تحميل رواية «حبيت مشاغبه» PDF

تبدأ الرواية ببنت اسمها حور، وهي رايحة الشغل.

تركب حور عربيتها مع صاحبتها، وهما ماشيين بالعربية ومشغلين عمرو دياب وعمالين يغنوا معاه: "وياه الحياة تحلى ونا معاه، هوا ده اللي أنا بتمناه، واللي عيني شايفاه أحلى".

وفجأة، وهي بتغني، تخبط عربية. ينزل من العربية التانية شاب وسيم جداً.

الشاب: مش تفتحى انتي عامية؟

حور: أنا اللي عامية، والله أنت واحد مهزء.

الشاب: متحترمي نفسك يا بت أنتِ، وأنتِ عاملة زي القنفذ كده.

حور: أنا اللي زي القنفذ، يا اللي شبه سلاكة السنان.

الشاب: أنا... طب وريني بقى هتصالحي اللي عملتيه ده إزاي.

حور: أصلح إيه يا روح ماما؟ أنت غلطان وبتتكلم.

الشاب: روح ماما؟ غورى يا بت أنتِ من وشي بدل ما أرتكب جناية دلوقتي.

لينا: خلاص يا حور بقى، يلا عشان تلحقي الشغل بقى، يلا وفكك منه.

حور: استني أما أشوف المهزء ده... وريني آخرك يااض.

الشاب: يااض.

راحت حور سابته ومشيت، وقامت دايسة على رجله.

الشاب: آه ه ه ه ه، رجلي، آه يا بنت المجنونة.

حور: عشان تعرف بعد كده أنت بتكلم مين.

وسابته ومشيت هي ولينا، وهي ماشية بتقوله:

حور: تعيش وتاخد غيرها.

الشاب: يا بنت الـ...

لينا: يا بنتي حرام عليكي اللي عملتيه في الراجل ده.

حور: حرام إيه يا شيخة، ده عامل شبه سلاكة السنان.

لينا: طب يا أختي، يلا، نزليني هنا يلا.

حور: ماشي، باي يا حب.

وتكمل حور طريقها إلى المقابلة. توصل حور الشركة.

حور: أدخل ولا لا؟

السكرتيرة: لا، ثواني، فيه واحدة جوه وزمانها خارجة.

حور: خلاص، ماشي.

وبعد مرور 15 دقيقة.

السكرتيرة: اتفضلي يا آنسة حور.

حور: خلاص، ماشي، شكراً.

وتدخل وتلاقي المدير قدامها. المدير وهو لسه بيقول "اتفضلي يا آنسة"، وحور لسه بتقول "شكراً"، تبص تلاقي الشاب اللي هزقته ومرمطت بكرامته الأرض.

مستر يوسف وهو يقف بعصبية: هو أنتِ.

حور بصدمة: يا لهوي، سلاكة السنان.

اى بتقولى اى.

حور وهيا بتبلع ريأها.

حور:انا انا انا.

يوسف:هوا اى اللى انا انا انا انتى اى.

حور:هوا انت المدير؟

يوسف:اه ياختى المدير.

حور:الحمدلله اترفدت قبل ما اتوظف. اما امشي احسن بكرامتى بدل ماخرج من غيرها. سلامو عليكوا.

يوسف:خدى يابت انتى اترزعى هنا.

حور:بتا اما تبك هوا انا جاية اشحت منك.

يوسف:اشحت منك؟

حور بتوتر:قصدى انا .....انا ماشية.

يوسف بحزم:قولتلك اقعدى هنا احسنلك.

وبدء يفتح السي فى بتاعها ولاقاها مؤهلة جداا للشغلانة واضطر انو يوظفها لانها هتنفعه اووى فى الشغل.

يوسف بصوت عااالى وبينده على السكرتيرة:مناااااااااه.

منه(السكرتيرة):نعم يا مستر يوسف.

يوسف:خدى الاستاذة فهيميها الشغل.

حور بفرحه:اى ...وحيات امك انا اتقبلت قول.

يوسف بضحكه خافتة:وحيات امى اتقبلتى وياريت تغورى قصدى تروحى تشوفى شغلك يااا...

حور:اى نسيت تبص على الاسم. اسمى حور.

يوسف:اسمك حور... ولله الاسم مظلوم بجد.

حور:نينينينينيني.

يوسف:يامصبر الوحش على الجحش خوديها من قدامى يامنه بسرعة بدل مارفدها.

حور:لا وعلى اى انا خارجه اهو ياخويا.

السكرتيرة:بصى ياحور انتى دلوقتى هتبقى السكرتيرة مكانى عشان انا هروح الفرع الجديد بتاع الشركه ف انا هفهمك الشغل كويس وخلى بالك ومتغلطيش اى غلطه عشان مستر يوسف عصبي جداا.

حور:ربنا يستر.

وبعد شوية.

يوسف:حوررررررررر.

حور جاية تدخل كان هوا خارج فتقوم فاتحه الباب على وشه.

يوسف:اه ه ه انتى اى ياشيخه اى غورى يالا اعمليلى فنجان قهوة وهاتيهولى بسرعة.

حور تخاف من منظرة.

حور:حاضر حاضر بس متزعقش.

يوسف بعصبية:انتى هتتنكى غورررى.

حور تجرى:حاضر حاضر.

وتعمل حور القهوة وتدخل.

يوسف:حطى القهوة هنا واخرجى.

حور:ماشي.

وهيا بتحط القهوة تتلعبك فى الكرسي فتقوم مدلوقه على الورق بتاع يوسف وعلى هدومة.

يوسف:يح يح .....انتى ولله العظيم واحدة متخلفة حد يمسك القهوة كده انتى جاية تقضي عليا يابت انتى هاااا انا غلطان انى وظفت واحدة زيك كده.

حور وهيا بتعيط:انا مسمحلكش تقولى كده انت فاهم.

وتجرى وهيا بتعيط وتاخد شنطتها وتمشي.

ويدخل يوسف يمسح التيشرت بتاع البدلة وينزل وياخد عربيتة ويمشي.

وتكون حور برضو ماشية فى الطريق ف العربية بتاعتها تعطل فى طريق مقطوع كده.

حور:هوا ده وقتك انتى كمان تعطلى هيا ناقصاكى اووف بقاا.

ويكون فى شاب شبه سكران هو واصحابة.

الشاب١:مالك بس ياجميل زعلان لى.

حور:وانت مال اهلك.

الشاب٢:تؤتؤ كده عيب. تعالى بس تعالى اوصلك.

حور:اجى فين يا كلب انت وهوا هااا.

الشاب٣:لا ده لسانها طويل بس قمر اوووى قوموا يلا نجيبها.

حور:تجيبو مين يالا انت وهوا غور ياض.

ويبدؤا يقربوا عليها وهيا تقوم تجرى وتصرخ:يا ناس حد يلحقنى ياناس.

وبالصدفة يكون يوسف ماشي من نفس الطريق ويشوفهم.

يجى الشاب١يمسك حور:تعالى بس رايحه فين.

