تحميل رواية «قدرها الأسود» PDF

انتي مين يا روح امك؟ وايه اللي دخلك اوضتي؟

شهقت بصدمة وهي تراه يوجه السلاح نحو رأسها لتقول برعب:

أنا أنا أنااا هدي.

صرخ بها وهو يقول:

هدي مين وايه اللي دخلك هنا؟

هدي بدموع:

والله هو اللي بعتني.

ضيق عينيه قليلا قبل أن يقول:

آه انتي بقي اللي بعتها.

كادت تتحدث لكنه سحبها نحو صدره لتقول بصدمة:

انت بتعمل ايه؟

اقترب من وجهها بخبث وهو يقول:

هكون بعمل ايه ولا مش عاوزة...

نظرت له بصدمة قائلة:

عاوزة ايه؟

قال ساخرا:

واحدة على سرير واحد الساعة ٢ بليل هتكون عايزة ايه؟

قالها ودفعها على الفراش بعنف وفجأة دلفت امرأة من الغرفة لتركض هدي خلفها قائلة:

الحقيني يا طنط صفية.

صفية:

انت بتعمل ايه يا طارق؟

طارق:

مين دي وبتعمل ايه في اوضتي؟

تنهدت صفية وهي تلتف نحو هدي وتقول:

آسفة يا حبيبتي روحي اوضتي وأنا جاية.

أومأت لها بخوف وهرولت من أمامها لتلتف له والدته وتقول:

ايه الطريقة دي؟

طارق:

واحدة على سريري في نص الليالي عايزاني أعملها إزاي؟

رفعت حاجبها له ليقول بغضب:

وبعدين انتي إزاي تدخليها هنا كده من غير إذني؟

صفية بتهكم:

إذنك؟

طارق:

آه إذنك.

اقتربت منه صفية وقالت:

أنا ست البيت ده أدخل اللي أنا عايزه وعقابا ليك مش هقولك مين دي.

قالتها ورحلت ليقول هو متعجبا:

عقاب؟

أغلقت صفية باب الغرفة والتفتت قبل أن تشهق بصدمة وهي تقول:

بسم الله الرحمن الرحيم انتي واقفة كده ليه يا هدي؟

هدي بخوف:

خوفت أدخل أوضة غلط تاني.

تنهدت صفية وسحبتها نحو حضنها وهي تتحرك بها نحو الغرفة قائلة:

اهدّي يا حبيبتي هو طارق كده دايما عصبي ومندفع زي أغاريد أخته.

دلفتا الغرفة وقالت صفية:

نامي دلوقتي وبكرة هتبقي كويسة.

أومأت لها هدي وتكوّرت على الفراش لتزفر صفية بيأس وهي تقول بنفسها:

شكلك كده هتاخدي أطول مما توقعت.

على طاولة الطعام جلست صفية وهي تقول:

صباح الخير يا هدي.... نمتي كويس؟

هدي بابتسامة:

صباح النور.

سمعت صفية صوت كعب حذاء على الدرج لتبتسم وهي تقول:

أغاريد صحيت.

دلف أغاريد وهي تقول:

صباح الخير يا ماما.

صفية:

صباح النور يا أغاريد.... مش هتقولي صباح الخير لهدي؟

أغاريد:

مش بكلم أغراب، وبعدين الله أعلم هي جاية منين ولا كانت شغالة إيه، حرامية ولا خدامة....

"أغاررريد".

قالها والدها الذي دلف الغرفة للتو وجلس وهو يقول:

كده عيب.... هدي ضيفة عندنا، وبعدين يلا عشان توصليها.

قالها وأمسك الجريدة ليشاهد الأخبار كعادته، بينما استأذنت صفية بسبب مكالمة هاتفية.

فنهضت أغاريد ووقفت خلف هدي وهي تقول:

أقسم بالله ما هتباتي فيها دقيقة كمان.

ووضعت لها بحقيبتها أحد فرد قرطها وهي تقول:

وده وعد.

وقالت لوالدها (يسري):

عايز حاجة يا بابا؟

يسري:

لأ، وأياكي تكلمي البت سها دي تاني.

تنهدت بضيق وهي تقول:

حاضر.

وتوجهت نحو والدتها التي كانت بالصالون وهي تقول لها:

عايزة حاجة يا ماما؟

صفية وهي تغلق الهاتف:

لأ يا حبيبتي.

توجهت أغاريد نحو الدرج فقالت لها صفية:

رايحة فين؟

أغاريد بخبث:

هدور على الحلق بتاعي.

أومأت لها صفية.

توجهت مرة أخرى نحو طاولة الطعام ولم يمر دقيقة حتى صرخت أغاريد:

يا مامااااا.

ركضت صفية ويسري وحملت هدي حقيبتها وذهبت حيث يقف الجميع بالصالون، حتى طارق الذي استيقظ على صراخها.

صفية:

في إيه يا أغاريد؟

أغاريد:

الحلق بتاعي مش لاقياه.

يسري بغضب:

وهو ده بقي اللي بتصرخي علشانه؟ أما قليلة الأدب بصحيح.

أغاريد بضيق:

لأ.... عشان هدي هانم هي اللي سرقته.

هدي بصدمة:

انتي بتقولي إيه؟

صفية:

بنت! إزاي تتهميها بحاجة زي دي بدون دليل؟

أغاريد:

شفتها في أوضتي امبارح.

طارق وهو يجلس ببرود:

وأنا كمان كانت في أوضتي.

يسري بصدمة:

في أوضتك؟

ابتلعت هدي ريقها بينما قالت صفية:

دي غلطت في الأوضة مش أكتر.

أغاريد:

في الأوضتين.

صفية بضيق:

تلاقييكي كنتي بتحلمي.

أغاريد:

طيب لو مش مصدقني فتشوها.

نظرت لها صفية بصدمة بينما قال طارق:

آه صح ليه لأ.

صفية:

اخرس.

يسري:

معلش يا هدي.... إحنا مضطرين.

هدي بدموع:

بس أنا معملتش حاجة.

صفية:

اهدّي يا قلبي.... مش هتتفتشي.

يسري:

وأنا قولت كلمة واحدة.... هتتفتشي هتتفتش.

ابتلعت هدي ريقها واقتربت منها أغاريد وأخذت حقيبتها وأفرغت محتوياتها أرضا.

ثم هبطت وأمسكت القرط وهي تقول:

أهو شايفين الحرامية اللي مدخلينها وسطنا.

يسري:

وأنا قولت كلمة واحدة.... هتتفتش هتتفتش.

ابتلعت هدي ريقها واقتربت منها أغاريد وأخذت حقيبتها وأفرغت محتوياتها أرضا.

ثم هبطت وأمسكت القرط وهي تقول:

أهو شايفين الحرامية اللي مدخلينها وسطنا.

هدي بصدمة:

والله ما أخدته.

طارق ساخرا:

أمال عفريت اللي حطه في شنطتك؟

هدي:

والله العظيم ما أعرف حاجة و....

قاطعتها أغاريد عندما صفعته على وجهها لتصرخ بها صفية بغضب:

انتي اتجننتي! إزاي تعملي كده؟

بينما وضعت هدي يدها على خدها وهي تبكي بصمت وقال يسري:

العيب مش عليكي العيب إن أنا سمحت ليكي تدخلي واحدة من الشارع بيتنا.

صفية بضجر:

يسري.

يسري بغضب:

هي كلمة واحدة البنت دي مش هتقعد هنا لحظة واحدة.

