رواية بنت بمدرسة عيال اغنياء الفصل الخمسون 50 - بقلم ماري جو

السلام عليكم ورحمه الله وبركاته
.
.
البارت الخمسون بنت بمدرسه عيال اغنياء
.
.

ما احلل النقل دون ذكر المصدر واسم الكاتبة
.
.

[فــــارس جــ2]
.
.
اعتذر على الاخطا الاملائيه ×__×
.
.

قبل ما ابدا / صار فيه ناس عندي كثير ماخذين راحتهم ويعلنون لرواياتهم :) اشوفكم ماخذين راحتكم .. انا مااسمح لاحد يعلن عن روايته عندي الا مره وحده بسس!! ودك تعلن عن روايتك روح/ي لصفحه تناقش الروايات اعلنوا روايتكم هناك .. حتى اشوف ناس تكذب وتقول ترا استذنت من ماري اعلن روايتي :) ؟؟؟ ان شفت وحد/ه تعلن عن روايتها عندي مرتين راح ابلغ للاداره ،، يعني شي مزعج ابي اقرى تعليقاتكم ماالقى الا(تعالوا لروايتي اقروها)او(يشرفني اشوفكم بروايتي) .. مره وحده بس تعلننون عن روايتكم عندي اشوف الثانيه راح ابلغ ،، اسفه بس بعد شي مزعج والله *^*
.
.

باسل وهو يضحك/سكر فمك ،

سكرت فمي وانا اهز راسي يمين ويسار حولت نظري للمره الثانيه للبيت.....اقصد القصر ،،

بيت جدتي كبير وحلو من برا بس مايوصل لهذي الدرجه .. وحتى بيت خالد كان شكله حلو وفخم بس بعد هذا ولا شي عنده هذا كأنه قصور الملوك بريطانية ،،

لفت انتباهي شي ابيض من بعيد يركض اووه كتله من الشعر الابيض تدحرجت تقترب لنا .. ضيقت عيوني اكثر احاول اشوف شي .. توسعت عيوني وانا اشوف ذيــــــــــب *O* !!! ،،،

مو هذا اللى مخليني انصدم اللى صدمني اكثر من انه فيه ذيب يركض بتجاهنا وهو مطلع لسانه و -.- !! اووه توقعت نظراته نظرات حيوان جوعان بس لعمة عيونه تختلف عن الحيوانات المفترسه ،،

نرجع لموضوعنا ،،

اللى صدمني انه فيه ولد صغير فوق الذيب *O* .. راكب فوقه والذيب يركض ،،

بلمحه بصر الذيب تعداني وقفز فوق شخص مادري مين بالضبط لان الشباب كانوا وراي .. التفت اشوف مين وطلع فارس 'O' ،،

وكان الذيب يلعق(يلحس -.-) وجهه وهو يضحك بصوت عالي والشباب يبتسمون ابتسامه غبيه .. من بعد اللاحظات المؤثره قام وهو ينفض نفسه والصغير اللى كان فوق الذيب نزل قبل ما يقفز فوق فارس ،،

عشر خطوات رجعها لورا وبعدها ركض وقفز فوق فارس بس هالمره ماطاح .. لف ايديه على ظهره وضمه بقوه وهو والطفل يضحكون وابتسامات الشباب موصله لعيونهم ،،

حتى انا ابتسمت ابتسامه لا إراديه

لكن!!!

جانب من قلبي كان موجوع ومكسور

هزيت راسي يمين ويسار بقوه ،،

ابتسمت ابتسامه خفيفه على نفسي بقهر .. الحين صرت احسد الشباب على عوائيلهم ..لا'لا'لا مابي اوصل لهذي الدرجه مابي اصير كيذا احسد الناس مستحيل اوصل لهذي الدرجه من الحقاره!! .. مابي اكرهه نفسي .. اكيد عايلتي كانوا مثل الناس

يحبوني يخافون علي يفرحون لا شافوني موجوده معاهم او فرحانه ا..و ..او!! ،،

نزلت راسي باسى على نفسي ..

