صرخت الاء: الحقوني جوزي معاه مخدرات.
الأمن جري ناحيه أدهم والظباط بدأت تفتش الشنط.
ضربها أدهم بالقلم: إيه اللي انتِ بتقوليه ده، ده أنا هموتك يا بنت الـ****.
الاء: اشهدي يا حكومة، اشهدي يا شعب، ضربني بالقلم ومش كده وبس شتمني، محضر سب وقذف يتعمل حالاً.
طلع الظابط مخدرات فعلاً من شنطة أدهم، وأدهم اتصدم وعرف إن الاء ورا الموضوع.
زعق أدهم: هي اللي عملت كده، ورحمة أبويا ما هرحمك.
حطت الاء إيدها في وسطها: طلقني بسرعة، مفيش وقت للتفسير.
آه، كنت بقولك من شهر اتجوزني، أما قصة معفنة بصحيح.
اتكلم أدهم والظابط بيحط الكلبش في إيده: انتِ طالق، طالق، طالق بالتلاتة، بس افتكري أنا هانتقم منك.
بعد 10 سنين.
قدام مدرسة ابتدائية.
حضنت الاء بنتها وابنها التوأم: خلي بالكم من نفسكم يا حبايبي وركزوا في الحصة كويس.
يوسف النهارده عامل ليكم مفاجأة، حنخرج كلنا مع بعض بليل، يلا باي يا حبايبي.
دخلوا الأطفال المدرسة وودعتهم الاء بحب، وبدأت تمشي في الشارع ناحية بيت أمها وأبوها عشان تقضي معاهم وقت عقبال ما العيال يخرجوا من المدرسة، ولكن وقفت مكانها بصدمة.
أول ما شافت أدهم واقف في نفس المكان اللي اتقابلوا فيه من 10 سنين.
قربت الاء منه: تتجوزني بسرعة، مفيش وقت للتفسير؟
لف أدهم وبص عليها وابتسم: في بنت محترمة توقف شاب في الشارع تقوله كده؟
ضحكت الاء: لو رجع بيا الزمن ما كنتش هعمل كده أبداً، تصرف أهبل من واحدة متهورة زيي زمان، لكن دلوقتي بقيت عاقلة واتجوزت يوسف زميلي في الشغل وخلفت رودينا واحمد توأم وربنا عوضني خير، وانت كمان ربنا عوضك وخرجت من السجن، ياريت تكون اتعلمت وتوبت بجد.
افتكرت الاء من 10 سنين لما الشرطة راحت تفتش شقة أدهم ولقيت سلاح ومخدرات وحاجات كتير ممنوعة، ساعتها الاء ارتاحت لأنها ما كانتش عايزة يستجن ظلم بسببها، ولكن بعد فترة زارته في السجن واتصالحوا.
ابتسم أدهم: سبحان الله، مش صدفة إنك تشوفيني من 10 سنين، ومش صدفة إنك تشوفيني كمان دلوقتي، ربنا كاتب لينا كل خير حتى في جوزانا بطريقة غريبة، كان خير وتوبت أهو.
واسكتوا هما الاتنين لما لقوا بنت لابسة فستان فرح بتقول لشاب: اتجوزني بسرعة، مفيش وقت للتفسير.
أدهم والاء بصوا لبعض بخوف وجروا ناحية البنت: لااااااااا.
وعسى أن تكرهوا شيئاً وهو خير لكم.