تحميل رواية «غيرت مجري حياتي» PDF

حفصه: أي دا مش تفتح يا كابتن

جاسر: كابتن إيه بس، وأنا اللي أفتح برضه؟ ما أنتِ اللي مغمغمة نفسك. إيه اللي أنتِ لبساه ده؟

حفصه: متغمغمة، شكرًا. دا من ذوق حضرتك، وأنا مسامحاك على اللي أنت قلته، وربنا يهديك.

قالت كده وراحت ماشية. هي جات عليك أنت كمان، دا حتى صحابي بيقولوا هتعمل علينا شيخة. ربنا يهديهم جميعًا يا رب.

هون، وراحت ماسحة دموعها وراحت ع المحاضرة.

جاسر: (بيكلم نفسه) إيه البنت دي؟ أنا زعقت وغلطت في حقها وهي بتدعيلي؟ هو ليه أنا حاسس إني زعلت من نفسي؟ أول مرة أحس كده. جاسر أنت اتعطلت؟ مش البنت دي اللي تعتذر لها؟

معاذ: إيه دا يا جاسر؟ أنت بتكلم نفسك؟ أنت اتعطلت؟

جاسر: أصل...

معاذ: (بمقاطعة) أنت لسه هتحكي؟ انجز، الدكتور مش هيرضى يدخلنا لو المحاضرة بدأت.

في المحاضرة.

الدكتور: طبعًا إحنا هنتقسم، كل مجموعة هتشتغل مع بعض. وهنختارها على حسب الحروف، كل حرفين ورا بعض هيكونوا تيم واحد. وأنا هنادي أسماء كل مجموعة. التيم اللي يخلص يقعد في جنب لوحده.

والدكتور نادى على حفصة، وبعدين كان جاسر.

حفصه: (في نفسها) أول ما شافت جاسر جاي على التيم بتاعها. لي كدا؟ بس يالا، الحمد لله. قدر الله وما شاء فعل.

جاسر: ينهار أسود، هي غمغومة هانم معايا في التيم؟ إيه اليوم ده؟

المحاضرة خلصت والدكتور وزع مهام كل تيم.

كل تيم كان بيختار أكبر حد فيهم وكان بيكون رئيس التيم بتاعهم. المهم، كان رئيس التيم جاسر، كان أكبر واحد فيهم على حسب مولود شهر كام.

جاسر: كدا أنا رئيس التيم، اشطا عليا. أنا بقى معرفش حاجة في أي حاجة. بس الأول هنعمل جروب على الواتس عشان نشوف هنعمل إيه في اللهو اللي الدكتور طلبه.

أخد أرقام الفون بتاعت التيم بتاعه وظبط الجروب.

في بيت حفصة.

الأم: اتأخرتي كده ليه يا حبيبتي؟ أنا اتخضيت عليكي.

حفصه: معلش يا ست الكل. (وباست إيديها) بس كان يوم طويل أوي ومحاضرات كتير.

الأم: خلاص يا عمري، حصل خير. بس بعد كده طمنيني عليكي. أنا مليش غيرك بعد ما باباكي الله يرحمه ما سابنا. وأنا طول النهار بكون خايفة عليكي. حتى مليكيش أخ ولا حتى صاحبة بجد. أنا بحبك أوي وخايفة عليكي جامد يا حبيبتي. أنتِ كل حاجة بالنسبالي، مش بس بنتي.

قالت كده وهي بتعيط.

حفصه: (وهي ماسكة إيد مامتها وبتبوسها وتمسح دموعها) يا ماما يا روحي، ربنا مش هيسيبنا. وإحنا الحمد لله في أفضل حال. والروح متغلاش على اللي خالقها. وبابا في مكان أحسن. هو كان طيب وعلى طريق الله. بس ولو على أخ، فأنت عندي أحسن من مليون أخ. وأخت أنت عندي بالدنيا. بس قلبي بيوجعني أما أشوفك بتعيطي. ربنا يخليكي ليا، أنتِ سندي بعد ربنا. وربنا الأقرب والأحن. فرفشي كده عشان بكرة مفيش جامعة وهنقعد مع بعض طول اليوم. أنا هصلي المغرب قبل العشا ما تأذن وأحفظ النص بتاع الكتاب ونتعشى سوا يا ست الكل.

