تضل تحجي. بعدها واحد منهم كال:

... شكد تحجون لخاطر الله.

زهراء : وأنت شعليك؟

... أريد أركز بالكيم.

زهراء : أمير، عاجبك حجي تميم؟

أمير : تميم، سد حلكك، خلي يحجون، معليك بيهن. بلكي زهراء تلكة صديقة، لأن تعرف ما عدها.

هاجر : يعني هذا اسمه تميم؟ أول مرة أسمع هيجي اسم.

تميم : ليش عيني، ما عجبج؟

هاجر : بالعكس، حلو. يعني غريب، ما سامعته من قبل.

تميم : هو أني كلني حلو، مو بس اسمي.

هاجر : الله، الثقة. شكد مغرور. على شنو شايف نفسك؟ الله يعلم شلون شكلك؟ غير يخوف، لأن كل واحد مغرور يطلع يلعب النفس وما حلو.

تميم : غير إذا تشوفين جمالي، أنتِ تضلين تزخفين علي وتكليلي أحبك.

هاجر : أني ما أحب أحد على شكله، أحبه على أخلاقه وشخصيته.

تميم : أمير، بدون زيج. بعدين وين اكو واحد هسه بقى على أخلاقه؟ كلها صارت كو***.

هاجر : هسه إذا أنت هيج، مو معناها الكل.

تميم : خاب نجبي وسدي حلكج، لا أشكه.

هاجر : كل خرة ولا تغلط.

قبل ما أحجي، أمير كال:

أمير : تميم، بلا أكلان نعل، خلينة متونسين.

زهراء : تميم، بلا مشاكل. شكد تحب المشاكل؟ كافي حباب، يوم واحد بدون مشاكل، رحمة لأهلك. من يوم اللي تزوجت لهسه أنت كل يوم مشاكل، حتى الكل ضاج منك.

تميم : خلي كل واحد يضوج يضوج، المهم أني متونس.

هاجر : يعني هسه أنتو أقارب؟

زهراء : شوفي حبيبتي، أمير ابن خالتي وزوجي، وتميم ابن عم أمير.

هاجر : ها، فهمت. عبالي أصدقاء.

تميم : يا ابن الجلب، أمير الحيوان، تعال هيلني (عالجني) ولك، تعال، راح يفنش خوات الك*** بيكم خير، تعال وجه بوجه، مو غدر. **** خواتكم، أمير ابن الخرة، تعال هيلني.

أمير : ابن الخرة، كافي تفشر. نحنا مو وحدنا، لا تضل حيوان ويانا بنات، مو وحدنا.

تميم : اكل خرة، أنت عالجني وما عليك، واللي ما عجبه يطلع.

صار نقاش بينهم، واحد يغلط على الثاني، وحجي وصخ. آخر شي ضوجوني، وكلت:

هاجر : أنتو ماتستحون؟ ترا نحنا بنات وياكم، ما بحدكم، ف احترمونه شوية. وعود من تشوفون بعض اغلطوا واذبحوا بعض، محد يحجي، بس هينة لا.

تميم : إذا ما عاجبج، الباب يفوت مطي.

هاجر : مو ضالة على سواد عيونك، بس يخلص الكيم أطلع.

تميم : طبج مرض، وإذا تطلعين من هسه بعد أحسن.

هاجر : الكيم مو مال أبوك حتى أطلع، واكرمنا بسكوتك.

زهراء : تميم، كافي عاد. وهاجر، ماكو طلعة. حبيتج وأريد أصير صديقتج، وإذا تميم ما عاجبه هو يطلع.

تميم : تبيعيني علمودها؟ وسفة والله.

بقينة نلعب، وكيم يجر كيم. بعدها شفت الوقت تأخر، وصار موعد أذان الصبح. هسه ماما تكعد، وإذا شافتني كاعدة تموتني. ف كتلهم:

هاجر : أني راح أروح، وتشرفت بيكم، ما عدا تميم.

تميم : ماريد تتشرفين بيه.

أمير : وين خيتي بعد وقت.

تميم : عوفها يمعود، صدكت أني، بس خلي تفكنه.

هاجر : الي يسمعك يكول قاتلة نفسي عليك.

تميم : غير إذا تشوفيني تضلين تلحكين وراي.

هاجر : ولا يكعد، توني كروس.

أمير : أنتِ مشجعة ريال؟

هاجر : أي، شلون عرفت؟

أمير : من توني كروس لاعب ريال مدريد.

هاجر : أي صح، نسيت. وأنت منو تشجع؟

أمير : طبعاً ريال.

هاجر : حلو، نفسي يعني. وزهراء؟

زهراء : برشلونه.

هاجر : لا يمعودة، طلعنا مو نفس تفكير بعض. بس لا تكليلي تحبين المنغولي.

زهراء : منو هذا المنغولي؟

هاجر : ميسي.

زهراء : لا دير بالج تحجين علي، أحبه أكثر من أمير.

أمير : لج.

زهراء : أقصد أكثر من تميم. شبيك صاير سمعك ثقيل؟

تميم : هاجر، أنتِ منغولية؟ لا تحجين على تاج راسج.

هاجر : قصدك ميسي منغولي؟ يلا تتراهمون، منغولي يشجع منغولي. ههههه.

أمير + زهراء : ههههه.

أمير : عجبتيني هنا. هههه، والله وجان تجي وحدة أطول من لسانك.

تميم : لو أحطها براسي، أخليها تلحك وراي، بس تعرف، ما أحب هاي السوالف.

أمير : أبداً فقير، ما تحب هاي السوالف.

هاجر : المهم، أني حروح هسه، بيباي.

زهراء : أوكفي، عود راسليني خوش.

هاجر : باجر إن شاء الله، لأن هسه أريد ألحك أسوي نفسي نايمة قبل لا تجي ماما.

طلعت وبسرعة زتيت التلفون وسويت نفسي نايمة. فد ربع ساعة وجان ينفتح الباب. دائما ماما تجي حتى تشوفني نايمة لو لا، وأني حافظة وقتها، ف قبل ما تجي أسوي نفسي نايمة. ومرات تجي قبل الموعد، بس بسرعة أطفي التلفون وما تحس.

نمت وكعدت الصبح، ميتة نعس. لازم الكل يكعد بالـ 10، والي ما يجي للريوك الساعة 10:05 ياكل رزالة من جدي. أصلاً هو ليش عايش ويانا؟ مادري، بس لأن بابا أصغر واحد، بقى ويا.

راسلت رسل علمود أعرف إيمتا يجون، وكالت العصر. وأكيد إذا طلبوها عمي راح يكول لجدو، وجدو يجمع الكل وياخذ رأيهم. بس إذا هو جان موافق والكل رافض، خلص تصير. وإذا هو رافض والكل موافق، ما تصير. لو معرف منو يجي.

ساعدت ماما بالغدة، وسمعت صوت تلفون ماما. وجانت عمه أميرة وكالت:

أميرة : أشونكم؟ أخباركم؟

مروة : الحمد لله. أنتم أشونكم؟

أميرة : الحمد لله. الجمعة الجاية النيشان والحنة مال إلياس. عود تعالوا من الخميس.

مروة : والله أني ما أكدر، لأن عمي وعلي بالبيت، ما أكدر. وهاجر تعرفين أنو ما تجي؟

هاجر : لا، أروح عادي. أي عمة، أجیکم الخميس، بس خلي تيم يجي ياخذني، لأن بابا ما بيده مجال.

أميرة : عفية حبيبتي، لا تخلين أحد يشمت بيج. وهذا ابني العار، أشون بدلها عليج، ما أعرف.

هاجر : هو أصلاً ما اختارني حتى يبدلني. المهم، عود أنتِ خبري جدو وكليل له، لأن هسه أكيد يرفض، بس منج يسمع.

أميرة : هاي سهلة، خليها علي.

صرت كل يوم بليل أدخل بوبجي، وألعب ويا زهراء وأمير وتميم. وكل يوم لازم نتعارك. ما أعرف ليش. صادف اليوم ثلاثاء، وماما كعدتني الصبح وكالت نروح بيت جدي. وتبدلت ورحنا. وصلنا، وفتت سلمت عليهن. وجان اكو ولد أول مرة أشوفهم. اللي عرفته إنهم ولد خالي. هندرين أخوها بارق ومحمد. ريم أخوانها حيدر وعبدالله. وعدها خوات ثنين كبار مزوجات وعدهن أطفال. أما نور، عدها أخ واحد واسمه أسامة. واخت هندرين إيمان تحبه. وفاطمة أخت هندرين الثانية ماتحب أحد، كل همها دراستها. وكلش عاجبتني، أحسها غير، تختلف. يعني مرات نروح بيت جدي، هيا تكون مو موجودة بسبب الدرس. وهيا أكبر مني، بس خطية، جانت بالثالث ثلاث سنوات تطلع لها نفس النتيجة. ولهذا السبب، هسه أني وياها نجحنا سادس علمي. وهمام وحارث ولد خالي الكبير، ما عدهم خوات. أما ولد خالي الثاني والأخير، إيلين وإيليا وجود. وجود عمره سنة ونص. إيلين وإيليا توم، عمرهن 11 سنة. بس جنت أعرف همام، لأن شفته بعرس كرايب أمي. اجت هنوش وكالت:

هندرين : تعالي لغرفة جدة، نكعد بيها ونسولف.

رحنا لغرفة جدة. وكلت:

هاجر : اكو واحد كلش حلو، لابس أسود. منو هذا؟

هندرين : وشعره لحد هينة؟

خلت إيدها يم أذانها، معناها بهذا الطول. كتلها:

هاجر : أي.

هندرين : أخويه بارق.

هاجر : شنو هذا الاسم غريب؟ شنو قصة الأسماء الغريبة؟ تميم وبارق.

نور : منو تميم؟

حجيت لهن على تميم وعلى زهراء وعلى أمير، وشلون قصتهم حلوة. وطول هاي الأيام أحجي وياها، حتى ويا أمير صرت أحجي، بس تميم لا، لأن ما نتصافى.

نور : عندج صورة لتميم؟

هاجر : لا، ليش؟

نور : اسمه غريب وحلو، توقعت هو هم يكون حلو.

هاجر : ليش هيج واثقة؟ بلكي طلع يلعب النفس.

نور : إحساسي أبداً ما يطلع غلط.

هاجر : قبانو لحساسج.

بقينة شوية نحجي، واجاني مسجات على تلفوني. شفتوها، جانت من زهراء وكاتبة:

💬 زهراء : هجورة شلونج؟ شخبارج؟ شو اليوم ماكو.

💬 هاجر : الحمد لله زينة، وأنتي.

💬 زهراء : الحمد لله دومج. شكو ماكو.

💬 هاجر : والله ماكو شي، جيت على بيت جدي.

💬 زهراء : جا، أخذي راحتج وياهن، بيباي.

راحت. وفتت للحساب، شفت جايني متابعة. فتت على حساب اللي تابعني، شفت متابع زهراء وأمير. استغربت، معقول واحد من كرايبهم؟ وجان ناشر صور هواي، وحسابه لا بأس به، يعني جان بي 4K متابع. شفت الصور، وجان أشوفه واكف يم سيارتي المفضلة. كمت أصيح وأكول:

هاجر : من وين جابها؟ هاي بس بأوربا موجودة. يمه يمه كلبي راح يكف.

صرت أكح، ونور تضرب ظهري. كالت هنوش:

هندرين : ريم، ماء لهاجر بسرعة.

جابت لي ريم ماء وشربت، وأحس راح أختنك، بلكوة أجر نفس. أني أشوفها بالتلفون، أجن. هلمرة اللي تابعني عنده هيا، غير أموت. كالت هنوش:

هندرين : بس فهميني شكو.

هاجر : اكو واحد تابعني وعنده شبح موستنك، وهاي بعدها ما جت على العراق، بس عند الأجانب. يربي، هذا من وين جابها.

هندرين : شنو هيا الشبح؟

هاجر : سيارة، من جنت أشوف مسلسل إسباني، جان البطل عنده شبح موستنك ويتسابق. وتجنن السيارة.

جان تلفوني بأيد نور وكالت:

نور : شوفي، عنده كثير صور مع السيارات.

هندرين : حتى حلو، والله.

هاجر : خلي يسمع حمودي.

هندرين : لا عيني، حمودي أحلى.

ريم : لا، هذا أحلى، والله.

نور : أي والله صح. حمودي حلو، بس هذا أحلى. حتى عيونه رصاصي، غريبة، ما كأن شفت منها.

هاجر : أمير وزهراء يتابعوه.

ريم : اسألي زهراء أو أمير.

هاجر : هسه أراسل زهراء.

راسلت زهراء، ودزيت الحساب لها، وكتلها منو هذا؟ متابعج أنتِ وأمير. ردت:

زهراء : عزة، هذا شعرفة؟ أنتِ من كرايبهم مو؟

هاجر : منو هذا؟ من كرايبكم مو؟

زهراء : .....................

.....................

انتهى البارت.

منو تتوقعون يكون اللي راسل هاجر؟ وشنو يصير بعدين؟

زهراء: هذا تميم وليش حتى يتابعج على حد علمي لا انتي تطيقي ولا هو يطيقج.

هاجر: دقيقة شلون هو أصلاً ليش حتى يتابعني.

زهراء: راح أحجي ويا أني وأكلج.

عفتها ودزيت حسابه للبنات سارة ورزان وريماس وصعدنا اتصال علمود نحكي.

كالت ريماس: كلش حلو والله حتى السيارات اللي يمه حلو.

العبي بيها هاجر تخلي تتزوجين وأنتي تزوجين صاك الله حيو.

هاجر: شنو مجنونة أزوج تميم لو يبقى آخر واحد.

ريماس: هسه نشوف.

رزان: عزة ولج يمة شلون صدفه ما تصير حتى بالمسلسلات.

جانت تصيح مدري شبيها أني أذاني أحس ما عاد أسمع بيها.

كالت سارة: وسم حتى سم أشبيج ليش هل صياح.

رزان: بس اوكفن أستوعب.

سارة: أحجي أحسلج.

رزان: تذكرون من طلعنا سفرة مدرسية ومن تكاونت مع بنت وبعدين هاجر تكاونت مع بنت وجه ولد كتلجن حلو كلش وهيبة.

ريماس: أي وسم لا تكفين كملي.

رزان: المهم الولد هو نفسه هذا.

هاجر: بلا مضرطة هذا من بغداد وإحنا بالموصل شنو الي يجيبه علينا.

رزان: والله شكله ما يروح من بالي أعرفه كثير زين.

هاجر: ما جاي أستوعب شلون.

رزان: وداعت علاوي هو نفسه ومتأكده هم.

هاجر: باي هسه بعدين نحجي حروح أشوف زهراء بلكي تعرف.

سديت الخط وبنات خالاتي يصفنن.

كالت هندرين: شي ما فهمت.

هاجر: بعدين أفهمج.

خابرت زهراء لأن إذا أراسلها طول وما ترد بسرعة بسبب الشغل.

فتحت الخط علاوي ابنها كال:

علاوي: منو.

هاجر: حبيبي علاوي أني هاجر عرفتني.

علاوي: أي علفتج.

هاجر: وين زهراء أريدها ناديها بسرعة.

أسمع علاوي ينادي أمه ويكول:

علاوي: زهراء زهراء.

سمعت حجي يم علاوي حاولت أسمع وسمعت بس شوية والي هو:

....: ليش تعيط شبيك.

علاوي: اليد زهراء هاجر تليدها (أريد زهراء هاجر تريدها).

....: جيب أحجي وياها.

تميم: أي هاجر شنو تريدين.

تلبكت وما عرفت شحجي شلون أكله جيت علمود أسأل عنك وأعرف تفاصيل.

كلت:

هاجر: أريد زهراء عندي وياها موضوع مهم.

تميم: هسه أناديها الج أوكفي.

تميم: وين زهراء.

....: بالمطبخ شتريد منها.

تميم: صديقتها تريدها وتتصل عليها.