ابتسمت أغاريد وهي تغمز لهدي بخبث بينما أخذت هدي حقيبتها وقالت:

أنا همشي عشان مش هسمحلك تكملي تهزيق فيا، أنا أشرف واحدة في الكون.

وكادت تتحرك قبل أن توقفها صفية قائلة:

استني يا هدي.

التفتت هدي واقتربت منها صفية وهي توجه كلامها نحو يسري:

هدي لو خرجت من البيت هخرج معاها ومش هرجع تاني.

يسري بصدمة:

انتي بتقولي إيه يا صافي؟

صفية:

زي ما سمعت يا يسري.... لو خرجت أنا هخرج معاها.

أغاريد بضيق:

ماما.

طارق بتعجب:

ياااه.... غالية أوي هدي دي.

يسري بغضب:

على كيفك.... بس متشتكيش بعد كده.

قالها ورحل بينما قالت أغاريد بصدمة:

بابا انت هتسيبها؟

لم يجيبها وسحبت صفية هدي معها نحو غرفتها بينما قال طارق:

أبوك أول مرة يرجع في كلامه.

قالت والشرر يتطاير من عينيها:

والله لأوريها.

نظر لها طارق ببرود:

أنا هروح الشركة.

صعد للأعلى وارتدى ملابسه وتوجه نحو شركة الرشيدي الخاصة بوالده.

دلف الشركة وتوجه نحو مكتبه قبل أن تطرق الباب سكرتيرته لتخبره بقدوم ابن خالته أمير.

دلف أمير وهو يقول:

صباح الخير يا طارق.

طارق بضيق:

خير، في حاجة؟

جلس أمير وهو يبتسم بخبث قائلا:

اهدّي كده مالك؟ ده أنا حتى جايلك في خير.

طارق بنبرة ساخرة:

خير وانت بيجي من وراك خير؟

أمير:

طب اسمع وابقي احكم.

طارق:

سامع.

أمير:

الشحنة اللي هتدخل مصر عن طريقكم عايزك تتنازل عنها.

نهض طارق وهو يقول بغضب:

نعم!

أمير:

اهدّي كده.... ٢٥ مليون دولار هيبقوا في رصيد حسابك.

صمت قليلا قبل أن يقول:

الشحنة تساوي أكتر من ١٠٠ مليون دولار.

أمير:

ده عرضي وانت عارف جدي ممكن يعمل إيه. فكر كده كويس وحاول تقنع والدك عشان انت عارف اللي بيقف قصاد عيلة الحاكم بيحصله إيه.

قالها ورحل.

بينما أمسك طارق الهاتف واتصل بيسري وهو يقول:

الحق يا بابا أمير جه هنا وعايز الشحنة.

يسري بضيق:

زي ما توقعت.

طارق:

طب وهتعمل إيه؟

يسري:

هو قالك إيه؟

طارق بتوتر:

قالي هيحول لينا ٥ مليون دولار.

يسري:

طب أنا جاي.

أغلق يسري الهاتف وارتدي معطفه وكاد يخرج قبل أن توقفه صفية قائلة:

انت لسه زعلان؟

يسري:

ليه؟ هو انتي عملتي حاجة تزعل؟

أغلقت صفية باب وتوجهت نحوه وهي تقول:

انت عارف إن أنا مش هقدر أسيبها لوحدها.

يسري بضيق:

ليييه؟

صفية:

عشان متعش اللي أنا عيشته، مفيش واحدة تستحق تتعاقب على جريمة معملتهاش.... ملهاش ذنب إن واحد حقير اعتدى عليها.

اقترب منها يسري وأمسك كتفيها وهو يقول:

اهدّي يا صافي.

انهارت صفية باكية واحتضنها بحنان بالغ وهو يقول:

أنا مش زعلان منك يا صفية.... أنا بس عايزك تفوقي، تلاقيها بتضحك عليكي.

ابتعدت عنه صفية وهي تقول:

أنا متأكدة إنها مظلومة في حكاية الحلق دي.

تنهد يسري وقال:

أنا عارف إنك عندية ومش هتقتنعي.

ابتعدت عنه وهي تقول:

أنا خايفة عليها.

زفر يسري وقال:

نتكلم بعدين يا صافي ورايا شغل.

أومأت له وخرجت من المكتب وصعدت الدرج قبل أن تصطدم بأغاريد التي كانت تتحدث بالهاتف.

صفية:

بتكلمي مين؟

أغاريد بتوتر:

بكلم واحدة زميلتي.

صفية:

مين يعني؟

أغاريد:

واحدة متعرفيهاش.

قالتها وركضت من أمامها واختبأت خلف الدرج حتى تأكدت من رحيلها وقالت:

سامعني يا أحمد؟

أحمد:

آيوة يا أغاريد.

أغاريد:

لقيت حاجة؟

أحمد:

لأ.

أغاريد:

يعني إيه بقي إن شاء الله؟ انت قولت في ١٢ ساعة بقالك يوم.

أحمد:

أنا بدور اهو وبرجع كل الملفات، وبعدين مستعجلة أوي كده ليه؟

أغاريد:

عشان عايزة أدمرها.... بسرعة.

أحمد:

استني.

أغاريد:

لقيت حاجة؟

أحمد:

في حد كان بيهددها بصور.

أغاريد:

طب ابعتها.

أحمد:

بس مش عارف الرقم والمحادثة مش باينة.

أغاريد:

ابعت صورها اللي بيهددها بيها.

أحمد:

تمام تظهر بس عشان بتحمل.

أغاريد:

تمام هبعتلك رقمك تبعت عليه.

أغلقت معه ودقت على رقم آخر وقالت:

هتتبعتلك صور عاوزاك تطبعها وتنشرها في كل حتة في الجامعة.

أغلقت الهاتف وهي تقول:

والله لأفضحك ومش بس هتسيبي البيت لأ أنا هخليكي تسيبي البلد كلها.

في صباح اليوم التالي وقفت صفية تودع هدي وهي تقول لها:

من ساعة ملقيتك قدام الجامعة بتاعت أغاريد ضعيفة ومكسورة وأنا قررت أساعدك عشان أنا كنت ضعيفة زيك.... انسيه خلاص حتى لو معرفتيش تقابليه وتاخدي حقك، هو مش هيهددك تاني، يبقى مضيعيش حقك في إنك تعيشي، انسي كل حاجة وابدأي من جديد.

ابتسمت هدي وهي تقول:

شكرا يا طنط صافي.

صفية:

إحنا قولنا إيه؟

هدي:

ماما صفية.

ابتسمت وقبلتها وقالت:

يلا يا حبيبتي.

استقلت هدي السيارة ودلفت صفية الفيلا وقالت:

عايز حاجة يا يسري؟

يسري:

لأ يا حبيبتي.

تنهد يسري وهو يلتفت نحو طارق و يقول:

هو جوز خالتك كده طول عمره بيحب يلعب من ورا أبوه، بس برضو حسن الحاكم صعب.

طارق:

طب ما إحنا نبلغ جدي عمران، أكيد أبوه وإخواته مش هيرضوا بكده.

يسري:

مش هيرضوا آه، بس هياخدوا الشحنة ليهم وإحنا مش هنستفاد، حسن عشان مش عايز حد يحس بعتلك ابنه يراضينا.

طارق:

طب والعمل؟

يسري:

كده الشحنة بتاعتهم.

