تحميل رواية «حين تقع في الحب الجزء الرابع» PDF

في الجامعه الامتحان خلص والورق كله اتلم وفرحه لمت الحجات بتاعتها ومشيت

مصطفي :احم انسه فرحه استني

فرحه لفت ليه ببتسامه:اتفضل يا دكتور

مصطفي بربكه :اييه اخبارك ايه ؟

فرحه بستغراب:انا كويسه الحمدالله بخير

مصطفي بتوتر وهو بيعدل الساعه بتاعته :الامتحان اخباره ايه يعني كان كويس ولا وقف عليكي اسئله

فرحه:الحمدالله الامتحان كان كويس وسهل نوعا ما ايوا صحيح انت هتفضل علينا طول فترة الامتحانات ؟

مصطفي :بإذن الله هكون معاكو في امتحانات الميدترم

فرحه بتوتر :تنورنا اكيد طيب تعالي اتفضل معايا ندي هناك تعالي زورها

مصطفي :هنيجي بليل ليها بس حاليا ورايا شغل انتي معاكي عربيه

فرحه ببساطه :لاء بروح في الباص هتيجي معايا الموقف ولا الشغل في الجامعه

مصطفي :تعالي انا معايا العربية بتاعتي اوصلك بيها

فرحه بربكة :ما هو مش هينفع اركب مع حضرتك انا وثقه فيك والله العظيم بس الحاره عندنا مش سالكة لنفسها انا هتصل بخويا وهيجي ياخدني

مصطفي بستغراب :انتي عندك اخوات شباب علي ما اعتقد انتي وحيده ندي قالت كدا

فرحه : ايوا انا وحيده بابا وماما بس عندي اسر وعاصي هما ولاد عمي بس زي اخواتي يعني وفونها رن يارتنا جبنا في سيره 10 جنيه اسر رن

اسر :اطلعي يا زفته يلا انا ملطوع بقالي ربع ساعه برا

فرحه :خلاص طلعه اهو وقفلت اتشرفت بيك يا دكتور احم انا لازم امشي

مصطفي :في امان الله خدي بالك من نفسك

فرحه مشيت وقالت بغرور في نفسها :معجب اكيد معجب باينه اصلا حقه لو طلع خزوق تؤ بس هيبقي خزوق متعلم ف عادشي وراحت تفتح الباب بتاع العربيه افتح يااض الباب قفله من جوا ليه

اسر فتحه وهي ركبت :عملتي ايه يابلوة في الامتحان

فرحه بثقه :بإذن الله ومن غير مقاطعه انا حاسه نفسي هعدي السنه دي هنجح يعني

اسر :ما نشوف يا حزن العيله ومشي بالعربيه

فرحه في نفسها بستغراب:فين فرحتي لما كنت بتكون جنبي يا اسر فين ضحكتي وخجلي اللي اول ما بتقول كلمة كانو لازم يكونو موجودين بقيت بشوفك مع حبيبه وبقي عادي عندي وقالت بصوت معقول انا اتعفيت من حبك ؟

اسر بستغراب:اتعفيتي من ايه مسمعتش ؟

فرحه بنتباه :متشغلش بالك براجع الامتحان في بالي

……………………

غسان نزل من العربيه بتعب وهو بيعدل ضهره :يخربيت ام الشتي والطين والبرد دا ايه ياربي

قاسم :الجو عامل كدا ليه النهارده

محمد بص لسما :باين الدنيا شتت

غسان :احلف يعني كل اللي قدامك والطين والزفت دا والدنيا باين انها شتت اطلع يا محمد وحياة ابوك الواحد ما ناقص غباء

عمر :مدام الجو زفت كدا اكيد نورهان منزلتش النهارده وراحت عند امي نڤين هطلع انا اتغدي وانام شويه علشان نروح بليل اتفاقية الجوازة بتاعت نيرا

غسان :ايوا صحيح اجهزو علي 8 كدا نمشي بإذن الله محدش يجيب مراته انا عرفتكم اهو

محمد وعمر طلعو كل واحد شقته وغسان اخد ايد ابوه وطلع وقاسم وراه

غسان :السلاام عليكم يا اهل الدار

نڤين كانت قعدة قدام التلفزيون ومغطية رجلها ببطانيه :تعالي يا غالي ادخل

غسان :ازيك يما اومال فين نور وحبيبه

نڤين :الدنيا النهارده زي ما انت شايف كدا فا محدش نزل النهارده خالص

غسان :محدش نزل خالص ؟ اومال مين اللي هيعمل اكل ليكي انتي وابويا

نڤين :لاء متقلقش هنا اكل من امبارح يمشي النهارده المهم انت اطلع شقتك نام شويه زمانكم مقتولين من الطريق وانت يا حج اعملك تاكل دلوقتي ولا اي