تميم: زهراء هاجر على الخط أخذي تريد تحجي وياج.

زهراء: هلو هجورة شلونج.

هاجر: روحي مكان وحدج ممكن.

زهراء: خوفتيني اكو شي.

هاجر: لا يا معودة ماكو شي بس أريدج بموضوع.

زهراء: إذا على موضوع تميم فما كتلج والله عذريني.

هاجر: لا مو بس هذا اكو موضوع ثاني هم يخص تميم.

حجيت الها وكتلها تفهميلي الموضوع بطريقة حلوة وما يعرف وما يشك بالموضوع.

«زهراء»

نصدمت من كلامها شنو من صدفه هاي جاي أتخيل تطلع صح مادري ليش أحسهم راح يزوجون هيج كلبي يكلي وأبد ما جان حسي غلط.

بس إذا حبها الله يعينها أكيد راح يكون نفس أبو وعمامه ولد عمه.

شفت تميم كاعد ويا أمير وأحمد يحجون.

أحمد أخو أمير.

كلت:

زهراء: تميم سؤال لما جنت بالموصل ماكو وحدة عجبتك.

تميم: شجاب هذا السؤال لبالج.

زهراء: جاوب وأكلك كلشي احجيلي شنو صار من رحت للموصل لأن أعرف رحت أماكن هواي.

تميم: أي رحت ويا حيدر وجماعته لهواي أماكن.

صار يحجي كل شي صار هناك وصل لمدينة ألعاب وكال:

تميم: جان اكو عركة مال بنات وكلش عجبني الوضع بقيت أباع وشفت البنات هم يباعن ومحد يدخل.

خطية اكو بنية انسحلت وشبعت كتل وسمعت إن السبب علمود تريد تنزع صديقتها الحجاب وهيج شي والبنيه ماتحملت وكتلتها بس شنو قوية وعندها جرأة كلش عجبتني.

نوب حتى حلوة كلش وشعرها على وجها جانت كلش بيضة.

زهراء: شلون عرفتها بيضة.

تميم: البنية الي واكعة بالكاع جان تطلع جسمها وأكو ولد عيب هذا الشي ف رحت الها ولزمت أيدها وشفت إن بيضة ووجها هم أبيض.

زهراء: تذكر شكلها.

تميم: أي ولهسه بالي وما يروح من بالي منظرها وهي معصبه وتعيط بوجهي.

زهراء: أوصفها الي.

تميم: أحسج اندمجتي شسالفة.

زهراء: تعرفني فضولية.

تميم: ما اقتنعت.

زهراء: إذا وصفتلي شكلها وعد أحجيلك كل شي.

تميم: عيونها صغار مسحوبة خشمها صغير حلكها وسط شعرها طويل لحد خصرها من فوك أسود من جوه قهوائي عبالك صابغته ملامحها هادئة ومبينة بريئة.

زهراء: راح أشوفك صورة وكلي نفس هاي لو لا.

طلعت صورة هاجر وحطيتها بوجه وكلت تشبه هاي.

شفته نصدم وفتح عيونه على وسعها وهو عيونه كبار صار يخوف.

بقه صافن.

كلت:

زهراء: ها وين رحت.

تميم: أنتي وين تعرفين هاي البنية.

زهراء: تشبه هاي لو لا.

تميم: مو تشبها هي بذاتها.

انصدمت من الصدفه مو معقول أحس إن مسلسل تركي من 200 حلقة.

كال:

تميم: زهراء لا تچنيني كولي وين تعرفيها.

زهراء: زين ليش متابع هاجر.

تميم: هسه شغلة بسالفة نعل كولي من وين جبتي صورتها.

زهراء: جاوب وأكول.

تميم: زهراء لا تحكميني وتتشرطي جاوبي.

زهراء: والله ما أجاوب اله أنت تجاوب.

تميم: مادري شفت حسابها وأحس اكو شي بداخلي كلي تابعها وتابعتها.

زهراء: عزة وربي مو صدفه ضيم.

أمير: هسه غير نفهم شكو.

أحمد: منو هاي ومنو هاي شو أني ما أعرف شي.

تميم: زهراء بداعت ابنك كولي.

زهراء: راح أحجيلك كل شي أنت من تابعت هاجر دزت حسابك الي وكتلها تميم ودزته لصديقاتها وحدة منهن كالت هذا نفسه الي جان بالموصل والي بعد هاجر عن البنية يعني البنية الي أنت عجبتك وبعدتها ولزمتها والي تكول حلوة هاي هاجر الي نحجي وياها بالبوبجي.

تميم: بس لحظة أستوعب ما جاي أفهم شي زهراء شلون صار هيج أكيد مضحكين عليه.

زهراء: أنت ما كايلي عليها وهاجر لما شافت صورتك ما عرفتك وصديقتها الي جانت وياها تتعارك هي شايفتك وحافظة شكلك أحس مسلسل تركي.

تميم: والله ما جاي أستوعب لك أمير الي حجيتلك عنها وكتلك حبيتها طلعت أحجي وياها وقريبة علينه وما عرفها هاي كله من دعائي كل يوم أدعي الله أشوفها وتصير الي.

زهراء: الي أفهمه أنت حبيتها يعني أنت تحب هاجر صديقتي.

تميم: أنتي متأكده هاي صورتها.

زهراء: أي حتى صعدت وياها كم وعلاوي يعرفها إذا مو مصدكني أنادي وشوفه الصورة.

تميم: أحمد نادي علي بداعتي.

أمير: شنو هاي تشك بمرتي تجذب.

تميم: أمير إذا هي نفسها والله زهراء الج أحلى هدية والقرآن.

أجه علاوي وتميم حط الصورة بوجه وكله:

تميم: علاوي تعرف هاي منو.

علاوي: هاجر صديقة زهراء.

تميم: منو هاجر.

علاوي: هاي هاجر.

زهراء: ما يعرف يكول اسمها يكول هاجر حبيبي هاي مو هاجر.

علاوي: أي هاجر.

زهراء: أنت مو مرة حجيت وياها وشفتها بالتلفون وصرت أنت وياها تلعبون وشوفتك الدب مالها الجبير.

علاوي: أي وكالت أجيبلك منه.

تميم: يعني هي.

زهراء: أي هي بس شوف ماريد هاجر تعرف إنو أني كلتلك هي.

تميم: لا أريدها تعرف وأعترف الها بحبي ومستعد أخطبها.

زهراء: مادري بس ما أعتقد توافق الي فهمته منها إنو ماتحب الحب والزواج وأعتقد عدها ماضي ف خلي أفهم منها وأكلك عوفه عليه.

رحت أراسل هاجر وكتلها تميم شنو حجالي من جان هناك بس ما كلتلها إنو مدح جمالج وحبج لأن أريد أفهم حياتها وبشنو مرت.

...........

«هاجر»

من سمعت كلامها فوراً كلت لسارة ورزان وريماس وبنات خالاتي.

ما فاهمات السالفة.

وزران كالت:

رزان: شفتي والله أعرفه لو تجيبون عشرة يشبهونه أطلعه غير كرش على بوقتها.

ريماس: هاي الصدفة أعتقد إن الله خلاها يمكن تصيرون مع بعض.

هاجر: ما أريد أصير مع أحد.

سارة: ما يصير تضلين هيج أعطي نفسج فرصة واعطي الولد هم.

هاجر: الولد ما كال أحبها ولا شي كال الموقف وبس لو كايل إنو معجب أو شي جان كالت زهراء.

رزان: بلكي كال الها وهي ماترید تكول علمود تعرف الي صار وياج.

هاجر: أني ما حاچية الها على الماضي.

سارة: لعد يمكن ماكو هيج شي.

رزان: أني أكول راح يصير وهسه تشوفن.

هاجر: أروح أحسن بنات خالتي دوخني يريدن يعرفن السالفة.

سديت الاتصال وحجيت للبنات على يوم السفرة وإنو طلع تميم هو نفس الشخص الي بعدني عن البنت وانصدموا.

وكالت هنوش:

هندرين: شفتي والله أعرفه لو تجيبون عشره يشبهونه أطلعه غير كرش على بوقتها.

هاجر: صدكي لهسه مصدومة وأصلاً هو شنو جابه على الموصل معرف.

نور: يمكن قرايبه هنا.

هاجر: أي صح عمتو مزوجة مصلاوي.

ريم: مو صدفه ضيم على كولة الوسط والجنوب.

هندرين: بس إذا حبج هنا تصيرون ثنائي يموت أنتي حلوة وهو حلو أشون يطلع إنتاجكم.

هاجر: أي بعد روحي اشتروا ملابس لع راسي أشبيكم يا معودات غلسوا على الموضوع مالي خلك.

هندرين: ليش ماتباتون بيت جدو.

هاجر: ما أكدر أريد أروح باچر على السوق علمود الحنة والنيشان مال إلياس.

نور: أشون تروحين عادي وما تضوجين.

هاجر: عادي.

ريم: لعد ليش عيونج تلمع وبيها دموع.

هاجر: أنتو وحتى عمه أميرة نفس الحجي شنو يعني وإذا تزوج خلي يتزوج المهم يعوفني بحالي.

نور: لعد ليش تبجين خلاص لا تروحين وأمك تكول ضليتي بيت خالتج.

هاجر: بعدين كلهم يستلموني من يشوفوني.

هندرين: وإذا تكدرين تردين عليهم بس مال تروحين وتدوسين على كلبج لا هاي نحنا مانقبلها.

هاجر: تدرين إنو عمه تريد نجي عدهم قبل بيوم وأني كلت أروح علمود لا يحجون لأن تعبت من حجيهم وغير هيج أريد أقنع كلبي إنو كافي يحن تعبت من هذا الحال.

نور: أدري والله بس كافي تبجين خلي يولي.

هندرين: شوفي أعرف صعبة أني مرة عفت مصطفى وكثير تأذيت وأنتي شلون حالتج من تشوفيه كدامج خاطب وراح يزوج.

هاجر: محد يفهمني تعبت وأني أمثل القوة تعبت وأني أسوي نفسي فرحانة الهم جاي أدوس على كلبي علمود كرامتي وكبريائي تعبت نفسيتي ما أكدر أنسى بعد بسببه طلعت بأربعة وجان هسه طلعت أعفاء وما تعبت نفسي تخيلي ما أكدر أتحمل أشوفه كدامي فوراً أضعف.

هندرين: أفهمج والله بس لازم تنسين وتنطين نفسج فرصة ممكن يكون غلط ولازم تتعلمين من غلطج أو ممكن يكون هذا سبب لأن أنتي بعيدة عن الله ولازم تتقربين منه.

هاجر: بس أني أصلي.

نور: مو بس صلاة لازم عبادة ولازم تقرين قرآن وإحنا ما نقره قرآن إلا برمضان وغير رمضان نهجر القرآن لازم تدعين مو بس تصلين وكافي لازم تصلين وأنتي كلج ثقة برب العالمين.

هاجر: كلامج كثير صح.

ريم: وأنتي من تسوين الي كالتو نور صدكي راح تتحسنين.

هاجر: راح أسويه والله تعبت منهم كل ما أشوفهم يزتون كلام علي وأني أريد أروح وأدخل بعيونهم.

أجت خالة وكالت تجون على السوق وكمنا نبدل حتى نروح.

بدلنا وطلعنا نمشي لأن قريب حيل على بيت جدي.

وصلنا السوق.

جنت أمشي وأحجي ويا البنات ومندمجة وعن أنزل من الدرج.

وريم كالت:

ريم: هاجر جلب يمج.

بسرعة نزلت ومتت خوف وصرت أتنفس بسرعة العالم انتبهت عبالها بيه شي.

غيرت الموضوع فوراً وحجيت بصوت عالي يلا بسرعة نزلو ليش هيجي ثكيلات.

هندرين: ليش تخافين من الجلب ترا جان نايم وميت حر.

هاجر: شوفي أحبهم بس أخاف منهم وأحلم أربي جلب وبنفس الوقت أخاف.

نور: والله أنتي تحيرين المايحتار.

فتنه محل عطورات وسألت علة عطري طلع ماكو مو دائما ألكه.

منو البنات اشتروا أشياء ورجعنا شفنا جلب وهنوش كالت:

هندرين: يا هاي حكم أش جابو هينه.

ريم: انجبي عوفي حكم بحاله روحي ولي.

عافتنه وتمشي مع خالاتي ضاجت.

كلت:

هاجر: هنوش عوفيها خطية تقبلين نحجي على حمود.

نور: تعرفين حسن شكد يتكاون مع هنوش يحبها نفس أخته.

ريم: أي بس يتكاونون تعرفين إنو هنوش هي خلت حسن ونور يحبون بعض يعني لو مو هي جان نور ما حجيت وحسن ما حجه.

هاجر: أشوو أني ما أعرف شي.

هندرين: طبعاً جنتي ويا أسيل وأسيا.

هاجر: بربج لا تذكريني تدرين تيماء مرت عمو تامر جانت تكلي ما خوش بنات لا تضلين ما وياهم وأني عبالي مضغوطة من صداقتنه وطلع كلامها كلو صح وأني الغلط.

هندرين: الواحد يتعلم من غلطه عادي.

نور: تيماء مو بنت عمو جاسم أخو جدو.

هاجر: أي تكون بنت عم أمي وأمهاتكم.

نور: أي صح لأن شفت رسل هناك بالعرس.

هاجر: أي لأن يكونون بيت عمها بس من شفتهم انصدمت بعدين تذكرت.

ريم: ثولة ما بيدج.

هاجر: على راسي هههه.

وصلنا بيت جدي والبنات قنعني أضل وخبرت بابا علمود أضل وكال:

علي: ليش تضلين.

هاجر: علمود نتونس وياهم حباب خلي أضل.

علي: مادام راح تتونسين ارجعي.

وصار يضحك بابا كلش يحب يشاقه ويانه ويلطف جو إذا أحد ضاج والكل يعرف بابا شكد شقوجي وبنفس الوقت محد يكدر يحجي معاه لأن بابا ينطيهم هيا بلكصة ورغم هشكل بس جنات أفندي تحجي عليه.

علي: ضلي بس قليلة المكي هسه أجي أخذه.

كتلو خوش وسديت الاتصال ورحت على ماما وكتله تحضري بابا يجي ياخذج وأنتي وحسين وكتله العصر تجي تاخذني ونطلع للسوق علمود أشوف بدلة.

بليل كالت هندرين:

هندرين: خلي همام يروح يشتريلنه نمنميات.

نور: أي خوش.

هاجر: نروح كلنا نكله لأن أني علاقتي ويا مو شي تعرفون.

رحنا على همام وهنوش كالت:

هندرين: همومي تروح تشتريلنا.

همام: من سمعت همومي عرفت عدكم شي احجوا أسمع.

نور: تروح تشتريلنه نفس ما كالت هنوش.

همام: تدللون بس أكيد راح تطلبون كثير أشياء أروح أجيب ورقة وقلم حتى لا أنسى شي.

والله وصدك راح جاب ورقة وقلم واحنا نكول شنو نريد وهو يكتب.

أبد ما ضاج أو تذمر بعدها كال:

همام: والله ضوجة خلي أني هم أشتري وتقبلوني معاكم لأن ماكو أحد بعمري.

هنوش: لا روح ويا جود.

همام: جود رجلي أطول منو أشون أروح معاه أصلاً حتى نام.

هاجر: أي تعال معانا نتونس.

راح أشترا وهو عنده غرفه فوك.

كناله عود جيب الأغراض فوك وبعدها بنص ساعة جاء وبيده كلاليك كثيرة.

كالت هنوشه:

هندرين: اللهم صلي على محمد وآل محمد.

همام: هاي يعني علمود الحسد لو شنو.

صرنا نضحك هو من نوع الي يشاقه أني ما أعرفه كثير بس البنات يحمدون بأخلاقه.

كالت نور:

نور: أخبار رقوشة.

همام: زينة تسلم عليج.

هاجر: منو رقوشة.

ريم: رقيه حفيدة عمو جاسم.

