تحميل رواية «خطايا عاشق مجنون» PDF

كان يقود سيارته بسرعة جنونية وعيناه عبارة عن كتلتين من الجحيم.

أوقفها فجأة، واتكأ بظهره على مقعده، ورد في ذهنه آخر جملة قالتها له: "أنا مش عايزاه، أنا عايزة أطلق".

لكم عجلة القيادة بقوة، وبدون مقدمات أخذ يبكي بقوة ودموعه تهبط بلا توقف وهو يضع يده على موضع فؤاده.

يشعر بألم كبير، ليس مرضاً، ولكنه ألم العشق الذي أملأ جسده.

فإدمان المخدرات يمكن علاجه، وبعض الأمراض يمكن الشفاء منها، وإنما العشق فهذا داء له دواء واحد فقط: "معشوقه".

إن حضر "معشوقه" اختفت آلامه، وإن لم يحضر ستصبح آلامه لعنة تحرق الجميع.

مسح دموعه وأخرج هاتفه وقام بالاتصال بأحدهم.

أجاب الآخر.

كريم بنظرات غاضبة: "انت فين ي رضا؟"

الآخر: "أنا في الكباريه ي باشا إن..."

أغلق كريم معه وذهب سريعاً لذلك المكان، وقد كان الوقت قرب الفجر.

نعم، استغرق وقتاً كبيراً بالقيادة حتى وصل القاهرة ولم يكل ولا يمل، فهناك ألم فتك به يا سادة.

وصل إلى ذلك المكان بعد وقت قليل.

كانت الموسيقى الصاخبة والأضواء الكثيرة الساطعة تملأ المكان، وهناك مطرب يؤدي أغاني شعبية، وبجواره تلك الراقصة التي ما أن لاحظت وجوده حتى ابتسمت باتساع له.

تجاهلها هو وتقدم من طاولة أحدهم وجلس جواره.

رضا بإيماء: "نورت المكان ي باشااا..."

كريم بجمود وهو يحتسي تلك السموم: "عايزك في مصلحة..."

رضا بهدوء: "طيب منتكلمش هنا، أنا أجيلك بيتك ونتكلم..."

ما أن انتهت تلك الراقصة حتى هرولت له سريعاً تحتضنه بقوة وهي تردف باشتياق: "وحشتني أووي..."

أبعد يدها وأردف بجمود: "مش جايلك ي صافي..."

أردفت بتهكم: "أومال جاي لمين...."

ابتسم بسخرية وجملتها تتكرر بأذنه للمرة المليون.

أردف بجدية: "غيري هدومك وحصليني ع العربية..."

ابتسمت بسعادة وأردفت: "أوامرك حااضر..."

رضا بتعجب: "إي ي باشاا ده، أنا سمعت طراطيش كلام إنك بتحب واحدة ومش هتخونها وبتيجي هنا تفاريح..."

كريم وهو يحتسي مرة أخرى تلك السموم بشراهة: "متستاهلش غير تتخان..."

نهض ليغادر.

فقاطعه رضا بفضول: "الا هو أي نوع المصلحة المرة دي..."

كريم بخبث وحقد شديد: "قتل..."

غادر كريم ليترك الآخر بصدمته.

فمن ينوي قتله كريم؟

لمياء بحدة: "ارتاحتي ي نور، ارتاحتي دلوقتي! خربتيها وارتاحتي..."

كانت نور تجلس على فراشها ولا تنظر لها، فقد تنظر أمامها بصمت.

غزل بهدوء: "خلاص ي خالتو، سيبيها دلوقتي وبعدين ابقي كلميها..."

لمياء بغضب: "أكلمها في إيه؟ طلقها ي غزل، طلقها! خربت حياتها قبل ما تبتدي..."

نور بغضب: "انتي أي؟ كفاية بقي! أنا بنتك مش الفلوس، وأيوه ارتحت لما خلصت منه وهتجوز اللي بحبه..."

لمياء بغضب وهي تجذبها من شعرها بقوة: "وكمان ليكي عين تردي؟ أنا هربيكي ي نور..."

حاولت سماء وغزل الفصل بينهما.

أتت علياء على صوت صياح نور وأبعدت لمياء عنها.

سميحة والدة لمياء بحدة: "بتضربيها لي ي لميااء؟"

لمياء بغضب: "بربيها عشان أنا وأبوها دلعناها بزيادة، مهي غزل أهي بتسمع الكلام ومتربية، إنما دي..."