حور:سيبنى يا حيوان.

يوسف:قالتلك سيبها ياحيوان.

حور:مستر يوسف.

الشاب٢:طب مانتى حلوة اهو اومال مش راضية تيجى معانا لى.

يقوم لسه مكملش كلامة ويقوم يوسف عطيله لكمية فى وشه ويبدء بقااا يضرب فيهم كلهم لغاية لما يهربوا منه.

يوسف:انتى كويسة.

حور:وانت مالك.

يوسف:تصدقى ان انا غلطان.

حور:ايوة غلطان.

يوسف:طب اركبى.

حور:اركب فين ياض انت.

يوسف:ياض...هوا انا بقولك تعالى اما افسحك تعالى اوصلك ولا عايزة حد تانى يجى يضايقك.

حور:.........

يوسف:انتى لسه هتفكرى خلاص براحتك.

حور:لا لا استنى مش رجولة انك تسيب بنت فى الشارع كده لوحدها.

يوسف:انتى مجنونة ولله.. مش انتى اللى مش راضية يابنتى.

حور:اه صح ده اى الغباء ده.

يوسف:كويس انك اعترفتى بكده.

وتركب حور وتلاقى يوسف شغل الاغنية اللى هيا بتحبها.

حور وهيا بتغنى بصوت شبه عالى:وياااااااك الحياة تحلى ونا معاك هوا ده اللى انا بتمانااه وللى عينى شايفاه احلى.

يوسف:يابنتى اهدى شوية دماغى صدعت.

حور:لا بقااا عند عمور متقوليش اهدى وكفايه اللى عملتو معايا انهاردة كنت عامل زى الباجور اللى بيهب فى وش الواحد.

يوسف:بااجور اى يابنتى هوا لسانك ده مفيش فيه فلتر خاالص هااا...وعلى العموم ياستى انا اسف.

حور:اسفك مرفوض يسطا.

يوسف:نعم.

حور:قصدى اسفك مرفوض يامستر.

يوسف:

حور بتكلم نفسها:يخربيت ضحكت امك..قمر.

يوسف:بتقولى اى.

حور:انا.

يوسف:لا امى.

حور:لا بقول انك سم.

يوسف:يارب صبرنى يارب على البلوة دى..انتى مش ناوية تتلمى.

حور:لى شايفنى متبعثرة.

يوسف:اما اسكتبدل ماتزعلى من اللى هقوله.

حور:لا قول مبزعلش ولا اقولك انا اللى هقول.. بقوليوسف:اممم.

حور:قول شاكوش.

يوسف:لى.

حور:قول بس.

يوسف:اما نشوف ..شاكوش.

حور بضحك:شعرك منكوش.

يوسف:دمك سم....طب اقولك قولى نون.

حور:يالا يا مجنون..ولله انا عسل ودمى سكر خدى بوسه بقاا يا حرحور عشان دمك العسل ده.

يوسف:ولله هبلة والله هبلة والمصحف انا مركب واحده خارجه من العباسية حالا.

حور:يالهوى.

رواية حبيت مشاغبه الفصل الثالث 3

الفصل الثالث👈 من رواية(حبيت مشاغبة).

يوسف بخضة :اى فى اى تاني.

حور:أرجع بسرعة .

يوسف: لى بقاا ان شاء الله.

حور:نسيت ساندويتش السلمون فى العربية.

يوسف بنظرة استغراب مصطنع:لا ولله.

حور بحزن :اه ولله ..ارجع بقاا عشان هموت من الجوع.

يوسف بعصبية:انتي مجنونة أرجع فين فى المكان المقطوع ده لما يطلع علينا بلطجية .

حور بابتسامة:خلاص روح عشان ناكل فى اى حته...اقولك فى راجل بتاع كبدة وسجق لسه شيفاه تعالى نروح ناكل عنده.

يوسف :كبدة وسجق

حور ببراءة ثم نبرتها تتحول لتحذير:اه كبدة وسجق يالا بقاا بدل متعشي بيك انت انا بحذرك اهو.

يوسف بخوف مصطنع:لا يختى انا لسه صغير وعايز اتهنى بشبابى يالا ياختى يالا .

حور:ايوة كده.

يوسف بيكلم نفسة ويقول:يارب انا عملت اى بس عشان يحصل فيا كده واتلبس فى البلوة دى.

حور :نعم بتقول اى.

يوسف:لا ولا حاجه بقوى عايزة كام سندوتش .

حور:لا حاجه بسيطه كده هما ١٠ كبدة و٥سجق عشان مبحبوش اووووى.

يوسف بإستغراب:لى هوا فى حد جاى يقعد معانا ولا اى.

حور:لا دول ليا انا بس شوف انت بقاا هتطلب اى.

يوسف:نعمممممم ليكى انتى بس ..هتاكلى ١٥ سندوتش لوحدك يا مفترية.

حور:ايه ياعم قول ماشاء الله .

يوسف وهوا يجز ع اسنانة:ماشاء الله ؟

حور بتقول لبتاع العربية:يلا يابرنس انا جوعت.

الراجل:حاضر يا انسة جاى اهو ...اتفضلى.

حور:تسلم ايدك.

يوسف:هوا انتى متأكده انك خريجه ألسن.

حور:اه ليك شك.

يوسف:لا خااالص ...كلى ياختى كلى اجيبلك ٢لتربيبسي عشان تهضمى بالمرة.

حور:اه ياريت بس بلاش بييسى خليها سفن اب عشان عمله رجيم.

يوسف:لا والله الرحمه ياااارب.

✋باااس ننهي البارت هنا انا عارفة انه بااارت صغنتوت شوية بس احسن من مفيش عشان بس الواحد مشغول شويتين اليوم اتمنى لكم قراءة ممتعة❤

•تابع الفصل التالي "" اضغط على اسم الرواية

رواية حبيت مشاغبه الفصل الرابع 4

الفصل الرابع👈رواية(حبيت مشاغبة).

حور:كل كل ونت ساكت كل.

يوسف:حاضر.

وبعد شوية

حور:شكرا اوووى يامستر يوسف.

يوسف:انتى خليتى فيها مستر.

حور:خلاص بقاا مش احنا بقينة اصحاب ولا اى.

يوسف:طبعا طبعا...يالا اركبى عشان اوصلك ولا لسه عايزة تحلي لسه.

حور:لا لا كفايا كده بدل ما الديت يبوظ.

يوسف بغيظ:هوا كل ده ومبظش اركبى وانتى ساكتة عشان متجلطش منك.

حور:حاضر .

وبعد مرور ربع ساعة.

حور:بااااس هنا ...شكرا يازميكس ولله تعبتك معايا.

يوسف:زميكس...ماشي ياستى شكرا.

وتروح حور بيتها .

مامت حور:اى يااستاذة كنتى فين لغاية دلوقت.

حور:مفيش ياست الكل كل اللى حصل...........................................................وحكت اها اللى حصل كله.

مامت حور:طب ولله كتر الف خيره الراجل وحرام عليكى اللى عملتيه فيه برضو .