هاجر: عمو جاسم أبو عمه تيماء.

ريم: أي تكون بنت أخوها.

هاجر: أصلاً ما أعرفهم.

ريم: بس لو أعرف منو تعرفين.

هاجر: الله وكيلك ما أعرف أحد أحس نفسي جنت بسجن لأن كل ما تصير هينة جمعة تصير بيت جدي هم وأروح هناك لأن أنتو ما جنت أعرفكم بس هسه لو هم يجتمعون أجي هينة أطيب من غادي (هناك).

ريم: والله أنتي تعرفين أحسن.

هاجر: أحجيلي على رقيه لأن ما أعرفها.

شفت وجهه صار أحمر ضحكت وكلت:

هاجر: قبانو للخجول.

همام: عمرها 15.

هاجر: أوصفلي شكلها.

همام: لمن رحتي للعرس جان اكو بنت لابسة فستان أحمر وبي ورد أسود.

هاجر: أني البارحة أش سويت ما أعرف يجي يكلي على العرس أنسى والله.

همام: لعد من أشوفها وتكونين موجودة أشوفج هيا.

هاجر: ما عندك صور الها.

همام: عندي أشون ما عندي.

هاجر: يعني تحجون.

همام: لا بس أراقب حساباتها.

هاجر: يعني من طرف واحد.

همام: أي.

هاجر: وليش ما تكولها.

همام: أخاف ترفضني.

هاجر: عادي شوف حظك بلكي هي هم تحبك أو على الأقل احجزها.

همام: أمي ماتریدها.

هندرين: ليش أنت أمك منو تحب.

همام: على الأقل احترميها كدامي.

هندرين: آسفة.

همام: ولا يهمج.

هاجر: هسه عوفي أمو المهم أنت لازم تكولها على الأقل حتى تعرف وأمك تكدر تقنعها وإذا البنت ماتریدك خلاص أنساها وعيش حياتك للأحسن الك خاف على غفلة تنخطب أو شي.

همام: هم صحيح.

بقينه نسولف لحد الساعة 5:11 بعدها كلتلهم:

هاجر: أريد أنام قفلت وباچر راح يكعدونه من وكت.

همام: حتى أني هم نعست.

البنات نزلنا جوه وهمام بقى بغرفته ونمنه بالاستقبال على أساس أنام بس جذب سولفنه شويه وبعدها نمنه.

كعدنا الظهر بال 12:22 كالت أم همام:

أم همام: بس أحمو الجاي وكلو ونور بس روحي كعدي همام.

ريم: أي خالة.

راحت ريم وهنوش همت الجاي وأني حضرت الستكانات ونور جابت الجبن واللبن.

نزلت ريم وراها همام وكعدنا ناكل.

كملت أول وحدة لأن الصبح ما اشتهي أكل بس شويه وأقوم.

خابرتني ماما وكالت:

مروة: بال 3 تحضري راح نجي أني وأبوچ خوش.

هاجر: خوش.

سديت الاتصال ورحت أساعدهم بالغدة عود نادرة جذب بس واكفة وياهم لأن ما أعرف شنو أسوي ومعرف أشتغل بشغلات البيت كثير لأن ماما ما تشغلني كل شي عليها.

كلت:

هاجر: ليش أم همام ماتقبل تاخذ رقيه لهمام.

هندرين: لأن اكو مشاكل بين أم همام وأم رقيه.

هاجر: شنو المشاكل.

هندرين: أم همام جانت تريد تاخذ أخت أم رقيه لأخوها بس هما رفضوا لأن البنت صغيرة وهو أكبر منها.

هاجر: شكد أكبر منها.

هندرين: معرف بس كثير فوق ال 10 سنوات.

هاجر: أي هم كبير أشون تقبلها أم همام تاخذ صغيرة لأخوها الكبير.

هندرين: لأن حلو وعيني علمود الشاب ما يعيبه شي حتى لو كبير.

هاجر: شنو هاي التقاليد الي تلعب النفس.

نور: أي عادي عدنا يعني لو واحد عمره 30 تزوج وحدة عمرها 15.

هاجر: هي ليش تقبل ترفض وخلاص.

نور: إذا ماتوافق برضاها غصب عنها.

هاجر: شنو هل لعبان نفس ما يصير هيج.

نور: ما تشوفين جدج هم هيج.

هاجر: جدي بعد أضرب والله ما أتمنى جدي يصير جد عدوي لأن ماينحمل أبدا.

أم همام: كافي حجي اشتغلوا.

ريم: شكد مكروهة فوك مانساعدها.

كملنا التحضير مال غدة وحطينا السفرة وصرنا ننقل المواعين الي بيها خضرة للسفرة وكعدنا ناكل.

كملت وحدكت على الساعة جانت بال 2:26 رحت حتى أبدل ملابس لأن ماما تجي بال 3.

أجت هنوش وكالت:

هندرين: أي عيني خلصتي من المواعين.

هاجر: كل شي إلا المواعين والله أخاف على أظافري.

هندرين: أش تستخدمين لأظافرج.

هاجر: بس مقويات ومن زمان جنت أستعمل هسه ما أستعمل شي بسرعة يطولون.

عافتني وطلعت واني بين ماكملت أجو أهلي وبعدها طلعنا نشتري فستان.

بقينا نفتر وكل ما أمي تشوف شي تكلي هذا حلو تطلعين بيه ألف عيب مادري واكو حلوين بس أحس أختنق من أريد أشتري فستان علمود عرس حبيبي صعبة والله.

بكل خطوة أدعي عليهم المفروض أني بمكانها المفروض نجهز عرسي مو عرسها المفروض أني آخذ إلياس مو هي تاخذه صعبة حيل.

شفت فستان سمائي قصير لحد الركبة وبي نفشة بس مو كثير جان حلو ونازك ف كلت آخذه.

كال صاحب المحل:

صاحب المحل: هذا مو بيع بس تأجير وأجاره مو غالي 50 ألف.

بس كالت ماما:

مروة: خلص عادي نأجره علمود يوم الجمعة.

صاحب المحل: تمام تريدين تاخذيه من هسه لو يجي واحد يجيبه الكم الخميس بليل شنو تريدون.

مروة: أش تكولين ناخذه هسه أحسن من يوم الخميس لأن أنتي تروحين غادي.

هاجر: أي ناخذه هسه أحسن.

أخذنا الفستان وماما انطته الفلوس.

كال: هسه انطوني 25 ألف ومن ترجعو آخذ الباقي حتى إذا بي شي تدفعون أكثر.

كالت ماما تمام وطلعنا.

كلت لماما:

هاجر: أريد أروح وياهم على الصالون شنو كلتي.

مروة: أكول لأبوچ ونشوف.

رجعنا للبيت وكال جدي:

جدو: خابرت أميرة وقالت تريد هاجر تروح عندهم يوم الخميس الصبح وأنا قبلته وخلي تحضر أغراضها حتى تروح غدا الصبح.

هاجر: أي جدو هسه أكوم أحضرهم.

جدو: أول شي ساعدي أمچ بالعشويه.

ما حجيت شي لأن مالي خلك رزالة وكوة متحملة نفسي.

ساعدت ماما شوية وبعدها كال:

مروة: روحي اغسلي هذول المواعين الي على السنك.

هاجر: اكو كفوف مال مواعين.

مروة: كتلج لأبوچ يجيب.

هاجر: خوش.

لبست الكفوف وبديت أغسل بين ما ماما تخلص.

كملت وماما كملت بديت انقلهم على ميز الطعام الي بالمطبخ.

حطيت وشوية ورحت أصيح الكل طبعاً جدي يكون بغرفته وحسن وحسين بغرفتهم وبابا بغرفته.

صحت الكل وبدينا ناكل.

كملنا أكل وكمت أغسل مواعين وأساعد ماما.

كملت وطلعت لغرفتي حتى أحط أغراضي ب جنطة علمود آخذهم وياي.

حطيت ترك وحطيت دشداشة قصيرة للنوم لأني ما أعرف أنام بدون دشداشة قصيرة.

حطيت عطري وحطيت الشاحنة والسماعات.

كملت أغراضي والفستان كلت من أرجع ألبسه.

وجان اكو قاعة مصار كم يوم من فتحوها وراح يصير الحنة بيها والبنات من الصالون يروحون لبيت عمو ثامر وإحنا مع عمه أميرة عود من طرف العريس عشتو.

كعدت على السرير علمود أدخل بوبجي بس تأكدت إنو الكل نام ودخلت.

أول ما دخلت وصلتني دعوة من أمير ودخلت وياهم.

كال أمير:

أمير: هلا وميت هلا بيج.

هاجر: وبيك أكثر شلونك أموري وين زهراء.

أمير: أول شي أني زين ثاني شي زهراء راحت تسوي شامية علمود نسهر ثالث شي أنتي شلونج.

هاجر: تمام الحمد لله.

تميم: .......

..................

انتهى البارت

تميم : هسه دكافي تلغون. نادي زهراء وطب كيم.

أمير : هسه ليش مستعجل؟ شبيك؟

تميم : شبيك غير نلعب. ضالين انت وهاي تسولفون واني اباوع عليكم نفس المطي.

أمير : على راسي والله.

هاجر : هاي عدها اسم.

أمير : تميم شبيك شسالفه؟ هم تتعارك ويا الي تح...

قاطعه تميم وكال:

تميم : اكل نعل لا تلوص السالفه.

أمير : نسيت وربي، اعذرني.

تميم : دير بالك مره ثانيه، ترا تصير مو حلوه.

أمير : خلاص عيني، اعذرني.

يحجي بستهزاء كال تميم:

تميم : أمير انجب، كافي.

زهراء : هلو هجوره، شلونج؟

هاجر : هلا كلبي، الحمدلله. وانتي؟

زهراء : بخير.

تميم : كافي سلام. أمير طب كيم.

طبينا كيم. أول ما نزلت متت، كال تميم:

تميم : شكد بوته (ما تعرف تلعب).

هاجر : انت البوت ترا، ما عندي سلاح.

تميم : دور حجه.

هاجر : ما أريد أناقش مطي.

تميم : انتي المطيه، لا تغلطين، لا أشكلج حلكج.

هاجر : دكافي تحمه، رحمه لهلك.

تميم : ترا اني أحسن لاعب، شعبالج.

هاجر : هسه نشوف، إذا يجي بوت تشرد مو لاعب.

تميم : هسه تشوفين، اله افوز الكيم.

أمير : كافي ونعل.

تميم : النعل بحلكك.

الكل سكت. واني أطمش عليهم لان متت بالبداية. وجان يجي واحد ويكتل تميم، هنا مي بارد ونزل على كلبي، صرت أكول:

هاجر : كفو وربي، انت كفو. كسرت خشمه لهل مغرور.

تميم : انجبي. أمير تعال هيلني (عالجني).

أمير عالج تميم. كلت:

هاجر : وين راحت بطولتك من اجاك واحد وكتلك. والله عيب عليك زهراء، كتلتو وانت ما تكدر عليه.

تميم : هيو، صوتج ماسمعه. سكتي ولا تضلين تلغين براسي.

هاجر : انجب، وإذا ما عاجبك اطلع.

تميم : ليش الكيم مال أبوك؟

هاجر : دير بالك تحجي على أبويه. بابا خط أحمر، فهمت.

تميم : خفت من تهديدج. إذا أحجي شنو يصير؟

هاجر : جرب وشوف.

أمير : تميم كافي، ترا والله أحجي.

تميم : لا، خلص عيوني، أسفين.

كملنا الكيم وصار كيم يجر كيم. قرب موعد الأذان. كلت:

هاجر : اسمعو، باجر مالعب وياكم.

أمير : ليش؟

هاجر : باجر أروح لبيت عمتي وأبات يمهم.

تميم : شعندج تنامين يمهم؟ ماعدكم بيت؟

هاجر : هسه انت شعليك؟ لخاطر الله، منو حجه وياك؟

تميم : ماكو روحه. شعندج هناك؟

هاجر : بصفتك منو تمنعني؟

تميم : ح... اقصد هيج. معليه، روحي.

هاجر : الحنه مال ابن عمتي يوم الجمعه، واني راح أروح يوم الخميس لان البنات يرحن.

أمير : هاجر، سؤال قبل لا ترحين.

هاجر : شنو؟

أمير : انتي عندج كلمات مال بغداد، لو اني متوهم؟

هاجر : أي صح، خالي عايش بغداد من وكت داعش.

أمير : أي مو أكول، زين وين بيا منطقه؟

هاجر...

أمير : بعيده علينه. ليش انتو وين؟

أمير : اني وأهلي ب... أما تميم ب...

هاجر : معرف كثير بغداد لان ما زرتها ولا مره.

أمير : كلش حلوه. اكو أحلى من بغدادي؟

هاجر : طبعاً، كل واحد يحب محافظتو.

زهراء : انتي وأهلج ترحون لو وحدج؟

هاجر : لا، بس اني. وباجر الصبح يجي ابن عمتي ياخذني. حجيتلج علي.

زهراء : أي كتيلي علي، فد حباب.

تميم : ومنو هذا بله؟ وحباب شنو؟

زهراء : عدها ابن عمتها كلش حباب ودائما هو وياها. كلش حلوه صداقتهم.

تميم : وليش تحجين ويا أهلج؟ شلون يقبلون؟

هاجر : نحنا عدنا البنت تحجي ويا ابن عمتها عادي، مابيها شي.

تميم : والله عجيب، شنو هاي.

زهراء : عادي، مثل ما انتو علاقتكم قويه ويا حوراء.

تميم : حوراء غير؟

زهراء : مو غير، وهيا سبب مشاكلي ويا أمير. الف مره أكله لتحجي وياها، لا تنطيها عين زايده. وميفيد أحجي ويا الحايط.

أمير : بويه، شبيج تغارين من حوراء؟ ترا هيا اختنه.

زهراء : مو اختكم، بنت عمتكم. ماكو غير هاي القرابه بينكم، لا اختكم ولا شي.

تميم : إيمتا تكبرين؟

زهراء : لما انت تكبر.

هاجر : والله ما فهمت شي منكم.

زهراء : باعي هاجر. تميم وأمير وأحمد وكرار وحتى حمزه كلهم يحجون ويا حوراء، عبالك ماكو غيرها بالعائله. كلهم حوليها وشقه وضحك. لج حتى يضربون بعض. يعني شلون علاقتج ويا تيم؟

تميم : يعني ابن عمتها تيم مقارب اسمي، هم حلو وشخصيه مثلي.

أمير : هاي منو عفط؟

تميم : انجب، شكد سخيف.

هاجر : هسه تميم عادي يحجي باعتبار مو مزوج. أما أمير ف ما يصير لان مزوج. عندك مره المفروض هيا تكول تحجي ويا هاي لو لا.

أمير : واحنا إيمتا ناخذ بحجي النسوان؟

هاجر : مابيها شي إذا المره حجت شي. يمكن يكون رأيها أحسن من رايكم. وبعدين يضل رأي وهيا تعرف البنات كلش زين.

أمير : الي فهمته منج انو حوراء حاطه عينها على واحد بينه.

هاجر : لا، مو شرط يكون الحجي عليها.

أمير : جا شنو؟

هاجر : المشكله معرف أشرح. يعني مرات تكون علاقتكم حلوه تمام، بس المره لازم تغار. وإذا متغار ف أكيد ماتحبك. أما بالنسبه لالي، حتى لو جنت مطايقته هم أغار عليه لان يبقه زوجي. فهمت؟ يعني مو شرط يكون بينكم شي أو نيتكم شي، بس هيا تغار. وهذا من حقها. ولاتنسى انتو مزوجين عن حب.

أمير : زين انتي تزوجين حب لو تقليدي؟

هاجر : تقليدي.

أمير : شنو السبب؟

هاجر : ماحب الحب لان كله جذب.

أمير : بس هاي نحنا كدامج.

هاجر : مادري، بس بل نسبه لالي ماحبه.

تميم : ليش حابه من قبل؟

هاجر : حروح، راح تجي ماما.

