و في صباح اليوم التالي توجه أيان لمديرية الأمن و طلب لقاء اللواء صالح و قام بعرض ما لديه من أدلة ضد كلاً من فريدة السويفي ......و عمرو السويفي ..
و قد أمره اللوا صالح بسرعة إلقاء القبض عليهما و اتخاذ كافة الإجراءات القانونية اللازمة حيال ذلك فقام أيان بأخذ قوة معه و توجه علي الفور لقصر السويفي .........
و في وقت سابق في قصر السويفي تجمع أفراد الأسرة لتناول وجبة الإفطار عدا عمار و حازم ....
مرام بدلع: مامي انا هفطر و هروح اقابل أيان ..
فريدة بهدوء : ألا بصحيح يا مرام احنا نسينا اللي انتي عملتيه بعد اللي حصل ل انجي ..
عمرو بضيق: انتي ازاي توافقي علي حاجة زي كدا ..
مرام بتوتر : انا عملت كدا علشان أيان بيحبني و انا كمان بحبه و الكل عارف كدا ..
فريدة بسخرية: الكل مين اللي عارف دا هو بذات نفسه قال أُدام الشركة كلها إنه بيحب انجي و هيتجوزها ..
مرام بخبث: لا ما طنط صفية مكنتش بتحبها ..لتكمل بحزن مصطنع و بعدين طنط صفية تعبانه و هي اللي طلبت مني إني اقبل اتخطب ل أيان علشان تقبل أنها تعمل العملية ..
مروة بعدم فهم: عملية اي دي يا مرام صفية مقلتليش حاجة يعني ...
مرام بكذب : عملية قلب لأنها عندها مشكلة في صمامات القلب و لازم تعمل عمليه جراحيه و طلبت إن أنا و أيان نتخطب لبعض يا اما مش هتعمل العملية و انا اضطريت أوافق يوم فرح آسر و ميرنا بسبب كدا ..
فريدة بضيق: المفروض كنتي تستشيري اي حد فين و متتصرفيش من دماغك كدا ...
عمرو بضيق مماثل : و لا ملكيش أهل تأخذي رأيهم ..
مروة بتوتر: ما خلاص يا جماعة احنا في أي و لا في اي المهم دلوقتي نشوف حل في اللي اسمها انجي دي هنعمل معاها اي ....
رغدة بسخرية: انا من اول ما شوفتها و قلبي مستريحش ناحيتها و قولتلكم كام مرة و محدش فيكم صدقني ...
فريدة بعصبية: و هو دا وقته احنا لازم نخلص منها زي ما اخلصنا منها قبل كدا ....
...........: و دا إزاي بقا إن شاء الله...
لينظر الجميع اتجاه الصوت ليجدوا أيان يقف أمامهم و معه بعض العساكر فهو كان قد حضر الآن بعد أن فتحت له الخادمة الباب و لم يُسعفها الوقت لتنبيه أهل المنزل ليدخل أيان في اخر جمله ل فريدة ...
لينظروا جميعاً بصدمة كبيرة من و جودها هنا و من معه من العساكر ف هذا الحضور لا يبشر بالخير ابداً.
فريدة بإبتسامة مزيفة : اي دا أيان اتفضل يا ابني ..
أيان بسخرية: ابنك دا الحمدلله إن أنا مش ابنك دا كفاية اللي عملتيه في ابنك و مراته و ولاده ..
عمرو بتوتر : انت اصدك اي بكلامك دا ..
أيان بإبتسامة: لا متستعجلش علي رزقك إن شاء الله اللي باقي من عمرك هتفضل تفتكر اللي انا أقصده كويس اوي ....
مرام بإستغراب: أصدك اي بالكلام دا يا أيان..
أينا بسخرية: ليه هي الأستاذة متعرفش ب حقيقة شغل عيلتها و ألا اي ...
فريدة بخوف : انت تقصد ايه...
أيان : هتعرفوا في القسم انا قصدي اي ..يلا خدوهم عالبوكس ...
العسكري: تمام يا فندم ... ثم يتوجهوا ل إلقاء القبض علي فريدة و عمرو تحت صراخهم و خرجوا برفقة أيان للذهاب لقسم الشرطة... ليهبط علي اثر صراخهم عمار ليجد هذا الوضع أمامه لتتوجه مرام و مروة له بسرعة......
مرام بخوف : عمو عمار الحق بابا و تيتا أيان قبض عليهم ..
عمار بجمود : و انا مالي ..
مروة بعصبية: مالك إزاي دول مامتك و اخوك...
