رواية بنت بمدرسة عيال اغنياء الفصل التاسع وثمانون 89 - بقلم ماري جو

السلام عليكم ورحمه الله وبركاته
.
.
البارت التاسع والثمانين بنت بمدرسه عيال اغنياء
.
.

ما احلل النقل دون ذكر المصدر واسم الكاتبة
.
.

[نقــطــة]
.
.
اعتذر على الاخطا الاملائيه ×__×
.
.
كانت جالسه بهدوء على الكرسي منزله راسها وداخل بتفكير عميق لدرجها انها ماتحس بالي حولها.

-انتي دايم تجرحني من اللي حولك.

ارفعت راسها وناظرتها ببرود ف قالت الوهم بنفس نظرات زينب البارده-اكثر شي نخافه من الحياة ثلاثه النار والموت واكون وحيدة..

كملت وهي تستدير وتمشي-كلهم راح يتركونا وراهم مثل ماسوا اهلي .

اجلست على الطاوله وكملت وهي تناظرها-شخص ورا الثاني نجرحه بكل دم بارد ف يتخلون عنا وتدرين ليه؟..

لانك رفضتي حمد وهذا كان عقاب من الله لانك كسرتي قلبه!.

زينب ضيقت عيونها بحزن ونزلت راسها بضيق.

-حمد مجنون وراح يزيد جنونه ان عرف انك متواجدة مع شلة شباب حتى انا ما اتخيل وش بيسوي فيكِ.

حطت رجل على رجل وقالت بنفس الابتسامة-كل اللي حولك راح يكرهونك ويتخلون عنك.

وبهذا الوقت انفتح الباب ودخل مهند وسكره وقف بعد ما شافها بهالحاله ف مشى لها وجلس بجنبها وطبطب على ظهرها مع انه مايدري وش السبب او ليه انقلب حالها بهالشكل. .

حاول يسأل خالد لكن كان نفس مهند مايعرف وش السبب اتصل على عبدالله وساله ورفض يجاوب ف سكر الخط بوجهه. .

رجعت نفسها لورا وقالت والابتسامة تختفي-حتى مهند لو حس ان عليه خطر هو وامه راح يتركك ونفس الشي مع عمتي راح تركك.

ارفعت زينب نظرها لها وقالت/مستحيل.

مهند عقد حواجبه بستغراب ف قال/زينب وشو اللي مستحيل.

ماردت عليه او بالاصح ما اسمعته وكان كل تركيزها على وهمها اللي كانت تهز رجلينها للامام وللخلف ب استمتاع وهي تضحك على ردة فعل زينب ف قالت

-لا هذي الحقيقة مهند راشد وعامر والشباب راح يختفي واحد واحد ووبطى حتى تحسين ان الألم ياكل روحك ف تكرهين العالم وبعدها تتمنين لو انك تختفين عن الوجود.

هزت براسها بالرفض وهي تسمع كلام وهمها ف حطت يدها على اذانها تغطي عن كلام وهمها. .

قربت الوهم منها وهي تحط يدها على فمها تخفي ضحكتها المؤلمة والقاسية.

وقفت قدامها وقالت-مو مصدقتيني؟ اطلع لهم وقولي حقيقتك لهم بعدها راح ينصدمون وبعدها واحد واحد ورا الثاني راح يبتعد عنك ولا سألتيهم راح يطلعون لك اعذار قبيحه .

نزلت نفسها لمستوى زينب وكملت-بعدها راح تجلسين لحالك وتاكلين لحالك وتنامين لحالك وتتكلمين لحالك وبتصيرين وحيدة ولحالك .

قلبت عيونها بملل وارجعت لخطوتين لورا واجلست على الكرسي وكملت-انتي وريتيهم نصف شخصيتك بعد ما مرض فيصل وبكيتي عليه انتي شفتي ردة فعلهم ولا ننسى ردة فعل اقاربنا يوم بكيتي قدامهم تذكرين وش قالوا.

ماتحملت زينب ف قامت وبدت تكسر كل شي حولها وهي تصارخ عليها ب/لا تتكلمين.

