تحميل رواية «بيت العيلة» PDF
بقلم وحيدة كالقمر
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
عن الرواية
قومي يا بت النهارده يومنا قومي في موعين عاوزة تتغسل والبيت عاوز يتنظف. = استغفر الله العظيم، حاضر يا ماما نازلة. احنا قاعدين في بيت عائلة والأيام مقسومة علينا أنا وبنات عمي يعني أنا يوم في التنظيف والموعين وهم يوم. - ملك قومييي! = حاضرررر! قمت من النوم وأنا بشتم على اليوم نزلت تحت. - أنا مش بنادم عليكي مش بتردي ليه؟ ملك: مامتي حبيبتي متعصبة ليه، ورحت حضنتها. ماما: أنتي شايفة البيت عامل إزاي؟ ملك: في ثواني هخليهولك يلمع ماشي. ماما: لما أشوف. ملك: نور فين؟ ماما: راحت الكلية عليها امتحان النهارده ر...
رواية بيت العيلة الفصل الأول 1 - بقلم وحيدة كالقمر
قومي يا بت النهارده يومنا قومي في موعين عاوزة تتغسل والبيت عاوز يتنظف.
= استغفر الله العظيم، حاضر يا ماما نازلة.
احنا قاعدين في بيت عائلة والأيام مقسومة علينا أنا وبنات عمي يعني أنا يوم في التنظيف والموعين وهم يوم.
- ملك قومييي!
= حاضرررر!
قمت من النوم وأنا بشتم على اليوم نزلت تحت.
- أنا مش بنادم عليكي مش بتردي ليه؟
ملك: مامتي حبيبتي متعصبة ليه، ورحت حضنتها.
ماما: أنتي شايفة البيت عامل إزاي؟
ملك: في ثواني هخليهولك يلمع ماشي.
ماما: لما أشوف.
ملك: نور فين؟
ماما: راحت الكلية عليها امتحان النهارده ربنا معها.
ملك: أمم،
خلصت وخلاص جه اليل وقعدنا نعمل عشاء أنا وبنات عمي.
احنا قاعدين في بيت عائلة وكل واحد واخد دور هو وعيالو. الدور الأرضي فيه ستي وجدي والدور الأول في شقتنا والدور الثاني في شقة عمي خالد وعيالو والدور الثالث في شقة عمي مصطفى وعيالو.
اجتمعنا على السفرة وقعدين بناكل في صمت.
الجد: الشباب جايين بكرة جهزولهم الشقة اللي فاضية علشان يناموا فيها.
سما: وعمي منصور جاي معاهم؟
الجد: أيوه هو ومراتو وعيالو جهزولهم الشقة بتاعتهم هما قدام وجهزولهم لحمة يقلّوها.
نتعرف أنا ملك عندي ١٩ سنة وفي كلية فنون جميلة وعندي أخت هي نور عندها ٢١ سنة وعندي ٣ إخوات شباب وهما يوسف وياسين وأدهم.
عمي خالد مراتو فتحي وعندو بنتين بنات سما وسها وعندو شاب آدم.
وعمي مصطفى ومراتو إسراء عندو بنت عبير وشاب إسلام.
وعمي منصور ومراتو جهاد عندو شابين مراد وسليم.
عائلة كبيرة من الصعيد.
في صباح يوم جديد.
صحيت ملك من النوم ولبست دريس كشميري وخمار بلونه وراحت على الكلية.
سوسن: يا بنتي كل مرة هتتأخري كده؟
ملك: معلش يا سوسي أصل النهارده جايين.
سوسن: مين اللي جايين؟
ملك: عمي منصور وعيالو اللي مشوفنهمش من وإحنا صغيرين.
سوسن: وجايين ليه؟
ملك: أي جايين ليه دي مش عارفة باين في حاجة مهمة.
سوسن: طيب يلا علشان المحاضرة هتبدأ.
ملك: يلا.
رواية بيت العيلة الفصل الثاني 2 - بقلم وحيدة كالقمر
في البيت، الكل كان مشغول والستات كانوا في المطبخ بيجهزوا الأكل.
الجد: انتي يا بت جهزتو ولا لسه؟
سما: أيوه يا جدي، خلاص خلصنا اهه.
الجد: قوليلهم يخلصوا علشان قربوا يوصلوا. خلصي.
سما: حاضر يا جدي.
سما راحت المطبخ.
سما: جدي بيقولكم يلا بسرعة، قربوا يوصلوا.
فتحي: خلاص يا بتي، خمس دقايق ونخلص.
سما: ماشي، أنا رايحة أشوف البنات فين.
سما طلعت فوق عند أخته ودخلت الأوضة، ولقيتها قدام المرايا. جات من جنبه وهي سرحانة.
سما: بخخخخخخ.
سها: الله يخربيتك، زوعتيني.