كل ماتمناه يسامحوني على كذبي عليهم طول الايام والاوقات

'تأنيب الضمير والذنب والاسف' هذا كل اللى يصير فيني ماعاد قدرت انام براحه .. هم يحبوني ويحترموني ويخافون علي ويعتبروني وحده من عائلتهم وانا بكل بساطه ارد لهم هذا بالكذب ،،

قطع علي شرودي صوت باسل وهزه لي

/زيــااااااااااااد ،

ناظرته .. وشفت بعيونهم التعجب ،،

/هاه ،

باسل بستغراب/تدري لي فتره طويله وانا اناديك

ابتسمت احاول اوخر عنهم الاستغراب والتعجب/ولا شي .. ايوه وش فيه ،

وقبل مايكمل قاطعته وانا اشوف الذيب اللى هو عباره عن كتله من الشعر الابيض بتفاجاء /ذييب؟؟ ،

فارس ابتسم/هذا كارو وهذا اخوي اخر العنقود فرات ،

حولت نظري لصغير نسيته بالكامل ،،

ماهذا يا بشر *O* .. صوره مصغره عن فارس لكن الملامح اصغر والعيون اكبر من فارس وعيونه مايله لسواد على رمادي عكس فارس اللى عيونه اخضر مايله للاسود .. وشعره اسود كسواد الليل ولون بشرته بيضاء وفيه ذره خفيفه من الاحمر على خدوده ،،

فرات وهو يحيي التحيه العسكريه/سادونات فلس ،

فارس يقلده مع ابتسامه/وعليكم السلام فراات ،

فرات التفت على الشباب ونفس الحركه/سادونات سثاث ،

الشباب بنفس حركته/وعليكم السلام فراات ،

التفت على وناظرني بشرود وبعدين ابتسم وبعدين *O*!!!!!! ،،،

غمز لي وارسل بالهوا بوسه *O* .. انصدمت من حركته يعني هو صغير بالعمر وهذا واضح اعطيه 3 او 4 سنوات وكلامه مو مفهوم ،،

سمعت ضحكات الشباب العاليه .. التفت لهم وانا معقده حواجبي .. حمد وهو

يضحك/هو يسوي هالحركه لاي شخص يشوفه جديد ويحبه ،

تنهدت براحه غريبه .. يعني وش فيهم اطفال الجيل اذكر يوم اني صغيره كنت حتى مادري كيف يجون الاولاد ولا حتى كنت اخجل لا حطيت عيني بعين احد كبير *^* بس هالجيل متغير عننا .. سمعت صوته وهو

يقول/كب حسيس ،

طيرت عيوني *O* كب حسيس!!!! ،،

ناظرته واستغربت وانا اشوفه يأشر على خالد وهو يقول له مره ثانيه/كب حسيس ،

ابتسم خالد بسخريه وهو يقول/فوفو اسكت ولا بربطك بالشجره بالليل مع الوحوش ،

اول ماسمع كلامه راح ووقف ورا الذيب كأنه يحتمي وراه .. ابتسم بشر وهو يشوف شكله ،،

فرات بعصبيه/فوفو كب حسيس انت ،

رفع حاجب وهو يبتسم بسخريه وشر ،،

مسكين هالصغير اكيد شاف الويل منه مالومه حتى انا اخاف احياناً منه .. تنهدت بتعب من التفكير وحولت نظري لكارو الذيب *_* وش هالجمال شعره كثير وابيض وعيونه زرق ماشاءالله ،،

جذبني شكله .. قطع شرودي صوت فارس وهو يقول

ب ابتسامه/انعجبت فيه ،

هزيت راسي وانا اناظر الذيب وهو يناظرني باستغراب ،،

(شكل الذيب)

