تحميل رواية «جحيم قاسي» PDF

في الصباح كانت كل العائلة قاعدة تحت، ما عدا ملاك وأسد.

حسين: "أمال فين ملاك وأسد؟"

أسد: "أنا جيت أهو يا بوي."

حسين: "كنت فين يا أسد؟"

أسد: "كنت في أوضتي يا بوي، هكون فين."

حسين: "أول مرة تصحى متأخر كده."

أسد: "راحت عليا نومة."

حسين: "طب يلا عشان تفطر."

رقية: "أنا هطلع أشوف ملاك اتاخرت ليه."

حسين: "ماشي وهاتيها معاكي عشان تفطر."

رقية: "حاضر."

طلعت رقية أوضة ملاك وخبطت على الباب.

ملاك: "مين؟"

رقية: "أنا يا حبيبتي."

ملاك: "اتفضلي يا ماما."

رقية: "صباح الخير يا حبيبتي."

ملاك: "صباح النور."

رقية: "منزلتيش ليه عشان تفطر؟"

ملاك: "هقوم البس أهو وأنزل."

رقية: "ماشي يا حبيبتي، أنا هستناكي."

قامت ملاك بس كانت لسه رجليها بتوجعها.

رقية بخوف: "مال رجلك يا ملاك؟ انتي كويسة؟ إيه اللي حصلك؟"

ملاك: "اهدي يا حبيبتي، أنا كويسة."

رقية: "أمال إيه اللي عمل في رجلك كده؟"

قالت ملاك ليها كل اللي حصل.

رقية: "طب مصحتنيش ليه كل ده وأنا معرف؟"

ملاك: "مفيش حاجة يا ماما، هي بس اتعورت وأسد عملها لي."

رقية: "مين اللي عملك رجلك؟"

ملاك: "أسد."

رقية: "أنا مش قولتلك إن أسد حنين؟"

ملاك: "هي دي فيها حنية يا ماما؟ كان هيسبني مثلاً ورجلي متعورة؟ أكيد كان لازم يعمل كده."

رقية: "بس برضوا حنين وهتحبيه."

ملاك: "ماما أنا راحة ألبس عشان أنا جعانة."

رقية بضحك: "ماشي هستناكي."

لبست ملاك ونزلت هي وأمها.

ملاك: "صباح الخير."

الكل: "صباح النور."

قعدت ملاك عشان تاكل.

أسد: "رجلك عاملة إيه دلوقتي يا ملاك؟"

ملاك بكسوف: "الحمد لله بقت أحسن."

حسين: "مال رجلك يا ملاك؟"

ملاك: "مفيش حاجة يا عمي، بس دخل فيها إزاز وأسد عقمهالي."

حسين بخوف: "طب انتي كويسة دلوقتي؟ تروحي عند الدكتور؟"

ملاك: "لا أنا كويسة الحمد لله، رجلي بقت كويسة شكراً يا عمي."

هايدي بسخرية: "هي اتضربت بالنار ولا حاجة؟ رجليها اتعورت زي أي حد، مفيش حاجة لكل ده."

صافية بصوت عالي: "أسكتي يا هايدي ويلا اطلعي على أوضتك."

طلعت هايدي على أوضتها.

هايدي: "وربنا ما هسيبك يا ملاك وهعرفك مين هي هايدي."

دخلت عليها أمها.

صافية: "إنتي عايزة إيه يا هايدي؟ مالك بنت عمك؟ تحترمي نفسك شوية."

هايدي بغضب: "مش بنت عمي، وبعدين أنا عملت إيه؟ هي حرامية وأنا وربنا ما هسيبها."

صافية: "سرقت منك إيه عاد؟ البت مبتعملكيش حاجة."

هايدي: "سرقت مني أسد، أسد أنا اللي حبيته الأول، مين هي عشان تاخده مني؟"

صافية: "يامراري الطافح! إنتي بتحبي أسد؟ إنتي اتجننتي خلاص؟ أسد ده يبقى ابن عمك."

هايدي: "إنتي قولتيها أهو ابن عمي، مش أخويا يعني يحق لي أحبه."

صافية: "بس هو مبيحبكيش يا بت، باطني هو بيعتبرك أخته."

هايدي: "وهو كمان مبيحبهاش، وأنا هخليه يحبني."