سما: مش بتعملي معاهم تحت لي؟ أنا وعبير مدعوقين تحت ولا إنتي قاعدة هانم هنا؟
سها: إنتي مالك؟ وبعدين ملك ونور مش هنا.
سما: ملك قربت تيجي من الكلية، وعلى فكرة هما قربوا ييجوا.
سها: ماشي، روحي إنتي وأنا هاجي وراكي.
سما: لما أشوف.
نزلت سما وراحت تشوف عبير، لقيته بتزبط السفرة.
سما: بيرو، خلصتي ولا لسه؟
عبير: أيوه، خلاص خلصت.
جات نور من الكلية.
نور: السلام عليكم ورحمة الله وبركاته.
الجد والجده: وعليكم السلام ورحمة الله وبركاته.
الجده: أي يا بتي جيتي بدري النهارده؟
نور: خلصنا بدري النهارده، أنا هطلع أغير هدومي.
الجده: ماشي يا بتي.
سما سمعت صوت عربية وطلعت ترمح وبصت، لقيتهم وصلوا.
سما: جدي جدي، وصلوا.
طلع الجد وأولاده علشان يستقبلوهم.
الجد: يا أهلا وسهلاً يا ولدي.
منصور: أهلاً بيك يا أبوي.
وحضنوا بعض.
الجد: إزيكم يا جهاد يا بتي؟
جهاد: الحمد لله يا عمي، حضرتك عامل إيه؟
الجد: بخير الحمد لله يا بتي.
وسلم على الشباب، وسلموا على عمامهم ودخلوا سلموا على الباقي وقعدوا.
الجد: تعال يا مراد يا ولدي، أعرفك إنت وسليم على عمامكم ومراتاتهم وولاد عمكم.
مراد: حاضر يا جدي.
قعدوا مراد وسليم جنب جدهم.
الجد: عمكم الكبير مسافر، ودي مرته زينب وعيالهم أدهم مسافر، ونور هي مش بتسلم، وملك، وياسين، ويوسف.
مراد: اممم.
الجد: ده عمكم التاني خالد، ودي مرته فتحي، وعياله سها، وسما، وآدم.
سليم: اممم.
الجد: ده عمكم التالت مصطفى، ودي مرته إسراء، وعياله عبير، وإسلام، وأبوكم. وبعديه عماتكم هم متجوزين ومسافرين.
جهزوا السفرة وخلصوا.
الجد: يلا يا ولدي، الأكل جاهز.
مراد: دقيقة يا جدي، هعمل مكالمة شغل وجاي.
الجد: ماشي يا ولدي.
مراد طلع بره علشان يتكلم.
زينب: نور، رني على اختك شوفي اتأخرت ليه.
نور: حاضر يا ماما.
مراد كان واقف بيتكلم.
ملك تلفونه رن، كانت بتطلع التلفون وهي ماشية راحت خبطت في واحد.
ملك: إنت مش شايف قدامك ولا إيه؟ بص قدامك يا جدع إنت.
الشخص: إنتي اللي خبطيني وكمان بتتكلمي؟
ملك: أنا معنديش وقت أضيعه معك.
ولا كنت هتعرف هعمل فيك إيه، وسابته وجريت.
الشخص: مجنونة دي ولا إيه؟
ملك: السلام عليكم.
الجد: وعليكم السلام ورحمة الله وبركاته، اتأخرتي ليه؟
ملك: الموصلات صعبة أوي.
الجد: تعالي اتعرفي على عمك ومراته.
ملك سلمت على عمه ومراته وعلى سليم.
مراد دخل.
الجد: تعال يا مراد، سلم على ملك.
ملك بصت واتصدمت.
رواية بيت العيلة الفصل الثالث 3 - بقلم وحيدة كالقمر
بصت ملك بصدمة.
لقت الشاب اللي خبطت فيه سلمت عليه.
الجد: يلا يا جماعة، السفرة جاهزة.
قعدوا على السفرة وبدأوا ياكلوا.
الستات كانوا بياكلوا جوه على السفرة عند الرجالة.
الجد: كُلوا وريحوا لكم شوية، وإحنا هنبدأ تجهيزات. هنجيب جموستين ندبحهم عشان الحنة بكرة. أي يا عريس، قلت إيه؟
آدم: اللي تشوفوه يا جدي.
عند الستات.
فتحي بخبث: أخيراً واحدة فيكم هتتجوز. عقبالك يا ملك.
ملك: تعيشي يا مرات عمي، بس مش بفكر في الجواز دلوقتي.
فتحي: ومش بتفكري دلوقتي ليه؟
ملك: سيبك مني يا مرات عمي وشوفي بناتك.
الجدة: ملك، اسكتي.
نور: امسكي لسانك شوية.
ملك: مش بقدر.
ملك مالت على عبير وقالت له بصوت واطي:
ملك: بيرو، ربنا يعينك على حماتك.
