رواية بديت أنساك يا لون السعاده الفصل العاشر 10 - بقلم ضاقت أنفاسي

الجدة مزنه تكلم ناصر بجديه: والله ابغى البنت لحفيد ولدي
ناصر عقد حواجبه : حفيد ولدك!!
الجدة مزنه هزت رأسها: ايه نايف
ناصر بعدم اقتناع: بس دوب البنت رافضه عمه كيف تتزوج من ولد اخوه..
قاطعته بإقناع: هذا نصيب ..يمكن استخارت وما ارتاحت لساري ...يمكن مع نايف تستخير. وترتاح...انت وش عليك من الموضوع ...شاور البنت وأنا انتظر ردك!!
ناصر تنهد : إن شاء الله يصير خير!!
**
**
**
**
ناظرت فاطمه وردت بقوة : ما ابغى الزواج!!
فاطمه بضجر: اعطيني سبب واحد حتى ترفضينه!!
شوق وهاجس الرفض يحوم حولها: كذا مزاج
فاطمه بقلة صبر: استخيري على الأقل!!
شوق هزت رأسها بالرفض: انا هنا جالسه على طول وقاعده على قلب شوشو وعيالها ...وما رح اترك لهم البيت ...وزواج ما ابغى اتزوج ...والا الزواج عندكم بالغصب!!
بلعت ريقها برعب لما شافت ابوها دخل الغرفه وواضح إنه يسمع كلامهم ..ما يعجبه تصرفاتها .. وليش ترفض الزواج ...ما سبب مقنع لها للرفض ..وفوق هذا تقل أدبها ...وبحده نطق: ايه الزواج عندنا بالغصب ... وأنا موافق على هذا الزواج ..وجهزي نفسك للملكه!!
فاطمه باعتراض على الاقل توافق: اعطيها فرصه تفكر
ناصر حزم الموضوع رفضها الحين ما هو من صالحه ..باكر الناس تطلع عليها سوالف ...تطلقت من ولد عمها بعد ٣ سنوات ورفضت ساري والحين نايف ..اكيد علشان شخص في بالها ..ما في تفسير لكل هذا الا كذا ..بس ما يدرون إنها ابنته خبله وما عندها ثقه بنفسها ... ومتأكد كل هالرفض..خايفه يرفضها ..نطق ينهي الموضوع: الموضوع بالنسبة لي منتهي ..ويا ويلك اذا تكلمت على ام فارس بذي الطريقه ...لا تجبريني أتعامل معك بطريقه ما هي زينه!!
اعطاها نظره ناريه وطلع!!

**
**
**
**

عفس ملامحه بضيق : كيف يعني ما فيه شوفه شرعيه ؟؟
ردت الجده مزنه : وش فيك عافس ملامحك ؟/
خير يا طير زمان اول الرجال ما يشوف زوجته الا يوم العرس
احمد ربك بعد الملكه تشوفها
زم شفايفه مو عاجبه : وافرضي ما عجبتني ؟؟
ابوها ليه متحجر لذي الدرجه ؟/
الجده مزنه : وبعدين معك ؟؟
وقف وهو متنرفز من جدته ومن ناصر بعد ما رفض الشوفه الشرعيه : طيب ونشوف اخرتها مع ابوها
يا خوف قلبي بعد الملكه يمنعني اشوفها
وبعصبيه
وقسم بالله ما اسكت له ووقتها رح اسحبها
قدام ابوها واخذها للبيت لا عرس ولا خرابيط
ليه حنا وين عايشين قال ما عنده شوفه شرعيه !!
وبقهر والله كنت ابغى اقول له خلي ابنتك عندك وما ابغاها وما أبغى اشوفها
حشى وش هالأب هذا !!
انا سكتت احترام لك يا جده والا كان لي تصرف ثاني
تأففت الجده مزنه : وبعدين معك
خلاص اصبر باكر تروحون للمستشفى وبعدها تملك
وقف نايف وهو يتوعد : يصير خير
xxxx
xxxx
xxxx
xxxx
xxxx
xxxx
دخل البيت بعد ما طلع من عند جدته شافهم مجتمعين بالصاله توجه لهم ورد السلام بهدوء
ساري بابتسامة : مبارك الخطوبه
نايف ابتسم بالرغم من ضيقه : الله يبارك فيك
ياسمين وهي رافعه حاجب : نسمع سمعه انك خاطب ولا كأننا من البيت
نايف زم شفته: بعده ما صار شيء يوم الملكه تكونين اول الحاضرين
ام صقر لوت بوزها بزعل: فكرنا إنك ملكت وكملت
جلس جنبها وباس رأسها : ليه القمر زعلان ؟؟
ام صقر بقهر : تخطب وأنا آخر من يعلم ؟؟
نايف بتبرير : يمه الله يهداك كم مره طلبتك تخطبي لي وانت تقولين بعدين بعدين
بصراحه خفت اعنس مثل عمي ساري
ولما عرضت علي جدتي ما صدقت خبر وبسرعه وافقت
ياسمين ابتسمت : شفت يمه مثل ما قلت لك
ام صقر بغضب : انا مو زعلانه إنك خطبت أنا ما هو قاهرني إلا هالاختيار
ساري بهدوء : يا يمه دامه موافق وعاجبه الموضوع
خلاص اتركيه على راحته وكل شيء قسمه ونصيب
ام صقر بقهر ناظرت ساري : انت لا تتكلم من لما خطبت ما اشوفك
طول وقتك عند خطيبتك ولا تقول أجلس مع امي
ساري ابتسم :،: هذا أنا جالس معك
وبعدين فتره الخطوبه قصيره خليني استغلها
وضحك ضحكه قصيره
ام صقر هزت براسها : ما ألومك لو امضيت الوقت عندهم البنت ما شاء الله عليها
شمس بلقافه : هذي خالتي كامله والكمال لله
قاطعها دخول محمد : وانت مين طلب شهادتك ؟؟
شمس بابتسامة : ما احد بس انت تعرفني يا بابا
احب اوزع شهادات ببلاش
ام صقر وللحين مقهوره : تعال شوف نايف الي خطب....وما اعطى احد خبر
محمد بابتسامة بعد ما جلس : دام جدتي بالموضوع
كويس انه ما تزوجها اليوم
طالعه نايف وهو يكلم نفسه ما خلوني اشوفها
تبغى اتزوجها
وعض على شفته بقهر
؟
محمد باستفسار :
متى الملكه ؟؟
نايف وهو يخطط لباكر رد ويناظر للبعيد : بعدنا ما حددنا
xxxx
xxxx
xxxx
xxxx
xxxx
نزلت مع ابوها وقلبها يدق طبول من الخوف
توجهوا للمختبرات وعيونها بالارض
وعقلها شغال يفكر ما نامت البارحه زين وهي تفكر بخطوبتها ...
وما لقت الجرأه تطلب من ابوها
يرفض الموضوع
بلعت ريقها بتوتر لما وقف ابوها وتكلم: هذا نايف جاي لجهتنا
كتمت أنفاسها للحظات تستعيد توازنها من التوتر ...تحس وجهها ولع من الاحراج
واول ما سمعت صوته وهو يسلم على ابوها..حسن بمغص ..وعيونها تناظر الارض : كيف حالك يا عمي ؟؟
ناصر بهدوء سلم عليه: الله يسلمك
نايف وهو يناظر جهة شوق : اخبارك يا شوق ؟؟
بلعت ريقها وهي تجمع الاحرف علشان ترد
بس سبقها ناصر وهو يرد عنها : الحمد لله بخير
انقهر نايف من ناصر وش دخله يرد عنها
بس ما علق وهو يبغى يشوف نهايتها معه
اشر له نايف علشان يروحون للمختبر
وخلال توجهم تكلم نايف : انا اتصلت بعمي ساري
علشان يطلعون النتيجه اليوم ونروح نملك بالمحكمه
ناصر ببرود : ليه مستعجل عادي براحتها النتيجه
وملحقين على الملكه
نايف والضغط ارتفع عنده الف بس مسك نفسه وتكلم وهو يمثل الهدوء : كذا احسن نكمل كل شيء
هز ناصر راسه وما تكلم
بعد ما كملوا اجراءات الفحوصات وطلعت
النتيجه ايجابيه
توجهوا للمحكمه وكملوا اجراءات عقد الزواج
وقفوا عند باب المحكمه بعد ما تمت الملكه ...
نايف بثقه ناظر ناصر : بعد اذنك يا عمي
ابغى ارجع شوق بنفسي للبيت بس بعد ما نتغدى مع بعض بالمطعم
ناصر وهو رافع حاجب : والله ما عندنا البنت تطلع
مع خطيبها لوحدها متى ما تزوجتها تغدى وتعشى معها
بس الحين اعذرني
نايف وصل الضغط عنده مليون تكلم وهو ماسك اعصابه : بس أنا الحين زوجها
قاطعه ناصر بدون اهتمام لكلامه : متى ما أخذتها من بيتي قدام الناس
وقتها اعمل الي تبغي بس الحين لا
والحين اسمح لي
نايف بمحاوله اخيره : طيب بلاه غداء خلاص بس اوصلها البيت
ناصر رفع حاجب: ليه واصلك الخبر انه ما اعرف انا الطريق ؟!!
نايف خلاص انفجر منه ....قرر يسكت حتى ما يغلط واستأذن وغادر المكان
وهو مثل البركان من العصبيه...وش التحجر الي عايش فيه ناصر!!

xxxx
xxxx
xxxx
xxxx
xxxx
xxxx
جالسه على اعصابها وخايفه يطلقها نايف
بعد ما شافت ملامحه المعصبه من تصرفات
ابوها
زفرت بضيق من بدايتها مشاكل متأكده بسبب ابوها
عمره ما رح يدخل بيتهم
وش فيها لو تغدوا مع بعض وتعرفوا على بعض
ابتسمت على نفسها هذي الي كانت رافضه الموضوع
قطع افكارها الجوال وهو يرن
عفست ملامحها ما لها خلق لأحد خلها
بمشكلتها الحين
رجع يرن مره ثانيه قامت وهي تتأفف وردت بعصبية : نعم خير
_ الله ينعم عليك اذا هذي اولها
عقدت حواجبها ورجعت تناظر بالرقم فكرته اميره لانها منزله رقم جديد
رجعته على اذنها تسمع الصوت
_ الو ؟؟
ردت بصوت مرتجف : مين معي
_ امممم معك مدير شركه «.....» انت مقدمه عندنا على وظيفه
عقدت حواجبها بضجر: الظاهر إنك مخربط أخوي مع السلامه
_ لحظه مو انت شوق ناصر
صار قلبها يدق طبول : ايه
_ بالنسبة لطلبك بالوظيفه
قاطعته شوق بعصبيه ..الي فيها مكفيها والحين مو فاضيه لسخافته ...ليش هي تفك الخط حتى تتوظف ..صدق ناس فاضيه: اسمع ترى مو فاضيه لك فاهم
انقلع عن وجهي
ناس سخيفه
وقفلت الخط بعصبيه
اعصابها تلفانه ويجي هذا السخيف
مسكت الجوال لما وصلها مسج
« اخص يالقويه
عموما اليوم انا واهلي جايين نزورك بعد صلاه العشاء .......نايف»
ارتخى جسمها بعد ما قرأت الرسالة بصعوبه...الحين الي كان يكلمها نايف
ضربت جبهتها وهي تشتم نفسها
عضت على شفتها وهي تردد بصوت هامس :صدق إنه سخيف
قال مدير شركه
رايق يعمل مقالب
ورجعت ناظرت الجوال لما شافت مسج ثاني...قرأته ببطىء
«الظاهر ما تبغي نزورك أو يمكن ممنوع عند ابوك ؟؟!! »
ردت بمسج بسرعه ويدينها ترجف «حياكم الله »
ونقزت على حيلها بسرعة تخبر امها

xxxx
xxxx
xxxx
xxxx
xxxx
xxxx
فاطمه بعصبية : غبيه وش فيك انجنيت ؟؟
شوق وهي متربعه على السرير : يمه وش فيها
خليه يشوفني على طبيعتي
فاطمه بعصبية : والله اذا ما عدلت نفسك
الا اطبع اصابع يدي بوجهك
وبسخريه قال على طبيعتي
شوق بعناد : اقول لك خلاص مو نازله
فاطمه تبغى تنجلط من عنادها : وبعدين مع رأسك اليابس هذا ؟؟!!
انا الحين نازله يا ويلك يا سواد ليلك اذا نزلت بهذا الشكل فاهمه
هزت رأسها بتسليك لأمها
طلعت فاطمه وضربت الباب خلفها بقوه
xxxx
xxxx
xxxx
xxxx
xxxx
xxxx
xxxx
اسراء بهدوء : وين العروس ؟؟
فاطمه وهي تتوعد بشوق صار لهم قريب الساعه جالسين ولا شرفت
ولما ترسل لها تقول الحين تنزل وما نزلت
ابتسمت بمجامله : الحين تنزل
ام صقر بنغزه : يمكن مو قد المقام او مغصوبه ؟؟
الجده : لا وش مغصوبه
الحين تنزل
وطالعت فاطمه وأعطتها نظره تروح تشوفها
همت توقف فاطمه تروح تشوفها وهي تتوعد فيها
بس عدلت جلستها لما شافتها داخله ورافعه خشومها
للسماء كتمت غيضها فاطمه من لبسها نبهت عليها
ما تلبس كذا...
سلمت على الموجودين برؤوس اصابعها
وجلست جنب امها بهدوء
فاطمه نغزتها بفخذتها بدون ما احد ينتبه
طنشت شوق وهي ترجع خصله من شعرها خلف اذنها بغرور
ام صقر وهي تناظرها لابسه بنطلون برمودا جينز اسود
وعليه بلوزه حفر لونها فوشي.. وشعرها سايح على ظهرها....وجهها خالي من المكياج
اسراء وهي تناظرها بتقييم ..نطقت تقطع الصمت : اخبارك يا شوق ؟
شوق وهي رافعه خشومها..تحسهم متكبرين ورح تتكبر عليهم : بخير
اسراء تضايقت من طريقتها بس طنشت : يمكن ما تعرفينا
انا اسراء زوجة محمد وهذي اختي سميه خطيبه ساري وهذي ياسمين عمة خطيبك
وهذي ابنتي شمس
وخالتي ام صقر اكيد تعرفينها
شوق بنفسها وهل يخفى القمر
حست اسراء بالفشيله بعد التعريف ولا رحبت فيهم
ولا قالت كلمه
تداركت فاطمه الموقف : الله يحييكم
شوق وهي تغلي بداخلها من الغيره
من جمال اسراء واختها سميه
وابنتها شمس يجننون مين يصدق انها اسراء عندها بنت بهذا العمر مو باين عليها
وندمت ما تكشخت علشان ما يكونوا احلى منها
مدت البوز وهي تحس نفسها مخنوقه من هالجلسه....طول عمرها غبيه !!

xxxx
xxxx
xxxx
xxxx
xxxx
xxxx
xxxx
تكلم محمد بعد ما اشر له نايف انه يتكلم
تنحنح محمد : بعد اذنك تفتح مجال لنايف يدخل يجلس مع خطيبته
ناصر بهدوء : والله السموحه منكم بس الحين
ما اقدر بعد الحفله ان شاء الله يجلس معها
نايف ناظره ووجهه صار احمر من القهر
مسك نفسه ما يدري لمتى يمسك نفسه
من هالناصر
محمد ناظر نايف وعرف انه متضايق تكلم بهدوء : وش الفرق الحين او بعد الحفله دامه ملك عليها
حرك شفايفه ناصر يعترض
تابع محمد كلامه : وهذا شرع الله ومن حقه يجلس معها
طلبتك تخليه يجلس معها
انحرج ناصر من محمد وتكلم وهو موعاجبه : ان شاء الله
واشر لياسر يروح يفتح طريق له
للحين نايف مخنوق من ناصر ما يضمن نفسه لو
صمم ناصر انه ما يجلس معها
ما يقدر يمسك نفسه اكثر لانه زودها هالناصر ما صارت هذي السالفه
وقف بعد ما دخل ياسر وهو يبتسم : تفضل يا النسيب
ناصر قبل ما يطلع ياسر ؛ اجلس معهم يمكن اختك تستحي
اخذ نفس نايف وهو ماسك نفسه ليهجم على ناصر
ويطلع حرته فيه
كمل طريقه وهو ما يشوف قدامه
كان يكلمه ياسر بس ما يدري وش يتكلم من العصبيه
xxxx
xxxx
xxxx
xxxx
xxxx
xxxx
قفلت ت معه من العصبيه صار له ربع ساعه ينتظرها تطلع ....وللحين ما شرفت
سدوا نفسه عن كل شيء
حشى وكأنه يشحد منهم
رفع رأسه لما شاف ياسر داخل : السموحه منك
تأخرت عليك
معدتي توجعني وتأخرت بدوره المياه
نايف مثل البالون بينفجر بأي لحظه : عادي
كان خليتها تدخل بالأول وبعدها تروح
ياسر بابتسامة : لا لازم حارس شخصي لها
سكت نايف وهو يبغى يشوف اخرتها معهم
ياسر ويطالع لجهة الباب : ادخلي يا شوق
كانت عيونه مسلطه على الباب ينتظر دخولها
بس ارتخت ملامحه لما شاف حرمه داخله عليهم
وهي تبتسم له
اخذ نفس وهو خايف تكون هذي خطيبته
ياسر وهو عند الباب : هذي امي تبغى تسلم عليك وتبارك لك
تنهد براحه وقف وسلم عليها بهدوء
باركت له فاطمه واستأذنت وطلعت
رجع جلس مكانه وهو يهز رجله بقهر ما صارت
لاطعينه كل هذا الوقت
خلاص نفسه عافتها ما يبغى يشوفها
وخلي ابوها يخللها عنده
نهض نفسه علشان يطلع
بس سرعان ما جلس لما شافها داخله
ووجهها احمر
ياسر مسك يدها وتوجه لكنبه بعيده عن نايف حسب التعليمات
نايف وصل حده من هذي الحركه بس مشاها
وما علق وهو يناظر شوق الي منزله راسها ومستحيه
تكلم بهدوء وهو يشوفها لابسه لباس كامل مو بتين الا وجهها ..حتى وجهها ما شافه مثل الخلق ...منزله راسها للأرض ..نطق وهو كاتم غيضه: اخبارك يا شوق ؟؟
رد ياسر عنها : الحمد لله بخير ما تشكي بأس
بلع نايف قهره وما علق..وش هالعائله الغثيثه!!
رن جوال ياسر طالع الشاشه وفتح
الخط ...رد بهدوء الو ......ان شاء الله دقيقه ونكون عندكم بالمجلس ......سلام
وقف نايف قبل ما يتكلم ياسر ويقول له انتهى الوقت ناظر ياسر وعلامات الزعل واضحه عليه : افتح لي طريق يا ياسر
رفعت نظرها شوق وهي تحس انه زعلان
وقف ياسر بهدوء واشر له : تفضل
وطلع نايف مثل ما دخل ما يشوف من العصبيه

