تحميل رواية «جحيم قاسي» PDF

حسين بصوت عالي: ملاك مش هتروح في حتة وهطلقها دلوقتي، أنت فاهم؟ واعتبر الصفقة اللي بينا انتهت.

رحمة أخويا يا زين، لهندمك على كل دمعة نزلت من عين بنت أخويا.

زين بعصبية: أنت بتقول إيه؟ ملاك مراتي وهتمشي معايا دلوقتي، ومش هطلق حد.

يلا يا ملاك.

حسين بعصبية: اتكلم عدل أحسن لك. أنا محترمك لغاية دلوقتي، لكن مش كل شوية تعلي صوتك. وهطلقها ورجلك فوق رقبتك، أنت فاهم؟ مش كفاية اللي عملته فيها.

زين بغضب: خليها عندك، لكن أنا طلاق مش هطلق. واعمل اللي أنت عايزه.

ملاك ولأول مرة تتكلم كده: يا أخي حرام عليك، طلقني. أنا بكرهك، عارف يعني إيه بكرهك؟ كفاية الذل اللي عيشتني فيه معاك. ولو مطلقتنيش يا زين، هرفع عليك قضية خلع، أنت فاهم.

زين بسخرية: الله الله، بقيتي تزعقي يا ملاك. أهو، امال كان فين صوتك وأنا بضربك كل يوم.

اسد مقدرش يستحمل، وراح جري على زين وقعد يضرب فيه جامد لغاية ما وشه كله جاب دم.

اسد: تطلقها دلوقتي يا روح أمك، أنت فاهم.

زين بغضب: متجبش سيرة أمي على لسانك.

ملاك بدموع: بتوجع صح يا زين؟ يا أخي، أنت كل شوية كنت لازم تعايرني إن أنا يتيمة. أنا بقولك أهو، لو عندك ذرة رحمة، طلقني وريحني. أنا تعبت، والله تعبت.

زين بعصبية: قلت لك طلاق مش هطلق، وهترجعي معايا وتعيشي خدامة تحت رجلي.

رقية بعصبية: أنت إيه يا أخي، معندكش دم ولا كرامة؟ عايزة منها إيه تاني يا شيخ، منك لله.

اسد: يعني مش هتطلقها؟

زين بسخرية: لا، وريني بقى هتعمل إيه.

اسد: يبقى تشاهد على روحك يا ابن الدمنهوري.

طلع اسد المسدس من جيبه. زين جري عليه وكان عايز ياخد المسدس منه، وقعدوا يتخانقوا. والكل كان واقف مرعوب، وملاك كانت خايفة أوي وبتعيط.

ومرة واحدة طلعت رصاصة.