عبير ابتسمت له.
بليل، كل واحد راح على أوضته.
في أوضة ملك ونور.
ملك بتتقلب على السرير ومش عارفة تنام.
ملك: نور، نوررر.
نور: إيه؟ في إيه؟
ملك: أنا جعانة ومش عارفة أنام.
نور: ملك، انتي مجنونة؟ انتي عارفة الساعة كام دلوقتي؟
ملك: الساعة واحدة.
نور: طيب روحي نامي، ربنا يهديكي.
ملك: انتي شايفاني بشد في شعري؟ أنا بقولك جعانة.
نور: خلاص، انزلي شوفي أكل تحت، اتصرفي زي كل مرة، وسيبيني أنام، بكرة ورانا حاجات كتير.
ملك ضربته بالمخدة ونزلت براحة.
ملك راحت المطبخ وبدور على أكل.
فتحت الثلاجة، أخدت بيضتين وطماطمتين ولانشون.
كانت بتقفل الثلاجة برجله، وبعدين بتلف، لقت في حد قدامه.
اتخضت، واللي في إيده وقع على الأرض.
وكانت هتصوت، بس كتم بوقه.
هو بصوت واطي: أنا مراد. اهدي، أنا هحوش إيدي، بس متصوتيش. تمام؟
ملك هزت راسها بـ "تمام".
حاش إيده وهي اتنفست بصعوبة من الخضة.
ملك: انت بتعمل إيه هنا؟
مراد: سمعت صوت جاي من المطبخ، قولت أشوف يمكن حرامي.
ملك بصت على الأرض: ياللهوي، البيض اتكسر. هعمل إيه دلوقتي؟
خلص، هاكل لانشون وطماطمايا.
كانت بتتكلم بصوت واطي مع نفسها.
مراد: انتي بتكلمي نفسك؟ انتي مجنونة؟
ملك: أيوه مجنونة. ولو ممشيتش دلوقتي، هصوت وألم البيت كله عليك، وأقولهم إنك كسرت البيضتين.
مراد وهو طالع من المطبخ: إيه الجنان ده؟
ملك: امشي، اف اف. ياربي.
ملك نضفت مكان البيض وطلعت.
صباح يوم جديد.
البيت كله كان شغال زغريت وأغاني وطبل.
رواية بيت العيلة الفصل الرابع 4 - بقلم وحيدة كالقمر
البيت كله كان زغريت وطبل، والكل كان بيجهز، والبنات كلهم في أوضة واحدة بيجهزوا نفسهم. العروسة جابت واحدة جيرانهم بتشتغل في كوافير.
ملك طلعت عند البنات علشان كانت تحت.
ملك: إيه يا بنات، عملتوا إيه؟ أوبا، إيه الحلويات دي؟
نور: اتلمي يا ملك.
ملك: أنتِ لسه ملابستيش؟
ملك: أنا هلبس بعد شوية. لو خلصتوا انزلوا علشان الصالة مليانة تحت وبيوكلو. روحوا ساعدوهم.
نور: طيب، يلا يا بنات، وأنتِ البسي ومتتأخريش.
ملك: حاضر.
بعد لما نزلوا.
ملك: إيه يا عروسة القمر ده؟
عبير: عقبالك يا ملك لما تكوني عروسة قمر ذي كده.
ملك: لا يا روحي، أنا قمر من غير ما أبقى عروسة.
عبير: ده ثق بنفسك وغرور.
ملك: الاتنين.
عبير: هههه.
عبير: بتكلم بجد، انسي اللي حصل زمان وارجعي اثقي في الناس تاني.
ملك (بزعل): مش عارفة أثق في حد، اللي حصل خلاني خايفة أثق وتتكسر ثقتي تاني.
عبير: جربي، مش كل الناس زي بعض، وبعدين فيه مثل بيقول صوابعك مش زي بعض.
ملك: سيبك من الموضوع ده، خليني أروح ألبس.
عبير: اهربي زي كل مرة.
ملك دخلت الأوضة ومسحت دموعها، وراحت لبست دريس وحطت مكياج خفيف والطرحة ونزلت.
وبعد نص ساعة، طلعت سما تجري.
سما: يا بنات، يا بنات، العريس جاي!
وقفت ملك وسما وسها قدام العروسة. كانوا بيطبلو ويغنوا، وراح العريس يجيب العروسة من فوق.
طلع لقيهم واقفين، استغرب.
العريس: إيه يا بنات، فيه إيه؟
سها: مفيش حاجة يا أخويا.
سما: أنت عاوز حاجة؟
ملك: ولا بدور على حد.
العريس عارف هما عاوزين إيه، حط إيده في جيبه وعطى كل واحدة 100 جنيه.
سما بصت لسها، وسها بصت لملك.
