تحميل رواية «بين الماضي والحاضر» PDF
بقلم ياسمينا
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
عن الرواية
الأم بصدمة: نعممم؟ عايزة تجوزي أبوكي؟ قمر بابتسامة: اهدي ياماما، مش الشرع محلل أربعة. الأم بصراخ: الحقووووني ياناس، بنتي عايزة تجوز أبوها. قمر بضيق: استني بس ياماما، هتفضحينا. تعالي بس. الأم بغضب: ابعديييي عني، بخربيتك. ده انتي عايزة القتل. قمر بضحك: انتي غيرانة على بابا ياماما؟ متخفيش، هخليه يعدل بنا. الأم ضربتها باللكم وقالت بغضب: اخرسي. قمر بغضب: كدا يابيرو تضربيني؟ ماشي، وعلشان مين؟ علشان راجل؟ ما أنا قولتلك هخليه يعدل بنا. الأم قعدت على كرسي بصدمة وقالت: لا إله إلا الله. يارب، هو أنا في حلم...
رواية بين الماضي والحاضر الفصل الأول 1 - بقلم ياسمينا
الأم بصدمة: نعممم؟ عايزة تجوزي أبوكي؟
قمر بابتسامة: اهدي ياماما، مش الشرع محلل أربعة.
الأم بصراخ: الحقووووني ياناس، بنتي عايزة تجوز أبوها.
قمر بضيق: استني بس ياماما، هتفضحينا. تعالي بس.
الأم بغضب: ابعديييي عني، بخربيتك. ده انتي عايزة القتل.
قمر بضحك: انتي غيرانة على بابا ياماما؟ متخفيش، هخليه يعدل بنا.
الأم ضربتها باللكم وقالت بغضب: اخرسي.
قمر بغضب: كدا يابيرو تضربيني؟ ماشي، وعلشان مين؟ علشان راجل؟ ما أنا قولتلك هخليه يعدل بنا.
الأم قعدت على كرسي بصدمة وقالت: لا إله إلا الله. يارب، هو أنا في حلم ولا إيه؟
قمر قعدت قدامها وقالت: تعالي أحكيلك.
الأم بصتلها بخيبة أمل وقالت: احكي.
قمر بدأت تحكي.....
فلاش باك من شهر ❤
قمر وقفت قدام الجامعة بتوتر وقالت: احم، يارب ونبي أدخل الجامعة من غير ما حد يتريق عليا.
قمر دخلت الجامعة وفضلت باصة في الأرض وهي ماشية. وفجأة سمعت ولد بيناديها وبيقولها: قمر عمر.
قمر بصتله بغضب وقالت: وطي صوتك ونبي.
أسر بضحك: يسلام، إيه؟ هتستعري من اسمك؟
قمر بغضب: بيتنمرو على اسمي، شوفت القرف وصل لفين؟ ماله اسم قمر عمر؟
أسر: احم، لا مالهوش.
قمر بضيق: تعال نزفت نحضر المحاضرة. قال إيه؟ كان لازم أبويا يسميني قمر، يعني يميز؟ هو اسمه عمر، مش هينفع قمر خالص معاها.
أسر بضحك: خلاص، أهدي. مكنش اسم يعني.
قمر بضيق: تعال ورايا.
قمر وأسر دخلوا المحاضرة وقعدوا جنب بعض. والدكتور دخل وبدأت المحاضرة.
قمر بهمس: إمتى نخلص من أم المحاضرة الممله دي؟
الدكتور بغضب: آنسة قمر عمر.
قمر بصت على الدكتور، وكل اللي في القاعة ضحكوا على اسمها.
قمر قامت وبصتله بضيق: نعم.
الدكتور: سؤال، هي مامتك مكنتش فاضية علشان تربيكي وتقولك عيب تقعدي جمب ولد؟
قمر بصتلو بغضب وقالت: أظن إن ده مش شغلك.
أسر قام بضيق وقال: وبعدين يادكتور، إحنا صحاب. ومينفعش اللي أنت بتقوله ده.
الدكتور بغضب: اخرس واطلع برا المحاضرة.
أسر بصّله بغضب وجاي يمشي، بس قمر وقفتو وقالت: أنا جاية معاك.
الدكتور بصدمة: نعم؟
قمر لمّت كتابها وقالت: أسر صاحبي، ومستحيل أسيبه.
الدكتور بصوت عالي: لو خرجتي هسقطك في المادة.
قمر ببرود: أعلى ما في خيلك اركبه.
قمر وأسر طلعوا من المحاضرة.
أسر: اممم، إيه رأيك تيجي تتغدي معانا النهاردة؟
قمر بابتسامة: أescol يلا.
أسر بتفكير: بس ممكن دكتور خالد يزعلك.
قمر بغضب: ما يزعق ولا يسقطني حتى. مش عشان هو ابن عم أبويا يبقى يتحكم فيا.
أسر: بيغير عليكي فكرة.
قمر: شوفت الراجل الخرفان جاه اتقدملي وهو عنده ٤٥ سنة ومتجوز ومخلف. وقال إيه؟ هيربيني.
أسر بخبث: متجوزك أنا ونخلص.
قمر ابتسمت وقالت: أسر، اسكت خالص علشان مقطعش معاك. ويلا بقا.
أسر ضحك وبعدين ركب عربيته وقمر ركبت معاه وتحركوا.
_______________________________________
*في العربية*
قمر تليفونها رن وكانت عبير مامتها. وردت.
قمر: الو.
عبير بغضب: انتي ماشية مع الواد أسر ده ليه؟
قمر بضيق: هو لحق قالك خالد الزفت ده؟
عبير: عيب يابنت، ده في مقام عمك.
قمر بسرعة: اهو شوفتي؟ في مقام عمي جاي يتقدملي ليه بقا؟ بقولك إيه ياماما، أسر صاحبي ومن صغري كمان. وهو معايا. وانتي موافقة على الصداقة دي. ميجيش واحد زي خالد ده عايزني أسيب أسر عشانه. ياشيخة، الله يولع.
أسر ابتسم وهي غمزة له.
عبير باستسلام: طيب، هقوله يبعد عنك.
قمر بابتسامة: حبيبتي يابيرو.
قمر قفلت معاها وقالت لأسر: شوفت؟ جبت حقك ياصاحبي.
أسر ابتسم وقال: طيب، وصلنا ياست.
قمر بصت قدامها لقتهم واقفين قدام قصر أسر والبواب بيفتح البوابة. واسر دخل بالعربية القصر، ولقى مامته واقفة في البلكونة وبتشاور لهم.
أسر وقف العربية ونزل هو وقمر ودخلوا القصر. ومامته كانت نازلة من السلم.
أسر بابتسامة: فيرو هانم، عاملة إيه؟
فريدة قربت منه وحضنته وقالت: حبيبي، عامل إيه؟
أسر: الحمد لله.
قمر: احممم احممم، نحنو هنا.
فريدة ابتسمت وحضنت قمر وقالت: قمر عمر عندنا بذات نفسها.
قمر بضيق: أوووف، متقوليش الاسم ده يا طنط.
فريدة بضحك: والله اسمك حلو.
أسر بص حواليه لقى الخادمين نازلين من على السلم وشايلين صناديق.
أسر بفضول: إيه ده يافيرو؟
فريدة: دول شوية كراكيب هبعتهم.
أسر قرب من صندوق وفتحتو بفضول.
فريدة: طب، أنا هروح أجهز الغدا.
قمر بابتسامة: ماشي يا طنط.
فريدة مشيت وقمر قربت من أسر لقتوه ماسك منبه.
أسر: لقيت المنبه ده في صندوق، شكله قديم أوي.
قمر مسكتو بفضول وقالت: تعال نجربه كدا.
قمر فضلت تلعب فيه وهي مش فاهمة حاجة.
أسر بضيق: هتبوظيه كدا يا غبية.
قمر جايه تتكلم بس حست إنها دايخة، غمضت عينيها بوجع.
وفجأة فتحتها ونصدمت لما لقت نفسها في عربية أسر. واسر جنبها ومغمض عينه.
قمر بصدمة: أسر، هو إيه اللي جابنا هنا؟
أسر فتح عينه بوجع وقال: ها، مش فاكرة؟
وفجأة سمعوا صوت بوابة القصر بتفتح. واسر وقمر بصوا قدامهم بصدمة. واسر اتحرك بالعربية ودخل القصر ولقى مامته واقفة على بلكونة وبتشاورلهم.
أسر بصدمة: مش ده حصل من شووووية؟
قمر بعدم تصديق: ازاااااي؟
أسر وقمر نزلوا من العربية وهما مش مصدقين اللي بيحصلهم. ودخلوا القصر ولقوا فريدة نازلة من السلم.
أسر بتوتر: فيرو هانم، عاملة إيه؟
فريدة قربت منه وحضنته: حبيبي، عامل إيه؟
أسر بص لي قمر بصدمة.
قمر بسرعة: طنط، ممكن بس تشوفلنا الغدا؟ جعانين.
فريدة بابتسامة: قمر عمر بذات نفسها عندنا.
قمر بلعت ريقها بصعوبة وقالت: طنط، هو إحنا مجناش هنا من شوية؟
فريدة باستغراب: لا.
قمر: تمام، جهزلنا الأكل بقا.
فريدة ابتسمتلها ومشيت.
أسر: أنا مش مصدق. إيه اللي بيحصل ده؟
قمر قربت من صندوق وطلعت المنبه وقالت: سافرنا على عبر الزمن.
أسر بضيق: إيه الخرفات دي؟
قمر بضيق: ركز معايا. أنا عندي 23 سنة وإحنا في سنة 2021، يعني إحنا هنرجع لسنة 1998.
أسر بضيق: قصدك إيه؟
قمر بسعادة: أنا كدا أقدر أخلي بابا مش يسميني قمر وأغير الماضي.
أسر بغضب: اسكتي ياقمر، بلاش هبل.
قمر تجاهلته وبدأت تظبط المنبه على سنة 1998. وقربت من أسر ومسكت إيده. وغمضوا عنيهم. وفجأة اختفوا.
_________________________________________
أسر وقمر فتحوا عنيهم بهدوء وبصوا حواليهم. لقوا نفسهم لسا في القصر، بس القصر الديكور بتاعه كان متغير.
قمر بسعادة: ده قصر أبوك زمان.
أسر بغضب: نهار أسود. هنرجع ازاااااااااااااااي؟
قمر بصت على ترابيزة الي جمبها لقت جرنال. مسكتو وقرات السنة وقالت بصدمة: نهار أسوووود.
أسر بخوف: إييه؟
قمر بغضب: إحنا في سنة 1997 مش 1998. شكلي اتلخبطت.
أسر بسخرية: هيفرق أوي يعني معاكي؟
قمر بضيق: أيوا. أنا مولود 1998. يعني أنا مش هتولد السنة دي خالص. السنة الجاية هتولد. وكدا مش هقدر أغير اسمي.
أسر جاي يتكلم بس سمعوا صوت حد جاي. قمر وأسر استخبوا ورا الستارة. وبعدين شافوا عمر أبو قمر وهو بيزعق لفريدة.
عمر بغضب: قولتلك مليون مرة مش عايز أتجوز. افهمي بقا.
قمر بهمس: أبويا طلع قمر وهو صغير. الله يرحمه بقا كان عصبي.
أسر بهمس: هو إحنا ممكن نقدر نمنع موته؟
قمر: استغفر ربك يا أخي. هتكفر.
فجأة سمعوا صوت فريدة وهي بتقول بغضب: هتفضل كدا يعني ياعمر؟ أنا يهمني مصلحتك.
عمر ببرود: والله أنا لسا عندي 25 سنة. مش كبير أوي يعني.
فريدة بضيق: لازم تتجوز وتعمل عيلة وتخلف. هو انت مش نفسك في عيل؟
قمر بهمس: ويا ريته ما خلف ياشيخة.
