تحميل رواية «جميلتي العمياء» PDF

معتز. يا وليد افهم مفيش فايدة من اللي انت عايزه ده. بنتهم مليهاش ذنب، انت عايز تخطفها ليه بس؟

وليد. هحرق قلب أبوها عليها. مش عايز نقاش يا معتز. البنت تكون في الجناح بتاعي انهارده بالليل.

معتز. تحت أمرك بعد إذنك.

وليد. أنا بقى هوريه آخره. اللي بيتحدى وليد العامري.

في مكان آخر، تستيقظ البطلة، صاحبة العيون البني الجميلة والشعر الأسود.

دادة فاطمة. انتي صحيتي يا جميلة؟

جميلة. أيوه يا دادة. صباح الخير.

فاطمة. صباح الفل على عيونك يا حبيبتي. خدي شاور على ما أجهز الفطار.

جميلة. طيب. خدي بإيدي يا دادة.

فاطمة بحزن على حالتها. حاضر يا حبيبتي. ربنا يرجعلك نور عينك.

جميلة. خلاص يا دادة. أنا فقدت الأمل. هعيش طول عمري عمية.

فاطمة. متقوليش كده يا بنتي. حامد بيه قال إنك هتسافري وهتعملي العملية، وإن شاء الله ترجعي تشوفي زي الأول.

جميلة. لا يا دادة. أنا عملت العملية دي خمس مرات ومافيش فايدة.

ومن متى جميلة بتفقد الأمل؟

جميلة. بابا.

الأب. أيوه يا حبيبتي. صباح الفل.

جميلة. صباح الخير يا بابا.

الأب. حضري الفطار يا فاطمة. هفطر مع جميلة انهارده في الجنينة.

فاطمة. تحت أمرك يا حامد بيه.

تعالوا نتعرف على الأبطال.

وليد العامري عنده 25 سنة، صاحب شركات العامري للاستيراد والتصدير. عيونه زرقاء وبشرته بيضاء وجميل جداً. وده بطل الرواية.

جميلة حامد عندها 19 سنة، عيونها بني وشعرها أسود. وهي جميلة جداً زي اسمها. فقدت بصرها والسبب هنعرفه مع الأحداث.

حامد الألفي ده والد جميلة. في عداوة بينه وبين وليد وهنعرف سببها بعدين.

معتز ده صاحب وليد ويعرف عنه كل حاجة.

أنهت جميلة الفطار هي ووالدها.

الأب. أنا هروح الشركة. يا جميلة لو عايزة أي حاجة خلي فاطمة تكلمني.

جميلة. تيجي بالسلامة يا بابا.

فاطمة. أجيبلك حاجة يا جميلة؟

جميلة. لا يا دادا. خديني على أوضتي أجهز عشان رايحة النادي مع هبة.

فاطمة. ماشي يا حبيبتي.

جميلة لبست فستان زهري جميل جداً ولفت حجاب. وكانت عاملة زي الملاك.

هبة جات وأخدت جميلة وراحوا النادي.

هبة. تشربي إيه يا جميلة؟

جميلة. ليمون.

هبة طلبت اتنين ليمون ليها ولجميلة.

هبة وجميلة شربوا الليمون وفجأة.

جميلة. يا هبة أنا حاسة بصداع شديد.

هبة. مش بتردي ليه؟

في الوقت ده هبة كانت نامت من تأثير المنوم. وجميلة بدأت تنام.

مجهول 1. تحت أمرك يا معتز بيه. البنت معانا.

معتز. اطلع بيها على جناح وليد بيه.

مجهول 1. تحت أمرك يا باشا.

معتز اتصل بوليد.

معتز. البنت في الجناح.

وليد. برافو عليك يا معتز.

معتز. أنا عملت لك اللي في دماغك. ممكن أعرف انت عايز منها إيه؟

وليد بابتسامة شر. كل خير.

رواية جميلتي العمياء الفصل الثاني - بقلم سارة عبدالباري

رواية جميلتي العمياء الفصل الثاني

وليد وصل الفيلا بتاعته. يا دادا دادا انتصار.

انتصار حمد الله على السلامة يا وليد بيه.