منير :لاء انا هدخل انام شويه وصحيني علي المغرب كدا ولما اقوم هبقي اكل لقمه

………………

في شقة غسان

غسان دخل الشقة وقلع الجاكت بتاعه ورماه علي الكنبه وسمع صوت مايه من المطبخ لقي نور حطه السماعه في ودنها وبتسمع اغاني وبتغسل المواعين

غسان وقف علي الباب وربع ايده ورفع حاجبه :ايوا دي بتعمل ايه كدا ؟ نورر ….. وراح عندها وهزها

نور بخضه :يخربيتك يا غسان حسبي الله هولد من الخضة حد يجي كدا من غير احم ولا دستور

غسان بستغراب :عملت احم وكحيت ونفيت وخبطت السفره وانتي ولا هنا

نور بضحك :كحيت ونفيت ؟ وقربت باست خده حمدالله علي سلامتك يا حبي

غسان بص علي بطنها :بطنك كبرت في يوم وليله ولا ايه ؟

نور بضحك :لاء البجامه دي هي اللي ضيقة المهم احكيلي بقا عملت ايه في الفيوم

غسان سند علي التلاجه واخد موزه وقشرها وبياكل فيها :ولا حاجه هنبور الارض هنخليها مباني وكدا خلاص مش هنحتاج ندفع اي ضرايب

نور :طيب الحمدالله بس انتو هتعملو ايه في الارض الكبيره دي معقول هتبني في دي كلها

غسان :لاء احنا نبورها ونسبها ولا هتخس ولا هيحصل فيها حاجه اهي محطوطه

نور :طيب اعملك تاكل بقا ولا ايه ؟

غسان رفع راسه لسقف بتعب :ان جيتي للحق الواحد فيه تعب يكفي دوله التفكير في كل حاجه حواليه هيقتلني

نور راحت عنده وحضنته :ايه اللي تعبك يا حبيبي احكي ليا يا غسان انت ساكت ومش بتشارك تعبك معايا هعرف ازاي اداوي جروحك وتعبك دا يا حبيبي

غسان :لو فعلا بكون مرتاح لما بتكلم هتكلم بس متعودتش احكي وجعي احد وانتي عرفه كدا من اول يوم جواز لينا

نور :طيب اعملك ايه وتكون مرتاح وانا مش هتأخر ؟

غسان باس دماغها :انتي طبخه ايه ؟

نور :عملة ليك صنية بطاطس بالفراخ تستاهل بوقك

غسان :يا حلوتك المهم اغرفي يلا علي ما اصحي حبيبه تاكل معانا وراح علي اوضة حبيبه

غسان بيحسس علي شعرها بحنان :حبيبة ابوها وقلبه

حبيبه اتحركت في السرير :صباح الخير يا بابا

غسان :صباح الفل يا عيون بابا قومي يلا علشان نتغدي سوا

حبيبه قامت بسرعه :استني يا بابا عوزه اقيس ليك حاجه تشوفها عليا

غسان :طيب يلا قيسي وانا قاعد علي السفره برا اهو وطلع

نور وهي بتحط الاكل علي السفره :حبيبه مش راضيه تصحي ولا اي؟

غسان:لاء صحيت بس باين جايبه هدوم جديده وهتقيس الهدوم ليا علشان اشوفها

نور :البت دي بتشتري هدوم كتير اووي يا غسان اضغط عليها شويه في المصاريف انا مش برضي ادي ليها وانت بتديها ومضيعه فلوسها علي الهدوم ودولابها هيقع من كترهم

غسان :يا حبيبتي خليها تعيش ايامها لما متنحرمش من حاجه في بيت ابوها عينها هتكون مليانه في بيت جوزها

حبيبه طلعت من الاوضة وكانت لبسه بنطلون قماش واسع اسود وفوقها بليزر بيج وتحت البليزر توب اسود وصندل بيج كعب :ايه رأيكم فيااا ؟

غسان بص عليها ببتسامه :هو في جمال وحلوة كدا يولاد قمر يا عمر بابا

حبيبه بفرحه :بجد حلوه يعني شكله حلو عليا

غسان :زي القمر جميله يا بيبو يلا روحي غيري وتعالي كلي

نور :انتي جيبه الطقم دت علشان ايه ؟

حبيبه :النهارده اتفاقية الجوازة بتاعت نيرا وانا هروح مع اسر دا بعد اذن بابا طبعا

نور :غسان انت هتاخدني معاك صح ؟

غسان وهو بياكل :لاء حبيبه هتيجي ومعايا انا علشان نيرا متفضلش لوحدها ولكن مش هخدك يا نور

