جابر.. وإذا قولتلك إن النهاردة البنت هتكون عندي؟
خليل.. إزاي؟
جابر.. هقولك.. أنت هتدخل البيت وتكلم عبير زي ما بتكلمها، وحاول تظهر وقت ما تكون جميلة جاية.
خليل.. جميلة مين دلوقتي، اسمها بقى مريم.
جابر.. تمام، أول ما تشوفها تقول إن كان فيه بنت من أسبوعين كده واقفة في طريقي.. وسألتك عن الطريق، وبعد شوية لقيت ناس كانوا بيضربوها في وشها وكأنهم قاصدين..
خليل.. وبعدين؟
جابر.. وبعدين تقول إن في حد بعد كده أنقذها وخدوها على المستشفى.
خليل.. وهي كده هتيجي؟
جابر.. أيوه يا غبي، أنت كده يعتبر حكيت كل حاجة حصلت في الليلة دي. بعد كده أنت هتوقف كلام وتمشي.
وسيب الباقي على عبير.
خليل.. إزاي؟ هي عبير معانا ولا إيه؟
جابر.. يا غبي، مريم أول ما هتسمع كل الكلام ده هتبقى عايزة تعرف هي مين. وأول سؤال هتسأله: أنت فين وساكن فين؟
خليل.. بس سؤال أخير قبل ما أمشي يا باشا.
جابر.. أنجز.
خليل.. هي البنت دي عجباك أوي كده ليه؟
جابر.. لو كانت عجبتني قيراط دلوقتي، بما إنها في بيت منصور، فأنا عايزها دلوقتي 24 قيراط.
***
تاني يوم الصبح.
خليل.. صباح الخير يا عبير.
عبير.. صباح الورد. إيه اللي جابك دلوقتي؟ زمان الست مريم نازلة.
خليل.. طب وإيه المشكلة؟ أنتي عارفة إني عايزك في الحلال ومستعد أقف قصاد أي حد.
عبير.. للدرجادي يا خليل؟
خليل.. وأكتر يا بت.
خليل بيشوف مريم جاية، وأول ما بيتأكد إنها داخلة بيبتدي يعمل زي ما جابر قاله بالظبط.
خليل..
فجأة بيشوف ماجد نازل، بيروح ماشي بسرعة عشان ماجد عارفه.
مريم.. مين اللي كان معاكي ده؟
عبير.. ده.. ده.. ده بصراحة كده، ده واحد اتعرفت عليه يا ست مريم وعايز يتجوزني.
مريم.. وساكن فين؟
عبير.. ساكن..
مريم..
بتبص على العنوان وتبقى عايزة تخرج بأي طريقة.
مريم.. أنا لازم أشوف، يا عبير، ممكن تساعديني؟
عبير.. تشوفي إيه خير يا ست هانم؟ هو في حاجة؟
مريم.. أنا البنت صاحبة القصة اللي حكالك عنها دلوقتي، ولازم أروح أشوفه عشان أعرف أنا مين.
عبير.. بس ماجد بيه محرج حد يخرج من البيت.
مريم.. صدقيني، هي ساعة واحدة بس يا عبير، وهارجع.
عبير.. لا يا ست هانم، ماجد بيه ممكن يقتلني لو عرف إنك مش في البيت.
مريم.. عشان خاطري يا عبير، ساعة واحدة بس ومش هتأخر، أرجوكي يا عبير، أنا لازم أعرف أنا مين. وممكن يكون خليل عارف أهلي أو ساكنة فين.
عبير بيصعب عليها مريم.
عبير.. حاضر يا ست هانم، اخرجي، وأنا لو حد سألني هقول إنك فوق بتاخدي دش.
مريم.. متشكرة قوي يا عبير، وأنا ساعة بالظبط وهتلاقيني هنا.
مريم بتخرج من باب القصر اللي وراه. ومسافة ما طلعت من القصر عربية سودا راحت وخطفاتها.