أيان بصلها وابتسم بوجع
اسيل بعصبية وزعيق؛انا سألتك سؤال انت تعرف فارس منين هااا ليكون انت السبب ف انه مجاش
أيان ببرود؛وليه متقوليش انه مكانش بيحبك
اسيل بعصبية؛انت كداب هو بيحبنى قول الحقيقه انت عملت ايه فى فارس يا ايان عملتله ايه انت السبب صح
أيان بعصبية وزعيق؛بس بقااا اسكتى واياكى تعلى صوتك علي يا اسيل وروحى غيرى فستانك ده ونامى علشان نلحق الطياره يلاه اتفضلى من وشى
اسيل دموعها نزلت وكانت اول مره تشوف أيان متعصب اووى كده دخلت الحمام وشغلت الدوش وقعدت تحته وهى بتعيط أيان قعد على السرير وحط وشه بين كفوفه بحزن
أيان؛ليييه يا اسيل ليه بتعملى كده ليه مصره تجرحينى وتوجعى قلبى ليه مش قادره تشوفى حبى ليكى
أيان قام وخلع بدلته ولبس ترينج وراح على السرير ونام
وبعد دقايق اسيل طلعت بصت عليه لقته نايم عل السرير اخدت غطا ونامت على الكنبه
****** فى صباح يوم جديد ******* أيان قام لقاها نايمه على الكنبه شالها وحطها على السرير وغطاها ودخل غير هدومه وطلع مسك شنطه وبدأ يلم هدومه علشان السفر
اسيل فاقت وبتبص لقت نفسها على السرير قامت مفزوعه لقته قدامها وبيلم هدومه
اسيل ؛انا ايه جابنى هناا
أيان بضحك؛يعنى مش كفايه مجنونه لا وكمان عندك فقد فى الذاكره
اسيل بعصبيه؛أيان ايه جابنى على السرير
ايان؛انا صحيت لقيتك نايمه على الكنبه شلتك وحطيتك على السرير
اسيل بهدوء؛طيب بتعمل ايه
ايان؛بلم هدومى علشان فاضل نص ساعه على معاد الطياره وياريت تقومى تغيرى هدومك وتجهزى علشان نمشى اسيل بحزن وبعيون مليئه بالدموع؛أيان ممكن منسافرش لو سمحت مش عاوزه امشى واسيب جدى انا اتعودت على الناس هناا لو سمحت
أيان قرب وقعد جنبها على حافه السرير ومسح دموعها ؛اهدى انا عارف انك بتحبى الناس إللى هنا وعارف انك متعلقه بيهم متخفيش انا هخلص شغلى إللى هناك وهنيجى يعنى شهر كده او شهرين وهنرجع وبعدين مش من زمان وانتى نفسك تسافرى معايا ولا مش فاكره الوعد إللى ادتهولك زمان فاكره
اسيل افتكرت لما كانوا صغيرين وكان أيان مسافر مع اهله Flash Back
اسيل ببراءه؛أيان أيان انت بتعمل ايه
أيان؛بلم شنطتى يا اسيل علشان مسافرين
اسيل ؛اممم طيب مش هتاخدنى معاك
أيان بضحك؛ههههه لو عمى يوافق مكنتش اتردت لحظه انى آخدك
اسيل بحزن؛بس انا عاوزه اروح معاك يعنى اشمعنا بتاخد عمر صاحبك وانا لا
أيان؛ انتى زعلتى يا صغنن
اسيل بغضب طفولى ؛متقوليش يا صغنن انا عندى 10 سنين وانت 12 يعنى انت أكبر منى بسنتين بس ف متشوفش نفسك علي
ايان بضحك؛ههههههه ماشى يا صغنن
اسيل بعصبيه؛عااا متقوليش يا صغنن
أيان؛خلاص خلاص متزعليش
اسيل بحزن ؛انا عاوزه اروح معاك
أيان بحب؛خلاص اى رايك هديكى وعد لما تكبرى هاخدك معايا ونسافر انا وانتى اى رايك
اسيل بفرحه؛ماشى موافقه بس متنساش انك وعدتنى
أيان بضحك؛وانا قد وعدى يا ههههه يا صغنن وجرى