ملك: هي دي اللي هتحركنا.
العريس: زود.
العريس: وخدوا كل واحدة فيكم 200 جنيه كمان، أهم.
ملك ابتسمت للبنات وشورت تبعد.
العريس: بسم الله ما شاء الله، قمر.
عبير بصت بكسوف.
ملك: احم احم، إحنا هنا.
العريس: يلا يا حبيبتي علشان دول هيخنقوني.
ملك والبنات نزلوا قبليهم ووقفوا عند السلم، وأول لما شافوهم زغرتوا مع بعض.
العروسة قعدت مع النسوان، والعريس طلع عند الرجالة.
عند النسوان، كانت سها بترقص وسحبت ملك ورقصوا، وخدوا العروسة ورقصوا. فضلوا يرقصوا ويضحكوا لحد لما سما جت ووسوست لملك في ودنها، وطلعوا فوق هما الاتنين.
ملك فتحت الشباك اللي بتشوف منه اللي في الصوان وقعدوا يتفرجوا على الرجالة وهما بيرقصوا.
سما: رقصهم حلو أوي.
ملك: دول بيقوموا مراد، هههه، مش هيعرف يرقص.
سما: استني لما نشوف.
مراد مسك العصاية ورقص على الصعيدي ديمن رئيس. ملك كانت بتبص وهي مصدومة وكانت سرحانة.
ملك (في نفسها): شكله حلو أوي.
سما ندهوا عليها، راحت نزلت وسابت ملك.
مراد خلص رقص وقعد بيبص لفوق، لقي ملك في نفس الوقت اللي كانت بتبص عليه. هو بص، قفلت الشباك بسرعة وقلبه كان عمال يدق جامد. راحت نزلت وخلصت الحنة وكل واحد راح ينام من التعب.
يوم الفرح.
رواية بيت العيلة الفصل الخامس 5 - بقلم وحيدة كالقمر
البيت كلو كان مشغول في التجهيزات وكانت الساعة سبعة الصبح، والبنات كانو لسه نايمين.
صحت ملك وراحت عند عبير.
ملك: يلا يا عروسة، انتي لسه نايمة؟ قومي علشان تروحي الكوافير.
عبير: كوافير إيه اللي أروحه الساعة سبعة الصبح ده؟
ملك: خلاص قومي نقعد معاكي شوية.
عبير: يا بنتي هو أنا مسافرة؟ ما أنا هقعده في نفس البيت.
ملك: هتسافري شهر العسل مش هنشوفك فيه.
عبير: هو شهر بس، بعدين روحي شوفيهم تحت.
ملك: اوكي، هسيبك دلوقتي وأجيلك بعد شوية.
نزلت ملك تحت، لقيت الكل مشغول ولقيت مراد قاعد ماسك تلفونه. كانت بتبص عليه، فجأة هو بص عليها، راحت جريت على المطبخ وهو ابتسم على تصرفاتها.
ملك: يا جماعة قولنالكم نعملوا الفرح في القاعة أحسن من البيت، بس انتو مش سامعين.
زينب: يا بتي قاعة إيه؟ البيت أحلى.
ملك: يا ماما، عاجبك كده؟ انتو بتطبخو كمان ومش جايبين طباخ؟
اسراء: يا بتي إحنا كتير أهو وهنخلص كمان شوية.
ملك: علفكرة كنتوا هترتاحوا لو عملتوا في قاعة.
فتحي: ابقي اعملي فرحك انتي في قاعة.
ملك بصتلها بنظرة 😒 وطلعت من المطبخ.
ملك ماشية بتكلم نفسها:
ملك: 🤔 هعمل إيه دلوقتي على بال ما يروحوا الكوافير؟
افتكرت: هروح أكلم البت سوسي أشوف جاية إمتى.
كان مراد بيبص عليها من بعيد، فجأة دخل شاب.
الشاب: السلام عليكم ورحمة الله وبركاته.
أول لما شافته ملك صرخت وطلعت تجري عليه وحضنته.
الشاب: براحة يا بنتي، إنتي مجنونة؟ بتصرخي ليه؟
ملك: وحشتني أوي أوي.
مراد قام راح ناحيتهم وهو متعصب وضرب الشاب بالبوكس.
ملك: 😱 إنت عملت إيه؟ إنت اتجننت؟
مراد بزعيق: إنتي اللي اتجننتي!
ملك: إنتي عارفة ضربت مين؟ ده أدهم أخويا، إنت كويس؟
أدهم هز راسه إنه كويس وقال: مين ده؟
ملك: ده مراد ابن عمي.
كله اتجمع على الصوت.
الجد: في إيه يا ولدي؟
ملك: مراد ضرب أدهم يا جدي.
الجد: إيه اللي حصل؟
أدهم: مراد فكرني واحد غريب وضربني.
مراد: أنا ما كنتش أعرف هو مين.