xxxx
xxxx
xxxx
xxxx
xxxx
xxxx
شوق بقهر وهي تطالع ياسر : والله ما صارت
عاملين حراسه وكأنه رح يخطفني
ياسر وهو عاقد حواجبه ويناظر امه : هذي نفسها للي كانت صاجه راسنا بالرفض ؟؟
الجده : جيل اليوم اعوذ بالله منه
شوق بتبرير : ليه تفهمون السالفه بالعكس ؟
يعني الرجال طلع زعلان من أسلوبكم معه
فاطمه وهي رافعه حاجب : ليه لحق عريس الغفله
يشكي لك
شوق وهي تجلس وماده البوز : لا
بس كل شيء واضح بدون ما يتكلم
ياسر يطالع امه : انا رح انبه على ابوي يشددون الحراسه عليها
باين انها مو قليله هالبنت
شوق رمقته باستصغار : سخيف
ياسر بابتسامة جانبيه : خلاص الحين لما ييجي ابوي
قولي له هالكلام
وقفت شوق وهي ماده البوز : اصلا الكلام معكم ضايع
ضحك ياسر على شكلها
خالد دخل الصاله : وش فيك تضحك ؟؟
حرك شفتيه يتكلم اعطته شوق نظره انه ما يتكلم
هز راسه بتفهم وهو يبتسم لها : ما في شيء
وين اخوانك ما اشوف احد فيهم ؟؟
يعني عندنا رجال اليوم المفروض تتواجدون
خالد : ترى عندنا اشغال مو فاضيين
ياسر رفع حواجبه : يا سلام
عموما ابوي متحلف فيكم
الجده بتوعد : ترى ناصر ناوي عليكم وكان معصب
ما في احد عنده الا ياسر
ولو كان ياسر عنده دوام كان توهق لوحده
وانتم تتصكعون هنا وهناك
خالد لف حاله : انا طالع مع السلامه
السالفه فيها حسابات افر بجلدي احسن لي
فاطمه : وين رح تهرب آخرتك تقابل ابوك
خالد ابتسم : اقابله وانا مع اخواني
الموت مع الجماعه ارحم
وتركهم وطلع

xxxx
xxxx
xxxx
xxxx
xxxx
xxxx
xxxx
xxxx.
ام صقر باستغراب : وش فيك ؟؟
طالعها نايف وبدون نفس : ولا شيء
ام صقر خزته بتحقيق : انا اعرفك لما تكون متضايق وش فيك ؟؟
نايف ببرود ؛ ما في شيء
ياسمين بتحقيق : غريب من لما رجعنا وانت ساكت
وماد البوز !!
ام صقر بتحليل: اسمع انا متأكده انه ما عجبتك العروس
ومتورط مو عارف كيف تطلقها
لا تهتم بعدكم على البر طلقها ويا دار ما دخلك شر
طالعها وهو يكلم نفسه ليه انا شفتها مثل العالم والناس
بسبب ابوها واخوها
طول بسكوته وما علق على كلام جدته !!
تابعت ام صقر كلامها : شفت كلامي
صحيح واكبر دليل سكوتك
تنهد وهو يمسح على وجهه : يمه الله يهداك وش
هالسوالف
انا تعبان بس مجرد ارهاق
وبعدين البنت حتى لو كانت جوكر انا قابل فيها
انقهرت ام صقر من رده : انت لو خاطبين لك حماره
الا توافق على طول ما تدري مشفوح على الخطبات
شوف عمك ساري طق عمره 35 وحنا فوق راسه
علشان يتزوج
وانت بعدك 24 وذبحتنا وانت تقول ابغى اتزوج
عفس ملامحه بضيق : يمه ترى راسي يوجعني
تبغين تزيدين وجع راسي بالكلام هذا ؟؟
ام صقر : خلاص سكتت بس لا تلومني يمه
من قهري عليك اتكلم
ابتسم لها مجامله واستأذن وطلع لغرفته
ياسمين تناظر امها بعد ما طلع : وش رايك بالعروس ؟؟
ام صقر بعبوس: خذيها قاعده مني اذا كرهتي شخص لو كان
القمر بذاته رح تشوفينه مو حلو
ياسمين هزت رأسها بتأييد: كلامك صحيح
بس مغروره وشايفه نفسها
ام صقر لوت بوزها بعد ما وقفت : بيطلعلها ست الحسن والدلال
باكر علشان نبدأ بالتجهيزات ما في وقت لموعد
الحفله
ياسمين وهي توقف : ان شاء الله

xxxx
xxxx
xxxx
xxxx
xxxx
xxxx

مريم وهي تمسح على شعر لين وتكلم شوق : كيف نفسيتك بما انه باكر الحفله ؟؟
شوق وهي متمدده على الكنبه وتناظر السقف : عادي
لين تكلمت وهي جالسه بحضن مريم : ماما سوق علوس « ماما شوق عروس»
مريم هزت راسها : ايه عروس حلوه
لين بغضب طفولي ضربت بيدها الصغيره امها : لا انا العلوس «لا انا العروس »
شوق على نفس الوضعيه وهي تناظر لين : طقي رأسك بالحيط أنا العروس
وما رح اخليك تجلسين على الكوشه
لين وشوي وتبكي : ماما سوفيها «ماما شوفيها »
مريم بابتسامة : انت العروس
شوق حركت حواجبها تجاكر لين : انا العروس
ورح البس فستان واعمل تسريحه كبيره
واحط مكياج اما انت لا
لين نزلت من حضن امها وركضت عند شوق وشدتها
بشعرها : انا العلوس « انا العروس»
شوق وهي تحاول تفلت شعرها من يدين لين وهي تضحك بصوت عالي
لين بصراخ : استتي «اسكتي»
شوق جلست على الارض وهي مستمره بالضحك
ومريم تناظرها باستغراب من مزاجها الرايق
حاولت تكتم شوق ضحكاتها بس ما قدرت
ما تدري وش سبب الضحك
مدت يدينها تبعد لين عنها
ولما بعدتها عدلت شعرها واثار الضحك واضحه على وجهها : حسبي الله على عدوك قطعتي شعري
لين وهي تناظرها وماده بوزها بزعل طفولي
ابتسمت شوق وهي تكلم مريم : هالبنت نكته هههههه
مريم بابتسامة ناعمه : انتبهي منها ترى اذا تسلطت عليك عز الله الا تصبحين باكر بدون شعر
وطالعت لين ؛ عيب ماما اعتذري من خالتك
لين عفست ملامحها ومدت لسانها وطلعت تركض
برا
دخلت دانا وباين بعيونها كلام ردت السلام
وجلست جنب مريم وهي تناظر شوق وبعد لحظات تكلمت بانتقاد ما قدرت تسكت: المفروض انك الحين واقفه مع اهل رجلك
عقدت شوق حواجبها بعدم استيعاب
تابعت دانا كلامها : اكيد الحفله باكر رح تنلغي
علشان العزاء
مريم باستغراب: مين مات ؟؟
دانا بشبح ابتسامه : جدتهم توفت قبل شوي
شوق بفرحه : قصدك ام صقر
دانا استغربت من ملامح الفرح : لا جدتهم الكبيره مزنه
لوت شوق بوزها فكرت ام صقر هي الي توفت
بس الظاهر رح تبقى قاعده على قلبها
دانا وهي تناظر شوق : كسرت خاطري ما رح تعملين حفله خطوبه
شوق وقفت وهي رافعه حاجب : اذا تفكريني بزر مثلك
همها تلبس فستان وتنزف بتكوني غلطانه
انا هذي المظاهر ما تهمني
واعطتها نظره وطلعت من الصاله وهي مكشره
الحين اكيد الحفله انلغت
يا خساره تعب التجهيزات والمشاكل الي بينها وبين امها بسبب التجهيزات
صادفتها امها وسط الدرج : جهزي نفسك يا شوق
علشان تيجين معنا
للعزاء
انتظرك تحت
هزت راسها شوق بهدوء وتوجهت لغرفتها تجهز نفسها
xxxx
xxxx
xxxx
xxxx
xxxx
xxxx
قبل ما يدخلون همست لها فاطمه بتحذير : تتصرفين مثل الناس والعالم
لا تفشلينا فاهمه
شوق بنرفزه : وبعدين ؟! اقولك انا راجعه ما ابغى ادخل
لفت وجهها راجعه مسكتها فاطمه من يدها : وين رايحه ؟؟
شوق بعصبيه مكبوته : طول الطريق وانت مشغله
شريط انت وجدتي لا تفشلينا وما ادري ايش
خلاص ما دامني أفشل ما رح أدخل
الجدة بترقيع : مو قصدنا بس ادخلي صرنا عند الباب
مو حلوه ترجعين
بعدين نتفاهم
شوق بنرفزه : بعده ما احد شافنا انا راجعه
وادخلوا انتم يلي تشرفون
فاطمة وهي تمسك نفسها : شوق وبعدين معك
شوق بعناد : لا شوق ولا بطيخ دامني افشلكم
خلاص ما له داعي ادخل
الجده بغضب : هذي الي رح تفضحنا عند الباب
أقول ادخلي
احسن ما اتصل بناصر وخله يتفاهم معك
شوق بردح : يمه خوفتيني
فاطمه قرصتها بكتفها : وطي صوتك فضحتينا
حسابك بالبيت يصير خير
شريفه : خلنا ندخل وقفتنا هنا مو حلوه
شوق من طرف خشومها : تفضلي وادخلي يا ام الواجب
قاطعهم صوت رجال قريب منهم : اخواتي باب الحريم من هنا
الجده بهمس ؛ حسبي الله على عدوك الحين الرجال
يظن اننا مو عارفين باب الحريم
ادخلي يا ملسونه
شوق بقهر : والله ما ادخل
وتركتهم وهي راجعه للسياره لما شافت ياسر بعده
ما تحرك
ناظروها وهي راجعه فاطمه بتوعد : وقسم بالله
ما افوتها لها
لما نرجع اذا ما علمت ناصر عليها
الجده بقهر: والحين وش نعمل ؟؟
فاطمه وهي تتوجه للداخل : بقلعتها عمرها ما دخلت
وتوجهت للداخل وخلفها الجده وشريفه
xxxx
xxxx
xxxx
xxxx
xxxx
xxxx
لما دخلت البيت شافت ابوها موجود رفع حاجب
باستغراب : وش فيك راجعه
؟؟
شوق ما تدري من وين طلع لها ابوها تكلمت بتوتر : ما رحت
ناصر مو عاجبه : وليه إن شاء الله
شوق قررت تلعب الكوره لصالحها : والله ما اطلع معهم مشوار
دوم يحسسوني إني أفشل
طول الطريق أمي وجدتي وكأنهم شريط
لا تفشلينا عند الجماعه لا تفضحينا
دامني افشل خلاص ما له داعي اروح واسأل ياسر
كان معنا
ياسر الي واقف يسمع كلامها طالع ابوه : معها حق يبه
امي وجدتي زادوا العيار
وكأنها بزر انا نفسي تنرفزت من كلامهم
ما الوم شوق على كلامهم
ناصر بانتقاد : حتى لو قالوا لك كذا
المفروض الحين انت عند اهل رجلك ومو وقت الحزازيات
الحين اكيد رح ينقدون عليك ما عزتيهم !
ياسر بهدوء : خلاص جهزي نفسك بالليل اخذك لعندهم
شوق بتسليك حتى تهرب من عند ابوها : ان شاء الله
ناصر : وليه لليل ؟؟
الحين وديها ..
قاطعه ياسر مو فاضي الحين وبتبرير : لا يبه مو حلوه الحين تروح
اكيد الحين جدتي اعتذرت عن شوق ما ينفع تروح الحين
ناصر هز راسه بتفهم
طلعت شوق بسرعه باتجاه الدرج وعند اخر درجه
اعطت ياسر بوسه بالهواء تعبير عن شكرها له
ابتسم لها وهو واقف يكلم ابوه
ورجع يكمل كلام معه
xxxx
xxxx
xxxx
xxxx
xxxx
xxxx
xxxx
الجده تكلم شريفه بصوت منخفض: اتصلي بياسر خليه يرجعنا
ام صقر جالسه جنبها : وش دعوه الحين اخلي السواق يرجعكم
الجده باعتراض : كثر الله خيرك
الحين ييجي ياسر
شريفه ناظرت الجده : ما يرد
ام صقر وهي توقف : خلاص قلت لك الحين اشوف السواق يرجعكم
الجده : ما نبغي نغلبكم
ام صقر بدون اهتمام : ما عليك الحين اشوفهم
طلعت من المكان واتصلت على محمد وبصوت هادي وينك .... طيب فيه عندك احد يوصل اهل خطيبة نايف..... ادري انك مو فاضي خلاص قول للسايق يجهز السياره ...ان شاء الله
قفلت الجوال ورجعت بهدوء

xxxx
xxxx
xxxx
xxxx
xxxx
طلع مستعجل ما يبغى يتأخر عن الرجال
شاف السايق واقف توجه له بسرعه : اسمع بسرعه
تروح الحين
قاطعه السايق : انا اروح اوصل نفر هنا
واشر على السياره
طالع السياره وشاف حريم عقد حواجبه : مين رح توصل ؟؟
السايق : بابا محمد يقول اروح بيت ناصر نسيب انت
هز راسه بتفهم واقترب من السياره وعيون تناظر داخل السياره وقف عند الشباك : يالله تحييهم
الجده بثقل : الله يحيك ..ويرحم ما فقدت
رد بهدوء : ما تففدي غالي
فاطمه بحياء مو متعوده على نايف وبصوت هادي : احسن الله عزاكم
رد بهدوء وهو يطالعها : شكر الله سعيكم
وطالع السواق ؛ خلاص روح انا اوصلهم بنفسي
وركب السياره وحرك بهدوء
الجده بهدوء :ان شاء الله ربنا يرحمها وتكون من اهل الجنه
هز راسه : آمين آمين
الجده تحس بالحرج : اسفه يا ولدي ثقلنا عليك
قاطعها بعتب: وش هالكلام يا جده ؟؟
اعتبريني من احفادك وما ابغى اسمع هذا الكلام مره ثانيه
الجده عجبها رده: ما تقصر يا ولدي
طالعهم بالمرايه : شوق مو معكم ؟؟ !!
فاطمه استغربت ما صار له اسبوع خاطبها
وصار يسأل عنها وبنفسها تردد الله يستر شكله جريء : لا والله ما جاءت
الجده ترقع : تعبانه
طالعتها فاطمه من وين جابت الجده هالتصريفه
وشوق لسانها يلعلع من وين التعب
عقد حواجبه بانزعاج : سلامتها
وش يوجعها ؟؟
الجده ناظرت فاطمه وهي تدور على ترقيع : ها
ايه تقول تحس جسمها مكسر
وبصراحه ما حبت تيجي تخاف تدخل عزاء
طالعتها شريفه وبنفسها تخوف بلد قال تخاف
ما لقت خالتي الا هذي الترقيعه
فاطمه تكمل عن الجده : باكر ان شاء الله
رح تيجي للعزاء
هز راسه وما تكلم