صافية: "اسمعي يابت، إنتي واضح إنك اتجننتي. لو متحترمتيش نفسك واتلميتي هتشوفي مني الوش التاني، إنتي فاهمة؟"

هايدي بغل: "ماشي فاهمة."

صافية: "أنا نازلة، كتك القرف."

نزلت صافية تحت.

هايدي: "أسد ده بتاعي أنا وبس ومش هسمح لحد ياخده مني."

في القاهرة.

زين: "الدكتور قالك إيه يا سيف؟"

سيف: "الدكتور قال إنك مش هتعرف تطلع غير بعد أسبوع."

زين بعصبية: "أنا عايز أطلع من هنا دلوقتي."

سيف: "اهدي يا زين كده غلط على صحتك، اهدي وكلها أسبوع وهتطلع."

زين: "أنا عايز أطلع في أسرع وقت عشان انتقم من عيلة الشرقاوي."

سيف: "هتطلع وتنقم بس لازم تهدي عشان تخف بسرعة."

زين: "ماشي بس برحمة أمي ما هسيب ابن الشرقاوي غير أما أدمره."

سيف: "إن شاء الله."

زين: "روح أنت يا سيف وتعالى بكرة."

سيف: "ماشي يا صاحبي، عايز حاجة؟"

زين: "لأ."

سيف: "مع السلامة."

زين: "مع السلامة."

خرج سيف من عند زين.

سيف: "أنا لازم أروح لأسد ده."

في الصعيد.

حسين: "تعالي معايا على المكتب يا ملاك."

ملاك: "حاضر يا عمي."

في المكتب.

حسين: "تعالي يا ملاك يا بنتي."

ملاك: "نعم يا عمي."

حسين: "إنتي كنتي في كلية إيه يا بنتي؟"

ملاك بحزن: "أنا كنت في كلية طب، كنت في أولى طب."

حسين: "طب ومش نفسك ترجعي الكلية تاني؟"

ملاك بفرحة: "ياريت، نفسي أوي، بس إزاي؟ أنا كانت الكلية بتاعتي في القاهرة."

حسين: "عادي، أنا هخلي أسد ينقلك الكلية هنا في الصعيد، وبعدين إنتي الكلية بتاعتك حلوة."

ملاك: "بجد يا عمي؟ ينفع؟"

حسين: "طبعاً يا حبيبتي."

جرت ملاك عليه وحضنته وبسته من خده.

ملاك: "ربنا يخليك ليا يا أحلى عم في الدنيا."

حسين: "ويخليكي ليا يا حبيبتي، دا أنتي بنت الغالي. يلا روحي قولي لأمك وفرحيها."

ملاك وهي فرحانة: "حاضر."

خرجت ملاك من المكتب وبتحمد ربنا على عيلتها اللي ربنا رزقها بيه.

ملاك: "ماما يا ماما."

رقية: "تعالي يا قلب ماما، أنا هنا."

سنية: "خير يا بنتي، فرحانة كده ليه؟"

ملاك: "أصل عمي قرر إنه هو يقدم لي في الكلية."

رقية: "مبروك يا حبيبتي."

ملاك: "الله يبارك فيكي يا ماما."

سنية: "مبروك يا بنتي."

ملاك: "الله يبارك فيكي."

صافية: "مبروك يا ملاك."

ملاك: "الله يبارك فيكي يا مرات عمي."

رقية: "طب متعرفيش هتروحي امتى؟"

ملاك: "عمي قالي إنه هو هيخلي أسد يقدم لي ويحول الورق."

رقية: "ماشي يا حبيبتي."

رقية: "تعالي معايا يا ملاك فوق أوريكي حاجة."

ملاك: "يلا يا ماما."

فوق في الأوضة.

رقية: "غمضي عينك."

ملاك: "تبقي مفاجأة؟"

رقية بضحك: "غمضي بس."

ملاك: "حاضر."

غمضت ملاك عينها.

رقية: "افتحي."

فتحت ملاك عينها وكانت أمها جايبه لها تليفون.

ملاك: "الله! بتاع مين ده؟"

رقية: "هيكون بتاع مين؟ ليكي طبعاً يا حبيبتي، أنا عارفة إنك معكيش تليفون."

ملاك: "ربنا يخليكي ليا يا أحلى أم في الدنيا."

رقية: "ويخليكي ليا يا حبيبتي."

ملاك: "تعالي نفتحها، وأول صورة نتصورها تبقي أنا وإنتي."

رقية: "يلا."

فتحت ملاك التليفون وكانت أمها جايبة ليها خط.

