ساره: ماله بلال، إيه اللي حصل له؟
فايزة: عنده انفصام.
ساره: إيه الكلام ده! ده كلام مسلسلات مش موجود في الحقيقة.
فايزة: يا بنتي بلال تعبان ومحتاج حد يمد له إيده.
ساره: وأنا أقدر أعمل له إيه ده؟ أنا مش قادرة أساعد نفسي ولا أساعد عطر.
فايزة: بلال حصل له كده من ساعة ما كريم بيه والده اتوفى بسبب اللي أم بلال عملته قدام عينيه، ومن ساعتها وهو عاوز ينتقم من أي ست حلوة.
ساره: تقصد إنه هيقتلني زي ما قتل هويدا، وأكيد كان فيه بنات تانية غير هويدا، صح؟
فايزة: بلال لو كان عاوز يقتلك كان قتلك امبارح بالليل زي ما بيعمل في العادة.
ساره بخوف: أومال هو عاوز مني إيه؟
بلال قطع كلام فايزة وساره لما ظهر قدامهم فجأة بابتسامة غريبة.
بلال: بتعملوا إيه هنا؟
ساره بخوف: أنا... كنت...
فايزة: ساره مكنتش عارفة طريق الحمام وأنا كنت بدلها مش أكتر.
ساره: أيوه بالظبط.
بلال: طيب يلا عشان الفطار.
راحوا كلهم على السفرة مرة تانية، وفي وسط الصمت الرهيب ده بلال قرر يتكلم ويكسره.
بلال: أنا هبعت ستي تقعد يومين في المزرعة اللي في الفيوم تغير جو، وأنتي يا دادة فايزة هتروحي معاها، وكمان عطر.
ساره بانفعال: عطر لأ.
بلال: وليه الأسلوب ده؟
ساره: يا أخي إحنا مش من عيلتك وكمان مش هنعيش معاك، فلو سمحت حل عني وعن أختي وسيبنا نمشي من هنا.
بلال بغضب: دخول البيت ده كان قرارك، لكن الخروج منه قراري أنا، وطول ما أنتي وأختك تحت سلطتي يبقي واجب عليكوا الطاعة.
عطر بدموع: أنا خايفة يا ساره.
بلال حاول يهدي نفسه ويفرد وشه ويرسم ابتسامة خفيفة.
بلال: متخافيش يا عطر يا حبيبتي، أنتي وتيتا هتروحوا مكان حلو أوي مليان ورد وألعاب حلوة.
عطر: طيب وساره مش هتيجي معانا؟
بلال: ساره عندها شغل هنا يا حبيبتي لازم تخلصه.
ساره: أنا مش هسمحلك تعمل معانا كده.
بلال تجاهل كلام ساره وغضبه.
بلال: جهزي الشنط يا دادة عشان هتتحركوا بعد ساعتين.
كل واحد قام على أوضته، وبلال راح شغله.
ساره في أوضتها هي وعطر.
ساره: إحنا لازم نمشي من هنا يا عطر.
عطر: بس عمو قالي إنه هيوديني مكان حلو أوي وأنا عاوزة أروح.
ساره: عمو ده شرير ومتسمعيش كلامه ولا تصدقيه تاني، فاهمة.
عطر: ماشى.
بدأت ساره تجهز شنطتها وجهزت الهدوم اللي هتمشي بيها وحطتها على الكرسي، وسابت عطر ودخلت الحمام تدوش.
بعد خمس دقايق خرجت ساره من الحمام وهي لابسة هدوم رجالي لأنها لما ندهت على عطر تديها الهدوم عطر مردتش.
ساره بخوف: عطر... عطر أنتي فين؟
ساره حست بأنفاس غريبة حواليها وبدأت تسمع دقات قلبها من كتر الخوف.
ساره: أنتي...
بلال: عطر مشيت مع ستي، هو أنا مش قلت لك الصبح ولا إيه؟
ساره: يعني إيه؟
بلال: يعني مفيش في البيت إلا أنا وأنتي وعابدين البواب.
ساره: اطلع بره.
بلال: ولو مطلعتش؟
ساره بخوف: لو سمحت اطلع برا عشان ألبس هدومي.
بلال: هتغيري ليه؟ هدومي لايقة عليكي وشكلك حلو.
ساره: لو كنت أعرف إنها هدومك مكنتش لمستها.
بلال بخبث: خلاص اقلعيها وأهو شكلك ساعتها هيبقي أحلى.
ساره بغضب: أنت قليل الأدب ولو سمحت اخرج.
بدأ بلال يقرب من ساره شوية شوية لحد ما الفاصل بينهم بقى خطوة أو أقل.
ساره بدموع: أنت عاوز مني إيه؟
بلال تجاهل كلام ساره ودموعها وبدأ يقرب منها أكتر و...