ناديه: أنا اللي مهدت له الطريق عشان يعمل كدا، بس ما كنتش أتوقع إنها توصل معاكي إنك تقتليه.
فاطمه ببرود: أقول لك إيه أنا؟ ما تفرقش معايا حاجة، ولا فارق إن سراج يعرف اللي حصل أو لا. إنتي بس اللي مريضة.
سراج: ويا ريتها بتتعلم.
هنا: آه ده أنا اتلعب بيا كورة شراب واتضربت على قفايا، آه يا عيني عليكي يا هنا.
قاسم: أومال كنتي مش عايزة تجوزينا ليه يا بت إنتي؟
هنا: أنت فاهم غلط يا قاسم، كل الحكاية إني سمعت إن مرتبات المطلقات زادت، فكنت بأفكر في طريقة نستفيد بيها من هذه الظاهرة مش أكتر.
يونس: مرتبات إيه يا رب يا بت؟ ده إنتي غنية وما شاء الله ثروتك تعيشك مرتاحة باقي عمرك، مالك إنتي بقى؟
هنا: يا خويا الله أكبر أنت جاي تحسد؟ وبعدين ده الراجل أبويا الله يرحمه شقي وتعب لما عمل الفلوس دي، وأنا من واجبي أدور على طريقة لزيادة هذا المال، وبما إني كائن بطريقي غير قابل للعمل فقلت أشوف طريقة سهلة.
أدهم: أنا قلت حد يسبني أضرب البت دي بالجزمة محدش راضي.
يونس: أدهم بس أنا ما أسمحش إن حد يعلي صوته على مراتي أبداً.
هنا: لا أوعى، قرة عيني يا حبيبي. بأقولك تصدق عشان كلامك الحلو ده أنا مش هأطبخ أسبوع.
يونس: بس ده ما يمنعش إني هأربيكي من الأول.
هنا: لا لا لا ده أنا متربية، لا لا سكر وعسلية، لا لا.
ندى: لا ما هي كنتي فين يا لاه لما أنا قلت آه.
جود: كان يوم إيه؟
قاسم: ماله يا بت؟
جود: كان يوم أربع وأنت عارف بأحب التلات.
يونس: ألو، أنت بتقول إيه؟ متأكد؟ طيب تمام. أدهم.
أدهم: مالك يا يونس اتعصبت كدا ليه؟
يونس: فارس هرب واتقابل هو وأمك، لازم نكون في الصعيد في أقرب وقت.
أدهم: طيب والبنات وقاسم وهنا، أنت عارف إن فارس عايز ياخد حقه منها.
يونس: لا كلهم هيكونوا معانا، هات مراتك وأنا هأطلب من قاسم يجيب هنا وجود بس معاه.
أدهم: تمام أنت هتروح لوحدك عنده؟
يونس: آه ما تقلقش عليا. (قل لن يصيبنا إلا ما كتب الله لنا) خليها على الله.