تميم : تعاي، هيو، جاوبيني وروحي.

هاجر : ميخصك إذا حابه أو لا، مفهوم. بس كملت كلامي طلعت فوراً حتى لا يحجي شي لان مالي خلكه. وأخاف ماما تجي وتشوفني كاعده. حطيت راسي على المخده ونمت. ما حسيت إلا الصبح.

...........

« زهراء»

تميم : ليش طلعت وما جاوبتني؟

زهراء : تميم، لا تضغط عليها. ماتريد تحجي بالموضوع.

تميم : أريد أعرف علمود أعرف شنو أتصرف.

زهراء : مبين انو جانت تحب.

أمير : تدرون من كالت حنة ابن عمتي، حسيت عدها غصه بقلبها.

زهراء : اني مانتبهت.

تميم : ولا اني. بس قصدك انو هيا جانت تحب ابن عمتها؟

أمير : أعتقد. ومن طرف واحد هم.

زهراء : ليش؟

أمير : لان خطب. لو يحبها هو هم جان خطبها.

تميم : بس انت شايفها كلش محبوبه، وغير هيج حلوه.

أمير : أدري. بس مو كل الناس عدها ذوق.

تميم : بهاي وياك حق. زهراء، أريد تعرفين السبب بربج، لان كلش مليت من هاي الحاله. أريد ارتبط بيها. ماريدها بعيده، فجأة يجي واحد ياخذها مني.

زهراء : خليها يمي. أحاول أفهم السالفه باجر.

تميم : خوش، لعد أروح أنام.

أمير : أوكف، تجي باجر الصبح مو؟

تميم : لا، للضهر.

أمير : ليش؟

تميم : أروح ويا أبويه للمحل.

أمير : زين.

تميم : الشله الفكسه هم تجي؟

أمير : أي طبعاً، بكلشي حاطين روحهم.

تميم : بس سمعت بسيرتهم لعبت نفسي. أروح أحسن.

طلع تميم ونحنا طفينا اللعبه ونمنا. وعلاوي بالوسط لازم ينام بنصنه. إذا بالليل يشيله أمير، يكعد يبجي. نمت وكعدت الصبح. نزلت أحضر الريوك ويا خالتي. وخلينه ورحت أنادي أمير وعلي. وهيا تنادي أحمد وعلي يكون ابنها. أخو أمير وعمي طالع من الصبح.

بعدها اجت أم تميم وخواته. واجو بيت عمو إدريس وعمه. واجت عمه ميرال من البصره. هيا مزوجه هناك وبناتها ولدها. وانت الغثه عمه نيرال دوم تسوي مشاكل. هيا ولدها وبناتها. وخطيه رشا، أخت تميم، طايحه بيها. شلون متحملتهم؟ مزوجه ابنها سجاد.

.............

« هاجر»

كعدت كلي نشاط. مادري ليش رغم مانمت كثير، بس 6 ساعات. طلعت أتريك. كعدت على الكرسي وكال جدو:

جدو : هاجر، اشنو هذا لبسج؟

هاجر : اشبي؟

جدو : دشداشه قصيره وطالعه إيديكي وغجليكي.

هاجر : ماكو أحد غريب.

جدو : هذا اللبس ما يناسبني.

هاجر : تمام.

انسد الموضوع وبدينه ناكل. أشوف ماما ما عاجبها تصرف جدي. وأشوف بابا عادي، ماكو أي رد فعل. ياكل وكأنه ماكو شي. كملت والكل كمل. شلت السفره مع ماما وماما كالت:

مروة : روحي بدلي، لان عمتج كالت يجي ياخذج بال 12. بس يدك هورن تطلعين.

هاجر : بس بعد ساعه.

مروة : أعرفج، ساعه عما تبدلين.

هاجر : هسه أروح.

مروة : حطيتي أغراضج؟

هاجر : أي، بس الفستان غدا انتي جيبيه. وكتيله البابا علمود الصالون.

مروة : كال روحي. وكال أنطيج فلوس. خاف تريدين تشترين شي. وهم للصالون. وفلوس الصالون أنطيها لعمتج، لان انتي تضيعيها.

هاجر : خوش.

طلعت أبـدل وبـدلت، شفت أغراضي أحس ناقص شي، بس مادري شنو هو. دائما هيج أحس، بس يكون ماناقص شي. حطيت مسكاره ومرطب مال شفه. وسويت شعري ذيل حصان.

دحكت على الساعه، جانت 11:55. يعني المفروض خمس دقائق ويجي تيم. طلعت البس الحذاء. وسمعت هورن السياره. فتحت الباب وانصدمت. شفت إلياس وتيم ماكو. كلت:

هاجر : اني كلت تيم يجي ياخذني. ما كلت إلياس.

إلياس : والله تيم مشغول. وأمي كالت روح انت جيبها.

هاجر : ومن كل عقلك اطلع معاك؟

إلياس : أي، لان ماكو غيري.

هاجر : اخابر يونس يجي ياخذني وفضت.

إلياس : يونس ويا جدو وما يسمحله يطلع. ف طلعي ولا تعبيني.

هاجر : ما.

إلياس : كتلجج اطلعي.

هاجر : انجب ولا تصيح عليه، فهمت.

إلياس : اطلعي فضيني.

فتحت باب الوره وكال إلياس:

إلياس : تطلعين وره؟ شنو سايق عندج؟

هاجر : والله بكيفي. محد كلك تعال خذني.

إلياس : اطلعي يمي، اش يكولون العالم.

هاجر : واني شعليه من العالم؟ آخر همي.

شفتو نزل من السياره ومسك إيدي. كتلو:

هاجر : إلياس، عوف إيدي. ماريد أصعد كدام.

ما حجه شي. ضل ساكت. طلعت بالصدر وسد الباب قوي وراح بسرعه. صعد. وأريد أنزل. مسك إيدي ومبين معصب. كال:

إلياس : مو طفل جاي العب وياج.

هاجر : عوف ايدي، لا تلمسني، تنجسني.

إلياس : سدي حلكج، كافي. على شنو شايفه نفسج؟

هاجر : حلوه ومحبوبه، والكل يحبني. وغير هيج نضيفه وأموت.

إلياس : أي والله كلامج صح. شنو اسم عطرج؟

هاجر : وانت شعليك؟ والله خوش سوق وفضني. مطايقتك.

إلياس : بس اني متونس وياج.

هاجر : تمشي لو أنزل؟

شفتو شغل السياره ومشه وطلع أغاني رومانسيه. هذا شبي؟ طفيت المسجل وكلت:

هاجر : أيع، ذوقك يلعب النفس.

إلياس : لا بله.

هاجر : أي والله. وصوتك هم مو حلو. لعبت نفسي من الصبح. لو تعرف تغني أكول أي.

إلياس : لعد ماتسمعينه صوتج؟

هاجر : وليش بله؟ على شنو أسمعك صوتي؟ منو انت؟

إلياس : استغفر الله. مالي خلك أجادلج. ف غني. اسمع صوتج يل متنمره.

هاجر : أي بس بشرط. اني أشغل مو انت. الغنيه مو الك، خاف عبالك الك. بس لان اني أحبها. خوش؟

إلياس : تمام. مو الي. يلا غني.

طلعت أغنية "أعوف الدنيا" لمحمد السالم.

هاجر : أعوفف الدنيا إذا تمشي وأضل اني. بداعت كل حضن لمن الا تنساني. صعب أصبر حبيبي لحضه بغيابك. مو مثلك قوي بل حب وأحب ثاني. إذا رايح اخذ روحي لا تخليني بجروحي. شيخلصني من نوحي ومن حزاني. لتعلكني بل دنيه لا حب ولا حنيه. حبك أنسى طاريه وأموت اني.

وكملت لحد خلصت. دحكت علي وجان مبتسم وكال:

إلياس : صوتج كلش حلو. وين جنتي مخبيته؟ شعجب محد يعرف.

هاجر : تيم يعرف.

إلياس : ها، حلو. بس لا صدك صوتج روعه وربي بدون مجامله.

هاجر : أدري صوتي حلو.

ابتسم وبقه ساكت، مدري شبي. وبس يوزع ابتسامات. درت وجهي للجامه وصرت أشوف الطريق وأصفن. معقوله أحن الو؟ شنو هاي هاجر، ارجعي لعقلج. هو ما يحبج، مجرد يتونس براسج. وخلوج تكرهين الحب والي يحب. وخلوج ما تثقين حتى بنفسج. طلعت من صفنتي على صوت إلياس.

إلياس : الو، يمعوده وين صرتي؟

هاجر : ها، اشبيك؟

إلياس : ما عدحجي معاج. ليش ماتردين؟

هاجر : صفنت شويه.

إلياس : تمام.

هاجر : شنو جنت تريد؟

إلياس : نسيت اصلاً.

سكتت ورجعت أشوف الطريق. بس بهدوء. بعدها كسر الهدوء وطلع أغنية "ذكريات" لنور الزين. ضليت أتأمل الأغنيه ودموعي أحسها تجوي خدودي. بعدها خليت إيدي على عيوني ومسحت دموعي بسرعه قبل لا يشوفها. كال:

إلياس : بيج شي؟ صرت أمتمت بل حجي وكلت.

هاجر : لا، بس نعست وفركت عيوني.

إلياس : مو أكول عيونج حمر.

هاجر : من النعس. البارحه سهرت على البوبجي.

صار يصيح عليه ويكول:

إلياس : اشنو بوبجي؟ انتي تعرفين اش عتحجين؟ هاي مال اولاد. وانتي بنت. شنو دخلج عليها؟ وبعدين ويا منو تلعبين؟

هاجر : أي، اشبيك؟ أول شي ماعليك بيه، خوش؟ لا تدخل. عسى ما ألعب ويا ولد، شعليك يا أخي.

إلياس : يعني تلعبين مع اولاد؟

هاجر : إذا أريد ألعب، ف ما أخاف من أحد. ألعب بكيفي.

إلياس : مع منو تلعبين؟ وشنو اسمه؟

هاجر : انت عتحقق معاي لو شنو؟ كبت عندك الغيره على غرضك. وحتى اني مو عرضك. ف مالك علاقه بيه نهائياً، فهمت؟

إلياس : لا، ما فهمت. وإذا عبالج محد وراج، ف اني وراج. وما أقبل تسوين سوالف مكسره.

هاجر : كل نعل على كد حلكك. اني ما عندي سوالف مكسره. الي عدها هي خطيبتك واختها الشريفات، مو اني.

إلياس : شنو قصدك؟

هاجر : ما أريد أجادل مع حيوان ما يفهم.

وصلنا. وردت أنزل من السياره. قفلها من يمه وما يصير أفتحها من يمي. انداريت عليه وكتلو:

هاجر : افتح باب السياره.

إلياس : وإذا ما فتحته؟

هاجر : إلياس، لا تضوجني وخليني. محترمتك.

إلياس : ماريد أحترامك. وهسه أريد تلفونج بسرعه.

هاجر : والله ضحكتني. بصفتك منو تريد جهازي؟

إلياس : مسؤول عنج.

هاجر : هههههه، خرب يومك ضحكتني.

صاح بصوت عالي وعبالك يهدد وكال:

إلياس : موبايلج بسرعه.

جر التلفون مني وأخذه. مراح يكدر يفتح الجهاز لان بي رمز وصعب. مو لان عندي شي وخايفه، بس ماريد يدخل لخصوصيتي. حط التلفون بوجهي وفتح. ونسيت انو على بصمة وجهي. وفتحه واني هنا جنيت.

أريد آخذ تلفوني، بس ما أكدر لان بالسياره وهو يبعد. من أجيه يمه بعصبيه وعيونه راح تطلع وكال:

إلياس : كلبهههه. منوووو؟ أميررررر! نعل احجيييي.

هاجر : إلياس، تلفوني جيبه.

إلياس : لج احجيييي.

اني اخاف لما أحد يصيح علي. ممكن تكون فوبيه. دموعي تنزل. وإلياس مستمر يستجوبني. كلت بصوت ناصي:

هاجر : زوج صديقتي، والله.

إلياس : ها، الكلاوات ما عليه. احجييييي.

ابجي وساكته ودموعي بس تنزل. مو لان خايفه يكول لاحد، بس لان يصيح بوجهي. معرف شنو أحجي وأشون أفهمه. كلت وصوتي مبحوح:

هاجر : تكدر تشوف مراسلتي وياه. والله زوج صديقتي. وحتى مو من الموصل، من بغداد. البنيه تعرفت عليها بل بوبجي. والله ما عندي شي وياه. والله.

هدأت ملامحه من شافني أبجي. صار يمسح دموعي وكال إلياس:

إلياس : أسف يعمري. مو قصدي أصيح عليج. أسف يكلبي.

دفعت إيده عني وكلت:

هاجر : مو من حقك تفتش تلفوني. وهسه أريد موبايلي.

انطني الموبايل وهو يعتذر. لان صدك بيه. واني ما حجيت شي، جذب. هاي الحقيقه. كلت:

هاجر : أريد أنزل. افتح السياره.

إلياس : أي، هسه أفتح السياره.

ونـزلت بسرعه. وفتحت الباب الخلفي وأخذت أغراضي. واجه أخذها من إيدي وفتح الباب بالمفتاح. ودخلت سلمت على عمه أميرة وعمه مريم. هم هناك. سلمت على إيلا وإيليف ولارا. بس يارا ما جيت يمها، لان محد يطيق الثاني. ماشفت إلياس، بس زيت الأغراض وراح.

بعدها دخلت أحجي ويا إيلا. كلتلها:

هاجر : وين تيم؟

إيلا : نايم فوك.

هاجر : شعجب لهسه.

رحت على عمه أميرة وكتلها:

هاجر : عمه، ليش تيم بعده نايم؟ أشو محد كعده.

أميرة : روحي انتي كعدي.

هاجر : أدللي. يمي.

رحت جبت كلاص مي. وإيلا كالت:

إيلا : وي خطيه، عوفي.

هاجر : چو، إذا تريدين تعالي معاي نتونس.

طلعنا وفتحت الباب على كيفي. جانت الغرفه ضلمه. وجان عالك ضوء يمه خفيف. وكثير حلو. مشيت على مهلي وحطيت إصبعي على حلكي وكلت:

هاجر : كلت ل إيلا، أششش.

صارت تمشي هيا هم على كيفها. وصلنه يم التخت (جربايه). جان نايم وحاط إيده على عيونه. أشرت بصبعي واحد، اثنين، ثلاثه. وذبيت المي علي. كام بسرعه. وإيلا علكت الضوء. وصرت أضحك. وهو صافن، بعده مامستوعب. بعدها كال:

تيم : شجابكم هنا؟ ما يصير واحد ينام. لخاطر الله. شنو هاي؟

هاجر : sorry.

وبرطمت. وإيلا ميته ضحك. كال:

تيم : خلاص عمري سامحتج. وانتي الثانيه ليش تضحكين؟ انتي هم مشتركه بال جريمه.

راح يمها وحضنها. كلت:

هاجر : أوي فدوه، شكد حلوين. أدبسززيه. واني.

برطمت شفتي وتكتفت. أجه تيم يمي وحطني. وهنا فاتت يارا وكالت:

يارا : مشاء الله، شنو هاي الأحضان.

هاجر : حضرت الشياطين. أعوذ بالله من الشيطان الرجيم.

يارا : انجبي. اني مو بعمرج حتى تكولين عني شيطانه. انتي الشيطانه.

هاجر : ليش تضوجون من الحقيقه.

يارا : اسكتي. أصلاً بزور طايقتج.

هاجر : صدوكككك. عمرينج ان شاء الله يل مضغوطه.

يارا : اشكد ماتستحين.

هاجر : خليت المستحه الج يكلبي.

يارا : تيم، إلياس يريدك.

هاجر : كولي لاخوج الي يريد الثاني، هو يجي علي.

يارا : انتي لا تدخلين بين الأخوه. كافي من وراج كل كم يوم يتكاونون.

