تحميل رواية «جاسوسة في الصعيد» PDF

الكبيره طول ما سليم فاكر إنه هو اللي قتل أبوه هيفضل طول عمره تحت طوعي.

مريم بتسمع كده وبتتصدم ولسه هتمشي.

الكبيره: مش عايزة تعرفي بقيت الحكاية يا مريم؟

مريم بصدمة: انتي إزاي كده؟ بدل ما تكوني له أهله من بعد موتهم.

الكبيره وهي بتقرب منها: أنا اللي قتلت أبوهم.

مريم: قتلتي ابنك؟ انتي إيه؟ مستحيل تكوني أم.

الكبيره: وقتل ابن ابني كمان لو خرج من طوعي.

مريم: انتي لا يمكن تكوني بني آدمة. أنا مش هسيبك، وسليم لازم يعرف كل اللي انتي عملتيه.

الكبيره: ومين هيقوله؟

مريم: أيوه، ومش هيشتغل في السلاح معاكي تاني.

الكبيره: طب حتى لو مش خايفة على نفسك، خافي على أبوكي.

مريم: أبويا؟ انتي لو قربتي منه أنا مش هسيبك.

الكبيره بتقرب من مريم وبتلوي درعها.

الكبيره: مبتتهددش، انتي فاهمة؟

مريم بتسيب الكبيره وبتمشي وبتطلع فوق الأوض.

مريم: هو اتأخر كده ليه؟ معقول يكون في بيت الجبل بيعاقب نفسه تاني؟ أنا لازم أروح.

مريم بتطلع بره القصر وبتروح بيت الجبل.

الكبيره: هاتلي التليفون يا عبد القادر.

الكبيره: الووو.

الكبيره: وعايزاهم يموتوا.

عبد القادر: هتقتلي سليم يا كبيرة؟

الكبيره: لا، استناه لما هو يقتلني. سليم لازم يموت هو والبت دي.

مريم بتدخل البيت بتلاقي سليم بيعذب نفسه.

مريم بتجري على سليم وبتوقفه من إنه يجلد نفسه.

مريم: كفاية، كفاية حرام عليك. ليه بتعمل في نفسك كده؟

سليم: انتي إيه اللي جابك هنا؟ ابعدي عني.

سليم بيبعد مريم عنه وبيكمل تعذيب في نفسه.

مريم: مش انت اللي قتلت أبوك يا سليم؟

سليم بيوقف تعذيب في نفسه.

سليم: انتي بتقولي إيه؟

مريم: بقول الحقيقة. مش انت اللي قتلته. اللي قتل أبوك يبقى...

لسه مريم هتنطق، فجأة بتضرب بالنار في كتفها.

سليم شايف مريم قصاده، وثواني بتقع.

مريم: اللي قتل أبوك يبقى... يبقي... وبيغمي عليها.