نور :نعم يا روحي سمعني كدا بتقول ايه ؟

غسان :هاتي بس المخلل دا كدا ؟ انا مش واخدك ولا حد من الحريم جاي غير البنات ومش عارف عاصي هيجيب مدي ولا لاء بس هاخد حبيبه وفرحه علشان هما اصحاب نيرا ومينفعش يسبوها لوحدها هنتكلم كتير هقول مش رايح خالص

نور بغيظ :علي ايه يا روحي البت ملهاش ذنب روح انت وانا هستناك لما ترجع ادخلي غيري يا دكتوره حبيبه وتعالي كلي يلاا علشان المغص بدء يجيلي اهو

غسان وهو بيقطع الفراخ :اهدي كدا ومتخديش كل حاجه علي اعصابك وانتي هتبقي زي الفل

نور :تقصد ان انا غيرانه ان حبيبه جايا وانا مش جايا ؟

غسان بضحك :ايوا يا روحي يعني انا مش في دماغي كدا بس اناي اللي في قلبك علي لسانك وانتي فعلا غيرانه ان هاخد حبيبه وانتي لاء وكلي يلا انا فصصت الفراخ في طبقك اهو

نور بدأت تاكل بغيظ وغسان بيضحك عليها

…………………….

عند ادهم وياسمين

ادهم نايم علي السرير وياسمين في حضنه

ادهم :ياسمين انتي مبسوطه معايا ؟

ياسمين رفعت راسها وباصت ليه :مبسوطه دي كلمه تعبر عن ان لما اشوفك من بعيد بكون مبسوطه لكن انا حاليا وانا معاك وفي حضنك شعور ملوش وصف بيتحس وبس يا ادهم

ادهم باس خدها بحب :تعرفي اول ما نزلت مصر وشوفتك انا فعلا كنت عاوز اخبيكي من عيون العالم كلها كنت عاوز اخليكي متشوفيش غيري ولا غيري يشوفك اول مره اتكلمت معاكي كنت حاسس بفرحه ملهاش وصف

ياسمين :عارف بقا رغم قسوتك ورغم اللي عملته فيا كنت بقول يارب خلصني منه وانا قلبي بيقول لاء يارب خليه جنبي ومعايا انا مش بحبك يا ادهم انت بقبت مرض جوايا وانتشر في جسمي كله

ادهم :احنا لو فضلنا كدا في السرير ولا هنقوم وهنموت من الجوع وانا جعان اووي احنا ناكل ونيجي نعد في الدفي تاني وانتي تكلي علي البيبي

ياسمين بضحك :انا بقول كدا برضو ادهم نزل من علي السرير واخد ياسمين وراح علي المطبخ

ادهم :هناكل ايه بقا ؟

ياسمين :ايه رأيك ناكل سمك

ادهم :ما السمك عاوز شوي في الجنينه والجو بيشتي هنشوي ازاي

ياسمين :لاء يا ادهم هنعمل سمك سنجاري بص انت عندك سمك في الفريزر الاول

ادهم :ايوا فيه عندي ؟

ياسمين :متنضف ولا ازاي ؟

ادهم :ايوا متنضف

ياسمين :حلو انا عوزه منك تمسك السمك وتفسخه خالص يعني الضهرين يكونو مفتوحين في الصينيه علشان بقرف امسكه

ادهم طلع السمك وبدء يغسله بميه سخنه علشان يفك وعمل زي ما ياسمين قالت وياسمين بتقطع البصل والتوم والفلفل وبتجهز الحجات

ادهم بمعاكسه :في وحدة حامل جمده كدا يولاد

ياسمين :اتلم يا ادهم وخلص

ادهم ببرائه :مش مخلص الا ما اخد بوسه كبيره بقا وساب السكينه

ياسمين :اخلص يا ادهم علشان مجيش اشرحك

ادهم بيقرب عليها :تشر*حيني تمو*تني تد*فنيني هاخد البوسه يعني هاخد البوسه

ياسمين بتوتر :انت مفكرني هضعف قدام عضلاتك دي ولا ايه لاااء احنا جمدين اووي

ادهم وهو بيعض شفته السفليه :لاء من نحيه جمدين فا انتي جمده فعلا وقرب منها وباسها بعشق

ياسمين زقته :ادهم انا اخويا سيبني معاك امانه يرضيك تغرغر بيا كدا يعني دا ينفع

ادهم بضحك :في وحدة تقول لجوزها تغرغر بيا وبعدين ايه اخويا سايبني دي انتي مش هتروحي هناك تاني غير زياره وكل فتره مره