انصدمت. انداريت على تيم ورفعت حاجبي بمعنى شكو. افتهم وكال:

تيم : هسه اجي بس أبـدل.

جان لابس شورت وفانيله. طلعت. وتيم كال:

تيم : إلياس عبالو أحبج.

هاجر : هذا الشي أعرفه من زمان. تعرف شغله.

حجيت الهم على الي صار لما أجه إلياس أخذني. وتيم كال:

تيم : ما كتولج لاتحجين مع أولاد.

هاجر : هاي انت هم عليه. أشبيك؟ والله زوج صديقتي. ما عندي شي مع.

تيم : ليش تراسلي لعد؟

ما عرفت شنو أحجي. وكلت بسرعه:

هاجر : صارت مشكله بينهم واني حليتها.

تيم : وليش حتى تدخلين بشي ميخصج؟

هاجر : اهو، هسه اني صوجي. حجيتلك. دروح.

انفتح الباب. وفات إلياس وكال:

إلياس : لمه حلوه. مشاء الله.

أجه صوت يارا ورا وكالت:

يارا : تعرف من جيت أصيح تيم، جان حاضن هاجر.

إلياس : شنو هذا الي سمعته؟

هاجر : وانت شعليك؟ عسى ما أبوسه.

إلياس : شنو تبوسي؟ شعدنه كح***.

هاجر : إلياس، اكل خره. واحجي وياي عدل.

فاتت أسيا وأسيل. وكالت أسيل:

أسيل : ليش معصب حبيبي؟

إلياس : احنه نشوفهم طلعو يتحاضنون. وهاجر تكول عسى ما أبوسه. اشعليك؟

أسيل : ما كالتولك تحبو ويحبها.

إيلا : اني وتيم نحب بعض. مو هاجر وتيم.

أسيا : لاتصيحين على اختي.

هاجر : أييي، كافي. أول شي انت لا تدخل. معليك بيه. وثاني شي أسيل، عيوني، خلي أفهمج، لان انتي غبيه. أعرفج تيم يحب إيلا. يحب منو؟ إيلا. وهيا تحبه. واني إذا أحب، ف مو كرايب. فهمتو؟ ولا أزواج كرايب.

إلياس : ليش منو كلج تزوجين؟

هاجر : ليش عيني؟ شنو ناقصني؟ ألفين مو ألف واحد يتمناني.

أسيل : كل من يتمناج، ف غبي.

هاجر : لا، عيب تحجين على زوجج المستقبلي.

أسيل صارت تدحك على إلياس. وإلياس ما فاهم شي. كالت أسيل:

أسيل : إلياس، اشنو هذا الحجي؟

إلياس : شعرفني؟ هاي تلوص من يمها.

أسيل : ليش تتبلين على خطيبي؟

هاجر : لا لا، مو حلوى بحقي. اني ما أتبله. بس خطيبج يحاسبني. لان نزلت بوبجي. عبالك خطيبي مو خطيبج.

أسيل : إلياس، شنو هذا الحجي؟

إلياس : غير بنت خالي. وأخاف عليها من الولد المو زينه.

هاجر : مشكور. لا تخاف علي. اعرف أتصرف. مو ثوله نفس بعض ناس.

أسيل : قصدج عليه؟

هاجر : مو بس عليج. واختج. وبنت حماج المستقبليه.

أسيا : أشو انتي ما عاد تستحين.

هاجر : خليت المستحه الج.

إلياس : كافي. مو صغار انتو. باجر الحنه مالتي. ماريد مشاكل.

هاجر : زوجتج واختها واختك يحبن المشاكل. تمشي بدمهن. أي تيم، تعال كلبي، نطلع. أو لا؟ ليش نطلع؟ هما يطلعون. ما غرفتهم.

إلياس : بيتنا وبكيفي. وين ما أروح.

أسيل : بنت حمايه. وإذا انتي ما عاجبج، الباب يفوت جمل.

هاجر : بيت عمتي. والله واجت علمود أضحك عليكم وأتونس براسكم. تعرفون ضوجه.

صاح إلياس بيه بصوت عالي وكال:

إلياس : كافي. شنو من لسان. لخاطر الله. كل مانحجي شي، تحجين ألف كلمه. كافي اسكتي. وانتو طلعو بره، يلا.

ابتسمت وهما طلعو. كال تيم:

تيم : هاجر، عوفيهم. بعدين يسوون مشاكل الج.

هاجر : ما يكدرون.

تيم : ليش هشكل واثقه؟

هاجر : يكول المثل. بل حرب، خلي عندك نقطة ضعف ضد المقابل. وهيج انت تكسب الحرب.

تيم : أول مره أسمع هيج مثل.

هاجر : اني كلته من يمي، غلس هههه.

نزلنا علمود تيم يبدل ويجي. سألت على رسل. وكالو انو ماتجي لان مشغوله تجهز العرسها. لان مراح تسوي خطوبه فوراً. حنه. بعدها ساعدت عمه اني والبنات. وحطينا السفره. كلت لعمه:

هاجر : هسه مو باجر الخطوبه. ليش أسيل هنا؟

أميرة : من عرفت بيج هينه، كالت اجي وأنام. وباجر حتى كل البنات يرحون على صالون.

هاجر : هيج خايفه مني؟

أميرة : خايفه تاخذين إلياس منها.

هاجر : لو يبقه آخر واحد، ما آخذه. أي عمه، ذكرت. هسه اجي.

رحت جبت الفلوس الي ماما انطتني هما. وخليت الي بس 5 الف. وكلت لعمه:

هاجر : عمه، بابا يكول خلي هاي عندج مال الصالون مالتي.

أميرة : والله عيب عليكم. أشون اتجيبين معاج فلوس؟

هاجر : ديلا عمه، اخذي.

أخذتهم بال كوه. وزعلت لان أخذت من أهلي. بس فرحت لان راح أروح لل صالون. كملنا نقل السفره وكعدنا ناكل. وجان أبو تيم هم موجود. إنسان كلش حباب وخلوق. بعكس ابنه.

كملنا أكل. ونقلت المواعين. كالت يارا:

يارا : هاجر، مدي إيدج واغسلي.

هاجر : تغذريني. أخاف على أظافري.

يارا : يعني ماتغسلين؟

هاجر : No. ما غسل.

عافتني. وكفت هيا وأسيا يغسلن. واني نقلت شويه مواعين. وخليتهم. ورحت للصاله. كعدت ويا عمه أميرة وعمه مريم. وزوج عمه أميرة. وإلياس وتيم. كالت عمه أميرة:

أميرة.........

...........

انتهى البارت.

عجبتكم القصه؟

مريم: لا عيني انتي روحي أنا أضل هنا. ما بيدي حيل هوسة.

محمد زوج عمة أميرة: أميرة، انتي روحي مع البنات أحسن.

المهم، عمة وافقت تروح. عمو محمد ضل يشاقي ويضحكنا. وكثير حباب. بعدها صار هدوء. إلياس وأسيل يحجون وحدهم بالهمس. تيم يطمش تيك توك. إيلا نفس الشي. والكل ملتهي.

أخذت تلفوني وجاني مسج على الانستا من تميم. استغربت. جان كاتب:

تميم: هلو، شلونج؟

هاجر: تمام الحمد لله. وانت أشونك؟

تميم: تمام الحمد لله.

هاجر: شعجب راسلتني؟

تميم: أي صح. شوفي، نحنا نريد نسوي كلان (عشيرة مال بوبجي).

هاجر: تمام حلو.

تميم: هيا راح تكون أنا وأمير وزهراء وأحمد وراكان وأركان وحوراء ومريم وملاك وميدو.

هاجر: تمام. المطلوب مني شنو؟

تميم: تردين تدخلين ويانا؟ لأن انتي ما عندج كلان، وهيك نسوي مسابقات.

هاجر: عادي أدخل. بس شنو الشروط؟

تميم: أول شي، عندج بطاقة تغيير اسم؟

هاجر: لا، بس اسمي حلو.

تميم: أدري اسمج حلو. بس لازم تحطين علامات يم اسمج تدل إنو انتي من كلان فلان.

هاجر: ما عندي. إشون؟

تميم: تكدرين تشحنين؟

هاجر: بصراحة لا. لأن بابا ما يقبل. يكول: "هي لعبة ما تستحق صرف فلوس".

تميم: خوس، خليها يمي.

هاجر: إشون؟

تميم: راح أروح أشحن إلك وللملاك وحوراء. وأشحن الج هم.

عصبت. شنو يشحنلي؟ ليش شايفني محتاجة؟ والله فلا أقبل. قلت:

هاجر: شنو محتاجة؟ انت تشحنلي وماريد. حتى بالكلان ما أطب.

تميم: هاجر، بدون عناد وخليني أسوي اللي قلته.

هاجر: وأنا ما أريد. شنو بالقوة؟

تميم: كلامي ما يصير اثنين. وأشحن الج وخلص الموضوع. باي.

ضليت أدز مسجات. ما يشوف ولا يرد. عصبني. وهنا ما كدرت أتصل عليه لأن مو بالبيت وما أريد أحد يعرف. والله يسوولي سالفة. معرف شنو أسوي. راسلت أمير وقلت له:

هاجر: أمير، تميم يريد يشحنلي بوبجي وأنا ما أريد. علمود الكلان. حباب روح عليه وأقنعه لا يسوي هيج شي.

ما رد. لأن مجان فاتح. يمكن يكون بالشغل. مادري. بعدها بقيت أحوس بمكاني. معرف شنو أسوي. انتبه تيم وقال:

تيم: هجورة، إشبيج؟

هاجر: ما بيا شي.

سكت. وبقوا الكل ساكتين. شوية وأسيا كسرت الهدوء وقالت:

أسيا: إلياس، كوم جيب الديجي نركص ونتونس.

إلياس: خوش فكرة. لأن ضوجة. حتى نتونس.

ما كذب خبر. طلع واجه تيم يمي وكال:

تيم: هاجر، ضايجة من أسيل أو إلياس؟

هاجر: ها؟ لا يا معود. ولا بالي أصلاً.

تيم: لعد شبيج؟ مالج خلك وضايجة؟

هاجر: شوف، صديقتي عدها كلان ويا قرايبها وراح تضيفني. ولازم أشحن بطاقة تغيير اسم علمود أدخل بالكلان. وكلتلها إنو بابا ما يقبل. يكول: "هي لعبة ما تسوى نصرف عليها فلوس". وهيا تبرعت راح تشحنلي. وأنا مستحية منهة وما أريد. إشون؟

تيم: الكلان قرايبها أكيد بيه ولد، صح؟

هاجر: لا تخاف. محد يجي يم البنات.

تيم: حلو. أما عن الشحن، كوليلها ماريد.

هاجر: أراسلها ما ترد. مترفض ليش. وكالت أروح أشحن إله وإله. وراحت ومابعد ترد على رسائلي.

تيم: شوفي، ما أحب تكون وحدة عليج. من تشحنلج، كوليلي وأشحن إله.

هاجر: تيم، هذا مو حل. تعرف ماريد من أحد شي.

تيم: اصبري. وبل مقابل، انتي تغثين أسيل وأسيا. وأهم شي إلياس.

هاجر: مبين مضوجيك.

تيم: أوف. كثير والله.

هاجر: هاي سهلة يمي.

تيم: اتفقنا.

هاجر: اتفقنا.

إيلا: على شنو اتفقتو؟

جنه نحجي صوت ناصي. بعدها تيم كال بصوت عالي:

تيم: بعدين أكلج. الكاع محضورة.

أسيل: شنو تيم؟ من شفت إلياس ماكو صرت تحجي بكيفك وتنفش ريشك.

إجت تيم يرد. قاطعته وقلت:

هاجر: ليش تيم دجاجة نفس خطيبج حتى ينفش ريشه؟

أسيل: هاجر، احترمي نفسج. وكافي تحجين على خطيبي. إشبيج ضايجة من الخطوبة مالنا؟

طكيتلها ضحكة بصوت عالي وقلت:

هاجر: والله ضحكتيني. لو أريد خطيبج، أخذه بثواني. بس.

أسيل: ما تكدرين. يحبني وما يعوفني.

هاجر: تتحديني؟

أسيا: كافي هاجر وأسيل. بلا مشاكل. المفروض نفرح مو نتكاون.

هاجر: خرب يومج أسيا. أول مرة تحجين شي صحيح.

إجى على صوتنا عمو محمد وعمه أميرة. اللي جانوا نايمين لأن ضهر. كال عمو محمد:

محمد: هههه. ليش بس تتكاونون؟

هاجر: عمو، هسه لو انت بمكاني وتجيك المشاكل. وانت تبعد عنها وترجع تجيك. وانت تحبها. ف شنو تسوي؟

محمد: أسوي مشاكل.

هاجر: أي عفيه. وهذا اللي يصير. أنا أتحاشى المشاكل وهما يجيبوها عليّ كوه.

محمد: أي عيني. كله بغدادي تحجين.

هاجر: لا عمو. بس بيت جدي يحجون. اتعود. لا تنسى خالي بغداد.

محمد: لا إشون أنسى. صدك، وين إلياس؟

أسيل: طلع يجيب الديجي.

محمد: ليش؟

أسيل: حتى نتونس وندرب على باجر.

هاجر: أي عمو. لأن اكو ناس ما تعرف تركص.

أسيل: ما أعرف أركص. أحسن من ما أصير ركاصة.

هاجر: غلطانة. أحلى شي الركص.

محمد: كافي. راح تصيرون 18 سنة وبعدكم تتكاونون.

هاجر: والله عمو. تخبل الكونات.

محمد: اكعدي راحة. وبلا مشاكل. لا تتأذين.

فات إلياس والديجي بيده. وصار يخليه على الكهرب علمود يشتغل. وشغل بي أغاني. وكاموا البنات يركصون. وأنا بقيت كاعدة لأن عاجبني أضحك على ركص أسيل. بس أسيا لا تعرف تركص.

كعدت وخليت رجل على رجل. وخليت إيدي على راس الطخم. وكعدت عبالك رئيس عصابة. أحب هيج أكعد. بس هاي كعدة الأولاد. بس عادي. المهم بقيت كاعدة هشكل وأدحك عليهم. أسيل وهي تهز كتفها تموت ضحك.

ضليت أضحك عليها. وبعدها صرت أكح من كد ما ضحكت. وهيا تركص ويا إلياس. وما شافتني لأن منطيتني ضهرها. بس شنو من تهز خصر تموت ضحك. صرت أضرب رجلي من الضحك. إجى تيم كعد يمي وكال:

تيم: إشبيج؟ متتي من الضحك؟

صرت أشير على أسيل. لا ما كدر أحجي. هو شافها وفطس ضحك. وجانت تجي إيلا وكعدت يمي وشافتنه نضحك. كالت:

إيلا: ليش هل ضحك؟

تيم: شوفي أسيل. أمانة.

شافتها وصارت تضحك. أشوف لارا من بعدين تضحك. بس ماتكدر تجي يمنه. لأن تخاف من أختها. وأختها ما تقبل لارا تحجي وياي ويا إيلا ورسل. بس مرات لما تكون يارا مو موجودة، تكعد يمنه وتضحك وتروح. جانت عمه أميرة كاعدة يمنه. وعمه مريم وعمو محمد. أنا انتهيت. صرت أكح وأريد أتقيأ. دائما لمن أضحك هيج يصير بيه.

كمت إيلا تجيب مي. واختنكت. بلكوه أجر نفس. جابت إيلا المي وشربته. وشوية صرت أحسن. وبعدها إجت عيني على أسيل. رجعت أضحك. كال تيم:

تيم: ما توبين؟

هاجر: أخ والله متت ضحك. والله ضحك بربك. شوفها. يربي راح أموت. ههههه.

إيلا وكفت كبالي حتى لا أشوفها. وأريد أوخرها ما كدر. ما عندي قوة من الضحك. وبعدها تيم كال:

تيم: كومي نركص. يلا.

