اتفضلي ادخلي يا عروسه
دخلت وهي متوترة مش عارفة تجيبهالها إزاي
قبل ما تتكلم قالها: بصي بقى يا بنت الناس، إحنا آه متجوزين بس جواز صوري قدام الناس، بس أنا متجوزك عشان بنتي محتاجة أم بعد أمها الله يرحمها، وأظنك إنك عارفة ده
بصتله بقلب مكسور
هي آه عارفة كده ومتقبلة كده، لكن إنه يهينها بالمنظر ده وجعها أوي، لكنه معاه حق
هزت رأسها وقالت: عارفة يا حسن بيه
حسن بشرود: أنا مستحيل أحب حد غير سجي الله يرحمها، عشان كده متتأمليش كتير في الجوازة دي
هزت راسها على كلامه وقالت بقوة: تمام يا حسن باشا، أنا عارفة مكانتي أوي فين أوضتي عايزة أستريح
حسن شارلها على أوضتها ببرود ومكلفش نفسه حتى يوصلها ولا يقول لها كلمة تطيب خاطره
دخلت الأوضة وقفتلت عليها بالمفتاح
حسن سمع تكة المفتاح، هز رأسه بسخرية ودخل أوضته اللي مليانة صور سجي
بصت على الأوضة لقيتها لطيفة
لفت انتباهها صورة كبيرة لحسن وسجي على الحيطة
وقفت قدامها ودموعها نزلت بصمت
بصت على بقية الأوضة لقت في صور تانية لسجي لوحدها على المكتب في براويز
هو محاوطها بحبه للدرجة دي؟ طب أنا إيه هيكون مصيري؟
بصت لنفسها في المراية وقالت: إيه يا أيسل هنخيب وإلا إيه؟ إيش حال عارفة كل حاجة من الأول ووافقتي على ده؟
ضحكت بسخرية: لا موافقتش، أنا انجبرت على ده، كنت مفكرة نفسي هخرج من بير غويط، أتاري بدخل في بير أعمق منه
بصت على الأوضة وعينيها بقت تروح على الصور وهي بتضحك بحسرة على حظها اللي علطول معارضها ونصيبها اللي راضية بيه مهما كان
اتنهدت بسخرية من القدر وراحت على السرير نامت
بصت في السقف اتفاجئت بحاجة صدمتها جداً وخليتها تقوم تقعد على السرير بسرعة
حسن واقف في نص الأوضة بيبص على صور سجي ودموعه نزلت وقال: سامحيني يا نور عيني، هما اللي جبروني اتجوزها، صدقيني حاولت بكل الطرق أفشكل الجوازة دي، لكن مكنش فيه مفر أبداً منها، حبيت يكون الرفض من ناحيتها بس هي وافقت وهتندم على ده
متخافيش يا سجي، مفيش صورة من صورك هتتشال ولا حاجة في البيت اللي انتي اخترتيه هيتغير، هي هنا مش أقل من خدامة لبنتنا بس
وكمل بعند: أما بقى حساب موافقتها على الجواز، فده هيكون عسير معايا أوي
نام على السرير وأخد المخدة اللي عليها صورة سجي في حضنه
بصلها كتير وباسها ونام وهو مهوس بيها