عمر: يووووه، نفس الموواال. بقولك إيه يافريدة، سبيني في حالي.
فجأة سمعوا صوت كلب. وقمر خافت.
عمر بابتسامة: روكي، تعال.
الكلب مسمعش كلامه وقرب من الستارة وحاول يشدها. كان شامم ريحة حد غريب.
عمر بضيق: روكي.
قمر بهمس: هموت يا أسر.
أسر: أهدي.
فجأة الكلب شد الستارة من عليهم وقرب من قمر وعضها في رجليها وهي صرخت.
أسر برعب: قمررر.
عمر بصدمة: انتووو مين؟
رواية بين الماضي والحاضر الفصل الثاني 2 - بقلم ياسمينا
قمر بصريخ: كله بسبب اسم قمر.
عمر قرب منها وقال بغضب: انتم مين؟
قمر بوجع: ياشيخ خلي فيه عندك شوية.
اسر بهمس: احم ده أبوكي يا قمر.
عمر: قمر.
قمر بضيق: طيب.
عمر مسك رجليها وقالها بستغراب: هو استايل لبسك عامل كدا ليه؟
قمر بغضب: نسيب رجلي ونشوف بقا لبسي ياشيخ اتقي الله هاتلي دكتور.
اسر بهمس: مش لازم كل شويه افكرك إنه أبوكي يا قمر.
قمر: يا عمر.
عمر بضيق: أنا دكتور، هعالجك ونشوف آخرتها معاكي.
قمر ابتسمت وقالت: قولي بقا هي الجينات مكنش شغالة عندي ولا إيه؟ يعني عينك الزرقا مجتليش ليه؟
عمر بصلها بستغراب.
اسر بهمس: اخرسي بقا فضحتنا.
اسر شال قمر وقعدها على الكنبة وروكي قرب منها وقعد جنبها.
قمر بغضب: وسع يا كلب يا متوحش.
قمر بصت لعمر وقالت: الحمد لله إنه مات معاك يا بابا.
عمر بصدمة: نعم؟
قمر استوعبت اللي قالته وقالت بحسرة: أنا شكلي عكيت.
فريدة بضيق: انتوا مين؟
اسر بصلها وقالها: احم احنا إخوات.
قمر بنفاذ صبر: اسكت انت مبتعرفش تكدب، بصي ياهانم يعملي رجلي بس وأنا أقعد أكدب عليكي من هنا لصبح.
اسر حط إيده على وشه بحسرة وقال: حسبي الله ونعم الوكيل.
عمر بدأ يعقم لها الجرح. والجرح كان بسيط بس هي حست بشوية تعب وفضلت باصة على عمر وهي فرحانة. أول مرة تشوف باباها من 20 سنة. عاشت معاه بس 3 سنين ومات ومامتها دايما مكنتش بتحكيلها عنه أو عن موته.
عمر خلص وربط رجليها بشاش وقال: الجرح مش كبير متخافيش.
فريدة: ها انتوا مين؟
قمر بتوتر: احم أنا وهو جاين نشتغل عند حضرتك والله.. إحنا ولا عندنا بيت ولا حتى أكل ناكله.
اسر بهمس: يا شيخة بقا هتفضحينا؟ ابقي خدي كورس تمثيل وبعدين تعالي ممثلي عدل.
قمر بصوت عالي: في إيه مالك؟ مش عاجبك حاجة؟ الله روح شوف أمك هتثبتها إزاي.
فريدة بضيق: انتوا بتقولوا إيه؟
اسر بتمثيل: حضرتك أنا وقمر أختي. بابانا طردنا من البيت وسمعت الناس بتقول إنكم بتشغلوا الناس المحتاجة وإحنا والله عايزين نشتغل ونأكل بعرق جبيننا.
قمر قربت منه وقالت بهمس: ناكل بإيه يا روح أمك؟ هو إحنا ناقصين قرف.
اسر بضيق: ده مثال، مثال.
عمر بابتسامة: طيب خلاص هنجربكم يوم أو يومين.
قمر بصتله وابتسمت وقالت: سؤال.
عمر: اسألي.
قمر بابتسامة: هو انت طالع مز لمين؟
عمر بستغراب: مز؟
اسر: احمممم احممم قصدها حلو.
عمر: اه لي تاتا الله يرحمها.
قمر بضيق: أنا مش فاهمة أنا طالعة شبه مين.
فريدة بضيق: ادخلوا على المطبخ أما نشوفلكم شغلانة.
عمر: البنت دي مش هينفع تشتغل خليها ترتاح يومين.
قمر بصتله بحب وقالت: حونين.
اسر بصدمة: مش كانت حنين؟
قمر: اه بس أنا غيرتها عندك مانع.
قمر بصت لعمر وقالت: شكرا جدا ليك يا عمر انت حونين أوي.
عمر بصلها وقالها: لا حول ولا قوة إلا بالله اللغة عندها بايظة خالص.
فريدة: تعالي أوديكي أوضتك.
قمر بهمس: أمك كانت عقربة وهي صغيرة يا اسر.
اسر بضيق: هشش يلا.
فريدة خدت اسر وقمر وطلعوا على السلم.
قمر بهمس: اسر هو فين المنبه؟
اسر بستغراب: معرفش.
فجأة سمعوا صوت خالد بغضب: فريدة.
فريدة وقفت وبصت لخالد اللي داخل من باب الفيلا.
وبعدين نزلت من على السلم ووقفت جنب عمر بتوتر.
أما اسر وقمر كانوا متابعين المشهد.
قمر بهمس: يخربيته نفس رخامة أمه مش هيتغير.
اسر بضحك: اه والله.
خالد بغضب: ينفع اللي جوزك بيعمله ده مع خطيبتي؟
فريدة بضيق: وأنا مالي أنا خلاص هطلق منه.
عمر بسخرية: هو انتي سايباه هو وجاي تكلمي مع فريدة؟ ياشيخ هو انت مش راجل؟
خالد بغضب: خليه يبعد عن عبير خطيبتي أحسن لك.
اسر وقمر بصوا لبعض بصدمة وقالوا بصوت واحد: عبيررررر.
عمر بضيق: متخافش أنا جاي أصلا عشان أتكلم معاه.
فريدة بصت على اسر وقمر وقالت بضيق: اطلعوا أوضتكم.
اسر شال قمر وطلع. ودخل أول أوضة قابلته. وبعدين قعد قمر على السرير.
قمر بتفكير: إيه علاقة بابا بـ مامتك؟ أنا عمري ماشوفت مامتك بتتكلم عن بابا ولا حتى قالوا إنهم صحاب.
اسر: السؤال الأهم أمك إزاي خطيبة خالد ده وبابا بيضايقها ليه وماما عايزة تطلق ليه أصلا؟ استنى.
قمر بستغراب: إيه؟
اسر: أنا مواليد 1997 شهر 2.
قمر بصدمة: اومال انت قدي إزاي؟
اسر: يا ذكية مانا سقطت سنة في جامعة.
قمر: أنا شوفت في الجرنال إننا في شهر أكتوبر يعني 10.
اسر: اه يعني أنا اتولدت.
قمر: إحنا لازم نلاقي المنبه ونرجع للمستقبل ونعرف الحقيقة كاملة.
اسر: طب هندور فين؟
قمر قامت على رجليها وقالت: أنا هدور في جنينة يمكن نلاقي حاجة ورجلي كويسة متخافش.
اسر: طيب يلا بينا.
قمر واسر طلعوا من الأوضة وقمر نزلت على السلم بهدوء وملقتش حد في الفيلا فرتاحت وبعدين طلعت الجنينة لقت عمر قاعد لوحده وبييبص في السما.
قمر قربت منه وقعدت جنبه.
قمر: احم عمر.
عمر بصلها بستغراب وقال: نعم؟
قمر: ونبي ابقا سمي بنتك اسم عدل بلاش قمر.
عمر بضيق: قمر عمر إزاي دي بقا؟
قمر: شووفت بقا مش حلو صح.
عمر: هو انتي إيه حكايتك؟
قمر اتوترت وبصت قدامها لقت عربيات كتير ماشية في طريق.
قمر حبت تغير الموضوع وقالت: تعرف في المستقبل هيبقى فيه سور هنا كبير مش هتقدر تشوف الشارع كدا.
عمر: ياسلام.
قمر: أيوا وكمان العربيات اللي بتبوظ من قدام وورا دي هتتلغي وهتيجي غيرهم أحسن وأحدث.
عمر بضيق: انتي بتنجمي يابنتى.
قمر بضحك: اه كدا اومال لو كنت قولتلك إن هيبقى فيه فيس وواتس وانستا وغيره كتير.
عمر بصلها بستغراب وهي بصت على هدومه وقالت: حتى البنطلون الجينز ده هيضيق من تحت مش هيبقى واسع كدا بس انت ياعيني عليك هتموت قبل ماتشوف ده.
عمر بغضب: بقولك إيه ادخلي جوة علشان مش فايق لهبلك ده أنا مش فاهم حاجة.
قمر بضيق: طيب وعلفكرة انت هتتجوز واحدة اسمها عبير وهتخلف قمر.
قمر جايه تمشي.
عمر بصوت مرعب: استني.
قمر وقفت واستوعبت قالت إيه.
قمر في سرها: اهي كملت ياقمر يابنت عمر هتموتي في زمن مش زمنككك.
عند اسر.
فضل يدور في كل أوضة لغاية لما وصل في أوضة مامته وفتح الباب بهدوء ونصدم لما لقها بتعيط وشايلة طفل في إيدها.
اسر وقف وبدأ يسمع هي بتقول إيه.
فريدة بدموع: تعرف يا اسر إني هاخدك وهنمشي من هنا مستحيل أفضل مع الشخص ده. أنا عارفة إني غلطانة وسبت عمر عشان سليم. عمر كان بيحبني أوي وأنا كنت بحبه بس سليم ضحك عليا. وعمر فضل جنبه بس خلاص مستحيل يفكر يتجوزني مجروح مني أوي بس مقدرش يسبني وفضل صاحب سليم علشاني عشان عارف إن سليم شوية وهيزهق مني.
اسر سامع كل ده ومكنش قادر يستوعب وبلا وعي دخل الأوضة بغضب وقال: انتي إزاي كنتي كدا؟
فريدة بصدمة: نعم؟
اسر: انتي إزااااي كنتي كدا؟
فريدة حطت اسر الصغير على السرير. واسر بص على شكله وهو صغير بحزن وقال: يعني انتي كنتي بتحبي عمر وسبتيه عشان بابا؟ اومال قصة الحب اللي بشوفها كل يوم بينكم إيه؟ كلها تمثيل؟
فريدة بغضب: انت بتقول إيه؟ أنا مش فاهمة حاجة وازاي دخلت كدا؟
اسر بحزن: ياريتني ما شفت كل ده.
فريدة بصوت عالي: انت مين؟ سامحلك تكلمني كدا؟ انت مجنون؟
فريدة طلعت من بلكونة ولقيت قمر واقفة قدامها عمر.
فريدة بصريخ: عمرررررر الحقني.
اسر بصلها بحزن وبعدين طلع من الأوضة. أما عمر دخل الفيلا ولقى اسر نازل من السلم بسرعة وعمر حاول يوقفه بس اسر زقه وجري على الجنينة ومسك إيد قمر وجريوا برا الفيلا. أما فريدة نزلت وجريت على عمر وحضنته وهو اتضايق وطلعها من حضنه وقال: في إيه؟
فريدة بضيق: الولد ده ضايقني.
عمر: اهو مشي شكله مش هيرجع تاني.
فريدة: عمر انت قاعد معايا ليه؟
عمر بابتسامة: حبيبتي انتي اختي وسليم مسافر مستحيل أسيبك لوحدك انتي واسر.