دلف هدي الجامعة بإبتسامة مشرقة وقد قررت بدأ حياة جديدة كما أخبرتها صفية العزيزة، قبل أن تختفي ابتسامتها وهي ترى نظرات الجميع نحوها مما جعلها تشعر بالرعب وكادت تتحرك قبل أن تشعر بيد أحد على كتفها لتنفضها وتقول:

انت بتعمل إيه؟

الشاب:

إيه هتتكبري ولا إيه.... ده إحنا حتى فانز يا نجمتنا.

ضحك الجميع مما جعلها تنكمش قبل أن تقترب منها أغاريد وهي ترفع يدها في الهواء بإحدى الصور قائلة بسخرية:

أهلا بأشرف واحدة في الكون.

اختفت ابتسامتها وهي ترى نظرات الجميع نحوها مما جعلها تشعر بالرعب وكادت تتحرك قبل أن تشعر بيد أحد على كتفها لتنفضها وتقول:

انت بتعمل إيه؟

الشاب:

إيه هتتكبري ولا إيه.... ده إحنا حتى فانز يا نجمتنا.

ضحك الجميع مما جعلها تنكمش قبل أن تقترب منها أغاريد وهي ترفع يدها في الهواء بإحدى الصور قائلة بسخرية:

أهلا بأشرف واحدة في الكون.

نظرت هدي بصدمة للصورة وقالت:

إزاي؟

أغاريد:

إيه فاكرانا مش هنكتشف حقيقتك ولا إيه.

قالت إحدى زميلات أغاريد قائلة:

لأ ودخلة منشكحة أوي، ده أنا لما شوفتك افتكرتك خدامة في الجامعة بلبسك.

دمعت عينا هدي بينما قالت أغاريد:

إيه هتعيطي؟ لأ اجمدي كده.... متخافيش، إحنا كنا متوقعين حاجة زي دي من واحدة زيك تربية ملاجئ، لا ليها أم ولا أب، طبيعي تكون مش متربية.

اللمعت عينا هدي بغضب ورفعت وجهها وقالت:

انتي أهو عندك أم وأب ومع ذلك مش متربية.

أغاريد بغضب دفين:

أنا مش متربية؟

دفعتها قائلة:

أنا هوريك المش متربية هتعمل فيكي إيه.

واندفعت نحوها تلكمها ومزقت بلوزتها لتحاول هدي لملمت نفسها ليقول الشاب ساخرا:

إحنا كده كده شوفنا كل حاجة اتش دي.

لملمت أشياءها وفجأة حملت زميلة أغاريد كوب العصير وسكبته على ملابسها.

فشهقت هدي وانفجرت باكية وركضت خارج الجامعة بأقصى سرعة وهي لا تعلم حتى أين تتوجه.

طرقت هدي باب غرفة صفية وهي تبكي لتفتح صفية الباب وهي تقول بصدمة من هيأتها:

إيه ده؟ مين عمل فيكي كده؟

ارتمت هدي بأحضانها تبكي وهي تقول:

أنا تعبانة أوي يا ماما صفية.

سحبتها صفية لداخل الغرفة وجعلتها تجلس وهي تحاول تهدئتها:

اهدّي يا حبيبتي مالك؟

هدي ببكاء:

نشرها.... أنا خلاص اتفضحت.

صفية:

اهدّي بس واحكيلي.

هدي:

هو هو نشرها.... انتي قولتي إنه خلاص مش هيظهر تاني.

صفية بتعجب:

نشر إيه؟

هدي بقهر:

نشر صوري.... نشرها واتفضحت.

صفية بصدمة:

انتي بتقولي إيه؟

هدي:

زي ما بقول لك كده.

صفية وهي تربت على كتفيها:

طب اهدّي بس.

احتضنتها بقوة وسالت دموعها وهي تعلم أن احتضانها لم يكن فقط من أجل هدي اليتيمة بل أيضا من أجل صفية الضعيفة.

بينما كانت أغاريد تقف على الباب وهي تقول بشر:

برضو هطلعك من البيت، مش هسيبك تاخدي أمي مني.

هبطت الدرج وأمسكت أحد الأظرف ووضعت به بعض الصور ودلفت خارج القصر وهي تتسحب وتضعه بصندوق البريد.

زفرت براحة عندما ابتعدت عنه ولكنها شهقت عندما اصطدمت بأحد لترفع وجهها وتقول بصدمة:

أمير.

أمير بخبث:

إيه يا جميل وحشني.

أغاريد:

وحشتك عقربة يا بعيد.

أمير:

إيه المعاملة الوحشة دي.... ليه كده؟

أغاريد:

عشان انت بني آدم مغرور.

أمير:

تؤتؤ.... عشان انتي عندك عقدة نقص.

أغاريد:

عقدة نقص.

قال وهو يهز رأسه:

أيوة.... بالرغم كل اللي انتي فيه إلا إنك عمرك ما هتوصلي ليا.

أغاريد:

قصدك إن أنا بغير منك.

أمير:

لأ انتي بتغيري من نور بنت عمي، أما بقي طارق هو اللي بيغير مني.

أغاريد بغضب:

مش بقولك مغرور.

لوى شفتيه بتهكم بينما قال لها:

قولي لطارق إن ده آخر معاد، بكرة هبدأ.

أغاريد:

هتبدأ إيه؟

أمير باستفزاز:

متدخليش في كلام الرجالة.

أغاريد ساخرة:

هما فين دول؟

قالتها ورحلت من أمامه وتوجهت نحو الخادمة وقالت:

هاتي البريد لبابا.

أومأت لها الخادمة بينما توجهت نحو مكتب والدها وقالت له:

بابا أمير كان هنا وقالي أقول لطارق إن النهاردة آخر معاد.

أومأ لها يسري قبل أن تدلف الخادمة وهي تعطيه البريد ليأخذه منها ويبدأ بفتحه، بينما اختبأت أغاريد وهي تشاهد الصدمة تحتل وجهه.

نهض بغضب وتوجه نحو غرفة صفية وبدأ بطرقها بعنف فدلفت صفية خارج الغرفة وهي تقول:

إيه بالراحة، لما صدقت إنها نامت.

يسري:

نامت عليها حيطة البعيدة.... خليها تقوم تلم حاجتها.

صفية:

في إيه؟

وضع يسري الصور أمام عينيها:

في قرف، في فضيحة.

زفرت بضيق وسحبته نحو المكتب وهي تقول:

أنا هفهمك كل حاجة.

قصت له كل ما في الأمر فقال هو بغضب:

واحنا مالنا إحنا؟ ما تغور في داهية.

صفية:

قولت لك مش هسيبها إلا لما أتأكد إنها تقدر تعتمد على نفسها، لو مت يا يسري هدي هي وصيتي.

يسري بسرعة:

بعيد الشر عنك.

احتضنها وهو يربت على ظهرها:

مشكلتك إنك مش شايفة هدي، انتي شايفة صفية يا حبيبتي وكده عمرك ما هتعرفي تساعديها.

صفية بضيق:

مش عارفة أعمل حاجة ليها، حاسة إنها بتتدمر أكتر.

يسري وهو يطبع قبلة على رأسها:

خليها على الله.

في منتصف الليل دلفت أغاريد غرفتها وهي تشعر بالغيظ قبل أن يدق الهاتف لترد بضيق:

إيه يا أحمد؟

أحمد:

أنا عرفت الموقع بتاع الرقم بس مش عارف اسم صاحبه، أصله رقم خاص صعب أوصله، بس الموقع ده مكان بيته تقريبا.... السجل بتاع الموقع بيقول كده.