ياسمين حطت ايدها علي رقابته: لاء يا دومي انا عوزه اكل وانت شكلك مش ناوي تاكل النهارده يرضيك ابنك يجوع

ادهم :هبعد بس علشان الواد ياكل مش اكتر ياسمين ضحكت وكملت عمايل الاكل

…………………………

حبيبه نزلت لأسر توريه هدمها

حبيبه :ماما نڤين فين اسر

نڤين :ايه الحلوه والجمال دا

حبيبه لفت ليها :حلو شكلي يعني

نڤين :هو فيه اجمل من كدا ايه بقا المهم اسر راح يجيب فرحه من الجامعه ولسه مرجعش

اسر دخل علي كلامهم :مين اللي بيجيب سيرتي دااا اوبااااا ايه الجمال دا يا بيبو

حبيبه :انت كنت بتعمل ايه عند الجامعه يا اسر اكيد قعدت تعاكس البنات اللي راحه واللي جايا

اسر بلا مباله :انا دا انا كنت قاعد في وسط 4 بنات ومش عاوز اقولك بقا هريتهم بوس واحضان يابيبو المهم لبسه كدا ليه

حبيبه بصدمه :بنات مين اللي انت كنت قاعد في وسطهم يا اسر وبتبوس تحضن فيهم

اسر مسك ايدها :نيڤو هدخل شويه اوضتي ومتقلقيش وشدها ودخل بيها علي اوضته وقفل الباب

حبيبه بعياط :انطق يا خاين

اسر بص ليها بسخريه :فاكره لما قولت ليكي انا اهم حاجه في علاقتنا الثقه ان اكون واثق فيكي لو وقفه بين مليون شاب وهكذا عليا فين الثقه دي يا حبيبه

حبيبه :مش انت اللي بتقول قاعد بين 4 بنات وو

اسر :بقول كدا علشان كلامك المتخلف ولو هو هزار يبقي كلامي هزار اما لو مش واثقه فيا خليكي واثقه ان انا بوست وحضنت غيرك ويلا اطلعي علشان عارز انام والف مليون شكر علي ثقتك يا حبيبتي

حبيبه بصت ليه بندم :انا واثقه فيك والله يا اسر بس انا بغير عليك موووت وانت عارف كدا

اسر :الشك شيئ والغيره شيئ تاني خااالص واللي انا شوفته اتهام مش شك ولا غيره خااالص

حبيبه حضنته وعيطت :انا اسفه حقك عليا متزعلش مني مش قصدي ازعل حبيبي بس عو كمان مأهمل فيا الفتره دي اووي

اسر وهو بيطبطب عليها :علشان هو حمار ومش بيفهم علشان اللي يأهمل اللي بيحبه يبقي غبي

(اهم و احلي حاجه في اي علاقة حب انك تروح تشكي من شخص مزعلك لنفس الشخص اللي مزعلك يكون وقت الزعل هو الايد اللي بطبطب عليك وانت متأكد انه هيطبطب عليك وهيطيب خاطرك ♥️ )

حبيبه :متقولش عليه غبي هو حلو وقمور بس مش واخد باله من لبسي

اسر بعد ومسك ايدها وخلاها تلف :الا صحيح الجمال والحلاة دي ايه ونسين الطرحه كدا وعادي

حبيبه :لاء انا لسه هلبس الطرحه بس نزلت اوريك الطقم علشان هلبسه النهارده وانا راحه عند نيرا

اسر :اممم حلو مش لاقي اي عيب فيه المهم انا عنام وعلي الساعه 6 انزلي صحيني

حبيبه :ماشي يا قلبي

…………………….

في شقة عاصي

عاصي فاق من النوم ملقاش ندي جنبه سمع صوت مايه في الحمام عرف انها بتاخد شور

ندي حلصت وطلعت كانت لبسه بورنص الشور وفوطه علي شعرها

ندي :الجو تلج كدا ليه ياربي فيه ايييه

عاصي بص ليها بضحك :تلج علشان التكيف مفتوح

ندي بغيظ :وحضرتك فاتح التكيف ليه يا استاذ عاصي

عاصي :حران ففتحته

ندي :بالله يا عاصي اقفله الجو متلج بجد وانت تعبان ومصدقنا خفيت شويه

عاصي : انا دايخ ومش عارف السبب

ندي وهي بتنشف شعرها :باينه يا كبير حامل

عاصي حدف فيها المخده :حامل ازاي يعني ؟

ندي بضحك :بهزر معاك يا بيبي الاه

عاصي :لاء بجد دايخ ومش عارف السبب

ندي راحت جنبه وحطت ايدها علي وشه وبعدين علي ضهره :وشك وجسمك سخن اووي بقولك ايه ادخل خد شور بميه سقعه دا الحل حاليا