وليد الله يسلمك يا دادا خليهم يجهزو الفطار و يطلعوه على الجناح.

انتصار تحت امرك يا وليد بيه.

وليد طلع الجناح بتاعه وفتح الاوضه لقي جميله وتفاجىء من جمالها والحجاب إللى زادها جمال.

جميله بدأت تفوق. انا فين يا هبه يا هبه ردي عليا انتى فين.

وليد كان مستغرب لأنها بعد ما فتحت عينيها لسه بتنادى على هبه.

(ملحوظه وليد ميعرفش ان جميله فاقده البصر).

وليد فى الوقت ده استغرب معقول.

جميله فى حد هنا انا فين يا هبه يا بابا حد يرد عليا.

وليد. بس كفايه جبتيلى صداع.

جميله برعب انت مين وانا فين.

وليد. انا وليد العامرى وانتى هنا فى بيتى.

جميله بصدمه وانا فى بيتك لي جيت هنا أزاى.

وليد انتى هنا لي علشان انتقم من ابوكى حامد الألفي.

جميله وانت تعرف بابا من فين

وليد ابوكى اخذ مني صفقه بمليون جنيه ابوكى ده أقذر شخص انا شوفته فى حياتى.

جميلة انت يا حيوان أزاى تتكلم عن بابا كدا.

وليد بت انتى انا لحد دلوقتى مطول بالى عليكى مش عايز اعمل تصرف يزعلك.

جميله فى الوقت ده بدات تخاف خصوصا انها مش بتشوف ومش هتقدر تدافع عن نفسها.

جميله طب ممكن تفكنى وتقولى انت عايز منى اى.

وليد شاطرة كدا نتكلم بالعقل.

وليد بدا يفقك جميله. خليكى شاطرة ومتحاوليش تهربي علشان متزوديش العقاب.

جميله بحزن لا من الناحيه دى اطمن انا مش بشوف اصلا علشان اعرف اهرب.

وليد بصدمه انتى.

جميله اه انا عاميه.

وليد أزاى.

جميله دى حاجه متخصكش.

وليد هنرجع للغلط تانى.

جميله بخوف انا اسفه.

فى الوقت ده الباب خبط

انتصار الفطار يا وليد بيه.

وليد حطيه هنا يا دادا.

وليد ياله علشان تفطرى.

جميله مش واكله وياريت تقولى انت عايز منى ايه.

وليد. اتجوزك.

جميله انت اكيد اتجننت.

وليد برضاكى أو غصب عنك هتجوزك و متخفيش هطلقك اول ما اخد ورق الصفقة من ابوكى.

جميله وانا مش موافقه.

وليد انا مش باخد موافقتك انا بقولك بس. أجهزى المازون زمانه جاى.

وليد طلع وساب جميله.

جميله لى ياربي إللى بيحصل ده انا عملت اى علشان تعاقبنى كدا.

فلاش باك من سنتين.

جميله كانت راكبه العربيه مع باباها وامها.

جميله. ياه اخيرا هنروح مصيف انا جانى اكتئاب من قاعده البيت.

حامد بطلى لماضه احنا بنطلع كل سنه بس السنه دى إتاخرنا بسبب الشغل.

الأم. هدى السرعه شويه يا حامد.

جميله بضحك اى يا ست الكل المفروض انا اللى اخاف

الام. الحرص واجب يا بنتى..

حامد. مش عارف العربيه مش راضيه تهدى لى.

جميله حاسب يابابا.

الأم يا حامد وقف العربيه.

وفجأه العربيه تقلبت.

عودة من الفلاش باك.

جميلة ياعنى انا فقدت بصرى وامى فى نفس اليوم و انهاردة هتجوز غصب عنى لى ياربي انا عملت اى انا تعبت وفضلت تبكى لحد مانامت.

.............

فى النادى.

هبه بدأت تفوق من تأثير المخدر.اه راسي. جميله جميله يا نهار اسود.

هبه اتصلت على والد جميله. الحقني يا انكل.

حامد فى اى يا هبه جميله جرالها حاجه.

هبه جميله اتخطفت.

حامد انتى بتقولى اى.