مهند انفزع منها وقام بسرعه يجيب دواها واما الشباب اول ما اسمعوا التكسير قاموا منفزعين وراحو يركضون للغرفه واول ما ادخلوا تفاجأو بحالة زينب ف تقدموا يحاولون يمسكون زينب ويهدونها لكن مامن فايده اول ما شافتهم حتى احدت صراخها وحولت كل رمي الاشياء عليهم.

اضحكت بصوت عالي وبسخريه بعد ماشافت حالتها المتدهوره وقالت-حتى انتي شفتي وش قالوا بعيونهم اول ماشافوكِ تبكين.

اللتفت عليها زينب ومسكت المزهريه ورمتها عليها وهي تصرخ ب/اسكتييي.

لكن كانت هي ترمي على الهواء هذا كان نظر الشباب ومهند ولكن بنظرها كانت ترمي على وهمها.

بعد ما رمتها اختقرتها ولا كانها رمت شي عليها ف قالت الوهم بملل-انتي الحين تثبتين لهم بالي فكروا فيه اول ماشافوِك تبكين.

هزت براسها مصطنعه الحزن وقالت بعدها ب ابتسامة خفيفة-حتى حمد قالها لك كل ماتبكين.

حطت ايدينها على اذانها وجلست بالارض تمنع اللي بتقوله بعد شوي.

قربت لمها بخطوات بطيئه ونزلت نفسها لمستوى زينب وقالت ب اكبر ابتسامة ساخره-وحش.

بعدها اغمى على زينب ..

يقولون ان الحقيقه دايم ماتألم القلب ف تميته. .

وهذا اللي صار مع زينب.

-
-

بعد ثلاث ايام ..

افتحت عيونها بسرعه وجلست وهي تناظر من اللي حولها وشافت نفسها على سريرها ابعدت الغطاء عنها وقفت ..

اطلعت برا الكوخ وراحت تمشي تدور على مهند او اي واحد تعرفه ..

وصلت لشاطى وشافتهم قاعدين ويتكلمون بشي هي عجزت تسمعه لان المسافه بينها وبينهم بعيده تقدمت ب اتجاءهم وهي خجوله من نفسها لانها خلتهم يشوفونها وهي بذيك الحاله المخجله. .

وقفت ب استغراب ف ناظرت الملابس اللي لابستها وكانت نفس الملابس اللي كانت لابستهم بحالتها. .

غمضت عيونها بحده لانها كانت تتمنى اللي صار معاها كان حلم ..

عم الصمت بينهم بعد ماشافوها واقفه قدامهم وهي تضغط على طرف قميصها ب خدود حمر من الخجل ..

هذا كان اخر شي تبيه توريهم من بعد وجهها الثاني .. زينب كانت لها عصبية حاده وماتقدر تصيطر عليها بعد ما تفقد اعصابها ف يبدا اعصارها من الغضب ف ترمي كل شي يطيح بيدها .. ومان توصل لحدها حتى يغمى عليها. .

ماقدرت تناظرهم ولا حتى تاخذ نظره سريعه عليهم..

/انا جوعان.

قال فيصل وهو يمدد جزءه العلوي على الطاوله وبعدها تركي اللي قال بحده

/انت راح تموتنا من الجوع لنا ساعه ننتظرك تقوم حتى ارسلنا عليك خالد ولا قمت.

ارفعت راسها وناظرتهم ب استغراب ف قال تركي بمزح

/انقذوني انني اذوب من الجوع.

"يمكن يرفهون عني؟"قالت بنفسها .

تفاجأت من خالد اللي سحب يدها وجلسها جنبه وقال وهو يناظر فارس/يلا جاء زياد اطلب الاكل.

حولت نظرها لمهند ف شافته يناظرها ب استغراب وهنا ازداد استغربها.

بعد لحظات من الهدوء قالت زينب/ماكان لازم تشوفوني بحالتي العصبية. .

ماسمعت لهم كلام فناظرتهم من هدوءهم لكن. .

فهد/اي حاله؟.

زينب/امس مدري قبل امس ناسيه لكن ان. .

قاطعها باسل وهو يقول بستغراب/زياد اتوقع كنت تحلم.

قالت زينب بنفعال/لا انا متاكد انتم شفتو. .

قاطعها مهند اللي قال/زياد انا ميت جوع لا تزيدها علي انت كنت تحلم.