فريدة بصدمة: أختك؟
عمر: اه يلا بقا اطلعي نامي.
عمر مشي من قدامها وهي قعدت على كنبة بحزن.
عند قمر واسر.
اسر دخل من البوابة الخلفية بتاعت القصر وكانت بوابة صغيرة قمر قدرت تطلع عليها.
اسر: قمر انتي كويسة؟
قمر بتعب: مش مهم لازم نجيب المنبه.
اسر مسك إيدها وقال: فيه أوضة منفصلة عن الفيلا وتقريبا بيحطوا فيها الكراكيب.
قمر: طب يلا.
اسر وقمر وقفوا قدام الأوضة وأسر زق الباب براحة وفتحه. ودخلوا هما الاتنين والاوضة كان فيها صناديق كتير وبدأوا يدوروا.
اسر بحزن: أنا لازم أعرف حقيقة ماما.
قمر: لا أنا خايفة اللي إحنا عاملينه ده يأثر في المستقبل. ظهورنا ليهم يعني.
اسر بضيق: مبقتش تفرق.
قمر فتحت صندوق ولقيت فيه المنبه وقالت بصوت: لقيتووو لقيتوووو.
اسر قرب منها وقال: طب يلا اكتبي 2021 شهر 7.
قمر: ولازم اليوم كمان 29.
قمر بدأت تكتب بس فجأة دخل عليهم عمر وبصلهم بصدمة.
اسر بصوت عالي: كملي ياقمر.
عمر بغضب: انتوا بتعملوا إيه؟
قمر تجاهلته وظبطت المنبه وعمر قرب منهم بغضب. وفجأة اختفوا.
وقمر فتحت عينيها بهدوء ولقت نفسها في عربية اسر وقدام القصر.
قمر بسعادة: الحمد لله فتح عينك يااخي.
اسر فتح عينه بهدوء وقال: إيه وصلنا؟
قمر: اه الحمد لله.
فجأة سمعوا صوت من وراهم.
عمر بغضب: إيه ده أنا فيييييين؟
اسر وقمر بصوا على الكنبة اللي وراهم بصدمة.
اسر بحسرة: المنحوس منحوس حتى لو علقوا على رأسه فانوس.
قمر: اهاااا يامصيبتي السودة يااانااااا يماااااا.
رواية بين الماضي والحاضر الفصل الثالث 3 - بقلم ياسمينا
عمر بغضب: فهموني أنا بعمل إيه هنا؟
قمر بغضب: إنت إيه يا شيخ؟ ولا سيبني في الماضي ولا الحاضر!
أسر: مش كل شوية أفكرك إنه أبوكي، اهدي بقى.
قمر: أسر، البوابة هتفتح.
أسر بصدمة: وماما واقفة في البلكونة؟
قمر: وهتشوف.
قمر بصت لعمر ورجعت قعدت جنبه على الكنبة وقالت: اتحرك يا أسر خلينا نمشي من هنا.
أسر اتحرك بالعربية.
عمر بغضب: إنتو خطفتوني؟
قمر بغضب: نخطفك إيه بس؟ اسكت خالص.
أسر بضيق: ده أبووووكي، أبووووكي.
قمر: اسكت انت خااالص.
قمر بصت لعمر وقالت بغضب: اسمي قمر، عمر بنتك، وإحنا في سنة 2021. ولو مش مصدق تقدر تطلع راسك من الشباك وانت هتعرف وهتشوف الناس بقت شكلها عامل إزاي.
عمر باستغراب: إيه بقوا زومبي؟
قمر بغيظ: يالهوي، دمك شربات يا بابا.
عمر بغضب: أنا سكتلك من الصبح، بقولك إيه؟ وقفي العربية دي أحسنلك.
أسر وقف العربية وقال: أنا اسمي أسر سليم، ابن فريدة صحبتك. ولو مش مصدقني، اهي بطاقتي.
أسر اداله البطاقة وعمر كان مصدوم وقال: أنا مش فاهم حاجة.
أسر طلع تليفونه وقال: دي صورتي أنا وماما، أكيد عارف شكلها.
عمر مسك التليفون وقال: ده إيه؟
قمر: تليفون تاتش يا بابا.
عمر بص على صورة فريدة بصدمة وقال: فريدة... شكلها كبير كده ليه؟
أسر: يا عمو، إحنا في 2021.
قمر: أنا هحكيلك.
قمر بدأت تحكيله وهو كان مصدوم من كلامها.
قمر: بس ده اللي حصل، وباين كده إن المنبه ده بتاع أونكل سليم.
عمر مردش عليها وفضل ساكت.
أسر: الأ قوللي صحيح، هو إنت هتتجوز إزاي طنط عبير؟ وإيه علاقة بابا بالموضوع؟
عمر مردش ونزل من العربية وفضل يبص حواليه.
وقمر وقفت جنبه وقالت: بابا، أنا عارفة إنك مصدوم بس لازم تساعدنا.
عمر: أعمل إيه يعني؟
أسر: أول حاجة لازم تغير هدومك، مش مناسبة في الزمن ده. تاني حاجة بقى، تحكيلنا عن حياتك، ومتخافش، إحنا هنرجعك.
عمر بضيق: طيب.
عمر بص على العربية وقال: دي العربيات الحديثة اللي حكيتي عنها؟
قمر بابتسامة: شوفت أحسن من بتاعتكم بكتير.
عمر بص لها وقالها: على فكرة إنتي مش شبهي خالص، إزاي تبقي بنتي؟
أسر: معلش، هقطع فقرة التعارف دي، بس إحنا لازم نمشي.
عمر ركب العربية هو وقمر وهو بدأ يفكر إيه اللي خلاه يتجوز عبير، ومفروض يصدقهم ولا لأ، بس كل حاجة قدامه بتثبت إنه مش في التسعينات.
وبعد ربع ساعة أسر وصل قدام المول وقمر مسكت إيد عمر وهي فرحانة وقالت: أنا معشتش معاك غير 3 سنين ومش فاكراهم، ممكن بقى تسيبلي نفسك؟
عمر حاول يتأقلم على الوضع ده وقال: طيب.
قمر ابتسمت ومسكت إيده ودخلت المول. أما أسر وقف وقال: شكلها هتودينا في دااااهية.
أسر دخل وراها وبعدين راحوا محل ملابس رجالي.
قمر: بابا، إنت هتلبس قمصان أكيد؟
أسر: لا طبعًا، تيشيرتات.
قمر بغضب: ده أبويا ولا أبوك؟
أسر بغضب: وإنتي تفهمي إيه أصلاً في لبس الولاد؟
قمر بعناد: هيلبس قمصان وغصب عنكككك.
أسر بغضب: لاااا، تيشيرتااااات.
عمر بص لهم بملل وبعدين بص على الهدوم وقرب منهم وطلع بنطلون جينز أسود.
وقمر وأسر بطلوا خناق وبصوا.
أسر بهمس: هيجيب تيشيرت، أنا واثق.
قمر بضيق: لا، قميص.
أسر: طيب، هنشوف.
عمر جاب تيشيرت أبيض.
أسر بسعادة: حبيبي يا عمورتي والله.
قمر بصدمة: كده يا بابا؟
عمر بضيق: هو في آخر الزمن هسيب واحدة تلبسني؟ وبعدين أنا عجبني ستايل أسر.
أسر: يا قلب أسر، تعال أجيبلك كوتشي كده أبيض وأعملك شعرك زاي. وإنتي اقعدي هنا.
قمر بصتله بضيق وسكتت.
أسر خد عمر ومشوا.
قمر طلعت تليفونها ورنت على مامتها. ومامتها ردت.
قمر: ماما.
عبير بحزن: معلش يا بنتي على اللي خالد قاله.
قمر باستغراب: قاله إيه يا ماما؟
عبير: أكيد إنتي مضايقة إنه قال كده ومن حقك تعرفي الحقيقة، بس لما ترجعي البيت.
قمر: ياماما، أنا مش فاهمة حاجة. قصدك يعني عشان عايز يتجوزني؟ لا، دا راجل أهبل.
أمها باستغراب: يتجوزك إيه يا بنتي؟ أنا قصدي لما وقفِك في المحاضرة وقال إنك معندكيش أب.
قمر بصدمة: معنديش أب؟
فجأة الخط اتقطع وقمر كانت مصدومة. وبعدين خرج عليها عمر بهيئته الجديدة.
عمر بابتسامة: قمر.
قمر بصتله وقالت بصدمة: واوو.
عمر لبس النظارة وقال: حلو صح؟
قمر قربت منه وصفرت وقالت: تصدق لو مكنتش أبويا كنت اتجوزتك.
أسر: حبيبتي، أنا اللي ظبطته.
قمر: هشش، سبني بس أركز مع أبويا القمر ده.
عمر: احم، خلاص عرفنا إن قمر.
قمر بتذكر: أسر، ماما رنت عليا وقالت حاجات غريبة كده، وإن دكتور خالد قالي إني معنديش أب.
أسر بتفكير: ليكون اختفاء عمر أثر على المستقبل؟
قمر بضيق: غبي، لو بابا فعلاً اختفاؤه أثر مكنتش أنا جيت.
عمر بص لـ أسر وقمر وقال في سره: إلا لو تكوني مش بنتي أصلاً.
قمر طلعت من شنطتها المنبه وقالت: أنا المرة دي عملت حسابي، وظبطت الوقت وحطيت المنبه في شنطة عشان ميضعش مننا.
أسر: ذكية، وادي نوري عمر إننا صح.
عمر: طب يلا، جربي.
قمر قربت منهم ووقفت بينهم وظبطت المنبه لساعة ورا.
وبعدين اختفوا.
*في الجامعة*
عمر فتح عينيه بهدوء وبص حواليه لقى نفسه في قاعة المحاضرات. بص جنبه لقى قمر قاعدة.
عمر بصدمة: قمر، تعرفي إنك معاكي كنز.
قمر بابتسامة: طبعًا، أنا عارفة.
عمر بضحك: طيب، أوعدك أول ما أرجع زمني هسميكي جميلة.
قمر: ماشي، جميلة عمر حلو.
أسر بهمس: مش ملاحظين إن الناس بتبص علينا بقرف؟
قمر بصت حواليها لقتهم بيبصلها هي بالذات بقرف. وبنت قربت منهم وبصت على عمر وقالت: احم، هو إنت طالب جديد؟
عمر: آه.
البنت بابتسامة: ممكن نتعرف؟
قمر بغضب: ده عند أمك يروح أمك! إنتي جاية تشقطي الراجل؟
عمر بصدمة: قمر! إيه الألفاظ دي؟
البنت بسخرية: متلومهاش، مهي معندهاش أب أصلاً. أمها جابتها وكتبتها باسمها هي، يعني هي اسمها قمر عبير، ومنعرفش أبوها مين ولا أصلها ولا فصلها.
الكل بص لها بصدمة وقمر عينيها دمعت وقالت: إنتي قليلة الأدب.
عمر بضيق: سبحان الله، هي معندهاش أب بس محترمة على الأقل. مش رايحة جاية تتعرف على شباب، وإنتي عندك أب وللأسف معرفش يربيكي. وامشي من قدامي حالا.
البنت بصت له بغضب ومشيت.
أسر: مش قولتلك يا قمر، اختفاء عمر أثر على المستقبل.
قمر بدموع: أنا كنت عايزة أغير اسمي، مش أخفي أبويا.
عمر حط إيده على وشه وقال: ياربي، جوز حمير ماشيين معايا، إنتو بهايم، هتخرجو الواحد من شعوره ليه؟
قمر بضيق: أنا برضه اللي ألفاظي وحشة؟
عمر بغضب: جبتوا آخري يا أستاذة، دلوقتي أنا اختفيت قبل ما أتجاوز أمك، ها؟ أمك جابتك إزاي لوحدك مثلاً؟
أسر بصدمة: قصدك إنك...