قطع علينا التواصل البصري مع الذيب صوت كبير ومبحوح .. حولت نظري له وشفت ،،

/جيتوا ،

باسل وهو يبتسم/تونا دخلنا ،

/ماشاءالله اشوفكم صرتوا رجال و؟ ،

حول نظره لي .. ضيق عيونه كأنه يحاول يتذكرني توسعت عيونه بصدمه .. حتى انه ما رمش .. ناظرته بستغراب ،،

/ش..شسمك؟ ،

جاوبته ب ابتسامه/اسمي زياد ،

رمش كم مره وقال/وش اسم عايلتك؟ ،

جاوبته ب ابتسامه بس الحيره بانت بصوتي/ال....... ،

عقد حواجبه بعدم فهم .. ناظرت بطرف عيني لشباب وشفت بعيونهم الاستغراب والحيره من هذا الشخص الواقف قدامي ،،

فارس بسؤال/يبا؟ ،

التفت له وهو شارد/همم ،

فارس/وش فيك؟ ،

بعد دقايق من الصمت حول نظره له وابتسم/لا ولا شي بس شبهت على صديقك ،

اووه شت بس كيذا .. توقعت انه عرف اني بنت .. غمضت عيوني براحه وفتحتها مره ثانيه اتأمل شكل ابو فارس ،،

شعر اسود وعيون رماديه مايله للاسود تشبه عيون فرات طويل القامه بشرته فيها شويه سمار مع الكثير بالابيض والتجاعيد جنب عينه قليله بس لا ضحك او ابتسم بانت يشبهه فارس بشكل غريب .. ابو فارس حلو بس مو مثل فارس اللى كان احلا منه ،،

دخلنا القصر ومثل ماتوقعت اللى داخل افخم من برا .. كان فيه ممر طووووووويل ولفات كثيره ومع كل لفه كان فيه مزهريه او لوحات لفنانين اعرفهم والبعض ماعرفهم .. دخلنا الصاله اللى عبره عن

وبعدين توجهوا لجهه الايمين واستقبلنا

جلسنا البعض كان يتكلم والبعض كان ساكت ويسمع لكلام الاخرين ،،

صحيح نسيت اقول لكم وش كنت لابسه وهم

زينب

سامي

[img]http://up.graaam.com/forums/915345/11473159215.jpg[/img]

حمد

احمد

خالد

فهد

تركي

رائد

فارس

باسل

فيصل

(اللى بالصور لا يمثلون الشخصيات)

وشي ثاني قبل ماندخل لقصر كان فيه اربع رجال ضخمين واقفين عند الباب ويوم دخلنا كان فيه الكثير من الخدم والخادمات اتوقع انهم اجانب ،،

ابوفارس ب ابتسامه/يالله زارتنا البركه ،

الشباب مستحين وهذي اول مره اشوفهم كيذا/تسلم .. البركه منك وفيك ياخالي ،

واو حتى خالد مستحي ^_^ ،،

ابوفارس/شخبار ابوك ياخالد ،

خالد ب ابتسامه/الحمدالله ماعليه ،

ابوفارس/سمعت ان اخوك تملك صدق هالكلام؟ ،

خالد/ايه والله تملك وافتكينا =)) ،

ابو فارس وهو يضحك/ماشاءالله عقبالك انت والشباب ،

قال اخر كلمته بغمزه ،،

الشباب بصوت عالي/اميييين يااارب ،

يبون يتزوجون وهم صغارين :) ،

تكلموا عن مواضيع كثيره ومنها كيف الدراسه وعساها طيبه وكذا .. اللى ان استاذن فارس وهو يقول

ب ابتسامه/استاذنك يبا انا والشباب فوق ان خلصت امي ناديني اجي اسلم عليها ،

أومأ ب ابتسامه وودعهم ،،

-
-

وصلنا اخيراً من بعد ما داخ راسي من اللفات ،، فتح الباب فارس ودخلوا الشباب وانا اخر وحده دخلت حتى انخطفت انفاسي من شكل الغرفه الفخمه .. سكري على الاسود هذا كان لون الغرفه الفخمه ،،

