تحميل رواية «في بيتي رجل ابله» PDF

الو شركة اتصالات.

_أيوه يافندم.

مع حضرتك.

_أنا معجبة بواحد عندكم وبحبه ومش معبرني.

_أيوه وإحنا نعمل إيه لحضرتك؟

_افصلوه من الشغل، خلوه يتربى.

_يافندم هو معملش حاجة عشان يتفصل من الشغل.

_كسر قلبي، الله! معندكوش ضمير؟

_يافندم دي حاجة خاصة بينك وبينه.

_الله، عجبتني قوي حتة الخاصة دي، طب اقفل، اقفل.

_حاضر يافندم.

_الو شركة اتصالات.

_مع حضرتك يافندم.

_والنبي كلمولي جوزي وقوليلوا الواد مش راضي يسكت.

_الله! مش لسه كان حبيبك ومش طايقك؟

_ما إحنا حبينا بعض واتجوزنا، إنت عارف إننا في عصر السرعة.

_واسمه إيه جوز حضرتك؟

_اسمه اسمه...

_الله! مش فاكرة اسم جوزك؟

_لأ، فاكرة، استنى، اسمه عمرو سعد محمد.

_ثواني يافندم. نداء للأستاذ عمرو. الأستاذ عمرو يجي. فين الأستاذ عمرو؟

صاحبه: الحق ياعمرو الإدارة بتنادي عليك.

عمرو: خير يافندم، في إيه؟

الإدارة: أستاذ عمرو، أنت مرفوض، وأتمنى ما نشوفش وشك هنا تاني.

عمرو: ليه يافندم، حصل إيه؟

الإدارة: اسأل مراتك.

عمرو بصدمة: مراتي؟ مراتي إزاي يافندم، أنا مش متجوز.

الإدارة: أيوه بقى، تعملوا عملتكم وتقرفونا، إحنا هنا، اطلع بره.

عمرو: متشكر يافندم.

محمد: خير ياعمرو، إيه اللي حصل؟

عمرو: طردوني ياعم ومن غير سبب، واسألهم يقولولي اسأل مراتك.

محمد: هو أنا اتجوزت من غير ما أعرف؟

محمد: لأ ياحبيبي، إنت لو اتجوزت كنت حضرت فرحك.

عمرو: أومال إيه بقى؟

محمد: بكرة يبان كل حاجة.