حور:اى يا حجه يعنى بعد اللى قولتهولك ده وتقوليلى حرام عليكى ده كان اقل واجب بعد اللى عمله معايا منكرش انه اتظبط فى اخر اليوم بس ده اكيد كان ضميره بيأنبه على اللى عمله معايا الصبح.

مامت حور:عمرك ما هتتغيرى.

حور:ولله انا حاسه انك لقيانى على باب جامع لآنى لو بنتك كنتى دافعتى عنى.

مامت حور:مصطفى قوم ناولنى الشبشب ده لى بنت الجزمه اللى مش ناوية تتلم دى.

حور:لا استنى شبشب اى ...داحنا بنضحكوا معاك بلاش يعنى.

مامت حور:ايوة كده اتعدلى .

حور:ماشي بقا انا داخله اريح شوية عشان استلقى وعدى بكره لان مديرى شكله بيتحول الصبح بس.

مامت حور بضحك:ماشي يا لمضه يالا تصبحى على خير.

حور بإبتسامة:ونتى من اهله خير.

بعد مدخلت فونها رن .

حور:الو.

لينا:الو يازفته مكلمتنيش لي من الصبح.

حور:اسكتى انتى عرفتى اى اللى حصل انهاردة.

لينا:اشجينى ياختى.

حور:عارفه المدير طلع مين.

لينا:مين.

حور:سلاكه السنان.

لينا:متقوليش ...هوا ده اللى مرمطى بكرامته الارض الصبح.

حور:ايوة.

لينا:لا بقااا رسينى على الموضوع كده من الاول لان فهمى على قدى.

حور:ماشي ياستى كل اللى حصل ........................................................وحكت لها على كل اللى حصل.

لينا:واطيه.

حور:انا لي بقاا ان شاء الله.

لينا:بقا تاكلى لوحدك١٥ سندوتش ومتشيليش لصاحبتك الوحيدة المسكينة حتى سندوتش واحد.

حور بضحك :ديما كده همك على بطنك ...انا بقول اى وهيا بتقول اى يارب طب اعمل فيكى اى بس.

لينا:لا متعمليش خلاص..طب انتى هتروحى الشغل.

حور:ايوة بس بصراحه خايفه لانه بيبقى الصبح غير باليل خالص والمشكله انى انا شغلى كله الصبح .

لينا:خلاص بقاا هتعملى اى يعنى .

حور:طب غورى بقاا عشان اتخمد.

لينا:ولله انتى بحالات شبه مديرك ده جتك القرف يالا روحى اتخمدى ياختى.

حور:يالا بااى.

حور بتكلم نفسها:بكره ربنا يستر بس لو غلط الواد ده معايا مش هسكتلو بس تصدقى يابت ياحور ان ضحكته قمر اووى وانا بضعف...يالهوى اى اللى انا بقوله ده يارب سامحنى انا حاسه انى هتسخط قرد دلوقتى اما اقوم اصلى ركعتين الله يسمحك يا يوسف خليتنى اخد ذنوب على المسا ياشيخ وبكره رمضان.

وتصحى الصبح الساعه٨:٠٠ص وتقوم تغير هدومها وتصلى وتنزل على شغلها وتكون الساعه ٩:٣٠ كده

وتروح الشركه تلاقى مستر يوسف عينه قايده نااار

حور :ان لله وان اليه راجعون .

يوسف:انتى فين كل ده يا استاذة فى حد يجى شغله الساعه ٩:٣٠ هااا وفى حاجات قد كده عايزة تظبط فى الشغل.

حور:انت بتكلمنى انا.

يوسف:لا بكلم امى ...هيا مش ناقصه غبائك ده على الصبح روحى يالا خدى الورق من خالد من المكتب وابدئى شوفى شغلك.

حور:هيا مين دى اللى غبيه يااض .

يوسف:افندم ياختى.

حور:قصدى هوا فين خالد.

يوسف:روحى شوفيه انتى ولا اجى اوصل حضرتك كمان.

حور:معنديش مانع.

يوسف:حور😤غورى من وشي.

وحور وهيا بتجرى وبتقول:ياما هايكلنى.

وهيا بتجرى تخبط فى خالد ويقوم ماسكها .

وبعدين ....

عايزين تعرفوا اى اللى هيحصل هنعرف ده ان شاء الله فى الفصل الخامس لايك بقاا وكومنت فيه رأيكوا.

بقلمي :هاجر إبراهيم.

•تابع الفصل التالي "" اضغط على اسم الرواية

بدء الفصل بخالد لما مسك حور وهيا جايه تقع.

حور: اى يا أعمى مش تفتح، وايدك دي لو جيت جمبي تاني هقطعهالك، انت فاهم ياض.

خالد: ياض.. انت مين يابت انتي، وازاي تكلميني بالأسلوب البيئة ده.

حور: ولا أنا مش عايزة أتهور، وهيا مين اللي بت انت ياض، هااا، والبيئة دي تبقى خالتك. استغفر الله العظيم، اللهم إني صايمة.

يأتي يوسف من وراها ويقول: كل ده وصايمة، اومال لو فاطرة بقا كنتي هتعملي إيه، كنتي لفيتيه في سندوتش وكالتيه.

خالد: مين دي يايوسف.

يوسف: دي ياخويا بعيد عنك السكرتيرة الجديدة، وانتِ يا أستاذة حور ده خالد ابن عمي اللي قولتلك هاتِ الورق منه.

حور: مين ابن عمك، هوا.. يالهوي أنا، ولله أنا أنا.

يوسف: هتقفي تأئني هنا ولا إيه، يالا روحي شوفي شغلك.

حور: حاضر.

خالد: حلوة أوي اسم حور ده.

يوسف: وانت مالك حلو ولا لأ، أنا مرضتش أحرجك قدام حد، فكفايا شغلك اللي عمال يخسر في الشركة.

خالد: وانت بقا المايسترو اللي مبيعملش حاجة.

يوسف: خالد اتفضل اطلع بره عشان منفعلش عليك.

خالد: بس..

ولسه خالد مكملش كلامه، يوسف بزعيق: اطلع بره.

خالد بص ليه بصه انتقام وقال في سره: اتسم ونا ولله لوريك، ولو مخليتكش تشحت من الشارع ميبقاش أنا خالد.

وينده يوسف على حور: حورررررر.

وتقوم حور من على مكتبها مفزوعة وبتبلع ريقها.

حور: نعم يا مستر يوسف.

يوسف: الورق ده مكملش لي لغاية دلوقتي.

حور: حاضر، ٥ دقائق وهيبقى عندك.

وبعدها حور بتخرج، وخالد بيروح وراها لمكتبها.

خالد: ازيك يا أنسة حور.

حور: بخير.

خالد: أنا آسف على اللي حصل من شوية.

حور: لا عادي مفيش حاجة.

خالد: لا أنا حاسس إنك لسه زعلانة.

حور: لا مش زعلانة خلاص.

خالد: طب لو زي مابتقولي تقبلي عزومتي النهاردة ليكي على الفطار.

ويمسك إيدها.