قمر قطعت أسر بغضب وقالت: إنت هتتبره مني من أولها؟ لا، إنت أبويا وكل حاجة تثبت إنك أبويا.
عمر: تمام، خلينا نمشي ورا دماغك دي لحد لما نلقي مصيبة جديدة.
عمر بص الناحية التانية ولقى بنات عمالة تبص له بجرأة.
عمر بتوتر: احم، هو البنات أخلاقها باظت ولا إيه؟
قمر بصت للبنات وقالت بغيره: ما كل واحدة تخليها في نفسها، إيه مالكم؟
أسر: يلا بينا نمشي.
قمر مسكت إيد عمر وبصت للبنات بخبث.
قمر: يلا يا عمورتي.
عمر بسخرية: إن كيدهن عظيم فعلاً.
عمر وقمر وأسر طلعوا من القاعة وأسر قرب من عمر وقاله بهمس: عيش حياتك يا بني، دانت قمر أجمل مني حتى.
عمر بص له بقرف: متشككنيش فيك.
أسر بضحك: اسمع بس، تعال أعرفك على صحابي، فيهم بنات تجنن.
عمر: لا، أنا ماليش في ده، اتقي الله، أمك تعرف اللي بتعمله ده؟
أسر بضيق: افهم بقى، أنا هظبطك، بس ابعد عن قمر دي، بت فقر.
عمر بص على قمر اللي ماسكة إيده جامد وقال: لا، أنا اتشبكت خلاص.
أسر بضحك: طب خلاص، إحنا شكلنا هنقعد معاكم كتير، هنعمل ده لما تمشي.
قمر بضيق: بتقولوا إيه؟
أسر: ها، لا مفيش. المهم، هنعمل إيه؟
قمر: هعرف الحقيقة من ماما، المهم ماما مش في البيت دلوقتي وأنا كده هقدر آخد عمر ونروح البيت.
أسر: طب يلا بسرعة قبل ما دكتور خالد يشوفنا ويعرف عمر.
عمر بضيق: طول عمره غتت ورخم.
قمر: آه والله، دا راجل براس كلب.
أسر: طب يلا، أوصلكم.
عمر: أنا اللي هسوق، ممكن أنت بس تقولي أمشي فين؟
أسر بتفكير: بس فيه فرق بين العربيات دي وعربيات التسعينات.
عمر غمزه وقاله: لا، مفيش حاجة صعبة عليا، جربني بس.
أسر أداله المفتاح. وعمر ركب العربية وقمر جنبه وأسر ورا.
عمر: احم، يلا جاهزين؟
قمر بقلق: مش مطمنالك.
عمر بضحك: لا، اطمني.
عمر اتحرك بالعربية وخرج من الجامعة. وساق العربية بسرعة.
أسر: احم، عمر، براحة.
قمر بخوف: هنموووووووت.
عمر: اهدوا، أنا عارف أنا بعمل إيه.
فجأة ظهرت عربية قدامهم.
أسر بصريخ: خلي باااااالك، خلي باااااالك.
قمر حطت إيدها على عينيها وقالت: حسبي الله ونعم الوكيل، هتموتني ناقصة، عمررررر.
فجأة العربيتين اتخبطوا في بعض.
عمر: احممم، احممم، أنا شكلي عملت حادثة.
قمر شالت إيدها من على عينيها وقالت: الحمد لله عايشين.
أسر بغضب: عربيتي باااااااااااااااظت.
عمر بابتسامة: معلش، فدايا.
أسر بغضب: إنت تخرس خالص يا شيخ، يخربيتك إنت وبنتك.
قمر بتوتر: اسكتوا، صاحبة العربية جاية علينا.
أسر وعمر بصوا قدامهم لقوا بنت طالعة من العربية.
أسر: اوووووبا، صاروخ.
البنت قربت من العربية وخبطت على شباك عمر وقالت بغضب: اطلعلي يا أعماااا.
عمر فتح باب العربية وطلع وقال: نعم.
البنت بصت على عمر والغضب اتقلب لابتسامة.
عمر بضيق: نعم؟
البنت: احم، ينفع كده حضرتك اللي عملته؟
عمر برقة: أنا آسف والله جداً، ومستعد أصلح عربيتك، المهم إنتي كويسة؟
البنت بابتسامة: آه كويسة، وإنت؟
قمر طلعت راسها من الشباك وقالت بغضب: أجيب لكم لمون؟ غوري يابت من هنا.
أسر طلع راسه من الشباك اللي ورا وقال: سيبه يشوف نفسه يومين يا فقر.
عمر بخيبة أمل: أنا معرفهمش.
البنت بضحك: طيب، أنا اسمي سارة، وإنت...
عمر بابتسامة: وأنا...
قمر قطعته وقالت: مش يلا بقى يا بيبي عشان نروح الشقة؟
عمر بص لها بصدمة وقال: هاه؟
قمر بدلع: هنتأخر، يلا بقى.
أسر بضحك: ولعت الهانم مستعجلة.
سارة بصت لـ عمر بقرف وقالت: استغفر الله، وأنا اللي بحسبك محترم.
قمر: محترم إيه يابت؟ هو فيه حد محترم الأيام دي؟ دانا حامل منه في توأم.
سارة بصت لـ عمر بقرف ومشيت من قدامه. وعمر بص لـ قمر وقال بغضب: هي أمك معرفتش تربيكي ولا إيه؟
قمر بغضب: إنت جاي عشان تشقط ولا إيه؟
عمر ركب العربية وقال: اخرسي.
قمر غمزلته وقالت: طب يلا بسرعة عشان مستعجلة يا عمورتي.
أسر سقف وقال: الله، دي شكلها هتبقى ليلة فل.
عمر بغضب: اخرسووو بجد، أهليكم فين؟
أسر بضحك: بنهزر معاك والله، إحنا مش كده.
عمر بص لهم بضيق وتحرك بالعربية. وبعد ربع ساعة وصلوا قدام برج.
عمر بص على البرج وقال: هو إنتي شقتك في برج؟
قمر: عمارة على شكل برج، وإنت اللي بانتها يعني دي بتاعتنا، واخدين شقة ومأجرين الباقي.
أسر: طب أنا همشي بقى أشوف العربية دي.
قمر: تمام، خلي بالك من نفسك، وهبقى أكلمك.
أسر: أوك.
قمر مسكت إيد عمر ودخلوا العمارة وركبوا الأسانسير. وعمر كان مركز في كل تفصيلة في المكان، وقمر كانت بس مركزة معاه وبتتبسم.
عمر بص لها وقالها: يابنتي، أنا أبوكي مش حبيبك، مالك كده؟
قمر بضحك: لا، بس فرحانة إنك معايا.
عمر ابتسم والأسانسير اتفتح.
وقمر خدت عمر ودخلوا الشقة.
عمر: يابنتي، ماسكني كأن طفل كده ليه؟
قمر: تعال بس أوريك حاجة.
قمر خدت عمر ودخلوا أوضتها. وقفلوا الباب.
عمر بتوتر: احم، إيه يا قمر، اهدي، أنا أبوكي.
قمر باستغراب: مالك؟
عمر بغضب: بقولك إيه، أنا مش مرتحلك من ساعة ماشوفتك.
قمر غمزلته وقالت: إنت خايف مني يا بابي؟
عمر بضيق: عبير دي معرفتش تربي.
قمر ضحكت وبعدين فتحت دولابها وطلعت منه كراسة رسم كبيرة وفتحتها وقالت: شوف.
عمر بص على الكراسة لقها راسمى صورته. عمر ابتسم وقال: لدرجة دي بتحبيني؟
قمر: أوووووي أووووي.
فجأة سمعوا صوت عبير وهي بتقول: قمر.
قمر لطمت على وشها وقالت: يمصببتي السودة، أمي جت.
عمر: طب هنعمل إيه؟
قمر: أميييي، وأنا عارفهاااا، هتفضحنا. بص استخبى تحت السرير.
عمر بضيق: لا.
قمر زقته وقالت: يعني هتبقى مبسوط لما نتفضح؟
عمر بضيق: طيب.
عمر نزل تحت السرير وقمر قربت من الباب وفتحتو.
عبير بضيق: قافلة على نفسك ليه؟
قمر بتوتر: ها، مفيش.
عبير بشك: مالك؟
قمر: مفيش.
فجأة سمعوا صوت جاي من السرير.
قمر في سرها: يخربيتك، هتفضح أمي.
عبير قربت من السرير. وعمر قال بحسرة: يا إلهي، أنت تعلم كيف حااااالي.
رواية بين الماضي والحاضر الفصل الرابع 4 - بقلم ياسمينا
عبير قربت من علي السرير ورفعت الملاية وبصت تحت السرير.
ولقت عمر.
عمر بابتسامة: هالوو.
عبير بصدمة: جيبالي رجالة ف البيت؟ يقمر.
قمر بتوتر: لا دا راجل واحد والله.
عمر طلع من تحت السرير وقال بذكاء: انتي متعرفنيش.
عبير بغضب: وأنا أعرفك منين؟
قمر بصدمة: ماما ده بابا عمر.
عبير بضيق: قمر انتي اتهبلتي؟ ده مش أبوكي. وبعدين أبوكي إيه ده قدك.
قمر فتحت كراسة الرسم وقالت: ده مش بابا.
عبير بصت على الرسمة وقالت: آه ده عمر صاحب فريدة، وده رسم فريدة. عمر اختفى في سنة 1997. أنا عمري ما شفته الصراحة، بس فريدة متأثرة أوي بغيابه.
قمر بصت لعمر... وعمر بص لها بحزن. كان واثق إنها مش بنته.
قمر بدموع: اومال أنا بنت مين؟
عبير بتوتر: إنتي هتخديني بصوت ولا إيه؟ مين ده؟
عمر بسرعة: أنا حازم ابن عمر، وأنا شبهه.
عبير بغضب: وإيه اللي جابك بيتي؟
عبير اتفاجأت بسؤال قمر: هو أنا بنت حرام؟
عبير مردتش عليها.
قمر بصوت عالي: ردي.
عبير بغضب: بس اسكتي خلاص.
قمر بتهديد: أنا كدا كدا هعرف، بس أقسم بالله يا ماما لو طلعت بنت حرام...
عمر قطعها وقال: بس خلاص.
عبير مقدرتش تستحمل كلام بنتها وطلعت برا الأوضة.
قمر بدموع: لو طلعت بنت حرام هغير الماضي وهنتقم منهم كلهم.
عمر بحزن: أهدي، إحنا لازم نرجع لزمننا.
قمر: تعال ننزل من هنا.
عمر: طب مامتك.
قمر بصت له بضيق وطلعت من الأوضة. وعمر مسك كراسة الرسم وخدها معاه وطلع وراها. وطلعوا من الشقة.
عمر بضيق: أي كان مامتك عملت إيه، مكنش ينفع تكلميها كدا.
قمر بصت له بغضب وقالت: انت جاي تعلمني ولا إيه؟ لا روح علم نفسك، إنت حبيت مرات صاحبك بجد؟ مش عارفة إيه القرف ده، لا وكمان جاي تعلمني الأدب.
قمر دخلت الأسانسير بغضب. وبصت لعمر وقالت بضيق: ادخل.