هبه حكت كل إللى حصل معاها هى وجميله.

حامد يبقى ابن العامرى عملها

.

..................

وليد داده انتصار.

انتصار تحت امرك يا بيه.

وليد خدى يا دادا ده لبس انا جبته لجميله ساعديها تاخد شاور وتجهز المازون زمانه على وصول.

انتصار الف مبروك يا بيه.

وليد الله يبارك فيكي.

انتصار طلعت لجميله لقيتها نايمه.

ياست هانم يا جميله هانم اصحى.

جميله بدأت تصحى ايوه مين.

انتصار انا انتصار هساعد حضرتك علشان تجهزى المازون على وصول.

جميله برجاء ارجوكى. الموبايل بتاعك اعمل مكالمه.

انتصار برعب لا ياست هانم وليد بيه لو عرف هيطردنى فيها.

جميله برجاء صدقينى هو مش هيعرف ارجوكى.

انتصار طيب اتفضلى اهو بس ابوس ايدك يا هانم بسرعة.

جميلة طيب هقولك الرقم لانى مش بشوف.

انتصار قولى يابنتى.

جميله قالت رقم هبه وانتصار اتصلت.

جميله ايوه يا هبه انا جميله.

هبه جميله انتى فين طمنينى عنك يا جميله.

جميله انا مش بخير يا هبه انا تخطفت وليد العامرى عايز يتجوزنى بالعافية.

هبه يا انهار اسود انتى بتقولى اى.

جميله قولى لبابا يا هبه هو فين.

هبه ابوكى فى العنايه يا جميله من ساعة ما عرف باللى حصل.

جميلة انتى بتقولى اى بابا جراله اى يا هبه.

انتصار صوتك يا ست هانم البيه هيسمعك.

وليد دخل في الوقت ده.

انتصار وليد بيه.

كدا البارت التانى انتهى يا تري اى رد فعل وليد واى مصير جميله مع وليد ده اللى هنعرفه البارت إللى جاى

يتـبـــــــــــــــــــــــع الفصل الثالث

الفهرس يحتوي على جميع فصول الرواية "" اضغط على اسم الرواية

وقفنا البارت إللى فات لما وليد دخل الأوضة لقي جميلة بتتكلم في الموبايل.

وليد بعصبية: ده انتي نهارك أسود، مين سمحلك بكدا؟ وانتي يا دادا، هي دي الثقة؟ من النهارده ملكيش شغل هنا، بره.

في الوقت ده جميلة كانت مرعوبة، وكل تفكيرها باباها إللي في المستشفى.

جميلة: بابا في المستشفى، بابا! لا منك لله، انت السبب. يارب لا يارب، ده محدش ليا غيره.

وليد كان خايف على جميلة ومن حالة الانهيار إللي وصلت ليها.

وليد: جميلة، أهدى.

جميلة في الوقت ده أغمى عليها.

وليد شال جميلة بخوف وحطها على السرير واتصل بمعتز.

وليد: معتز، هاتلي دكتورة وتعالى على الفيلا بسرعة، دكتورة يا معتز.

معتز: حاضر، حاضر، مسافة السكة.

وليد مسك إيد جميلة وكان خايف عليها جداً.

وليد: جميلة، أنا آسف. أنا عارف إنك ملكيش ذنب، بس كان لازم أعمل كدا علشان أضغط على مدحت بيكي.

الدكتورة وصلت وكشفت على جميلة.

وليد: خير يا دكتورة، طمنيني.

الدكتورة: دي حالة انهيار عصبي وضغطها واطي جداً. واضح إنها ليها يومين ما أكلتش. عموماً أنا كتبتلها على فيتامينات، ويا ريت تبعد عن أي ضغوطات.

وليد: شكراً جداً. وصل الدكتورة يا معتز.

***

في مكان آخر.

نسرين: ألو، إزيك يا وليد؟

وليد: بخير يا نسرين، خير إن شاء الله.

نسرين: أنا راجعة مصر إن شاء الله الأسبوع ده، وكنت محتاجة أجي عندك الفيلا أسبوع كدا، ومسافرة تاني. ولو هضايقك هحجز في أي أوتيل.