أغاريد وهي تزفر بضيق:

وأنا هعمل بيه إيه؟

أحمد:

أنا هحاول أبعتهولك وخلاص.

أغاريد:

تمام.

أغلقت الهاتف وألقته أرضا وهي تقول:

أنا مش عارفة إزاي بتفلت مني كل مرة.

قالتها ولم تشعر بصفية التي كانت تستمع والصدمة على وجهها ولكنها دلفت وقالت:

أغاريد انتي هنا.

أغاريد:

أيوة يا ماما.

جلست صفية وهي تضع يدها على رأسها:

حاسة إني دايخة.

فزعت أغاريد:

دايخة؟ طب أتصلك بالدكتور؟

صفية:

لأ لأ.... اعملي لي لمون بس.

ركضت أغاريد وهي تقول:

حاضر حاضر.

اطمأنت صفية لرحيلها ثم أمسكت هاتفها وفتحته لتجد أحمد قد أرسل لها الموقع.

فتحته وهي تقول بصدمة:

اللي عمل كده في هدي يبقى في قصر الحاكم.

دلف طارق القصر وهو يتمايل ويحاول التماسك قبل أن يدلف مكتب والده:

يا بابا بابا.

لم يجده وكاد يرحل ولكن لفت انتباه بعض الصور الملقاة أرضا فرفعها نحوه وهو يقول بسخرية:

طب ما إحنا حلوين أهو.... ولا أنا ابن البطة السودة.

القي الصور وصعد الدرج نحو غرفته قبل أن يجد هدي تخرج من غرفة صفية بفزع بعد أن رأت أحد كوابيسها ولم تجد صفية بجانبها.

نظر لها بتعجب ثم اقترب منها قائلا:

مالك شبه الكتكوت المبلول كده ليه؟

ابتعدت بخوف فاقترب منها أكثر وهو يقول:

مالك.... أوعي تكوني خايفة؟ تؤتؤ ده أنا حتى كيوت.

قالها وهي يحاصرها ويحاول تقبيلها وهي تجاهد لإبعاد جسده الثقيل بسبب أنه ثمل....

ظلت تبكي وتحاول إبعاده وهي ترى أحد كوابيسها يتحقق.

لتصرخ .....

ابتعدت بخوف فاقترب منها أكثر وهو يقول:

مالك... أوعي تكوني خايفة.

أنا حتى كيوت. قالها وهي يحاصرها ويحاول تقبيلها.

وهي تجاهد لإبعاد جسده الثقيل بسبب ثمالته. ظلت تبكي وتحاول إبعاده وهي ترى أحد كوابيسها يتحقق. لتصرخ بارتجاف:

الحقيني يا مامااااا.

ارتعبت صفية التي كانت تصعد الدرج وهرولت نحو مصدر الصوت لتجد طارق يحاول الاعتداء عليها. لتبعده عنها صافعتا إياه بقوة.

شهقت هدي ببكاء.

وقال طارق بصدمة:

بتضربيني علشان دي؟ علشان واحدة عا*هرة؟

انهارت هدي أرضًا بينما قالت صفية بقهر وألم:

حسبي الله ونعم الوكيل فيك... حسبي الله ونعم الوكيل. ليييه كده.

وانهارت أرضًا تبكي بحسرة وهو يشاهد بدهشة. بينما اندفعت أغاريد نحوه قائلة:

إيه في إيه يا طارق؟

دفعها طارق وتوجه لغرفته وأغلق خلفه الباب. بينما صعد يسري الدرج ليُشاهد صفية تبكي وتحتضن هدي ببكاء وأغاريد تبكي أيضًا وهي تقول بخوف:

بتعيطي ليه يا ماما؟

توجه نحو أغاريد قائلاً:

إيه اللي حصل؟

أغاريد:

مش عارفة يا بابا.

انخفض نحو صفية وسحبها قائلاً:

مالك يا صفية؟

ارتمت في أحضانه تبكي قبل أن تفقد الوعي. ليفزع يسري صارخًا:

اتصلي بالدكتور يا أغاريد.

وركضت نحو الهاتف وحملها يسري نحو الفراش. ووقفت هدي تتابعهم ببكاء. حضر الطبيب وأخبرهم أنها حالة انهيار عصبي. وقامت أغاريد بتوصيله للخارج. وعندما عادت وجدت هدي تقف على الباب تشاهد صفية بألم. فقالت بغضب:

إنتي لسه هنا؟ بتعملي إيه؟

هدي:

قصدك إيه؟

أغاريد:

يعني بعد كل اللي عملتيه بتسألي؟

هدي:

بس أنا معملتش حاجة.

أغاريد:

إنتي مش محتاجة تعملي. إنتي أصلاً بني آدمة شؤم.

قالتها ودلفت الغرفة وأغلقت الباب. بينما انكمشت هدي بخوف وتوجهت نحو غرفتها تلملم أشياءها وقد قررت الرحيل.

في صباح اليوم التالي استيقظت صفية فوجدت أغاريد تنام بجانبها ويسري جالسًا ممسكًا بيدها. لتبتسم وهي تقول:

يسري يا يسري اصحي. رقبتك هتوجعك.

استيقظ يسري وقال بهلع:

إنتي كويسة؟

صفية بابتسامة:

أنا كويسة.

ثم اختفت ابتسامتها وهي تقول:

امال فين هدي؟

كاد ينطق لكن قاطعته أغاريد قائلة:

في أوضتها.

صفية:

سبتوها لوحدها؟

يسري بتعجب:

وفيها إيه يعني؟

نظرت نحو أغاريد. فقال يسري:

سيبناها لوحدها يا حبيبتي.

أومأت له ورحلت. بينما قصت عليه صفية ما حدث. فقال باقتضاب:

شكل طارق عايز يتربى من أول تاني.

صفية:

أنا مش قادرة أصدق إن ابني يعمل كده.

احتضنها يسري:

أوعدك إني هعاقبه وهعمل كل حاجة أقدر عليها.

أبعدته وهي تقول:

صحيح في حاجة عاوزة أقولها لك.

يسري:

إيه هي؟

كادت تخبره بما رأت البارحة لكن الخادمة طرقت الباب وقالت:

صفية هانم. في حاجة مهمة لازم تعرفيها.

صفية:

ادخلي.

دلت الخادمة وقالت:

هدي هانم مش موجودة في أوضتها.

صفية:

تلاقيها في الجنينة.

الخادمة:

لقيت الورقة دي على السرير بتاعها.

أخذتها صفية وبدأت بقراءتها:

"ماما صفية، أنا عارفة إنك أكيد زعلانة مني، بس والله مش ذنبي. وأكيد كمان شايفة إنه بسببي اتخانقتي مع ولادك وجوزك، فأنا علشان بحبك قررت أسيبك معاهم علشان تبقي سعيدة... ماما صفية أنا بحبك أوي. كنت أتمنى إنك تبقي أمي، بس زي ما بتقولي ليا دايما ربنا يفعل ما يشاء... أنا بحبك أوي يا ماما صفية. هتوحشيني."

انهارت صفية باكية. وأخذ يسري الورقة وقرأها ليقول بضيق:

الغبية.

