نزلت فيروز من العربية لقيت خيل بيرقص على المزمار وطبل بلدي.
نور وأحمد وأبو عمر وأصحابها كلهم كانوا موجودين.
نور: تعالي ياعروسة عشان تلبسي الفستان.
فيروز مش عارفة تنطق من الفرحة.
عمر: روحي يا حبيبتي عشان متتأخريش.
نور شدت إيد فيروز: يلا، انتي لسه هتحلمي؟ يلا.
خدتها ومشوا.
نور: أنا جبتلك أحسن ميكب أرتست في مصر.
فيروز: بس أنا مش هحط ميكب.
نور: ليه يابنتي، انتي عروسة.
فيروز: أنا حابة أكون على طبيعتي.
نور: خلاص، زي ما تحبي.
ولبست فيروز فستان الفرح، والفستان خد حتة منها والطرحة عليها زي الملاك. وده كله من غير أي ميكب، بس شكلها طلع زي الملاك من غير ميكب.
أبو فيروز جه عشان يوديها لعريسها.
فيروز أول ما شافت أبوها جريت عليه وباست إيده ورأسه وقعدت تعيط.
فيروز: شفت الفستان يابابا، حلو عليَّ؟
أبوها: أيوه حلو، وعاملة زي الملاك. أخيراً شفتك لابسة الفستان الأبيض يافيروز.
فيروز: تعيش وتشوف فستان بنت بنتك.
أبوها: يلا يافيروز، عريسك مستني بره.
دخل عمر لفيروز، وأول ما شافها شالها وقعد يلف بيها.
عمر: إيه ده، إيه الجمال ده كله؟ أنا أول مرة ملاك يقف على الأرض.
فيروز: بجد يا عمر، يعني طالعة حلوة من غير ميكب؟
عمر: أنتي أحلى عروسة في الدنيا كلها. وأحسن ما حطتيش ميكب، كان هيغطي جمالك.
نور: يلا يا جماعة عشان منتأخرش على الناس.
طلعت فيروز من باب البيت، ولقيت شباب البلد واقفين قُصادها وفرحانين، لأن فيروز محبوبة جداً، وكانت بتعامل كل شباب الحتة زي أخواتها.
الشباب كانوا لابسين لبس صعيدي وماسكين عصي في إيديهم. ووقفوا صفين، صف من ناحية عمر وصف من ناحية فيروز.
ورفعوا العصي قصاد بعض، ووقفت فيروز وعمر تحت العصي، والطبل البلدي والمزمار شغال والخيل حوليهم.
بس كان المنظر جميل فوق الخيال، ووصلوهم لحد العربية، وفيروز مبسوطة جداً من اللي بيحصل.
مشوا، بس مرحوش القاعة، راحوا يعملوا جلسة تصوير.
مشيو بس مروحوش القاعة، راحوا يعملوا جلسة تصوير.