وليد بمكر: لا طبعاً، أنا موجود. وتحجزي في أوتيل؟ انتي تشرفي في أي وقت، وبالمرة تتعرفي على مراتي.

نسرين بصدمة: مراتك؟ انت اتجوزت؟

وليد: آه اتجوزت. وإن شاء الله تتعرفي عليها.

نسرين: آه إن شاء الله. سلام بقي علشان أجهز.

وليد: سلام.

نسرين: مراته؟ ماشي يا وليد، تتجوز غيري طيب؟ يا أنا يا هي.

***

وليد رجع بالليل من الشركة وطلع على الأوضة. لقي جميلة صاحية وبتتبكي.

وليد بخوف: جميلة، مالك؟ ارجوكى أهدى شوية.

جميلة برجاء: ارجوك يا وليد، وديني لبابا، هو تعبان، ارجوك.

وليد صعب عليها جداً.

وليد: طيب ممكن تهدّي...

جميلة: أهدى إزاي؟ بابا في العناية بين الحياة والموت، وتقولي اهدى؟ طب إزاي؟

وليد: هخليكي تكلميه، بس بشرط.

جميلة: شرط؟ إيه؟

وليد: تقومى تجهزي المأذون تحت علشان نكتب الكتاب.

جميلة: دلوقتي؟

وليد: آه، ويا ريت بسرعة.

جميلة: طيب، أنا عايزة دادا انتصار.

وليد: أنا طردتها.

جميلة: علشان خاطري، انت عارف إنّي مش بعرف أعمل حاجة، وهي بتساعدني. وبعدين هي مليهاش ذنب، أنا إللي طلبت منها الموبايل.

وليد: هرجعها علشان خاطرك. يلا علشان تتعشي وتاخدي علاجك.

جميلة: لا، مليش نفس.

وليد: جميلة، انتي جسمك ضعيف جداً. وكدا ممكن تحصل لك مضاعفات.

جميلة: يارب، علشان أموت وأرتاح.

وليد: بعيد الشر عنك، متقوليش كدا تاني.

وليد اتصل بـ انتصار وخلاها رجعت الفيلا.

جاء موعد كتب الكتاب.

المأذون: موافقة يا بنتي على الجواز من وليد بيه؟

جميلة: آه موافقة.

المأذون: بارك الله لكما وبارك عليكما وجمع بينكما في خير.

جميلة أول ما سمعت الجملة دي فضلت تبكي. بقت مرعوبة من وليد ومن مصيرها معاه.

***

تاني يوم على الفطار.

وليد وجميلة قاعدين بيفطروا على السفرة.

وليد: أنا جيت.

وليد: نسرين، اتفضلي.

نسرين: إزيك يا وليد، وحشني أوي.

وليد: اتفضلي افطري معانا.

نسرين بنظرة شر: دي مراتك؟

وليد: آه، جميلة مراتي. ودي نسرين بنت عمتي.

نسرين مدت إيديها علشان تسلم على جميلة، بس جميلة مش شفتها.

نسرين: إيه ده يا وليد؟ هي عامية؟

وليد بعصبية: نسرين!

رواية جميلتي العمياء الفصل الرابع - بقلم سارة عبدالباري

رواية جميلتي العمياء الفصل الرابع

وقفنا البارت إللى فات لما نسرين مدت ايديها علشان تسلم على جميله بس جميله مشفتهاش.

نسرين اى ده يا وليد هى عاميه.

وليد بعصبيه نسرين.

جميله اه انا عاميه. يا دادا دادا انتصار تعالى طلعينى اوضتى.

وليد كملى اكلك يا جميله وانتى يا نسرين حاسبي على كلامك ولو هتقعدى هنا يبقي تقعدى من غير ماتسببي اى ازعاج مفهوم.

نسرين متصنعه البكاء انت بتزعقلى يا وليد انا عملت اى ياعنى انا هحجز في فندق بدل الإهانة دى.

جميله لالا حقك عليا وليد ميقصدش حاجه ده بيتك.

نسرين بمكر تسلمى يا حبيبتى وحضنت جميله حقك عليا انا مقصدتش حاجه.