منصور: يا ابني مش قلتلك تبطل التسرع ده.
مراد: أنا آسف.
وهات راسه يبوسه، حضنوا بعض واتصالحوا.
ملك: تعالي ارتاح شوية.
أدهم: يلا، بعد المغرب.
كانوا البنات في الكوافير لسه مجهزوش وكانوا طالبين أكل وقعدوا يأكلوا، وملك حكتلهم على اللي حصل وسما شغال ضحك.
ملك: دي حاجة مضحكش، أنا خوفت بجد.
نور: معلشي، أهم حاجة إنه عدت على خير.
سها: يلا علشان كلها ساعة والعريس يجي.
بعد ساعة راح العريس يجيب العروسة من الكوافير.
في الكوافير، البنات جهزوا والعروسة جهزت.
سها: خدي يا نور، أجيبلكي الدبوس ده من ورا.
نور: هاتي، يابنات النقاب كده مظبوط.
ملك: وريني كده، ابعدي شوية، واو جميل.
نور: شكراً يا قلبي، وإنتي كمان طالعة تجنني.
ملك: حبيبتي حبيبتي 😘.
نور: كلكم طالعين جميلات.
كانت نور لابسة فستان لونه موف وكانت لابسة خمار ونقاب بلونه جميل جداً، وسها كانت لابسة فستان لونه كشميري وعليه طرحة، وسما لابسة فستان لونه نبيتي وعليه طرحة، وملك كانت لابسة فستان لونه لبني وعليه خمار لبني منقوش وحاطة مكياج خفيف جداً.
عبير: يلا يا بنات، آدم جاي في الطريق.
كلهم بصوا عليها علشان كانت بتلبس الفستان جوه.
سما: الله، حلو أوي.
نور: بسم الله ماشاء الله، تبارك الرحمن.
سها: عسولة أوي.
ملك: إيه الجمال ده؟
عبير: شكراً يا أحلى أخوات، إنتو كمان حلوين أوي.
كلهم راحوا حضنوها وبعدين مع بعض زغرطوا.
توجه العريس، البنات طلعوا برا وهو دخل شافها، فضل متنح وهي كانت بتضحك عليه.
عبير: آدم حبيبي، إنت كويس؟
آدم: ماشاء الله، قمر.
قرب منها، باس راسها وحضنها.
الباب خبط.
سما من برا: يلا يا عريس، هنتاخر.
آدم: حاااااضر.
طلعوا البنات زغرطوا والشباب صفروا.
وكانوا جايبين تلات عربيات، واحدة للعريس والعروسة، وواحدة فيها أدهم وإخواته، وواحدة ركب فيها مراد وسليم وسها وسما. كانوا بيزمرو ويتسابقوا ومشغلين أغاني، بس في عربية أدهم ملك كانت عاوزة أغنية بس نور لأ.
وصلوا البيت وقعدوا يرقصوا البنات، وبعدين طلعت ملك بصت من الشباك لقيت مراد قاعد. في نفس الوقت كان مراد عارف إنها هتطلع وكان بيبص عليها من بعيد. وبعدين نزلت ملك تحت وراحت، كانت طالعة وهو داخل، واصطدموا.
مراد كان باصص عليها وكان بيقول: حلوة أوي.
ملك: في حاجة؟
مراد: لا، إنتي رايحة فين؟
ملك: صحبتي جاية، رايحة أشوفها.
مراد: ماشي.
ملك كانت مستنية سوسي وفجأة بصت لقيت...
رواية بيت العيلة الفصل السادس 6 - بقلم وحيدة كالقمر
ملك كانت مستنيا سوسي. وفجأة بصت لقت شاب بيبص عليها من بعيد. عينيها رغرغت وكانت خايفة. افتكرت فلاش باك.
قبل سنتين.
ملك كانت واقفة عند المدرسة. شاب جه من وراها.
الشاب: أي يا ملك، اتاخرت عليكي.
ملك: اتاخرت أوي، كنت فين؟
الشاب: كان عندي شغل، خلصته وجيت.
ملك: طيب، هنروح فين دلوقتي؟
الشاب: تعالي، هنقعد في كافيه بعيد شوية.
في الكافيه.
الشاب: ملك، انتي عارفه إني بحبك صح؟
ملك: أيوه، علشان كده بقولك استني شوية لما أخلص مدرسة.
الشاب: ماشي، كده كده سنتين كمان وهخطبك.
فلاش باك في الحاضر.
ملك جريت لجوه وخبطت في مراد، بس كملت طريقه. وهو استغرب.
وبعد شوية جات سوسن.
سوسن: سما، شوفتي ملك؟
سما: شوفته، كانت طالعة فوق من خمس دقايق.
سوسن: ماشي، هطلع أشوفه.
طلعت سوسن فوق، لقتها في الأوضة وقافلة الباب.