اسمعوا راح اقول لكم للمره الثانيه انا غنيه وبيت جدتي حلو وكنت دايم اقول لها ان بيتنا اجمل بيت شفته بحياتي .. بس كنت على خطا كبير بيت جدتي متواضع قدام بيت فارس بمليون مره ،،

ناظرت حول الغرفه وشفت فيه ثلاث ابواب وخلوني اخمن لكم .. دام مافيه دولاب بالغرفه ف اكيد وحده من الغرف تصير غرفه ملابس والغرفه الثانيه حمام والثالث؟؟؟؟ ،،

فارس/الباب الثالث امارس فيه هواياتي ،

التفت عليه بصدمه وشلون قرا افكاري *O* ،،

ركض باسل ونقز على السرير وتمدد عليه براحه .. واما الباقي تناثرو حول الغرفه وجلسوا واما انا اخذت ادور بعيوني حول المكان .. حتى لفت انتباهي بروايز لصور كثيره على الطاوله ،،

بفضول توجهت نحو الصور وبديت اشوف الصور .. اخذت اول برواز وكانت صوره فيها الشباب وهم صغارين اتوقع كانوا بالابتدائي بس فهد مو موجود .. وصوره ثانيه لهم بالمتوسط بس فيها فهد .. وصور كثيره وهم صغارين بال3 سنوات اتوقع انهم جمعوا صورهم وهم صغارين ولصقوها بورقه كبيره وحطوها بالبرواز وصور اكثر واكثر لهم فيها منها بالرحلات ومنها بالطلعات ومنها بالمدرسه ومنها بالبيت ومنها بالشوارع غربيه وطبيعه ،،

اخر صوره حملتها وانصدمت بقوووه حتى اني فتحت فمي من الصدمه وعيوني توسعت بصدمه ،،

كنت واقفه بمكاني بصدمه ولا حتى قدرت اتحرك .. يد حاوطت كتفي وقال

ب ابتسامه/لا تنصدم كيذا ،

وشلون ما انصدم وانا اشوف اثنين من فارس وهو صغير كأن مرايه عاكسه له .. بس الفرق الطول فارس اطول من الثاني ،،

التفت عليه بصدمه .. قال هو ب ابتسامه/انا لي توأم ،

للحين مصدومه .. قلت بصدمه وتلعثم/ت..توأم ،

أومأ براسه ك أجابه لي وقال/اختي فداء ،

توأم بنت ولد فارس وفداء .. كنت احتاج مده حتى تروح عني الصدمه ،،

رجعت البرواز لمكانه ورحت على السرير دفيت باسل من على السرير وقعدت عليه

باسل وهو يقوم من على الارض ويناظرني/يامتوحش *^* ،

ضحكت على شكله وهو جاء وجلس على السرير بس على الجهه الثانيه ومعطيني ظهره على انه زعلان ،،

قلت وانا اضحك/يلا عاد كنت امزح معك ،

باسل وهو للحين معطيني ظهره/ايه واضح ،

قلت مدعيه الحزن/اسف ،

ناظرني باسل وقال مدعي الحزن/ضمني وراح اسامحك ،

ومره ثانيه دفيته برجلي وطاح على وجهه .. وقام مره ثانيه بعصبيه وقال/وجع *^* ،

ضحكت بقوه على شكله هو اصلا مايصلح له العصبيه شكله يضحك وخصوصاً وجهه البريئ

سمعت صوت الشباب يضحكون مثلي وباسل عابس ،،

-
-

طبعا بعد مارضيته ارسلت له رساله اعتذار بالايموجي(فيس) معطيه قلب وبوسه رضى بسرعه .. جاء الاكل واكلنا وبعدها جلسنا نلعب شوي حتى قال

رائد/تدري ان بدا شعرك يطول ،

من ناحيه الطول ف هو صحيح شعري بدا يطول صار يوصل رقبتي .. حسيت بغصه فكره اني راح اقصه مره ثانيه ،،