جميله. لا عادى ولايهمك.

دادا انتصار طلعت جميله اوضتها.

جميله ساعدينى اخد شاور يا دادا.

جميله اخدت شور وخرجت وانتصار بتسرح فى شعرها.فى الوقت ده وليد دخل من غير جميله ما تحس...

جميله قوليلى يا دادا هو وليد شخص طيب ولا انا بيتهيقلى بحسه كويس فى المعامله وساعات بحسه قاسى.

انتصار وليد بيه ده أطيب حد ممكن تسمعى عنه هو بس الظروف إللى عاشها هى اللى خلت قلبه يقسى شويه...

جميله ظروف اى يا دادا.

فى الوقت ده وليد اتكلم احنا على اخر الزمن هنحكى أسرار بيوتنا مع الخدامين.

فى الوقت ده انتصار خرجت.

جميله بدأت تتحرك علشان تدور على الحجاب وليد انت انت اللى دخلك من غير ما تخبط على الباب. انا قاعده بشعري...

وليد باستمتاع بكسوفها انا جوزك على فكرة وليا الحق أنى اشوف.

جميله انت قليل الادب وأخرج من هنا ياله...

وليد بدا يقرب ولو مخرجتش.

جميله بخوف وبدات تترعش وليد ارجوك اخرج.

وليد قرب اكتر ولو مخرجتش.

جميله فى الوقت ده بدأت تبكى وجسمها بدا يترعش. وولي وليد من فضلك.

وليد اش أهدى يا جميله وخدها فى حضنو وبدأ يهدى فيها انا عمرى ما هاذيكى انتى خوفتى كدا لي انا اسف.

جميله انا تعبت يا وليد أرجوك رجعنى لبابا...

وليد خلاص أهدى علشان خاطرى هانت ابوكى خرج من المستشفى. وهو هيجى انهاردة علشان يطلب انك تروحى معاه وانا هطلب منه التنازل على الصفقه والمقابل هيبقي ورقت طلاقك.

جميله فى الوقت ده حست بالحزن وقالت فى نفسها طلاق. مالك يا جميله مش انتى اللى عايزة كدا زعلتى لي دلوقتى.

وليد مالك سرحتى فى اى معقول حضنى حلو للدرجه دي.

جميله بكسوف ونسيت ان هيا فى حضن وليد انا اسفه.

وليد بابتسامه. يا ستى متعتزريش انا زى جوزك برضو.

جميله بابتسامه. طيب ممكن تخرج وتبعتلى دادا انتصار.

وليد. وانتى عيزاها لي...

جميله بكسوف علشان تسرحلى شعري.

وليد لا عادى انا ممكن اقوم بالمهمه دى وبدأ يسرح فى شعرها.

جميله كانت مكسوفه جدا وليد لاحظ كدا وكان مبسوط جدا لأنها انسانه عفويه جدا...

وليد خلصت يا ستى.

جميله شكرا.

وليد العفو بلاش شكرا دى مفيش شكر بين واحد ومراته.

جميله. مراته...

وليد انا هخلى دادا انتصار تطلعلك اكل علشان ما اكلتيش و متزعليش من نسرين ولو ضايقتك تانى قوليلى على طول.

جميله. لا مش زعلانه وبعدين هى قالت الحقيقه انا عاميه فعلا.

وليد جميله متقوليش كدا تانى انتى زى القمر وانك مبتشوفيش دا عمره ماكان عيب فيكى.

جميله شكرا لك يا وليد.

وليد مكنتش اعرف ان أسمى حلو اوى كدا.

جميله بطل تكسفنى...

وليد حاضر هبعتلك دادا انتصار.

############

فى شركه وليد

السكرتيره وليد باشا مدحت بيه بره وعايزك.

وليد دخليه فورا والغي ومتدخليش حد علينا.

السكرتيرة تحت امرك يا فندم.

مدحت دخل عند وليد المكتب.

وليد اهلا وسهلا مدحت بيه.

مدحت عملت إللى فى دماغك يا وليد قسما بالله لو بنتى جرالها حاجه ماتكفينى رقبتك.