سوسن: (بتخبط) افتحي يا ملوكة، أنا سوسي.
فتحت ملك الباب، وكانت في دموع في عينيها بس مش باينة. أول ما فتحت سوسي حضنتها.
سوسن: أي مالك؟
ملك: مليش.
سوسن: بتداري عليه، أنا عارفاكي.
ملك: تعالي وأنا هحكيلك.
دخلت الأوضة وقعدت.
سوسن: أي يا ستي، قوليلي مين مزعلك؟
ملك: شفته، كان تحت.
سوسن: مين اللي شوفتيه؟
ملك: يحيى، مش عارفة جه منين ولا إزاي.
سوسن: جاي يعمل إيه؟ أنا لو شفته هموت.
ملك: مش عارفة.
سوسن: طيب، متخافيش من حاجة، أنا معاكي. يلا امسحي دموعك وظبطي مكياجك ويلا ننزل.
ملك: ماشي.
سوسن: خليكي قوية، دي مش ملك اللي أعرفها.
ملك: ماشي، شكراً يا أحلى صحبة في الدنيا.
وحضنوا بعض.
سوسن: يلا بق، خلينا نفرفش.
ملك: يلا.
نزلوا تحت ورقصوا وزغرطوا. وبعدين قعدوا عشان تعبوا.
سوسن: بصت فجأة. بت يا ملك، ملك.
ملك: أي؟ في إيه؟
سوسن: مقولتليش ليه إن أدهم جه؟
ملك: نسيت.
سوسن: ينسيكي الموت يا قلبي.
ملك بصت عليه، لقتوه سرحان وعينيه بتطلع قلوب.
ملك: هزته مرة واحدة وقالت: سوسي.
سوسن: في إيه؟
ملك: سرحانة في مين؟
سوسن: انتي عارفة بق، متكسفنيش.
ملك: ماشي يا أختي.
الفرح خلص وكل واحد راح على شقته.
ملك بتفكير: استني يا سوسي، متروحيش لوحدك.
سوسن: متفكريش إني أبات عندك، مش هينفع خالص. باي، أشوفك بعد بكرة.
ملك: استني بس، انتي مش عارفة أنا بفكر في إيه.
سوسن: بتفكري في إيه يا بت؟
ملك: دقيقة وهاجي، اوعي تمشي.
سوسن: ماشي.
دخلت ملك بسرعة وهي بتنادي.
ملك: ادهم، ادهم، انت فين؟
ادهم: في إيه؟
ملك: تعال، صحبتي ماشية، تعال وصلها.
ادهم: حد قالك إني بسوق؟
ملك: لا، قالولي إنك مينفعش تسيب البنت تمشي لوحدها بليل، صح يا ادهم؟
ادهم: صح، بس مدقوليش ادهمي دي تاني.
ملك: ماشي، يلا بسرعة.
طلعت لقيت سوسن واقفة مستنياها.
ملك: سوسي، أي اتاخرتي؟
سوسن: يا ملك، الوقت اتاخر أوي.
ملك: علشان كده مش هينفع تمشي لوحدك، ادهم...
ادهم: أنا وراكي، مش بعيد.
سوسن بصت لملك وبرقتله. وبعدين بصت لادهم.
سوسن: لا، أنا كده هتعبك معايا.
ملك خبطت ادهم في إيده وقالت بصوت واطي: قول حاجة.
ادهم: لا، تعبك راحة، اتفضلي.
وركبوا العربية. ملك شورت لهم باي باي ودخلت جوه.
ملقتش حد، راحت على المطبخ وكانت بتدور على أكل عشان مكلتش اليوم كله.
بصت فجأة.
ملك بخضة: يا بني آدم، انت بتطلعلي منين؟
مراد: أنا كنت جعان. في بعدين، أنا مش عفريت عشان تتخضي كده.
ملك: ما انت لو بتعمل صوت أنا مش هتخض.
مراد: طيب، بتعملي إيه؟
ملك: تعالي اعملي معايا بدل ما انت حاطت إيديك في جيوبك كده.
مراد: هعمل إيه؟
ملك: خد الطماطم والفلفل واعمل سلطة.
مراد: تمام، ماشي.
كانت ملك مستغربة إنه بيعمل.
مراد: مالك بصالي بستغراب ليه؟
ملك: باين عليك متكبر ومبتعرفش تعمل حاجة.
مراد بصدمة: أنا؟
ملك: أيوه، على فكرة أنا صريحة جدا.
خلصوا الكل وقعدوا يأكلوا. وبعدين شالوا الكل الباقي.
ملك: أنا هعمل نسكافيه بلبن، أعملك معايا؟
مراد: ماشي، بس أنا أول مرة أشرب.
ملك: ده طعمه حلو أوي، هعمل ودوق.
مراد: ماشي.
عند ادهم في العربية.