في بيت جاسر.

جاسر: ماما، أومال هناكل إيه؟

الأم: هو مفيش سلاموا عليكم ولا ازيك يا ماما ولا حاجة خالص؟ همك على كرشك كده؟ بس تعالالي يا روحي عشان وحشتني.

جاسر: يا حجوجة، أنتِ وحشاني وكل حاجة. بس ابني هفتان طول اليوم مأكلش وحاسس إنه مدروخ.

الأم: (بفجعة) يا قلب ماما، مأكلتش ليه بس؟ ثانية وهجيبلك تاكل يا عمري.

في الأوضة بتاعت جاسر.

جاسر: هي البنت دي عملتلي إيه؟ أنا إيه اللي مخليني أفكر فيها دلوقتي؟ أنا حتى مشوفتش وشها قبل كده. يمكن أنا مش متعود على الاحترام ده.

فاق جاسر من تفكيره على رنة الموبايل.

معاذ: إيه يا جاسر بيه؟ مش هتسهر معانا النهارده؟

جاسر: لا، مش هسهر. أنا بفكر في موضوع وشاغل تفكيري.

معاذ: أوعى تكون البنت المنتقبة اللي حكيتلي عليها في العربية وإحنا راجعين من الجامعة.

جاسر: أيوا، هي. مش عارف ليه، حستها طيبة أوي وباين عليها اتخدعت من ناس كتير. أنا عايز أعتذر لها.

معاذ: أنت باين عليك اتعطلت وأنا مش فايقلك. روح نام يا جاسر. امشي جاسر يعتذر لواحدة زي دي. وراح قافل السكة.

جاسر: أيوا، أعتذر لها. مالها دي؟ محترمة وملتزمة ولطيفة في التعامل ومش بتزعل حد وبتسامح الناس.

أنا هعتذر لها بعد بكرة في الجامعة.

عدى يوم الإجازة، وجاسر مع باباه في الشركة بيغلس على الموظفين ومستني الوقت اللي هيشوف فيه حفصة عشان يعتذر لها. وحفصة ومامتها راحوا دار التحفيظ سوا واتمشوا واشتروا طلبات للبيت وقعدوا يطبخوا سوا ويهزروا طول اليوم. والأم كانت مبسوطة جدا.

يا ترى جاسر هيعتذر ولا كبريائه هيمنعه؟

في الجامعه :

يا انسه

حفصه: نعم!

حضرتك معانا ف التيم واحنا ف الكافيتريا ومستنين حضرتك علشان نحضر شغلنا قبل المحاضره

حفصه: حاضر يا كابتن اتفضل وانا هنيجي وراك

جاسر: فين الانسه يا حسن

حسن: قالت هتيجي ورايا مش عارف اتأخرت لي

بعد نص ساعه

حفصه: السلام عليكم ورحمة الله وبركاته

جاسر بعصبيه: وعليكم السلام يا هانم اتأخرتي كدا لي احنا خلاص مفضلش وقت ع المحاضره ومعملناش حاجه

حفصه بختناق: كنت بتوضي واصلي الظهر وانا اسفه بس انا جهزت الي الدكتور طلبه امبارح اتفضل حضرتك

وسابت الكافيتريا وطلعت

جاسر: طيب يا شباب كدا مش هنحتاج حاجه يلا انصراف اقابلكم ف المحاضره

حفصه ف مكان بتبكي: يارب اكفيني شر خلقك انا زهقت كله بيعملني وحش

جاسر: انا اسف يا انسه مكنتش اعرف انك كنتي بتصلي واسف ع الي حصل المره الي فاتت ومتشكر جدا انت وفرتي علينا شغل كتير

حفصه تجاهلته تماما وسابت المكان وقامت

جاسر واقف بيبص وبيكلم نفسه: قال جاي اصلحها قال انا غبي غبااااااي اول ما شفتها ادتها الي فيه النصيب

معاذ: اعتذرتلها يا جاسر ولسا بتكلم نفسك انت شاغل بالك بيها لي ما تولع

جاسر بعصبيه وماسك معاذ من هدومه: لو جبت سيريتها ع لسانك ب خير او شر انا الي هولع فيك وف اهلك

وراح زقه ومشي

معاذ بيعدل هدومه: ماشي يا جاسر ماشي هتولع فيا عشان دي.........