وليد اهدا على نفسك شويه مستحيل حد يضر مراته.

مدحت. مراتك انت أكيد اتجننت.

وليد الزم حدودك بنتك مراتى على سنه الله ورسوله.

مدحت عايز اى يا وليد و تطلقها.

وليد. عايز تنازل عن كل ممتلكاتك وعن الصفقه إللى اخدتها اخر مره.

مدحت انت اكيد اتجننت.

وليد. ده عين العقل دى فلوسي وفلوس ابويا إللى انت ضحت على امى واخدتها ولا تحب افكرك.

فلاش باك من عشر سنوات.

وليد كان راجع من المدرسه.

وليد ماما يا ماما.

وليد طلع اوضه مامته وفتحها وفجأه لقي مدحت ومامته مع بعض.

وليد بصدمه ماما.

الأم. وليد.

عوده من الفلاش باك.

وليد انت أقزر انسان انا شوفته في حياتى احمد ربنا انى معملتش فى بنتك حاجه بس ده لانى براعي ربنا.

مدحت صدقنى يا وليد انا وامك كنا بنحب بعض...

وليد أخرس متقولش عليها امى. الأوراق دى هتمضي عليها حالا وجميله دى تنساها.

مدحت انت مش هتطلقها.

وليد لا مش هطلقها. انا الحد دلوقتى مقولتلهاش عن قزارتك فى الماضي. مش عايزها تنصدم فيك خصوصا انها متعلقه بيك جدا.

مدحت مضي على الأوراق.

وليد. اعمل حسابك انت هتيجى معايا دلوقتى تشوف جميله وإياك تقولها على اى حاجه.

مدحت حاضر إللى تشوفه.

وليد راح الفيلا مع مدحت.

لقي جميله قاعده فى الجنينه.

مدحت ازيك يا جميله.

جميله بابا.

مدحت حضن جميله وفضلت تعيط وحشتنى اوى يا بابا..

مدحت وانتى كمان يا حبيبتى.

جميله وليد قلى هيطلقنى اول ما ياخد امضتك على الصفقه.

وليد مفيش طلاق.

جميله أزاى ياعنى انت مش قلت هتطلقنى.....

وليد نتكلم فى الموضوع ده بعدين يا جميله. انا رايح الشركه وهرجع باليل.

مدحت قعد مع جميله وحكتله على معامله وليد ليها.

مدحت وليد ابن حلال يا جميله

جميله مش فاهمة قصدك يابابا.

مدحت بلاش تطلقي منه يا بنتى شكله بيحبك.

مدحت ساب جميله ومشي ووعدها انه هيزورها تانى.

#########

فى المطبخ.

نسرين بتعملى اى يا دادا.

انتصار بعمل نسكافيه لجميله هانم.

نسرين طيب ممكن اوديه ليها انا اصل عايزة اعتزر ليها على اللى حصل منى

انتصار اتفضلى يا بنتى ربنا يحببكم فى بعض.

انتصار مشيت من المطبخ.

نسرين حطت حبايه فى كوبايه النسكافيه.وودتها لجميله.

نسرين خبطت على الباب.

جميله ادخل.

نسرين ازيك يا جميله.

جميله بخير الحمد لله. اتفضلى يا نسرين.

نسرين انا جايه اعتزر من الاسلوب البايخ إللى كلمتك بيه الصبح وجيبالك كوبايه النسكافيه دى.

جميله لا عادى انا مش زعلانه وتسلم ايدك على النسكافيه.

جميله شربت النسكافيه.

######

فى المساء.

وليد رجع الفيلا وطلع الأوضه وفجأه لقي جميله.

كدا البارت الرابع انتهى يا تري جميله جرالها اى واى رد فعل وليد ده اللى هنعرفه البارت إللى جاى

يتـبـــــــــــــــــــــــع الفصل الخامس

الفهرس يحتوي على جميع فصول الرواية "" اضغط على اسم الرواية

وقفنا البارت إللى فات لما وليد رجع الفيلا وطلع الأوضة وفجأه لقي جميله بتبكى بصوت عالى جدا وبتهرش جامد فى جسمها.