عمار بسخرية: اخويا و أمي الي قتلوا مراتي و حاولوا يقتلوا بنتي و حرموني منها و بعدوها عني و خلوها تكرهني طول حياتها و يا عالم هتحبني بعد كدا و ألا هموت و هي كرهاني ......ثم يتركهم و يتوجه للأعلي و يتركهم ينظروا في أثره بدهشة كبيرة...لتقوم مروة بالاتصال علي المحامي الخاص بهم و الذي أخبرها بأنه سيتوجه فوراً لقسم الشرطة لحل هذه المشكلة ......لتتوجه بعدها مروة برفقة مرام الي القسم للوقوف بجانب عمار و فريدة و معرفة سبب القبض عليهم و ما هي التهمة الموجهة لهم ...................................................
************************************
أما في قصر العمري ...........
نجدهم جميعاً يتناولون الإفطار في جو هادئ بعيداً عن المشاكل لا يخلو من الحب و الموده ....
محمد بتأكيد: احنا بإذن الله هنفطر و نروح المستفي عند انجي علشان نطمن عليها و منسبهاش لوحدها..
آسر : بإذن الله يا بابا و ميرنا هتفضل معاها طول اليوم و انا هبقي اروح اجيبها ...
ميرنا بإبتسامة: يإذن الله مش هسيبها لوحدها ...
رقية بحزن : و انا كمان مجهزه اكل هاخد ليها هي و خديجة و حازم يعني عليها شافت حزن كتير في حياتها و صفية الله يسامحها كملت عليها البنت دي....
محمد بهدوء : لا يكلف الله نفساً إلا وسعها يا رقية و هي امتحان كان صعبة في الدنيا و بإذن الله ربنا هيجازيها خير في الآخرة و بعدين ربنا مبيديش اكبر معاركه إلا ل أقوي جنوده ...
رقية بحب : و نعمة بالله يا محمد انا هقوم اجيب الاكل علشان نروح بما إننا أكلنا..
محمد بإبتسامة: تمام يلا ..... ليقاطعهم صوت رنين هاتف آسر برقم أيان ليُجيب علي الفور ....
آسر بإبتسامة: صباح الخير يا أيان ...... لا انا لسه في الڤيلا .... اه واحدهم و رايحين المستشفى ل انجي .... اي طيب تمام انا هوديهم و اجيلك علي طول بإذن الله مش هتأخر ..... مع السلام ... سلام ..
محمد بتساؤل: خير يا ابني في حاجة ..
آسر بإبتسامة: لا يا بابا دا أيان كان بيقولي إنه كلم اللواء صلاح الصبح و عرض له الأدلة اللي انجي كانت عايزاني اسجن بيها عيلة باباها و إن اللوا أمر بالقبض عليهم و كان عايزني معاه لانه اخدهم علي القسم .....
محمد بتأكيد: تمام يا ابني روح انت ل أيان و احنا هناخد السواق معانا ..
آسر باعتراض: انا هوصلكم الاول يا بابا و بعدين هروح ل أيان ..
محمد بإقناع: يا بني روح انتي اقف جنب أيان و انا هاخد مامتك و ميرنا و نروح ...
رقية بإبتسامة: باباك معاه حق يا آسر روح بقا ..
آسر بإبتسامة: خلاص تمام يلا السلام عليكم ..
محمد /رقية/ميرنا: و عليكم السلام ورحمه الله وبركاته....
ليتوجه آسر للخارج و يقود سيارته لقسم الشرطة في حين قامت والدته بتحضير الطعام بمساعدة ميرنا و بعد ذلك توجهوا رفقة السائق للمشفي ليصلوا بعد بعض الوقت.........
************************************
أما عند بطلتنا فهي استيقظت منذ وقت قليل و قام الدكتور ب الاطمئنان عليها و علي مؤشراتها الحيوية و انصرف بعد ذلك لتتبقي ب الغرفة رفقة حازم و خديجة ....
حازم بحنان : حاسة ب اي وجع يا انجي ..
انجي بسعادة : طول ما انت معايا يا حازم انا مش حاسه بالفرح و السعادة ..
خديجة بحب : يا رب دايماً يا بنتي ..
انجي بتوتر : حازم انا كنت عايزة اسألك سؤال و تجاوبني عليه بصراحة ..
حازم بإستغراب: اتفضلي اسألي ..
انجي بتنهيدة : انت مش زعلان مني بسبب اللي انا هعمل في فريدة و عمرو ...
