رواية حكاية التلات بنات الفصل الثاني عشر 12 - بقلم ملك أسامة

ريام بابتسامة: أعرفكم نور الهواري، أخو نورين التوأم. الكل بصدمة ما عدا سمية: إيه؟! نور: ممكن أنا أفهمهم؟ ريام: أكيد. نور قعد، والكل قعد قدامه عشان يفهم. نور: زمان أنا اتخطفت من الحضانة، فاكرة يا نورين؟

اتخطفت وبعد كدا اللي خطفوني حطوني في ملجأ. وحازم الهواري جه واتبنى، وبقيت ابنه نور الهواري. لما كبرت قولت إني لازم أدور على أهلي، وبابا ساعدني في كدا. ولقينا ماما وشوفت ريماس و بسمة بس في السر. وشوفتك يا نورين لما كنا في المستشفى، لكن مكنتش أعرف إنك أختي. نورين بعياط: يعني انت أخويا؟ نور: آه. ريماس: أحضنك عادي؟ نور: أكيد.

جروا التلات بنات عليه وحضنوه. كان الكل مصدومين، لكن تداركوا الموقف وسلّموا على نور واحتفلوا احتفال كبير. بالليل. التلات بنات، كل واحدة واقفة مع حبيبها قدام عربيته. آدم: نورين، ابقي فكريني أقولك حاجة بكرة. نورين: لااااع بالله، أوعى تقول هتقتلني. آدم: هههه، لا، القتل دا لسه بدري عليه. يلا سلام يا نوري. وركب عربيته ومشي. نور من فوق: مش يلااا ولا إيه؟ مالك: أخوكي دا رذل وربنا. ريماس: ولااا، متشتمش أخويا هااا.

مالك: غوري يابت، اطلعي فوق. ريماس ضحكت وطلعت، وراها بسمة ونورين. ووليد ومالك روحوا. ريام أصرت إن نور يبات معاهم، وهو وافق. والبنات قالوله إنه هيسهر معاهم، وطبعًا وافق. فضلوا طول الليل الأربعة يحكوا عن حياتهم لحد ما تعبوا وناموا. صحت نورين تاني يوم، أدت فرضها، ولبست ونزلت. وصلت المديرية ونزلت. كان الكل بيرحب بيها وفرحانين برجوعها جدًا. دخلت عند اللواء وطلعت. دخلت لفريقها اللي كانوا عاملين احتفال خاص ليها.

الاحتفال خلص، وآدم خدها وطلعوا. آدم: بحبك. نورين: إيه دااا، إيه دااا، في حد يخض حد كدا، مش عيب؟ آدم ضرب على مقدمة رأسه بخفة وقال: عيب صح، المفروض أخضك علطول وأقول بحبك وبموت فيكي وهتجوزك. نورين بضحك: ولااا، ابعد عني. آدم شدها وقربها ليه وقال: لو مبعدتش. نورين: هنادي الفرقة كلها وأعملك فضيحة. آدم: بتحبيني؟ نورين: احمم، أنا، أستغفر الله، يابني عيب كدااا. آدم: بتحبيني وهتجوزك. وباسها من خدها.

ودخل. نورين أول ما دخلت فضلت تنط من الفرحة. (ما محبة إلا بعد عداوة، حقيقي يا رجاااله😂) ودخلت وراه. في كلية بسمة. بسمة سمعت بنتين بيتكلموا على وليد. الأولى: مززز مززز يعني. التانية: يابخت حبيبته بيه. كان فيه قدام البنتين إزازتين بيبسي. بسمة مالت برأسها وكبتهم عليهم. وليد: إيه اللي بيحصل دا!!! الأولى: يا دكتور، دي بسمة الغبية. بسمة: أوبس، من غير قصد والله يا حبيبتي. التانية: لا يا دكتور، قصدها.

