عند جاسر وصلت رسالة جومانا فتحها وكان محتواها:
"جاسر حبيبي أنا مش هاجي الشركة النهارده عشان جنة تعبانة شوية، هروح معاها عشان أطمن عليها."
عند جومانا
ابتدت تفوق لقت نفسها في أوضة في أوتيل والباب مقفول ومفيش حد في الأوضة. لسه هتقوم من على السرير لقت واحد دخل الأوضة.
جومانا: أنت جايبني هنا ليه؟
يوسف: كويس إنك عارفاني. فاكرة لما كلمتك؟
#فلاش_باك
يوسف: آنسة جومانا ممكن لحظة؟
جومانا: اتفضل.
يوسف: أنا بشمهندس يوسف، بشتغل معاكم في الشركة.
جومانا: تشرفت بحضرتك.
يوسف: ممكن آخد من وقتك خمس دقايق؟
جومانا: اتفضل.
يوسف: أنا بصراحة كده ومن غير مقدمات، أنا معجب بيكي من ساعة ما جيتي على الشركة وحابب ارتبط بيكي.
جومانا: أنا هعمل نفسي مسمعتش حاجة، ويا ريت بلاش الموضوع ده تاني.
يوسف: بس ليه؟ ومسك إيدها. أنا معجب بيكي بجد.
جومانا: شدت إيدها. أنا مسمحلكش تمسك إيدي، ولو الموقف ده اتكرر هقول لجاسر.
يوسف: عشانه هو صح؟
جومانا: آه عشانه هو، وملكش كلام معايا تاني.
#باك
يوسف: وجيه اليوم اللي بقيتي معايا فيه.
جومانا: عمري عمري ما هبقى معاك، فاهم؟
يوسف: هنشوف دلوقتي.
جومانا: أنت بتقرب ليه كده؟ ابعد لو سمحت.
يوسف: ده أنا مستني اللحظة دي من زمان.
عند جاسر
رن على جومانا، تلفونها مقفول. "ردي بقى يا جومانا." رقم جنة. أكيد مع أسر.
جاسر: أسر معاك رقم جنة؟
أسر: جاسر معاك. خير يا جاسر، في حاجة؟
جاسر: برن على جومانا، تلفونها مقفول. وهي بعتتلي رسالة إنها هتروح عند جنة عشان تعبانة شوية.
أسر: جنة تعبانة؟ بس أنا لسه كنت بكلمها، كويسة.
جاسر: طب ممكن تبعت الرقم عشان أكلم جومانا.
أسر: حاضر، هبعته دلوقتي.
جاسر: سلام.
قفل. وأسر بعتله الرقم ورن على جنة.
جنة: الو مين؟
جاسر: جومانا عندك؟ أنا جاسر.
جنة: لا مش عندي، طلعنا من الجامعة وقالت هتروح الشركة.
جاسر: هي بعتت رسالة وقالت هتروح معاكي البيت عشان تعبانة شوية.
جنة: لا أنا متعبتش، وهي قالت هتروح الشركة. طب هتكون راحت فين دلوقتي؟
جاسر: متخافيش، أنا هلقيها. سلام.
"إزاي أعرف مكانك دلوقتي؟ إزاي؟" قعد يفكر لحظة وافتكر إنوا كان جايب لـ جومانا ساعة فيها جهاز تتبع، وهو قالها "متخلعهاش من إيدها."
عند جومانا
جومانا: أنا بقولك ابعد عني دلوقتي.
يوسف: لحد امتى هتهربي مني؟ جاسر بتاعك ده مش هيعرف يعمل حاجة.
جومانا: أكيد جاسر هييجي، أنا واثقة في كده.
مسكت اللحاف رمته عليه ودخلت الحمام وقفتلت على نفسها.
يوسف: افتحي يا جومانا.
جومانا: مش هفتح، ووريني هتعمل إيه.
يوسف: كده تمام. وبدأ يكسر في الباب.
جومانا: يارب، طب أعمل إيه دلوقتي؟
عند جاسر
جاب الموقع وراح على الفندق. راح على الأوضة بيخبط على الباب. فتح يوسف لقي بوكس في وشه.
جاسر: فين جومانا؟ انطق.
جومانا سمعت صوت جاسر، طلعت من الحمام على طول.
جاسر: جومانا، أنتِ بخير يا حبيبتي؟
جومانا: كان عايز... مقدرتش تكمل كلامها من العياط.
جاسر: يا حيوا... ن يا كل... ب، الشرطة هتشوف شغلها معاك.
يوسف: لأ الشرطة، أنا هقول كل حاجة بس الشرطة لأ.
جاسر: انطق بدل ما مو... تك في إيدي.
يوسف: والله أنا ما كنت هعمل كده، بس تسنيم هي السبب في كل حاجة. هي اللي اتفقت معايا على كده، أنا مليش دعوة.
جاسر: تسنيم؟ بس ليه؟
يوسف: عشان بتحبك وعايزة تبعد جومانا عنك.
جاسر: خدوه لو سمحتوا، وتسنيم كمان معاه.
الشرطي: قدامي يا أسطى.
جاسر: أنتِ بخير يا حبيبتي؟ متخافيش، أنا معاكي اهو. عملك حاجة الحيوا... ن ده؟
جومانا: هزت راسها بلا وهي بتعيط.
جاسر: خلاص، محدش يقدر يقربلك وأنا موجود معاكي، بس بلاش تعيطي. قومي يلا عشان أهلك زمانهم قلقانين عليكي.