حازم بحزن : انا مش هكذب عليكي انا زعلان أوي عليهم و في نفس الوقت مقهور علي اللي عملوه فيكي و في مامتنا من غير وجه حق و مش ممكن اغفرلهم اللي عملوه في حقك بالتحديد ...
انجي بإبتسامة حزينه: انسي يا حازم والله انا عملت دا كله علشانك و علشان ماما الله يرحمها ترتاح ..
حازم بإبتسامة: انا عارف من غير ما تقولي ...
خديجة بمرح مزيف : خلاص يا ست انجي من لقي أحبابه نسي أصحابه ...
انجي بضحك : و انتي نانسي برضو يا ماما دا لولاكي كان زماني موت من زمان ...
خديجة و حازم بلهفة : بعد الشر عليكي ...
انجي بإبتسامة بعد أن توقفت عن الضحك : كل اللي يجيبه ربنا خير مفيش حاجة اسمها شر و بعد الموت حق علينا ..
حازم بضيق : ما خلاص بلاش حزن احنا عايزين نفرح شوية ...
انجي بإبتسامة: خلاص تمام سكت اهه .......
ليقاطعهم صوت طرق علي الباب لتأذن خديجة لمن يطرق بالدخول لتدخل ميرنا برفقة رقية و محمد..
رقية بإبتسامة: السلام عليكم..
انجي و خديجة و حازم بإبتسامة: و عليكم السلام ورحمه الله وبركاته...
ميرنا بمرح: ها اتأخرنا عليكم ..
خديجة : لا متأخرتوش اتفضلوا.......
محمد بحنان: احنا حبينا نطمن علي انجي و نقضي اليوم معاها دا لو مفيهاش تعب ليها ....
انجي بإبتسامة: لا طبعاً يا عمو دا انتم تنوروا في أي وقت ...
محمد بإبتسامة: تعيشي يا بنتي يلا يا رقية لديهم الاكل زمانهم مفطروش ...
رقية بإبتسامة و هي تخرج العلب البلاستيكيه الحافظة للطعام : طبعاً دا انا مجهزالهم الفطار ب إيديا و عملالهم اكل هيأكلوا صوابعهم وراه ....
خديجة بإمتنان : مكنش في داعي تتعبي نفسك كنا هنطلب أكل و خلاص ..
محمد بعتاب : و دا يصح يا مدام خديجة و بعدين انجي زي بنتي و دا أقل واجب نقدر نقدمهولها و ألا انتي اي رأيك يا بنتي ....
لتبتلع انجي غصة مريرة : اه طبعاً يا عمو ...
رقية و هي تتقدم منها : يلا بقا كلي بسرعه علشان لو في أدوية تأخديها اتفضلي يا مدام رقية يلا يا حازم .... ليتوجهوا للجلوس بجانب انجي و تناول الطعام في جو مرح و سعيد للغاية ..........
************************************
أما في قسم الشرطة .... و خاصة في مكتب وكيل النيابة و برفقته أيان لانه المُكلف بهذه القضية و أمامهم عمرو و فريدة السويفي ليطرق الباب....
وكيل النيابة: ادخل ...... ليدخل العسكري و يؤدي التحية العسكرية و يخبرهم بوجود محامي المدعي عليهم ...
وكيل النيابة : تمام خليه يدخل ..
العسكري : تمام يا فندم ..... ثم يخرج و يدخل بعده المحامي و يغلق الباب خلفه ....
المحامي : السلام عليكم يا باشا انا شريف منصور المحامي الخاص ب فريدة هانم و عمرو بيه و كنت حابب اعرف اي سبب إلقاء القبض عليهم ....
و كيل النيابه : حسب الأوراق المقدمة في تهمة تجارة ممنوعات موجهه ليهم غير تزوير أوراق رسمية و تهمة قتل رحمة السويفي مرات عمار السويفي الأولي و محاولة قتل انجي السويفي بنت عمار السويفي بواسطة طلق ناري تحب نكمل و لا كفاية كدا ....
ليبتلع المحامي ريقه بصعوبة و لا يعرف ماذا يفعل....
فريدة بعصبية: انت ساكت ليه يا زفت انت ما تنطق هو احنا جايبينك هنا علشان تفضل ساكت ....
المحامي بتوتر : ما انا بفكر في خل يا فريدة هانم ..
أيان بسخرية : فكر براحتك و علي أقل من ماهلك ...
ليطرق الباب مرة اخري و يفتح العسكري و يخبر و ميل النيابة بوجود الرائد آسر العمري ب الخارج ليستغرب وكيل النيابة و لكن يخبره أيان ب أنه هو من طلب حضوره ليوافق وكيل النيابة لإدخاله ...