عاصي وهو بيتغطي :ما هو انا سقعان

ندي شالت الغطي :قوم بس كدا لان دا اللي ممكن ينزل السخنيه قوم يلا ادخل خد الشور علي ما اعملك مايه بالمون يلا

عاصي قام وكان لبس البوكسر ودخل علي الحمام

ندي بصوت عالي بحيث انه يسمعه :نايم بالبوكسر وجسمه عريان ومشغل التكيف ويقولي تعبان حسبي الله ولبست هدومها اللي عباره عن سلوبته حمرا

ندي وهي بتبص علي نفسها بالمرايه :نعم يعني ؟ ما هو اكيد انا متخنتش من اسبوع جوار البتاعه دي كانت كبيره ايه اللي ضيقها كدا ….. لاء دا مصفاه جسمي اووي دا اي يولاد شويه الهدوم ضيقو ليه كدا …. المايه اللي هنا بتخلي الهدوم تكش اكيد منها وسرحت شعرها وحطت مخمريه علي ايدها ورقابتها وراحت عملت كوباية لمون

بعد شويه

عاصي طلع من الحمام ولبس بنطلون من غير تيشيرت

ندي دخلت وفي ايدها :علي النعمه لهتلبس التيشيرت مش انت قالع كدا علشان عريس وحركات بقا انا العروسه وبقولك البس انت تعبااان

عاصي بضحك :انتي مفكره ان قالع التيشيرت علشان عريس وكداا؟ لاء يا روحي انا مبحبش البس تيشيرت غير وانا خارج بس لكن طول ما انا في البيت وانا قالعه

ندي جابت تيشيرت ليه :طيب لما تخف من السخنيه اقلعه بس علشان خطري البسه علشان تدفي يا حبيبي وتخف بسرعه

عاصي اخد التيشيرت ولبسه وراح قعد علي السرير :هاتي العصير كدا وشربه مبتعمليش لنفسك ليه يا ندي وانا ملاخظ انك مش بتنامي خالص

ندي قعدت جنبه وحطت راسها علي صدره :ما هو انا بقا فيا طبع ان انا مش بعرف انام غير علي سريري اللي هو في البلد وفي اوضتي فا الوضع هنا جديد لسه بقا علي ما اتعود

عاصي :طيب دا بنسبه لنوم هتتعودي الاكل بقا مش بتاكلي ليه ؟

ندي :انا اكلي في اللحوم بسيط اووي لكن في الاكل النواشف دا اعجبك اووي

عاصي بص ليها :بنسبه ليا بقا يا ندي حاسه ايه نحيتي ؟

ندي :عارف انت لما فجأة تحس انك بقيت مسؤل عن حد ؟ يعني زعله بقي يزعلك فرحه بقا يفرحك بقيت حابه اجرب كل حاجه في الحياه معاك انت بقيت حابه انام وانا في حضنك كل حاجه بتعملها انا بحبها كل كلمه بتقولها بحبها بالعربي كدا انا حبيتك في وقت كنت رفضه الحب والارتباط في وقت الكل كان غريب عني في وقت الكل كان بيهاجمني انت الوحيد اللي فضلت جنبي ومعايا انا بحبك علي فكره مش عرفه مصدق كلامي ولا لاء بس دا اللي في قلبي ليك قولي بقا شعورك اتجاهي ؟

عاصي بص ليها بعشق :ان جيتي للحق انا عوزت انجوزك انتي بذات علشان حسيت ان عايز اجرب احساس وانا برا وانتي بترني عليت اجيبلك حاجه حلوه واريال للغسيل وانا راجع حبيت اجرب اول بوسه في حياتي تكون منك انتي حبيبت اجرب احساس واحنا قعدين مع ولادنا وبحكي ليهم قد ايه بحب امهم احساس ان اصحي في عز التلج علشان انتي جالك طلق الولاده واحتمال تولدي الليله احساس وانا قاعد في طرقة المستشفي مستنيكي تطلعي بسلامه احاسيس كتير اووي مش عارز اجربها غير معاكي انتي انتي البنت الوحيده اللي دق ليها قلب العاصي يا ندوش بمووووت فيكي مش بحبك بس

ندي قربت من عاصي وباسته :انا من كتر ما بوستك هيجيلي برد انت تخلص وبعدين انا اشتغل

عاصي بضحك ضمها لصدره :ربنا ميحرمني منك يا ست البنات