رواية بنت بمدرسة عيال اغنياء الفصل الخامس وتسعون 95 - بقلم ماري جو

السلام عليكم ورحمة الله وبركاته
.
.
كل عام وانتم بخير وينعاد عليكم بالصحه والسلامه يامتابعيني العزيزين:(.💜
.
.
البارت الخامس والتسعون بنت بمدرسه عيال اغنياء
.
.

ما احلل النقل دون ذكر المصدر واسم الكاتبة
.
.

[عندمــا يحدد الــقدر1]
.
.
اعتذر على الاخطا الاملائيه ×__×
.
.
#2011/3/1.

/وعاشوا بسعاده ابدية.

ناظرها ب ابتسامة وهو يسكر كتاب قصة الاميرة النائمة ويسحب اللحاف ويغطيها.

ناظرته وبعيونها النوم/انا ابي مثل الاميره النائمه.

حط الكتاب على الطاوله وناظرها/كل البنات الصغيرات اميرات.

هزت براسها بالرفض وهي تقول/كلهم اميرات لكن مو كلهم يتزوجون من الامراء.

وكملت ب ابتسامة ناعسه/انا راح اختار اميري.

ابتسم وهو يقول/الامير والاميره يتزوجون في النهايه انتي تبين تتزوجين من اميرك؟.

أمات براسها ف قال ب ابتسامه واسعه/ومن هو اميرك؟.

كان متوقع انها بتقول هو لكن انصدم ب..

ابتسمت بخجل/اميري فزاع.

اختفت ابتسامته بالتدريج ف ظل ب ابتسامه خفيفه وهو يقول/وانا؟.

عقدت حواجبها وهي تحارب النوم وتقول/انت اخوي؟ كيف اتزوج اخوي!!.

اختفت ابتسامته وحلت عليه البرود. ونظره غريبه مع انها كانت صغيره وغالبها النوم الا ان النوم طار من عيونها وارتجفت اوصلها وقشعريره خلت جسمها يهتز بخفه.

كانت صغيره الا انها مستحيل تنسى ذيك النظره اللي عجزت تفسرها واللي خلت كل جسمها يهتز من الخوف..

ومع الوقت وبعد سن ال15 افهمت معنى نظرته المرعبه..

.
-
-

بعد صراخي المتفاجأ.
فجأة المكان هدا وكل العيون توجهت وانا ك ردة فعل نزلت نفسي على الكرسي بهدوء وتحت انظارهم .
بلعت ريقي وناظرت دريشة الطايره وكانت تطير.

/السلام عليكم.

رفعت عيوني المفجوعه لشخص اللي سلم علي ف رديت السلام وانا احس اني بذوب من التوتر.

/بطاقة تصريحك.

وقفت برجلين ترتجف مع اني حاولت احافظ على هدوءي.

اكرهه شي عندي مجموعه كبيره تناظرني. مثل هذولا الطلاب.

عيونهم راح تحرقني من كثر ماهم مفجرين عيونهم علي.

التفت على شنطتي ونزلت لمستواها وفتحت اول سحاب مديت ايدي ادور بين اغراضي عن بطاقتي.

تنهدت بغضب واللتفت عليه ب ابتسامه/حطيتها بالشنطه الثانيه.

ماصدقني لانه ناظرني بسخريه كأنه يقول"اللعب علي بغيرها".

قلت بسرعه/انا بثاني ثانوي شعبه أ. اخطأت بين طيارتي وطيارتكم.

اخذت نظره خاطفه على الدريشه قبل ما ارجع عيوني عليه واكمل/اذا سمحت لي اتصل على الطياره لصفي عبر اللاسلكي.

تذكرت ان عندي اخ مجنون مههؤوس بعقده الاخوه اذا ماشافني بالطياره وبالمقعد راح ينفجر من الخوف والغضب والقلق والتخيلات اللي مالها داعي.

ناظر الركاب وقال وهو يأشر علي/شفتوه بالمدرسه؟.

انا اقسم اني شفت النذاله بعيونهم وابتسامة خبيثة.
ومثل ما توقعت ردوا بملامح مستغربه وبردود مختلفه

/لا اول مره اشوفه.. اصلا فيه طالب بهالطول؟. طالب كيوت مثل هذا مالحظه؟.شكله غلطان بين مدرسه الابتدائية والثانويه ههه.