آسر بإبتسامة: السلام عليكم اخبارك يا باشا ..
وكيل النيابة بإبتسامة: و عليكم السلام ورحمه الله اتفضل يا سيادة الرائد...
آسر بإبتسامة: شكر يا باشا ...ثم يجلس مقابل أيان ليه رأسه له بتحيه ليبتدله أيان بمثلها ........
آسر بتساؤل: ها يا باشا وصلتوا ل ايه ...
وكيل النيابة بسخرية : لسه المحامي بيفكر في حل..
المحامي بثقة مزيفة : ما يمكن يا باشا الورق دا مزور ...
وكيل النيابة: مزور ازاي احنا اتأكدنا منه . .
المحامي بتوتر: طيب يا باشا انا بطالب ب إخلاء سبيل فريدة هانم و عمرو بيه بضمان محل إقامتهم علي زمة التحقيق لغاية ما نتأكد من صحة الورق و إنه سليم ١٠٠٪ ...
وكيل النيابة بسخرية : بقا يا راجل اقولك تجارة مخدرات و جريمة قتل و شروع في قتل و تقولي بضمان محل إقامتهم....
المحامي بمحاولة : طيب احنا ممكن ندفع كفالة يا باشا لغاية التهم ما تثبت عليهم ....
وكيل النيابة بعصبية: انت متخلف يا بني ادم انت شوف انا بقول اي و انت بتقول اي أنا متأكد إنك محامي و ألا لسه جديد في المهنة ...
المحامي بخوف : طيب و العمل يا سعادة الباشا ...
وكيل النيابة: اكتب يا ابني قررت انا وكيل النيابة ______ في يومه كتب التاريخ و في ساعته ____ حبس المتهم عمرو السويفي و المتهمة فريدة السويفي ٤ أيام علي ذمة التحقيق مع مصادرة أموالهم و أماكن عملهم ......
فريدة بعصبية: انت بتقول اي أنا مش عارف انا مين و ممكن اعمل فيك اي أنا فريدة هانم السويفي واحد ذيك انت يسجني ...
عمرو بغضب : ما تتكلم يا وش النحس انت و هو احنا جايبينك علشان تطلعنا و لا تسجنا ...
المحامي بتوتر و ضيق : طب يا عمرو بيه و انا في أيدي اي اعمله و معملتوش انا لسه بدري القضية و بإذن الله هخرجكم من هنا بكره ...
فريدة بأمر : النهارده نكون في بيتنا فاهم و ألا لا ...
وكيل النيابة بسخرية: إن شاء الله قولوا إن شاء الله..... ليكمل بصوت عالي ... يا عسكري خدهم وديهم علي الزنزانه ..
لتخرج فريدة و عمرو برفقة العساكر ليجدوا مروة و مرام بالخارج في انتظار خروجهم ليتفاجأوا بوضعهم هذا و بيدهم المكبلة ب الكلبشات ...
مروة بصدمة : اي دا في اي ايه اللي بيحصل انتو واخدينهم و رايحين علي فين ...
فريدة بعصبية: عملتها بنت رحمة و اللي خلق الخلق لدفنها مع امها بس لما أخرج من هنا ...
عمرو بضيق: خلاص بقا اسكتي هتفضحينا ...
مرام ببكاء : طيب هتخرجوا امتي ..
عمرو بسخرية: و هو احنا رايحين رحلة نروح و نرجع بمزاجنا ...
العسكري بصرامة : يلا انت و هي أُدامي و بطلوا لكاعه ..... ثم يأخذهم و يتوجه بهم ل الزنزانه و يضع عمرو مع الرجال و يضع فريدة مع النساء لينظروا لما حولهم ب اشمئزاز شديد و يتوعدوا ل انجي باشد انواع العذاب ..... و لا يعلموا انا لابد للحق بأن ينتصر و كل مجرم سينال عقابه لا محاله مهما تأخر أمر الله و لكنه وعد و لابد أن يحقق الله وعده و ينصر المظلوم علي الظالم مهما طال الزمن ....
************************************
بارت عالسريع كدا .....
يلا الكل يقولي رأيه في الكومنتات و يتفاعل مع البارت ☺️☺️☺️
انا والله يكتب و انا بجهز أغراضي لاني جالي تسليم ابحاث في الكليه فجاءة و مسافرة بكرة بإذن الله علشان اقدمهم و سهرانه اكتبلكم بارت 🥺🥺🥺
لو متفاعلتوش بجد هزعل