دخلوا المحاضره وخلصت وجاسر باله مشغول تماما ب حفصه وهوا مش عارف ايه السبب

ف منزل حفصه

حفصه: ماما انا كنت لقيت اعلان انهم محتجين موظفين ف شركه الياس وانا عايزة اقدم

الام: بس يا حبيبتي كليتك ومذاكرتك والكتاب وكل دا

حفصه: متقلقيش يا ماما والشغل ده هيفدني بعد التخرج وانا هفهمه ظروفي بس يارب اتقبل بس هتكون فرصه حلوا ليا

الام: طالما مُصره خلاص وربنا يوفقك يا روحي يارب

حفصه: شكرا جدا يا احلي ماما ف الدنيا ربنا ما يحرمني منك يارب

منزل جاسر

الاب: عامل اي يا جوجو

جاسر: يا ابو الحجوج مش قولتلك بلاش جوجو دي

الام: خلاص يا روحي متزعلش بابا بيدلعك بس

الاب: ياض بحبك ياض بس لو تتبعني وتيجي اعلمك ف الشركه بعد جمعتك وتشتغل بدل ما انت مطفش عمال الشركه

جاسر: يا بوب قولتلك ابنك نو شغل نو تعليم نو اي حاجه

الاب بضحك: انت نو تربيه ياض

عدي تاني يوم وجه معاد تسليم حفصه الورق عشان الشغل

ف شركه الياس

حفصه: السلام عليكم ورحمة الله وبركاته

السكرتير: وعليكم السلام

حفصه: كنت جايه بخصوص الوظيفه الي ف الاعلان ودي الاوراق المطلوبه

السكرتير: حاضر ثانيه اكلم المدير علشان اشوف الانترفيو امتا

حفصه: حاضر

السكرتير للمدير ف الفون: ف انسه مقدمه للوظيفه تحب الانتر فيو تكون امتا

المدير: ممكن تدخلها

السكرتير: تمام يا افندم تقدري تتفضلي يا انسه

حفصه: ماشي شكرا

بعد الانتر فيو

حفصه وهيا طالعه من الشركه بتكلم نفسها: بجد مدير عنده زوق اوي يارب اتقبل هو قال لو حصل نصيب هيرن عليا ربنا يعمل الي فيه الخير

الساعه 10 مساء

الفون بيرن

حفصه: الو السلام عليكم ورحمة الله وبركاته مين معايا

الشخص: عليكم السلام بكلم بخصوص الوظيفه وبقولك تقدري تنزلي الشغل بكرا وحسب علمي معندكيش جامعه ف الساعه ٨ تكوني موجوده ان شاء الله

حفصه: ان شاء الله هكون ف المعاد بالظبط شكرا لحضرتك

ف شركه الياس

حفصه وهيا دخله الشركه: اللهم وفقني ف هذا العمل واجعله خيرا لي

السكرتير: تعالي يا انسه اوريكي مكتبك

حفصه: ماشي اتفضل

السكرتير: دا مكتبك يا انسه هبعت لحضرتك ابن المدير ب المهام بتعتك ويعرفك المكاتب الي هنا

حفصه: ماشي وان شاء الله اكون عند حسن ظنكم

تك تك تك صوت خبط الباب

حفصه: اتفضل

الباب اتفتح بس حفصه كانت باصه ف الارض

جاسر: حفصهههههه

جاسر: حفصه.

حفصه وهيا مش راضية ترفع راسها: الصوت مش غريب عليا، يارب ميكونش هو. لا لا، هو مراقبني ولا إيه؟ يارب أكون بحلم.

جاسر بضحك: لا مش بتحلمي ولا مراقبك، بس دي شركة بابا. شوفتي مفاجأة يا فوزي؟ مفاجأة.

وراح ضاحك.

حفصه في نفسها: ده طفولي أوي وشكله يفطس من الضحك.