سميحة بحدة: "دي ست البنات ومتتخيرش عن سماء وغزل ي لميااء، متعيبيش بنتك واعقلي..."

علياء وهي تأخذها للخارج: "خلاص بقي ي لمياء، مكفكيش اللي عمله فيكي بابا تحت وهو مش نبه عليكي متكلميهاش، كفاية بقي..."

لمياء بغضب: "ماشي ي نور، بس وحياة أمك اللي عايزاه أنا هو اللي هيحصل..."

ذهبت لمياء للخارج وخلفها علياء.

سميحة وهي تغادر: "متزعليش ي نور، شوية وهتهدى ي بنتي..."

ثم أشارت لغزل: "خليكم جنبها النهارده..."

غزل بهدوء بعد أن غادرت سميحة: "خلاص ي نور، بقي مضربتكيش بعيار هي..."

نور وهي تنظر لسماء التي ترمقها بحدة: "خير ي سمااء، انتي كمان عايزة تقولي أي..."

سماء بحدة: "وأنا هقول أي يعني؟ مانا أدينا ساكتة..."

نور بحدة: "آه ساكتة بس لاوية خلقتك عليا..."

سماء بغضب: "والمفروض أعملك أي؟ أضحك وأفرح وأنا عارفة إن أخويا مجروح دلوقتي بسببك..."

نور بغضب: "بقي بسببي أنا دلوقتي..."

سماء بحدة: "لا ي ستي، أخويا أنا هو اللي وحش ويستاهل، وأهو متزعليش جدو ضربه قدامك وكسر بنفسه وجابلك حقك، افرحي بقي..."

أردفت سماء بكلماتها وغادرت للخارج.

نور بدموع وهي تحدث غزل: "كلهم طلعوني أنا اللي غلطانة دلوقتي..."

غزل بهدوء: "سيبك منها، تلاقيها زعلانة ع كريم بس، وبكرة هتهدى..."

صمتت نور بدموع.

غزل بغيظ: "مخلص خلاص بقي، نكدتوا عليا فرحتي! بقي ده منظر بيت بكره هيكون فيه كتب كتابي..."

نور بعند: "مانتي شوفتي سماء..."

غزل بمرح: "تعالي أفضحهالك قبل ما البيت يولع، كنت في الجنينة بره بجيب ورد لتيته لقيتها واقفة مع شريف وكانت سيكا وهتعترف إنها بتحبه لولا بس إن جدك طلع ينادي ع كريم..."

نور بصدمة: "بتهزري؟ سماء وشريف؟ لا مش ممكن..."

غزل: "والله زي مبقولك كده..."

نور باستنكار: "بس شريف خاطب هدير أخت هايدي على حسب ما أعرف..."

غزل: "أنا ولا أعرف هدير ولا هايدي، أنا أسمع إنه خاطب، المشكلة دلوقتي في إن البنت الهبلة دي وقعت فيه، شكلها ورايحة تقوله البجحة..."

نور بسخرية: "اصمله عليكي ي ختي، ده انتي قدامنا كلنا النهاردة قولتي أه موافقة بأكرم، وإنتي مشوفتيهوش غير مرتين..."

غزل بابتسامة واسعة: "بيني وبينك، أنا الأول وافقت لأن جدو قالي لو الجوازة دي تمت هيخليني أدخل الجامعة، بس بعد مشوفته هوافق عشان الجامعة وعشان هو خطف قلبي بعضلاته وشعراته البنين دول هيح..."

نور بضحك: "ههههههه ي بت الهبلة! بس خلي بالك أكرم ده ميه من تحت تبن..."

غزل بمرح: "قصدك شوكولاتة من تحت تبن كريمة نوتيلا..."

ضحكت نور عليها بقوة.

"بارك الله لكم وبارك عليكم وجمع بينكم في خير..."

بعد هذه الجملة أصبحت غزل زوجة أكرم.

عثمان بسعادة وهو يحتضن أكرم: "مبروك ي بني..."

صدح صوت الزغاريت من داخل المنزل، وأيضاً بعض الرجال بدأوا بإطلاق النيران، وصدح صوت الطبول الصعيدية ليعم المكان.

طارق وهو يهمس لشريف: "مرضيش يجي برضو..."