ادهم كان ساكت ومش بيتكلم.
ادهم: وصلنا، ده البيت.
سوسن: أيوه، شكراً.
ادهم: العفو.
سوسن وهي بتفتح باب العربية، وقعت منها النضارة بتاعته من غير ما تاخد بالها. دخلت البيت وهي مبسوطة ودخلت على الأوضة على طول عشان محدش يحس بيها.
عند ملك.
ملك: أي رأيك، حلو مش كده؟
مراد وهو بيبصلها: حلو أوي.
ملك: لما انت مش بتشرب النسكافيه والشاي، بتشرب إيه؟
مراد: بشرب قهوة.
ملك: دي وحشة أوي ومرة.
مراد: بحبه، بيظبط الدماغ.
ملك: امم.
مراد: انتي بتقولي إنك صريحة.
ملك: أيوه.
مراد: طيب، بصراحة كده، كان مالك انهارده؟
ملك: مفيش، كنت تعبانة شوية.
مراد: ماشي.
قامت ملك قبل ما يسأل عن حاجة تاني.
ملك: تصبح على خير.
ومشت قبل ما يرد عليها.
بعد لما مشيت.
مراد: وانتي من أهلي. في حاجة وراكي لازم أعرفها.
دخل ادهم.
ادهم: انت بتكلم نفسك؟
مراد: تعال تشرب إيه؟ أعملك.
ادهم: لا شكراً، أنا أروح أنام.
مراد: وأنا كمان أروح أنام.
بليل عند ملك.
ملك: سيبني، سيبني، مش هروح معاك، سيبني يا حيوان.
وضربت الشاب على راسه.
رواية بيت العيلة الفصل السابع 7 - بقلم وحيدة كالقمر
ملك كانت بتضرب الشاب على راسه وفجأة
ملك قامت بخضة وصرخت
نور: ملك مالك في إيه؟
ملك: شفت كابوس.
نور: نفس الكابوس بتاع كل مرة؟
ملك: أيوه.
نور جابت له كوباية مياه.
نور: خدي اشربي يا حبيبي.
ملك شربت ورجعت لنوم تاني.
نور نامت وملك فضلت صاحية.
في الصباح
نسوان العائلة كانوا في المطبخ بيجهزوا الفطار.
زينب: بت يا نور، أمّال ملك فين؟
نور: نايمة يا أمي.
فتحي: هي لسه نايمة لحد دلوقت.
جهاد: يمكن تعبانة، سيبوها شوية.
زينب: روحي يا نور شوفي اختك و صحّيها.
نور: حاضر يا أمي.
فتحي: بنات آخر زمن.
طلعت نور من المطبخ وهي طالعة بتقول: استغفر الله العظيم.
الجده: مالك يانور؟
نور: مليش يا ستي، رايحة أصحّي ملك.
الجده: روحي يا بتي.
نور طلعت.
نور: ملك، ملوكة، اصحي يلا، الساعة عشرة.
ملك بنوم: خمس دقايق.
نور: انهارده يومنا يا ملوكة، قومي يلا.
ملك: حاضر، هاخد شور وأنزل.
نور: طيب يا أختي، قومي يا بتاعت الشور، أنا هنزل، تعالي ورايا.
ملك: حاضر.
نزلت نور تحت، لقتهم بيحطوا السفرة، راحت عملت معاهم. خلصت ودخلت المطبخ.
سما: فين ملك؟
نور: نازلة دلوقتي.
سها: طيب يلا نحضر السفرة بتاعتنا.
نور: يلا.
ملك: إيه يا بنات، عملتوا إيه؟
سما: هنحضر السفرة.
سها: تعالي اعملي معانا.
ملك: حاضر، أمّال فين بيرو؟
سما: سافروا الصباح.
ملك: سافروا فين؟
سها: سافروا شهر عسل.
ملك: آه، دانا نسيت.
سما: يلا يلا علشان نفطر.
ملك: يلا.
الرجالة فطروا والنسوان فطروا.
في المندرة.
الجده: سما، بت يا سما.
سما: أيوه يا جدتي.
الجده: اعملي لنا شاي قبل ما نروح نصلي الظهر.
سما: حاضر يا جدتي.
مراد: سما، أنا عاوز قهوة.
سما: حاضر.
راحت المطبخ.
سما: يابنات، حد فيكم يعمل الشاي؟
نور: أنا هعمل الشاي.
سما: وحد يعمل قهوة.
سها: لمين القهوة؟
سما: لمراد.
سها: لا، معرفش، خلي ملك تعمله.
ملك: وأنا مالي؟
سما: ملك، معلشي، اعملي علشان خاطري.
ملك: حاضر، سادة ولا بسكر؟
سما: مش عارفة، هروح أسأل وأرجع.
سما راحت عند المندرة وشاورت لمراد وهو طالع.