وليد بخوف: مالك يا جميله اى اللى حصل.

جميله: الحقنى يا وليد حساسيه شديده فى جسمى مش قادرة اه.

وليد: طيب اهدي اى الدم إللى فى ايدك ده.

جميله: من الحساسيه جسمى كله حاسه فيه مايه نار مش قادرة.

وليد: طيب انا هتصل بالدكتورة حاولى استحملى علشان خاطري.

وليد اتصل بالدكتورة.

وليد: طيب انا هساعدك تاخدى شاور علشان تخف شويه والدكتورة على وصول.

جميله: لا لا انا كويسه هستنى الدكتورة مش لازم شاور.

وليد: بتتكسفي منى يا جميله.

جميله و وشها بقي احمر من كتر الكسوف: بصراحه اه انت مش من حقك تساعدني.

وليد: على فكرة انا جوزك ومش عايز نقاش فى الموضوع ده.

وفجأه شالها وراح على الحمام.

جميله: وليد وليد نزلنى أرجوك.

وليد: أهدى يا جميله.

وليد ملا البانيو ماء دافئ وحط جميله فيه.

وليد ساعد جميله تاخد شاور وساعدها تغير هدومها.

بعد ساعة الدكتورة وصلت وكشفت على جميله.

وليد: خير يا دكتورة طمنينى.

الدكتورة: دى حساسيه شديده واضح انها اكلت حاجه سببت الحساسية دي عموما انا كتبت ليها على مرهم ومهدى علشان تنام وان شاء الله هتبقي كويسه.

وليد: شكرا لحضرتك.

الدكتورة: العفو ده واجبي.

في المساء.

وليد: جميله جميله. اصحى كفايه نوم.

جميله: اه هى الساعه كام.

وليد: الساعه عشره ياستي.

جميله: يا خبر ده انا نمت كتير جدا...

وليد: حاسه نفسك احسن.

جميله: اه الحمد لله المهدئ ده مفعوله جميل جدا.

وليد: طيب الحمد لله قوليلى يا جميله الدكتورة بتقول ان الحساسيه دي نتيجه اكل انتى اكلتى اى النهارده.

جميله: انا فطرت معاك الصبح وباقي اليوم مااكلتش حاجه.

وليد: امال اى سبب إللى حصل ده.

جميله: مش عارفه يا وليد متحطش فى بالك انا بقيت كويسه الحمد لله.

وليد: الحمد لله يالا علشان تتعشي وتاخدى العلاج...

جميله اكلت هي ووليد واخدت العلاج. ونامت.

في الصباح.

على السفرة.

كان قاعد وليد وجميله بيفطرو.

نسرين: صباح الخير.

جميله: صباح النور يا نسرين.

نسرين: بتفطرو من غيرى.

وليد: تعالي يا نسرين احنا لسه بداين فطار.

نسرين قعدت وبدأت تاكل.

نسرين: قوليلى يا جميله هو انتى فقدتى بصرك نتيجه حادثه.

جميله افتكرت الحادثه ووشها بقي اصفر من الخوف وافتكرت امها.

جميله: اه حادثه.

نسرين: وانتى مفيش عمليه تعمليها ولا هتفضلي عاميه على طول.

وليد: نسرين الزمي حدودك انا الحد دلوقتى عامل حساب القرابه إللى بينا بس بعد كدا مش هعمل حساب لحاجه جميله خط أحمر فاهمه ولالا.

نسرين مثلت البكاء وقامت من على السفرة.

جميله: بالراحه يا وليد هى اكيد متقصدش.

وليد: انتي هتفضلي لحد متى كدا مانتي لو كنتي بتشوفي كنتي ميزتي نظارات الشر إللي في عينيها.

جميله بصدمه وحزن شديد: عندك حق انا مش بشوف علشان كدا مميزتش.

وليد: جميله انا اسف انا مقصدتش حاجه.

جميله: لا عادي ولا يهمك انا تعودت على كدا. من فضلك ورقه طلاقي تكون عندي في اسرع وقت. يا دادا دادا انتصار تعالي طلعينى أوضتي لو سمحتي.

وليد لنفسه: غبي اى اللى انا قولته دا انا كدا جرحتها بكلامي.