شريف بهدوء: "سيبه ي عمو، دلوقتي، كريم هيهدى وهيعرف يتصرف..."

طارق بنفاذ صبر: "وأنا مش خايف غير من تصرفاته..."

شريف وهو يتناول إحدى المشروبات: "متقلقش ي عمو، أنا هتابعه من بعيد..."

بالداخل...

تألقت غزل بفستانها الأوف وايت الرقيق الذي ينزل على جسدها بضيق شديد ليبرز منحنياتها الفاتنة، ويلمع بشكل ملفت، وما زادها جمالاً حجابها الذي كان من لون الفستان وبعض مساحيق التجميل الخفيفة.

كان الجميع ينظر لها بانبهار بجمالها وعيناها الزرقاء.

سماء وهي تجلس بجوار والدتها: "خلاص ي ماما بقي، افرديها شوية عشان خاطر أكرم..."

فريدة بحزن: "والله أنا معرفش أعمل أي، أفرح للي هنا ولا أبكي على أخوكي اللي منطرفلوش طريق..."

سماء بهدوء: "طيب عشان خاطر أكرم فكيها، وبعدين مش هو طمنك على كريم وقالك بيريح أعصابه شوية، واهو بكرة هنرجع القاهرة وإن شاء الله نلاقيه في البيت..."

لمياء وهي تجلس جوار فريدة: "متزعليش ي فريدة، عشان خاطري، أنا ضد اللي عملته نور و..."

فريدة بهدوء: "خلاص ي لمياء، ده نصيب ربنا يسعد نور..."

صمتت لمياء بغضب كبير وهي ترمق ابنتها الجالسة بجوار غزل.

وقفت سماء وانضمت لهم.

نور بمشاكسة: "غزل، هي خطيبة شريف مجاتش معاه لي..."

نظرت لها سماء بغيظ وصمتت.

غزل بخبث: "يمكن هو مرضيش يجيبها عشان في ناس هتولع هنا لو هي جات..."

سماء بحدة: "في أي انتي وهي، متتلموا..."

نور: "انتي حد وجهلك كلام الله..."

غزل بمرح: "خلاص ي نور، متقوليلهاش إني شوفتها امبارح وهي واقفة معاه في الجنينة و..."

سماء بسرعة وتوتر: "إيه؟ سمعتي أي؟ اسكتي..."

نور بغيظ: "هتحكيلي ي سمااء هااا، والا هروح لطنط فريدة و..."

سماء بغيظ: "طيب هقولك ي نور..."

غزل بحماس: "وأنا كمان..."

سماء بغيظ: "بعدين أحكيلكم، اسكتوا..."

بعد مرور قليل من الوقت...

سماء بتنهيدة: "بس كده، ومن وقت ما كنت عنده في المكتب وأنا مش عارفة أفكر فيه، بس والله الأول كنت بعتبره زي كريم وأكرم..."

غزل بغمزة: "ودلوقتي شيفاه الكراش صح..."

نور بجدية: "استني ي غزل، المفروض سماء متنساش إن في هدير في الموضوع..."

سماء بحزن ظهر عليها: "عارفة ي نور، وعشان كده بشكر ربنا إني مقلتلوش إني بدأت أعجب بيه..."

غزل: "طيب يمكن هو زيك ومش بيحب خطيبته..."

نور بحدة: "بس ي غزل، متقوليلهاش كدب، لأن دي غبية وممكن تبني أوهام على الكلام ده، ومفيش حاجة اسمها يمكن في الحاجات دي، لو شريف فيه حاجة جواه لسماء كان ساب هدير صح ولا لا ي سماء..."

سماء بتنهيدة: "صح جدا..."

قاطعهم دخول عثمان وخلفه كريم وشريف الذين كانوا يتحدثون عن تلك الليلة بإعجاب من تلك الأجواء الصعيدية.

عثمان: "فين أمك ي غزل وأبوكي..."

غزل وهي تتلاشى النظر لأكرم الذي ينظر لها بابتسامة مشاكسة: "بابا طلع ينام وماما وهي كمان وتيتة كمان طلعت تنام..."

سماء بمرح: "وماما كمان وبابا وخالتو لمياء راحت ناموا، تحسهم كتاكيت بيناموا من المغرب..."

عثمان وهو يجلس بجوارها بضحك: "طيب كويس، الجو هيفضي علينا ونسهر مع بعض..."

سماء بحماس: "حلاوتك ي تيتو..."