حفصه وبتحاول تطلع الكلام من غير ما تضحك: ماشي، وحضرتك بتفهم في الشغل ده وكده؟

جاسر: بفهم إيه يا وليه؟ أنا جامد وأعجبك.

حفصه: طيب يلا نشوف الشغل.

جاسر: هو إيه يا حجة؟ أنتِ لسه مضحكتيش خالص؟ فكّي كدة، ربنا يفك عليكي. ولا لسه زعلانة؟ يا ستي أنا آسف.

حفصه بجدية: جاسر، هنبدأ الشغل ولا أقدم استقالتي؟

جاسر: جاسر بس؟ أنا هنا المدير بتاعك، جاسر بيه بقى. بدل هنشتغل جد، يلا يا آنسة أفهمك شغلك.

عدى أول يوم وجاسر وحفصة كلامهم رسمي تمامًا.

في المساء، بيت جاسر.

جاسر: بابا، أنا قررت قرار، ما قرروش مقررين من قبلي.

الأب: أنت شارب؟ انجز ياض، هتجلطني.

جاسر: يا بوب، أنا هنزل شغل في الشركة.

الأب بضحك: آه ياض يا نمس! هيا عجباك الشغل معاها ولا إيه؟ وبعدين أنت تعرفها منين ياض؟

جاسر: مين دي بس يابو؟ ده أنا غلبان.

الأم: إيه ده إيه ده؟ أنتوا بتخبوا عليا؟ مين دي يا جاسر؟

جاسر: مين إيه بس يا ماما؟ واللهي كبرتوا الموضوع. كل الحكاية إن دي زميلتي في الجامعة، وكل ما أشوفها أتخانق معاها. وما صدقت وقعتلي، ده أنا هوريها النجوم في عز الضهر.

قعدوا يضحكوا ويهزروا مع جاسر.

منزل حفصة.

حفصة: يعني يوم ما أشتغل، أشتغل مع جاسر؟ ده أنا مني لله بجد. بس هو عايزني أمشي وأسيب الشغل؟ واللهي ما أنا منولةالك يا جاسر بيه.

قامت صلت وقرأت قرآن وحفظت وردها وقعدت تدعي لغاية ما راحت في النوم وهي بتصلي.

اليوم التاني في الجامعة، بعد ما خلصت المحاضرات.

جاسر: حفصة، رايحة الشغل؟

حفصه: إن شاء الرحمن.

جاسر: طب يلا، هوصلك معايا. أنا رايح أهه.

حفصه: شكرًا، بس ورايا كتاب وبعدين هروح، ولسه مصلتش.

جاسر: طيب ماشي.

وسابها ومشي.

جاسر بيفكر وهو ماشي بالعربية: أنا ليه مش بحفظ قرآن ومش ملتزم زيها في الصلاة؟ أنا هبدأ من بكرة. ولا ليه بكرة؟ أنا هبدأ دلوقتي.

وقف العربية قدام المسجد ونزل صلى فرضه وقعد ومسك مصحفه وبدأ يحفظ أول ربع من سورة البقرة. بعدين خلص وركب عربيته وبيكلم نفسه: الله على راحة القرب من ربنا. الله! حاسس إني مبسوط؟ لا مش مبسوط، أنا طاير. الحمد لله إنه بعتلي واحدة زي دي تفهمني.

وظل مستمر في التفكير.

(شركة إلياس)

حفصة وجاسر بيشتغلوا.

جاسر بمقاطعة: ممكن أطلب منك طلب؟

حفصه: اتفضل.

جاسر: ..

جاسر: عايز أقولك شكراً جداً جداً، أنا ممتن ليكي بجد.

حفصة باستغراب: ليه؟

جاسر: بصراحة، إنتِ بعد ما قولتيلي هتروحي الكتاب وتصلي وكده، أنا حسيت نفسي مقصر جامد وروحت المسجد وصليت الفرض في وقته، وقررت هلتزم وأحفظ قرآن. بجد شكراً، بس فيه مشكلة.

حفصة: بجد أنا فرحت لك جداً، ومبارك عليك طريق الهداية، وفقك الله لما يحب ويرضى. بإذن الله مفيش مشاكل، قول واحلهالك بإذن الله.

