تحميل رواية «كلمة حلوة» PDF

بسبوسه ... انا بتكلم جد بالله عليك تقولي كلمة حلو.

مانا بقولك اهو بسبوسه ولا مش عجبك.

ايه رايك في الهريسه.

لا انا عايزك تقولي بحبك.

لا ... لا ليه علشان خاطري.

مين قالك ان ليكي خاطر عندي.

والنبي تقولي بحبك عايزة اسمعها منك.

لا مش هقولك حاجة، مش حاسة.

ولا قولتلك اني هكون مبسوطة لو سمعتها منك.

بروضه لا واسكتي شوية بقى عايز انام.

لا مش هتنام غير لما تقولي بحبك ارجوك.

قلبي محتاج يسمعها منك.

بقولك ايه انتي فاضية طول اليوم وانا طالع عيني في الشغل روحي نامي احسن او العبي على تليفونك.

اتكلمت بدموع: حاضر هروح بس لما اسمعها منك.

والنبي والنبي تقولي بحبك بالله عليك وحياة اغلى حاجة عندك تقولي بحبك قلبي محتاج انه يسمعه ارجوك.

متكسرش في قلبي اكتر من كده.

بجد محتاجة اسمعها منك اوي كمان.

وانا قولتلك لا.

وانتها الكلام واطفي النور واخرجي علشان عايز انام.

هي بعند اكبر: لا مش هخرج ولا هقفل الباب غير لما تقولي بحبك.

دي كلمة سهلة جدا دي من اربع حروف وبس.

ب..ح..ب..ك... ارجوك عايزة اسمعها ارجوك.

بحبك.

ارتحتي كده.

هي ودموعه زادت: ايوه شكرا.

وانا كمان بحبك.

خرجت من الأوضة ودموعه بتنزل بصمت على حياته اللي حتى كلمة بحبك فيها صعبة كأنها نهاية الدنيا.

الكلمة اللي ممكن تقولها ليل ونهار اللي بتحبه.

بس عنده هو اصعب كلمة على وجه الأرض.

ورغم كل ده هي لسه بتحبه.

هو ممكن يكون في قلب غبي بيحب حد حتى كلمة بحبك صعبة يقولها.

بعد ما خرجت من عنده راحت الأوضة التانية ورجعت بذكرياتها لاول ما عرفت نادر جوزي.

انا متجوزة جواز صالونات.

يعني اول مرة شفته كان مع امه.

وحصلت الخطوبة، وفي فترة الخطوبة مكنش بيبطل يقولي كلام حلو لحد ما وقعت في الفخ.

وحبيته من كل قلبي.

وبعدين فترة الخطوبة خلصت وجوه يوم الفرح.

بس اللي حصل كان