توسعت عيونها بتفاجأ ف قالت بسرعه/لا انا متاكد اني رميت وكسرت كل ش..ي م.

وقفت بسرعه وراحت تركض وهي تتذكر الغرفه اللي حولتها لعصار بعد عصبيتها. .

ادخلت الكوخ واتجهت للغرفه وافتحتها. .
اجلست على الارض بصدمه وب ابتسامة مستغربه. .

"كل اللي صار حلم؟"قالت بنفسها وهي تضحك بفرح حتى انها كانت راح تقوم وترقص من الفرحه. .

ومن جهه ثاني ابتسموا الشله ابتسامة خفيفه وهم يناظرون المكان اللي كانت واقفه فيه زينب. .

نعم يا ساده قبل يومين مهند والشله وقبل ماتقوم زينب اثثوا الغرفه المكسره بنفس الاثاث وطبعا هذا من نفوذ عائلتهم اقدروا يخلصون بيوم ونصف .

باسل تكفل بالطلاء(البويه. ملون الجدار:)).

تركي وحمد تكفلوا بالاثاث القزازي مثل المرايا والمزهريات والثريا وهذا شي ابدا مو سهل لان كل هذوك اللي تكسروا كانوا مستدورات من الدول الافريقيه والاروبية وكان من الصعب انهم يلقون اثاث مشابه له.

خالد ومهند وفهد تكفلوا بالاثاث الارضي مثل الكراسي والطاولات من الخشب الزومي من اسكتلندا(شجره ب اسكتلندا اسمها الزومي ونادره مالتلقى الا خمس اشجار منها ب اسكتلندا ويترواح اعمار هذي الشجر ب1000 سنه حتى ل3080 سنه) وهذا كلفهم ثروه.

فيصل ورائد وحمد تكفلوا بالعمال اللي جابوهم من دوله ثانيه متخصصين بتريب الاثاث بدقه.

سامي وفارس تكفلوا باللوحات اللي جابوها من روسيا والصين وبريطانيا من المتحاف واللي كانت طبق الاصل من اللوحات اللي كسرتها زينب.

الشباب قالوا عن زياد وعن اللي بيسونه وبوقت طويل وافق الاستاذ مع انه كان رافض وكان مستعد يهاوشهم(يتشاجر معهم) عن اللي سوه واللي بيسونه. .

حتى عنهم اصارو عليه مايعلم احد عن اللي بيصير حتى زياد مايعلمونه او المدير. .

وهذا اللي صار بيومين

للحين هم ما ناموا من ضغط التوتر بسبب اللي شافوه ومن التعب..

تمدد باسل على رجل فارس وقال بتعب/احس جسمي متكسر والنوم ابي انام.

ناظره تركي وهو يقوم النوم/هذا حالنا كلنا اصبر للمغرب حتى ننام كلنا.

ناظروا بعض ب ارهاق ف اصعب شي مروا فيه هو التمثيل على زينب. .

لكن للحين شي يجهلونه وماقدرو يفسرونه الاول عبدالله وكلامه مع زياد وثانيا سبب غضب زياد الحاد بعد مكالمة عبدالله.

"كل شي في وقته".

-
-

بعد يومين..

كانوا جالسين بالكوخ بصاله البعض يتكلم مع اللي جنبه والبعض يناظر التلفزيون .

كانت جالسه على الكنب وتلعب بجوالها شافها احمد وقال بعجاب/انت تلعب بسرعه وتفوز بسرعه.

لانها كانت تلعب ماكانت مركزه مع احد وكل تركيزها رايح للعبه ف جاوبه مهند ب

/زياد مافي احد يتغلب عليه بكل شي .

احمد/ماتوقع ممكن باللعبه والدراسه لكن غيره ماتوقع.

مهند رفع حاجب وقال/لا انت ماتعرفه لو تطلب منه يتسلق جبل افرست راح بتسلقه ب ساعتين.

قال تركي اللي سمع كلام مهند/صحيح زياد ذكي لكن هو بالاخير انسان ولازم فيه شي مايقدر عليه.

مهند سحب الجوال من زينب ف ناظرته بحده وكانت مستعده انها تقفز عليه لكن تراجعت بعد ما اسمعت كلام مهند اللي قال بسرعه

/يقولون انك ماتقدر على شي غير الدراسه.

