رواية قدري الفصل السابع عشر 17 - بقلم حبيبه عيد

فجر يوم جديد حبيبة: عمر، عمر، قوم يلا عشان نصلي الفجر سوا. عمر بيفتح عيونه: صباح الخير يا حبي. حبيبة بابتسامة: صباح النور يا حبيبي، قوم يلا اتوضى عشان نلحق صلاة الفجر. عمر وهو بيقوم من السرير: طيب أنا رايح أتوضى أهو، عقبال ما تفردي السجاد وتجيبي المصاحف. حبيبة: أشطا، ماشي. بعد شوية، كان عمر وحبيبة خلصوا صلاة وقعدوا يقرأوا القرآن بصوت جميل أوي وخشوع في القراءة. عمر وحبيبة خلصوا وطبقوا السجاد.

عمر شد حبيبة لحضنه: يلا يا حبي ننام شوية عقبال ما النهار يطلع. حبيبة بنعاس: ماشي يلا. عمر أخد حبيبة في حضنه وناموا. في صباح يوم جديد، على سفرة الطعام. فريدة: صباح الخير يا جماعة. حنان وبسمة وياسمين كانوا متجمعين حول السفرة. الجميع: صباح النور. فريدة: هو عمر وحبيبة لسه مانزلوش؟ بسمة: لاء لسه. ياسمين بسرعة: طيب أنا هطلع أنده لهم. ياسمين طلعت قبل ما تسمع رد من فريدة. عند عمر وحبيبة. عمر بيتأمل حبيبة وهي نايمة.

عمر بحنان وصوت هادي: حبي. حبيبة بنعاس: أممم. عمر وهو بيلمس خدها: قومي يلا عشان نفطر وتروحي الكلية. حبيبة فتحت عيونها: حاضر يا عمري. عمر وهو بيقرب منها وبيبوسها من خدها، الباب اتفتح مرة واحدة ودخلت أم صُرم. ياسمين بتبص لحبيبة بقرف: يلا عشان الفطار جاهز. حبيبة حطت إيديها على رقبة عمر وقربته منها أكتر. حبيبة ببرود: طيب اتفضلي وشوية ونازلين، وبعد كده في باب تخبطي عليه قبل ما تدخلي.

ياسمين مشيت وهي شايطة ورزعت الباب وراها. حبيبة ضحكت في سرها إنها غاظتها. عمر: حبي بقت شرسة أوي. حبيبة بغرور: أومال يا بابا. أوعى كده، أنت جي علي كده ليه، هموت مقطوعة النفس. عمر: طب قومي يا أختي، جتك القرف. حبيبة طلعتله لسانها عشان تغيظه. عمر كان هيمسكها، حبيبة جريت بسرعة منه ودخلت الحمام وقعدت تضحك جوه. عمر: خلصي يا أختي أنا نازل. حبيبة: أشطا يا برنس. عمر: برنس! في واحدة تقول لجوزها حبيبها يا برنس؟

حبيبة: مش أنا قولت يبقى في. عمر: حصل. أنا شفت معاكي كل جديد. حبيبة بفخر: عشان تعرف، نحن نختلف عن الآخرون. عمر كان هينشد في شعره منها: حبيبة أنا نازل من غير سلام، وقفل الباب ومشي. حبيبة طلعت دماغها من باب الحمام عشان تشوفه موجود ولا نزل. حبيبة طلعت وقعدت تضحك: يلا أما نشوف ألبس إيه. حبيبة بعد شوية لبست دريس زيتي عليه حزام مطرز بتطريز أبيض وهادي، ولبست خمار أبيض، كانت قمر. ونزلت بعد ما أخدت كتبها عشان تمشي على الكلية.

حبيبة بابتسامة: صباح الخير. الجميع ما عدا ياسمين وأمها: صباح النور. حبيبة راحت قعدت جنب عمر. وعمر قعد يأكلها، وحبيبة عملت كده بردو عشان تغيظ ياسمين. حبيبة: يلا كلي دي كمان عشان خاطري. عمر: خلاص يا روحي أنا شبعت. حبيبة: آخر واحدة. ياسمين: خلاص ما قال إنه شبع. حبيبة كانت هترد بس لقت عمر أخدها من إيديها وأكل اللقمة منها. حبيبة ابتسمت بحب له وبصت لياسمين بتشفي. بعد ما خلصوا فطار. حبيبة: بسمة يلا نمشي.

بسمة: بصراحة أنا هروح مع عمر النهاردة الشركة. حبيبة: أشطا يا قمر، همشي أنا عشان ما أتأخرش. عمر قام ووصل حبيبة عند العربية. عمر وهو بيحضن حبيبة: ما تكلميش حد وما تعمليش مشاكل، ماشي يا قطتي. حبيبة: عيب عليك يا عمر، أنا عمري عملت مشاكل؟ عمر: أبداً إزاي؟ حبيبة: شفت بقي أنت ظلمني إزاي. عمر وهو بيقرصها من خدها براحة: طيب يلا يا لمضة، وأنا هبقى أجي أخدك. حبيبة: أشطا. وباسته من خده وجريت. عمر ضحك: يا بنت الهبلة.

عمر أخد بسمة وراحوا الشركة. عمر بابتسامة: يلا روحي على مكتبك، ولو احتجتي حاجة تعالي. بسمة: أشطا ماشي. عمر دخل مكتبه، ودخلت بعده السكرتيرة (أسماء) أسماء بدلع: تحب يا فندم أجيب لحضرتك حاجة؟ عمر بجدية: ملف الصفقة الجديدة وفنجان قهوة بسرعة. أسماء بدلع: حاضر يا فندم. عمر: طيب اتفضلي اطلعي. عند بسمة. كانت باصة للورق اللي على مكتبها وبتشتغل فيه، فجأة جه حد من وراها وخضها. بسمة بخضة: عااااااا!

سليم حط إيده على بقها: اسكتي ده أنا. بسمة بغيظ: ابعد كده بقي تخضني كده! سليم: حقك على قلبي. بسمة بابتسامة: خلاص مسامحاك. سليم: لا مش متأكد. بسمة: ليه؟ سليم وهو بيقرب منها: هقولك. بسمة وهي بتزقه: لا ابعد بدل ما أنادي عمر. سليم بزمجرة: خلاص يا أختي بعدت أهو. بسمة بضحك: شاطر يا اخواتي. سليم: أنا ماشي. بسمة: بسلامة يا قلبي. سليم بصلها بغيظ ومشي. آنسة حبيبة. حبيبة بصت وراها لقت شاب. الشاب: أحم، هو أنتي مرتبطة؟

حبيبة: نعم؟! وأنت مالك؟ الشاب: لاء بسأل بس. حبيبة: ملكش دعوة. الشاب بوقاحة: بس مكتب دكتور عمر جميل أوي. حبيبة: لفت له وضربته بالقلم. الشاب بتوعد: أنتي قد اللي عملتيه ده؟ حبيبة: اه قده، واللي عندك اعمله. الشاب كان هيضرب حبيبة بس فجأة حد مسك إيده جامد لدرجة إنها كانت هتتكسر.