في المساء.

نسرين لنفسها: انا يا وليد تزعقلي علشان دي طيب انا بقي هخلص منها خالص.

جميله كانت قاعده في اوضتها وفجأه سمعت صوت حاجه بتتكسر بره.

جميله بخوف: اى الصوت ده.

جميله بدأت تتحرك. لما وصلت عند الباب فضلت تنادي على دادا انتصار بس مردتش عليها.

نسرين كانت بتمثل انها بتتكلم في الموبايل: انت بتقول اى وليد عامل حادثه.

في الوقت ده جميله بدأت تصرخ: وليد وليد لا.

جميله طلعت من الأوضة بدأت تتحرك بعشواءيه. وصلت عند السلم نزلت درجه واحده وفجأه تزحلقت ووقعت.

في الوقت ده نسرين كانت حاطه زيت على السلم علشان تزحلق جميله.

جميله وقعت من على السلم وفجأه.

وقفنا البارت إللى فات لما جميله وقعت من على السلم.

وليد فى الوقت ده كان راجع من الشغل ولقي جميله راسها بتنزف.

"جميله جميله حبيبتى ردى عليا لا لا جميله..."

وليد شال جميله وخدها فى العربيه وجرى على المستشفى.

فى المستشفى.....

"يارب يارب تقوم بالسلامة انا تعلقت بيها يارب رجعها لي انا مليش حد غيرها."

الدكتور خرج من اوضه العمليات...

"خير طمنى يا دكتور أرجوك."

"اطمن هى بخير وفى خبر حلو.."

"خير ان شاء الله..."

"المريضة رجعلها بصرها."

"يعنى جميله هتشوفنى بجد."

وليد حضن الدكتور من الفرحه

"شكرا جدا لحضرتك."

"العفو ده واجبي."

"اقدر اشوفها دلوقتى."

"هننقلها اوضه عاديه وتقدر تشوفها بعد اذنك."

وليد دخل الاوضه عند جميله.

"جميله حمد الله على السلامة."

"انت وليد."

وليد جري على جميله واخدها فى حضنو

"ايوا يا حبيبتى وليد. وليد إللى حبك من قلبه وليد إللى كان هيموت من الخوف عليكى حمد الله على السلامة يا قلبي...."

"قلبك."

"ايوه قلبى وروحى وحبيبتى جميله انا مش بحبك انا وصلت لمرحله انى بعشقك."

"مش عارفه اقولك اى ياعنى مش هتطلقنى انا بابا حكالى عن كل حاجه حصلت فى الماضي انت مش مضطر تتجوز بنت الراجل اللى انت بتكرهه."

"انا مش عايزك تفكرى فى الماضى انتى الحاضر والمستقبل....."

"وليد انا بحبك."

"وانا بعشقك."

"بس انا مش عارفه مين اللى كان عايز يقتلنى."

"متخفيش انا هقولك مين."

فلاش باك.

وليد بعد ما الدكتورة قالت إن جميله اكلت حاجه بتعملها حساسيه حس ان حد كان عايز يأذى جميله فحط كاميرات مراقبه فى الفيلا. والكاميرات صورت كل إللى حصل من نسرين.

عودة من الفلاش باك.....

"نسرين انا مش مصدقه."

"لا صدقي يا حبيبتى وهى دلوقتى محبوسه بتاخد جزاها."

"شكرا اوى يا وليد مش عارفه اشكرك أزاى."

"انا اللى عايز اشكرك يا جميله لأنك ظهرتى فى حياتى وبعدين قومى بالسلامه علشان فرحنا."

"فرحنا انت نسيت يا وليد احنا متجوزين."

"لا يا قلبي منستش بس انتى ملبستش فستان ومتعملش ليكى فرح وده من حقك."

"انت فرحتى يا وليد ربنا ميحرمنيش منك ابدا."

"ولا يحرمنى منك يا جميلتي."

"جميلتك.."

"اه جميلتى انتى جملتى حياتى."

بعد مرور خمس سنوات........

وليد وجميله بقى عندهم سيف وملك وكدا قصت جميله ووليد انتهت.