عمر مسك باب الأسانسير وقال بكل هدوء: شفتي معاملتي معاها كانت عاملة إزاي؟ شفتي فريدة جرحتني إزاي؟ بس أنا فضلت معاها مش عشان بحبها والله، لا عشان أنا من أول يوم اتجوزت فيه سليم شفتها أختي. وأنا مبسبش أختي واقعة في مصيبة. طيب شفتي فريدة كانت معيشة أسر في كدبة وإنها هي وأبوه كويسين مع بعض وبيحبوا بعض؟ مسألتيش نفسك ليه؟
قمر بصت له ودموع في عينيها وقالت: ليه؟
عمر: عشان متخليش نفسيته وحشة. فريدة وسليم كل دقيقة بيتخانقوا، أكيد هي بعدت أسر عن الخناق عشان نفسيته وشخصيته متطلعش زي أبوه. شفتي بقا الفرق بينا وبينكم؟ أسر لما عرف إن أمه بتحبني زعقلها. وإنتي جيتي تزعقيلي. بجد المستقبل ده شكله فيه مصايب كتير وناس مبتحترمش حد، وقلة الأدب هتبقى طبع فيهم.
قمر حطت إيدها على وشها وبدأت تعيط بحزن. وعمر دخل الأسانسير وحضنها بحنان وقال: أنا آسف إني كلمتك كدا، بس لازم تفهمي إن دي أمك مهما عملت.
قمر حضنته جامد وقالت: الماضي ده طلع وحش أوي. أنا كنت بحسب إن كل مشكلتي اسمي بس.
عمر بيضحك: أنا مش عارف عقلي كان فين لما سميتك الاسم ده.
قمر ابتسمت وقالت: كنت شارب حاجة شكلك.
فجأة سمعوا شخص بيقول: استغفر الله العظيم.
قمر خرجت من حضن عمر وبصت قدامها. لقت راجل كبير واقف قدام الأسانسير.
قمر بستغراب: مالك ياحج؟
الشخص بقرف: استغفر الله. البنات مبقاش عندها حياء.
قمر بصت لعمر وقالت: هو قصدو إيه الراجل الخرفان ده؟
الشخص وهو بيمشي قدامهم: بقوا يحضنوا ويبوسوا بعض كدا قدام الناس. بجد بنات آخر زمن.
قمر بغضب: استنى ياراجل يا كداب إنت! إحنا بوسنا إمتى؟
عمر مسك إيدها وقال: اتهدي بقا وحركي أما الأسانسير ده.
قمر: طيب.
***
أسر وصل القصر بتاعه بس دخل من البوابة الخلفية. محبش مامته تشوف عربيته كدا وتخاف عليه. ودخل من باب المطبخ الخلفي. وبعدين جاي يخرج من المطبخ بس شاف أبوه بيزعق لفريدة.
سليم بغضب: إنتي عايزة مني إيه؟
فريدة بدموع: وطي صوتك لاسر يجي ويسمعك.
سليم بغضب: مايسمع، خليه ييجي يشوف أمه.
فريدة بغضب: ارحم بقا، إنت كل يوم مع ست. اتقي الله بقا.
سليم بخبث: إيه؟ غيرانة عليا؟
فريدة بصت له بقرف وقالت: ابداً، بس أنا مش عايزة أخلف لإسر تاني.
سليم بسخرية: ولا تاني ولا تالت. وبعدين إنتي قلبك أسود أوي. إنتي لسه فاكرة اللي حصل من 23 سنة؟
فريدة بدموع: يوم 28/10/1997. التاريخ ده لسه محفور في قلبي وفي عقلي. مستحيل أنساه.
سليم بخبث: قولتلك سبيني.
فريدة: عشان تاخد مني أسر؟ عارف لو مكنتش بتهددني بيه كنت مشيت وسبتك.
أسر كان سامع كل ده بصدمة. وبعدين جاله رسالة من قمر. فتح التليفون وشاف الرسالة: (إحنا قدام القصر اطلع).
أسر قفل التليفون وبعدين طلع من القصر.
قمر بحزن: أسر أنا طلعت بنت حرام.
أسر بص لها بحزن وقال: وبابا طلع بتاع ستات وماما عارفة وساكتة.
عمر بضيق: أكيد عشانك.
أسر مردش عليه وكان باصص في الأرض بحزن. عمر قرب منه وقال بهمس: على أساس إنك مش طالع لابوك، دانت ياشيخ كنت عايز تعرفني على بنات.
أسر ابتسم غصب عنه وقال: تعرف وبس والله مش حاجة تانية.
عمر: لا ياحبيبي، وأنا أضمن منين؟
قمر بضيق: بنات إيه؟
عمر بيضحك: لا متخديش في بالك.
قمر: طب هنعرف الحقيقة إزاي؟
عمر بتفكير: نرجع للماضي.
أسر: نرجع لتاريخ 28/10/1997.
عمر بستغراب: 28/10 عيد ميلادي.
أسر: أنا معرفش، بس ماما قالت إن ده أوحش يوم في حياتها.
قمر طلعت المنبه وعمر خده منها وقال: هاتي أظبطه.
قمر: تمام.
قمر مسكت إيد أسر وعمر ظبط الوقت. وبعدين مسك إيد قمر. وفجأة اختفوا.
***
*في زمن 1997*
قدام قصر أسر. عمر فتح عينه بهدوء وبص حواليه وقال: طيب إحنا كدا رجعنا.
وفجأة سمعوا صوت رعد وقالت: شكلها هتمطر. تعالوا ندخل من البوابة الخلفية.
عمر: طيب.
عمر وأسر وقمر دخلوا من البوابة. وبعدين راحوا المطبخ. وبصوا على الصالون لقوا فريدة واقفة قدام ترابيزة وحاطة على ترابيزة تورته وحاطة فوقها شمع على شكل 24. وحاطة جنب تورته صورة عمر.
فريدة بحزن: أنا مش عارفة روحت فين ولا اختفيت ليه، بس أنا دايماً هفضل أحتفل بعيد ميلادك.
قمر بغيرة: أمك دي مستفزة.
أسر بضيق: اتلمي.
عمر بهمس: هششش.
فجأة دخل عليهم خالد وقال بغضب: جوزك فين؟
فريدة: مش عارفة.
خالد بغضب: عبير مختفية من الصبح ومش لاقيها.
فريدة بقلق: وسليم مجاش؟
خالد: دايماً جوزك بيبص على اللي في إيد غيره.
فريدة بدموع: مش ذنبييي.
خالد بزعيق: هلاقيه وساعتها أقسم بالله ما هرحمه.
عمر طلع عليهم وقال: إيه؟
قمر بهمس: عمر.
أسر حط إيده على بوق قمر واستخبوا في المطبخ.
أسر: اهدي. شكل ده اللي حصل اليوم ده ولازم عمر ياخد دوره عشان نعرف حصل إيه بالظبط.
فريدة بصت لعمر بصدمة وقالت: عمر إنت جيت؟ كنت فين؟
عمر بتوتر: مش مهم. قولي في إيه.
خالد بسخرية: أخيراً جيت؟ دانت من شهر 2 مختفي ومنعرفش عنك حاجة.
عمر بضيق: فين عبير خطيبتك؟
خالد بغضب: معرفش مختفية.
فريدة: عمر رد عليا، كنت فين وإيه اللبس الغريب ده؟
عمر بص لها وقال: تعرفي سليم فين دلوقتي؟
فريدة بتفكير: مش عارفة، بس لما بنبقى متخانقين بيروح لي البرج بتاعه. هو شطب شقة واحدة في البرج ده.
عمر افتكر البرج اللي عايشة فيه قمر وقال: تمام. أنا رايح أشوفه.
خالد: أنا جاي معاك.
فريدة بضيق: وأنا؟
عمر مشي وهما مشيوا وراه. وعمر ركب عربية فريدة وتحرك.
فريدة: عمر براحة.
عمر تجاهلها ومردش عليها.
أما في شنطة العربية... كانت قمر وأسر فيها.
قمر: همووووووت. يخربيت دي فكرة.
أسر بضيق: كنا لازم نروح معاهم.
قمر بغضب: مش عارفة أتنفس.
أسر بهمس: كان يوم أسود لما شوفت وشك النحس.
قمر بحزن: تخيل كدا مين أبويا.
أسر: معرفش، بس إيه علاقة بابا بـ ماما؟
قمر: ماهي باينة. شكله كان بيضايقها.
أسر سكت لما لقى العربية بتقف. وعمر نزل من العربية هو وفريدة وخالد وطلعوا البرج.
أما قمر طلعت من شنطتها حديدة حجمها صغير وحاولت تفتح الشنطة. وفتحتها وطلعت هي وأسر.
أسر: يلا بسرعة.
قمر: مش عارفين أنهي شقة.
أسر بتفكير: تعالي نشوف يمكن الدور الأول.
قمر وأسر دخلوا العمارة.
قمر بضيق: عمر راح فين؟
أسر: أكيد طلعوا الدور التاني.
فجأة سمعوا صوت ضرب نار جاي من الدور الثاني.
قمر بخوف: عمر.
أسر وقمر طلعوا الدور الثاني ولقوا باب الشقة مفتوح. دخلو بسرعة لقوا الصالة متبهدلة وكل حاجة فيها متكسرة.
أسر بهمس: شكلهم في الأوضة.
أسر وقمر دخلوا الأوضة. وقمر صرخت وقالت: مستحيلللللل.
رواية بين الماضي والحاضر الفصل الخامس 5 - بقلم ياسمينا
قمر لقت فريده حاضنه عبير، وعبير كانت بتعيط وعمر ماسك المسدس وحاطه على راس سليم.
خالد بغضب: اهاا ياخاينه يازباله.
عمر بصدمه: نعم، هو انت مشوفتش اللي شوفناه؟
خالد بزعيق: لا مشوفتش.
عمر صوب المسدس عليه وقال: امشي، اطلع برا ومش عايز أشوف وشك. أنا طول عمري بقول عمتي خلفت سوسو.
خالد بغصب: لم نفسك.
سليم بغضب: عارف ياعمر، أقسم بالله لنتقم منك.
عمر بغضب: اخررررس.
عمر بص لـ قمر وقرب منها ومسك شنطتها وطلع المنبه، وسليم شافه.
سليم بصدمه: انتم جبتوا المنبه ده منين؟
فريده بدموع: طلقني، مش عايزه أعيش معاك.
قمر بخوف: هو إيه اللي حصل؟ وانتي مالك كده؟
عبير بدموع: طلب إنه يقابلني وأنا قولت أروح وأنهي كل ده لأني تعبت منه، كل شوية بيضايقني. ولما وصلت الكافيه لقيته طلب لي قهوة وأنا زي الهبلة شربت وطلع فيها منوم ونمت.
عبير مقدرتش تكمل وفضلت تعيط.
قمر بغضب: واغتصبك؟
فريده بضيق: انتي مين؟
قمر تجاهلتها وبصت وراها ملقتش اسر.
قمر بدموع: اسر فين؟
قمر طلعت برا الأوضة وعمر طلعهم كلهم برا الأوضة إلا سليم، قفل عليه الباب.
أما خالد مشي.
عمر: فريده خليكي معاها.
فريده بضيق: رايح فين؟
عمر بضيق: مالك يا فريده؟ هكون رايح فين؟ خليكي معاها.
عمر طلع من الشقة لقى اسر وقمر قاعدين على السلم.
عمر قعد جمبهم.
عمر: اسر.
اسر ببرود: هاه.
عمر حط إيده على كتف اسر وقال: مين فينا معندوش ماضي؟ مين فينا حياته كاملة؟ مين فينا أبوه أو أمه صالحين؟ محدش بياخد كل حاجة. أنا فاهم إنك زعلان موجوع، بس فكر بعقل، فكر إزاي أمك حفظت عليك ومش خلتك شبه أبوك.
اسر بدموع: صدمة... صدمة كبيرة. أنا طول عمري بشوفه أحسن أب في الدنيا، إزاي يبقى كده؟ طب إزاي قمر أختي؟
عمر: يا حبيبي والله الحياة مش مستاهلة تزعل.
قمر بحزن: انت إزاي هادي كده؟
عمر ابتسم وقال: لأني دايماً بحاول أحل المشكلة، مش أبص على المشكلة. أنا كده فهمت الحكاية كلها.