ناظرتهم زينب بعدها ابتسمت وقالت/كم راح تعطوني لو سويت كل شي تطلبونه؟.

قال باسل/راح اعطيك ساعتي من رولكس اللي شفتها قعدت يوم كامل تناظرها بحب.

وقفت بسرعه وقالت/وش التحدي.

ناظروا بعض بتفكير بعدها قال سامي/انا اسرع واحد اكتب رسايل ومافي احد يقدر يتعداني بهذي المرحله حتى الاستاذ مايقدر ف عشان كذا راح اتحداك اذا قدرت ترسل رسايل ل20 شخص واللي يخلص الاول هو الفايز.

قالت زينب وهي تسحب جوالها/وش اللي راح تعطيني اذا فزت؟.

سامي/انت راح تحدد اللي تبيه اذا فزت ونفس الشي معي اذا فزت انا.

وكمل/مهند وخالد راح يكتبون ترقام الاشخاص اللي هم يختارونهم ويحطونها قدامنا وبعدها راح نرسل الرسايل.

بعد ماخلصوا من كتابة الارقام حطوا الورقه قدام زينب وسامي وامسكوا جوالاتهم ف قال فهد/راح تكبتون "انا زياد/سامي تحدينا بعض على من يرسل رساله لك الاول وراح يفوز ان جتك الرساله نتمنى منك ان ترسل نقطه و نعتذر على الازعاج" وعند الرقم ثلاثه تبدون.

تجمعوا الشباب ومهند ورا زينب وسامي وهم يناظرونهم بحماس. .

فهد/1.2.3 ،

وما نطق ثلاثه حتى بدوا الاثنين بالكتابه.

وماهي الا دقايق حتى بدت تعلن جوالاتهم صوت عن الرسايل اللي جتهم ونفس الشي مع الاشخاص الموجوده ارقامهم. .

سامي كان يكتب بسرعه الرقم والرساله ونفس الشي مع زينب. .

فيصل/زياد ماقدر اشوف اصابعه.

تركي/اي حتى مع سامي.

وماهي الا ثواني حتى حطت زينب الجوال على الطاوله وقالت ب ابتسامة/خلصت.

توسعت عيونهم حتى ان احمد مسك جواله وناظر الساعه ..

/مستحيل في اقل من ربع ساعه.

وبعدها بثواني بدا يرن جوال زينب معلن عن قدوم رسايل من اصحاب الارقام اللي ارسلت لهم زينب وهذا يعني انها فازت ضد سامي .

سامي من صدمته ماقدر يتحرك من مكان وظل ماسك الجوال ويناظره واللي كان فيه بس شخصين ويفوز.

فيصل/كيف*O*.

زينب/قبل مانتقل لمدرستكم وقبل اربع شهور باليوم لازم ارسل 30 رساله وارد بسرعه على خطيبتي واذا مرت ثلاث ثواني ولا رديت راح تجيني اسرع من الصاروخ بنظراتها الغاضبه وبخلال حياتي كلها لازم يصير جوالي معي وارد بنفس الثانيه ترسل فيها.

باسل بنزعاج/خطيبتك مريضة.

ضحكت زينب وقال فيصل/الله يبعدني عن بنت زي كذا .

حمد ناظر زينب وقال/مافي احد يرسم احسن مني حتى اني ماخذ شهاده ب امتياز واتحداك اذا عرفت ترسم احسن مني.

ناظرها مهند ب ابتسامة خبيثة واما زينب قالت/وش راح تعطيني.

حمد/اللي تبيه ونفس الشي معي.

ابتسامة ب اتساع وبحماس.
.
.
.
.
ومن هنا نوقف ونكمل بالبارت الجاي.
اتمنى انه نال اعجابكم.

لاحد يقول ان ذا البارت حلو وحماس ماحسيت ابدا بالمتعه حتى اني حسيت بالكأبة وانا اكتبه وهذا اتوقع انت اسواء بارت اكتبه ماجتني اي فكره بهالبارت وفكرت اني اعيد كتابته المهم يارب يعجبكم مع اني ماتوقع. .

لا تنسون ان تعليقاتكم هي سبب نجاح الروايه واكتمالها. .

(السايت:http://saya

وهــبي هــبي ماري. .

دمــتم بــخير