تحميل رواية «حماتي و ضرتي» PDF

أنا شوفت أمك وهي بتسرقك يا عصام وعملت نفسي نايمة.

أنتي مجنونة أمي أنا أسرقني؟ الظاهر إن اتسهلت معاكي كتير يا غادة وتصرفاتك بقت غريبة.

صدقني يا عصام، شوف فلوسك هتلاقيها ناقصة.

سبني وراح الشغل.

نفخت بضيق ودخلت أنام.

صحيت لقيت أمه أخدت مفتاح شقتي ومعاه قفل الثلاجة.

رايحة فين يا ماما؟

دي شقة ابني أدخل زي ما أنا عايزة وأخرج زي ما أحب، عندك مانع؟

أو أي دخلت الدولاب بتاعي وأخدت عباية ولبستها.

أي رأيك يا غادة حلوة عليا مش صح؟

بس دي بتاعتي يا ماما.

لا، كل حاجة في شقة ابني ملك ليا، ولا أنتي مش عاجبك؟

البيوت ليها حرمة، افرض أنا لابسة في بيتي لبس مينفعش تشوفيني بيه أو تدخلي عليا وأنا نايمة.

لقيتها اتعصبت وهجمت عليا ضربتني بقسوة، تحت عيني كان أزرق من الكدمات.

أخدت مفتاح شقتي وقالت بردح: أنتي مالكيش مكان وسطنا يا بت.

رمت في وشي عباية روحي عند أهلك وورقة طلاقك هتوصلك.

أخدت تلفوني برن على عصام.

رد بجمود: أنا في الشغل بترني ليه دلوقتي، مش فاضيلك يا غادة.

أمك طردتني من الشقة يا عصام وأخدت المفتاح وقفل التلاجة ورمت في وشي العباية وقالتلي بكرة ورقة طلاقك توصلك.

أنا مش مصدقك، دي أمي.

بقلك أي يا غادة، أمي عارفة ربنا كويس.

قفلت في وشه وقلت ودموعي نازلة: أنا كنت زيك مخدوعة فيها، وافقت عليك عشان فاكرها كويسة، طلعت منافقة دي وكأنها ضرتي في البيت.

روحت بيتنا حضنت أمي وعيطت بنهيار: أمه يا ماما.

مالك يا غادة أي حصلك بس أهدي.

طردتني بقميص على السلم ورمت العباية في وشي.

يلهوييييي.