اسيل بعصبية؛عاااا أيان استنه ولله ما هسيبك Back
اسيل ابتسمت
أيان؛يلاه يا صغنن قومى اجهزى
اسيل بصتله واتعصبت ومسكت المخده وضر،،بته بيها :قولتلك متقوليش يا صغنن
أيان بضحك؛ههههه ماشى يا صغنن هههههه اسيل قامت علشان تضر،،به اتكعبلت وكانت هتوقع بس أيان مسكها وفضلوا حوالى دقيقتين بيبصوا لبعض
اسيل بتوتر؛ممكن تسبنى
أيان بتوهان؛ليه
اسيل بإحراج؛لأزم اروح واجهز اسيل قامت واخدت هدوم وجريت على الحمام
أيان ابتسم وهكمل لم هدومه وقفل شنطته ونزل اسيل طلعت ملقتهوش
اسيل بحزن ؛انا معرفش إللى بعملة ده صح ولا غلط بس انا إللى هيجننى هو فارس مجاش ليه هو بنفسه قلى انه جاى معقوله يكون أيان عمل حاجه خلته ميجيش انا لازم اعرف كل حاجه وف اسرع وقت
اسيل لمت هدومها ونزلت تحت لقت أيان بيتكلم مع الجد عثمان وعمر واول ما نزلت وقفوا كلام
اسيل ؛صباح الخير يا جدى
الجد بحب؛صباح الفل يا حبيبتى
رحمه بحزن ،هتوحشينى اووى يا ايسوا
اسيل بحزن ،وانتى كمان بس متخفيش هرجعلك قريب
اسيل حضنت رحمه وراحت سلمت على جدها وبعدين طلعت هى وايان وركبوا العربيه ****** فى مكان آخر *********
المجهول ؛منورنا يا فارس باشا
فارس بغضب ؛انت مين وازاى تعمل كده انت مش عارف انا مين
المجهول بضحك؛لا ازاى عارفك كويس اووى فارس الدمنهورى
فارس بعصبيه؛انت جايبنى هناا ليه
المجهول؛متخفش كام يوم كده وهنسيبك تروح وسابه وطلع
فارس بزعيق؛ اقسم بالله ما هر،،،حمك مين ما كنت
****** فى المطار ********
ايان ؛يلاه يا اسيل
اسيل ؛أيان انا بخاف اووى من الطياره
أيان بابتسامه؛متخفيش انا هبقه معاكى يلاه
أيان مسك ايد اسيل وركبوا الطياره
اسيل بخوف؛أيان انا خايفه
أيان؛بصى حطى راسك عل كتفى ونامى ومش هتحسى بالخوف الطياره مجرد ما بتطلع فى الجو مش هتحسى بيها اسيل حطت رأسها على كتف ايان وبدأت الطياره تطلع
اسيل خافت ومسكت ايد أيان
ايان بصلها بحب ومسك ايدها جامد؛متخفيش انا معاكى
اسيل هزت رأسها بمعنى موافقه **********************بعد مرور 11 ساعه فى مطار نيويورك
طبعنا هناك صبح وف مصر ليل فى الوقت ده ❤أيان؛اسيل اصحى اسيل اسيل قامت ايان:يلاه ننزل
اسيل ؛احنا وصلنا
أيان بابتسامه؛اااه منتى طول الرحله نايمه
اسيل ؛ااه
أيان؛قومى يلاه
أيان مسك ايد اسيل وكانت فى عربيتين منتظرين أيان وصديقه يزن
يزن بفرحه؛يا صديق حمدلله على السلامة
أيان؛حبيبى الله يسلمك
يزن بزعل؛كده يسطاا تتجوز ومتقوليش
ايان؛مين إللى قلك
يزن؛مين غير عمر
أيان بضحك؛هههه معلش يا صديق الأمور كلها حصلت بسرعه وملحقتش اقولك
يزن؛ماشى ياعم عموما الف مبروك يلاه علشان تروح شقتك وانا هكون بانتظارك فى الشركه
أيان ،تمام
ايان؛يلاه يا اسيل
اسيل؛ماشى
أيان اخد اسيل وركبوا العربيه ومشيوا وبعد وقت وصلوا
ايان؛يلاه انزلى
اسيل نزلت واتصدمت