xxxx
xxxx
xxxx
xxxx
xxxx
xxxx
طلعت من المطبخ ومعها علبة عصير
نزل عبود عن الدرج مستعجل
عفست ملامحها لما شافته بقرف
وقف لما شافها تناظره كذا وتكلم وهو رافع حواجبه : خفي علينا يا صنوايت
شوق تعمل نفسها تبحث عن مكان الصوت : كأني سمعت صوت حشره تتكلم وصارت تناظر الارض
عبود تنرفز من ردها : كلي تبن
شوق باستحقار : لا لا الحشره صاير لها لسان وتعرف ترد كمان
عبود يناظرها بحده : امسكي لسانك احسن ما
قاطعته بردح : يمه خوفتني
وبحركه سريعه اخذ منها العصير وبلحظات كان على شعرها
غمضت عيونها بغضب وهي رافعه كتوفها لعند رقبتها
وكأنها بركان رح ينفجر بأي لحظه
كان عبود يطالع رد فعلها وسرعان ما نقز من صراخها : يا حيواااااااان
اقتربت منه تنتقم بس سرعان ما توجه بسرعه طالع
برا البيت لحقته حتى تمسكه بس قفل الباب
من برا بيده وهو ماسك يد الباب وشادها حتى ما تفتحه
صارت تضرب الباب بقوه وتصرخ : يا زفته افتح الباب
يا .......اقول لك افتح
عبود وهو يضحك بصوت عالي : بأحلامك هههههههه
شوق وهي ترافس برجلها وتضرب الباب : اقول لك يا .......افتح
وقسم بالله لتندم
عبود باسلوب ينرفز : يممممممه خوفتيني ههههه
شوق : لو إنك رجال كان فتحت .....افتح يا حرمه
يا قليل الحياء ...يا ابن شوشو خطافة الرجاجيل
عبود تنرفز من كلامها وعصب إلا إنه ما يقبل احد
يجيب سيره امه فتح الباب بعصبية
وجرها من شعرها برا ورفع رأسها لجهته والشرار يطلع من عيونه : انت يا حثاله تتكلمين عن امي ؟
وقسم بالله لتندمين
شوق مو قادره تحرر نفسها منه تكلمت وهي شاده على اسنانها : اترك شعري يا واطي
عبود شد شعرها اكثر : عيدي الكلام الي قلتيه عن امي
صرخت من قوه شد الشعر
حس عبود شخص يفلت يده من شعر شوق
وبعدها استقر كف يده على وجهه
عبود عصب وناظره والشرار يطلع من عيونه : انت قد هالكف ؟؟،
خالد بعصبية ؛ واكسر راسك اذا مديت يدك عليها
تفهم
عبود والشرار يطلع من عيونه: مو فاهم ورح اكسر راسها
لانها مو مربية
قاطعه خالد وهو يضربه بوكس على وجهه
وبعدها هجم عليه
جالسه على الارض وتشوفهم كيف يتضاربون
شافت يد فرقتهم عن بعض
خالد وللحين ما طلع حرته مسح فمه : و قسم بالله لتندم
عبود وهو ينفض ملابسه : خوفتني
فاطمه بعصبية وهي متفشله من نايف : انتم ما تستحون على وجهكم
قاطعها عبود بعصبية : شوفي ابنتك ولدك وبعدين تكلموا
خالد رفع يده بتهديد : سد حلقك احسن ما اقفله
بطريقتي
فاطمه بفشيله: خالد وبعدين ؟؟
الجده ناظرتهم بتوعد : يصير خير
عبود بعصبية : ايييي عاد ذبحتونا بتهديداتكم
وطالع شوق بعصبية  بعد ما انتبه على رجال واقف قريب من هنا: ما تشوفين رجال هنا!
انقلعي للداخل اشوف
عقدت حواجبها ما فمهت مغزى كلامه ..التفتت وحست الصدمه ألجمتها وهي تشوف نايف ...وش جابه هنا ؟ لا والمشكلة شكلها حوسه!!
الجده بانتقاد وهي تناظر عبود : ما في احد غريب هذا خطيبها
حسابك عند ناصر ترى تصرفاتك ما تنطاق
وناظرت جهة شوق علشان تقول لها تقوم تعزي نايف ..سكتت وهي تشوف شوق وقفت ..والاحراج واضح عليها!!
متردده شوق كيف تسلم عليه ...عندهم عزاء كيف جاء لهنا؟!
ترددت لما شافت يده مادها يسلم عليها
مدت يدها وتفاجأت لما سحبها بخفه ... وتحرك لجهة الحديقه يمشي معها بعيد عنهم!!
شوق ووجهها احمر من الفشيله ...وش حظها ما يشوفها وإلا وشعرها كله عصير ..من الاحراج ما لها عين تناظره!!
قاطع صمتها نايف : ما عزتيني بجدتي ؟!!
رفعت نظرها له لثواني ورجعت نزلت عيونها للارض
كمل كلامه: سمعت إنك تخافين تروحين للعزاء ؟!!
عقدت حواجبها تخاف تروح للعزاء؟! اكيد كذبه من جدتها ترقع عنها... ما علقت وهي تسمعه يكمل كلامه بعتب: بس مو مبرر عالأقل المفروض لو بمسج تعزيني صح ؟؟
هزت راسها مثل الببغاء...تحس لسانها معقود عن الكلام!!
كمل كلامه  ووقف وهو يناظرها : تقدرين الحين تعزيني...ورح اقبلها منك الحين
ما تدري وش يقولون بالعزاء نسيت كل شيء وبلعثمه قالت : شكر الله سعيكم
ابتسم على كلامها وما علق على التعزيه وتابع حديثه : اليوم رح أمر عليك علشان تعزين اهلي
تكلمت بتردد : لا تغلب نفسك ياسر رح يوصلني
نايف زفر بضيق : أخوك يوصلك وإلا ابوك ما رح يقبل ؟؟
وقبل ما ترد كمل كلامه : ما علي من هذا الكلام بعد العشاء رح اكون انتظرك
وبعدين ما رح تكوني لوحدك خالتي فاطمه معك
هزت راسها بهدوء بدون كلام ما تدري وش تقول؟!
سأل بهدوء  وهو يناظر جهة أهلها: ذول إخوانك ؟؟
شوق تذكرت الموقف وعفست ملامحها بكره : لا بس اخوي خالد والثاني لا
طالعها بانتقاد : وكيف تفتشين قدامه ؟؟
شوق طالعته وبعدها نزلت نظرها وزفرت بقرف : هو ابن ابوي من زوجته الثانيه
طالعها وهو رافع حاجب ويقول في نفسه اكيد انها مهبوله : يعني أخوك
شوق بكره : لا مو اخوي
قاطعها بنرفزه من عنادها: ما علينا من كلامك رضيت ولا ما رضيت اسمه أخوك غصب عنك مو بيدك
انتم علشان سنكم متقارب شيء طبيعي تتشاجرون وتتضاربون
بس لو يصيب واحد فيكم مكروه الدم رح يتحرك
فيكم
الحين كلامك عباره عن رد فعل
وابتسم ناظري جدتك تناظرنا وهي تفرك يدينها
الظاهر إنها خايفه يوصل أبوك ويشوفنا مع بعض
ناظرت جدتها والارتباك واضح عليها
رجع مسك يدها وهم راجعين باتجاه الجده : اشوفك
بعد العشاء لا تنسين
هزت راسها بدون ما تناظره..وهي تبغى تسحب يدها من الاحراج ....

*""
**"
***

اول ما دخلوا الجده بانتقاد: يمه جيل بعبع!!
هذي وهي ما تبغى  الزواج ؟!
بالله لو جاء ناصر وش يقول ؟؟
شوق وهي تتكتف  بملل: والله ما هو عيب ولا هو حرام
فاطمه وهي رافعه حاجب : وتراددي كمان
شوق بدفاع : انا ما قلت شيء
وبعدين بعد العشاء رح ييجي يأخذنا للعزاء
قاطعتها فاطمه بحده : وان شاء الله وافقت ؟
ابتسمت شوق وهي تهز راسها بعباطه
فاطمه بقهر ما تبغى مشاكل مع ناصر : اتصلي فيه واعتذري
شوق وهي تجلس بلامبالاه : انا ما رح اقول له
روحي قولي له انت
فاطمه وهي تناظرها وتقرصها بعيونها : هذي الي رح تجلطني
لو ابوك اعترض وش نقول له ؟
المفروض قلت له اشوف ابوي وارد لك خبر
شوق بتأفف : وبعدين مع ذي السالفه ؟؟
الجده تغير الموضوع : شفت يا فاطمة غريب هالعزاء ؟؟
ما في حزن ولا كأنه عندهم عزاء والحريم
يسولفون عادي فلانه تزوجت وفلانه تطلقت ولا كأنه عزاء !!
فاطمه باستغراب : حتى نايف عادي حسيته
مو متأثر عليها
شوق ناظرت امها وهي حاسه نفس امها
ما حسته متأثر على جدته : يمكن لانها كبيره بالعمر
الجده خزتها: والكبير ما له معزه عندهم!!
وبهمس يا رب بلغنا حسن الختام
فاطمه بتذكر اقتربت من شوق وقرصتها بكتفها : الحين تذكرت وش هالحركه السخيفه الي عملتيها ؟
اذا ما قلت لناصر ما يكون اسمي فاطمه
شوق وهي تمسح مكان القرصه : حطي رجلينك بمويه بارده
لأني قلت له واسألي ياسر كان موجود
فاطمه ناظرتها بعدم تصديق : مستحيل ما أتوقع
انا عارفك تقولين كذا علشان ما اقول له
الجده قاطعتها : الله يكون بعونك على هالبنت
لسانها متبري منها
ما ضربك عبود من فراغ أكيد لسانك بربر عليه
شوق وهي تتربع : والله ما قلت له شيء
الا بعد ما فرغ العصير على شعري
فاطمه تجاريها : وش قلت له ؟؟
شوق بتفكير : اممم ولا شيء
خزتها فاطمه وتكلمت : طيب العصير على شعرك وبعدك جالسه
شوق بثقه : انتظر أبوي وأقول له عن عبود وخليه يشوف بعينه
عبود وهو نازل عن الدرج : عادي قولي له وأنا رح اقول له وش قلت لي
وأعطاها نظره تهديد وطلع
وقفت شوق بعد ما كشت عليه : مالت عليك اروح أغسل شعري أحسن لي
فاطمه بفضول : وش قلت له ؟؟
شوق مطت شفايفها بلامبالاه : الموال المعروف
شوشو خطافة الرجال
قاطعتها الجده بانتقاد : عيب عليك هالكلام
تجاهلت شوق كلام جدتها وتوجهت طالعه لغرفتها وهي تكلمهم بصوت عالي : عيب عليها هي تسرق الرجال من زوجته....

xxxx
xxxx
xxxx
xxxx
xxxx
xxxx
بعد العشاء جالس بالسياره ينتظر نزول شوق ...
وهو راسم الابتسامه على ملامحه
اتصل فيها يشوف سبب تأخرها
هلا ....اخبارك .....علامك تأخرت .....لا لا مو متضايق
خذي راحتك على أقل من مهلك ....عادي انتظرك وش عندي ..... إذا ما انتظرت زوجتي مين يستحق انتظره ؟ ..... ههههه بانتظارك
قفل الجوال وابتسم لما تذكر شكلها اليوم كيف شعرها معفوس ومع ذلك عجبته حيل ....ما هو مثل ما وصفوها له إنها ما هي حلوة..بالعكس قطع كلامه
ونزل من السياره لما شافها نازله مع امها
فاطمه لما وصلت قريب منه سلمت بهدوء
رد السلام وعيونه على شوق
ردت السلام بصوت منخفض ...
وقبل ما يتكلم ناظر خلفه لما شاف سياره داخله
بلعت شوق ريقها وهي تشوف سيارة ابوها
وصار قلبها يتراقص من الخوف
اما فاطمه صارت تفرك يدينها بتوتر لأنها ما قالت له
لأنه اكيد رح يعترض وما توقعت يرجع الحين
نايف بهدوء عدل وقفته يسلم على ناصر بعد ما نزل من السياره
سلم ناصر بجمود وملامحه ما تبشر بخير : على وين ان شاء الله العزم ؟؟
نايف ناظر فاطمه وعرف إنه ناصر ما عنده خبر
حرك شفايفه يتكلم
بس سبقه رد فاطمه بصوت متلعثم : ياسر ما قدر
ييجي يوصلنا واتصل بنايف ييجي يوصلنا للعزاء
رفع حاجب وهو يهز راسه وزام شفايفه : قلت لي
ياسر ؟؟!!
وطالع نايف بحزم : اسمع يا نايف حتى ما يكون بيننا زعل .. أنا أعطيك إياها على بلاطه ...
ترى انا ما أحب هالحركات
نايف ناظره وهو عاقد حواجبه والضغط ارتفع منه : اي حركات ؟؟؟
ناصر يتابع كلامه بعد ما اعطى شوق نظره قويه وبعدها التفت لنايف : ما عندنا الخطيب يطلع مع خطيبته
متى ما تزوجتها اطلع وين ما تبي أما الحين
فاسمح لي ما في طلعه
تغير لون نايف وهو ماسك نفسه ما يمسح فيه الارض من عقله المتحجر ... اخذ نفس ونطق بهدوء ظاهري: بس انا مو طالع معها وحدي خالتي معنا
قاطعه ناصر بلامبالاه بكلامه : ما علينا من هذا الكلام
لو معك كل أهلك وأهلها بالنسبة لي هذي الحركه
مرفوضة رفض قاطع وما في مجال للتفاوض فيها!!
ناظره نايف وبنفسه يمالي البعوضة الي تقرصك على لسانك وارتاح من محاضراتك إلي تغث ...تكلم بدون نفس : مثل ما ودك يا عم والحين اسمحوا لي
ناصر بهدوء : تفضل ما ضيفناك
قاطعه نايف وهو يناظره: خيرك واصل
وابتسم شبح ابتسامه تعبر عن غبنه وقهره
وغادر المكان بهدوء
التفت ناصر بعصبية لفاطمه : انا اكره ما علي الكذب
انا تكذبين علي وتستغفليني ؟؟
انا ما الوم شوق دام الحماره الكبير ماشيه قدامها
شهقت شوق شهقه غير مسموعه وهي تحط يدها على فمها أول مره تسمع أبوها
يشتم أمها كذا يمكن
تصير بينهم مشاده بالكلام أما يشتمها كذا ما صارت
فاطمه طالعته وما تكلمت
ناظرها ناصر وللحين معصب كيف يستغفلوه : يصير خير يا فاطمه
وتركهم وتوجه للسياره وغادر المكان
التفتت على أمها وبتردد : يمه
فاطمه انفجرت فيها : حطبه اتركيني بحالي
وصارت دموعها تنزل
شوق زفرت بضيق وناظرت للبيت وفتحت عيونها بصدمه
من الي شافته ورجعت ناظرت امها : يمه انت قلتي ابوي ما رح يرجع الحين ؟؟
فاطمه وهي تمشي متوجه للداخل وبنبره فيها رجاء :شوق اتركيني مو ناقصه ثرثرتك
شوق تتكلم بعصبية ؛ طول عمري أقول عنها خبيثه وحقوده وانت تدافعي عنها
شفتي شوشو ما أحد خبر أبوي غيرها
فاطمه وقفت وناظرتها وهي تمسح دموعها : وش عرفك ؟؟
شوق : الحين شفتها واقف تناظرنا من الشباك ولما ناظرت جهتها بسرعه نزلت الستاره
فاطمه زفرت بضيق : إن بعض الظن اثم
وبعدين أبوك دائما كذا ييجي بدون موعد يمر البيت ويكون يبغى بعض الاوراق
شوق بعدم اقتناع : يمه لمتى انت على نياتك
فتحي عيونك
ترى كل الناس أنانيين وما يحبون إلا أنفسهم
طنشتها فاطمه وتوجهت لجناحها بهدوء
زفرت شوق بضيق كيف انقلب حالهم
توجهت خلف امها للداخل واتصلت على نايف تعتذر عن تصرف ابوها
لوت بوزها لما أعطاها مشغول
وخلال لحظات وصلتها رساله بعد التهجئة
كان مضمونها « اكلمك بعدين »
تأففت وتابعت طريقها

xxxx
xxxx
xxxx
xxxx
xxxx
جالسات بالصاله بعد ما غادر المعزيين
ام صقر  بانتقاد: شفتم صاحبة الواجب ما كلفت نفسها تيجي للعزاء...ما أدري على وش رافعه خشمها!!
اسراء بهدوء: يا خالتي الغايب عذره معه
ام صقر بقهر : اخخخخخ يالقهر جدتكم حطتها برقبتي وماتت....اخخخخ لو انه اجلنا الملكه تحلم تدخل هالبيت
ياسمين وهي حاطه يدها تحت خدها : النصيب يمه
ام صقر وللحين القهر بقلبها وما رح ترتاح إلا  اذا طلقتها : تحسفت ترفع الجوال وتعزي
لكن يصير خير اذا ما خليت نايف يطلقها قبل العرس
ما اكون ام صقر!!
اسراء اشرت لها بعيونها تقفل الموضوع لما شافت ساري ومحمد دخلوا الصالة!!

xxxx
xxxx
xxxx
xxxx
xxxx
رن جوالها وابتسمت لما شافت اسمه
كانت قاعده على نار خافت يزعل وما يكلمها
ردت بهدوء : الو
_هلا
سكتت
_ اخبارك ؟؟
الحمد لله بخير
أخبارك ؟؟
زفر بضيق: إسألي ابوك
قاطعته  بتوجس: بعدك زعلان ؟؟
زم شفته بقهر: ليه ازعل كل واحد حر بقراراته
تكلمت بتبرير:  انا والله ما لي دخل ولا لي يد بالموضوع
نطق بتفهم: ادري إنك مالك دخل بس أنا مستغرب من تصرفات ابوك ترى الناس تطورت وبعده عقله متحجر
ما عجبها كلامها عن ابوها نطقت اسمه وكأنها تنبه عليه ما يغلط بأبوها : نااايف
ضحك على نبرتها!
كملت تبرير لتصرفات ابوها : حتى أخواتي كان عليهم شديد كذا وطلع روحهم
زم شفته بقهر:  يعني تبشريني بطلوع الروح
غريب كيف الاتصالات مو ممنوعه ؟؟
وبسخريه
والله في تطور عند ناصر ؟
قاطعته بنبره زعل : وبعدين  معك تراه أبوي؟؟
ضحك بخفه وبعدها نطق: لا قبلين ولا بعدين
نطقت :طيب انت
قاطعها: انتظري شوي
وصار يكلم شخص قريب عنده (نعم .....طيب الحين نازل ....وبنرفزه طيب )
_رجع يكلم شوق : اكلمك بعدين الحين مشغول
اوكي
ردت بهدوء :  اوكي سلام
قفلت الخط وهي مرتاحه إنه مو زعلان منها
وارتاحت لما حسته انسان متفهم لو واحد ثاني
كان له تصرف ثاني
حضنت الجوال وهي تقول الحمد لله