ليه ماجاء تسونامي وغرقهم؟.

ناظرني بحده ف
ناظرته بنظرات راجيه متمنيه يصدقني.

بعدها بدقايق من النظرات بيني وبينه قال
/انت تدري راح تحط وظيفتي في خطر اذا كنت تكذب علي.

هزيت براسي بسرعه وقلت/لا صدقني انا من نفس المدرسه بس خليني اتصل على الطياره اللي ركبتها لصف الثاني وراح تصدق.

نثر شعره بعدم ارتياح وناظر الطلاب من حوله وبعدها ناظرني وهو يتنهد ويقول/ان كنت تكذب علي مارح اتردد ابدا ارميك من الطياره.

وش هالقساوه؟.*^*

امأت براسي موافقه ف سحبت شنطتي الظهر و افسح لي المجال اطلع وانا اتعدا الشخص اللي كان جالس جنبي حط رجله بقصد يطيحني.

انا شكلي غلطانه بين طياره ثالث ثانوي وطياره اول متوسط:).

ولانه حطها بالوقت اللي مديت فيها رجلي الاوله ماقدر يطيحني ف مديت رجلي الثانيه بسرعه ودست عليها وارسلت له نظره حاده مع ابتسامة ساخره.

مشيت براس مرفوع بكبرياء مع ان داخلي يرقص من التوتر من نظراتهم وانا امر من جنبهم.. وقفت فجأه بستغراب بعد ماشفته وهو يناظرني بصدمه .

هذي اول مره وطول الخمس شهور افرح بشوفة ياسر اللي ماله فايده من اول ماعرفته.
اقصد يعني ليه هو يتنفس؟ ياخذ اكسجين على الفاضي ياليت له منفعه بحياتي.

ناظرته بنظرات شخص جوعان شاف الاكل ل اول مره بعد خمس ايام من دون اكل.
وقف بصدمه ومسك اكتافي كأنه يبي يتاكد من اللي قدامه.

مشعل وهو يضحك/انا اقول ليه الطياره منوره.

اوه شيت احرجني.

ابتسمت وانا اقول/زاد النور بوجودك.

ناظرت ياسر ب شوق وانا ودي الكم وجهه لانه هو السبب بوجودي لو سافروا اول ناس ماكنت موجوده بهذا المكان.

ترك اكتافي ورجع على الكرسي وحط الكتاب على وجهه وهو يقول/هذا اكيد كابوس بسم الله.

انا المفروض اللي تقول هذا الكلام 💢.

سحبت الكتاب من وجهه وقلت ب ابتسامة حاده/للاسف هذا الواقع.

تنهد بأسى وناظرني بتعب.

ليه كل هذا؟كأنه سوا شي لي كبير بحياتي همفف الاوكسجين يروح على الفاضي ل اشخاص مثل ياسر.

قال الموظف/انت تعرفه؟.

امأ براسه وقال وهو يناظرني/كيف ركبت طيارتنا؟.

شبكت اصابعي بيعض وقلت بخجل وانا اللعب ب اصابعي/توقعت انها طيارة الصف الثاني وغلبني النوم وقمت فجأة ولقيتني موجود.

تنهد بعدها ناظر الموظف وقال وهو يرجع الكتاب لوجهه/لبسه المظله وارميه من الطياره.

توسعت عيوني بصدمه وقبل ما ارفسه مسكني الموظف وهو يضحك على الخفيف ومشعل يضحك.

قال عبدالرحمن/وش بتسوي الحين.

/بروح اتصل على الطياره التابعه لصفي واقول لهم اني ركبت طياره الخطأ قبل لا يسوي مهند شي من خوفه علي.

قام عبدالرحمن وقال للموظف/انا راح اوديه وجهز مقعد يكون جنبنا .

امأ الموظف بالموافقه وراح التفت على عبدالرحمن ف قال لي/الطريق من هنا.

أشر لي للامام ف كملت تقدمي ومعي عبدالرحمن..عبدالرحمن شخص نبيل مثل عبدالله ياليت بعض الناس تصير زيهم:).