قالها ودلف خارج الغرفة متوجهًا نحو غرفة طارق مقتحمًا إياها ليجده يجلس يشرب سيجاره. ليلكمه في وجهه أرضًا. فيمسكه من ياقة قميصه ويصرخ في وجهه قائلاً:

أنا مش حاسبك دلوقتي على اللي عملتيه، بس قسماً عظماً لو ما خرجتش دلوقتي تدور على البنت وتجيبها، يبقى هتشوف الوش التاني ليسري الرشيدي، سامع؟

زفر طارق وقال ببرود:

أشرب بس قهوتي.

لكمه يسري مرة أخرى صارخًا:

مين غير قهوة يا حيلتها.

وتركه يستشيط غضبًا صارخًا:

لو لقيتها هقتلها.

وقفت هدي أمام المنزل بتردد قبل أن تطرق الباب. ليفتح الباب وتخرج منه فتاة تصرخ بفرحة:

هدي!

ارتمت في أحضانها فقالت هدي:

اهدي يا سما.

ابتعدت سما وقالت:

كل ده ومش بتسألي؟

هدي بتوتر:

إنتي عارفة الجامعة بقى.

سما:

الجامعة برضو؟

زفرت هدي وقالت بدموع:

مش عايز حد يقول عليكي حاجة.

سما:

أنا ما يهمنيش كلام الناس وإنتي عارفة كده كويس.

احتضنتها هدي وهي تقول:

أنا تعبانة أوي وإنتي وحشاني كمان.

سحبتها سما للداخل وهي تقول:

تعالي بقي احكيلي كل حاجة.

جلست هدي وهي تظفر براحة قبل أن تقص عليها ما حدث.

سما:

وإنتي زي الهبلة واقفة وسايباه يعمل اللي يعمله؟

هدي بدموع:

كنت خايفة وكأن الموقف بيتكرر، كنت زي المتكتفة.

سما:

وبعد كل اللي عمله معاكي سبتيها ومشيتي؟

هدي:

علشان تعيش سعيدة.

سما:

إنتي هبلة يا بت! سعيدة دي تبقى خالتك.

هدي:

يووه! هو أنا كل ما أعمل حاجة تزعقيلي؟

سما:

أيوه... علشان إنتي مش بتفكري بعقلك.

هدي:

ياسلام... امال بفكر بإيه؟

سما:

مش عارفة. إنتي رميتيه ورا وبقيتي تقعدي عليه. شوفي بقى بتفكري بإيه.

زفرت هدي بغيظ. فقالت سما:

خلاص خلاص، روحي نامي دلوقتي ولما تصحي نشوف هنعمل إيه.

طرقت الخادمة الباب وهي تقول:

صفية هانم، الآنسة نور بره.

نظرت صفية لأغاريد لتقول:

هي اتصلت تسأل فقولت لها.

زفرت صفية بضيق وقالت:

دخّليها.

دلت نور وقالت بابتسامة:

حمد الله على السلامة يا طنط صافي.

ابتسمت صفية قائلة:

الله يسلمك يا حبيبتي، تعالي.

جلست نور على السرير وهي تقول:

يعني ينفع أعرف بالصدفة من أغاريد؟

صفية وهي تربت على يدها:

يا حبيبتي، كفاية اللي مامتك فيه. هيا عاملة إيه؟

نور:

لسه زي ما هي يا طنط... محدش عارف إيه اللي حصلها فجأة.

تنهدت صفية:

ربنا يعينكم يا حبيبتي. أنا صعبان عليا يزيد. متعلق أوي بيها. طارق بيقولي إنه دايما زعلان ومكتئب.

نور بحزن:

كلنا نفسنا تصحى من غيبوبتها. وعلى كل يوم بيزورها في المستشفى، بس هي مش راضية تستجيب.

صفية بمواساة:

إن شاء الله خير... أكيد ربنا كاتب لكم الخير.

مسحت نور دمعة فرت وقالت وهي تحاول أن تداري حزنها:

إنتي مشوفتيش صور حفل تخرجي؟

صفية:

لأ يا ستي... حظنا مش من السما، ما بنسافرش إيطاليا.

ضحكت نور:

أنا صورتها وهوريكي.

أغاريد بحقد:

وإنتي زعلانة على مامتك ولا بتتصوري؟

صفية بحزم:

أغاريد... إيه اللي بتقوليه ده؟

زفرت أغاريد بضيق. فقالت صفية:

روحي ذاكري يلا.

نظرت لها بضيق ورحلت. فاحتضنت صفية نور التي بكت قائلة:

أنا ماما وحشتني أوي.

صفية:

وحشتنا كلنا يا نور... ادعيلها يا حبيبتي.

نور بألم:

حاسة إني أنا السبب علشان كنت بيتخانق معاها. الدكتور قال إن ده بسبب الضغط النفسي.

أبعدتها صفية وهي تقول:

يا حبيبتي، حنان طول عمرها بتقول إنها خلفت أحسن 3 أولاد في الدنيا، وإنها مهما لفت عمرها ما تحب زي علي ويزيد ونور، وخصوصًا نور الحرباية الصغيرة.

ضحكت نور. فقالت صفية:

طول عمرها شايفاكي صاحبتها.

نور:

وأنا كمان. أنا كنت بحكيلها كل حاجة، علشان كده مش عارفة أتصل عن وجودها. بقالي سنة بحاول بس مش قادرة.

ربتت عليها وهي تقول:

إن شاء الله هتفوق وترجع زي الأول. أنا كمان عايزة صحبتي. شوفي مرات عمك عايدة، أهي أختي، بس بحب حنان عنها.

ابتسمت نور وقالت:

ماما الكل كان بيحبها.

صفية بحب:

يبقى لازم تبقي فرحانة.

دلف يسري فقال بحرج:

أنا آسف.

نور وهي تمسح دموعها:

لأ يا عمي، ولا يهمك. ده بيتك. أنا أساسًا كنت هروح علشان يزيد قال لي نص ساعة بالكتير.

أومأ لها يسري. فقالت:

هاجي تاني أكيد... بعد إذنك.

صفية:

إذنك معاكي يا قلبي.

رحلت نور. فقالت صفية:

إنت عملت إيه؟

يسري:

خليته يدور عليها.

صفية:

تلاقيها عند صاحبتها، هي كانت حكت لي عنها.

يسري:

خليه يدور ويلف حولين نفسه.

صفية:

أنا عايزة أطمن عليها.

يسري:

متقلقيش، أنا كلفّت حد يعرف مكانها.

صفية:

طب وإنت بتعمل كده ليه؟

يسري:

علشان قررت قرار مهم.

صفية:

إيه؟

يسري:

طارق هيتجوز هدي.

يسري:

طارق هيتجوز هدي.

صفية:

إنت بتقول إيه يا يسري؟

يسري:

زي ما قلت لك.

صفية:

بس طارق مش هيوافق. وبعدين...

قالتها وصمتت قليلاً. فقال يسري:

ويعدين إيه؟

صفية بتردد:

ولا حاجة يا يسري... ولا حاجة.

جلس بجانبها وقال:

أنا متأكد من قراري.

أومأت له وقالت:

وأنا واثقة فيك.

طبع قبلة على رأسها وقال:

هسيبك ترتاحي.

ابتسمت له قبل أن تختفي ابتسامتها بعد رحلة وهي تفكر ملياً قائلة:

طب أنا المفروض أقول ولا لأ؟

ضغط طارق على المكتب وهو يزفر بضيق قائلاً:

راحة فين دي بس.

