والدها: هتمضيه امتى على الشركه؟
نيرمين بهمس: ممكن النهارده بس اصبر عليا عشان مش سهل امضيه على أي ورق، سلام بقا عشان ميسمعنيش.
قفلت مع والدها وخبت التلفون.
مصطفى اتصدم من اللي سمعه ووقف مكانه مش عارف يتحرك.
نيرمين خرجت ولما شافته اتوترت: مـ مصطفى انت هنا من امتى؟
مصطفى بصدمه: من وقت ما ضحكتي عليا واستغلتيني.
نيرمين بصدمه وخوف: مصطفى أنا!
قاطعها ضربه قويه من مصطفى وقعت على الأرض من شدتها.
مصطفى راح ماسكها من شعرها وقال: مكنتش اعرف أن بالساذاجه دي، ظلمت اكتر انسانه حبتني وكمان بعت امي عشانك، أنا فعلا كنت عميان، ليه عملتي كده لييييه؟
نيرمين بألم من مسكته وقالت بحقد: عشان ابوك خد حقنا كله وكان لازم ارجعه منكم، عشان بكر"هك وبكره امك، عشان امي مكانتش بتحبها، عشان انا مش بحبكم.
مصطفى سابها بصدمه: يعني لما جيتي قولتيلي انك بتحبيني كنتي بتمثلي عشان الانتقام؟ لما خلتيني اسيب مراتى كان عشان حق"دك؟ ولما طرد"تي امى قدامى وانا متكلمتش عشان بحبك، ده كله طلع كد"ب؟
نيرمين ضحكت بسخريه: هههه لاء انت مصدق نفسك، انت واحد وافقت أن أمك تطرد من بيتها، كتبتلي البيت بمزاجك وفى وعيك، مفكرتش حتى فى امك ومراتك، لما جريت ورايا اول ماقولتلك أن بحبك ومفكرتش انك متجوز حتى، انت الصراحه ند"ل وكنت تستاهل أن يتعمل معاك اكتر من كده.
مصطفى بغضب ضربها تاني وقال: انتي هتتحاسبى على كل الكدب ال عملتيه عليا، هخليكي تتمني المو"ت ومتلاقهوش، بس لما تخلفى ابنى الاول.
نيرمين ببرود: مش لما يكون فى ابنك اصلاً.
مصطفى بعدم فهم: قصدك ايه؟
نيرمين: قصدي أن أنا مش حامل وانت طلعت اه"بل واتضحك عليك.
سابته وجريت بعد ما قالت اخر كلامها وهو نزل جرى وراها وهو الشر يتطاير من عينه.
وفجأه وهي بتجرى ظهرت عربيه وخب"طت نيرمين وجريت، ونيرمين وقعت على الأرض وكان فى عربيه تانيه معديه دا"ست عليها.
مصطفى كان واقف مش مستوعب ال حصل والناس اتلمت وكان فى اصوات مابين حد يطلب الإسعاف، دي ما"تت، والخ من الكلام.
سجده كانت نازله على السلم بتدندن وقابلت قدامها أدم بابتسامه.
سجده باستغراب: دكتور أدم!!! ايه ال جابك؟
أدم بصدمه: يعني امشى بتطردينى؟
سجده بتوتر: لـ لاء والله مقصدش، انا بس استغربت.
أدم: ياستى انا جاي اطمن على الحاجه كريمه وأشوف صحتها.
سجده: وعرفت العنوان منين؟
أدم: هـ هو محضر اسألتك كتير اوووي.
سجده باحراج: اها اسفه، اتفضل فى الدور التاني الشقه ال على اليمين.
أدم بابتسامه: وانتي مش طالعه؟
سجده: لاء انا نازله، عن اذنك.
سابته ونزلت وهو قال بتعب: تعبتينى ياغلباويه.
طلع عند حوريه والدتها وكريمه وبالفعل كشف على كريمه وقالهم أنها اتحسنت.
أدم: احم، كنت عايز اتكلم فى موضوع كده بس محرج.
حوريه: لاء يابني مفيش احراج اتفضل طبعاً.
كريمه: اتفضل يابني.
أدم: .........