وليد: برا أنتوا الاتنين يلا. البنتين طلعوا وهما بيبصوا لبسمة بشر. خلصت المحاضرة، وبسمة طلعت. لاقت اللي بيشدها، وكان وليد. بسمة: إيه دا، أنت بقيت تخطف أطفال ولا إيه؟ وليد: شششش، فاكراني مشوفتش اللي عملتيه. بسمة بدلع: شوفت إيه يا ليدوو؟ وليد: ليدوو، لا، أنا كدا هتهور. بسمة ضربته بإيدها وزقته ومشيت. وليد: عليا الطلاااق مجنونة أنتي يااا بت. في شركة مالك. ريماس: ماااااااااالك. مالك مسك

الملف وحدفه عليها وقال: حرام عليكي، هتقطعيلي الخلف قبل الجواز حتي. ريماس: حبيبي حبيبي. ووطت جابت الملف وحدفته على مالك. مالك برفعة حاجب: شكلك عايزة تتأدبي صح!!! مالك قام وبدأ يجري وراها في المكتب كله، وهي بتجري وبتضحك. مالك: مسكتك. ريماس: مااالك ابعد. مالك: قولولي بحبك. ريماس: لااا، مش قايلة، ابعد بقي. مالك: لاا، مش هبعد. ريماس: بحبك ياسيدي، ابعد بقي. وزقته وقامت.

ريماس ونورين اتخطبوا، و بسمة عملت خطوبة تاني معاهم. وعاشوا شهرين في سعادة وسط حبايبهم، لكن أكيد في خناق. يوم الفرح. في أوضة البنات. التلات بنات بيجهزوا. ونورين بتغني: حبيت وأخيرًا جاني اللي سنين اتمنيته، دعوة وربنا جابها لي، بعلن للناس حبيته. ريماس: يااااه، بقيت ويااااه ويااااه، دي أحلى حياة. بسمة: دا قالهالي حبيبي، قالهالي، وبقي بالنسبالي بكل الناااس. سمية وريام بيضحكوا وفرحانين على فرحتهم.

التجهيزات خلصت، والعرسان خلصوا. لكن آدم لحد دلوقتي مجاش من المديرية. نورين: آدم اتأخر ليه؟ هو قال رايح المديرية وجاي علطول. ريماس بتحاول تهديها: أهدى يا نورين، أكيد جاي. ماما. مالك اتصل. ريام: موبايل آدم مغلق. نورين: أنا كنت حاسة، أنا كنت حاسة. نور حضن أخته وحاول يهديها، وهو خايف أكتر منها. وليد جاي بيجري وبيقول: آدم. وليد: آدم جه، يلا بسرعة. نورين حمدت ربها. ودخلوا التلات بنات الأوضة عشان نور يسلمهم للعرسان.

نور دخل بعدهم بدقايق، وأخد نورين وسلّمها وطلع. أخد بسمة. ريماس: إيه يا عمنااا، وأنا!! نور: لااا، أنتي تستني بقي، عشان عريسك مش طايقه أصلا. ريماس: إلاه؟؟ نور برق، وأخد بسمة وطلع. وفضل مدة برا، وبعد وقت دخل بعد إلحاح شديد من ريهام ومالك، وأخد ريماس. وفضل يلف بيها ويحضنها، مش عايز يديها لمالك. مالك وهو بيمسح وشه: أموته دا يعني ولا إيه؟؟ ريام بضحك: معلش يابني. مالك قرب منه وشد ريماس ومشي. ونور وراهم متنرفز.

العرسان بيرقصوا والفرحة مالية المكان. نور لمح بنت قاعدة لوحدها. قرب منها. نور: تسمحيلي! مستناش الرد وشدها وبدأوا يرقصوا مع الباقي. نورين: حبيبتي افتحي شباكك، أنا جيت. آدم: أنا واقف تحت البيت. مالك وهو بيلف ريماس: مش هعمل زيطة و سيط. وليد وهو بيحضن بسمة: وحشتينيييي. طبعًا كان لكل عريس فقرة. والتلاته غنوا للبنات. ريام بابتسامة: الحمدالله. وبصت عليهم نظرة رضا، وانضمت ليهم في الرقص.