جاسر: إني أحفظ لوحدي مش هعرف، وممكن أحفظ غلط ومش هيكون بالتجويد وكده.

حفصة: بسيطة جداً، أنا الكتاب اللي بروحُه مدرسة لتحفيظ القرآن، مش كتاب وفيه رجالة وحريم، دول في دور ودول في دور، وفيه كبار الشيوخ وبيهتموا جداً بالتجويد. وكمان يوم الجمعة بيكون فيه درس تعاليم الدين والمبادئ وكده، ومفيد جداً وهيعجبك. وربنا يوفقك يارب.

جاسر: بجد شكراً تاني، وإن شاء الله هروح من بكرة. سؤال، إنتِ في سورة إيه دلوقتي؟

حفصة: أنا الحمد لله، حتى يبلغ الحمد منتهاه، في آل عمران، هخلصها بكرة وأبدأ في البقرة، وأكون ختمت القرآن بإذن الله.

جاسر: الله أكبر، ربنا يحميكي وتختميه على خير يارب.

حفصة: اللهم آمين.

جاسر: نكمل شغل بقا؟

حفصة: يلا.

بعد كده فضلوا يشتغلوا، اليوم خلص وروحوا.

في منزل جاسر

جاسر: بابا.

الأب: نعم يا جاسر.

جاسر: بصراحة يا بوب، الموظفة الجديدة فهمت الشغل أوي وبتشتغل أحسن من ناس قديمة. إحنا المفروض نخليها في مكان أحسن في الشركة ونستفاد منها. شغلها بجد حلو أوي.

الأب: أنا كنت بفكر في كده وكنت هنفذ بكرة. بجد مجتهدة جداً ومحترمة.

جاسر: ماشي يا بابا، أنا هصلي العشاء بقا.

في بيت حفصة

قاعدة على المصلاية بعد ما صلت فرضها وبتدعي لجاسر عشان يلتزم ويحفظ القرآن. خلصت ولبست لبس خروج.

حفصة: ماما، أنا نازلة المكتبة اللي تحت البيت ومش هغيب.

الأم: ماشي يا حبيبتي.

في المكتبة

حفصة: عمو لو سمحت، عايزة مصحف وغلفهولي وحطه في شنطة هدايا.

بعد شوية

صاحب المكتبة: اتفضلي يا آنسة.

حفصة: شكراً.

انتهى اليوم بنوم عميق لحفصة وجاسر.

ارتفع أذان الفجر.

حفصة قامت صلت وحفظت قرآن.

جاسر على سريره: أنا أبدأ يومي بصلاة الفجر بقا ولا أنام؟

عقله: قوم يا جاسر، متخليش شيطانك يسيطر عليك.

الشيطان: خليها وابدأ من بكرة.

عقله: لا، إنت هتبدأ حفظ من النهارده، قوم يلا.

جاسر نط من على السرير قبل ما الشيطان يغريه وقال: هزيمة الشيطان أهم حاجة، وأنا من النهارده ههزمه.

"أعوذ بالله من الشيطان الرجيم"

قام جاسر صلي وقرأ قرآن لغاية الصبح.

في الكلية

بعد انتهاء اليوم.

حفصة: جاسر!

جاسر: أيوه، كنت بدور عليكي. هوا مكان المدرسة فين؟

حفصة: في *********. هيا هناك.

جاسر: إنتِ هتروحي إمتى؟

حفصة: دلوقتي.

جاسر: تحبي أوصلك؟

حفصة: معلش، بس مينفعش أركب معاك لوحدنا.

جاسر: طيب، عايزة حاجة؟

حفصة بتمد إيديها بالهدية: ممكن تقبل دي وتحفظ فيه عشان آخد ثواب قراءتك وحفظك فيه.

جاسر: شكراً، وهدية مقبولة، وجزاكي الله كل خير.

جاسر وحفصة كل واحد راح الكتاب لوحده وخلصوا وطلعوا على الشغل.

في (شركة إلياس)

المدير: آنسة حفصة.

حفصة: نعم.