حور: لأ بقا بقولك إيه، مش عشان ساكتالك يبقى تسوق فيها، هوا انت فاكرني من البنات أياهم الصيع اللي تعرفوهم، لا يابابا فوق، دنا حور واللي ميعرفش حور أعرفه أنا.

يدخل يوسف على صوت حور وبيقول: في إيه.

حور: الأستاذ ده جاي يعزمني على الفطار، هوا فاكر نفسه مين، وأنا أعرفه منين عشان يجي يكلمني أصلا ويمسك إيدي.

يوسف: الكلام ده صح.

خالد: وانت مالك.

حور: شكل تربيتك باينة أوي، وإيدك دي هقطعهالك انت فاهم.

خالد: لا بقا يابت انتي، انتي زودتيها أوي.

ولسه جاي يضربها بالقلم، يوسف يمسك إيده ويقول: هوا انت اتجننت ولا إيه، إزاي بترفع إيدك عليها قدامي هاا، يالا اخرج بره يالا، بره يالا غور من وشي.

وهوا بيزق خالد.

خالد: طب ولله لندمك يا يوسف على اللي عملته ده.

ويمشي خالد.

وبعدين يوسف يقول لها: أنا آسف ياحور على اللي حصل.

حور: لا يا مستر متعتذرش، وانت ذنبك إيه يعني، هوا اللي شكله ناقص تربية.

يوسف: أفندم.

حور: قصدي خلاص مفيش حاجة.

وبعدين يأذن أذان المغرب.

حور: إيه ده، هوا ده المغرب، ده الوقت جرى بسرعة ونسيت أجيب فطار.

يوسف: خلاص ياستي تعالي وأنا أفطرك النهاردة.

حور: أيوه بقا، أنا بقول برضو إنك كريم بلليل.

يوسف: نعم.

حور: قصدي يالا عشان أنا جوعت أوي.

يوسف: طب يالا قدامي على العربية.

حور: ماشي.

ويركبوا العربية ويتجهوا للمطعم.

الجرسون: اتفضل يا فندم، حضرتك تطلب إيه.

يوسف: طب ثواني بس هشوف.

وبيسأل حور: هاا تاكلي إيه.

حور بتقول للجرسون: لوسمحت هوا فين المنيو.

الجرسون: آهو اتفضلي.

حور: بص بقا ياباشا أنا عايزة جوزين حمام حلوين كده وطبق محشي مشكل وورق عنب هاا أوعى تنساه، وفراخ مشوية وكفتة وبيبسي وسلطة وماية سلطة عشان بحبها أوي و.

يوسف يقطع كلامها: وإيه تاني، حرام عليكي إيه كل ده، ده مفيش غيري أنا وانتي بس، بكده هفلس.

حور: يعني إيه بقا، أنا جعانة وصايمة ولازم أتغذى.

يوسف: تتغذى، ماشي ياختي هات يا كابتن اللي قالتلك عليه وربنا يستر بقا.

حور: أيوه كده.

وبعد ما الأكل يجي.

يوسف: اللهم إني صمت وعلى رزقك أفطرت.

وتفضل حور باصة ليه وهوا بيتكلم.

يوسف: إيه مش ناوية تاكلي ولا إيه، هتفضلي متنحة كده كتير، دنا مكلف هاا.

حور: هاااا، حاضر يا عم حاضر.

يوسف: يا عم، كلي كلي وانتِ ساكتة بدل ما أقلب عليكي.

حور: لا يا عم، وأي لازمته، هاكل أهو.

يوسف: 😂.

حور: جتك القرف في ضحكتك القمر.

يوسف: نعم.

حور: لا ولا حاجة، بقول بسم الله.

يوسف وهوا بيضحك: 😂 آه بحسب.

ويخلصوا فطار وهما خارجين من المطعم، خالد ياخد ليهم صور وبعدين يروحلهم ويقول: إيه مانتي حلوة أهو، اومال فين اللي كانت بتقول انت فاكرني صايعة، فعلاً واضح أوي من كلامك.

وبعدين يوسف يقول.. في الفصل السادس هنعرف إيه اللي هيحصل.

بدأ يوسف وهو يمسك خالد من الياقة ويقول:

"إيه ده، انت شايفها ست واقفة معاها ولا إيه يا واد انت؟ لما تتكلم مع حد اتكلم معاه باحترام، لإما اقفل بقك ده، انت فاهم؟ لإما هتزعل وهتزعل أوي كمان."

خالد:

"إيه ده؟ هو انت بتهددني؟ عينك عينك كده في الشارع؟ طب تمام أوي كده، استلقى وعدك بقى يا بطل انت والقطة اللي معاك."

يوسف:

"غور يلا."

حور:

"خلاص يا يوسف بقى، خلاص."

وبعدها بشوية، ركب حور ويوسف العربية عشان يوصل حور. وظهر خالد وهو يتكلم في الفون ويقول:

"نفذ وابعت."

وقفل الفون مع الشخص ويقول:

"استلقى وعدك بقى يا آنسة حور."

وصلت حور إلى المنطقة اللي عايشة فيها وتقول:

"شكراً أوي يا يوسف على اللي عملته معايا، بجد شكراً."

يوسف:

"انتي بتشكريني على إيه؟ ده واجب أي واحد يشوف مهزأ بيضايق بنت."

حور:

"أنا آسفة بجد على اللي حصل، آسفة إني خليتك تتخانق مع ابن عمك."

يوسف:

"لا، انتي فاكرة إني اتخانقت معاه بسببك؟ أنا وخالد بينا مشاكل كتير من صغرنا، فماتشيليش نفسك ذنب، انتي أصلاً في غنى عنه."

حور:

"خلاص ماشي، شكراً، يلا باي."

يوسف:

"باي."

وطلعت حور لشقتها، وتلاقي أخوها مصطفى بيفتح الباب ليها وعينه بتدق شرار.

مصطفى:

"ما بدرى يا ست هانم."

حور:

"إيه في إيه يا مصطفى؟"

مصطفى:

"فيه إيه؟ لما ألاقي أختي ماشية صايعة مع واحد غريب وكمان بيوصلها لحد البيت، وتقوليلي فيه إيه؟ يا بجاحتك يا شيخة."

حور:

"انت إزاي بتتكلم معايا كده وإزاي تفكر كده فيا؟ ها؟ ده مستر يوسف مديري في الشركة."

مصطفى بغضب:

"وهوا مستر يوسف ده مديرك في الشغل ولا في الشارع كمان؟ ها؟ وإيه اللي يخلي موظفة تروح تتمشى مع مديرها في المطاعم؟"

حور بزعيق:

"أنا ما اسمحلكش."

مصطفى يقوم ضاربها على وشها بالقلم ويقول:

"انتي شكلك عايزة تتربي من أول وجديد."

تقوم حور طالعة تجري على أوضتها وهي بتعيط.