مراد: في إيه؟
سما: هتشرب القهوة إيه؟
مراد: سادة.
سما: ماشي.
سما دخلت المطبخ.
سما: ملك، اعمليه سادة.
ملك: ماشي.
بعد عشر دقايق.
ملك: انتوا وديتو الشاي؟
سها: أيوه.
ملك: طيب، مين هيودي القهوة؟
نور: يا انتي يا سها.
ملك: خدي يا سها.
سها: لا، أنا لسه موديا الشاي، روحي انتي.
ملك: سما راحت فين؟
نور: راحت الحمام، يلا القهوة هتبرد.
ملك: ماشي.
راحت عند المندرة، خبطت ودخلت.
ملك: القهوة.
مراد: شكراً.
ملك: هما راحوا فين؟
مراد: راحوا يصلوا.
ملك: وانت مش بتصلي؟
مراد: هشرب القهوة وأروح وراهم.
ملك: امم.
مراد: انتي عارفة احنا جينا من القاهرة لي؟
ملك: لا.
مراد بابتسامة: هتعرفي قريب.
ملك مشيت وهي عندها فضول تعرف في إيه.
الرجالة راحوا يصلوا والنسوان اجتمعوا وصلوا.
عدى اليوم وجه الليل.
البنات كانوا متجمعين كلهم في أوضة واحدة ويتكلموا ويضحكوا.
وملك زي العادة بتجوع آخر الليل.
ملك: بنات، أنا جعانة.
سما: آه، أنا عاوزة أنام.
سها: خوديني معاكي.
ملك: آه يا خونا.
وبصت على نور.
نور: متبصليش كده، أنا رايحة أنام.
ملك: كلكم حيوانات.
نور: استغفر ربك.
ملك بغضب: استغفر الله العظيم.
نزلت تعمل أكل لوحدها ولقيت مراد بيعمل إيه.
مراد: بعمل أكل.
ملك: عاوز مساعدة؟
مراد: لا، أنا خلصت أصلاً.
ملك: أصلاً؟
مراد: آه.
ملك: تمام.
قعدت ملك وهو جاب الأكل.
مراد: دوقي وقولي رايك.
كان عامل مكرونة اسباجتي وعليه صلصة.
ملك دقت وبصت له.
مراد: إيه؟ مش حلو ولا إيه؟
ملك: دي فظيعة جداً.
مراد ابتسم: بجد؟
ملك: أيوه، انت اتعلمت الحاجات دي فين؟
مراد: أنا كنت مسافرة بره مصر بدرس، واتعلمت هنا.
ملك بعفوية: حلو قوي كده، هتعمل لمراتك لما تتجوز؟
مراد بص لها وقال: طبعاً هعمل لها.
ملك: احم.
وبصت في الأرض.
مراد علشان يغير الموضوع.
مراد: انتي بتدرسي إيه؟
ملك: فنون.
مراد: انتي فنانة بقا، بتعرفي ترسمي؟
ملك: أيوه.
بعد لما خلصوا الأكل.
ملك: انت عارف إن يومي خلص، بس لازم أغسل دول.
مراد: معلشي، أنا هغسل معاكي.
ملك بصت بصدمة: انت هتغسل معايا؟
مراد: أيوه، فيه إيه؟
خلصوا المواعين وملك كانت طالعة تنام.
مراد: ملك.
ملك: نعم.
مراد: تصبحي على خير.
ملك: وانت بخير.
في الصباح.
نور: ملك، قومي، هتتأخري.
ملك: حاضر، خمس دقايق.
نور: تليفونك بيرن.
ملك: في إيه؟
نور: خدي أهو.
ملك بنوم: الو.
سوسن: انتي لسه نايمة؟ يلا، هنتاخر.
ملك: حاضر.
قفلت وقامت لبست دريس نبيتي وخمار نبيتي.
ونزلت بسرعة.
ملك: أدهم، أدهم، خدني معاك.
أدهم: أنا رايح الشغل.
ملك: وصلني في طريقك، بالله عليك، هتتأخر.
أدهم: طيب، يلا اركبي.
راحت عند سوسن الأول.
رنت عليها.
ملك: فين؟
سوسن: أنا مستنياكي قدام العمارة.
ملك: طيب، يلا بسرعة.
سوسن: حاضر.
طلعت وركبت العربية.
سوسن: صباح الخير.
ملك: صباح الفل، اتاخرتي ليه؟
سوسن: أنا اللي اتاخرت.
ملك: يلا يا أدهم، اطلع.
مشوا بالعربي ووصلوا.
نزلوا بسرعة.
أدهم: خدوا بالكم من نفسكم.
ملك: حاضر.
سوسن كانت مبتسمة.
ملك: يلا يا سوسي.
وهم في المحاضرة دخل الدكتور.
ملك بصدمة: يا نهار أسود.