احمد/ممنوع عندنا الشخص يطول شعره ،

سامي/راح تنقص من اعمالك السنويه وراح تعاقب لاسبوعين ،

تركي/بصراحه طالع شكلك بناتي مع ال ،

ماقدر يكمل لاني ناظرته بنظرات ناريه خلته تسكت ،،

فارس/تعال خليني اعدله لك ،

التفت عليه بتعجب

قال/ايه انا اعرف اقص الشعر بفن اي قصه تبيها اسويها لك ،

رفعت حاجبي بعدم تصديق

فهد/هو يتكلم بجد لان هو اللى يقص شعورنا ،

التفت عليه بتفاجو .. ناظرت بشعر الشباب ولقيته مقصصه باحترافيه توقعت انهم راحو لم الحلاق بس طلع غلط علي ،،

قام من على الارض وتوجهه لطاوله وسحب وحد من الادارج واخذ مفتاح وتوجهه لباب الثالث واللى كنت فضوليه اعرف وش داخله ،،

فتح الباب وأشر لي باصبعه اجي قلبت عيوني بملل وقمت توجهت نحو الباب ودخلت وكانت الغرفه ،،

الغرفه كانت صغيره شوي وفيه طاوله ومليانه عطور وامشاط(مشط) .. جلسني على الكرسي وسحب اول درج وطلع مقص ومشط اللى يستعملونه الحلاقين واللى يقصون الشعر ،،

قبل ما يبدا التفت عليه وقلت له

بقليل من الحزن بصوتي/لا تقصه كثير خلي فيه شعر كثير و ،

وقفت بنص كلامي بحزن على نفسي

فارس/و؟ ،

/وتقدر ترجع لون شعر الاساسي؟ ،

فارس بتعجب/لون؟ ،

أومأت براسي/ايه لوني شعري الاساسي بني مايل لبندقي ،

ابتسم هو بحنيه وقال/اي اقدر ،

راح لخمس دقايق وجاء حط الصبغه على الطاوله واخذ خصله من شعري وقال

/ليه غيرت لونه؟ ،

ابتسمت بتعب على ماتذكرته قبل ماجي لمدرسه/حبيبتي ماحبت لونه ،

فارس لف خصله من شعري على اصبعه وهو يسمعني وقال

/اللى مايحب الشخص على ماهو هذا مايسمى حب ،

نزلت راسي .. مادري وش اقول له او وش ارد عليه او وش اكذب عليه ،،

ابتسم هو بتفهم وبدا يحط لي الصبغه من بعد مده من الشغل عليه وهو يخلط فيها .. بعد عشرين دقيقه شال الكيس من على راسي وانا رحت لحمام اللى بداخل الغرفه اللى عباره عن حمام صغييير ،،

غسلت راسي بالمغسله ونشفته ورجعت قعدت .. كنت فضوليه باشياء ف سالته

/فارس ،

فارس وهو يجفف شعري بالمنشفه الصغيره/همم ،

/تعرف تطبخ وتعرف تنضف وتعرف امور اكيد انا ماعرف عنها شي وحتى انك تمتلك عاطفه الام والاب ،

شفته يبتسم ابتسامه جنبيه لان المرايه اعكست صورته
قال ب ابتسامه/وتبي تعرف كيف صرت كيذا ،

هزيت براسي ك أجابه له ،،

اخذ المقص من على الطاوله واخذ منديل معقم من الدرج الثاني ومسحه بعنايه ..

قال/قصه طويله ،

قلت/وانا فاضي ،

ابتسم وقال وهو يمرر المقص على خصلات شعري/تدري احياناً احسد الشباب ،

توسعت عيوني .. يحسد!!! على وشو بالضبط ،،

سمعت يضحك .. وقال مكمل/لا يغرك المكان اللى انا فيه لو خيروني بين هذا المكان واهلي اكيد راح اختار الاهل ،

اهل!!!