xxxx
xxxx
xxxx
xxxx
xxxx

في اليوم الثاني جالسه بالصاله مع ياسر وتكلمه
عن الي صار البارحه
وفاطمه ماده البوز وتستمع
ياسر ناظر امه : الله يسامحك لو بعثتي رساله
كان رتبت الموضوع مع ابوي
فاطمه تكلمت بدون نفس : قلت كذا اختصار للمشاكل
ياسر بابتسامة : المشكله أنا قلت لابوي لما راح يجيب الملفات من البيت يوصل بطريقه شوق
شوق مطت شفايفها مو عاجبها : ترى ابوي كثير معقدها مو لذي الدرجه
ياسر خزها بعيونه : انت بالذات لازم نعمل عليك حراسه مشدده
الله يستر منك
شوق ابتسمت وتوردت خدودها : حرام عليك
ياسر بابتسامة: ترى
وسكت لما شاف فارس داخل ومعه زوجته
وقف بعصبية ياسر كيف يدخل كذا لا احم ولا دستور..نطق بغضب  : كيف تدخل كذا بدون استئذان ؟؟
فارس تنرفز من طريقة ياسر : والله كيفي عاد
ادخل وقت ما ابغى
ياسر وهو يشوف شوق طلعت من الصاله ناظر
فارس باحتقار : ترى للبيت حرماته
فارس بعصبية تقدم : انت قد هالنظرات ؟؟
ياسر بثقه وغرور : لو ما كنت قدها كان ما وجهتها
لك
فاطمه بخلق ضيق : خلاص ياسر اسكت
ياسر بعصبية ؛ لا ما رح اسكت انت شايفه دخوله كذا
يصير ؟؟
فارس رفع اصبعه بتهديد : لا تخليني احطك بعقلي
ياسر ميل شفايفه باستهزاء : لا تدري خفت
نزلت شريفه على صوتهم العالي وشهقت لما شافت
فارس موجود ونزلت بسرعه تسلم عليه بحراره
وتلوم فيه ليه ما خبرهم
وبعدها عقدت حواجبها باستغراب : علامه صوتكم طالع ؟!!
ياسر وهو يتكتف : علمي ولدك آداب دخول البيت
فارس بصراخ : ياسر لا تخليني اطلعك من هنا جنازه
فاطمه ما استوعبت تشوف ياسر جنازه صرخت بدون وعي : تخسى تمد يدك عليه
ليه هي سايبه السالفه عندك وثاني مره قبل ما تدخل
تستأذن
قاطعها فارس بسخريه : حلوه هذي كلما ابغى ادخل البيت استأذن
عاد اطلب الاذن منك والا من ابنتك المصون والا ابنك
قاطعه ياسر بقوة: خلاص اطربنا بسكوتك
شريفه بضيق  : فاطمه خلي ياسر يختصر ترى فارس مو صغير يتكلم معه بذي الطريقه
فارس بنبره سخريه : خليهم على راحتهم خلينا نشوف اخر الدلال وش نهايته !
فاطمه خلقها ضايق من الاصل ردت بغضب : فارس
احترم نفسك وحرف واحد على عيالي ما اسمح لك
فاهم
دخل ناصر باستغراب : وش فيه ؟؟؟
وناظر فارس واقترب وسلم عليه : مبارك يا ولدي والحمد لله على السلامه
فارس بهدوء : الله يسلمك
والتفت على خلود وسلم عليها وبارك لها
وبعدها ناظرهم : وش فيه صوتكم طالع ؟؟
حرك فارس فتح فمه فارس يتكلم
بس سبق عليه ياسر وتكلم : ابد يا غالي
بس كنا جالسين هنا انا وامي وشوق بملابس البيت
ما شفناه إلا وهو داخل لا احم ولا دستور
قلت له المفروض انك تستأذن قبل ما تدخل
وعصب الاستاذ فارس ليه نقول له كذا !!
ناصر اخذ نفس وتكلم وهو يناظر فارس
الي باين عليه الانزعاج .....
xxxx
xxxx
xxxx
xxxx
xxxx
xxxx
تأفف بقرف : وبعدين مع هالموال يمه !!
ام صقر بإصرار : ما ارتاح الا اذا انفصلت عنها
نايف وقف عند الباب قبل ما ينزل تحت : اعطيني سبب واحد
ام صقر زمت شفتها: ما عجبتني
انت لوحدك لازم تعرفها على حقيقتها ... شوف العزاء ما كلفت نفسها تحضره
نايف بدفاع : ترى صار عندها ظروف وما قدرت تحضر والا شوق ما تقصر
ام صقر مطت شفايفها ؛ وتدافع عنها بعد
نايف بعصبية : يمه ترى انا قرفت نفسي من هالموضوع
هذا عمي ساري ما احد جايب طاريه... خاطب وعايش حياته ليه انا الي لازم تنكدون علي
سكتت ام صقر وحست بتأنيب الضمير
وهي تشوفه كيف معصب ومتنرفز ما تحبه تشوفه كذا
طالعته لما رن جواله وطلعه وهو معصب
وسرعان ما ابتسم لما ناظر الشاشه
استأذن من ام صقر ونزل وهو يكلم بروقان والابتسامة شاقه الحلق
تارك خلفه بركان رح ينفجر لما شافت كيف روق بسرعه
لما عرفت هوية المتصل وهو يقول هلا بشوقي ....

**
**
**

ناصر اخذ نفس وتكلم وهو يناظر فارس
الي باين عليه الانزعاج : ما غلط ياسر يوم قال كذا
المفروض ما دخلت كذا ... لأنه شوق ما تحل لك مثل قبل  يا فارس
فارس رفع حاجب  ما عجبه كلام ناصر: يعني كل ما ابغى ادخل لازم استأذن يعني مو
حياه هذي ؟!
ناصر هز راسه : تعود باكر يتزوج ياسر ووليد ولازم الكل يستأذن لانه حريمكم موجوده
واليوم عليك الغلط المفروض ما دخلت كذا لانه ما احد يدري برجوعك
على الاقل لو اعطيتهم خبر كانوا استعدوا لاستقبالك
فارس تكلم وهو ماسك نفسه وهو يشوف ياسر واقف بثقه : ان شاء الله يبه
ناصر اشر لهم : والحين تفضلوا اجلسوا
نسمع علومكم

xxxx
xxxx
xxxx
xxxx
xxxx
xxxx
قفلت الجوال من نايف وهي تحس بسعاده
تمنت تشوف شكل فارس لما كان تحت
كان يوصلها صوته بس بدون ما تشوف ملامحه
قررت ما تنزل تحت ما تبغى تشوف خلود
ما تطيقها لا من باب ولا من طاق وخاصه
بحضور دانا وفوزيه «ام فهد »
تجلس مقابل الجدران ولا عينها تشوفهم
قاطع سرحانه دخول ابوها وهو يرد السلام
ناظرته وردت بتوتر
مو ذاكره انها عملت غلط ؟!!
تكلم ناصر بعجله وهو واقف : كيفك ؟/
شروق بلعثمه : الحمد لله بخير
ناصر بهدوء : حبيت انبهك بنفسي
الحين الوضع تغير فارس موجود هنا
مو محرم لك فلا تنزلي تحت الا متستره
وبالنسبة للاكل نفس ما كان انا طلبت من فارس يتناول وجبات الاكل بجناحه مع زوجته
ومشاكل والقال والقيل ما ابغى اسمعها فاهمه
هزت راسها مو عاجبها اخر شيء قاله
كمل محاضرته وطلع بهدوء مثل ما دخل ...
وش يقصد يعني هي صاحبه المشاكل ..يقول هالكلام لخلود الزفت !!
xxxx
xxxx
xxxx
xxxx
xxxx
في اليوم الثاني
مجتمعات بالصاله الداخليه ودانا وخلود حاطات
رؤوسهم ببعض ويتهامسوا
الجده تقاطع خلود ودانا : وين فارس يا خلود ؟؟
خلود ناظرت الجده وهي ترجع خصل من شعرها للخلف بدلع طق كبد شوق منه : عنده مشوار ضروري
وبعده يرجع
الجده ؛ بعده عريس المفروض ما يطلع
شوق بنغزه : اكيد زهق منها
وابتسمت ببراءه
خلود رفعت حاجب وبإسلوب يبغى مشاكل : عيدي ما سمعت!!
ولوت بوزها بقرف
واعطتها نظره حاده: وزني كلامك قبل ما تتكلمين يا
ما كملت  كلامها واعطتها نظره تقييميه
ناظرتها شوق وانفجرت بالضحك !!
انقهرت خلود من رد فعلها : صج انك قليله ادب
ما عبرتها شوق وهي مستمره بالضحك
دانا بإحتقار : على وش تضحكين يالطرمه ؟؟!!
زادت شوق من ضحكها وهي تناظرهم
الجده وهي تناظر شوق : تعوذي من الشيطان يا شوق وش هالضحك ؟
خلود بعصبية : هي الشيطان بذاته
دخلت فاطمه على كلام خلود : اذا سمحت تحترمين
نفسك والبيت الي انت فيه
خلود تنرفزت من كلام فاطمه : والله انا محترمه بس شوفي ابنتك
قاطعتها فاطمه : والله شوق حره تضحك متى ما بغت وما لك دخل فيها
شوق وهي مستمره بالضحك تكلمت وهي تناظر
امها : ي ههه يم هههههههه
ابتسمت فاطمه وهي تناظر شوق شاده على بطنها من كثر الضحك
الجده مو عاجبها الوضع : اعوذ بالله من الشيطان
دانا بقهر وهي تحس شوق تضحك عليهم : الضحك بدون سبب يسمونه قلة ادب
شوق وهي تكتم ضحكاتها تكلمت ؛ شوفو هههههه
يمه شوفي اسنان خلود ههههههه
الظاهر ماكله اصبع احمر الشفاه ههههه
الكل التفت على خلود ويناظر فيها
خلود وجهها صار احمر من العصبيه والفشيلة
كملت شوق وهي تضحك : حسستني وكأنه كلب داق بفطيسه ههههههههه
وقفت خلود وهي ما تشوف قدامها وطلعت من الصاله معصبه
دانا لحقتها بعد ما اعطت شوق نظره وعيد
اخذت شوق نفس عميييييييق وختمتها بابتسامة
ظهر فيه الغماز
فاطمه باستغراب : ما شفت شيء على اسنانها
شوق بابتسامة : اصلا ما في شيء على اسنانها
ورجعت تضحك من جديد
الجده وهي تناظرها باستغراب : يخلف عليك يا ناصر
الظاهر انه البنت انجنت
تعوذي من الشيطان وفكينا من هالضحك
وناظرت فاطمه : شوفيها خلها تسكت
فاطمه بلامبالاه : بكيفها
الجده وقفت : اقوم احسن ما تعديني هالمخبوله
وطلعت من الصاله
فاطمه ناظرت شوق بعد ما طلعت الجده: وش فيك تضحكين ؟؟
شوق جلست جنب امها وهي تتحسس فمها صار يوجعها من الضحك : من اول ما دخلوا وهم يتهامسوا
حبيت اقهرهم وبس
فاطمه بتساؤل: سلمتي على خلود ؟؟
شوق عفست ملامحها بقرف : لا اصلا أنا الي كنت قاعده بالأول ودخلت وما سلمت
بالطقاق الي يطقها هي وأمها وخالتها وبنات خالتها وزوجها وإخوانه
قاطعتها فاطمه بضجر : خلاص اسكتي حشى ما خليتي أحد يسلم من لسانك!!
اعوذ بالله!!
المهم وش اخبار نايف ؟؟
شوق وهي ترسم الابتسامه العريضه : الحمد لله بخير
فاطمه بهدوء : الله يوفقكم
مو ناوي يزورك ؟؟
شوق مطت شفايفها : كان  يبغى يزورني بس ألغاها علشان ابوي
يمكن يزعل
فاطمه عقدت حواجبها : وليه يزعل ناصر ؟
مثلك مثل اخواتك
شوق لوت بوزها : ما أداري عنه رأسه يابس ورفض يزورني ....يبغى يخليها لبعدين
والحين اصلا مو فاضي عندهم ضيوف علشان العزاء
فاطمه بتذكر : مو ناويه تروحين تعزيين ؟
شوق بلامبالاه : انسي خلاص باخت وبعدين مين اعزي ؟؟
انا ما اطيق احد من اهله فكيني منهم
زفرت بضيق فاطمه من تصرفات شوق
بس ما علقت لانها تعرفها الحكي معها ضايع
تسمع من هنا وتطيرهم من هنا!!
xxxx
xxxx
xxxx
xxxx
xxxx
xxxx
xxxx
مر اسبوع بهدوء بدون مشاكل ...
ناصر بعصبية وهو جالس بمكتبه : اقولك انقلع على البيت انت وإخوانك الثلاثه .....يا رب اعطيني صبر ايوب .......وبعدين معك ....اسمع يا وليد وقسم بالله ربع ساعه إذا ما كنت مزروع بالمجلس انت وإخوانك الداشرين
ما يحصل خير ..... أنا قلت الأربعة ويا ويل واحد فيكم يترك المجلس .....خلاص قفل
قفل ناصر الجوال حطه على الطاوله بعصبية
ورجع يكمل شغل وهو يتحلف فيهم الاربعه
*
*
*
*
*
*
نزل من السياره بابتسامة وتقدم كم خطوه بس سرعان ما عفس
ملامحه لما شاف اكره مخلوق على وجه الارض بالنسبة له...
تقدم وهو لابس قناع الهدوء وسلم على فارس بهدوء
رد فارس السلام وهو رافع خشومه للسماء
ما توقع انه نايف خطيب شوق تكلم بهدوء،: تفضل
للمجلس حياك الله
هز نايف راسه ولو يطلع بيده ما شاف فارس بعينه
بس مشى الموضوع ولا كأنه في شيء
دخلوا المجلس بعد ما سلم نايف على عبود ووليد وخالد وسامي الي علامات الضيق واضحه على وجوههم عندهم طلعه وانلغت بسبب نايف
كان المجلس يعمه الصمت والهدوء
والنظرات المتبادله بين خالد ووليد وكأنهم يقولون لبعض متى ينقلع وينفكون
اما عبود حاط يده تحت خده بملل وماد البوز شبرين
ينحرم من الطلعه علشان الانسه شوق تقعد مع خطيبها
اما سامي مكشر وجالس وساكت
ونايف مو عاجبه الوضع وهو يشوف نظراتهم انقهر
من هالعايله يحسسونه وكأنه جاي يشحد
منهم
هذا الي ناقصه بزران
تكلم فارس بخبث يقطع الصمت:حيالله النسيب
رد نايف بدون نفس : الله يحييك
فارس يكمل كلامه بخبث : ما توقعت انك تخطب ابنة عمي
نايف بمجامله : النصيب
وبنفسه يا اخي انقلع دامك ابن عمها ابغى اجلس مع خطيبتي
يا ثقل دمك وش هالانسان هالغثيث ؟!!
اخذ نفس يمسك أعصابه لما شاف فارس يوجه له
كلام عن الشغل وهذي الامور
فارس يكلم نايف عن الشغل بخبث لانه يعرف دامه موجود ما رح تدخل شوق
وحلف إلا يقهرهم الاثنين وهو مستغرب سبحان الله
اكثر اثنين ما يطيقهم
بدأ يسولف مع نايف عن الشغل وهو ماسك ضحكته وهو يشوف ملامح نايف الي ماسك نفسه بصعوبه ما ينفجر بوجهه!!

*
*
*
*
*
*
*
شوق بعصبية : وش له دخل حتى يدخل المجلس ؟؟
اتوقع نايف جاي يجلس معي مو مع وجهه المصدي
فاطمه وهي جالسه على السرير : اعصابك
الحين يروح فارس وتنزلين
شوق قاطعتها وهي تضرب رجلينها بالارض : نشوف
اخرتها مع هالزفته
مر الوقت وفارس بعده بالمجلس
خلاص شوق ولعت معها : انا بنفسي رح انزل واطرده هالغثيث نايف صار له قريب الساعتين والله ما صارت...
فاطمه بقهر من تصرف فارس وهي متأكده انه متعمد هالتصرف وقفت لما شافت جوالها يرن وتوجهت لجهة الشباك تتكلم بعد ما قفلت الجوال التفتت على شوق بتردد : ابوك بعد نص ساعه راجع
شوق فتحت عيونها بقهر : الله يأخذك يا فارس
وش يقصد بالتصرف هذا ؟؟
راح الوقت وما جلست معه
فاطمه بقهر توجهت لجهة الباب :، انا اتصرف الحين