المدير: إنتِ تم ترقيتك وبقيتي إنتِ وجاسر في مكتب العلاقات العامة، ودا أهم مكتب لأنه بينظم الاجتماعات المهمة، والصفقات.

حفصة: شكراً جداً، وإن شاء الله أكون عند حسن ظنك حضرتك.

المدير: أنا واثق فيكي.

جاسر: مبروك، وربنا يوفقك.

حفصة: الله يبارك فيك يا رب.

بعدت أربع سنين الجامعة على جاسر وحفصة وهما بامتياز في سنين الجامعة كلها، واتعينوا معيدين في الجامعة.

جاسر كان ختم القرآن الكريم خمس مرات بالتجويد، ومش بس بقى ملتزم في الصلاة، بقى بيصلي الفرض بفرضه في المسجد، وبقى متدين وعارف دينه كويس أوي، وبقى من محفظي القرآن في المدرسة. والشركة كبرت جداً وفروعها كترت، ودا كله ببركة القرآن وتوفيق ربنا. وزي ما بيقولوا، لكل مجتهد نصيب. بعد ما كان جاسر التافه الفاشل، بقى معيد بيمتلك أكبر الشركات، محفظ قرآن، متدين، وعلى طريق الله.

أما حفصة، بردوا بقت معيدة، وختمت القرآن أكتر من مرة، ومحفظة في المدرسة، ولسه في الشركة، وبقت نائب المدير هيا وجاسر.

(في يوم)

جاسر: بابا، أنا قررت أتجوز.

الأب بفرحة كبيرة جداً: ألف مبروك يا حبيبي، حفصة صح؟ وأنا موافق.

الأم: البنت دي هيا اللي تستحق لقب الزوجة الصالحة، وأنا موافقة، وهنروح لهم بكرة.

جاسر: بإذن الله.

في بيت حفصة

أبو جاسر: إحنا طالبين إيد آنسة حفصة لابني جاسر.

أم حفصة: أنا بثق في بنتي وفي اختياراتها، ولو هيا موافقة أنا موافقة.

أبو جاسر: على بركة الله.

حفصة: هصلي استخارة وأقول رأيي بكرة بإذن الله.

أبو جاسر: على بركة الله، واللي فيه الخير يقدمه ربنا.

عدى اليوم وحفصة صلت استخارة وحست بالراحة.

حفصة: ماما، أنا موافقة.

الأم عينيها بتدمع من الفرحة: ألف مبروك يا نور عيني، ربنا يسعدك يارب.

حفصة: الله يبارك فيكي يارب يا ماما.

الأم: أنا هرن على مامت جاسر أقولها.

اتصلت بمامت جاسر وقالتلها، واتفقوا إنهم هيكتبوا الكتاب على طول عشان حفصة وجاسر رافضين فكرة الخطوبة تماماً.

المأذون: بارك الله لكما وبارك عليكما وجمع بينكما في خير.

دا كله وجاسر مكنش شاف وش حفصة. حبها وحافظ عليها وهوا مشافش وشها.

بعد كتب الكتاب، حفصة رفعت النقاب، وكانت عينيها خضرا وملامحها صغيرة وبشرتها بيضا وأمورة جداً.

جاسر: بسم الله ما شاء الله، سبحان من سواكي.

حفصة بضحك: إنت كمان أول مرة أركز في وشك. (جاسر بيمتلك غمازات وطويل وعنده عضلات وشعره أسمر وناعم وبشرته بيضا وعينه زرقا).

جاسر: طول عمري بقول مفيش حد يقدر يتغير، الواحد بيفضل زي ما هو متعود وهو صغير، بس تجربتي أثبتت غير كده تمام. ربنا بيجعل للإنسان وسيلة لتغيير حياته، بس هو اللي مش بياخد باله منها وبيضيعها. دور على وسيلة التغيير بتاعتك، ممكن تكون في (صديق_جار_زوجة_زميل عمل_شخص عابر_والد_والدة). كل واحد أكيد عنده وسيلة للتغيير، أنا ربنا جعلهالي في فتاة وأصبحت زوجة وغيرت مجرى حياتي. 💛

النهاية 🧡🦋