تحميل رواية «حبك عذاب» PDF

الدكتورة قالت ليا إن مش هقدر أخلف.

قالتها إيمان بتوتر وخوف من رد فعله.

مالك بهدوء: روحتي لوحدك؟

إيمان هزت راسها بخوف.

مالك بضيق: أنا خارج.

إيمان بخوف: طب مردتش عليا ليه؟

مالك بتنهيدة: هقول إيه يعني، مش وقته يا إيمان.

سابه ومشي بدون كلام.

إيمان بدموع: يارب استر وما يجرحنيش، أنا مليش غيره والله.

***

أكرمة: مش ناويين تروحوا للدكتور بقا ولا إيه؟ بقالكم سنة متجوزين ومفيش أي إشارة حتى.

مالك بضيق: مش وقته يا أمي الكلام ده، كام مرة أقولك ده نصيب.

أكرمة بغضب: ماهو نصيب وكل حاجة، بس اللي أنا شايفاه إن مراتك مبتفكرش أصلاً في الموضوع، وأنا أم وعايزة أشوف طفل ليك قبل ما أموت.

مالك نفخ بضيق وقال: يوووه، كل يوم نفس الحوار، أنا زهقت بقا.

أكرمة بغضب: اعمل حسابك بقا يا مالك إن كتب كتابك على بنت عمتك الخميس اللي جاي، ولو مسمعتش كلامي يبقى اعتبر إن أمك ماتت.

مالك بص لها بصدمة وقال: أمي؟

أكرمة بجمود: آخر كلام عندي.

مالك اتعصب وخرج وساب المكان ومشي.

أكرمة بوعيد: ماشي يا بنت ضرتي، يا اللي واكلة عقل الواد، إن ما خربت حياتك مبقاش أنا أكرمة.

***

في منتصف الليل.

كانت إيمان مستنية مالك وهي متوترة وقلقانة عليه.

بعد وقت وسمعت صوت الباب بيفتح، عرفت إن مالك.

إيمان جريت عليه وقالت بقلق: مالك، كنت فين؟ قلقتني عليك وتلفونك مقفول.

مالك مردش عليها وراح قعد على الكرسي.

إيمان قعدت على ركبتها وقالت: مبتردش ليه؟ عشان خاطري كلمني، متسكتش كده.

مالك: سامحيني يا إيمان.

إيمان بخوف: أسامحك إزاي؟ وضح كلامك.

مالك بتوتر: أنا متجوز من شهرين.

إيمان بصدمة: متجوز؟!