ثم أمسك الهاتف واتصل بيزيد الذي أجابه:

إيه؟ في حاجة حصلت لنور؟

طارق بضيق:

اهدي يا عم... أختك كويسة. شوفتها وأنا خارج من البيت.

يزيد وهو يتنهد براحة:

إنت عارف إنها تعبانة الفترة دي، علشان كده كنت قلقان. قلي التعامل إيه؟

طارق:

أنا كويس... بس في خدمة عايزها منك.

يزيد:

قول.

طارق:

في واحدة اسمها هدي أيمن عبد الله. دور لي عليها.

يزيد بتعجب:

هدي أيمن دي مش في الكلية مع أغاريد؟

طارق:

وإنت عرفت منين؟

يزيد:

كانت صاحبة أغاريد ونور.

طارق بصدمة:

صاحبة أغاريد؟ إنت متأكد؟

يزيد:

أيوه.

طارق:

طب معلش دور لي عليها... بس بسرعة.

يزيد:

تمام... متخافش، هعرف لك مكانها بأسرع وقت.

استيقظت هدي من نومها على صوت طرقات عنيفة على الباب. فنهضت بفزع وتوجهت نحو سما التي كانت تقف خلف الباب صارخة:

والله لو مشيت يا أدهم لاتصل بالبوفيه علشان يبقى محضر حقيقي.

أدهم بغضب:

بترفع عليا محضر تعدي؟ والله لـ'وريك هعمل فيكي إيه يا سما الكلب.

قالها ورحل. فقالت سما براحة:

أهو غار... معلش بقى على الأصوات.

هدي بصدمة:

مين ده؟

سما:

واحد قابلته في الكافيه. عينه عليا.

هدي:

عايز يتجوزك؟

ضحكت سما وقالت:

يتجوزني؟ هيا الأشكال دي بتاعت جواز؟

هدي:

امال؟

سما:

عايز يومين في شرم الشيخ.

هدي:

طب وإنتي هتعملي إيه؟

سما:

هعمل إيه يعني؟ وأنا ليا حد؟ ولا حتى الملجأ اللي مصدق رمانا هيعبرنا.

هدي وهي تجلس بخيبة أمل:

هو إحنا ليه بيحصل معانا كده؟

سما وهي تجلس بجانبها:

لا، قدرنا أسود.

هدي:

هو في حد قدره أسود؟

ضحكت سما:

في عايشينه أهو... لأ أب يحمي ولا أم تطبطب، والكل شايفك لحمة رخيصة.

هدي:

اتفاولي.

سما ساخرة:

أتفائل؟ يوم ما قررت اتفاىل وأبص للسماء زي الناس ملقتش غير أسود في أسود والدنيا مغيمة.

تنهدت هدي بيأس:

أنا كمان مش شايفة غير الأسود.

احتضنتا بعضهما وقالت هدي:

أتمنى يجي اليوم اللي أشوف فيه لون غير الأسود.

وقفت أغاريد ترتدي معطفها وهي تقول بالهاتف:

سامع يا أمير... نص ساعة وألاقيك في مكاننا. أوعى تتأخر.

أمير:

ليه؟ طارق مات ولا القيامة قامت؟

أمير:

قامت قيامتك يا بعيد.

أمير بضيق:

تمام... طب.

أغلقت الهاتف بوجهه وأخذت حقيبتها وتوجهت نحو الأسفل واستقلت سيارتها نحو المكان الذي سيلتقيان فيه وهي تتذكر ما حدث منذ قليل. أمسكت الهاتف تتصل بأحمد ليجيب بتحفظ:

إيه يا أغاريد؟ في حاجة؟

أغاريد:

إنت اللي فيه حاجة؟ هو أنا ضايقتك؟

أحمد:

لأ، مفيش حاجة.

أغاريد:

امال مبعتش الموقع ليه؟ ومبتتصلش ليه عليا زي الأول؟

أحمد:

مبعتش الموقع؟ إنتي بتقولي إيه؟

أغاريد:

أنا اللي بقول إيه، ولا إنت اللي بتعمل إيه؟

أحمد:

يووووه يا أغاريد، أنا مشغول بس اليومين دول.

أغاريد:

أحمد بطل كذب، في إيه؟

أحمد:

تمام، ما دام مصرة يبقى هقولك... ابن خالتك جه هنا في وسط شغلي وضربني وقال لي لو حاولت تقرب منها هزعلك، وأنا مش مستغني عن عمري.

أغاريد بصدمة:

أمير؟

أحمد:

أيوه... أنا آسف يا أغاريد، أنا عندي أخوات بنات وخايف عليهم.

قالها وأغلق الهاتف. فنظرت للهاتف بصدمة وقالت:

والله لاوريك يا أمير.

كان طارق يتناول كوب قهوة في سيارته وهو ينظر للوقت بضيق. لقد أوشكت على أن تدق الثانية عشر ليلاً. وفجأة دق هاتفه.

فأجاب:

ها يا يزيد؟ فين مكانها؟

يزيد:

هبعت لك اللوكيشن. عند واحدة صاحبتها.

طارق:

تمام، هستناك.

أغلق معه الهاتف ووصله الموقع بعد دقيقتين. فتوجه نحوها على عجل. وقف أمام المنزل يفكر فيما سيقول قبل أن يطرق الباب بقوة لتفزع هدي التي كانت تشاهد التلفاز باندماج. تركت سما الصحون من يدها وذهبت نحو هدي:

يعني ولا بتطبخي ولا بتغسلي وكمان مش هتفتحي الباب؟

هدي بنعاس:

جسمي واجعني.

توجهت سما نحو الباب وقالت:

أيوه يا اللي بتخبط؟ في إيه؟

فتحت الباب وقالت:

افندم.

نظر لها طارق بتفحص وقال:

هدي هنا؟ لأ؟

سما:

لأ.

كادت تغلق الباب لكنه أوقفها بقدمه. وهو يقول:

ده مكانش سؤال.

سما:

امال؟

طارق:

حالة تعجب.

جاءت هدي وهي تقول:

مين اللي على الباب يا...

توقف لسانها وألجمتها الصدمة عن الحركة لتقول:

طارق.

نظر له سما بغيظ وقالت:

ليك عين تيجي هنا؟

نظر لها طارق وقال:

قهوة سادة.

قالها وذهب ليجلس على الأريكة وهو يقول:

ويا ريت تسيبنا لوحدنا.

هدي:

إنتوا تعرفوا بعض؟

سما بغيظ:

إنتي غبية؟ بيكلم عليكي.

قالتها ورحلت وهي تدلف المطبخ. لتجلس هدي على الأريكة أمامه قائلة:

نعم.

طارق:

هاخدها معايا.

هدي:

نعم؟

طارق:

زي ما سمعتي.

هدي:

إنت اتجننت؟ مش كفاية اللي عملته؟

طارق ببرود:

كنت سكران ومش مركز.

هدي:

يا سلام.

طارق:

كده كده هتيجي معايا.

هدي:

أنا عمري ما هرجع البيت ده تاني.

طارق:

هنشوف.

قالها وهو ينهض ويسحبها من يدها. لتصرخ هي:

إنت بتعمل إيه؟ ابعد عني.

دلت سما خارج المطبخ وهي تقول بصدمة:

نهار أسود.

واقتربت منه تحاول إبعاده عنها لكنه أخرج من جاكيته مسدسًا وصوبه نحو سما التي ابتعدت بفزع.

طارق:

فكري تقربي خطوة كمان، علشان تبقى آخر خطوة ليكي.