كمنا أنا وتيم وإيلا نركص سوه. وذبيت لحم كثير. وتيم يعرف يهز كتفه. وتقابلنه. وهزز للكاع. وبعدها خليت إيلا يمي حتى تركص ويا تيم. شفت إيلا حيل خجلانة. كتلها:

هاجر: عيني، انتو مو بالغرفة حتى تخجلين.

ضربتني وصار وجها أحمر. وأنا وتيم نضحك. وكلت لتيم:

هاجر: وأنت متونس على كلامي مو؟

تيم: أي والله. ليش الجذب؟ وياريت نصير بغرفة وحدة.

هاجر: تصيرون إن شاء الله. بس مو تصيرون أدبسزيه.

تيم صار يضحك. وإيلا وجها ما يتفسر. مرة حمرة، مرة صفره. صارت ألوان. بقينة نركص تقريباً للمغرب. بعدها طفوا الديجي وكالوا نصلي. حرام. رحت توضيت وجيت أصلي. وتقريباً كملت. بقت آخر ركعة. وجانت تجي أسيا. وتكف فوق راسي وبيدها تلفون. كملت وكالت:

أسيا: مادري منو يدزلج رسائل. صاله ساعة.

هاجر: وليش حتى ما يكون صارلها ساعة؟

أسيا: أعرف تحجين مع أولاد.

هاجر: عندج دليل؟

أسيا: لا. بس بعدين يصير عندي.

هاجر: من يصير عندج. لا تقصرين. خوش؟ يلا جيبي تلفوني واطلعي برا. يا أم الزلم.

أسيا: انتي إشون تحجين معاي هشكل؟

هاجر: Bardon. ليش حجي بي شي غلط؟

أسيا: هاجر، لا تتحديني. ترا أجيب عليج بلاوي.

هاجر: لعد اتحداج. تجيبين علي شي واحد بس. وساعتها أكون خدامة بين رجليج. بس أنطيج منا لأسبوع. وإذا ما جبتي شي عليّ، ف انتي تصيرين خدامة تحت رجلي.

أسيا: خوش.

إيلا: بنات بلا سخافة. شنو هاي؟

هاجر: وماكو تراجع. ولي تتراجع. ساعتها ينفضح اللي مخبيته.

أسيا: أي خوش.

هاجر: أنا ما عندي شي. ويلا خلي أشوف إشون راح تجيبين عليّ شي. ومأكده أنا فايزة.

نزلت وشفت عماتي يسون دولمة. وأنا ما أحبها أبداً. وشفت هم اكو تمن ومركة باميه. هنا عندي عيد. أعشق البامية. أكله من أكالاتي المفضلة. كعدت يمهم. وشوية وإجوا البنات. الظاهر جانوا يصلون. كالت عمة:

مريم: تقبل الله.

الكل: منا ومنكم.

لارا: شنو سويتم أكل؟

مريم: دولمة وتمن وبامية.

لارا: أي خوش.

ساعدناهم وكملنا. ويارا وأسيل مدو السفره. وصرنا ننقل المواعين اللي بيها مخضر. وبعدها نقلنا الدولمة والتمن والمركة. بدينا ناكل. وبعدها كملنا. ونلقنا المواعين للمطبخ. ويارا وأسيا غسلوا المواعين. بعدها كعدنا شوية ويا عمو وعماتي. وكلت لتيم يشتريلنه شغلات حتى نسوي بيها بليل.

رفض ياخذ فلوس. وراح اشترى شكد. لحيت علي. بس ماكو. رفض. بعدها صعدنا لغرفة تيم. أنا وإيلا. شوية وإجت أسيل وأسيا ويارا ولارا. ما اهتميت لهن. كالت إيلا:

إيلا: خير إن شاء الله.

أسيل: شو صايرة ماتستحين؟

إيلا: يعني انتي راح تعلميني المستحة؟

أسيل: أي أعلمج ياها.

إيلا: إشون تعلميني شي انتي ماتعرفيه؟

هاجر: بومممم. قوية والله.

صاروا يتجادلون. وأحس إنو إيلا صايرة قوية. مو نفس قبل. جانت مو هلكد قوية. وإياهو يجي يحجي عليها. بس من صارت يمي، صارت تتعلم القوة مني. بعدها كالت أسيل:

أسيل: والله خوش بيتنه. وتحجين علينا إيلا أفندي.

إيلا: مثل ما هو بيتج راح يصير بيتي بالمستقبل. خوش؟ فلا تشوفين نفسج. لأن أنا وإنتي نصير جناين هينه. فهمتي؟

هاجر: أسيل، مثل ما هو بيت عمتج بيت عمتنه. وغير هيج، احجي بأدب ويانه. أدري ما عندج. بس على الأقل ويانه اتأدبي.

أسيا: حبيبة أمير هم يحق لها تحجي.

هاجر: هههه. أمير؟ ضحكتيني. ومنو أمير بله؟

أسيا: إلياس كال عنو شاف محادثاتج معاه.

هاجر: أي. وإش بيها؟

أسيا: يعني أنا فزت بالتحدي.

هاجر: چو چو. بعدج. لأن هذا أمير اللي تحجون عنه زوج صديقتي وابنها بطولي.

أسيا: أي عجل ليش تحجين معاه؟

هاجر: ترا مبين. ماينرادلها ذكاء زايد. متكاونين. وأنا صالحتهن.

أسيل: ومن إيمتى انتي زينة؟

هاجر: من زمان. بس انتي جنتي مضغوطة مني. ف ما جنتي تعرفين. المهم. التحدي بعده موجود. وإذا خسرتي بي. ف يا ويلج.

أسيا: أعرف عندج واحد تحجين ويا. واجتج مراسلات كثير على تلفونج. بس انتي مسوية للشعارات إخفاء. يعني بس يطلع من أي تطبيق جت. ما يطلع منو دزها. واللي تسوي هاي الشغلة معناها عدها شي وما تريد أحد يعرف.

طب إلياس للغرفة وكال:

إلياس: المن تجي رسائل؟

أسيا: هاجر جانت تصلي المغرب. وتلفونها مابطل رسائل.

دحك عليّ إلياس وكال:

إلياس: خلي نروح نحن. ما علينه.

طلعوا. وبقينه أنا وإيلا. وفهمتها موضوع أمير ومنو يكون. وتوني كلت:

هاجر: وأمير عنده ابن عم ي...

طب إلياس وكال:

إلياس: إشبي ابن عم أمير؟

ابتسمت وقلت:

هاجر: حلو. يخبل. عيونه رصاصي وشعره قهوائي. حواجبه ثخان. عيونه مكحلة من الله وكبار. يجنن. يشك شك.

إجى إلياس مسكني من زندي وقربني عليه وكال:

إلياس: حلو. عجبج مو؟ أزوجج هو.

حبيت أستفزه وألعب بأعصابه. أريد أشوف وين يوصل. قلت:

هاجر: عجبني. وياريت تزوجني هو. أكون مشكورة الك طول عمري.

إلياس: لج كلبة! عينج على واحد شلتي وسرسري؟

هاجر: انت شلتي وسرسري مو هو. ولا تحجي عليه.

معرف ليش دافعت عن تميم. وليش عصبت. بس اللي أعرفه إنه ما يصير يحجي على الولد. ونحنا ماشفنا منه شي.

إلياس: بسيطة. إذا ما أقول لجدي ياخذ تلفونج.

هاجر: إذا ياخذه، أفضحكم والله. خلي ياخذه. أحجي من تلفون إيلا وأشرد وياه. فهمت؟

إلياس: شكد كح*** وماتستحين.

هاجر: كل نعل على كد حلكك. واحجي وياي عدل. والله ثم والله إذا ما تعوفني بحالي، أفضح العائلة وأشرد ويا ولد. عوفوني بحالي.

صرت أبجي ودموعي تنزل وحدة. أريد أسيطر عليها. ما أكدر. هو بقى ساكت. وأنا تعبت. ليش هيج مهتم بيه؟ ليش يحاسبني على كل شي؟ عبالك أنا خطيبته. مو أسيل. تعبت منه. كل يوم يمي. أريد أنسى. بس إشون؟ ما أكدر. بعدها إجى تيم ودفع إلياس وحضني وكال وهو معصب:

تيم: لك انت شنو؟ بس أريد أفهم. ما كفاك اللي سويته بيها؟ هسه تجي وتحجي معاها بهاي الطريقة الخرة. وانت مالك حق تدخل بيها. أبوها موجود.

إلياس: أكل خرة. انت شنو؟ أخليها تطلع عن الطريق؟ تريد تشرد ويا واحد شلتي؟

تيم: انت ماعليك. تشرد. تبقه. تزوج. تموت. هيا حورى. انت لاتدخل بيها. عوفها.

بقوا واحد ياخذ والثاني ينطي. إجوا على أصواتهم الكل. حتى عماتي وعمو محمد والبنات. ومحد فاهم شي. وهذول يتكاونون بالحجي. وتيم حاضني. وأنا أبجي. ما عندي قوة حتى أوقف على حيلي. كالت عمة أميرة:

أميرة: إشبيكم؟ انفجعتم؟ إشصاير؟

تيم: يمه، ابنك يظل يدخل بهاجر ويمنعها من كل شي. ولا عبالك خاطب. وباجر الحنة مالته. لازم يغار على أسيل مو هاجر. إلياس، كافي تعبنا منك. حتى البنت تعبت منك. عوفها. شتريد منها؟

إلياس ساكت. لأن ما يعرف شنو يكول. وتيم ويا حق. ف عاف الكل وطلع. وألف سؤال يدور بال الكل. بعدها وخر عني تيم. وشفت عيون أسيل حمر ومجمعة الدموع بعيونها. حسيت بفرح. ومسحت دموعي. وأشرت لتيم براسي. وفهم. واندار على أسيل وشافها. والكل صار يدحك عليها.

هيا عافتنه وراحت. وصار صوتهم عالي. هيا وإلياس. والظاهر عيتكاونون. محد تدخل. والكل نزل بهدوء. بعد ما فهموا السالفة. وإيلا جابت مي وشربت. وبعدها رحت أغسل وجهي. والحمام يم غرفة إلياس. سمعت أسيل تكول:

أسيل: الظاهر تحبها. ماتحبني. إلياس حباب. احجي. انت تعرف إني إشكد أحبك. وما أريدك حتى تسلم عليها. اعترف إني من سويت اللعبة عليها حبيتها. إلياس، الله عليك احجي.

كل هذا الحجي وهيا تبجي. جان باب الغرفة شوية مفتوح. وهيا واكفة. وإلياس كاعد على التخت. حسيت بفرحة مو طبيعية. لأن على الأقل صارت تبجي بسببي. بعدها غسلت ورجعت للغرفة. وتيم كال:

تيم: شنو صار لما ما كنت موجود؟

حجيتله اللي صار بالتفصيل. من فاتوا البنات لحد ما إجى هو. كال:

تيم: وانتِ هذا من وين تعرفيه؟

ما عرفت إش أرد. رد كال:

تيم: أسمعج أحجي.

هاجر: زهراء دزت صورهم إلي. وشفتهم هو من بينهم.

تيم: وعجبج مو؟

هاجر: من كل عقلك تحجي؟ مستحيل. أنا ححيت هيج بس حتى أستفز أخوك. لا أكثر ولا أقل.

تيم: شنو أستفاديتي؟

هاجر: روح لغرفة أخوك. وتعرف.

تيم: شنو صار؟

هاجر: عيتكاونون. أسيل وإلياس. وأسيل تبجي. سودة عليه. هههه.

تيم: هذا اللي عاجبج؟ راح تخربين حياتهم.

صرت أصيح وأكول:

هاجر: مو هما نفسهم اللي خربوا حياتي. مو هما نفسهم اللي خلوني أعيش بجذبة. مو هما نفسهم اللي سووني مضحكة. مو نفسهم اللي سووني بلا قلب وبلا مشاعر وبلا إحساس. مو هما اللي خلوني ما أشفق على أحد وأكره الكل. وأخصر ثقتي بكل الناس. حتى بنفسي. مو هما نفسهم اللي دفعوني ثمن كل ضحكة ضحكتها. ويا وبعد وبعد شنو أحجي؟ أحد بيكم حس بيه بشنو أمر؟ أحد بيكم كال خطية؟ أحد بيكم نام بالليل والدمعة بعيونه؟ أحد بيكم خسر ثقته بنفسه بعد ما كان هو أكثر واحد يثق بنفسه؟ أحد بيكم كان يضحك وألف غصة بقلبه؟ فهمني. كل هذا وتجون تلوموني لأن أخرب حياتهم. لو بيدي أموتهم. بس حرام. وكل يوم وكل ميصير بيدي مجال أدمر علاقتهم. اللي انبنت على تعاستي. لو يبقى بينهم وبين الجنة شبر، ما أسامحهم. لو تبقى بس مسامحتي الهم حتى يدخلون الجنة، فلا أسامحهم. كل يوم راح أظل أدعي عليهم حتى تخرب حياتهم نفس ما خربت حياتي.

تيم: كافي لخاطر الله. كل هذا شايلته بقلبج؟

هاجر: أي. وبعد وبعد.

إيلا: أنسي يروحي.

هاجر: كلمة سهلة. بس صعب تنفيذها.

بقينة نسولف شوية. وبعدها إجوا البنات وإلياس. وكال:

إلياس: اليوم تتصالحون. وكافي مشاكل. مليت.

هاجر: من كل عقلك؟ تصالحيهم؟

إلياس: هاجر، بلا تكبير راس.

هاجر: أنا راسي جبير؟ شعليك؟ وصلح ماريد. يكفي بس إنو يجوزون مني. وانت هم جوز.

أسيل: هاجر، خلي ننهي هاي السخافة. وأقبل أنا وإلياس نحب بعض.

هاجر: شعلي؟ منو كالج علمود إلياس؟ انتي طعنتيني. لج جنت أحبج أكثر وحدة من البنات. يمكن حتى أكثر من أختج. وانت شنو نطيتيني؟ رحتي ارتبطتي مع اللي أحبه وراح تتزوجون. ما عندي مشكلة. خلاص. انتو بالنسبة إلي انتهيتوا. وها. صرت أكرهج أضعاف ما كنت أحبج. وصلت. وصلح بيني وبينج ما يصير. لحد ما أموت.

إلياس: كبرتي السالفة وهي صغيرة.

هاجر: انت لا تدخل. ويكفي إنو تعوفني بحالي. وما تمنع زواجي.

إلياس: ليش؟ اكو أحد متقدمتلج؟

هاجر: لا. بس أكيد بالمستقبل اكو.

أسيل: الله يقدم لج اللي بي خير.

هاجر: ولا عرفتج تتمنيلي الخير.

أسيل: ترا ما أكرهج.

هاجر: ماتكرهيني وعملتي كل هذا؟ لو تكرهيني إشون؟

أسيل: أنا كنت أضوج منج. لأن انتي شخصيتج حلوة وقوية. وغير هيج انتي تدرسين. ونحنا لا.

هاجر: محد كالج ارسبي. وانتي تعرفين جدو يبطلج. جان شديتي حيلج وصرتي نفس أبوج.

إلياس: المهم. يلا تصالحوا.

هاجر: ماريد.

بعد نقاش طويل طلعوا. وما تصالحنا. سولفنا شوية. ونمنا. إجت عمة من الصبح وتصيح:

أميرة: يلا بنات كومن.

إيلا: خالة بعد وقت.

أميرة: وكومي وبلا كسل. بعد عمه. أروح أكعد الأولاد حتى تروحون على الصالون.

كعدنا وتريكنا. ورحنا نبدل. بدلنا وكملنا. وطلعنا أنا وإيلا ولارا وايليف. ويا تيم وأسيل وأسيا ويارا. ويا إلياس وعمة. إجت ويانه. شغل أغاني تيم. والطريق كله نصفك ونهلهل علمود نتونس. وصلنا ونزلنا. وكعدنا ننتظر. أول شي نادوا أسيل وأسيا. وأكو هم عالم كثير. ف نحنا بس اثنين فاضيين النا. والمشكلة نحنا كثار. 7 بنات وعمة 8. صارت بل 9:58. وحدة كاعدة على الكاشير كالت: "هسه شوية ويخلصون العروسات ويجي دور البنات". كالت عمة:

أميرة: عادي عيني. اخذوا راحتكم.

