انحني ليصل لطولها و همس في أذنها،
ما تيجي نلعب عريس و عروسة.
جحظت عيناها.
جاء فجأة أبوها عبدالعزيز عاشور:
وااه، بتعمل إيه يا مراد؟
عتعاكس البنية؟
وردة:
يا ريت معاكسة يا بوي، دا جليل الربياية بيجولي يالله نلعب عريس و عروسة.
جاء عبدالعزيز مهرولا و مسك مراد من لياقته و عيناه تطق شرار.
مراد:
استني بس يا عمي، بنتك الحمارة دي فهمت غلط، أنا جصدي اتجوزها.
تركه ضرغام فرحا:
صح يا ولدي، و أنا في دي اليوم، اجوز بنتي لابن أخوي، علأجل انت كمان تتلم.
و تبطل سرمحة.
و تركه و انصرف و قال لوردة:
انزلي لامايتك تحت تنادي عليكي.
نظرت وردة لمراد بانتصار:
هاه، وجعت في شر أعمالكم.
مراد:
لا ما انت ححتصرفي و ترفضيني، أنا مش بتاع جواز.
وردة:
عن إذنك يا خطيبي.
و جرت سريعا.
مراد:
يادي النيلة عليه، وجعت نفسي فمصيبة.
أخرج هاتفه و هو متجه لحجرته و رن علي صديقه سليم:
إلحجني يا سليم انا فورطة كبيرة، انت فين؟
ضروري تشوفلي حلفي.
الجهة الأخري سليم و هو في الشركة، يجلس علي مكتبه و بجواره السكرتيرة و يمضي بعض الأوراق:
انت فين؟ برن عليك من امبارح مغلق، و سايب الشغل هنا علي دماغي.
مراد:
الحجني يا سليم، واد عمك وجع في ورطة.
سليم بخضة:
خير، جرا إيه؟
مراد:
حيجوزوني.
يضحك سليم:
ههههه، خير ما يعملوا بدل السرمحة و جلة الجيمة.
مراد:
اخص عالصحاب، أبوالندالة، اجفل اجفل.
أما الحج حالي و اشوفلي حل في المصيبة دي.
عند سليم.
يدخل عليه حاتم ضرغام ، ابن ابن عم أبيه يجلس بتعب:
كيفك يا واد عمي؟
سليم:
مخنوج و مش مستريح، واصل للي بيحصل.
حاتم:
خير، في حاجة حصلت تاني؟
سليم:
مضايج من اللي اسمه رضا عزام دا، حاسس انه بيحركنا كيف الدمي، يتحكم فينا و ننفز اللي يؤمر بيه و بس، و لا عمرنا شفناه و لا نعرف عنه حاجة، واصل.
حاتم:
يبجي رفض الصفقة، بس جول الحج كسبت منيه، كتير و لا لأ؟
سليم:
لكني مش حابب، تكون شخصيتي ملغية كده، أنا أخدت قرار خلاص، العقد اللي بينا و بينه فاضله ٣ شهور، يخلصوا و مش حجدده، و لا حعمل معاه صفقات تانية.
حاتم:
بس حنخسر كتير يا سليم، فكر زين جبل ما تاخد قرار واعر زي ده.
سليم:
أنا واخد قراري، لو انت و مراد حبين تستمروا معاه، حطلع أنا بنصيبي و انتم اشتغلوا معاه كيف ما بدكم.
حاتم:
لع. انت عارف انك احسن واحد فينا في الشغل، و انت اللي بتجدر تجف لأبوي، بدل ما كل شوي، عاوز يجعدني عافية في البلد، و أنا مش بستحمل عمايله و جبروته في الناس.
سليم:
ابوك زودها و اللي عمله في عيلة ابوغريب كتير، و أني مش حعديهاله.
حاتم بخنقة:
أني كرهت البلد عشان خاطره، الناس بيخافوا يتحدتوا معايا من جبروته، و المشكلة في فهد أخوي، اللي عاجبه اللي بيحصل و ماشي وراه.