xxxx
xxxx
__
xxxx
وليد جالس والضغط ارتفع عنده الف من فارس الي تسبب
بتأخرهم لو طلع من زمان كان الحين نايف يبغى يرجع لبيتهم
التفت على خالد وهو عافس ملامحه ويتأفف بدون ما أحد يحس فيه
مسك الجوال خالد وكتب فيه وناوله لوليد وكان مكتوب فيه «احقر من اخوك فارس ما فيه.. يحس على دمه وينقلع اخرنا »
رجع وليد وكتب له «دقيقتين اذا ما طلع الا اقولها له بالمفتوح انتم الاثنين من غير مطرود »
وقبل ما يرد خالد قاطعهم دخول فاطمه الي ردت السلام بهدوء
وتقدمت من نايف وسلمت عليه بابتسامة وسألته عن حاله واحواله
رد نايف والضيق باين عليه بسبب فارس
فاطمه مقهوره من تصرف فارس بس حلفت الا تقهره : تفضل يا نايف لفوق عند جناح شوق تنتظرك فوق
فارس باعتراض وعصبيه : وين يطلع لعندها بالغرفه
حنا وين ؟؟
فاطمه بنغزه : يعني وين يجلس مع خطيبته ؟؟
انت جالس هنا من ساعتين ما في مكان الا فوق
وناظرت نايف : تفضل فوق
وقف فارس بعصبيه : هذا انا طالع خذوا راحتكم
وطلع من البيت بكبره
زفر نايف براحه بعد ما طلع فارس ابتسمت فاطمه
وهي تناظر نايف
واتصلت على شوق تنزل
وليد  بضجر: وقسم بالله ما صارت انت وفارس تعرفون بعض
يعني فارس جالس ولا عنده ومندمج معك بالكلام!!
ناظره نايف بدون نفس رد : معرفه شغل بس
عبود بكل صراحه تكلم : تراكم طفشتونا حسستوني انه فارس خطيبك وجايين نحرسكم
بالله لا تتأخر مع شوق مو ناقصنا تأخير زياده
عن موعدنا
اعطت فاطمه نظره انتقاد لعبود
نايف وهو يعدل جلسته: والله انا جاي اشوف خطيبتي
وانتم اخرتوني
تحملوا النتيجة
طلعت فاطمه من المجلس وبعد دقائق رجعت
وشوق معها منزله راسها مستحيه
سامي بابتسامة : ذبحتينا وانت تقولين ابغى اجلس مع نايف والحين يقال مستحيه
طالعته وهي فاتحه عيونها على وقاحة سامي
اعطته نظرة وعيد
وتقدمت من نايف وسلمت عليه بهدوء
هيأت نفسها تجلس قريب منه بس سرعان ما سحبها
وليد بطريقه فنيه واخذها للجهة المقابله وجلست
جنب خالد
مسكت نفسها لا تضرب وليد بوكس بوجهه
بس سكتت لانه نايف موجود ومو حلو تتصرف كذا قدامه
خالد بابتسامة : وهذي شوق وجلست ...معكم ربع ساعه فقط
طالعه نايف وهو وصل حده منهم يخلص من فارس
ييجي له الأربعة ذول ويقعدون على قلبه تكلم وهو ماسك نفسه : اوكي موافق بس بشرط
انا وشوق لوحدنا بالمجلس
وبعد ربع ساعه نطلع
قاطعه وليد وهو يضحك بسخريه : ههه بأحلامك يا حلو
حنا الاربعه قاعدين على قلوبكم
انتفخ وجه نايف بقهر : يا اخي اطلعوا وخلوا الباب مفتوح
خالد زم شفته يمثل إعجابه  باقتراحه: والله اقتراح حلوووووووو..... بس مرفوض ههههههه
عبود  حرك يده بضجر: يالله عجل كلمها ما بقى الا عشر دقائق معك
اعطاه نايف نظره خلته يبلع لسانه
ولف وجهه وهو صاك على اسنانه
كيف يكلمها بوجودهم ؟؟
لو واحد كان اهون وقدر يصرفه اما اربعه كيف يصرفهم ؟
حتى لو يبغى يطنش وجودهم هي بوادي وهو بوادي
زفر بضيق وهو يتحسب على ناصر لأنه متأكد انه كلها قوانين ناصر
خالد يستظرف : علامك ساكت يا النسيب هذي شوق
كلمها لا تستحي عادي
طالعه نايف ويبغى يكفخه بس مسك اعصابه : يمكن ممنوع عندكم الكلام
خالد ضحك : ههههه لا عادي مسموح فيه بس بحدود
نايف بغضب مكبوت : قول امين جعلكم الاربعه ما تشوفون زوجتكم الا يوم الدخله
وليد فتح عيونه باستنكار : حرام عليك
ووقع نظره على شوق تناظره بحقد
ابتسم على نظراتها وطنشها
xxxx
xxxx
xxxx
xxxx
فاطمه بانتقاد : والله يا خالتي تصرفه سيء
يعني الرجال جاي يجلس مع خطيبته مو معه
الجده بترقيع : يمكن جلس معه وما قدر يتركه
قاطعتها فاطمه بقهر : كثير واضح
خليني ساكته واشوف وش اخر هذي السالفه
الجده بنبره تشكيك : احسك يا فاطمه متغيره شوي
فاطمه بقلب ميت هزت كتوفها : يمكن
دخلت شريفه وغيروا الموضوع
*
*
*
*

انفجر من هالجلسه اسم انه قاعد مع خطيبته
وقف ووجهه منتفخ
وليد بابتسامة واخيرا قرر يروح : وين يالنسيب
خلك قاعد
نايف بدون نفس : مره ثانيه
وناظر شوق روحي إلبسي العبايه وتعالي
وبدون معارضة طلعت من المجلس ولما وصلت عند الباب قبل ما تطلع
قاطعه خالد باعتراض: وين ؟؟
نايف اشر بعيونه لشوق تروح تلبس
هزت راسها وطلعت
إلتفت على خالد
بجعرفه : لا تخاف ما رح اخطفها
وبنفسه اذا ما قهرتكم مثل ما قهرتوني ما اكون نايف
رسم ابتسامه لما شاف شوق دخلت المجلس
ولابسه العبايه والشيله والنقاب بيدها
تعجبه بقوه
تقدم وسط نظرات اخوانها ومسك يدها برفق وتوجه
خارج المجلس
وليد حس انه توهق معه : وين رايح فيها ؟
نايف بدون ما يلتفت عليه : لا تخاف ما رح اخطفها
بس توصلني السياره
خالد طالع وليد : مسكين ما يعرف مكان سيارته
والمرشد تبع البيت حضرتها
امشي قدامي بلاه نوقع بورطه
عبود وهو جالس : تراني انا قرفت الخطوبات كلها
كل ما وحده خطبت نقعد لها حارس شخصي اففففف
وليد تكتف : طيب قوم خلينا نشوف وين ذلف هالمحترم
خالد بملل : يعني وين رح يكون تلاقيهم قاعدين
برا
حرام خلهم يجلسون شوي
وش رح يعمل فيها ؟؟
ترى ابوي معقدها شوي
وليد بتردد وهو يتذكر مكالمة ابوها وتشديده : طيب خلينا نشوف وين جلسوا
طلع وليد وخالد لبرا
شافوا نايف وشوق جالسين بالحديقه
ناظرهم نايف واشر لهم بيده بس خمس دقائق
ناظروا بعض
وهزوا راسهم بالموافقة ودخلوا المجلس
xxxx
xxxx
xxxx
xxxx
xxxx
نايف وهو يتأفف : قسم بالله اهلك يطلعون الروح
هزت راسها وردت بهدوء : ابوي كذا نظامه
نايف ؛ اعوذ بالله اربع حراس ؟!!!!
والي قهرني فارس بغيت اقول له انقلع لبيتك
بس سكتت احترام لأهل البيت
ابتسمت شوق بهدوء : اصلا هذا بيته وهو عايش عندنا
نايف عقد حواجبه : كيف عايش عندكم. ؟؟
ترى هذا فارس اعرفه بمجال الشغل بس ما اعرف شيء عن حياته الشخصية
شوق زمت شفتها : امه زوجة ابوي
هز راسه وسأل بعدم رضا : طيب كيف ابوك موافق تعيشين معه بنفس البيت وهو مو محرم لك ؟؟
وانا زوجك وعامل حراسه مشدده غريب ابوك صراحة !!!
شوق تتكلم بكل اريحيه : بالاصل كان عايش مع امه في بيت لحالهم
وحنا في بيت لوحدنا بس لما خطبني
وقتها انتقلنا هنا
قاطعها وكأنه يكذب سمعه : نعم وش قلت؟؟
طالعته ببراءه : وش فيك ؟؟
نايف عاقد حواجبه دليل على العصبيه : فارس كان خطيبك ؟
هزت راسها شوق بحركه غبية
نايف والغضب يشتعل بداخله ؛ ما شاء الله والحين طليقك وعايشه معه في بيت واحد ؟!
كيف ابوك قابل هذا الكلام ؟؟؟
شوق بترقيع : طيب هو متزوج وش فيها ؟؟
طالعها والشرر يطلع من عيونه: انا هذا الانسان ما اطيقه لا من باب ولا من طاق
وصار يهز رجلينه بعصبية...ما كان يدري إنه فارس كان خطيبها ..خبره ناصر إنها كانت مخطوبه لولد عمها وانفصلوا ...بداخله نار مشتعله من لما جاء للحين ..كل شيء يقهره ...نطق بتحذير: اسمعي لو اسمع إنك محتكه او متكلمه معه ما يصير خير
حتى السلام ما ابغى تردينه عليه فاهمه
والجلسه الي يكون فيها لا تكوني فيها
قاطعته وهي معقده حواجبها ؛ طيب ليه
قاطعها بحده : بدون اعتراض يكفي اهلك ضيقوا خلقي والحين
زدتيني ضيقه بكلامك
وزفر بضيق وهو يمسح على وجهه
وطالعها خلينا نغير الموضوع الحين لاني اذا تكلمت
ما اضمن لساني
هزت رأسها وما تكلمت وما تدري ليه انفعل هالكثر!!
طالعها وهو يمسك يدها  بندم على انفعاله: زعلت؟؟؟
ناظرته وهي ماده البوز : لا
زفر بضيق : أدري إنك زعلانه
ووقف وتوجه كان فيه ورد قدامه قطف ورده حمراء
...واقترب من شوق  ومدها لها
ناظرته وابتسمت شبح ابتسامه...وبداخلها شعور جميل يدغدغها!!
ويا فرحه ما اكتملت
لما قاطعهم صوت ناصر وهو يرد السلام
طالعوه بفجعه ما يدرون متى وصل... ما انتبهوا عليه
بلعت شوق ريقها وهي تشوف نظرات ابوها المتوعده...
ونزلت نظرها والورد بيدها ما تدري وين تخفيها
ناصر وهو رافع حاجب : ردينا السلام علامكم ما تردون
نايف  بهدوء ظاهري: وعليكم السلام اخبارك يا عمي
ناصر وهو يناظر شوق من فوق لتحت وبعدها ناظر نايف : الحمد لله بخير
وش اخبار اهلك ؟
شوق وقلبها طبول خوف من ابوها
نايف وحس انها فرصه يقهر ناصر مثل ما قهره بالحراس الاربعه مسك يد شوق وقبل ما يرد طالع شوق وتكلم بابتسامة : الحمد لله بخير
ناصر بنغزه : الظاهر قطعنا عليكم الجو
شوق وجهها صار بالالوان منحرجه من ابوها!
رد نايف بجراءه :تقدر تقول كذا
والحين استأذن
ناصر رفع حاجب  بملامح متجهمه: خليك للعشاء
قاطعه نايف : خيرك واصل عندي كم شغله
واستأذن وغادر المكان بهدوء!!
كانت واقفه ومغمضه عيونها تنتظر موجه غضب من  أبوها...
فتحت عيونها وشافت أبوها توجه للمجلس ...
ابتسمت بشماته على إخوانها
اكيد أبوها اليوم رح يمسح فيهم الارض وبسرعه توجهت من الباب الثاني باتجاه غرفتها..تبغى تهرب قبل ما يرجع لها ويمسح فيها الارض!!
xxxx
xxxx
xxxx
xxxx
xxxx
xxxx

في اليوم الثاني
قاعده تكلم نايف وبعناد  نطقت: صعب
نجق بأصرار: لا مو صعب ما له داعي تتزلين تحت وتغدي بغرفتك
نطقت بضيق من إصراره: أبوي ما يقبل أحد يتناول الاكل بغرفته
نايف تأفف بصوت عالي: أنا ما أدري أبوك من وين يجيب هالقوانين ؟!!
شوق لا تعاندين ونزول تحت لا تنزلين
نكقت بضجر: وش رأيك تقفل بالمفتاح علي ؟؟!!
نجق بحده : لا تقعدي تتمسخرين يا شوق ترى انا اتكلم من جدي!!
شوق  ابتسمت  وبمزح نطقت: ظنيتك تتكلم عن خال
قاطعها نايف وهو متنرفز من كلامها ..يتكلم بجديه وحضرتها تتريق ..وبعصبيه نطق : شوق...
إذا نزلت أنا الي رح أتصرف معك!!
وقفل الخط بوجهها
ناظرت الجوال بصدمه كيف يقفل الجوال بوجهها
وسرعان ما ابتسمت لما تذكرت غيرته
ما يبغى إنها تجلس مع فارس
تشعر بالسعاده من زمان نفسها تتزوج شخص يحبها
ويغار عليها
مو مثل الحيطه فارس لما كانت مخطوبه له
ومع ذلك عاندت ولبست ونزلت تحت..ما رح تسمح له يفرض رأيه عليها وهي في بيت أبوها!!

xxxx
xxxx
xxxx
xxxx
xxxx
وقف باب بيتهم نزل من السياره واتصل عليها
وخلال كم رنه ردت عليه بنبره زعل : الو
نايف بجديه : وينك ؟
شوق ابتسمت : تحت ننتظر ابوي على الغداء ع
قبل ما تكمل قفل الخط بوجهها وحط الجوال بجيب
البنطال
ودخل وهو ما يشوف من العصبيه
ام صقر ناظرته وهو داخل تكلمت بعتب : وينك تأخرت
يالله نبغى نتغدى
قاطعها بصراخ : ما ابغى سم الهاري
وطلع وتوجه لغرفته
ياسمين واقفه قريب من عند امها اشرت بهمس : علامه ؟؟
ام صقر : اعوذ بالله لما يعصب ما ينقرب
دخل غرفته معصب حاس بنار بقلبه كيف تقعد مع طليقها
ما قدر يصبر اكثر ورجع يتصل فيها وهو يهز رجوله بعصبية بس ما ردت
ولعت معه وكتب لها رساله « اذا ما رديت ......."
وسرعان ما مسح الرساله ودخل على قائمة الاسماء
واختار الاسم وضغط على زر الاتصال
وهو يعض على شفته وينتظر الرد ...بعد كم رنه
وصله صوتها الهادي تكلم بهدوء : السلام عليكم.....كيف حالك خالتي ......الحمد لله بخير ....الكل يسلم عليكم .....ءء بغيت اسألك شوق عندك ؟؟ ......لا ولا شيء بس اتصل عليها وما ترد ......... خلاص الحين ارجع اتصل فيها .....ازعجناك ......تسلم....مع السلامه
تنهد براحه بعد المكالمة وبسرعه اتصل عليها
وقبل ما يفصل ردت بنبره زعل : نعم
ابتسم على نبره الزعل : الله ينعم عليك
ما ردت عليه
كمل بروقان : كيفك ؟
شوق بدون نفس : بخير
ضحك ضحكه قصيره : اموت على الزعلانين
طيب ليه زعلانه ؟؟
شوق وهي تمثل الزعل : ليه تقفل الجوال بوجهي
وتكلمني وكأني
قاطعها بروقان : انا اسف مو قصدي
وش اعملك اغار عليك
قاطعه طرق الباب بقوه كلم شوق : انتظري شوي
ورد بصوت عالي : نعم
شمس بصوت عالي فيه سخريه ؛ الله ينعم عليك
اتجه للباب وهو شاك انها سمعت المكالمة فتح الباب وناظرها وهو مكشر : وش بغيت كسرت الباب
طالعته شمس وهي رافعه حواجبها : جدتي تقول لك
تعال الغداء جاهز
رد عليها وهو يسكر الباب بوجهها : قلت ما ابغى ولا ترجعين مره ثانيه
ورجع يكمل المكالمه
ناظرت شمس الباب بقهر كيف يقفل الباب
بوجهها ردت بصوت عالي : من زين خشتك حتى ارجع مره ثانيه
ونزلت معصبه تحت
دخلت صاله الاكل وناظرت جدتها وتكلمت وهي ماده البوز : ما يبغى يتغدى
ام صقر باستغراب : علامه كذا ؟؟
شمس بقهر : تخيلي يا جده قفل الباب بوجهي وانا اكلمه
اسراء رفعت حاجب : وليه قفله ؟؟
شمس مطت شفتها بقرف : قطعنا عليه مكالمته مع صنوايت
ياسمين وهي تجلس جنب شمس : وش عرفك انك يتكلم معها ؟؟
شمس وهي تقلد نايف بسخريه وهو يتكلم : الله ينعم عليك كيفك ؟ زعلانه ..اموت على الزعلانين ..انا اسف بس وش اعمل اغار عليك
قاطعها محمد وهو يمسك اذنها كان داخل وسمع كلامها : وانت تتجسسين عليه ؟؟
ابعدت شمس يد ابوها عن اذنها وبتبرير : لا كان صوته عالي انا وش دخلني !!
ولوت بوزها
ام صقر وجهها احمر من القهر : نايف ويعتذر لهذي الزفته ؟؟
محمد طالع امه : وش فيها يمه تراها زوجته ويمكن غلط عليها
مو عيب الرجال يعترف بغلطه
ام صقر : خلاص يا محمد ....رح تشوف هالبنت اذا ما اخذته مننا وقلبته علينا
وبتوعد
لكن بعيد عنها والله إلا  أكون لها مثل الشوكه بالحلق
ويصير خير
اسراء تغير الموضوع : وين فيصل واختك قمر؟؟
شمس بتأفف : ما يبغون غداء
محمد بمزاح : اليوم يوم الاضراب العالمي عن الاكل
وسكت لما شاف ملامح امه المعصبة

xxxx
xxxx
xxxx
xxxx
xxxx
ياسر يناظر امه : والله انهم ناس محترمين واخوها معي بالدوام
فاطمه هزت رأسها : طيب خلينا نسأل عنهم
قاطعها برفض : انا سألت عنهم ما له داعي
وناظر ابوه : وش قلت يبه ؟/
ناصر بهدوء : على خير ان شاء حدد موعد مع الجماعه
علشان نشوف الوضع
توسعت ياسر ابتسامته بفرح
بس قاطع هالابتسامه تدخل فارس باعتراض : بس انا اقول يبه هذي الامور تحتاج لتروي ووقت للتفكير مو بذي السرعه
انقهر ياسر من كلامه ورد بنغزه : يعني نجلس نفكر 3 سنوات وبعدها نقرر
ابتسم فارس وهو يحس بقهر ياسر وانهم للحين مقهورين لانه ترك شوق بعد 3 سنوات : مو كذا بس ليه ما تتزوج من بنات العيله تعرفهم اصلهم وفصلهم
الجده بتأييد : صادق فارس ليه ما تتزوج من بنات العيله
ناصر هز راسه بموافقه : صحيح فكر يا ياسر
ياسر احتدت ملامحه من تدخل فارس : اتوقع اني ما استشرت احد باختيار العروس كلامي واضح
انا قلت علشان نروح نخطب فلانه والامر بالنسبة لي منتهي وغير هالبنت ما راح اتزوج
تنهد ناصر وهو مضطر يمشي مع ياسر لانه يخاف
اذا تركه يرجع لجدته فتكلم بهدوء : خلاص ان شاء
اتفقنا على البنت حدد موعد مع اهلها
وربنا يوفقك
فارس انتفخ وجهه بقهر من رد ناصر طول عمره وكلمته تمشي عند ناصر لكن الحين تحسه تغير
سكت وما علق على الموضوع وهو يبغى يشوف نهايتها!!