مامت حور:

"خلاص يا ولاد، فيه إيه؟ استهدى بالله يا مصطفى، بس فيه إيه؟"

مصطفى:

"فيه إن بنتك صايعة في الشارع مع مديرها، وفيه حد مصورها وباعت الصور ليا... شوفي الهانم وهي منشكحة في الشارع مع واحد غريب، الناس تقول علينا إيه؟ بنتك دي عايزة تتربي من أول وجديد، شكلها كده."

تقوم أمه بغضب ضرباه على وشه وتقول:

"قصدك إن أختك مش متربية يا قليل الأدب؟ ها؟"

مصطفى بعصبية:

"من هنا ورايح مفيش شغل ولا زفت، ماشي."

ويقوم مصطفى نازل الشارع.

وتدخل مامت حور لحور وتقعد تواسيها.

حور بعياط:

"أنا عملت إيه يا ماما لكل ده؟ كل اللي حصل..."

وقالت لها على كل اللي حصل.

مامت حور:

"خلاص يا حور، بطلي عياط، أخوكي اتنرفز بس من الصور، شوية وهيهدى، خلاص بقى."

حور:

"خلاص يا ماما، سيبيني لوحدي شوية."

مامت حور:

"ماشي يا بنتي، ربنا يهديكم يا ولاد بطني يا رب."

وتخرج مامت حور تلاقي مصطفى جاه من تحت، وتدخل أوضته وتقوله على كل حاجة وتقول:

"قوم يا حبيبي صالح أختك، ربنا يهديك، وبعد كده يا مصطفى متحكمش ع أختك من غير ما تعرف اللي حصل، ها؟ يلا يا حبيبي قوم، ربنا يهديكم لبعض."

مصطفى:

"ماشي يا أمي."

ويدخل لحور الأوضة.

مصطفى:

"حور... أنا آسف إني اتعصبت عليكي شوية، معلش، المفروض كنتي تفهميني الموضوع."

حور ببراءة:

"أسفك مش مقبول غير بشرط."

مصطفى:

"كمان هتتشرطي؟ قوللي يا أختي شرطك، قوللي."

حور:

"تنزل تجيب ليا واحد شاورما لحمة وواحد كريب وبيبسي وتيجي."

مصطفى:

"كل ده؟ بنتِك ناوية تفلسني يا حجة، بس أعمل إيه؟ مقدرش أزعلها... حاضر يا ستي، بس أنا كمان عندي شرط."

حور:

"اشرط يا خويا، اشرط."

مصطفى:

"معدتيش تروحي الشغل ده تاني، لإما مفيش شاورما ولا كريب."

حور:

"لا يا خويا طبعاً، أنا أضحي بأي حاجة عشان الكريب والشاورما."

مصطفى بضحك:

"أيوه كده، دي أختي الطفسة اللي بحبها."

حور:

"أنا طفسة؟ طب عقاب ليك بقى، هات ليا آيس كريم معاك وانت جاي."

مصطفى:

"أنا غلطان إني اتكلمت ولله... على العموم ماشي يا ستي."

وهي بتتكلم مع أخوها، يوسف يرن، وبعدين... هنعرف ده في الفصل الجاي.

يوسف: مبتردش لي، الأستاذة دي أنا هرن عليها مرة كمان ولو مردتش هتشوف.

يرن عليها مرة واتنين وتلاتة ولكن حور متردش عليه.

وبعدين ترن لينا على حور.

لينا: الو.

حور: أي يا حاجة عاملة إيه.

لينا: الحمد لله، وإنتي عاملة إيه في الشغل.

حور: خلاص أنا سبته.

لينا: ليه؟ إيه اللي حصل.

حور: مفيش، كل اللي حصل ياستي...

وحكت لها على الموضوع كله.

لينا: يانهار! كل ده فايتني.

حور: آه شوفتي بقى.

لينا: طب بكده هتعملي إيه؟ هتدوري على شغل تاني.

حور: لا ياستي، بطلنا اللي يعطلنا.

لينا: بالهوى عليكي يا شيخة! بقا تسيب الشغل عشان شاورما وكريب.

حور: ده أنا أسيب الدنيا كلها عشانهم.

لينا: طبعًا ياختي، إنتي هتقوليل لي.

ويخبط الباب.

حور: طب اقفلي بقا عشان الشاورما جت.

لينا: يلا يا طفسة، ماشي سلام.

مصطفى: إيه يا حاجة مش ناوية تيجي تاكلي ولا إيه؟ لو مش عايزة قولي متتكسفيش.

حور: لا يا خويا مش عايزة، ده أي خد هنا ياض هات الأكل بتاعي.

مصطفى: اللي يحصني يكسرني.

حور: خد ياض هنا، تعالى هات الأكل بتاعي... يا ماما خليه يجيب الأكل بتاعي.

مامت حور: آه يا ولاد المجنونة، فين الشبشب لإنكم مش هتتظبطوا غير بيه.

حور وهي واقفة على السرير: خلاص خلاص.

مامت حور: طب انزلي يابت هنا.

تقوم حور تقعد تجري على الأنتريه والكنب.

مامت حور: استني يابت... مخلفة قردة يارب، انزلني يابنت المجنونة.

حور: عيب تشتمي نفسك يا أم حور.

تقوم أمها حدفة عليها الشبشب.

حور بنصر: مجتش فيا.

مصطفى: ولله إنتي مخلفة طفلة.

حور: ومالها الطفلة يا عينيا.

مصطفى: ماملهاش، انزلي يالا عشان نتسحر قبل ما الأكل يبرد.

حور: حاضر.

ويقعدوا يتسحروا وتنام حور وتصحى الصبح عشان تساعد أمها.

في الشركة، يوسف بيسأل أحد الموظفين اللي عنده على حور.

يوسف: هي حور فين يا أحمد.

أحمد: حور مجتش انهاردة يا مستر يوسف.

يوسف: إزاي يعني مجتش والساعة ١٠.

أحمد: طب أرن عليها.

يوسف: لا، روح إنت شوف شغلك وأنا هكلمها.

أحمد: تحت أمرك يافندم.

ويقعد يوسف على مكتبه ويمسك فونه عشان يرن على حور.

فون حور: رن رن رن.

حور: إيه ده؟ ده مستر يوسف! طب أعمل إيه؟ أرد ولا أعمل إيه... لا لا أنا مش هرد أحسن وهروح أقدم استقالتي كمان شوية.

يوسف: ردي بقا يا حور، متقلقنيش عليكي... لو أقدر أقولك إني حبيتك من أول خناقة، لينا ومن أول مرة شوفتك فيها ومن أول نظرة. أنا مش عارف إمتى وإزاي، بس أنا كل اللي عارفه إني حبيتك يا حور. حبيت ضحكتك وجنونك وكل حاجة فيكي ومقدرش أستغنى عنك.

وبعد شوية.

مامت حور: إيه راحة فين كده.

حور: راحة أقدم استقالتي.

مامت حور: طب استني، هخلي أخوكي يوصلك في طريقه وهو رايح شغله.

حور: ماشي بس بسرعة.

وبعد شوية.

مصطفى: يلا يا حاجة خلصي.

حور: ماشي يلا.

