محمود: اسماء أنا عايز أقابلك، وفي حوار كدا عايز أتكلم معاكي فيه.
اسماء: خير ي حبيبي، في إيه؟
محمود: لما نتقابل، يبقى هقولك.
اسماء: تمام ي محمود.
محمود: تمام، هنتقابل في كافيه****** الساعة 8 كدا إن شاء الله.
اسماء: تمام ي حبيبتي.
(اسمي أسماء، ومن الصعيد وعايشة مع ماما وأختي الكبيرة مريم. أمي انفصلت عن بابا لما كنت في ابتدائي. الشخص اللي كنت بكلمه دا خطيبي، اتعرفت عليه لما كنا في الكلية.)
اسماء: أنا نازلة أقابل محمود ي ماما.
نجلاء: تمام ي بنتي، يبقى متتأخريش.
اسماء: حاضر ي ماما.
نجلاء: لا إله إلا الله.
اسماء: محمد رسول الله.
وصلت الكافيه.
محمود: إزيك ي اسماء.
اسماء: تمام الحمد لله. ها ي محمود، قولي كنت عايز إيه؟
محمود: بصي ي بنت الناس، أنا مش عايز أكمل في العلاقة دي.
اسماء بهزار: إيه دا، مقلب جديد دا ولا إيه؟
محمود: أنا بتكلم بجد، أنا عمري ما حبيتك ي اسماء. أنا خطبتك عشان لقيتك بتحبيني أوي، وبيقولوا خد اللي تحبك وما تاخدش اللي بتحبها.
اسماء وعينيها مدمعة: آه، وبعدين؟
محمود: ي بنت الناس، أنا هاجي بكرة عندكم آخد الشبكة بتاعتي، وكل واحد فينا من طريق.
اسماء: تمام ي محمود. في حاجة تاني عايز تقولها؟ أنا همشي سلام.
محمود: طيب استني أوصلك.
اسماء: لا، مش عايزة أتعبك معايا.
مشيت.
اسماء بدموع: يا ربي، أنا بيحصل معايا كل دا ليه؟ والله أنا كنت بحبه، بحبه أوي. يروح يكسرني كدا؟ يارب، أنا تعبت أوي.
مسحت دموعي قبل ما أدخل البيت عشان مش عايزة حد يشوفني وأنا بعيط.
نجلاء: الحمد لله على سلامتك ي ضنايا.
اسماء بابتسامة: الله يسلمك ي ماما.
مريم بخبث: إيه ي نور؟ مالك كدا حساكي مش على بعضك يعني؟
اسماء بابتسامة: لا، أنا تمام ي حبيبتي. بس بالله سبيني شوية عشان تعبانة.
مريم: حاضر.
اسماء: يا ربي، أنا مش عارفة أجيبها إزاي لماما. مش عارفة أقولها إيه ولا إيه؟ ياربي، ساعدني. أنت اللي عالم بحالي.
صحيت الصبح فطرت وكلمت صحبتي وحكتلها على اللي حصل.
سلمي: ي حبيبتي، كويس هي جات منه. هو مش كويس أصلاً وما يستاهلكيش. ومتزعليش نفسك.
حكيت الموضوع لماما، هي كانت مصدومة شوية بس الموضوع اتقبل بشكل ما.
وبعدين جه محمود وأخد الشبكة بتاعته والموضوع عدى وخلاص، بقي تمام.
وبعد 3 أيام.
كنا قاعدين أنا وماما بنسمع التلفزيون والباب فتح مرة واحدة.
مريم بفرحة: ي ماما، بركيلي جاني عريس.
نجلاء بفرحة: الله ي بنتي، مين؟
مريم: محمود.
نجلاء بصدمة: محمود مين!!!
مريم: محمود حاتم.
اسماء بصدمة: إيه!!!