علي بصدمة: انتي!
روح تلقائي وقفت ورا صقر ومسكت فيه بخوف.
صقر: انت تعرفها منين؟
علي: جوزها جه القسم وقدم بلاغ أنها مفقودة.
روح بعياط: ونبي أنا مش عاوزة ارجعله.
صقر: شششش اهدي اهدي متخافيش.
جنا: مين دي ي صقر؟
شادية: دي روح هتبقي مرات صقر.
جنا: نعععععععم مرات مين؟
صقر ببرود: مراتي ف أي.
جنا اتعصبت وسابتهم وهي طالعة اوضتها. زقت روح وقعتها.
روح حطت ايديها علي بطنها: اااااه.
صقر جري عليها بخوف: انتي كويسة؟ حاجة بتوجعك؟
روح دموعها نزلت: أنا كويسة.
شادية واقفة تبصلهم وساكتة.
صقر قومها قعدها علي الكرسي.
علي: هو انتي هنا ازاي؟
روح: أنا سيبت جوزي.
علي: وضحي اكتر عشان اساعدك.
روح حكتله كل حاجة من ساعة ما يونس اتجوز رزان.
سجدة بحزن: هو ف حد يعمل كدا؟ دا كدا بيكرهك انتي واختك ف بعض. وقربت من روح وطبطبت عليها: متزعليش ي حبيبتي كلنا هنا معاكي اعتبريني زي اختك من النهاردة.
روح بابتسامة: تسلمي ي حبيبتي.
صقر: انتي موافقة علي الطلاق منه يعني؟
روح هزت راسها بنعم.
صقر: تمام تعالي معايا.
علي: رايح فين ي صقر؟ اهدي.
صقر: أنا هادي خالص اهو.
روح وصقر وعلي طلعوا علي القسم.
صقر: ي عسكري روح هاتلي المتهم يونس.
العسكري: تمام سعادتك.
العسكري راح وبعد شوية رجع ومعاه يونس.
روح اول ما شافته استخبت ورا صقر بخوف.
يونس جه يقرب منها بعصبية. صقر زقه: ايدك ي وحش.
يونس: دي مراتي.
صقر ببرود: كانت مراتك. انت دلوقت حالا هتطلقها.
يونس ببرود: علي جثتي.
صقر ببرود مماثل: لا ماهي مش هتبقي جثتك انت.
يونس بعدم فهم: مش فاهم تقصد اي.
صقر طلع صورة جيبها: لمار ٢٠ سنة كلية طب بتدرس ف الامارات ومكانها... وهي حاليا ف... ها تحب نخلص ولا تخلص انت.
يونس بخوف علي اخته: تمام تمام. وبص لروح: انتي طالق.
صقر ببرود: بالتلاتة.
يونس: انتي طالق طالق طالق.
علي: خد امضي هنا دا ورقة بعدم التعرض لروح بدر تاني.
يونس مضي علي الورقة بهدوء.
صقر: ي عسكري خده علي الحبس أما حد يجي يضمنك ساعتها تبقي تخرج بقي.
العسكري جه اخد يونس علي الحبس تاني.
صقر بابتسامة: متخافيش خلاص بقيتي حرة نفسك.
روح بابتسامة: أنا مش عارفة اشكرك ازاي ي صقر.
علي: احم احم نحن هنا.
روح: وحضرتك بردو شكرا ليك.
علي: بلاش حضرتك دي انتي زي اختي.
روح هزت راسها بـ ماشي.
صقر: تعالي اروحك يلا.
روح: تمم.
ومشيت وهو ماشي وراها.
***
(ف مخزن علي الطريق الصحراوي)
رزان مربوطة ووشها كله دم ومغمي عليها.
حد دخل ومي علي وشها مياه.
رزان: كح كح كح. وبصوت ضعيف: انت مين؟
...: أنا قدرك الاسود.
رزان بدموع: أنا عملتلك اي.
الباب انفتح وحد دخل.
..: بقي أنا اخويا متمرمط ف الحبس بسببك؟
رزان بوهن قبل مايغمي عليها مرة تانية: ا ا إياد.
وغمضت عينيها.
إياد: روح انت ي علاء.
علاء: تحت امرك ي بيه.
إياد قرب من رزان و فكها وشالها ومشي علي شقته.
( ف صباح يوم جديد)
ف شقة اياد.
رزان فاقت وهي ماسكة رأسها وجع. وانصدمت لما شافت...