قمر: فهمت إيه؟
عمر: أنا اسمي عمر. دخلت أنا وفريده كلية طب، وسليم كان الدكتور بتاعنا. هو عنده 35 سنة وأنا وفريده 24 سنة. أنا كنت بحب فريده وحسيت إنها بتحبني، بس هيبة سليم خدعت فريده ووقعت في حبه وطلب إيدها واخترته وجرحتني، بس أنا قررت أفضل أخوها وصاحبها.
اسر: كمل.
اسر: بعد سنة من جوازهم فريده اكتشفت إنه زير نساء، كل يوم مع ست. قولتلها تطلق منه، بس هو هددها ياخد اسر منها. وفي مرة سليم عزمني في مطعم أنا وفريده. وساعتها شوفت سليم وعبير في المطعم. بس خالد بيغير عليها جداً، فخلاها قاعدة في ترابيزة وجالنا وسلم علينا. بس سليم فضل باصص عليها، عجبته. وكان كل يوم يضايقها. وخالد ده مش راجل، كان بيزعق بس. وأنا ياما اتخانقت أنا وسليم بسبب الموضوع ده، والخناقة توصل لضرب.
قمر: طب إيه اللي حصل النهارده؟
عمر: زي ما عبير حكت، اغتصبها. وأنا شكلي روحت واتخانقت معاه، بس هو كان معاه مسدس، أكيد ضربني بيه وهدد فريده. وخالد أكيد ساب عبير.
اسر: وانت علشان شهم لما عبير حملت اتجوزتها وكتبت قمر باسمك.
عمر: بالظبط.
اسر بغضب: إحنا نطلع المنبه ونظبطه نص ساعة لورا ونمسك سليم ونخليه يتجوز عبير غصب عنه.
قمر: وليه منوقفش الاغتصاب؟
عمر بضيق: وإنتي متجيش. وبعدين حاجتين مستحيل تقدري تغيريهم: موت ولدتك.
قمر بدموع: ياريتني ما جيت.
اسر بص لها بحزن.
وعمر وقف قدامها ومسح دموعها وقال: إنتي مالكيش ذنب، أهدي كده وكل حاجة هتتحل.
قمر بدموع: يعني إحنا دلوقتي لما نغير الماضي ونخلي سليم يتجوز ماما هنسيبك تموت؟ واكيد سبب موتك كان سليم.
عمر بابتسامه: وأنا راضي باللي ربنا كتبهولي.
قمر بغضب: يعني انت مش هترجع معانا المستقبل؟
عمر باستغراب: أرجع ليه؟ خلاص ملوش لازمة.
اسر بصدمه: إزاي؟ انت لازم ترجع معانا، إحنا محتاجينك.
عمر: طيب خلينا الأول نصلح كل ده.
قمر مسكت المنبه وقالت: جاهزين؟ الساعة دلوقتي 9 بليل، هظبطه على 8 ونص.
عمر مسك إيدها وابتسم: يلا.
قمر ابتسمت له بحزن وظبطت المنبه واختفوا.
قمر واسر لقوا نفسهم في شنطة العربية.
وبعدين العربية وقفت وعمر طلع العماره.
اسر: إحنا هنفضل هنا؟
قمر: طيب.
اسر: احم، هو إحنا معقول نسيب عمر هنا؟
قمر بغضب: ده عند أمه، ده إحنا نخطفوه.
اسر بضحك: يخربيتك.
قمر بتوتر: إيه شعورك وأنا أختك؟
اسر: تعرفي إني مبسوط.
قمر بصدمه: بجد؟
اسر: تخيلي نبقى خوات ونرجع من الزمن ده نلاقينا عايشين سوا.
قمر ابتسمت وقالت: ياريت.
فجأة سمعوا صوت حد داخل العربية.
عمر قعد وساق العربية وفريده وعبير كانوا قاعدين ورا، وفريده حاطة المسدس على رأس سليم اللي قاعد قدام جنب عمر.
سليم بغضب: والله لندمكم.
عمر بسخريه: هتعمل إيه يعني؟
عبير بدموع: أنا مش عايزة اتجوز.
عمر بغضب: أنا تعبت معاكم خلاص بقى، مفيش حاجة بقت بمزاج حد. هو غلط ولازم يصلح غلطته ويتجوزك.
فريده بغضب: ويطلقني.
قمر بهمس: أمك دي خبيثة، عايزة تطلق وتجوز عمر.
اسر بضيق: اتلمي، وبعدين تطلق أحسن ما تفضل معاه. أنا بقيت عارف كل حاجة.
قمر بضيق: وتجوز عمر.
اسر: وفيها إيه مش فاهم؟
قمر سكتت.
والعربية وقفت وعمر خد سليم وعبير وفريده ودخلوا للمأذون، وقمر فضلت طول الوقت تفكر. وبعد ربع ساعة المأذون كتب الكتاب وفريده اتطلقت من سليم.
*قدام مكتب المأذون*
سليم بغضب: أقسم بالله ما هرحمك ياعمر.
سليم مشي وسابهم وعمر بص لـ عبير وقالها: أول بنت ليكم سميها قمر.
عبير باستغراب: انت بتقول إيه؟
عمر بابتسامه: تعرفي عندي كلب اسمه روكي، أول ما بابا جابهولي عض إيدي، كان متوحش أوي، بس أنا حبيته وقربت منه وفضلت أتكلم معاه وأهتم بيه وأبعده عن الحاجات الغلط اللي بيعملها. وفعلاً بدأ يحبني ومبقاش متوحش وتغير أوي وبقى أقرب حد ليا.
عبير ابتسمت غصب عنها وقالت: انت قصدك إني أغير سليم؟
عمر: إنتي تخافي من الإنسان اللي كان حلو وبقى وحش، أما الإنسان الوحش وبقى حلو... ده متخافيش منه خالص.
عبير بصت له بصدمه ومكنتش قادرة تفكر، مفروض تروح لـ سليم وتغيره.
عبير بضيق: مستحيل، ده خد شرفي، انت بتقول إيه؟
عمر: ما روكي عضني، ولسه علامة عضته ليا موجودة في إيدي. تعرفي ثوابك عند ربنا إيه لما تغيري شخص من وحش لحلو؟
عبير بحزن: المشكلة إن كلامك صح، بس قلبي مش مطاوعني.
عمر بابتسامه: فكري، وعلى أقل من مهلك.
عبير ابتسمت وراحت تركب العربية.
أما اسر وقمر كانوا بيسمعوا كل ده.
فريده بحزن: طب مش هتسامحني؟
عمر بص لها بحزن ومردش، وقمر خبطت على شنطة العربية وعمر افتكرهم وقرب من العربية وفتح الشنطة وفريده كانت واقفة بعيد مش شافتهم.
قمر بغضب: انت هتوافق ولا إيه؟
عمر بضحك: مالك يابنتي، أهدي.
قمر بغضب: فريده دي عقربة.
اسر بزعيق: قمر دي أمي، اتلمي.
عمر بضيق: متقوليش عليها كده. وبعدين يعني فيها إيه لما أديها فرصة تانية؟
قمر فتحت شنطتها وطلعت المنبه وظبطت الوقت.
عمر بابتسامه: يلا ارجعوا زمانكم، أنا خلصت مهمتي.
عمر جاي يقفل الشنطة بس قمر مسكته من التيشرت بتاعه وضغطت على المنبه. واختفوا.
*سنة 2021*
عمر فتح عينه لقى نفسه في أوضة، بص جمبه لقى قمر واسر بيتفرجوا على الأوضة.
قمر بصدمه: اسر شوف الصورة اللي متعلقة على الحيطة دي.
اسر بص على صورة لقى صورة ليه هو وقمر وكان حضنها.
قمر بسعاده: يعني دي أوضتي؟
عمر بغضب: انتي إزاي ترجعيني كده؟
قمر بضيق: إيه؟ عايز ترجع لفريده؟
عمر بزعيق: وانتي مالك؟
قمر بغضب: مالكش دعوة، وانت مش هتجوز فريده.
عمر بعناد: يعني أنا مش هقدر أتجوزها وهي كبيرة؟ يعني تصدقي وهي كبيرة أجمل أصلاً.
اسر بضيق: ما تلم نفسك ياعم، انت بتكلم عن أمي.
عمر بضيق: رجعوني زمني يلا.
قمر: على جثتي.
فجأة لقوا الباب بيخبط.
اسر بص لـ عمر وقال: استخبى في الدولاب بسرعة.
عمر بص لهم بضيق ودخل الدولاب واسر قفل عليه. وقمر فتحت الباب ولقت سليم.
سليم بابتسامه: حبيبة بابا، عاملة إيه؟
قمر بصدمه: ها.
سليم قرب منها وحضنها بحب وبص على اسر وقال: إيه ده؟ هو انت بايت هنا؟
اسر: احم، أيوا يا بابا.
فجأة دخلت عليهم عبير وقالت بابتسامه: صباح الخير.
اسر وقمر بصوا لبعض بصدمه وكانوا بيفكروا، معقول عبير غيرت سليم؟
اسر: هي ماما فين؟
عبير: في الجنينة.
اسر بصدمه: هي عاشت معانا؟
سليم باستغراب: مالك يا اسر؟ ماهي مامتك عايشة معانا من صغرك.
عبير: يا حبيبي مش ماما حكتلك عن عمر؟
سليم بحزن: أنا أذيتها كتير وحاولت أعوضها، وهي بتحبك، وعبير خلتها تيجي تعيش معانا.
عبير بحزن: وطول 23 سنة دول مستنية عمر.
اسر بص لـ قمر بغضب. وعمر كان سامع كل ده.
سليم: يلا بقى علشان تفطروا وتروحوا جامعتكم.
سليم وعبير خرجوا.
عمر طلع من الدولاب.
اسر بغضب: انتي إزاي تعملي كده؟ أكيد حالة ماما صعبة بسبب اختفاء عمر.
قمر بحزن: مكنش قصدي.
عمر بغضب: اومال كان قصدك إيه؟
قمر بصت لـ عمر بحزن وقالت: آسفة.
عمر: هاتي المنبه يلاااا.
قمر شاورت على شنطة اللي على السرير وقالت: في شنطة.
وبعدين خرجت من الأوضة بسرعة، كانت عايزة تعيط لأنها مش عايزة عمر يسيبها. قعدت على السلم وبدأت تعيط.
قمر بدموع: رجعت الماضي علشان أغير اسمي وفعلاً اتغير لـ قمر سليم، بس أنا مش عايزة عمر يسيبني، اتعلقت بيه أوي. أنا حياتي بقت كويسة دلوقتي، بس.
قمر مقدرتش تكمل وبدأ عياطها يزيد.
وفجأة لقت عمر بيقعد جمبها وبيقول بخيبة أمل: المنبه مش شغال.
قمر مسحت دموعها بسعاده: بجد؟
عمر بص لها بضيق.
قمر: احم احم، قصدي يا خسارة. طب وهنعمل إيه؟
عمر بسخريه: متخبيش سعادتك ياختي.
قمر بصت له بضيق وبعدين سكتت وبعد دقيقة بدأت تضحك بسعاده وقالت: مش مكتوبلك تبعد عني.
وقامت من على السلم وفضلت تنزل على السلم وهي بتغني.
قمر: عيونه لما قابلوني نادوا لقلبي شغلوني، خدوني سافروا بيا وودوني دنيا بعيد...
قمر نزلت من على السلم وبصت لـ عمر وقالت: سافروني سنة 1997.
عمر ابتسم غصب عنه وقمر ابتسمت وقالت: هروح أجيبلك فطار وجاية.
قمر مشيت واسر جه وقعد جمب عمر وقال بسخرية: نسيت فريده وركز في قمر بقى.
عمر بضيق: هي متعلقة بيا مش أكتر، واسكت بقى.