xxxx
xxxx
xxxx
xxxx
xxxx
شوق وهي مستلمه امها بالتحقيق : طيب ما قال
كيف شكلها ؟؟ طيب عمرها؟؟
فاطمه والموضوع كله مو داخل رأسها : ما قال شيء
شوق ولقافتها ذابحيتها : طيب وش تدرس ؟
فاطمه بملل من تحقيقها : مخلصه ثانويه
شوق لوت بوزها : طيب كان اختار وحده معها شهاده جامعيه
طالعتها فاطمه وهي معقده حواجبها : الي يسمعك يقول معها شهاده دكتوراه
انت حتى ثانويه ما كملت وجايه تتشرطين
لوت شوق بوزها : مو كأنه زوجك هو الي طلعني من المدرسه
فاطمه بسخرية : شايفه ابوك الظالم كنت من الاوائل وحرمك من الدراسه
اقول قومي من عندي احسن لك
شوق بملل : وش هالعيشه الواحد في بيته وما يرتاح
ما اقدر لا أنزل ولا أطلع الا متغطيه والله اني احس اني مخنوقة
دخل ناصر بعد ما سمع كلامها : هذي خلود مثلك ما تطلع وتدخل إلا متغطيه
وقفت شوق استعداد للخروج من جناح امها وتكلمت بتوتر : بس خلود لها جناح فيه مطبخ فيه كل مستلزماتها ومو مجبوره تنزل تحت
ناصر طالعها : باكر تتزوجين وترتاحين
صار وجهها احمر من الخجل واستأذنت وطلعت
بسرعه من الجناح

xxxx
xxxx
xxxx
xxxx
xxxx
xxxx
فارس بعصبية : قهرني كلامه فعلاً اني كنت مغفل لما فكرته يعاملني مثل عياله واحسن بعد
بس كله طلع وهم بوهم
فهد يهدي فيه : لا يا فارس ما توصل لذي الدرجه لا تنسى
عمي ناصر كيف رباك واهتم فيك اكثر من عياله
الحين على موقف زي كذا تنسى فضله عليك
فارس بقهر : مو موقف اكثر من موقف بين فيه
كيف فضل عياله علي
فهد تكلم بصراحه : هذا انت قلتها عياله
فارس للحين نار بقلبه : انا يطلب مني اطلع من البيت واستأجر علشان الزفته
فهد يدافع عن عمه : كلام عمي منطقي عرض عليك
ترحل علشان زوجتك تأخذ راحتها
ولما رفضته طلب منك تستأجر لوقت زواج شوق
وبعدها ترجع
البنت اكيد مضغوطه من تواجدك
فارس بكره لشوق : الله يأخذها دائما هي سبب المشاكل
فهد يهدي الوضع : خلاص الموضوع انتهى وانت رفضت تطلع وليه الحين معصب ؟؟
فارس زفر بقهر : كل ما اتذكر الموقف يرتفع ضغطي
فهد : طيب ما قال شيء بعد ما رفضت
فارس بدون نفس يتكلم : ما قال شيء بعد ما حلفت يمين اذا طلعت ما رح ادخل هالبيت مره ثانيه
فهد : وخلود قلت لها شيء ؟؟
فارس وهو عافس ملامحه ؛ مو ناقصني ازعاج
فهد ؛ ههههه اذا الموضوع يتعلق بشوق ما تسكت ابد
فارس : ما الومها هو في احد يطيقها هالشوق
ابتسم فهد : نايف
فارس عفس ملامحه بقرف : يا كرهي له غثيث مثل شوق
بس يستاهل ابوي ناصر واقف له مثل الشوكه بالحلق
فهد بنغزه : عمي ناصر وقف شوكه بحلقنا كلنا
فارس ابتسم بدون نفس : وقليل عليك
فهد فتح عيونه : يالخاين وهذا انا صديقك

xxxx
xxxx
xxxx
xxxx
xxxx
xxxx
ام صقر وهي معصبه : والله حنا بكيفنا... ما نبعى نزوجك الحين
ما يطلع له ابوها يتشرط ويعجل موضوع الزواج
نايف وهو متضايق من كلام ناصر : طيب وين المشكله يمه ؟؟
ام صقر بعصبية : ما يمشونا على كيفهم
حنا الي نحدد موعد الزواج مو حضرتهم
سكت نايف وهو يتذكر كلام ناصر لما جلس معه
"ناصر : اسمع يا نايف ابغى افتح معك موضوع موعد الزواج
نايف بهدوء : والله انا افكر الزواج يكون على الاقل بعد 8 اشهر
ناصر باعتراض : لا كذا كثير
الناس اذا تأخرت الخطبه الناس تتكلم
نايف رفع حاجب : يعني اعطيني الموعد المناسب !
ناصر سكت للحظات وبعدها تكلم : مثل ما سمعت الشهر الجاي عرس عمك ساري يكون بنفس اليوم
نايف بفجعه : لا مستحيل
ناصر : وليه مستحيل ؟؟
نايف بقهر : انا مو مجهز نفسي والعرس يحتاج لترتيبات
قاطعه ناصر يحزم الموضوع : المصاريف والترتيبات نفسها والحجوزات نفسها مع ساري
نايف برفض : لا ما اقدر صعب يا عمي
ناصر : شوف اذا يا نايف مو قادر على الزواج
خلاص افسخ الخطوبة انا ما ابغى
قاطعه نايف بعصبية مكبوته : يا عمي وش تقول ؟؟
ناصر : هذا الي عندي تبغى الزواج الشهر الجاي حياك
الله
ما تبغى براحتك
ابنتي عندي وانت شوف نصيبك
"
زفر بضيق من هالموقف قهره ناصر ... ما يطلع له يضغطه كذا يحدد عليه ...ناظر عمه محمد  وهو يتكلم : طيب وش السبب انهم يبغون يعجلون بالزواج
نايف الي ضايق صدره وما قال لام صقر انه ناصر
طلب الانفصال خاف تفتح موال الطلاق رد بحرص  ما يزل لسانه بكلمه: ما ادري بالضبط ما يبغى الناس تتكلم اذا طالت الخطوبه
ومن هذا الكلام
ام صقر بعصبية : اتصل فيه وقل له زواج ما عندنا
وحنا الي  نقرر موعد الزواج....
عجبه حياه الله
ما عجبه من باكر ترسل ورقة الطلاق
قاطعها بضيق من هالكلام : يمه اذا لي خاطر عندك لا تتطرين الطلاق
وبنبره ضعيفه
لاني اذا انفصلت عنها رح اموت
قاطعته ام صقر وهي فاتحه عيونها بقهر : ما ادري وش معلقك فيها
ما صار لك فتره خاطبها هذا وانت خاطبها تقول كذا
بعد الزواج اذا شفناك نحمد ربنا
الظاهر هالبنت خلتك مثل الخاتم بإصبعها
مسح على وجهه بضيق من كلام جدته
ناظره ساري وحزن عليه وهو يشوف كيف متعلق بشوق.. تكلم يحل الموضوع حتى ما توصل للطلاق : خلاص الشهر الجاي انا وانت بنفس اليوم
حرك نايف شفتيه يقاطعه
بس كمل ساري وهو عارف وش يبغى نايف يقول : والتكاليف سواء تزوجت او لا انا دافع دافع
فما رح تزيد تكاليف وين المشكله عندك ؟!!
وإذا على تكاليف زوجتك أنا مستعد أعطيك
قاطعه نايف بضيق : وش جابرك تدفع عني
قاطعه ساري : لا تخاف دين وترجعه لما يتحسن وضعك
وغمز له
ابتسم نايف وهو مهموم : انا عندي فلوس بس ما أبغى افرط فيهم
عندي مشاريع ولازم يكون عندي
قاطعه محمد : وحنا وين موقعنا إذا ما نساعدك بوقت الضيق
متى يعني ؟؟
اي شيء انا وساري موجودين واعتبره دين وتسده على راحتك اتفقنا
هز راسه وابتسم براحه
وسرعان ما انمحت ابتسامته لما شاف ملامح ام صقر
المعصبه
تكلم بتردد : ي يمه
وقفت ام صقر بعصبية : وحطبه
وطلعت من الصاله
ابتسم ساري يخفف عن نايف : طنش باكر ترضى
ساعة زعل
و تعرف انت بالذات ما تقدر تزعل عليك
زفر بهم ورسم ابتسامة مجامله لأعمامه

xxxx
xxxx
xxxx
xxxx
xxxx
xxxx
شوق برفض بعد ما وصلها موعد الزواج : مستحيل كيف بعد شهر ؟؟
نايف طالعها ؛ عادي معك شهر تجهزين نفسك
شوق حاست بوزها : شهر ما يكفي
وليد عفس وجهه بقرف : انتم البنات عليكم خبال زايد
الي يسمع يقول جالسه في بيت ابوها عريانه
والحين تبغى تشتري من الصفر
طالعته شوق بحقد للحظات...ورجعت ناظرت نايف : طيب بعد 3 اشهر
خالد وهو متكتف : اعترضي من هنا لباكر ما رح أحد يسمعك
خلاص ابوي وافق واتفق مع نايف
طالعه نايف وبنفسه كثر منها وافق مو كأنه جبرني بعد شهر ابتسم مجامله : اي شيء تبغينه بس اتصال
عبود وهو مرتكي على يد الكنبه : لو تعملونه الاسبوع الجاي يكون افضل
شوق بكره : لو تسكت لمده اسبوع يكون احسن
وناظرته باحتقار
طالعها عبود وعفس ملامحه بقرف
نايف بابتسامة: بما انه الزواج الشهر الجاي تقدرون تعطونا مقفاكم
خالد وهو يلعب بحواجبه : نو نو
لاخر لحظه رح نبقى نحرسكم لباب الفندق
نايف انقهر من الحراسه المشدده : تدري لو تعملها الا بشعرك ارميك خارج المنطقة كلها
خالد بابتسامة طالع شوق : شوفي زوجك وش يقول ؟
اشوفك ساكته
شوق بابتسامة ؛ عادي يطلعله يقول الي يبغاه
وحركت حواجبها تجاكره!
ابتسم نايف وهو مسحور من جمال ابتسامتها مع الغماز...
وليد ناظرها : توقفين مع الغريب ضد اخوانك
شوق بابتسامة تقهره ؛ هذا زوجي مو غريب
انقهر عبود من ردها : هذي نفسها الي نسحبها للمجلس علشان تجلس والحين اشوف لسانها مترين زوجي وزوجي
نايف بابتسامة وهو يشوف شوق بصفه : هذي الزوجة والا بلاش
عبود بصوت هامس : مالت عليك وعليها

xxxx
xxxx
xxxx
xxxx
ثاني يوم نايف بهدوء يتكلم بالجوال عن تجهيزات العرس
شوق باعتراض : لا ما ابغى هذي القاعه
نايف وهو رافع حاجب : وليه ان شاء الله ؟
شوق زمت شفتها  بجعرفه: كذا مزاج ما أحبها
نايف عقد حواجبه بضيق من ردها: بس القاعه اختارها عمي ساري وحجز كل شيء
شوق قاطعته باعتراض : يا سلام وعلى أي أساس يختارها عمك ؟!
وأكيد الحين خطيبته هي الي اختارتها !
وانا ليه ما يطلع لي اختار ؟
وإلا شايفني ناقصه عن جيلي ؟!
ابعد السماعه شوي عن اذنه من صوتها وبعدها رجعها وللحين يتكلم بهدوء : يعني وش تبغين أروح أقول له إلغي الحجز ؟!!
شوق  بإصرار: ايوه بالضبط
نايف ببرود زم شفته؛ بأحلامك يا حلوه
مستحيل اعمل هذا الشيء
شوق بعصبية : اقول لك خلاص انسى موضوع الزواج ما أبغى اتزوج
قاطعها بهدوء يتفاهم معها: شوق وبعدين معك ؟؟
هي لعبه بزران ؟
شوق وبنفس العصبيه : زواج ما أبغى اتزوج وخلصنا
وقفلت الخط بوجهه
ناظر الجوال ووجهه أحمر من العصبيه
ناظره ساري الي كان جالس قريب منه وصوتها كان طالع من الجوال تكلم بهدوء : خلاص ما في داعي للمشاكل ألغي حجز الصاله
قاطعه نايف بضيق لما عرف انه سمع المكالمه : ما له داعي عمره ما يعجبها إن شاء الله
وقسم بالله إذا زودتها إلا أخذها من بيت أبوها بعباتها
ساري يهدي فيه : ما توصل الأمور لذي الدرجه
نايف بقهر : بس ما يصير انت الي تدفع وحنا الي نتشرط
خطيبتك أولى منها تختار
وبعد ما تختار نلغيه علشان ما عجب حرمي المصون
لا تهتم ما عليك منها
طالعه ساري بهدوء : ربك يعين ..كذا الحريم طبعهم!!
وبتساؤل نطق:  أعطيتها المهر ؟
نايف بعبوس : ايه أعطيتها
ساري بنغزه : ان شاء الله يكفي وما تطلب زياده
نايف عقد حواجبه : وليه ما يكفيها ؟
اصلا المبلغ يكفي وزياده
قاطعهم دخول ام صقر وبسرعه قفل نايف على الموضوع..خاف جدته تفتح موضوع الطلاق ...

xxxx
xxxx
xxxx
xxxx
مر اسبوع وشوق ما تكلم نايف واذا اتصل ما ترد عليه
قاعده وتفكر وش رح يصير بسبب عنادها
ما تبغي تهدم بيتها من اوله وتخلي الي حولها يتشمتون..غبيه وما تعرف تتصرف .... مسكت الجوال بقهر
وقبل ما تتصل ..ناظرته اسمه يتصل فيها ...انتظرت
كم رنه وقلبها يدق طبول وبعدها فتحت خط وردت بثقل : الو
نطق بصوته المرح: هلا وغلا بغيت اجيب جاهة علشان تعبريني وتردين علي!!
المهم أخبارك شوقي!!
شوق تمثل الثقل حتى تنفذ الي في بالها : الحمد لله اخبارك ؟/
نطق  بعتاب: مطنشيتني اسبوع وتسأليني عن اخباري ؟
شوق حست بسخافتها وسخافه تصرفها ...للحظه كانت تبغى تعتذر عن الموقف : انا
قاطعها وهو يتكلم : اتصلت فيك علشان نروح نحجز قاعه لأني أجلت الزواج بعد أسبوع من زواج عمي
بس حضرتك ما رديتي
واليوم اتصلت بعمي ناصر علشان تروحين معي نحجز
بس للأسف الإجابه المعروفه ما عندنا بنات يطلعون مع الخطيب
شوق بتأفف : يعني ما في طلعه
نايف : لا
طيب خلاص قولي اسم القاعه الي تبغينها وانا احجزها
يصير كذا ؟؟
شوق مو عاجبها موقف أبوها : اوكي
نايف بتنبيه: لا تقولين أعطيك وقت تفكرين لانه الوقت ضيق وأكيد مخططه لقاعه معينه يلا قولي اي قاعه ؟
شوق : اممم قاعه (.......)
قاطعها نايف : لا انسي هذي القاعه
شوق عفست ملامحها : وليه ان شاء الله ؟
نايف بكل صراحه تكلم : عمي تكفل بالقاعه على حسابه
وهذي القاعه اسعارها مره غاليه فأنا ما احب اكلف أحد معي
شوق مو عاجبها : وانا وش دخلني ؟؟
تبغى نتزوج بقاعه مثل الزفت علشان توفر على عمك
دامه مو قد كلمته ليه يتعهد بالقاعه
انقهر من كلامها على عمه رد بعصبية : تكلمي بأدب احسن لك ...اقول لك انسي موضوع القاعه ورح نتزوج مع عمي بنفس اليوم وبنفس القاعه الي حجزها ..مو عاجبك طقي راسك بالجدار ...
قاطعته بقهر : روح تزوج لوحدك انا
وسكتت لما قفل الجوال بوجهها
انقهرت من حركته ووقفت وهي تبربر عليه...ليه يقول لها تختار دام إنه مو قدها ..يبغى يوفر على عمه ...يصير خير يا نايف!!
xxxx
xxxx
xxxx
xxxx
ياسمين باستغراب : وبعدين معكم ساعه تقول الزواج مع ساري
وساعه تقول اجلتوه بعد اسبوع والحين تقول
مع ساري ؟
اثبت على موعد واحد
نايف ما له خلقها : وانت وش مضايقك بالموضوع
ام صقر دخلت وهي رافعه حاجب : وقسم بالله الي رفع سبع سماوات اذا حجزت لها قاعه ثانيه
لساني ما يناطق لسانك
طالعها باستغراب وش عرفها بسالفه القاعه
ناظر ساري بشك بس بادله ساري بنظره إنه ما تكلم
تابعت ام صقر كلامها بعد ما جلست : حضرتها تتشرط علينا الي يسمع يقول ميتين عليها
ساري قاطعها : ما له داعي هالكلام
نايف بضيق : يمه خلاص انتهينا من هالموضوع
والزواج مع عمي ساري
طالعته ام صقر وهي تغلي من الداخل : طاوعني وطلق الحين
وانت الربحان
وقف نايف بدون اهتمام لكلامها : يمه قلت لك من قبل تبغين اتخلى عن روحي
قاطعته ام صقر بعصبية وهي تشوف تعلقه بشوق : خلاص حفظنا هالموال ..متى امداك تتعلق فيها وتصير روحك ...صدق لما قالوا لو خطبت حماره الا تتعلق فيها !!
ناظرها بعتب: يمه
ام صقر مطت شفتها بمكابره: انا نصحتك ...لا تيجي يوم و تشتكي عنها فاهم
نايف بابتسامة : لا تخافين ما رح ييجي ذاك اليوم
وتركهم وطلع
xxxx
xxxx
xxxx
xxxx