وينزلوا ويركبوا العربية وهما نازلين وهوا بيضحك هوا وحور.

وحور بتحضنه لأنه مسافر وكده. في واحد من رجالة خالد هيكون مراقبهم وهيصورهم وهيبعت الصور ليوسف. (أكيد هتقولوا ما فيها إيه ده أخوها؟ أيوه صح، بس يوسف ما يعرفش إنه أخوها).

توصل الصور ليوسف وهو في صدمة.

يوسف: حور... آه، ما عشان كده مش فاضية ترد على تلفون ولا فاضية لشغل. فعلاً أنا اللي غلطان إني حبيت واحدة وأنا أصلاً معرفهاش كويس، وهما أصلاً كلهم كده. خاينين.

وبعد شوية توصل حور الشركة وقبل ما تتكلم.

بعد شوية.

يوسف بعيون يتطاير منها الشرار: ما بدرى يا أستاذة... تصدقي إني مشوفتش أوحش منك؟ أكتر واحدة بكرهها اللي تعمل نفسها شريفة قدام الناس وهي مدوراها.

حور بصدمة: إنت اتجننت ياحيوان! إنت إنت إزاي تكلمني كده؟ وإنت مين أصلاً عشان تشكك في أخلاقي؟ وأصلاً كويس إني كنت جاية أقدم استقالتي من هنا.

يوسف: طب مفيش استقالات هتتعمل، ومعلش بقا على اللي هتشوفيه مني.

حور: إزاي يعني؟ أنا مش عايزة أشتغل معاك.

يوسف: وأنا بقولك هتفضلي هنا في الشركة.

حور: وأنا مش جاية الشركة دي تاني.

يوسف: ماشي، بس عايزة أفكرك بشرط الجزاء اللي إنتي مضيتي عليه. ولا أفكرك؟ ده بيقول لو إنتي عايزة تسيب الشغل من غير موافقتي تدفعي شيك ١٠٠ ألف جنيه. ومع ألف سلامة ليكي.

حور: إيه؟ يعني إيه؟ يعني إنت بتهددني.

يوسف: اعتبريها زي ما تعتبريها.

حور: ده آخر كلام عندك.

يوسف: آه، آخر كلام عندي.

تقوم حور سايباه وماشيه. وبعدين يوسف يقول: قدرتي تحولي حبي ليكي لكره ياحور. للأسف، ومن هنا ورايح هتشوفي وشي التاني.

وبعدين يجي خالد وبعدين... هنعرف بقا إيه اللي هيحصل في الفصل الجاي إن شاء الله.

دخل خالد على يوسف المكتب.

خالد: أنا من الأول حاسس إن البنت دي مش تمام.

يوسف بعصبية: إنت إيه اللي جابك هنا؟ اخرج بره يالا.

خالد بمكر: أخرج فين يا حبيبي؟ إنت فاكر إني هسيبك بالسهولة دي ولا إيه؟

يوسف: اخرج بره ياض إنت بدل ما أجي أشلفطلك وشك.

خالد: عيب يا يوسف كده عيب يا حبيبي وإنت عارف أنا عايز إيه. فكر كده لإما متحاسبنيش على اللي هيحصل.

يوسف: وإنت بقا جاي تهددني؟

خالد: واحدة لواحدة يا ابن عمي... يالا باي وفكر في اللي قولتهولك.

يوسف: ابقى قابلني.

وبعدين نيجي عند حور بعد ما وصلت البيت.

حور بعصبية: هو الكلب ده فاكر نفسه إيه؟ وأنا غلطانة أصلاً إني اشتغلت عند واحد زي ده. طب أعمل إيه وأنا مش معايا 10 آلاف عشان أدفع له 100 ألف؟ ومينفعش أقول لماما أو مصطفى لإني عارفة إن ظروفهم وحشة. طب أعمل إيه يارب؟ أعمل إيه؟

وشوية وتلاقي يوسف بيرن عليها.

حور: عايز إيه الزفت ده؟ أما أرد أشوف آخره.

حور: الو.

يوسف: إيه يا أستاذة؟ إنتي فين؟ جاهزة للشغل ولا الفلوس جهزت؟

حور: إنت عايز تشغلني عندك بالعافية ولا إيه؟

يوسف: آه هشغلك بالعافية وخليكي حلوة معايا بدل ما تزعلي مني.

حور: على فكرة إنت مريض ولله مريض.

يوسف: بت إنتي متغلطيش أحسنلك وإنجزي يالا عشان في شغل كتير.

وقفل في وشها الخط.

حور بعصبية: هو فاكر نفسه إيه؟ ماشي مش هو عايزني أروح الشغل؟ ماشي يا يوسف أنا هروح بس متزعلش بقا من اللي هيحصل مني.

وتروح حور الشركة.

يوسف: شغلك على المكتب جاهز تخلصيه بسرعة ماشي.

حور: ماشي جتك داهية.

يوسف: إيه؟ بتقولي إيه؟

حور: بقول جتك داهية ولا مبتسمعش.

يوسف بعصبية: إنتي هبلة يابت؟ في حد يقول للمدير بتاعه كده؟ إنتي على فكرة مش ناوية تجيبها البر.

حور: أيوه أنا إن كان عاجبك بقا وده أسلوبي. مش إنت عايزني أشتغل عندك؟ يبقى استحمل بقا.

يوسف: اللهم طولك ياروح. إنتي مفكرة إنك بكده هتخليني أمشيكي؟ لو مفكرة كده يبقى بتضحكي على نفسك.

حور: ماشي بس استحمل بقا اللي هيحصل.

وتقوم سيباه وماشية. وبعد شوية يأذن الأذان ويفطر يوسف ويبص يلاقي حور بتشتغل ومأكلتش، فيروح ليها بالأكل.

يوسف: خدي كلي.

حور: لا مش عايزة وإنت أصلاً مالك بيا.

يوسف: أنا بكسب ثواب مش أكتر. الأكل عندك أهو.

حور: مش عايزة.

يوسف: خلاص براحتك. هات الأكل.

حور: لا لا استنى وريني كده البتاع ده بيقول إيه.

يوسف بضحك: طفسة. خد ياختي شوفي.

وبعدين يسيبها ويمشي. ويفضلوا على الحال ده لمدة شهر عاملين زي ناقر ونقير. وبعدين في يوم هتروح حور الشركة زي أي يوم.

حور: السلام عليكم.

يوسف: وعليكم السلام. روحي يالا عشان في شغل كتير. واعمليلي قهوة الأول.

حور: ليه؟ شايفني خدامة عندك؟

يوسف: أنا مش فايقلك على الصبح. روحي يالا اسمعي الكلام.

حور: ولو مسمعتش الكلام هتعمل إيه؟

يوسف بدأ يقرب ناحيتها ويقرب: هعمل.

حور: ابعد ياض إنت عني بدل ما أشق راسك نصين.

ويوسف يقرب.

حور: يالهوي ياماما الحقيني.

