تحميل رواية «دموع زهرة» PDF

ليل وعلي خرجوا بسرعة يشوفوا إيه اللي حصل. لقوا زهرة مرمية على الأرض وفاقدة الوعي.

ليل بخوف شالها وطالع بيها على جناحهم.

علي بعصبية: "انت واخدها على فين يا ليل؟"

ليل باستغراب: "هاخدها على جناحنا لحد ما تطلب الدكتور يا علي."

علي ببرود: "بس أنا مش هطلب لحد حاجة يا ليل."

ليل بعصبية: "انت بتقول إيه يا علي؟"

علي ببرود: "زي ما سمعت يا ليل. انت المفروض بدل ما تطلب لها الدكتور نخلص عليها."

ليل بعصبية: "علييييي!"

علي بعصبية هو الآخر: "بلا علي بلا زفت! مراتك سمعت كل حاجة وهنروح في ستين داهية."

ليل بعصبية: "مستحيل زهرة تعمل حاجة تأذيني، هي بتحبني."

علي بضحك: "انت مخدوع فيها يا صاحبي. إزاي لحقت تحبك في شهرين بس؟"

ليل ببرود: "زي ما أنا حبيتها يا علي."

علي بصدمة: "انت بتقول إيه يا ليل؟ إحنا في مجال شغلنا مفيش حاجة عندنا اسمها حب، انت فاهم؟"

ليل بعصبية: "زي ما سمعت يا علي، أنا بحب زهرة ومستحيل أذيها زي ما أنت أذيت خطيبتك لما عرفت."

علي بعصبية: "ليل انتبه لكلامك، أنا عملت كده عشان خايف علينا، مش أكتر."

ليل بعصبية: "دادة سعاد."

سعاد باحترام: "نعم يا ليل بيه."

ليل بخوف: "اطلبي الدكتورة بسرعة."

سعاد بخوف: "حاضر."

علي بحزن وهو ماشي: "بكرة تندم يا صاحبي."

بعد وقت وصلت الدكتورة.

الدكتورة بعملية: "ممكن تستنى بره يا ليل بيه."

ليل برفض: "لا أنا هفضل واقف هنا، شوف شغلك انتي."

الدكتورة بجدية: "تمام."

وبدأت تكشف على زهرة.

بعد وقت انتهت الدكتورة.

ليل بخوف: "هي كويسة يا دكتورة؟"

الدكتورة بعملية: "انهيار عصبي يا ليل بيه. يا ريت تهتم فيها، لأن صحتها في النازل."

ليل بهدوء: "تمام. اتفضلي انت."

الدكتورة اتغاظت من طريقة كلامه وخرجت. وفي نفسها: شخص قليل الذوق.

مر ساعتين وزهرة لسه ما فقتش، وليل كان خايف من المواجهة.

بعد مرور ربع ساعة أخرى.

زهرة بتعب: "آه."

ليل بخوف: "زهرتي انتي كويسة؟ فيه حاجة بتوجعك؟"

زهرة دموعها كانت نازلة على خدها ومش بترد عليه.

ليل بحزن: "زهرة ردي عليا، بلاش سكوتك ده، سكوتك ده بيموتني."

زهرة بدموع قالت: "طلقني."

ليل بصدمة: "زهرة!"

زهرة بدموع: "أنا مش عايزة أعيش مع واحد مجرم، ياريت تفهمني."

ليل بعيون دامعة: "أنا مخترتش الطريق ده يا زهرة بإرادتي، الظروف اللي حكمت عليا إني أمشي فيه."

زهرة بدموع وعصبية: "كان بايدك تغير الظروف دي يا ليل، بس انت اخترت الطريق الغلط. اخترت طريق كله أشواك، وللأسف أنا مش هقدر أكمل معاك فيه."

ليل بدموع: "زهرة أنا بحبك."

زهرة بدموع: "معتش ينفع يا ليل، أنا مش عايزة أكمل مع مجرم، حياته كلها قتل في قتل. ياريت تطلقني."

ليل بعصبية: "مفيش طلاق يا زهرة، انتي فاهمه."

وسبها وخرج بعصبية.

في مكان بعيد نسبياً عن قصر الشرقاوي.

هو بهدوء: "خدي ده حطيه في الأكل والعصير."

هي بخوف: "هو ده إيه يا بيه؟"

هو بضحك: "سم عشان نخلص من زهرة."

وبعدين قال: "يتحط في الأكل كل يوم وهي مع الوقت جسمها هيتعب منه ونخلص منها."

هي بخوف: "مستحيل أعمل كده يا علي بيه."

علي ضحك بشر: "يبقى قولي على بنتك يا رحمن يا رحيم يا سعاد."

سعاد بدموع خدت السم من إيده وقالت: "هعمل كل اللي انت عاوزه بس أبوس إيدك ابعد عن بنتي، دي بنتي الوحيدة يا بيه."

علي بضحك: "شاطرة يا سعاد، يلا غوري. وإذا حد عرف يبقى حياة بنتك هي المقابل."

وسبها ومشي.

سعاد بدموع: "حسبي الله ونعم الوكيل فيك يا شيخ، ربنا ينتقم منك."

مر أسبوع وزهرة بتتجاهل ليل نهائي وجسمها بدأ يتعب بسبب السم اللي بتاخده.

ليل بحزن: "هتفضلي كده لحد امته يا زهرة؟"

زهرة ببرود: "لحد ما تطلقني يا ليل بيه."

ليل بعصبية: "وأنا مستحيل أطلقك يا زهرة."

زهرة وشها كله عرق بطريقة صعبة.

ليل بخوف: "زهرة مالك؟"

زهرة بدموع: "جسمي كله بيوجعني يا ليل."