رن هاتف سليم:
السلام عليكم، أهلا يا مستر جون، لا مش معجول، اخيرا، أنا بجالي سنتين من يوم ما شاركنا و نفسنا نشوفه، احسن حفلة تتعمل علي شرفه، سلام يا وش السعد.
حاتم:
خير، شايف حالك اتبدل.
سليم:
البوس الكبير ، حييجي يحضر حفل افتتاح مصنعه في المنيا، و جون طلب مني اجهزله حفل افتتاح كبير.
حاتم:
و انت مالك و مال المصنع ده؟
سليم:
وااه، فرصة و جاتني اشوف البوس اللي متحكم تجريبا في تلات تربع رجال أعمال البلد.
في البلد.
نزل مراد من السلم يرتدي بنطلون جينز و تيشرت رمادي عليه كلمات انجليزية.
خليل والد مراد:
علي فين العزم كده؟
مراد و هو يهرش رأسه:
سليم كلمني و جال لازم، اروحله فورا.
خليل:
مفيش مشي، و أني حكلم سليم هو اللي يجي عشان يحضر كتب كتابك.
مراد بصدمة:
هو انتم خدته الموضوع جد وليه، هو عمي ما صدج؟
خليل:
الصراحة: آني اللي ما صدجت، مجرد ما حكالي علي جلة أدبك ويا بت عمك و ردك عشان تطلع منيها، ما صدقت و جلتله خلاص نتمم جوازهم و اتفجنا كتب كتابكم بكرة بعد صلاة العصر.
مراد:
بس يابوي، أنا ما بديش أتجوز، والله والله، آني بس كنت بغلس عليها، بحب استفزها عشان لسانها طويل.
ضحك خليل:
انت مينفعش معاك الا واحدة زي ورد، تطلع منيك الجديم و الجديد.
مراد بنرفزة:
جول جول يا بوي.
خليل بتساؤل:
أجول إيه؟
مراد:
جول أني مش ولدك و حد مسلطك تنتجم مني بوردة.
رفع خليل عصاه و ذهب اتجاهه:
تصدج أني حضربك، دلوك.
فجرى مراد للاعلي:
الحجيني يمه.
احد المزارعين مسعود و هو يعمل بارضه و ابنه يعمل معه.
يمر بهم ضرغام رجل ضخم ملامحه كلها قسوة و معه صديقه الذي لا يختلف عنه في شره و لكنه أقل حجما منصور.
منصور:
كيفك يا مسعود؟
مسعود بقلق:
يا مرحب يا سي ضرغام.
منصور:
كبرت انت يا مسعود علي زراعة ٥ فدادين بحالهم.
مسعود:
البركة في اولادي، اهم بيساعدوني.
منصور بخبث:
خاف عليهم يا مسعود.
مسعود بخوف:
مالهم ولادي، سي ضرغام يؤمر و احنا علينا ننفز بس كله و الا ولادي.
ضرغام أخيرا يتحدث:
الخمس فدادين دول يلزموني، و عشان متجولش علي مفتري، أنا حديك بدالهم الخمس فدادين بتوعي اللي غرب البلد.
حمد ابن مسعود:
كيف يعني، الأرض اللي غرب البلد ، متصلحش للزراعة، لان المصرف اللي حتروا منه كل البلد تطلج فيه مجاريه.
مسعود:
اسكت انت ملاكش صالح، آني موافق.
يا سي ضرغام، بس بالله عليكم ولادي هما اللي طلعت بيهم من الدنيا.
ضحك منصور بخبث:
ربنا يخليهملك.
و انصرفا هما الإثنين.
حمد بقهر:
كيف يا بوي نسيب أرضنا و تعبنا و شجانا.
جلس مسعود بقهر:
يا خرب بيتك يا مسعود، يا خراب بيتك يا مسعود.
حمد في نفسه:
بحج جهرتك دي يا بوي و الله لأوريهم هما و عيلتهم.
بينما يمشيا ضرغام و منصور بجبروت يظهر امامهم زعبلة المجذوب، و يلف حولهم بحركات جنونية:
قرب قرب الميعاد، و كله سلف و دين.