توقفت سما بصدمة وسحب هدي التي لم تقاومه أبدًا وجعلها تصعد السيارة. بعد القليل من الوقت قالت هدي:

إنت رايح فين؟

لم يجيبها فشعرت بالخوف وقالت:

ده مش طريق القصر.

طارق:

عارف... إحنا رايحين حتة تانية.

ابتلعت ريقها بخوف. 3 أيام فقط مرت على أول لقاء والآن هي في سيارته متوجهة نحو مكان لا تعرفه. تري ما سيحدث معها. هذا ما فكرت به قبل أن تضع رأسها على زجاج نافذة السيارة وهي تشعر بالنعاس لتغفو في النوم. نظر نحوها طارق بتردد في مشاعره... ما الذي يريده طارق الآن منها؟ هناك شخصان بداخله، شخص يريد وأدها كما كانوا يفعلون، والآخر يريد تقبي...

نفض رأسه وهو يتنهد بضيق ويأمر عقله بالتركيز على الطريق. ولكن من وقت لآخر كانت عينه تحيد نحوها لتسرق نظرة على هيأتها التي تدب بأوصاله الراحة.

هبط أمير من السيارة وهو يشعر بالانقباض من ذكرى هذا المكان. بينما كانت تقف هي وتحرك قدميها بغيظ.

أمير:

خير.

أغاريد:

وإنتي يجي منك خير؟

أمير:

العالم كله متفق إنه ما يجيش مني.

أغاريد:

إنت قلت حاجة لأحمد؟

أمير:

أحمد مين؟

أغاريد:

متستعبطش.

أمير:

مش عارف بجد بتتكلمي عن مين.

أغاريد:

أمير اللي بينا انتهى ومش هيرجع تاني، وأنا حرة أصاحب أو أحب، إن شاء الله حتى تلاقيني في حضن راجل.

صفعها أمير قائلاً:

هقتلك إنتي وهو.

أغاريد بصدمة:

إنت إزاي تعمل كده يا...

قاطعها عندما التهم شفتيها بين شفتيه بعنف. بتحاول هي دفعه فيمسك يدها ويثنيها خلف ظهرها ويمسكها بيد ويحيك وجهها بيديه الآخرين مقربًا إياها لتبدأ بتحريك يدها قبل أن تحررها وترفعها تلفها حول عنقه وتدنيه منها...

أغاريد:

أمير اللي بينا انتهى ومش هيرجع تاني، وأنا حرة أصاحب أو أحب، إن شاء الله حتى تلاقيني في حضن راجل.

....

صفعها أمير قائلاً:

هقتلك إنتي وهو.

أغاريد بصدمة:

إنت إزاي تعمل كده يا...

قاطعها عندما التهم شفتيها بين شفتيه بعنف. بتحاول هي دفعه فيمسك يدها ويثنيها خلف ظهرها ويمسكها بيد ويحيك وجهها بيديه الآخرين مقربًا إياها لتبدأ بتحريك يدها قبل أن تحررها وترفعها تلفها حول عنقه وتدنيه منها أكثر...

دامت قبلتهما لأكثر من دقيقتين قبل أن تبعده عنها بحاجتها للهواء. استنشقت الهواء بصعوبة ووصل لعقلها الذي استوعب فداحة فعلتها. لترفع يدها صافعتا إياه:

دي علشان ضربتني.

صفعته مرة أخرى وقالت:

ودي علشان بوستني.

نظر لها بصدمة. لتقول:

معاك سيجارة؟

في صباح اليوم التالي استيقظت هدي وظلت تنظر للغرفة من حولها بصدمة. تفحصت ملابسها وزفرت براحة قبل أن تشهق بصدمة عندما وجدته يدلف عارف الصدر وهو يقول:

صباح الخير.

وضعت يدها على عينيها وهي تقول بخجل:

صباح الزفت اللي إنت عامله ده.

قال طارق ببراءة وهو يجلس:

عامل إيه؟

هدي بضيق وهي تنظر له بغيظ:

مش لابس.

نهض واقترب منها مما جعلها تبتعد. وقال ببطء مميت لها:

إنتي مش شايفة البنطلون؟

هدي باحمرار:

إنت وقح.

ابتعد وهو يقول:

عارف.

نهضت وهي تقول:

إنت جيتني هنا ليه؟

طارق:

علشان نصفي حساباتنا.

هدي بصدمة:

حساباتنا؟ إنت ملكش عندي حاجة يا بجح إنت سامع؟

التفت لها فانتفضت وهي تراها يقترب وهو يقول:

لأ، ليا عندك مثلاً كره أمي ليا بسببك مش هتبقى راضية تبص في وشي.

هدي:

إنت اللي غلط... إتحمل نتيجة غلطك.

طارق ساخرًا:

ما أنا مستحملها أهو لدرجة إني مضطر أبص في وشك لأكتر من دقيقة.

هدي:

محدش أجبرك.

ضغط على أسنانه وقال:

مش هنخرج من هنا إلا لما نتفق إنك تقولي إنك مسامحاني.

هدي بصراخ:

مستحيل أسامحك، سامع؟

طارق:

يبقى مش هنخرج.

دلف يسري الغرفة وهو يقول:

إيه يا صفية؟

صفية:

هدي فين؟ النهار طلع ولسه ما جتش بيها.

يسري:

متقلقيش.

صفية:

يعني إيه مقلقش؟ إنت عارف هي فين؟

يسري:

آه.

صفية:

امال مش راضي تقول ليه؟

يسري:

علشان عارفك هتقلقي.

صفية:

ليه؟

يسري بضيق:

علشان هدي مع طارق.

صفية بصدمة:

إيه؟ ومش عايزني أقلق يا يسري؟

يسري:

متخافيش، هو عرف غلطه.

صفية:

حرام عليك يا يسري.

يسري:

يا صفية، المؤمن لا يلدغ من حجر مرتين.

صفية:

المؤمن يا يسري... ده طارق مش مؤمن، ده عمره ما ركعها.

ضحك يسري وقال:

متخافيش، أنا خليت حد يراقبهم.

صفية:

طب وأغاريد فين؟

يسري:

اتصلت بيها بتقول عند واحدة صاحبتها.

صفية:

يسري، أنا قلقانة أوي عليها... حاسة إن في حد واكل دماغها.

يسري:

متقلقيش على أغاريد، دي تاكل دماغ بلد.

صفية:

يا رب استرها.

دلف طارق المطبخ ليعد كوبًا من القهوة وبدأ يدندن وهو ينظر لتلك التي تستشيط غضبًا.

طارق:

أعمل لك كوباية معايا؟

هدي:

مش عايزة حاجة منك.

أمسك كوبه وجلس بجانبها على الأريكة وبدأ يشاهد فيلم. وتلك تضرب الأرض بقدمها لتقول صارخة:

أنا عايزة أروح.

طارق:

سامحتيني؟

هدي:

لأ.

طارق:

يبقى مفيش مرواح.

هدي:

يعني إيه؟ أنا ممكن أبلغ عنك البوليس دلوقتي.

طارق:

بلغي.

هدي:

ما إنت قافل الباب، هبلغهم إزاي؟

نهض طارق وفتح الباب وقال:

اتفضلي.

عاد مكانه ببرود مما جعلها تشعر بالريبة. فالتفت وحلفت خارج الغرفة لتشهق بصدمة.