بعد ماخليت الكابتن يتصل على الطياره التابعه لصفي بالاسلكي رجعت مع عبدالرحمن ولقيت مقعد جنب ياسر مافيه احد واللي كان قاعد عليه مشعل .

ناظرت ورا ياسر ولقيت مشعل جالس جنب مقعد عبدالرحمن ناظرني وهو يبتسم ويقول/من الظروره تجلس جنب ياسر.

ماصدق ان هذا الشخص من مجلس الطلبه ياليت يحطون مجلس ل اشخاص يشبهون الملائكة مثل مشعل.

ياليت ياسر يتعلم منه:).

رفست رجلين ياسر ودخلت للمقعد واللي كان جنب الدريشه حطيت شنطتي الظهر على الارض وقعدت على مقعدي اخذت نفس كبير قبل لا اطلقه بالهواء.

فاجأني صوت مشعل من وراي وهو يضحك بخفه ويقول/متوتره زياده.

وشلون ما اتوتر وانا جالسه بين شباب والي تتزايد هرموناتهم مع اي شي ظاهري سخيف. اوه انا خايفه على نفسي.

درت بجسمي وناظرته ب ابتسامته مرتبكه.

/شاي اسود او اخضر او احمر؟.
قال لي عبدالرحمن وهو يناظرني من فوق حتى ما احتاج يرفع نفسه من طوله.

/اسود.

مد لي كوب ابيض مرسوم عليه دب وردي ومسكه مزينه بخطوط زهريه.
شاب يحمل اكواب مثل هذي:).

حاولت امسك نفسي ولا اضحك ف ضحك مشعل وهو يقول/انصدم زياد.

ناظرت مشعل ف قال وهو يبتسم/عبدالرحمن مايعطي اي احد هذا الكوب الا اللي يحس انهم يستاهلون.

حاولت وحاولت وحاولت ابقى ملامح غير متأثره من الخجل لكن.. هياهات.

ناظرت عبدالرحمن وقلت/انت طيب.

هذي اول مره بحياتي اشوف شاب يحمر من الخجل ويبان عليه انا ما امزح انا اشوف حاليا خدوده واذانه تحمر .

مع انه له مظهره يوحي لك انه بطلجي(جانح) خطير الانه شخص طيب وخجول. .

وانا بديت اصدق بالمثل اللي يقول"لا تحكم على الكتاب من غلافه".

عبدالله وعبدالرحمن لهم نفس الملامح لكن عبدالله عيونه لينه وهادئه وعبدالرحمن ملامح قاسيه هادئه وخصوصا نظرته الخطره واللي مايقصد هالنظره وانه شي طبيعي فيه.

ياسر اكثر شخص محظوظ ب معرفة هالاشخاص.
مشعل.
وعبدالرحمن.

اخذت رشفه ورشفيتن وماحسيت على نفسي الا وانا مخلصه الكوب.
مديت الكوب له وقلت/ثاني.
ابتسم وهو ياخذ الكوب ويحط الشاي ويمده لي.

/لحظه فيه معه محليات اشربه معه.
قال وهو ينزل نفسه لتحت واتوقع انه يفتح صندوق بارد ويطلع شي مادري وشو لاني ماقدرت اشوفه.

بلعت ريقي بصعوبه وانا اشوف بيده كيك الشوفان مزينه بالفراوله وكريمه الشوكولاته.
اخذت الصحن الابيض الصغير وحطيته على طاوله المقعد واخذت الشوكه وغمستها بالكيكه واول ما سحبت قطعه منها نزل الشوكولاته الذايبه وفيها حبات شوكولاته بيضاء صغيره.

غمست القطعه بالشوكولاته الذايبه وبسرعه حطيتها بفمي..

مهما وصفت لذتها مستحيل تتخيلون الطعم اللي انتشر ب فمي طعم لذيذ واللي زاد طعمه الشيرا.

لكن احس كأني ذايقه هالطعم من قبل متى مادري.
ماهتميت وبديت انعم بالتذوق هالطعم الحلو.

مشعل/اكيد مافي احد يقدر يقاوم طبخ وخبز فارس.

الحين تذكرت هالطعم الغريب واللذيذ.

قلت وانا اخذ القطعه ماقبل الاخيره/تعرفون فارس؟متى سوا لكم هالكيك.