اسر: طب قوم خليني أجيبلك لبس.
عمر قام مع اسر وراحوا أوضته.
*في الجنينة*
قمر طلعت الجنينة لقت مامتها قاعدة مع سليم وعمالين يضحكوا وفريده قاعدة سرحانة.
عبير: سليم كُل كويس أحسن لك.
سليم بضيق: لا مش عايز أكل.
عبير بخبث: تمام ياحبيبي، أنا بقى مش هقعد لك في البيت.
سليم: إيييه؟ لا طبعاً، خلاص هاكل.
عبير: والسجاير لو مش بطلتها أقسم بالله همشي.
سليم بضيق: أوووف، طيب.
قمر ابتسمت بسعاده وقربت منهم وقعدت على الترابيزة وقالت: صباح الخير.
فريده بابتسامه: صباح الفل.
قمر ابتسمت لها.
وسليم قال: صباح الفل ياحبيبتي.
قمر بصت له بحب وهو اداها كوباية العصير وقال: كلي ياحبيبتي، واشربي، عندك امتحان النهارده.
قمر فرحت أوي باهتمامه ده وقالت: حاضر.
سليم: اومال اسر فين؟
قمر بتفكير: احم، مع صاحبه جاله النهارده.
عبير: طيب يلا كلي.
قمر بصت لـ فريده لقتها بتاكل بس باين على ملامحها الحزن.
قمر: مالك ياطنط؟
فريده: مفيش.
قمر: بتفكري في عمر؟
فريده بحزن: مش عارفة، هو عايش ولا ميت؟ أنا نفسي أشوفه.
قمر بضيق: بتحبيه أوي كده؟
فريده: أوووي أوووي.
قمر مردتش عليها وبدأت تاكل. وبعد 5 دقايق سمعوا صوت اسر وهو بيقول: صباح الخير.
الكل بص لـ اسر وانصدموا لما لقوا عمر واقف جمبه.
فريده بصدمه: عمر!
عمر بص لها بحب وقمر قالت بغضب: حازم صاحبنا.
فريده بصدمه: حازم إيه ده عمر!
اسر بتوتر: لا ياماما، ده حازم.
قمر: وبعدين ياطنط، عمر ده كبير وحازم شاب.
عمر قلع النضارة بتاعته وفريده بصت لـ عينه وقالت بصدمه: نفس العين.
عمر اتوتر ولبس النضارة تاني.
سليم: سبحان الله، اتفضل يابني افطر معانا.
عمر ابتسم له وبعدين قعد في كرسي اللي بين قمر وفريده واسر قعد جمب قمر.
فريده كانت مركزة مع عمر أوي.
قمر بهمس: انت متخلف، انت إيه اللي جابك؟
عمر: علشان أغيز اللي جابوك. وبعدين انتي مالك؟
فريده: عندك كام سنة؟
عمر: احم، 24 سنة، أكبر منهم بسنة.
فريده بحزن: عمر شبهك أوي.
قمر بنفاذ صبر: يخلق من الشبه أربعين.
عمر بص لـ فريده وقال: بتحبيه؟
فريده بدموع: آه، بس خسرته ومش لاقية.
قمر دست برجليها على رجل عمر.
عمر بغضب: إيه؟
قمر: يلا علشان اتأخرنا.
أما اسر كان في عالم تاني، كان حاسس إن مامته مش مهتمة بيه، حب عمر عماها. من ساعة ما قعد على الترابيزة وعبير هي اللي عمالة تحط له الأكل. حتى لبسه لما دخل الأوضة لقى طقم له على سرير وكان فيه ورقة جمب الطقم مكتوب فيها (صباح الفل ياحبيبي، مامتك عبير).
عبير: مالك يا اسر سرحان في إيه؟
اسر بهدوء: مفيش، لازم نمشي.
عبير بابتسامه: طيب ياحبيبي، خلي بالك من نفسك ومن قمر.
اسر بص على فريده، لاقها مش مركزة معاه، مركزة مع عمر.
وعمر لاحظ إن اسر مضايق.
اسر قام وقال: حاضر.
اسر مشي وعمر قام هو وقمر ومشوا وراه وطلعوا من الجنينة.
عمر: اسر استنى.
اسر وقف وبصله وقال: ماما مش مهتمة بيا، مهتمة بيك انت. ماما بتحبك أكتر مني.
قمر: اسر إيه اللي بتقوله؟
اسر بص لـ عمر وقال: أنا مش بكرهك، بس ماما فعلاً مش مهتمة بيا بسببك.
عمر بص في الأرض بحزن.
اسر: سؤال، لو المنبه شغال، هترجع لـ فريده بعد اللي عملته فيك ولا لأ؟
قمر كانت مركزة مع عمر وكانت مستنية الإجابة.
عمر:
رواية بين الماضي والحاضر الفصل السادس 6 - بقلم ياسمينا
عمر: فاكر لما قولت متخافش من الوحش وبقى حلو وخاف من الحلو وبقى وحش. فريدة اختارت سليم وسابتني.
مع إن كان فيه بينا قصة حب، تجاهلت كل ده. وجت تقولي إني بنسبالها أخ.
قمر بسعادة: يعني مش هترجع لها صح؟
عمر بضيق: بس ماما مش وحشة، وأنت قولت بنفسك إنها مخلتنيش أشوف عيوب بابا ولا مشاكلهم عشان متعقدش.
عمر: بس أنا مقولتش إنها وحشة، أنا قولت إنها مخترتنيش وأنا مش هختارها.
أسر ابتسم وقال: أيوه كده أحسن.
عمر بص لقمر وقال: يعني أقدر أرجع زماني؟ متخافيش مش هتجوزها.
قمر بضيق: مفيش رجوع. تمام، وأنا هكسر المنبه ده مليون حتة.
عمر بغضب: أنتي مجنونة؟
أسر ركب عربيته وقال: فاضل ساعة على الامتحان يا أستاذة قمر وإحنا ولا ذكرنا ولا اتنيلنا على عينينا.
قمر بصت لعمر بخبث وقالت: ما إحنا معانا عمورتي أكيد.
عمر بضيق: أنا أكره ما على قلبي الغش.
قمر قربت منه ومسكته من تيشيرت بتاعه وقالت: تعال بس.
عمر بص على إيدها بقرف وقال: بجد بنات الأيام دي جرئين أوي.
عمر وقمر ركبوا العربية.
وأسـر اتحرك.
قمر: ما أنت عارف يا عمر إننا فضلنا نسافر عبر الزمن، مكنناش فاضيين نذاكر.
أسر بابتسامة: وانت حبيبنا بقى وسمعت من أمي إنك طالع من الأوائل في طب، وإحنا في طب زيك.
عمر بغضب: انتو بذمتكم هتبقوا دكاترة؟
أسر بسخرية: وأنت يعني اللي دكتور يا أخويا؟
عمر بضيق: ما أنا موت ملحقتش أبقى دكتور. المهم هغششكم بس هدخل الامتحان إزاي؟
قمر غمزلته وقالت: سيبها عليا.
***
في القصر
فريدة طلعت أوضة قمر، أكتر أوضة بترتاح فيها. وقعدت على السرير بحزن وبدأت تفتكر ذكرياتها هي وعمر. ولفت نظرها شنطة قمر كانت مفتوحة. خدتها وجت تقفلها لقت فيها المنبه. بصت عليه باستغراب وبعدين طلعت من الشنطة.
فريدة: إيه المنبه القديم ده. وبعدين بصت على شنطة تاني. لقت مذكرات قمر. مسكتهم وقرأتهم بصدمة.
***
عند عمر
كان سرحان وبص من شباك العربية وفتكر اللي حصل من نص ساعة.
فلاش باك
قمر طلعت من أوضتها وهي بتعيط وعمر مسك شنطتها بضيق وطلع المنبه. بس مذاكرتها وقعت من الشنطة. عمر قعد على الأرض وخد المذكرات وأسر جاه قعد جنبه وبدأوا يقرأوا.
(أنا قمر. عمر الاسم ده مضايقني أوي، بس كلهم مفكريني هو ده اللي بيخليني أعيط. لا، أنا اللي بيخليني أعيط إني معنديش أب يهتم بيا، يحسسني إني مهمة. أنا كان نفسي أبويا ميموتش.)
أسر باستغراب: إزاي الكلام ده مكتوب والزمن اتغير؟
عمر: لأن الشنطة دي سافرت معانا وهي كده تعتبر مش هتتغير زينا كده. إحنا فاكرين كل حاجة ولما الزمن اتغير مأثرش فينا. أما سليم وفريدة وعبير نسوا أي حاجة بعد تغير الزمن.
أسر رجع قرأ في المذكرات: (النهاردة عرفت إن عمر مش أبويا. الصراحة أحسن، أنا عمري ما شفته أبويا أصلاً. الماضي ده وحش أوي، عرفت حاجات كتير جرحت قلبي، بس عمر دايماً بحسه بيقويني. أنا مستحيل أسيبه في الزمن ده لأني متعلقة بيه جداً. أنا مش قادرة أصدق لغاية دلوقتي إني لقيت منبه سفرني عبر الزمن ولقيت عمر كمان.)
أسر بحزن: شكلها فعلاً متعلقة بيك.
عمر حط مذكرات قمر والمنبه في شنطة وقال: وأنا هنهي التعلق ده في أقرب وقت.
عمر قام وطلع برا الأوضة.
انتهاء فلاش باك
عمر بص على قمر لقها ماسكة كتاب وبتذاكر.
عمر: قمر.
قمر بصت له وقالت: هاه.
عمر: هو انتي ليه عايزاني أفضل معاكي؟
قمر بصت على الكتاب وقالت: عشان بحبك.
عمر بصدمة: إيه؟
أسر وقف العربية قدام الجامعة وقال: بتحبيه؟
قمر بضحك: آه، في إيه مالكم؟
عمر بغضب: قمر بطلي هزار وقوليلي الحقيقة.
قمر بضيق: معرفش، أنا عايزاك جمبي وخلاص.
عمر بزعيق: بس دي أنانية ولازم تعرفي حالا انتي عايزاني جنبك ليه.
قمر بتفكير: معرفش، أنا ببقى مبسوطة وأنا معاك.
أسر بنفاذ صبر: لا ده أنا أحط قرون بقى. ماتلمي، مالكيش أخ يلمك.
قمر بغضب: أووووف.
قمر بصت لعمر وقالت: فيها إيه لما أحبك؟ إيه عملت جريمة؟ فهمني، يعني أنت مش عايز حد يحبك غير فريدة؟
عمر بغضب: اخرسي. هو انتي تعرفي عني إيه أصلاً عشان تحبيني؟ ده أنا كنت أبوكي يا شيخة. بجد أنا شايفك أحقر واحدة شوفتها في حياتي.
أسر بصدمة: عمرررر.
قمر بصت لعمر بصدمة وقالت: أنا؟ ياعمر هو أنا عملتلك إيه؟ أنت ليه مع الكل شخص حلو وتيجي عليا تطلع وشك التاني؟
عمر بغضب: أنا بطلع وشي التاني للي يستاهلوه.
قمر بزعيق: مطلعتوش لفريدة ليه اللي سابتك وراحت لسليم وداسيت على كرامتك وخانتك؟
عمر ضرب قمر بالقلم على وشها وهي انصدمت وحطت إيدها على وشها.
أسر بغضب: عمر إيه اللي أنت عملته ده.
عمر بدأ يستوعب اللي قاله واللي عمله.
عمر بندم: قمر أنا.
قمر نزلت من العربية ودخلت الجامعة وهي بتعيط. وعمر نزل وراها وفضل ينادي عليها وهي مش بترد. وبعدين بص وراه لقى أسر.