قلت بتعجب/اهلك موجودين الحمدالله ،

وقف عن قص شعري واتكى على الكرسي اللى انا قاعده عليه وكان وراي هو .. قال بجنب اذني

ب ابتسامه/انا اشوف اهلي بس مره وحده بالسنه ،

فتحت عيوني على اخرها والتفت عليه بسرعه وكان يبعد عني وعنه أنش وحد .. خجلت منه وادرت وجهي بسرعه لجهه الثانيه بخجل ،،

ضحك وقام من على الارض وانا عدلت راسي وهو كمل قص بشعري وكمل

ب ابتسامه/انا احسد الشباب لانهم يقدرون يشوفون اهليهم كل اسبوع او كل يوم مثلاً خالد هو يقدر يشوف اهله كل اسبوع او اسبوعين اما انا ماقدر اشوفهم الا مره وحده بالسنه وك اقصى حد يومين ،

انصدمت من اللى اسمعه .. من يقدر يشوف اهله كل سنه؟! كمل

/ابوي عنده شركات حول العالم ونفس الشي مع امي هي مالكه عقارات حول العالم جدي الله يرحمه اللى هو ابو امي ماكان عنده الا هي وكان من اكبر تجار العالم وامي كانت الخليله له الوحيده وقبل مايموت ب اسبوع كتب كل الممتلكات ب اسمها وهذا قبل ما اولد انا او اختي وابوي اكبر عمومي وهو امتلك الشركات وعشان كيذا يسافرون حول العالم عشان يشوفون اشغالهم ،

فيه اهل كيذا؟ ،،

كمل ب ابتسامه/يوم اولدتني انا وفداء ماقعدت ولا يوم اول ماولدتني سافرت ثاني يوم على الهند ونفس الشي مع ابوي تربيت انا واختي مع الخادم .. اختي كانت تختلف عني .. كانت متوحده متعصبه وخايفه .. ماكنا نعرف شي اسمه حنان الابوه اللى من المسلسلات والافلام ،،

قلبي وجعني ،،

كمل ب ابتسامه بس الحزن موضوح بصوته/انا واختي ماذقنا هذا الشي كانت المدرسه اللى تدرس فيها اختي كانوا يعيرونها البنات وبعض المدرسين يعنفونها لانها ماكان وراها احد .. بطريقه عرفت امي وجت من تايلند ورفعت قضيه على المدرسه وبكيذا خربت المدرسه حقت اختي واختي انهارت نفسياً بعد مده لان ماكان احد جنبها لا امي ولا ابوي .. هي توأمي اختي ،،

جاء على جنبي واخذ خصله وقصها وبنفس الحال مع الباقي

وكمل/وعشان كيذا انا اخذت دور الام والاب لاختي اعطيها الحنان الابوه و احميها .. وهي تتتحسن .. صارت تخاف علي ويوم رحت لمدرسه الابتدايئه جاءها اكتئياب حاد مع انها كانت صغيره الا انها جاءها .. بس بعد فتره عرفت ان حالتها صارت كيذا ورحت لها ودخلت عليها تكلمت معاها شوي وبعدين قالت لي"اوعدني انك راح تطبخ لي كل يوم وترسله لي" انا اكيد وعدتها وبديت اتعلم الطبخ يوم صار عمري 10 تعلمت كل الاكلات الغربيه والعربيه وبديت ارسل لها وكل ما فضيت اجي ازورها .. ونفس الشي معكم انتم مثل اخواني ومستحيل افرط فيكم راح اعطيكم الحنان واهتم فيكم ،

قال اخر كلامه وهو يبتسم ،،

دار الكرسي وقال/انتهينا :) ،

قمت على الكرسي والتفتت لمرايه وتوسعت عيوني وانا اشوف شكلي ،،

.
.
.
.
.
.
ومن هنا نوقف ونكمل بالبارت القادم اتمنى انه نال اعجابكم ،،

عطوني توقعاتكم ورايكم بالبارت ..

ولا تنسون ان تعليقاتكم هي سر نجاح واكتمال الروايه ..

وارجوا من اللى يعلنون ينتبهونن ..

وهــبي هــبي مــاري...&

دمــــتــم بــخــيــــر..... $