تحميل رواية «حب يتخطى الجنون» PDF

ماجد.. بس...

الممرضة.. ماجد بيه الحقني بسرعة، في عصابة واقفة قدام باب المستشفى، وراجل كبير بيسأل عن بنت دخلت المستشفى امبارح.

ماجد.. أنا نازل.

منصور.. نازل؟ لمين؟ انت اتجننت؟ سلم لهم البنت، ودار مادخلك شر.

ماجد.. بقا انت يا بابا اللي بيطلع منك الكلام ده؟ انت مش شايف منظرهم؟ البنت دي لو راحت معاهم هتموت.

منصور.. وانت لو طلعت للناس دي هيموتك.

ماجد.. محدش فينا هيموت.

منصور.. قصدك إيه؟

ماجد.. ممرضة نجلاء، البنت اللي جبتها روحي خدريها كويس، وأنا جاي وراكي.

منصور.. استنى هنا، انت بتعمل إيه؟

ماجد.. هما مش عاوزين البنت، وأنا هخليهم يخدوها، ده لو لقوها.

منصور.. قصدك إيه؟

ماجد.. مش وقته، المهم دلوقتي تنزل وتتكلم طبيعي مع الناس دي، ولو طلبوا يفتشوا المستشفى، سيبهم يفتشوه.

منصور بينزل للعصابة والرجل الكبير بيكلمه:

مالك الدمنهوري.. أنا مالك الدمنهوري. عرفنا إن في بنت دخلت هنا امبارح، البنت دي تخصنا.

منصور.. بنت؟ بنت مين؟ في كذا حالة بتدخل وتطلع كل يوم.

مالك.. وإحنا عايزين نتأكد.

منصور.. أكيد، اتفضلوا.

وبعد نصف ساعة:

مالك.. أسفين على الإزعاج.

وبيروحوا ماشيين.

منصور.. انت عملت إيه يا ماجد؟ وإزاي ملقوش البنت؟

ماجد.. تعالي معايا.

منصور بيمشي مع ماجد على أوضة البنت، وأول ما بيدخل وبيِقرب من السرير وبيشوف وشها بيتصدم.

منصور.. ليه عملت كده؟