فد ربع ساعة واجو ثلاثة. وراحوا وياهن يارا ولارا وايليف. بقينه أنا وعمة وإيلا كاعدات. صارت 10. خلصن أسيل أسيا. ورحنا أنا وإيلا بمكانهن. وكالتلي وحدة:

"... اكو شي بالكي لو أنا أعمل بكيفي؟"

هاجر: شوفي إيشو يليقلي وسويه.

كالت خوش. وبلشت. نيمت الكرسي شوية. وبلشت. شو هي بلشت. أنا نعست. قفلت فد مرة. تقريباً نص ساعة وكملت مكياج. بقت تسريحة. كالت:

"... اكو بالج شي؟"

هاجر: أي. هسه أشوفج.

طلعت تلفوني وشفتها صورة. وكالت: "خوش". وبل فعل سوتها نفسها. توقعت ما تجيبها. بس جابتها. وبعدها عمة هم تمكيجت وسوت شعرها. كملنا. وما شفت لا أسيل ولا أسيا. كلت يمكن إجى إلياس وأخذهم لبيتهم حتى يبدلون. ونروح ناخذهم. وبعدها للقاعة. إجى علينا تيم وإلياس. جنت لابسة عباية وشال على راسي. لأن ما أحب أطلع بمكياج. طلعت ويا تيم وإلياس. أصلاً ما دحك بوجهي.

كلت أحسن. بلكي يفك عني. وصلنا البيت. جانت بل 12:23. وعمة وأمي ورسل وعمة تيماء موجودات يسون أكل. فتنه. وماما شافتني وكالت:

مروة: ول قمر. إشكد طالعة حلو. تعالي أبوسج.

بوستني. ورحت بست عمة تيماء ورسل. ورسل كالت:

رسل: مكياجج يخبل. وحتى البنات هم. وين سويتوه؟

هاجر: صالون بنت العز.

رسل: أي كثير حلو.

هاجر: ليش ما جيتي؟

رسل: شهم كال ما حاجة تروحين.

هاجر: صحيح. طلعوا بره الموصل وعايشين بأربيل.

رسل: أي ويمنه مول...

هاجر: جذب.

رسل: والله.

هاجر: العبي بيها. هسه كل يومين تروحين بال مول تفترين.

رسل: بس تفكرين بالفرران.

هاجر: ماكو أحسن من الفرران.

كملنا حجي. ورحت أب بدل. صحت ماما علمود ألبس ملابس بيت. لأن بعد وقت على الحفلة. كلت لماما:

هاجر: وين البدلة؟

مروة: بالكنتور.

هاجر: أحد شافها؟

مروة: بس عمتج مريم.

هاجر: زين بأي غرفة خليتيها؟

مروة: بغرفة تيم. هو كال خليها غادي.

ساعدتني وبدلت. علمود لا أخرب التسريحة. ونزلنا جوه. أكلنا وكملنا. وعمة مريم وعمة تيماء كالن: "نحن نغسل". وماما ساعدتهم. وعزلت المطبخ. ومسحت الكاونتر والطباخ. ونحنا رحنا نبدل. لأن صارت 2:33.

أنا وإيلا ورسل وايليف بغرفة. ويارا ولارا بغرفتهم. تيم هم راح يبدل. وبعدها كملت تبديل. ورسل سوت مكياج إلها. عبالك مال صالون. مكياجها جان حلو كثير. كلت:

هاجر: ....

..........

انتهى البارت.

شنو رأيكم بالقصة؟

هاجر: مكياجج روعة والله، من وين متعلمة؟

رسل: أطمش على اليوتيوب.

كملنا، صارت الساعة 3:45. قالوا راح نطلع ناخذهم ونروح للقاعة، عبالك عرس مو حنة. جنت مختنكة بشكل وما أريد أروح، ما أريد أشوفهم على الكوشة سوا. أخذت حلمي بس علمود تكسرني ولسبب تافه. حطمت أحلامي وكل شي، وبسببهم رافضة الحب ورافضة أثق بأحد.

كان عندي نت مجاني، ومن البارحة العصر ماشفت حساباتي. منو راسل أو شي؟ دخلت أشوف إذا أحد راسلني. شفت مسجات من تميم وزهراء. دخلت على زهراء، كانت تسأل على أخباري. جاوبتها، بس تميم ما قدرت أجاوبه لأن يمي كانت لارا وما عندي ثقة بيها أبداً. رغم هي حبابة وما شفت شي عليها، بس أبقى ما أثق بيها.

بعدها اجت رسالة من زهراء:

"هاجر عندي موضوع أريد أحجي بي."

"أحجي."

"ما أعرف ليش متريدين تحجين عن ماضيچ، بس ثقي أنو ما لي نية أذيج. وثقي أني وياچ. أتمنى تثقين بيه وتحجيلي كل شي مثل ما أنا أحجيلج."

"هو موضوع أغلب قرايبي يعرفوه وما يتخبى، بس أنا ما أحب أحجي بي. بس الج أحجي، ميخالف."

حجيت الها كل شي، بس مختصر. وبعدها وصلنا بيت عمي، نزلو. وأنا قلت أني ما راح أنزل، أنتظر بالسيارة. نزلو تقريباً نص ساعة وطلعوا، وأنا كل هذا الوقت كنت أحجي ويا زهراء. أحس ارتحت شوية وقلتلها:

"عادي تسمعيني هسه؟"

"أي أسمعج."

"تدرين مخنوكة كلش ومالي خلك أضحك وأريد بس أبجي، ودموعي ما أقدر أسيطر عليها. تعبت من كل شي، أحس كل هذا فوق طاقتي."

"هذا اختبار من الله الج، بس انتي حاولي لا تفكرين بيهم، خليهم يعيشون حياتهم وأنتي هم عيشي حياتج."

"ما أقدر، صعبة والله. خربوا حياتي وهسه تريدين أعوفهم؟ لا والله غير اله آخذ حقي بيدي."

"أنا وياج بهاي، بس انتي هم عيشي حياتج، مو معقول تخليها انتقام. حاولي تحبين مرة ثانية."

"مستحيل أرجع أحب."

« زهراء »

بعد معاناة طويلة وأنا أقنعها أنو ترجع تجرب الحب، ماكو، رافضة نهائي. وهسه شنو أقول لتميم؟ وأنا أعرف تميم مستحيل يعوفها بحالها، حاله حال أمير وباقي ولد عشيرتهم كلهم نفس الشي. عندهم حب التملك. وإذا المرة ما تسمع كلام زوجها يضربها كلش عادي. وهاي المعاناة أنا جاي أعيشها، وباقي الجناين لازم ما نناقش وكلامهم دائماً صح، ولازم ما ترفعين صوتج بوجه زوجج لأن ساعتها يموتج ومحد يتدخل. وبيهم هواي صفات تلعب النفس. والمشكلة كلهم، بس أطلع أحمد منهم، هذا العاقل الوحيد.

الكل تربى على هذا النمط من جدهم، وبعدها جدهم ربه أولاده، وهسه جاي يعلمون الأحفاد اللي هما زوجي وتميم وغيرهم. راح أحاول أقنع تميم يشيلها من راسه. خابرته علمود يجينه ويجيب أمير هم، وبالفعل ساعة وهم يمي.

قلت زهراء: "شوف تميم، هاجر عاشت قصة حب بشعة بشكل."

"شلون يعني؟"

حجيت لتميم اللي كالته هاجر بالحرف. شفت ملامحه تغيرت لعصبة وضوجه. كال:

"هذول صاحيين لو شنو؟"

"ما أعتقد. وكتلها أنو تجرب تحب مرة ثانية وتشوف حياتها."

"وشنو كالت؟"

"ليش تقاطعني؟ خليني أكمل. ورفضت، حاولت وياها هواي، لكن أبداً ولا نفع. يعني تميم شيلها من بالك، ماراح تقبل."

"مو أنا اللي أنرفض. وتقبل، إذا مو برضاها فغصب عنها."

"ماكو شي بالغصب."

"تميم، إذا أنت تريدها فخذها وأنا وياك ولا تخاف من شي."

"أنت ليش جاي تشجعه؟ البنية ماتريد، كوة."

"أي كوة، وهي بنت أبوها ترفضني. وشوفي شنو أسوي، مو تميم اللي ينرفض."

عفتهم وطلعت لأن مستحيل يقتنع، وخاصة أنو أمير واقف بصفه، وباجر أحمد هم يوقف وياه. وهنا هاجر تعيش نفس معاناتي. حتى لو كان حب، هاي أنا وأمير حب 5 سنوات ويضربني، ومن أقول لأهلي يرجعوني له وكأنو مو بنتي. أبد ماشفت أهلي واقفين وياي، دائماً يوقفون ويا أمير وأطلع أنا الغلطانة. ورغم العنف والذلة لازم أسكت. وأكيد هاجر تعيش نفس هذا الشي. يمكن إذا أكللها ترفض، بس تميم ما يعوفها بحالها، يخرب حياتها أكثر ما هي خربانة.

« هاجر »

طلعوا من بيت عمو وتوجهنا للقاعة. طول الطريق أحس بخنكة وصافنة على الشارع. الكل يصفق ويرقص بالسيارة، وأنا الغصة بداخلي. أريد أمنع عرسهم بس مو بيدي. هما يحبون بعض وأكيد يزوجون، وأنا مجرد لعبة تسلى بيه وعافني وبطلب منها.

كل يوم يزيد حقدي عليهم، وكل يوم أكرههم أكثر من اليوم اللي قبله. كل يوم يمر أتمنى أشوفهم بأسوأ حالاتهم، ساعتها أرتاح وأكدر أكمل حياتي. معقول أنا غلطانة بشي ولهذا السبب ربي يعاقبني؟ ولا فد يوم تعديت على أحد. ممكن أجذب علمود أطلع نفسي من مشكلة، بس ما عمري عصيت ربي بشي. وشخصيتي القوية لأن من جنت صغيرة مع الأولاد ما كنت مع البنات. يوم اللي كبرت صرت مع البنات. طفولتي عبارة عن طوبة وكرة سلة ولعب مع الأولاد، ولهذا السبب شخصيتي قوية وثقتي بنفسي بسبب أهلي اللي كل يوم يسمعوني كلام حلو، وكل يوم أسمع مدح بشكلي وجسمي وتصرفاتي وكل شي.

جاني صوت إيلا وطلعني من صفتي، كالت:

"يلا انزلي، شبيج؟"

"ها، أي."

نزلت من السيارة وأمشي وأتعثر بالعباية، ما أعرف أمشي بيها. أجه تيم مسك إيدي وكال:

"ثولة! خوما ثولة؟ حتى بالعباية ما تعرفين تمشين، فشلتينة كدام أمّة محمد."

"كعب بطولك لابسة وفستان وعباية."

"كعب بطولي؟ الله يثولج فوك ثولج، هذا هم حجي."

"غلس يمعود."

فتت للقاعة وفوراً نزعت العباية. وكالت المصورة: "الكل يقعد علمود الدخولية مال العرسان." عشتوا! الكل كان قاعدين، وكان اكو طفلة ما أعرفها يمي. قلت:

"حبيبتي روحي غادي، يصيحوج."

"منو يصيحني؟ ما أعرف أحد."

"العروس تصيحج، ماشفتيها."

راحت وكفت كبال أسيل وخربت الدخولية، وأنا فرحت كثير. وأشوف أسيل ضايجة. كان إلياس شكله عادي، مو مبين فرحان. المفروض هسه الضحكة شاكة حلكه، بس عادي يعني، مو فرحان ولا ضايج، بين الاثنين.

راحوا وكعدوا على الكوشة وأسيل تحجي ويا إلياس وهو مبين شارد ومو وياها. بعدها شغلو أغاني والبنات يرقصن، وأنا واقفة وحدي. اجت إيلا وكالت:

"تعالي اركصي."

"ماريد، مالي خلك."

"شبيج ضايجة؟ ترا مبين عليج من بعد سنة."

"لا رد."

"لا تخلين أحد يشمت بيج، انسي، عوفيهم."

"أنتم ليش ماتحسون؟ ما أقدر أنسى، مو بيدي. أتمنى أنسى بس ما أقدر."

"هاجر كافي، شبيج؟ أروح أحسن."

عافتني وراحت. أشوف الكل يرقص وفرحان، وأنا وحدي اللي ضايجة وما طايقة أحد من الموجودين. شفت رسل قاعدة، رحت يمها وقلت:

"ليش قاعدة؟ ماتقومين ترقصين نفس الباقي؟"

"ما أعرف أرقص."

"وين اكو أحد ما يعرف يرقص؟"

"أنا ما أعرف أرقص، عادي. وأنتي ليش ما ترقصين؟"

"ما جاي على بالي، شسمه؟ تعالي أعلمج ونرقص سوة."

قمنا علمود نرقص، صرنا بالنص وبدينا نرقص. وقتلتها شنو أسوي؟ سويت نفسي. وشوية واجت إيلا وكالت:

"فعلاً ماتستحين. أنا كلت لج تعالي، ماتقبلين. رسل من تكلج تقبلين؟ والله فلا تستحين."

"هسه جا على بالي، قبل شويه مجان على بالي. يلا تعالي معانا، ارقصي."

بقينا نرقص وطولنا. بعدها صار وقت الأكل. وفاتوا كم واحد من كرايب إلياس حتى يقدمون الأكل. وشفت من بينهم محمود اللي خطبني. ومن أجه يمنه كان تيم يقدم وياه. وهو بقى صافن عليه، وأنا نزلت راسي لأن بالبداية وافقت بعدين رفضت. استحيت منه.

رفعت راسي وهم كان يدحك عليه. أجه من يمي علمود ينطي للي ورايه وكال بصوت ناصي: "ممكن تجين للغرفة اللي بيها الماي والأكل." وعافني وراح. قلت أشوف شنو يريد لأن صار عندي فضول.

رحت للغرفة اللي كال عليها. تقريباً ربع ساعة واجه. فات وكال بدون مقدمات:

"ليش كنتي موافقة بالبداية وبعدين رفضتي؟ أش شفتي مني؟ ما أستاهلج مثلاً؟"

"لا مو هيج، بس أنت فاهم الموضوع غلط."

"أشلون فاهم الموضوع غلط؟ فهميني."

"شوف، أنا وأهلي موافقين."

قاطعني وكال:

"عجل ليش رفضتم؟"

"بس خليني أكمل، لا تقاطعني."

"كملي."

"المهم، الكل كان موافق وما حد رافض. بعدها إلياس حجة براس جدي علمود يرفض بحجة أنك مو خوش ولد. وأنا أعرف أنت خوش، بس هذا اللي صار."

"دقيقة، إلياس ابن عمي؟"

"أي هو نفسه."

"ليش أنا أش سويتله؟"

"مو أنت، هو بالمختصر يريد يخرب حياتي."

"السبب؟"

"ما أعرف. والمشكلة جدي يسمع منه لأن أول حفيد ويحبوه كثير."

"هسه أنتِ موافقة؟"

"أنت تعرف ما بيدي شي."

"ما أريد أعرف. أريد أعرف أنتِ شنو رأيج؟"

خجلت ودنكت راسي، معرف شنو أحجي. أحس لساني انربط. رجع وكرر سؤاله. معرف شنو أقول، وكلت بسرعة وبدون وعي:

"أي، موافقة."

ابتسم وكال:

"هسه أحجي مع أمي تكول لأمج، وراح أتواصل وياج عن طريق لارا."

طلع، وأنا صفنت ليش كلت موافقة؟ معقول بس علمود أغث إلياس؟ وأنا ليش حتى أوافق؟ أريد أحقق حلمي، مو مستعدة للزواج. وبعدين ما أثق بمحمود، أشون راح أزوجه؟ وغير هيج ما عندي مشاعر تجاهه.