عمر: بيطلبوا منك البطاقة؟
أسر باستغراب: لا، ليه؟
عمر: أنا هدخل مكانك الامتحان ومتخافش، هحل لك.
أسر بابتسامة: ياه، يا ريت بس افرض اتقفشنا.
عمر بتفكير: صحابك اللي تعرفهم هناك معاك يعني في نفس الجنة؟
أسر: لا، أنا معنديش صحاب غير قمر. وأكيد بردو بعد تغير الماضي فضلت كده. وأنا وقمر أصلاً مكنتش بنحضر المحاضرات.
عمر ابتسم له وقال: تمام.
عمر دخل القاعة بثقة ومكنش لسه الدكتور جاه. بص على المدرج لقى قمر قاعدة بتعيط في صمت. قرب منها وقعد جنبها وهي بصت له وبعدين بعدت عنو شوية بس هو مسك إيدها وقربها منه.
قمر بدموع: عايز إيه؟
عمر بابتسامة: هشرحلك حاجة كده مش عارف هتفهميها ولا لأ.
عمر مسك كف إيدها وقال: تعرفي الحب مش كله كلام حب وامسك إيدك وتمسكي إيدي. الحب أكبر من كده بكتير. زمان مكنتش مقتنع بالحب بس لما شفت فريدة حبيتها.
قمر بصت له بغضب وشالت إيدها من إيده. وهو ابتسم ومسك إيدها تاني.
عمر: بس لما سبتني رجعت تاني لفكرة إن الحب ده حاجة تافهة وكله وجع وخيانة. كنت عايش معنديش حد غير أبويا وبس. أمي ماتت. أبويا ده أداني حب الدنيا كلها وأنا كنت متعلق بيه جداً.
قمر بضيق: أنت مش أبويا وأنا مش متعلقة بيك تعلق البنت لأبوها.
عمر: عارف، بس لو صبر القاتل على المقتول مكنش.
قمر: مكنش قتله. عرفنا.
عمر بضيق: هو انتي ليه بتقطعيني.
قمر بصت له بضيق ومردتش.
عمر غمزلها وقال: ولا عايزة تفضلي ماسكة إيدي كده.
قمر بغضب: كمل.
عمر: لما شوفتك كنت متأكد إنك مش بنتي لأني مستحيل أتجوز بعد اللي عملته فريدة. مستحيل أحب أصلاً. بس لما شوفتك اتغير كل ده.
قمر باستغراب: اتغير إزاي؟
عمر بابتسامة: كنت عارف من الأول إنك بتحبيني بس كنت شايف ده حاجة مقرفة. لأني أصلاً لو كنت عايش دلوقتي هبقى أكبر منك 23 سنة. متخيلة؟ وأنا كنت أبوكي، كنتي بتعتبريني أبوكي. مشوفتش غير إنك واحدة لسه طفلة. ولآخر لحظة كنت بكابر. كنت عارف وواثق إني اتعلقت بيكي زي ما اتعلقت بيا وإني مش عايزك تسيبيني.
قمر بصدمة: بجدددد؟
عمر بحزن: عشان كده زعقتلك. كنت بسألك وأنا واثق من الإجابة. اتعصبت وغصب عني ضربتك. بس بعد كده استوعبت إن لو فعلاً حبنا ده غلط ف لازم أنا كمان أتعاقب مش انتي لوحدك. لأني كنت بكابر على الفاضي.
قمر كانت بتسمع كل ده وهي مصدومة. والدكتور دخل القاعة. وعمر قرب منها وهمسلها وقال: عشان كده أنا عايز أقولك إني بحبك أوي. حبنا غلط أو مش غلط ماليش فيه. المهم إني بحبك وبس.
قمر بصت له بصدمة وبعدين عمر ساب إيدها وبعد عنها شوية. والدكتور بدأ يوزع الورق. وعمر بص على الامتحان وكان بنسباله سهل. بص لقمر لقها لسه بتبص له. عمر ابتسم وبعدين بص على الدكتور لقه لسه بيوزع الورق ومش مركز.
عمر بهمس: بصي في ورقتك يا بنتي.
قمر بصت على الورقة وقالت بهمس: أنا كده كده هسقط أصلاً.
عمر ابتسم وقال: عيب، أنا موجود.
عمر بص على الورقة وبدأ يحل. وقمر كانت بتبص عليه بسعادة. وجت دكتورة من جنبها وقالت بضيق: بصي في ورقتك.
قمر بصت لها وقالت بهمس: استغفر الله، باين عليكي بومة.
قمر بصت على ورقتها. وبعد نص ساعة عمر خلص الامتحان. وبص على قمر لقها حاطة إيدها على خدها بخيبة أمل. وبص حواليه لقى المراقبين مش بصين عليهم. ابتسمت بخبث.
عمر بهمس: قمر.
قمر بصت له وقالت: هاه.
عمر بص وراه وبعدين قدامه لقى كله مركز في ورقه. راح مد إيده بورقة الإجابة والسؤال لقمر. وقمر خدتها وأدته ورقة السؤال والإجابة بتاعتها.
عمر مسك الورقة وقال: سامحني يا رب.
قمر بهمس: هيسامحك لأنك بتساعد ولا إيه.
عمر بص لها بضيق وبدأ يحل. وقمر بصت على ورقة الإجابة كان مكتوب اسمها وهي كتبت رقم الجلوس بتاعها وفتحت شافت حل عمر عجبها جداً خطه. وبعدين مسكت ورقة السؤال وركزت فيها لقت عمر كتب لها كلمة (بحبك).
قمر بصت لعمر لقتو بيحل ابتسمت بسعادة. وبعد نص ساعة عمر قام وقال: خلصت. وطبعاً كتب اسم أسر ورقم جلوسه. وقمر قامت وراه وسلموا الورق وطلعوا من القاعة. وقمر مسكت ورقة السؤال وقالت بجدية مصطنعة: إيه اللي أنت كتبته ده يا أستاذ؟ مش عيب؟
عمر بضحك: طب هاتيه.
عمر خد الورقة وجاي يقطعها. قمر صرخت فيه وقالت: لااااا.
عمر بخبث: مش كانت عاجباكي صح؟
قمر بضيق: خلاص بقى يا رخـم.
عمر: تعالي نروح الكافتيريا. أسر هناك.
قمر: يلا.
***
عند أسر
كان قاعد وماسك تليفونه. وفجأة بنت جت قعدت على ترابيزة بتاعته وقالت: عمر فين؟
أسر باستغراب: نعم؟
البنت: بقولك عمر فييييين؟
أسر بضيق: إنتي مين؟
البنت بابتسامة: اسمي أسما.
أسر: ماشي، اللي بعده. مش معقول يعني هتقولي اسمك وبس.
أسما: أنا بنت خالد.
أسر بصدمة: بجد بنت الراجل الرخم ده؟
أسما بضيق: لم نفسك.
عمر وقمر وصلوا في لحظة دي. وأسما أول ما شافت عمر ابتسمت وقالت: عمر.
قمر بضيق: نعم؟
أسما: عمر أنا أسما بنت دكتور خالد ابن عمتك فريدة هانم. جت لبابا من ساعة كدا واداله مذكرات قمر وعرفوا الحقيقة كلها وقرروا يرجعوك زمنك.
عمر بصدمة: إيه؟
أسما: هو أنا مكنتش أعرف كل ده والله، بس سمعت فريدة بتكلم مع بابا وعرفت حكايتك كلها. وحبيت أجي أقولك وكمان كان عندي فضول أشوفك.
أسر بغضب: وافرض هو مش عايز يرجع.
أسما بحزن: أنا شفت في عين بابا شر وكره ما شفتهوش قبل كده. وفريدة شفت في عينها طمع. بتحبك لدرجة إنها هترجعك زمنك غصب وبعدين تكسر المنبه.
قمر بغضب: مش هسمحلها تعمل كده.
عمر بهدوء: هما فين دلوقتي؟
أسما: في الفيلا مستنينك.
عمر بذكاء: هسألك كام سؤال تجاوبي بسرعة بدون تفكير.
أسما باستغراب: تمام.
عمر: عرفتي إزاي شكلنا؟
أسما بابتسامة: حضرتك متعرفش إن جدو اللي هو أبوك عايش معانا؟ مهو تاتا اللي هي أم بابا وتبقا أخت جدك كتبت لجدك كل أملاكها لأنها عارفة بابا مهمل. وجدو بقا شايل كل صورك في أوضته.
عمر بسعادة: يعني بابا عايش؟
أسما: آه الحمد لله.
عمر: طب أسر عرفتيه إزاي؟
أسما: لا والله ما أعرفوه. أنا بس سألت عليه هنا في الجامعة والناس وشاورولي عليه.
عمر: إيه اللي خلاكي تيجي تقوليلي؟
أسما: أنا فاهمة إنك مفكر إني جاية أقولك وأسحبك وأوديك عندهم. بس يا عمر أنا مش كده. أنا طول حياتي مش عجباني تصرفات بابا. وجيت قولتلك. أي كان بقا أنت عايز تكمل هنا ولا تروح زمنك.
عمر ابتسم وقال: شكلك طالعة شبهي.
قمر بغضب: استغفر الله وأتوب إليه.
عمر بضحك: مش شبهي أوي يعني.
أسر: طب هتعمل إيه؟
عمر: تعالوا نرجع القصر.
قمر بخوف: هترجع لزمنك؟
عمر بص لها ومردش عليها.
أسر: طب يلا.
أسما: ممكن أجي معاكم معلش. أصل أنا بحب المغامرات.
عمر بابتسامة: أكيد.
أسر بضيق: فريدة وخالد عرفوا إن النهارده بكرة مصر كلها تعرف.
قمر بضيق: طب يلا نروح لفريدة ونشوف آخرتها.
عمر مسك إيد قمر ومشيوا هما الأول.
عمر: طب إنتي زعلانة ليه؟
قمر بحزن: خايفة ترجع لزمنك ومش أشوفك تاني.
عمر بص لها بحب وهي أول مرة تشوف البصة دي منه.
عمر: مش أنا قولتلك مش عارف هل حبنا ده صح ولا لأ. بس اللي أعرفه إني بحبك. ف مهما حصل إنتي هتفضلي حبيبتي وبس.
قمر ابتسمت وبعدين افتكرت فريدة.
قمر بغضب: أنت بتاكل بعقلي حلاوة ولا إيه؟
عمر: صبرني يااااارب.
قمر بغضب: بص بقى أنا ولا بتاعت عياط ولا أقولك بليز متسبنيش ولا الكلام ده. دانا آخدك من قفاك وحبسك ومخرجكش.
عمر بضحك: يخربيتك. طب تعالي.
عمر وقمر ركبوا العربية. أما أسر وأسما وقفوا قدام العربية.
أسما بضحك: يعني أنت ليك في الكورة؟
أسر بضحك: طبعاً. أنا فريقي المفضل ريال مدريد.
أسما بصدمة: وأنا والله.
عمر طلع راسه من شباك العربية وقال: لا نجيبلكوا لمون ونسيب فريدة ونشوف بقى الحاجات المشتركة بينكم.
أسر بضيق: فصل.
أسما: احم اتفضلي.
أسما ابتسمت له وركبت قدام وأسر ركب وساق العربية. وتحرك.
أسر: طب أكلك المفضلة إيه؟
أسما: مكرونة بالبشاميل.
عمر قطعها وقال: نعم يا أخويا، أنت عايز تشقطها ولا إيه؟ دي في مقام بنت أخويا.
أسر بضيق: ما أنت شقطت أختي وأنا ساكت.
عمر بص لقمر وقال بخبث: لا دا هي اللي شقطتني.
قمر بضيق: آه، ما هو واضح.
فجأة سمعوا صوت عربية صوتها عالي جداً. عمر بص قدامه لقى عربية نقل كبيرة جاية عكسهم. عمر بصريخ: اسررررر حاااااسب.