وفضل يقرب ناحيتها وهي ترجع لغاية لما اتخبطت في الحيطة. وقام مقرب أوي ناحيتها. بس نيتكم غلط، لأن كان في مكتب وراها. المكتب كان فيه الوصل بتاع 100 ألف جنيه.

يوسف: أنا مش زي اللي في دماغك الجزمة. دي أنا كنت بس بوريكي الوصل اللي مضيتي عليه. ولو مسمعتيش الكلام يبقى تروحي تجيبي 100 ألف جنيه زي الشاطرة، لإما هتروحي القناطر عشان تاكلي عيش وحلاوة. فاسمعي الكلام كده يا حلوة وخليكي شاطرة.

حور: لا لا مبحبش الحلاوة. خلاص ماشي هعملك القهوة.

يوسف: ماشي مع إني شاكك في موافقتك دي بس ماشي.

وتروح تعمله القهوة وتحطيله ملح بدل السكر وتروح تديهاله. فيجي يشرب القهوة يلاقي طعم الملح بكمية رهيبة. يقعد يكح ويقول: يخربيتك يا شيخة! إيه اللي إنتي عملتيه ده.

حور: عملت إيه؟ عملت القهوة زي ما طلبت.

يوسف: آه أنا طلبت قهوة مش شرشة.

حور: آه تصدق إني نسيت وحطيت ملح بدل السكر. تعيش وتاخد غيرها.

يوسف: غورى من وشي أنا بقولك أهو غورى يالا بدل ما أرتكب جريمة.

حور: ماشي ياعم بس متزقش.

يوسف بزعيق: امشي.

حور: ياماما. ماشي.

وبعد شوية تروح حور على مكتبها ويجيلها اتصال ف تقول: الو.

شخص: إنتي اخت مصطفى السيد.

حور: أيوه أنا مين حضرتك؟

شخص: أخوكي اتضرب بالنار في مأمورية ونقلوه على المستشفى. (آه أنا نسيت أقولكم إن يوم ما حور كانت بتحضنه يوم الصور كان مسافر لمأمورية لأنه ظابط).

حور بصدمة: إيه؟ أخوياااا.

وبعدين يغمى عليها. فيشوفها يوسف ويقول بصوت عالي: حووووور.

وبعدين يجري عليها وبعد كده...

هنشوف بقا إيه اللي هيحصل في الفصل الجاي.

لما شاف حور واقعة على الأرض، جرى عليها وقعد يفوق فيها.

يوسف: حور قومي ياحبيبتي مالك بس قومي.

وراح جاب ماية وقعد يرش على وشها، فبدأت تفوق وهيا بتعيط وبتقول: أخويا أخويا.

يوسف باستغراب: أخوكي... ماله أخوكي؟

حور: أخويا وديني المستشفى بسرعة لخويا مصطفى مضروب بالنار.

يوسف: أخوكي مضروب بالنار؟ طب مستشفى إيه؟

حور: معرفش... طب هات تليفوني أما أتصل على الراجل اللي رن عليا أعرف أنهي مستشفى.

ورنت على الراجل وعرفوا اسم المستشفى وراحوا المستشفى، وأول ما وصلوا حور لقيت أمها قاعدة قدام أوضة العمليات بتعيط.

حور: اهدّي ياماما إن شاء الله هيكون بخير.

مامت حور: إن شاء الله.

وبعد شوية يخرج الدكتور من أوضة العمليات، فتجري عليه حور.

حور: إيه يا دكتور مصطفى عامل إيه؟ رد عليا يادكتور ونبي طمنّي.

الدكتور: أخوكي الحمد لله تجاوز مرحلة الخطر وقدرنا نشيل الرصاصة وهيفوق كمان شوية.

حور بعياط: الحمد لله الحمد لله يارب الحمد لله.

يوسف: الحمد لله ياحور الدكتور طمنا عليه اهو اهدّي بقى.

مامت حور: حضرتك مين.

يوسف: أنا يوسف مدير حور في الشغل.

مامت حور: آه ازيك يابني معلش تعبناك معانا.

يوسف: لا يا أمي ولا تعب ولا حاجة، المهم بس إننا اطمنا على مصطفى.

وبعد شوية تدخل حور ومامتها لمصطفى، ويوسف يدخل وراهم ويبص بصدمة لمصطفى ويقول: حور هوا ده أخوكي.

حور: أيوه ده أخويا الكبير مصطفى، لي في حاجة.

يوسف بصدمة: إيه...

حور: في إيه يا مستر يوسف.

يوسف: لا... لا ولا حاجة.

فيخرج يوسف بصدمة وهوا بيقول: ده طلع أخوها وأنا الغبي اللي بهدلتها وشككت في تربيتها... آه مهو عشان أنا غبي غبي كان لازم أتأكد وأعرف ده مين الأول قبل ما أحكم عليها.

فتخرج حور وراه: مستر يوسف هوا في حاجة.

يوسف: أنا آسف.

حور: آسف على إيه.

يوسف: على كل حاجة حصلت بجد أنا آسف إني ظلمتك، آسف.

حور: وإيه بقى اللي غيرك فجأة كده بقا إن شاء الله.

يوسف: حبي ليكي.

حور بخضة: إيه.

يوسف: أيوه حبي ليكي... أيوه ياحور أنا بحبك، بحبك من أول مرة شوفتك فيها، بحبك من أول خناقة حصلت بينا وبحب الصدفة اللي خلتنا نتجمع تاني بعد الخناقة، أنا حبيتك من أول نظرة ومن أول ضحكة شوفتها على وشك، حبيت فيكي عيوبك قبل مميزاتك، بجد أنا حبيتك.

حور: طب ولو زي ما بتقول كده إيه اللي خلاك تعمل فيا كل ده وتذلني الذل ده.

يوسف: عشان كنت مغفل صدقت الصور اللي جت ليا من قبل حتى ما أتأكد.

حور: صور... صور إيه.

يوسف: الصور دي...

ووراها الصور.

حور: إيه ده مين اللي صورني الصور دي؟ ده يوم ما مصطفى كان رايح المأمورية... آه عشان كده بقى... وانت طبعًا صدقت الصور وصدقت إنها بنت بتمشي مع شباب من غير حتى ما تيجي تقول لي... لي عملت فيا كده؟ خليتني بدل ما أقولك إني بحبك، خليتني أندم إني حبيتك.

يوسف: إيه بتحبيني؟

حور: أيوه يايوسف بحبك، أنا حبيتك برضه من أول ما شفتك وحبيت وقفتك معايا في كل المواقف اللي حصلت، حسيت معاك بالأمان، حسيت إنك بتخاف عليا زي أخويا.

يوسف: أخوكي.

حور: قصدي يعني... إني بحس معاك بالأمان اللي بحسه مع أهلي، كنت بحس معاك إني فراشة طايرة في السما بس.

يوسف: مفيش بس، ده كان سوء تفاهم وخلص خلاص.

ويقوم ماسك إيدها ويدخل أوضة على مصطفى بسرعة.

حور: استنى يامجنون رايح فين؟

يوسف: حمد الله على سلامتك يامصطفى.

مصطفى: الله يسلمك... مين حضرتك.