فقد كانت الغرفة عبارة عن كوخ وسط صحراء. لتدلف للخارج وهي تقول:

صحرا؟ جايبني الصحرا؟

طارق بسخرية:

آه، ما إنتي متربية في باريس مش كده؟

صرخت بضجر:

روحني بقولك.

نظر لها ثم قال ببرود:

فيلم روك هيبدأ. أعملك معايا فشار؟

استيقظت أغاريد وهي تشم رائحة غريبة. ففتحت عينيها لتجد نفسها في سيارة أمير تقبع بين أحضانه، بينما يشرب هو سيجاره. ابتعدت عنه وقالت:

إنت إزاي تحضني كده؟

أمير:

إنتي اللي حضنتيني وإنتي نايمة.

تذكرت أغاريد والدها فقالت بصدمة:

بابا؟

أمير:

بعت له رسالة منك إنك بايته عند واحدة صاحبتك.

أغاريد:

ومروحتنيش ليه؟

أمير:

كنتي عايزاني أروحك وأقول لأبوكي معلش أصلها نامت بعد ما شربت سيجارة علشان تعدل مزاجها.

رفعت حاجبها فاكمل ببرود:

ولا أقوله أصلها اغمى عليها بعد ما بوستها.

ضربته على صدره وقالت:

يا كداب. اغمى عليا ليه إن شاء الله؟

أمير وهو يقترب منها:

علشان بتضعفي قدامي.

ابتلعت ريقها بتوتر وهو يقترب من أذنها ويهمس:

اعترفي إن قربي بيخليكي ضعيفة.

ثم ابتعد قليلاً وقال أمام شفتيها:

لازم تبقي عارفة إن إنتي ملكي أنا وبس.

طبع قبلة على شفتيها ثم ابتعد وهو يخرج من السيارة ليستقل الكرسي الأمامي.

بينما زفرت هي بضيق وهي تلعن ضعفها أمامه. ووضعت رأسها على نافذة السيارة تفكر بوضع علاقتها معه الآن... كيف ستكون بعد ما حدث الأمس. توقف بعيدًا عن البوابة بقليل وقال:

وصلنا. عربيتك هخلي حد يوصلها لك.

أومأت له وهبطت من السيارة متوجهة نحو القصر دون أن تنطق بحرف. كادت تصعد غرفتها ولكن الخادمة أوقفتها وهي تقول:

أغاريد هانم.

أغاريد:

أنا دماغي مصدعة موت.

الخادمة:

في حاجة مهم.

أغاريد:

بعدين بعدين.

الخادمة:

حاجة مينفعش تتأجل.

وقفت أغاريد وهي تقول:

عارفة لو مش مهمة هقطع راسك من على رقبتك.

الخادمة:

طب ولو مهمة؟

أغاريد:

في إيه يا بت؟ انطقي.

الخادمة:

أصل أنا سمعت صفية هانم ويسري بيه وهما بيتكلموا امبارح.

أغاريد:

خلصي، إنتي هتنتقليني.

الخادمة:

حاضر... لقيتهم بيقولوا إنهم هيجوزوا طارق بيه.

أغاريد:

هي جوزه؟

الخادمة:

ومش هتصدقي لمين.

أغاريد:

لمين؟

الخادمة:

لهدي هانم.

أغاريد بصدمة:

نعممم؟

الخادمة:

زي ما بقولك كده يا ستي والله.

أغاريد:

غوري من وشي دلوقتي.

رحلت الخادمة وصعدت أغاريد الغرفة وأطلقت الباب خلفها وأخذت الغرفة ذهابًا وإيابًا وهي تشعر بالاختناق. أمسكت أغاريد الهاتف واتصلت بطارق.

طارق:

ألو؟ إيه يا أغاريد؟

أغاريد:

مصيبة يا طارق.

فزع طارق قائلاً:

ماما حصلها حاجة؟

أغاريد:

لأ يا أخي.

طارق:

امال في إيه؟

أغاريد:

بابا قرر يجوزك هدي.

طارق بصدمة:

نعمم؟

أغاريد:

أيوه... إحنا لازم نتصرف بسرعة. مستحيل الحقيقة دي تبقى واحدة من العيلة، سامع؟

ألقى الهاتف بغضب ثم صرخ بهدي:

أنا مش فاهم إنتي مين علشان يعملوا كل ده علشانك... ها؟ وراك إيه يخلي أمي يغمى عليها علشانك؟ وراك إيه يخلي أبويا يضربني علشانك؟ أو يخلي أغاريد تكرهك بالشكل ده؟

ابتلعت ريقها وقالت:

أنا مش فاهمة إنت بتكلم على إيه.

طارق بغضب:

بصي بقى، أنا اضطريت أقعد مع واحدة زيك بس علشان أمي... بس أنا مش هتجوز واحدة صورها في كل حتة.

دمعت عيناها وقالت بصدمة:

تتجوز.

أخذ مفاتيحه وقال:

يلا علشان نمشي.

في الطريق كان الهدوء يعم المكان ويقطعه من حين لآخر صوت أنين هدي وشهقاتها. وصل الاثنان القصر ودلف طارق بغضب وقال:

إنتوا يا اللي هنا.

هبط يسري ومعه صفية التي ركضت هدي لأصحابها تبكي. بينما قال يسري:

إيه يا طارق بيه؟

طارق:

صحيح اللي أنا سمعته ده؟

يسري:

وإنت سمعت إيه؟

طارق:

إنت هتجوزني البتاعة دي؟

يسري:

البتاعة دي هتبقى مراتك، عيب تقول كده.

طارق بجنون:

برضه بيقول لي مراتي!

يسري:

قدامي على المكتب.

طارق:

مف...

يسري صارخًا:

قوات قدامي!

دلف الاثنان المكتب. بينما أمسكت صفية يد هدي وجلست وهي تقول:

عاملة إيه يا قلبي؟

هدي ببكاء:

أنا كويسة، بس إيه اللي بيقولوه طارق ده؟

تنهدت صفية:

أنا عارفة إن الموضوع غريب عليكي، بس صدقيني ده الحل المناسب لكل اللي بيحصل في حياتك.

هدي:

بس إحنا بنكره بعض.

صفية:

إنتي قلبك أبيض وعمره ما يكره. وبالنسبة لطارق، فده طيش شباب. إنتي لازم تتجوزي علشان الشاب ده يبطل يهددك، وعلشان نسكت الناس.

هدي:

بس...

صفية:

مفيش بس... لازم تسمعي الكلام، هو ده الحل.

دلف طارق مع يسري خارج المكتب وقال طارق:

أنا آسف على كل اللي قولته، وموافق على أي حاجة. جوزوني ولا حتى اقتلوني.

هدي:

وأنا كمان موافقة، بس بشرط.

طارق بغضب:

إنتي هتتشترطي كمان؟

صفية:

طارق.

وضع يده على فمه. فقالت صفية:

قولي يا حبيبتي.

هدي:

العصمة هتبقى في إيدي.

ث 3صفية : مفيش بس ... لازم تسمعي الكلام هو ده الحل .دلف طارق مع يسري خارج المكتب وقال طارق: أنا آسف علي كل اللي قولته وموافق علي اي حاجه تجوزوني ولا حتي تقتلوني هدي : وانا كمان موافقة بس بشرط طارق بغضب : انتي هتتشرطي كمان .صفية : طارق. وضع يده علي فمه فقالت صفية : قولي يا حبيبتي هدي : العصمة هتبقي في ايدي.