عبدالرحمن/فارس ما يرفض طلب اذا كان عن طبخه ولاني احب الشاي واشربه بكثره طلبت من فارس يسوي لي كيك كل ما سمح الفرصه.

ابتسم وكمل/كل يوم يسوي لي ويرسلها مع احد الطلاب واحيانا يجيب لي بنفسه واحيانا يسوي كثير لي وللمجلس اي احد يجي اضيفه.

/فارس حلم كل بنت وحلمي انا.
قالت وانا اخلص اخر قطعه من الكيك ولو مافيه احد ولو الادب كان (لعقت) كل الصحن من اوله ل اخره بسبب الشوكولاته الذايبه.

امأ براسه مشعل وقال/صح ياليت البنات يتعلمون منه.

ابتسمت بسخريه وقلت بصوت واضح/ياليت بعض الناس يتعلمون من فارس مو مثل بعضهم مالهم فايده غير اخذ الاوكسجين على الفاضي.

وارسلت نظره لياسر واللي قلب عيونه بنزعاج.

ضحك مشعل وعبدالرحمن وهم يناظرون ياسر.

حسيت براحه وانا اتكلم معهم من ضحك ونكت وذكريات مضحكه عن ياسر واللي اتضح لي انهم اصدقاء من اول مادخلوا الروضه.
صداقه من الطفوله وحتى المراهقه.
وحتى الشباب الى الشيخوخه.

اتمنى ماتخرب صداقتهم ويبقون مع بعض.

فجأني ياسر اللي اخذ قبعتي وحطها على راسي ونزلها للامام بحيث يمنع اي شخص يناظر وجهي.

بعدها سمعت صوت عميق ورجولي فخم وهذا خلا قلبي ينبض بشده من صوته اللي عجبني:)

.واحس اني سمعته من قبل لكن مو متذكره.

ضحكه ساخره وهو يقترب ويقول/القدر ارسل لي لعبه اللعب فيها بوقت رحلتي.

لعبه؟.
اتمنى انه مايكون يقصدني:).

ياسر رفع راسه ب ابتسامه ساخره وهو يقول/القدر ارسل لي شخص مشؤوم يعكر على مزاجي.

وهذي اول مره اسمع نبرة ياسر الحاده والساخره.

قال وهو يرفع شفته السفليه بطفوليه/جرحت قلبي.

ياسر عقد حواجبه وقال بحده/وش رايك ترجع لمكانك؟.

قرب ونزل جزءه العلوي لياسر وقرب لوجهه وقال ب ابتسامة خبيثة وبهمس/واضيع لعبتي؟.

ورفع عيونه علي بنظره خاطفه و.
وب ابتسامة.

قذره.

انا بس شفت فمه وهو يبتسم لكن جزء من وجهه ماقدرت اشوفه بسبب القبعه.

قال ياسر/وش رايك تبعد وجهك القبيح عن وجهي؟.

ابتسم وهو يقول/شكلك شفت انعكاس صورتك بعيوني ف توقعته وجهي.

وقرب له وقال بهمس قدرت اشوف تعابير ياسر الغاضبه تتغير للبرود.

بعدها اعتدل بوقفته وقال وهو يمشي ويلوح بيده/راح اجي كل شوي .

رفعت راسي واللتفت لورا وطلعت نصف وجهي واللي كان بس عيوني.

وقف ودار براسه وهو يحرك شفايفه ويناظرني وبابتسامة وبصوت منخفض وقال.

"لعبتي"

شيت.
الحين عرفت مين هذا.
واحزروا وش عرفت. قصة الستاير السودا اللي شفتها اول ماركبت الطياره.
هذا جناح الامراء.

وذاك الشخص دخل من بين الستاير وهذا يعني انه.

امير.

.
.
.
ومن هنا نوقف ونكمل بالبارت الجاي.
اتمنى انه نال اعجابكم.

بارت قصير عيديه.

كان من نيتي اخليه طويل لكن ماكان عندي وقت .وترا البارت الجاي راح اكون من احمس البارتات اللي بكتبها إن شاءالله لان بذاك البارت:)..

السايت:(http://saya
الانستقرامmarie.g0

وهــبي هــبي ماري.
دمــتــم بــخيــر.