مامت حور: ده أستاذ يوسف مدير حور في الشغل.

يوسف: مبلاش أستاذ دي خليها يوسف على طول، مش أنا زي ابنك برضه.

مصطفى: قولتلي بقى... أنت بقى يوسف.

يوسف: أيوه أنا يوسف... بص بقى يا أبو نسب أنا عايز أطلب إيد أختك.

مصطفى: أختي مين؟

يوسف: أختك اللي واقفة هناك دي.

مصطفى: أنت قصدك المفعوصة حور.

حور: لي ياخويا ليك أختك غيري وأنا معرفش؟

مصطفى: لا هو أنا ليا غيرك... بس إيه رأيك في الكلام ده موافقة ولا إيه؟

حور: ........

يوسف: نعتبر السكوت علامة الرضا.

مصطفى: دنتا مستعجل أوي.

يوسف: أوي أوي.

مصطفى: 😂😂😂 يبقى على بركة الله.

يوسف: يبقى الخميس الجاي الخطوبة.

مصطفى: وأنا موافق.

مامت حور: لولولولولولولولولولولوى 💃.

وبعد شوية تدخل بنت جميلة أوي وبملابس كأنها رايحة عرض أزياء.

سلمى: ازيك يا مصطفى.

مصطفى: ازيك ياسلمى اتفضلي.

يوسف بصدمة: انتي.

سلمى: يوسف.

مصطفى: أي ده، انتوا تعرفوا بعض؟

يوسف: آه.

سلمى: لأ.

مصطفى باستغراب: آه ولا؟

يوسف: آه، دي سلمى كانت زميلتي في الشغل.

حور: قول لي بقى... زميلتك في الشغل.

سلمى بمياصة: آه، زميله.

مصطفى: طب كويس، دي بقى يا سلمى، مامتي.

سلمى: آه، ازيك يا طنط.

مامت حور: الحمد لله يا بنتي.

مصطفى: ودي بقى حور، أختي، خطيبة يوسف.

سلمى بصدمة وبتبص ليوسف: خطيبته؟

حور: أيوه، خطيبته، ولا عندك مانع؟

سلمى: لا، ويكون عندي مانع ليه.

مصطفى: أي يا حور، معلش يا سلمى، حور بتحب تهزر وكده.

سلمى بابتسامة صفرا: لا عادي، مفيش حاجة.

فتخرج حور وتسيبهم وهي هتنفجر، لأنها ملاحظة نظراتها ليوسف، فيخرج يوسف وراها.

يوسف بينادي عليها: حور، يا حور.

حور بغضب: عايز إيه؟

يوسف: مالك، في إيه؟

حور: قول لي بصراحة يا يوسف، مين دي؟

يوسف بتوتر: قلت لك، كانت زميلتي في الشغل.

حور: لا والله؟ وانت بقى عايزني أصدق الكلام ده، صح؟

يوسف: أيوه، صدقيه.

حور: يوسف، لو من الأول كده هنخبّي على بعض، يبقى بلاها الخطوبة دي، وكل واحد يروح لحاله.

يوسف بغضب: حور، انت اتجننتي؟ انتي عارفة انتي بتقولي إيه؟

حور: أيوه عارفة، أصل واحدة عمالة تبصلك وأنت تبصلها، وكأن كان بينكم حاجة، وانت تقول لي دي زميلتي ومش عايز تصارحني.

يوسف: يعني انتي عايزة إيه دلوقتي؟

حور: تقول لي مين دي.

يوسف: دي الـ... بتاعتي، ارتحتي بقى.

حور: وبتقولها كده عادي؟ أنا أصلاً كان قلبي حاسس من الأول.

يوسف: ممكن تهدّي وتيجي معايا، وأنا أفهمك كل حاجة.

حور: أهدى إيه وزفت إيه، أنا مش جاية مع حد.

يوسف: طب لو مجتيش معايا، متزعليش بقى من تصرفي.

حور: لا، وريني هتعمل إيه.

يوسف: هعمل كده، وقام شالها ونزل بيها على العربية.

حور بخجل: نزلني يا يوسف، الناس بتبص علينا.

يوسف: وأنا مالي ومال الناس.

حور: نزلني بقى.

يوسف: اديني نزلتك، ممكن بقى تسمعيني.

حور: اتفضل، أما نشوف.

يوسف: بصي يا ستي، دي سلمى، كانت زميلتي في الجامعة، وأنا عجبت بيها قوي أيامها، وهي برضه كانت بتحبني، وكنا بنحب بعض أوووي. لغاية في يوم كلمتها، لقيتها بتقول لي إن كل شيء قسمة ونصيب، وأنا اتقدملي عريس ومش هينفع أرفضه عشان بابا موافق، وحالته المادية كويسة، لأن حالتي المادية زمان مكنتش أوي. فجأة لقيتها اتغيرت واتخطبت للواد الغني ده وسابتني، ودي كانت صدمة بالنسبالي. فمن ساعتها وأنا قررت إني محبش تاني وأعيش حياتي كده لوحدي، لغاية لما قابلتك. وبصراحة حبيتك ومقدرتش أستغنى عنك. وجيت اعترفت لك بكل حاجة، بس يا ريت متسبينيش ومتعمليش زيها، لأن بجد بعدها هاموت علطول.

فحطت حور إيدها على فمه وقالت: متقولش كده تاني. وطالما أنا دلوقتي اللي في قلبك، فمفيش أي مشكلة، حتى لو كانت بنات مصر كلها بتحبك، المهم انت بتحب مين.

يوسف: بحبك انتي طبعًا، ودي كانت فترة وعدت خلاص... بحبك.

حور: وأنا كمان بحبك أوووي.

وبعدين تدخل حور وهي ويوسف المستشفى، ويطلعوا لمصطفى الأوضة، فتلاقي أمه بتزغرط.

حور: في إيه يا ماما؟

يوسف: في إيه يا طنط، فرحينا معاكي.

مامت حور: مصطفى هيخطب سلمى.

حور ويوسف: 😳😳😳😳.

حور: إزاي؟

سلمى: هو إيه اللي إزاي يا آنسة حور.

مصطفى: آه صحيح يا حور، أنا بقول لك إني هخطب، مش هعمل وصفة.

يوسف: انت متأكد يا مصطفى من قرارك؟

مصطفى: أيوه طبعًا.

فيخرج يوسف وحور.

يوسف: مينفعش يتجوزها.

حور: ليه يا يوسف؟

يوسف: لأنها بتضحك عليه، أنا حاسس إنها جاية تنتقم مني ومنك.

حور: ليه بقى؟

يوسف: عشان انتي خطيبتي، وأكيد خالد قال لها إني بحبك، وهي جاية مخططة على شر.

حور: طب إيه العمل دلوقتي؟

يوسف: إننا نحاول بأي طريقة نبوظ الخطوبة دي قبل ما مصطفى يحبها وتضحك عليه في الآخر.

سلمى: وليه بس كده، عايزين تبوظوا لي فرحي؟

يوسف وحور: 😳😳.