فاطمه خزتها بعيونها : تدرين إنك ما تستحين على وجهك
قاطعتها شوق بدفاع : من حقي اختار مثلي مثل باقي البنات وإلا أنا ناقصه يد وإلا رجل
طالعتها فاطمه من فوق لتحت : ناقصك عقل
شوق فتحت عيونها بصدمة : يعني أنا مجنونه ؟!
فاطمه :  ايه مجنونه وحده تخرب بيتها علشان قاعه !!! قاعه يا متخلفه ؟؟
شوق بقهر : يمه لو سمحتي عن الغلط
وبعدين اخوه معه فلوس ما تأكلها النار وش فيها لو دفع لنا قاعه
فاطمه : وليه ما فتحتي عقلك واخذتيه ابو فلوس الي
النار ما تأكلها
شوق لوت بوزها : موضوع وانتهى
خلينا الحين بالقاعه
فاطمه وقفت وناظرتها بتحذير : اتصلي فيه وحلي الموضوع
قبل ما يصل الموضوع لأبوك لأنه اتوقع رح تشوفين ورقتك بيدك
فاختصري المشاكل
شوق باستبعاد : وليه رح يطلقني منه ؟
فاطمه تدق الوتر الحساس : لأنه ابوك
وبعدها سكتت
خلاص انسي واتصلي بنايف انا نبهتك
وتركتها وطلعت
ضربت الارض تحتها بقوه من القهر
وتوجهت للجوال وفتحت على اسمه وبتردد
ضغطت على زر الاتصال
ما رد عليها انقهرت من تطنيشه
ورجعت اتصلت مره ثانيه وبأخر رنه وصلها صوته البارد : الو
شوق توترت: هلا
رد ببرود : اهلين
سكتت شوق ما تدري وش تقول
نايف بجفى : تبغين شيء لاني ما عندي وقت
قاطعته بقهر : ليه تكلمني كذا ؟
نايف  بحده: إسألي نفسك يا حرمي المصون
شوق حاست بوزها : زعلان
نايف : يهمك يعني ؟
شوق باندفاع : اكيد يهمني
نايف بابتسامة : لا مو زعلان انت زعلانه ؟؟
شوق : لا
نايف بتردد : والقاعة ؟؟
شوق بقهر من هالموضوع بس مجامله : لو تختار خيمه بالبر بدال القاعه رح تعجبني دامك اخترتها انت
خلاص موافقة على القاعه الي اختارها عمك
نايف بابتسامة : يا عيني عليك
وبعدين كل هذا مظاهر علشان كم ساعة ندفع هالمبلغ
وفي ناس مو لاقيه لقمة العيش وحنا نصرف بهذا الشكل
ولا تنسين الحفله من باب اعلان النكاح لانه جدتي ما لها
وقت ميته وما يطلع بيدنا نعمل رنه ورقصه
قاطعته بقهر : لا والله ؟
هو عزاء ولا فرح ؟؟
نايف وهو ماسك نفسه : فرح بس فيه شيء اسمه احترام
شوق باعتراض : لو جدتي انا توفت رح تعملون رنه ورقصه وما رح تحترمون ميتنا
اما انتم لازم نحترم ميتكم
وش هالتفكير هذا ؟؟
نايف بنفاذ صبر : شوق وبعدين ؟؟
شوق بقهر : يعني وش رأيك ألبس أسود علشان يكون عزاء اصلي
نايف وهو يتعوذ من الشيطان : شوق لا تعملي مشاكل
أهلي ما يبغون هذا الشيء فما له داعي للمشاكل
وخلي هاليوم يعدي على خير
شوق برفض : مو على كيفكم يكفي القاعه وقفلت حلقي وسكتت
اما توصل لذي الدرجه خلاص
قاطعها قبل ما تكمل  وهو يكرر جملتها المعتادة: "خلاص انسى الزواج"
مو هذا الموال الي حافظيته ؟!!
وبعصبية وقسم بالله لو تعيدين هالكلمه الا فعلاً ألغي الزواج وكل شيء ينتهي
وقفل الخط بعصبية
ناظرت الجوال بقهر تبغى تكحلها عمتها
رجعت تتصل فيه بس كان مقفل عصبت ورمت الجوال
على السرير وتوجهت تغسل وجهها علشان تخفف الغليان والقهر الي بداخلها وتفكر بروقان..بس يقهر كيف زواج بدون شيء ..يجلسون المعازيم يتفرجون على بعض ..والي يسمع من كثر حزنهم على جدتهم ...
xxxx
xxxx
xxxx
xxxx
xxxx

مرت الايام وما بقى على العرس الا يوم ونايف مقفل جواله تتصل فيه بس ما في فائده
ما خبرت امها مو ناقصها محاضرات
ما تدري كيف تتواصل معه
وفجأة لمعت بعقلها بفكره وبسرعه اتصلت
وبعد كم رنه وصلها صوتها البغيض : الو
شوق : مرحبا
ردت بحاجب مرفوع:اهلين مين معي ؟؟
عفست شوق بوزها مو مخزنه رقمها عندها مالت عليها ..طنشت حركتها  وبلباقه نطقت: معك شوق
ردت ام صقر  بتساؤل: مين شوق ؟؟
انقهرت شوق من ردها وحست انها مقصوده وبنفسها شوق الي رح تحط المر بحلقك بس اصبري وردت بدلع تقهرها : شوق خطيبه نايف
ام صقر عفست ملامحها وردت بدون نفس : نعم ؟
بغيتي شيء ؟
شوق بنفسها بغيت تموتين وارتاح من خشتك
اخذت نفس وتكلمت بنفس الدلع : اتصل بنايف وجواله مقفل
ام صقر بقرف تتكلم : يمكن يبغى يرتاح من صوتك
علشان كذا قفله
انقهرت شوق من ردها وتمنت لو إنها قدامها عضت على شفتها بقهر للحظات ورجعت لنفس الدلع : نو نو نايف ما يعملها إذا ما سمع صوتي قبل ما ينام ما يعرف ينام
قاطعتها ام صقر بقهر وعصبيه من كلامها : خلصيني وش بغيتي ؟
لا تقولين داقه علشان تسمعيني هالكلام التافه
شوق بنفسها انا كلامي تافه يا سخيفه اذا ما خليتها تندم : لا اتصلت علشان تقولين لنايف يرسل لي مبلغ«...» عندي اغراض ما كملتها
وضروري اشتريها قبل الزواج
وبس هذا الي بغيته سلام!
قفلت الخط وعفست ملامحها بقرف... انقهرت من ام صقر تتكلم معها وكأنها متسوله جالسه عند باب البيت
وسرعان ما ابتسمت لما تذكرت شهقتها لما قالت المبلغ
عدلت جلستها وهي تنتظر اتصال نايف لانها متأكده
لما يسمع بالسالفه رح يتصل فيها
xxxx
xxxx
xxxx
xxxx
xxxx
xxxx
ام صقر بعصبية : تفكر انه نايف جالس على بنك لحضرتها
وش تبغى بالفلوس ؟؟
دخل نايف وصوت ام صقر طالع لبرا رد السلام باستغراب
ام صقر بعصبية : من وين ييجي الخير وانت رح تتزوج
الي ما عمرها شافت خير
جلس على الكرسي بتعب وعرف لوحده المقصوده بالكلام رد بهدوء : وش فيه ؟؟
ام صقر بقهر  : حرمك المصون اتصلت فيني تبغى
فلوس
تقول الفلوس ما كفوها
محمد : طيب يمه ما فيها شيء يمكن الفلوس ما كفوها والحين كل شيء غالي
ام صقر ناظرته : تدري المبلغ الي طلبته كم ؟؟
ناظرها وهو ينتظر يسمع
كملت ام صقر :تبغى «...»
محمد رفع حاجب : من جدها تبغى هذي الفلوس
وناظر نايف ترى خطيبتك مو صاحيه !!
الظاهر تبغى تشتري السوق كله
ابتسم نايف وهو يناظرهم
ام صقر بقهر لما شافت رد فعله : اشوفك تبتسم ؟!!
نايف بابتسامة عريضه : وش تبغين اعمل ؟!،
ام صقر ؛ واكيد رح تروح تعطيها الفلوس
نايف : ومين قال لك انها تبغى فلوس ؟؟
ام صقر : انا سمعتها بإذني
نايف وقف بتعب وراسم الابتسامه : يا يمه هي مو قصدها فلوس
في بيني وبينها موضوع وهذا الرقم الي طلبته تقدري تعتبريها رساله مشفره
وعلشان جوالي كان مقفل اتصلت فيك تبلغيني بالرسالة
ام صقر بقهر : والله صارت اسرار ورسائل خاصة
لعبت بعقلك هالبنت
ابتسم لها وطلع بدون ما يرد
محمد ناظر امه : الله يهديك يمه وش تبغين فيهم ؟
انت من وحدك المفروض عرفت انه في موضوع بينهم
وهذي كلمه السر
والا عروس تجهز وترجع تطلب هالمبلغ
ام صقر حركت حواجبها : كل هالموضوع مو داخل راسي

xxxx
xxxx
xxxx
xxxx

xxxx
اول ما رن الجوال فتحت خط وردت بلهفه : الو
ابتسم ورد : هلا
شوق بقهر  : واخيرا فتحت خطك كل هذا زعل
ضحك ضحكه قصيره : لا والله مو زعل
لو اني زعلان كان ما كلمتك
شوق بحيره : طيب ليه مقفل الجوال ؟؟
رد بابتسامة ؛ قفلته علشان ما تتطلبين طلبات غريبه
و نفترق بسببها
علشان كذا قفلته
وكأنه تذكر : الفلوس أرسلها مع السواق
قاطعته بابتسامة : وش رايك تجيبهم ونطلع نتسوق
قاطعها : وناصر يدري ؟
شوق بابتسامة : امزح معك اصلا كملت كل شيء
نايف : خلاص انا اوصلك باكر لعند الكوافيره
شوق بتردد : اشوف ابوي وارد لك خبر
عصب نايف : وبعدين مع ذي السالفه
ترى ابوك زودها
خلاص ما بقى فيها باكر العرس
شوق باستسلام : هذي الاوامر
نايف بقهر : يصير خير
xxxx
xxxx
xxxx
xxxx
xxxx
xxxx
xxxx
xxxx
طلعت شوق من المطبخ وهي متغطيه
شافت فارس جالس بالصاله لفت وجهها وتوجهت باتجاه الدرج وهي تسمعه يتكلم : الحمد لله جاء من يقص لسانك ويخليك تمشين مستقيم
استفزها كلامه و ردت تقهره : لانه رجال قدر يمشيني مستقيم
وعضت على شفتها بندم على طول لسانها
لانه نايف منبه عليه مجرد السلام ممنوع ترده على فارس
عصب فارس من كلامها وما رد وهو يشوف ناصر دخل البيت
قبض يده بقوه وهو منقهر من ردها
لكن حلف الا يخليها تندم
xxxx
xxxx
xxxx
xxxx
xxxx
دخلت غرفتها وطنشت الموقف وتوجهت تجهز نفسها
قبل وصول نايف علشان يوصلهم للكوافيره
بعد ما جهزت نفسها توجهت لجناح امها علشان تروح معها
دخلت الجناح بعد ما استأذنت وجلست على الكنبه تنتظر امها تتجهز
شوق وهي تناظر امها رايحه جايه تكلمت بضيق : يعني ضاقت عليهم يعملون عرس عمه معنا
فاطمه : وش مضايقك انت ؟؟
شوق بقهر ؛ يمه خطيبة ساري مثل اختها تجنن
اكيد رح تغطي علي
فاطمه : خلي عندك ثقة بنفسك
وبعدين وش تبغين فيها اهم شيء نايف
تأففت وقلبها طبول : لما اتذكر الزواج قلبي
يطق طبول من الخوف
فاطمه وهي تلبس بالشيله ؛ توكلي على ربك
شوق : والنعم بالله
تدرين يمه مستغرب كيف ابوي وافق انه نايف يودينا
فاطمه بابتسامة ؛ بما انه اليوم الزواج انرفع عنكم الحصار وياسر تدخل بالموضوع
شوق لوت بوزها : بعد ما نشفتم ريقه

xxxx
xxxx
xxxx
xxxx
واقف ينتظرها بالسياره ويدندن بفرح مسك جواله واتصل عليها ...هلا ومرحبتين .......خذي راحتك .....وش عندي ههههههه........مستعد انتظرك الف سنه على مهلك يا حلوه ..... لا والله خايف ييجي ابوك ويغير رايه هههههه...... انا ابغى اتغلب لعيونك ......ههههه يلا سلام
بعد لحظات نزلت وهي وامها وركبوا السياره ونايف
الابتسامه شاقه حلقه

xxxx
xxxx
xxxx
xxxx
xxxx
خلود لوت بوزها بقرف : لولا انه خالتي شريفه لزمت علي احضر والا كان ما رحت ولا شفتها بعيني
دانا : نفسي تطلع مثل القرده علشان تنكسر خشومها
خلود بابتسامة شماته : لا تخافي لو طلعت حلوه
معها خطيبة ساري تقول للقمر انزل واجلس مكانك
فأكيد رح تغطي عليها
ناظرتهم مريم وما شاركتهم بالكلام
دانا : شفت زوجة محمد بعرسكم تجنن
خلود : ايه وانا شفتها ويقولون خطيبة ساري أجمل منها
دانا زمت شفتها : يا حظهم
مريم ناظرتها ؛ لازم تحمدي ربك على خلقتك
غيرك يتمنى
قاطعتها دانا وهي تمسح وجهها بيدينها ؛ الحمد لله والشكر
xxxx
xxxx
xxxx
xxxx
xxxx

قاعده بغرفة العروس وعافسه ملامحها بقهر : والله ما اطلع ولا أنزف
فاطمه فتحت عيونها باستنكار : وش تقولين ؟تبغين تفضحينا ؟
شوق ردت وعلامات القهر بملامحها : جكر بأهله ما رح أنزف ولا أبغى أشوف أحد
الجده تحاول تحل الموضوع وبنبره حانيه مسكت يد شوق : تعوذي من الشيطان يا شوق وخلي هالليله تمر على خير
شوق قاطعتها بغضب مكتوم : ما كلفوا خاطرهم يدخلوا هنا ويباركوا لي
جالسات بغرفه خطيبه ساري وانا ولا كأني عروس عندهم
فاطمه تهدي الوضع : وش عليك منهم
شوق قاطعتها : مو طالعه
ورح افشلهم قدام المعازيم
تأففت فاطمه من عناد شوق وبنفس الوقت ما عجبها
تصرف اهل نايف ولا كأنه عندهم عروس ثانيه
فاطمه بنفاذ صبر : الحين رح
اتصل بنايف ييجي يتصور
قاطعتها شوق بضيق : لا اتفقنا ما في صور
طالعتها فاطمه مو عاجبها شيء : انا اليوم جلطتي على يدك
ونفضت يدينها بقهر
الجده تنهدت بقهر وباستسلام : خلاص اتصلي بياسر خلي نايف ييجي يأخذها وانتهينا
فاطمه بقهر : يا خالتي الحفله بعدها ببدايتها
كيف يروحون الحين ؟؟
والمعازيم الي ينتظرون يشوفون العروس
قاطعتها شوق : الي يبغى يشوفني ييجي يسلم علي هنا
ام رائد بهدوء : شوق اختصري
فاطمه بعصبية : وش رايك ادخل كل المعازيم هنا ؟
الجده بهدوء : خلاص خبري بنات عمها وام مهند وحريم اعمامها ييجون يباركون لها هنا
وخلي هالليله تعدي على خير
فاطمة بضيق : كيف تطلعين والحفله بعدها ما بدأت
وليه من الاصل تيجين على القاعه كان رحت على بيتك احسن لك
كذا تفشلينا مع الناس
شوق بعناد ؛ يمه اختصار للشر ما اطلع قدام الناس
لاني ما اضمن نفسي
وبما انه المعاريس ما رح يدخلون فما له داعي دخولي اصلا
خزتها فاطمه بتوعد : وقسم بالله لولا انه اليوم عرسك
وإلا كان لي معك تصرف ثاني
شوق بلامبالاه : خلاص يمه قفلي على الموضوع
الجده اختصار للمشاكل : خلص يا فاطمه اتركيها على راحتها وقولي لربعنا من الحريم يباركون لها هنا
فاطمه زمت شفايفها بقهر ومشت خطوتين بس وقفت لما شافت ام صقر داخله ومعها ياسمين
رجعت للخلف خطوه وناظرت شوق والجده بدون ما تتكلم
ام صقر دخلت وهي رافعه خشومها
وسلمت على فاطمه والجده ببرود
وتقدمت ومدت يدها باتجاه شوق
رفعت شوق نظرها ورفعت يدها حتى تسلم وهي جالسه وماده البوز
ام صقر تحس ببركان رح تنفجر بأي لحظه وهي تشوف نظرات شوق
ياسمين سلمت بهدوء وباركت لشوق
حست بالفشيله لما طنشتها شوق وما ردت عليها
ناظرت ام صقر ياسمين واعطتها نظره شماته
حاست ياسمين بوزها وطنشت نظرات امها وتكلمت تبغى الحفله تمر على خير : يالله ما بقى شيء على الزفة
فاطمه ردت بسرعه لما شافت ملامح شوق المعترضه : بس دقايق
ياسمين : ان شاء الله
دخلت مريم واميره ومنال بابتسامه
اميره ناظرت شوق : يالله عجلي ما بقى وقت على الزفه
منال مسكت يدها وسحبتها برقه وما تركت لها مجال للاعتراض
ام صقر وهي تغلي من الداخل
وهي تناظر شوق
اما شوق حاسه بنظراتها بس طنشتها
وزادت من عيار الدلع حتى تقهرها
.....
....
.....
....
جالسه على الكوشه وهي تحس بالاحراج والحريم عيونهم
متوزعه عليها وعلى خطيبه ساري
تحس نظرات الإعجاب كلها متسلطه
على خطيبه ساري
تحس دمعتها بطرف عينها
هذا الي كانت خايفه منه
ناظرت خطيبه ساري
عيونها واسعه ملونه انفها صغير ،
فمها متوسط، شفايف مليانه ،
وجهها دائري، بيضاء
عضت على شفتها بقهر ما في وجه
مقارنه بينهم
سميه وكأنها لعبه
اكيد رح تجلب انظار الناس لها
رفعت نظرها على صوت اميره : ابتسمي يا قمر
ابتسمت شبح ابتسامه واتبعتها بزفره ضيق
رجعت نظرها وهي تشوف ام صقر
عند خطيبة ساري وما عبرتها
هزت راسها بتوعد الا تطلع كل هالحركات من عيونها
شريفه بابتسامة فرح اشرت لشوق تبتسم
ناظرتها شوق ولوت بوزها بقرف وكأنها ناقصيتها
شريفه حست بالفشيله وما تدري لمتى تعاملها شوق بذي الطريقه
وقفت فاطمه وهمست لشوق : وش فيك بوزك شبرين ؟؟
شوق بنفاذ صبر : خلاص زفه وانزفيت ابغى اطلع
فاطمه : بس شوي وتطلعين
وبهتت ملامحها وهي تشوف الي متوجه باتجاه الكوشه
ناظرت ام رائد وبلعت ريقها
**
**
**
**

