رواية جميلة في قلب الاسد — الفصل 31 — بقلم شهد عبدالحافظ
دكتور: المدام في بطنها تؤام.
أسد فتح عينه وقال: مشاء الله. طب ي دكتور أنا عندي الأهم، المدام عندي.
دكتور: بإذن الله هتقوم هي والاولاد.
هنا جميلة بصت لأسد وهي بتعيط وبتقول: أسد ونبي خليك معايا، أنا خايفه اوي أموت أسيب عيالي لوحدهم تجيب ليهم مرات أب.
أسد بخوف مسك إيد جميلة عشان يطمنها وقال: انتي بتقولي إيه ي جميلة، انتي إن شاء الله هتقومي ونربيهم سوا.
جميلة عيطت بصوت صويتها اللي جايب آخر المستشفى.
دكتور كان بيولدها.
أسد كان معاها ماسك إيدها وقال: هانت ياروح قلبي، بس انتي بس اهدي اهدي خالص، أوعي تغمضي عينك عشان خاطري.
هنا جميلة صوتت، وسمعنا صوت عياط بيبي، ومكنش أسد مركز مع جميلة ماسك فيها جامد وخايف تغمض عينيها.
دكتور: شدي حيلك وعلي صوتك أكتر.
هنا جميلة صوتت بصوتها كله وظهر صوت الطفل كمان.
هنا: جميلة ريحت ومسكت إيد أسد وقالت: أنا ولدت ي أسد صح.
أسد باس راسها وقال: اه ياقلب الأسد.
دكتور جه ماسك معاه طفل والممرضة معاها طفل وقالوا: اتفضل ي أستاذ أسد شوف أولاد حضرتك قبل ما يروحوا الحضانه.
أسد بيمد إيده وهو خايف، في رعشة في جسمه، لأول مرة إحساس إنه هيمسك حته منه.
جميلة بحب: مد إيدك ي أسد شيل ابننا أو بنتنا.
دكتور: ربنا رزقكم بولدين زي القمر، يتربى في عزكم يارب.
هنا جميلة وأسد فتحوا عنيهم بفرح كبير.
وأسد مسك طفل وكان نازل بشعر كان لونه أصفر وحجمه صغير جداً وقال: أسد شبهك ي جميلة أوي.
جميلة مسكت الطفل التاني من إيد الممرضة وقالت: مشاء الله حبيب ماما.
هما ليالي دخلت بسرعة الأوضة وقالت: فين ولاد أختي عاوزة أشوفهم.
جميلة ضحكت وقالت: خدي يستي.
هنا دكتور قال: أنا عاوز آخد الأطفال الحضانات.
جميلة بخوف: ليه في إيه.
دكتور: مش تخافي ي مدام، هما أسبوع أو أسبوعين بس عشان انتي ولدتي بدري عن ميعادك بس.
أسد طمن جميلة وقال: ليالي خلي بالك من جميلة عقبال ما أطلع أطمن زين وآخد الأولاد على الحضانات.
ليالي: ماشي. وبصت لجميلة وقالت: ألف ألف مبروك ياقلب أختك.
جميلة: الله يبارك فيكي ياقلب أختك، عقبالك هانت أهي.
ليالي: ياسوحتي ليه بس بتفكريني ليه بس.
عند أسد طبعاً هو شايل أولاده جري عليه زين.
وقال: ولاد أخويا مشاء الله.
أسد بحب: خد إذن لأبن أخوك.
زين هنا وهو بيمسك الطفل من إيد أسد حس بإحساس غريب وتخيل هو بيمسك ابنه أو بنته من ليالي.
أسد مسك الطفل وأذن في ودنه وكان صوته حلو جداً.
زين أذن للطفل وحبه جداً وقال: تسميهم إيه.
أسد: هسمي أبو شعر أصفر دا عمار، أبو شعر أسمر دا عزام.
زين: مشاء الله يتربوا في عزك ياحبيب أخوك.
عدت الأيام وسنين وعزام وعمار مجانين جميلة.
أسد فرحان بعيلته.
جميلة نايمة بعمق شديد في حضن أسد.
دخل عمار بغضب، الطفل اللي بيمتلك خمس سنوات، جري على أوضة أمه جميلة.
جميلة نايمة بعمق جداً.
عمار بغضب: مامي، بابي الحضانه، عاوز أروح زمان حورية راحت الحضانه.
جميلة قامت من حضن أسد بغضب وقالت: مين قالك ياض إني هعلمك في زمن حجازي.
عمار حط إيده في وسطه وقال: اومال هكون إيه يعني.
جميلة: روح ياض نام، أنا هدخلك دبلوم زراعة.
أسد قام وقال: استغفر الله العظيم، إيه ياعمار، أنا هقوم أهو عشان أوديك، فكك من أمك دي.
دخل عزام بحنية، جري على حضن جميلة وقال: صباح الأناناس على أجمل ماما ي ناس.
جميلة ضحكت وقالت: ياض انت خاطف قلبي من ساعة ما جيت.
أسد بغضب: أنا قولت إيه ي عزام.
عزام: قولت إني مش أحضن أمي تاني، بس هي أمي.
عمار: بابا عزام باس بنت معانا في الفصل اسمها قمر.
أسد: يالهووووي ياض انت طالع باد بوي لمين.
جميلة: أحلى باد بوي، ابني القمر لازم بيحب وبيتحب.
عند ليالي: ي بت ي حورية مش توجعي قلبي تعالي عشان ألم شعرك.
حورية عندها أربع سنين ونص قالت: عمار قال لي بيحب شعري كدا.
زين طلع من الأوضة وشال حورية وقال: ي حبيبتي انتي شعرك جميل، أخاف عليكي يتحسد.
زين بحب: أنا بموت فيكي ياقلب أبوكي.
ليالي بغيظ: استغفر الله العظيم، وأنا بنت البطة سودة يعني.
عند مكان التاني واحد راكب في العربية بيقول: لازم نخطف عيال أسد هنا ضروري للبوص.