تحميل رواية «جرائم متسولة» PDF

كنت نايم في أوضتي من كتر تعب وضغوط اليوم.

لما صحيت على صراخ زوجتي، انتفضت من مكاني وقمت.

قربت لمصدر الصوت وشوفت أبشع موقف مر عليا طول حياتي.

قمت وأنا بجري مش عارف في أي اتجاه أنا بتقدم.

روحت لمصدر الصوت وأنا رجلي مش شيلاني.

ما أنا طبيعي لما بتخض مش بقدر أقف على رجلي، والخضة دي كانت وأنا نايم كمان.

قمت بسرعة.

كانت زوجتي قاعدة على الأرض وبتضرب على خدودها بقوة.

"مالك يا انتصار؟ في أي حد حصل له حاجة؟"

قلت كده وأنا ملهوف جداً عليها.

"طب أنتي وقعتي زي المرة اللي فاتت؟"

ما كنتش باخد منها غير إنها بتصرخ بكل قوتها ولسه مستمرة في الضرب على خدودها، لدرجة أسنانها بدأت تنزف.

شاورت لي على باب أوضة البنات.

أنا عندي 3 بنات توأم مخطوبين ومتحدد زواجهم.

كنت بشوفهم وبسمعهم وهما بيعدوا الأيام عشان يتزوجوا، بس كنت بقول: "عادي، دول مش بيطمر فيهم التربية، بس في الأول والآخر هما أهم جزء في حياتي".

وعندي كمان بنت رابعة، بس دي متزوجة.

بعد ما زوجتي شاورت لي على باب أوضة البنات، فتحته وأنا مفكر: "ضربوا بعض كعادتهم لما بيلاقوا واحدة فيهم عندها حاجة مميزة عن التانية في جهازها".

لكن الحقيقة كانت غير كده خالص.

شوفت أبشع موقف مر عليا طول حياتي.

لما دخلت ولقيت بناتي الثلاثة مذبوحين ومتاخد ذهبهم ورؤوسهم ومحطوط على جسم كل واحدة فيهم 1000 جنيه.