توجهت لجهة الكوشه والهدوء يغلب على القاعه الا من همسات الحريم
ما في رنه ولا رقصه
وقفت على الكوشه بعصبيه وصوتها يلعلع : حشى حنا داخلين على عزاء ؟؟؟!!!
بسرعه شغلوا خلينا نرقص ونفرح
هذي حفيدتي ولازم افرح فيها غصب عن الراضي والزعلان
واقتربت تسلم على شوق
ناظرتها ام صقر باحتقار وبنفسها مالت عليك وعلى حفيدتك
ام عمر ناظرت ام رائد : وين العريس ؟؟؟؟
ما اشوفه هنا
بسرعه اتصلي فيه ييجي ابغى اشوف زوج حفيدتي
فاطمه تحس بالاحراج قدام اهل العريس
تكلمت بنبره رجاء ضعيفه : يمه
ناظرتها ام عمر بخيبه : انت ؟!!!
حسبي الله عليك
يالعاقه ...
تزوجين شوق وما تخبريني ؟!!!
توصل فيك الحقاره لذي الدرجه !!!
انا أمك ما تعزميني !!!!
ترى السواق والشغاله هالايام ينعزمون ...
وأنا أمك آخر من يعلم!!!
كل هالمعازيم الموجودين أهم مني تعزميهم !!!
يقولون أمك ثم أمك ثم أمك
وانت ما كلفت نفسك جوال تتصلين فيني وتعزميني !!
ما أبغى تيجي البيت وتعزميني
على الاقل اتصال يا قليله الاصل
انا امك من لحمك ودمك
تعملين فيني كذا ؟؟!!!
هزت رأسها بأسف أنا أدري كله من تحت رأس الخبيث ناصر
مسكتي فيه وتركتيني خله ينفعك
يا خساره الحليب الي رضعتك إياه بأنه
لو شربتهم للكلب رح يكون اوفى منك
ام رائد باحراج من امها وهي جالسه تنشر غسيلهم : يمه مو وقت هالسوالف
طنشتها ام عمر وناظرت سميه : هذي عروسه عم العريس ؟؟
الجده بقهر ناظرتها بعد ما تكلمت على ولدها ناصر : ايه واسمها سميه
لوت ام عمر بوزها بقرف : وش هالاشكال الي مناسبينهم ؟!!!
ام صقر تقدمت خطوه وبعصبيه : احترمي نفسك واحترمي المكان الي واقفه فيه فاهمه
ام عمر حركت راسها باستهزاء : لا مو فاهمه
ام العروس بحده : احترمي شيباتك
قاطعتها فاطمه بعصبيه والدموع بعيونها : إلزمي حدك
كلمه وحده عن امي اقلب القاعه فوق
رأسك
ام صقر بحده : شوفي أمك بالاول خلها تثمن
كلامها وبعدها ..
قاطعتها شوق وهي واقفه والشر بعيونها ناويه تمسح الارض بأم صقر
وتستغل الفرصه بوجود المعازيم حتى تفشلها ..وتبرد حرتها فيها: جدتي تعرف تحترم الي يحتاجون احترام
ام عمر نفخت صدرها : عفيه عليك
ام رائد خافت تصير مشكله وما تحمد عقباها : شوق اختصري و ارجعي مكانك
شوق وهي راكبه رأسها : ما أبغى اختصر واتركيني اراوي هالحثاله قيمتهم
ام صقر والشرار يطلع من عيونها : صدق إنك ناقصه تربيه يا حقيره
ياسمين بعصبيه : ما أحد حثاله غيرك
الجده تناظرهم ما تدري وش تعمل
وهي تشوف نظرات المعازيم عليهم
ام عمر وهي تحط يدها على خصرها وتقول للشر  مرحبا : اقول تلايطي من هنا احسن لك ...شكلك مثل المومياء
شمس بردح : انقلعي برا والله ما احد
غيرك مومياء
ام عمر : هذا الناقص بزران مالت عليك انت والازرق فوق عينك كأنه ملاكم ضاربك
شوق وهي تردح لشمس: انت الي تنقلعي فاهمه
ام صقر بتهديد : الحين رح اتصل بنايف
وخله يتفاهم معك
مو يتفاهم خله يطلقك
قبل ما ترد شوق سحبتها ام مهند وبعصبيه : يكفي فضايح
ام عمر تبغى النار تولع تناولت كأس مويه وكبته بوجه ام صقر
صرخت ام صقر بعصبية وكل المعازيم يناظرون واكثرهم كتم ضحكته
ياسمين طلع لها قرون من وقاحة ام عمر
اقتربت منها تبغى تضربها
وقفت ام رائد بوجهها وبتهديد : مدي يدك اشوف علشان اكسرها
ياسمين والغضب اعمى عيونها ضربت ام رائد على وجهها : خذي امك العجوز وانقلعي برا
شوق تبغى تقوم بس عليها حراسه مشدده من أم مهند ومنال واميره ومريم
ام صقر وهي تحس نفسها احتاست من المويه ... نطقت  بقوة: تستاهلين
وسرعان  ما قطعت كلامها وصرخت لما شافت ام عمر هجمت على العروس سميه تضرب فيها
ومسكتها من التسريحه
ابعدوا ام عمر عن سميه بعنف
وام عمر تتحسب عليهم
والعروسه سميه تبكي كيف خربوا حفلتها
تدخل اطراف خارجيه وابعدوهم عن بعض
وكل عروس دخلوها غرفه تنتظر العريس
اختصار للمشاكل

...
...
...
...
...

ام رائد تهمس لفاطمه : شفتي امك خربت العرس وهربت
فاطمة عضت على شفتها بقهر: اقسم بالله شيء يقهر
المشكله ما تقدرين تشوفينهم يبهدلونها وتسكتين مع إنها الغلطانه
هزت راسها ام رائد بالموافقه
وناظرت الجده الي تكلم شوق : ما تستحين على وجهك ؟؟
تراك عروس وتقومي تردحي
لو وصلت السالفة لنايف صديقيني الا يطلقك وانت على الكوشه
شوق بقهر : مين ماسكه الحين ييجي ويطلق
ام مهند بحده : وش هالكلام ؟؟
تخسرين زوجك علشان كلام مثل هذا
ولا تنسي ترى جدتك هي الي بدأت بالغلط
المفروض كنت محايده تراك عروس مو من المعازيم
سكتت شوق ما عندها شيء تقوله...صحيح جدتها الغلطانه بس هي استغلت الفرصه حتى تبرد حرتها بأم صقر!!
قاطعهم دخول مريم وهي تتكلم : العريس وصل
صار قلب شوق يضرب طبول من الخوف
والافكار السوداء عشعشت براسها
اكيد جاي يطلقها
بعد ما سمع الكلام ...
غمضت عيونها مو قادره تتحمل الطلاق بهذي اللحظه
وش يقولون الناس عنها ؟!!!
دخل نايف بخطوات متزنه ومعه ياسر وناصر
وقف جنبها بعد ما سلم عليها وعيونها بالارض ومشاعرها مختلطه بين الخوف و الحياء
طالع نايف الموجودين واستغرب ولا في احد من اهله
موجود بالغرفه حزت في باله وحطها بقلبه حتى لو جدته ام صقر ما تحب شوق على الاقل علشانه تحضر وتيجي تبارك له
وكأنه مقطوع من شجره
تنهد وهو يناظر ناصر الي يوجه الكلام له وبحرص : حطها بعيونك تراها غاليه علي
رد نايف مجامله وهو اصلا ما يطيق ناصر بس مجامله : ان شاء عمي
ياسر بابتسامة : خلاص ليه واقفين خذ عروستك
ومع السلامه
واتبع كلامه بضحكه قصيره
رد عليه نايف بابتسامة وما تكلم
تنهدت شوق براحه وهي تحس انه نايف ما عنده علم بالسوالف
وقررت تقلب الموقف لصالحها..بس خليها ترتب الافكار وتختار الوقت المناسب!!

**
**
**
**

دخلت السياره بمساعده نايف وياسر بعد ما سلمت على اهلها وعملت فيلم وهي تبكي
ما توقعت بيوم تبكي علشان رح تفارق اهلها
كانت تستغرب تصرف البنات يوم العرس لما يبكون
بس الحين ما تدري غصب عنها شيء خلاها تبكي
كيف تفارق اهلها عاشت معهم 20 سنه والحين
تنتقل لحياه جديده
جالسه بالسياره تنتظر وهي تسمع توصيات ناصر وفاطمه عليها
وكل شوي فاطمه ترجع توصيه على شوق ودموعها اربع اربع
تأفف نايف بقلبه من هالتوصيات حتى لآخر لحظه مصرين يغثوه
ما خلص من توصيات ناصر وفاطمه الا يبدأ بالموشح مره ثانيه ياسر ووليد وخالد وسامي
كان يهز راسه علشان يخلص منهم قرفوه لآخر لحظه
فتح عيونه بفجعه لما قال ياسر ؛ يالله علشان نوصلكم للفندق
قاطعه بفجعه الحين وش يخلصه منهم ...عند الفندق رح يعملون فيلم التوصيات مره ثانيه رد بسرعه : ما له داعي تراني ادل الطريق
ضحك ياسر على رد فعل نايف وبعدها سلم عليهم نايف بسرعه وركب السياره وحرك بسرعه
قبل ما احد يوقفه
**
***
**
ام صقر بقهر باين على ملامحها وللحين مقهوره من اهل شوق : كيف كذا تطلع من القاعه بدون ما احد يدري او تخبرونا ؟؟
الجده مو عاجبها تصرفات ام صقر مع شوق : تتكلمين وكأنه مهتمين كثير لامرها
دخلتم عند سميه ولا عبرتم شوق
خليني ساكته احسن
طالعتها ام صقر وملامحها معصبه وتركتها وهي تبحث عن اسم نايف وسرعان ما اتصلت فيه
عفست ملامحها بقهر لما اعطاها مغلق
توجهت لاسراء : حسبي الله عليها فشلتنا بالحفله
و الحين سرقت منا نايف حتى ما تركت لنا مجال نبارك له ؟
اسراء بهدوء ناظرتها : عادي الحين اتصل بمحمد يأخذك للفندق وتباركين له
ام صقر بحقد : الله يأخذها ويريحني منها
حسابه بعدين نايف اخذها وحنا يا غافلين لكم الله
اسراء بهمس : الحين مو وقت تصفية حسابات
هزت راسها ام صقر وبداخلها بركان
ناظرت فاطمه وهي داخله وهي ماسكه نفسها ما تروح وتمسح فيها الارض تحس بيوم وليله اخذوا منها حفيدها الي يسكن بأعماق قلبها... حتى وصل لدرجه يغادر القاعه بدون ما يباركون له اخذت نفس عميق تخفي قهرها
**
**
**
دخلت خلود القاعه وهي رافعه حاجب بعد ماراح المعازيم وجلست عند اول طاوله وطالعت دانا الي جلست مقابل لها : الحمد لله انقلعت
دانا لوت بوزها : بقلعتها مع اني كان نفسي اشوف شكلها كيف طلعت
مريم من خلفها سمعت كلامهم جلست معهم و بانتقاد : ترى ما أحد ينقد عليك لو باركت لاختك
جالسه بغرفه ثا
قاطعتها دانا مو ناقصها فلسفه زايده : انا ما اطيق وجهها علشان اروح ابارك لها
خلود بشماته : سمعت انها رفضت بالبدايه تنزف اكيد رفضت تنزف علشان ما تضحك الناس عليها
مريم ناظرتها وهي رافعه حاجب : ليه تضحك الناس عليها؟؟
ما شاء الله عليها مثل القمر
قاطعتها خلود : ما اتوقع توصل لزوجة ساري
دانا بسخريه : وين وجه الشبه بين الثرى والثريا
مريم زمت شفايفها بضيق : على الاقل شوق اذا ما وصلت لجمال خطيبه ساري
للمعلومه تراها احلى منكم والكل يعرف هالشيء يعني
ما له داعي هالكلام السخيف
الله يوفقها ويسعدها
خلود ناظرت مريم وحاست شفايفها ما عجبها الكلام
بس اضطرت تسكت لانه كلام مريم صحيح...شوق احلى منهم !!
قاطعتهم اميره وهي تجلس على نفس الطاوله
وناظرت دانا وخلود باستغراب : ليه ما باركتم لشوق وما حضرتم الحفله
وبنغزه
فاتكم لو شفتوها ما شاء الله تجنن
يا خساره هالجمال ما شفتوه
خلود ودانا ناظروا بعض وما عجبهم الكلام بس ما علقوا
اميره وهي تناظر مريم : اول ما دخلت غرفة العروس دخلت ادور على بنوته لابسه بيجامه بيتيه ههههه توقعت شوق تعملها وتلبس يوم عرسها كذا هههه
بس بصراحه انذهلت لما شفتها تبارك الرحمن
ابتسمت مريم بنعومه : الله يوفقها
وقفت اميره ومسكت يد مريم وسحبتها برفق : تعالي نروح عند منال
تنتظرني
وابتسمت
ردت مريم لها الابتسامه لاميره ووقفت معها
مريم بهمس بعد ما ابتعدوا : عجبتيني بكلامك تستاهلين بوسه على راسك
اميره بضحكه قصيره : ههه
حبيت اقهرهم مو لذي الدرجه الحقد !!!
خاصه دانا هذي اختها ؟!!!!
مريم بنبره هاديه : الله يهديها
اميره بهدوء : امين
***
***
***
***
***
محمد بعصبية : وين تروحون الحين ؟؟
ام صقر بعصبية اكبر : اقول لك وصلني للفندق وما عليك
محمد بعناد : لا
ام صقر بقهر : وديني خليني اقول له
عن بطولات زوجته بهدلتنا قدام المعازيم هي وجدتها
محمد حرك السياره بهدوء : يمه كلام حريم لا تتدخلينه بحياته الجديده
شي صار وانتهى
ام صقر بتوعد : لا ما انتهينا انا وشوق والزمن طويل
زفر بضيق من كلام امه: الحين خلينا نرجع للبيت وبعدها يحلها ربك
ناظرته تعترض تكلم قبلها : لو على جثتي ما اروح الفندق الحين
طالعته بقهر ولفت وجهها لجهة الشباك
**
**
**
ناصر بعصبية بعد ما وصله الخبر: وقسم بالله لو امك تكرر هالحركه ما يصير خير
ياسر يهدي الوضع : خلاص يبه حصل خير
ناصر بعصبية اكبر: اي خير ؟؟!!
ربك لطف والا كان رجعت اختك اليوم مطلقه
والسبب جدتك
فاطمة بقهر حتى لو كانت أمها غلطانه ما تحب أحد يتكلم عليها
لانها بتبقى امها : خلاص سالفه وانتهت ..
ليه نعيد ونزيد فيها ..
وانت وش عرفك بسوالف الحريم ؟!
والا حاطين جواسيس علينا ؟!
ناصر وهو يمسك نفسه : اختصري يا فاطمه
ترى الغلط لابسك انت وأمك وأختك
فشلتونا عند الجماعه
ناظرته بصدمه : الحين أنا وأهلي فشلناكم ؟!
ياسر متوهق بينهم : يمه أبوي ما يقصد
شيء
فاطمة بقهر ناظرتهم وتركتهم وطلعت على جناحها
مسح ناصر وجهه بيدينه بعد ما زفر بضيق
فارس بهدوء : تعوذ من الشيطان
ولا تلوم خالتي فاطمه تراها تبقى أمها
وانت تعرف ام عمر غنيه عن التعريف
الشر والفتنه يمشي بعروقها
اعطى ياسر لفارس نظره قويه وتركهم وطلع لغرفته لأنه لو جلس ما يضمن نفسه يمسح الأرض بفارس
الجده جالسه تناظرهم : وبعدين مع هالنكد الي ما يخلص ؟!!
طالعها ناصر وما رد وطلع لفوق
اما فارس توجه لعند جدته وامه وجلس عندهم وهو ينطق بقرف : كل هالمشاكل بسبب هالشوق
وعفس ملامحه
الجده بانتقاد: فارس ما له داعي هالكلام
شريفه للحين مقهوره من حركه شوق فيها بالحفله : سبحان الله احس شوق وام عمر فوله وانقسمت نصفين
الجده بترقيع : بعدها شوق صغيره باكر تعقل
فارس قاطعها : دوم ترقعين عنها
وكأنك ما تعرفينها الحقد يسري بدمها
الجده بنغزه : لا تتكلم عن الحقد
شوف زوجتك واختك دانا ما حضروا الحفله وش تسمي هذا التصرف ؟؟
فارس ابتسم :حريه شخصية
ما يبغون يحضرون ويغثون انفسهم
بشوفتها
طالعته الجده وما عجبها رده
وقفت ولوت بوزها : الحكي معك ضايع
وتركهتم متوجه لغرفتها
شريفه ناظرته : خف على شوق شوي
قاطعها : ما رح ارتاح الا لما اذوقها المر
واخليها تدفع الثمن غالي

**
**
**
**
**
**

**
**