طلعت وهاي الأفكار كلها براسي. كعدت واجت يمي رسل وإيلا. كالت إيلا:

"هاجر، شبيج؟"

"جفصت."

"مع منو؟"

حجيت الموضوع إلهن بصوت ناصي، ما أريد أحد يسمع. كالت رسل:

"إذا الولد خوش، ليش لا؟"

"ما أعرف ليش كلت موافقة. أنا ما أريد أزوج، لا مسؤولة وأريد أكمل دراسة وأحقق حلمي."

"عادي، سهلة. هسه إلياس يحجي براس جدي علمود يرفض، مو فد شغلة."

"أي صح، بس يمكن ما راح يوصلون خبر لعمة أميرة وإلياس."

"ولا يهمج، يمي أنا أكلهم."

"يعني عاجبج هسه؟ فوتي نفسج بمصيبة من كالج موافقة؟ كليله ما أريد أزوج، مامفكرة."

"أش أعرِف؟"

"هسه سالفة وصارت، وأنا كلت لكم أروح أكول لعمة وإلياس."

"هسه إلياس يكول تريدني أخربها لأن ترديني."

"لا، راح أكل له هاجر فرحانة لأن محمود رجع خطبها مرة ثانية، وأكيد راح يقبلون، وأنت خطية تظل ويا أسيل الجايفة."

"إذا هيج خوش."

بعدها رحت يم ماما. وشوية واجت أم محمود وكالت:

"أنتو رفضتو أول مرة، مانعرف السبب. وهسه ابني عرف السبب، والبنت والولد يريدون بعض، ليش تحرموهم من بعض؟"

"والله يا أختي ما بيدي. عمي رفض. ما نحنا أصلاً نحنا نتشرف بيكم، وين نلكي مثل أخلاق ابنك؟ وخاصة أنو أميرة وتيم حمدوا بابنج."

"عجل ليش رفضتو ابني؟ ما يقبل يكول ليش."

"عود ابنك يكولج."

راحت، وماما دحكت عليه بمعنى حجيتي شي. هزيت راسي بلا، وافتهمت. وكمت من يمها، وجان يشغلون أغاني مرة ثانية. حيل مخنوكة والدمعة بعيني. معرف ليش، صح هو عافني وراح إلها، بس ما أقدر أشوفهم فرحانين. يمكن تكون عندي مشاعر تجاه إلياس وأنا أنكر.

وأنا صافنة، أجه مسج لتلفوني. وكان من زهراء تطمن عليه وشنو حالتي، عبالك حاسة بيه. حجيت الها شنو صار وشلون كلت لمحمود موافقتي. حسيتها ضاجت من موافقتي، ومعرف السبب. سألتها تكلي، بعدج صغيرة، ما اقتنعت بحجيها صراحة. حسيت اكو شي ثاني. كملت الحنة والكل رجع للبيت، وأنا رحت لبيت عمه أميرة علمود أجيب أغراضي اللي بقوا عندهم.

ثاني يوم العصر أجو يخطبون محمود وطلبوني. وجدي رد الهم خبر بنفس اليوم برفض. ما اهتميت لأن أنا ما كنت أريده، ومعرف ليش كلت موافقة. كاعدة بغرفتي، ساعة 9 اجاني مسج. فتحت تلفوني وشفته من تميم، وكان كاتب:

"صدك انخطبتي؟"

"أي، بس جدي رفض."

"وأنتي شنو؟"

"شنو أني شنو؟ ما فهمت."

"أقصد أنتِ موافقة؟"

"بصراحة لا."

"تعالي بوبجي نلعب."

"شوية وأجي."

دخلت على اليوتيوب أطمش شوية. بقيت أتابع لل 1. ما حسيت، جنت مندمجة لحد ما جأتني رسالة من زهراء. وهيك كملت حياتي. وكم شهر راح، وبلش الدوام، وكنت حيل متحمسة وخايفة بنفس الوقت.

كعدت الصبح ومثل كل يوم مدرسة. الكل يكعد يأكل ونسمع محاضرة من جدي قبل ما نطلع. وتيم نجح وجاب معدل 95.87. كان يريد صيدلة بس معدله ما يسمح. وعمو محمد اشترى كم درجة ودخل صيدلة. ودائماً يغيرني، عود فات للقسم اللي أحبه. غلست وكتله: "راح أجيك، انتظرني."

كملت أكل وطلعت أبدل. كملت تبديل ونزلت. كان بابا وجدي طالعين. بست ماما وطلعت. ومثل كل يوم تبقى تدعيلي. جاي ألبس الحذاء (تكرمون). جا أبو الخط. لبسته شلون ما كان وطلعت. وشفت البنات وشكد مشتاقتلهن. بقينا نحضن ونبوس لحد ما اجت رزان وكالت:

"لا ياخونة بدوني."

جرينها وكعدنا نحجي. رزان انخطبت وعن قريب حفل خطوبتها من ابن عمتها مدري عمها. جانت الفرحة مبينة على وجهها. كالت:

"هاجر، شصار على سالفة تميم؟"

"صوتج فضحتينة."

"دحكي هسه."

"ما صار شي."

"يعني ما اعترف بحبه؟"

"منو كال يحبني؟ كافي تلوصين."

"كافي بلا سالفة فلان وعلان، خلونه متونسين. وين قضيتو العطلة؟"

الكل كال بنفس الوقت:

"بالبيت، وين يعني؟"

وصرنا نضحك. حرفياً جنت مشتاقة إلهن بكد رحمة الله. وصلنا فرع المدرسة ونزلنا نكمل مشي. كالت ريماس:

"خلي نروح نشتري."

طلعنا نتوجه لمحل الحجي، بس كالت ريماس:

"ماريد على الحجي، ما عنده شي طيب. خلي نروح لهذاك المحل."

جانت تأشر بيدها. أول مرة أشوف هذا المحل، الظاهر فتح جديد.

"أول مرة أشوفه، إيمتى عرفتي بيه؟"

"من أجينة استلمنا كتب."

"تدرين مالحظت."

"أي عيني، وين تلاحضين؟ بالج يم إلياس الخرة."

"بلا سخافة، إيمتى بالي يمه؟ تعرفين أكرهه."

"كافي وسيرة نعل، لا عاد تجيبوها. كافي."

الكل سكت، ومشينة للمحل الجديد نشتري. فتنة، وجان اكو ثلاث شباب بوسط المحل، وجان اكو بنات كثير يشترون. انصدمت من كمية البنات. يعني محل الحجي بيه كم بنية، وهل محل ماشاء الله يزوع بنات. قلت بهمس:

"ريماس، شهل لعبان نفس جايبتنه على المحل اللي بيه ولد؟ هسه صار ما يعجب محل الحجي."

ريماس تعض شفتها بمعنى اسكتي. سكتت. وبعدها أجه ولد أهل وسهل بيها وكال:

"شلونج رموسة؟ شخبارج؟"

"زينة. أنت شلونك؟ الأهل شلونهم؟"

"زينين، يسلمون عليج."

بقيت صافنة أنا وسارة ورزان، مانعرف منو هذا ولا ليش جاي يحجي معاها. بعدها كال:

"هذول صديقاتج؟"

"مو بس صديقاتي، خواتي هم."

ابتسم وكال:

"هلا بيكم، تنورون المحل. اشتروا الي يعجبكم."

راح من يمنه. رزان كرصت ريماس وكالت:

"منو هذا ولج؟"

"ابن خالتي والكراش مالي."

"جذب."

"أييعع! هذا قرايبكم؟ وين إخوانج؟ شكد حلوين! وين هذا؟"

"انحبي، ما عندج ذوق."

"بلا لغوة، اشتروا، خلي نرجع للمدرسة قبل لا يدك الجرس."

اشترينة ورحنا نحاسب. الولد رفض بزعني. وكلتلها:

"أنت مو مفتح المحل على روح الميتين؟ تفضل هاي فلوس لأن نحنا مستعجلات."

حطيت الفلوس على الطاولة اللي كدامه وطلعت. وطلعن البنات وراي. ريماس ضاجت من تصرفي، وسارة أيدتني، ورزان بس تحجي بيه وتاخذ معلومات عنه من ريماس.

دخلنا المدرسة، وجان داك الجرس. واكو بنات واقفات، ونحنا مانعرف وين. جماعت السادس. كالت رزان:

"تعالوا هينه، هاي البنية أعرفها. جانت هذيج السنة سادس، مبين راسبة."

رحنا، وسارة سألت اللي بصفها وكلتلها: "أي، هذول سادس."

صارت المدرسة تقرأ أسماء شعبة ألف. ما طلع ولا اسم من أسماء البنات. ارتحت، لأن اكو أمل نصير نفس الصف. وصلوا باء، وصاحت أسماء البنات، وكلنا ندعي أنو يطلع اسمي معاهم. بعدها صاحت اسمي. فزيت، وصرنا نصيح مثل المخبلات. كالت المدرسة:

"منو هاي اللي ما تستحي تصيح؟"

سكتنا، مانريد رزالة. رحنا لصفنا وكعدنا أنا وسارة قبل الأخير. ورزان وريماس يدورون مكان. جان مكان فارغ بس بالنص، وهن يردون يمنه. فه اجت رزان وكالت للبنية اللي ورانا:

"حبيبتي، ممكن تنطيني مكانج وأنتي تكعدين مكانه؟"

البنية ما ردت على رزان. جان راسها بالكتاب وتتصفح بيه بكل هدوء. عصبت رزان وكالت:

"أنتِ طرشة؟ ماتسمعين؟ عدل حجي معاج بأدب. ليش ماتردين؟ تريدين أطيح حظج؟"

دحكت البنية على رزان وكالت:

"أنا ما أقوم، وهذا المكان مكاني. أنتِ روحي اكعدي بس بالنص. وإذا وحدة منكم تريد تكعد يمي، هلا بيها."

شفت رزان تنرفزت، وراحت للبنيه اللي مقابيلنه. وبالفعل، اللي كبالنه قبلو، وراحوا آخر رحلة بالنص، وهن كعدن كدامنه. واندارن علينه. سولفنا شوية، وفاتت المدرسة.

عرفتنه عليها، وبدت تتعرف علينه. جانت لطيفة بشكل، وجان شكلها مبين صغيرة. وصلت يم رزان كالت رزان:

"أنا اسمي رزان."

"ست مرام: عاشت الأسامي، عيني."

"ريماس، اسمي ريماس."

وصلت إلي، كلت:

"هاجر."

ابتسمت وكالت:

"عاشت الأسامي. بس شنو اسم أبوكي وجدكي؟ لأن أعرف بنت بنفس الاسم."

"هاجر علي..."

"ست مرام: أي والله! أقول وين أعرفج؟ أنتِ عندج عمه اسمها أميرة؟"

صفنت وكتلها: "أي."

كالت:

"أنتِ بنت أخوها. أعرفتوكي من حنة إلياس، شفتوكي. وهسه من شفتوكي قلتوا وين شايفته."

"بس اللي أعرفه بنت أحمد، عمه. ما يحجون مصلاوي."

"أي، لأن أنا متزوجة مصلاوي، فآخذ لسيني."

"أي، تشرفت بيج."

بعدها كالت للبنية اللي ورانه:

"مريانة، ليش تقعدين بالأخير؟"

التفتت وأشوف البنية صافنة، وأنا معرف منو هاي، وأشون المدرسة عرفت اسمها؟ أكيد تعرفها.

"مريانة: أحسن، ماريد بالبداية."

بعدها تعرفت على كل الصف، وبدت بالدرس، وصار درس وره درس. بعدها صارت فرصة. كالت رزان:

"هاجر، بربج عود النه هم."

"ما فهمت."

"هسه أنتِ صار عندج واسطة، عود خلي النه واسطة هم. مو تنسينه."

"دروحي، هيا مال واسطة شبيج؟ غير حتى ما أعرفها."

"بنات، أنا صار عندي فضول. مريانة شصير من ست مرام؟"

"تصدقين حتى أنا."

"تخيلي تطلع قرايب إلياس هم."

"أييع! أييع!"

"ريماس، ليش ساكتة؟"

"شحجي مثلاً؟"

"أي شي، بس لا تظلين ساكتة."

"أنا أروح للصف."

عافتنه وراحت، وركضت وراها رزان تشوف شبيها. أنا وسارة بقينا مصدومات. شنو السالفة؟ وشنو السبب من كل هذا؟ كالت سارة:

"معقول بعدها زعلانة منج علمود سالفة ابن خالتها؟"

"ترا ما حجيت شي، والله. شفتي هو انكله؟ شكد الحساب يكول عليه؟ شنو مخلفنه وناسينه؟ وهو شعلي؟ ياخذ الفلوس وينجب، لا يهوبز براسنه."

"تدرين ريماس حساسة، وهيا مبين تحبه. وأصلاً كالت كراشي. جانت تحجين وياها بأدب، مو مثل الثولة. وبعدين ليش هلكد عصبتي؟"

"أكره جنس آدم."

"إلياس."

"سوه سوايته وجنس آدم ياكلوها. وبعدين جنس آدم شعليهم؟ أنتِ عتلوصين عيني."

انتبهنا رزان جاية النه وتركض. كالت:

"ريماس زعلانة من هاجر لأن حجيتي ويا ابن خالتها هيج."

"أوهو، قابل شحجيت؟ والله يالله."

"روحي صالحيها، تدرين قامت تبجي بالصف."

"جذب."

"وداعتك علاوي."

رحنا نركض. فتنه الصف، وبالفعل جانت تبجي. من شافتنا مسحت دموعها ودنكت راسها. أجينه يمها وكلت بسرعة:

"والله ما كان قصدي أحجي هشكل مع ابن خالتج، بس والله ضايجة، وأنتي تعرفين منو وليش. أسفة والله."

حضنتها وبست راسها وخدها. وضحكت وكالت:

"ما تتواخذين ثولة."

"شوفي شكد عار! صاح حظج وحظ اللي يعتذر منج."

بست جذي وكالت:

"عيني شبيج؟ نهز الورد حتى نشمه."

ضحكنا كلنا. وبعدها قاطع صوت ضحكنا مريانة، وهي تكول:

"هاجر، عادي أحجي وياج بشي؟"

"أحجي عادي، ماكو أحد غريب. والبنات ما أخبي عليهن شي، كل شي يعرفن."

"تمام. مثل ماسمعت، أنتِ بنت خال إلياس."

انصدمت، شعرفها بإلياس؟ كلت:

"أي، بس أنتِ منو وأشون تعرفين إلياس؟"

"أنا بنت عمة، وأخويه محمود."

انصدمت صدمة عمري. هاي شتسوي بمدرستنه؟ كلت:

"بس على حد علمي، أنتو ما هين بيتكم بيتكم ب..."

"أي صح، بس قبل كم شهر انتقلنا لهذي المنطقة."

"نورتوا. بس ما عرفت ليش سألتي."

"الي فهمته أنو أنتِ رفضتي أخويه."

"لا، مو أنا."

"بعدج تريدي؟"

نطت رزان من يمها وكالت:

"هاجر ما حاطة هيج موضوع بالها، وما تريد تتزوج. وأنتي أكيد تعرفين السبب."

"إلياس السبب هو اللي يمنع زواجج، ما صح؟"

"صح."

"طيب، ليش؟"

"علمي علمچ."

ترخصت وعافتنه وطلعت من الصف. كالت سارة:

"رزان، أنت ليش جاوبتي بمكان هاجر؟"

"لأن أعرف هاجر راح تجفص. حجيت بمكانها قبل لا تجفص."

دك الجرس وفاتن البنات. اجت المدرسة نفس الحال. تعرفت علينه، وعرفتنه على نفسها، ومو بس هيا، كل المدرسات نفسها. خلص الدوام ورجعنا للبيت. فات أبو الخط بفرعنا. كالت رزان:

"شسالفة؟ عمامج كل يوم يمكم."

"بيت جدهم، بعد مانكدر نحجي."

نزلت ودكيت الباب. طلع للباب تيم. ضحك وكال:

"تيم..."