ملاك: "شكله حلو أوي، يلا عشان نتصور."

رقية: "يلا."

اتصورت ملاك وأمها صور حلوة أوي.

ملاك: "الصورة حلوة أوي، أنا هخليها خلفية للموبايل."

رقية: "ماشي يا حبيبتي."

ملاك: "هاتي رقمك يا ماما."

رقية: "خدي يا حبيبتي: ************"

ملاك: "أنا كنت عايزة أرقام الكل بس مكسوفة أقولهم."

رقية: "وتكسفي ليه؟ تعالي ننزل ونقولهم، وبعدين دول أهلك. يلا هما زمانهم كلهم تحت."

ملاك: "يلا."

نزلت ملاك هي ورقيه وكان الكل قاعد تحت حتى أسد.

رقية: "السلام عليكم."

الكل: "عليكم السلام."

ملاك بكسوف: "هو أنا ممكن آخد رقمكم كلكم عشان أنا معيش أرقامكم؟"

حسين: "طبعاً يا حبيبتي، بصي إحنا كلنا قاعدين، امشي على كل واحد بالدور وخدي رقمه."

ملاك: "ماشي."

ملاك خدت أرقام الكل، بس وقفت عند أسد واترددت وقررت إن هي متاخدش الرقم، وكانت لسه هتمشي.

أسد: "مش هتاخدي رقمي؟"

ملاك: "ها؟"

أسد: "لو مش عايزة خلاص، براحتك."

ملاك: "لأ طبعاً عايزها."

أسد: "طب هاتي التليفون أكتب الرقم."

خد أسد منها التليفون وسجل الرقم.

أسد: "اتفضلي."

خدت ملاك التليفون بس انصدمت من الاسم اللي مسجله، كان مسجل الرقم بـ "أسدي".

ملاك بصتله بصدمة.

أسد غمزلها بس محدش خد باله غير رقية.

رقية في سرها: "يارب يا أسد تكون بتحبها وتعوضها عن اللي شافته."

ملاك اتكسفت وراحت قعدت جمب أمها.

أسد ضحك ضحكة صغيرة.

ملاك في سرها: "إيه اللي حصل ده؟ معقول يكون بيحبني؟ لأ لأ، هو أساساً مغصوب على الحرارة دي، بس ليه سجل اسمه كده؟ أووف بقي خلاص."

الغفير: "حسين باشا، في واحد بره عايز يشوف حضرتك."

حسين: "مين ده؟"

الغفير: "معرفش والله يا باشا."

حسين: "طب خليه يدخل."

أول ما دخل ملاك انصدمت.

ملاك بخوف: "سيف؟"

أسد بغضب: "إنتي تعرفيه منين؟"

سيف: "أنا أبقى صديق زين المقرب، وملاك شافتني كتير مع زين."

سيف: "إزيك يا ملاك؟"

أسد: "اسمها آنسة ملاك، وبعدين كلامك معايا أنا. إنت عايز إيه؟"

سيف: "مش عيب اللي إنت عملته في صاحبي ده."

أسد: "صاحبك كان قليل الأدب وعايز يضربني، وأنا علمته الأدب. وبعدين هو خايف يجي فبعتك إنت."

سيف: "زين في المستشفى."

ملاك بخوف: "هو إيه اللي حصل؟"

أسد بغضب: "اطلعي فوق يا ملاك بسرعة."

ملاك بخوف: "حاضر."

طلعت ملاك وهي خايفة.

أسد: "إنت جاي عايز إيه؟"

سيف: "أنا جاي أحذرك إن زين مش ناوي على خير أبداً."

أسد: "يوريني هيعمل إيه، وأسد الشرقاوي مبيتهددش، ويلا من غير ما أطردك."

سيف: "سلام، بس أنا كنت جاي أحذركم."

مشى سيف وخرجت وراه هايدي من غير ما حد ياخد باله.

هايدي: "إنت يا أستاذ."

سيف: "عايزة إيه؟"

هايدي: "هعوز منك إيه؟ أنا كنت عايزة رقم زين."

سيف: "عايزة رقم زين ليه؟"

هايدي: "هاته من غير كلام، يلا بسرعة قبل ما حد يشوفني."

سيف: "عشان قلة أدبك دي مفيش أرقام، ويلا سلام."

هايدي بعصبية: "ماشي، أنا هعرف آخد الرقم إزاي؟"