عثمان بخبث: "غزل، فاكرة المطعم اللي بنروحه كل فترة والتانية..."

غزل بهدوء: "آه ي جدو فاكراه، أي هتشتريه وتكتبه باسمي هدية كتب كتابي...."

عثمان بنفاذ صبر: "ي حول الله ي رب، بطلي طمع ي بنت، وبعدين أنا بسألك بس عشان تروحي إنتي وجوزك تتعشوا سوا..."

غزل ببلاهة: "جوزي مين..."

عثمان بمشاكسة لأكرم: "كلم ي جوزها..."

سماء بمرح: "عااا! هروح معاهم..."

أكرم بسرعة: "لا خليكي قاعدة مع جدك..."

شريف بخبث: "أنا هروح ا..."

أكرم بحدة: "اترزع انت كمان، قال تيجي معانا..."

شريف بغمزة: "أهدي ي أسطاا، أنا بقول همشي عشان عندي شغل الصبح ولازم أتحرك دلوقتي..."

عثمان بجدية: "لا مترجعش بالليل كده، استنى الصبح..."

شريف بجدية: "والله مينفعش ي حج عثمان، أنا حتى هوصل، هروح الشغل على طول، إنت عارف الظروف بقي..."

عثمان بتنهيدة: "ربنا يعينك ي بني..."

أكرم بهدوء: "يلا ي غزل..."

وقفت غزل وتقدمت منه، ليمسك هو يدها ويذهب للخارج ومعهم شريف الذي هم بالمغادرة.

نور: "إيه ده، موبايل غزل أهو..."

سماء وهي تلتقطه منها: "أنا هروح أوديه ليها..."

نور: "طيب، وأنا رايحة أنام..."

عثمان: "خديني معاكي ي نور..."

وقف شريف قبل أن يصعد سيارته ما أن وجدها تأتي لهم.

سماء لغزل: "امسكي موبايلك أهو..."

غزل بهمس لسماء: "قولي لأخوكي يفتحلي باب العربية عشان أركب، مش المخطوبين بيعملو كده..."

سماء بسخرية: "ده أي حد عادي بيعمل كده، مش أكرم، اركبي ي بنتي، ده إنتي أيامك بيضا..."

غزل بغيظ: "مليش دعوة، مش هركب غير لما يعمل كده..."

أكرم بحدة: "متخلصي يلاا..."

سماء وهي تكتم ضحكاتها: "أكرم افتح لغزل الباب عشان تركب..."

أكرم: "لي هي اتشلت..."

غزل بغيظ: "أمك دي اللي اتشلت..."

أكرم وهو يتجه لها بخبث تحت ضحكات سماء وشريف: "إيه ده؟ استنوا الصوت ده طلع منين..."

غزل ببرائة مصطنعة وتوتر: "عيب ي سماء كده، أي اللي قولتي ده..."

سماء بصدمة: "والله ما أنا ي أكرم..."

أكرم وهو يفتح لها الباب: "اتفضلي ي حرمي المصون..."

سماء بمرح: "عاش ي غزل، إنها حصون أخي ستهدم..."

شريف بسخرية لأكرم الذي كان سيصعد سيارته: "اطلع ي عم الرومانسي، الله يرحم..."

ذهب أكرم إلى وجهته.

كانت سماء ستعود للداخل ولكن أوقفها نداء شريف.

سماء بتوتر: "نعم..."

شريف: "كان في حاجة كنتي هتقوليها امبارح بس مكملتيش..."

نظرت له بسخرية: "مش هتفرق في حاجة ي حضرة الظابط..."

شريف بحزن: "متأكدة..."

أومأت برأسها بنعم.

تركها وذهب لسيارته.

سماء بسرعة: "شريف استنى..."

شريف بابتسامة جانبية: "أي، غيرتي رأيك وهتقولي..."

سماء وهي تمسك يده التي يضع بها خاتم خطبته وأردفت بابتسامة خفيفة: "قولتلك مش هتفرق، بس ممكن متنميش بالليل ع..."

قاطعها وهو يضع يده الأخرى على يدها وأردف بتنهيدة: "متخافيش ي سمااء، أتمنى كنت خدت بالي منك من زمان..."

تركها وذهب لسيارته وقادها وغادر من أمامها سريعاً.

نظرت هي لأثره بدموع.

فماذا سيحدث؟