تحميل رواية «أسيرة الماضي» PDF

بص بقا.

هاا غسيل مش بغسل ومش بعرف اغسل.

موافق.

مممم انا لسة مكملتش على فكرة.

وأنا سامعك.

هتعمل اكلك بنفسك، وتروق أوضتك برضو بنفسك، وهتنام لوحدك.

أنام لوحدي!!!!!

آه في مشكلة!!

لا لا مافيش موافق موافق.

ندى بغيظ: لا أنتَ مش موافق، والخطوبة دي هتتفشكل!

زين: أنتِ بتتلككي! أنا قولت موافق.

ندى: يعم أنتَ بتقول كدا وخلاص باين في عينك على فكرة.

زين: الله دا أنتِ بتفهمي في لغة العيون أهو.

ندى سرحت في كلامه وقالت: آه... لا أنتَ بتحاول توقعني.

زين بضحك: تعرفي أنك عسل والله.

ندى بغرور: منا عارفة اني عسل أومال فاكرني زيك!

زين: هو أي دا ودا أعتبره قصف جبهة يعني ولا أي.

ندى: أعتبره زي ما تعتبره.

زين: ماشي يستي هعدهالك عشان لسة مافيش بينا حاجة.

ندى بتساؤل وغيظ: حتى لو بينا هتعمل اي يعني.

زين: هخدك في حضني وأحضنك جامد.

ندى وشها أحمر بقى شبه الطماطم.

زين بضحك: مالك في اي.

ندى: مافيش.

زين: طيب على العموم خطوبتنا الجمعة الجاية، يلا سلام.

ندى: لخظة أي!! خطوبت اي.. خد هناااا رايح فين.

وسابها ومشي.

ندى: أيوة يا سارة أنتِ فيييين.

سارة: أي في أي، أبوكي طلق أمك ولا أي.

ندى: ياااريت.

سارة: أوعىٰ تقولي الزمالك كسب!!!

ندى: أنيل أنيل.

سارة: متتكلمي وأخلصي سيبتي ركبي!

ندى: جالي عريسسسسسس.

سارة: لولولووووووووووي، شكله حلو، ييشتغل اي ها.

ندى: أنتِ بتغرطي على أي!

سارة: على العريس، اخيرًا هتتجوزي.

ندى: وأنتِ فرحانه ليييي.

سارة: ماهو أحنا هنتجوز سوا يا ندوش.

ندى: هو جايلك عريس أنتِ كمان.

سارة: لا بس هيجي.

ندى: مش فاهمة!؟

سارة: منتي هتجيلي صاحبة.

ندى: بروح أمك، بت أتعدلي لأفضحك وأقول اسرارك لأمك.

سارة: لا لا خلاص بهزر معاكي، أنتِ قلبك أسود لي كدا.

ندى: أيوة كدا أتعدلي، قوليلوا هنخلص منو إزاي.

سارة باستغراب: مش فاهمه، ماترفضيه زي إلي قبله!

ندى: لا ذكية يختي، تصدقي الفكرة دي كانت تايهة عن بالي، مش ناقصة غباء ماهو اكيد لو أعرف أطفشه مكنتش أتنيلت ورنيت عليك.

سارة: اااه صح عندك حق، طيب أنا جيالك مينفعش نتكلم في الفون.

ندى: متتأخريش.

سارة: طيب سلام.

ندى: سلام.

بعد ساعة.

رن جرس الباب.

والدة ندى: أزيك يا سارة عامله اي.

سارة: أنا فله الحمدلله، وأنتِ يا جميل.

والدة ندى بضحك: هو في جميل غيرك يبت.

سارة: أه تصدقي صح.

والدة ندى: بت!

سارة بضحك: بهزر معاكي يا جميل.

ندى بعصبية: سااااارة.

سارة: يا ساتر ياارب في اي.

والدة ندى: مالك يبت سرعتي البت!

ندى: ااه معلششششش، تعالي يلا.

سارة: طيب ياختي، بعد اذنك يا جميل نكمل كلامنا بعدين بقا.

والدة ندى: طيب يا بنتي لو فضلتي عايشة.

سارة: لخظة اي!

ندى شدتها من إيدها وطلعت لأوضتها.

في اوضة ندى.

ندى: أنتِ ترغي مع أمي وأنا قاعدة هنا بولع.

سارة: أمك هي الي عسل، أنا أي ذنبي.

ندى: أخلصي، هنعمل اي.

سارة: ماهو أنا مش فاهمة لي مرفضتهوش.

ندى: يبنتي انا قولت كل الكلام الي بقوله لاي عريس.

سارة: طب حلو وبعدين.

ندى: لاقيته وافق!

سارة: إزاي يعني.

ندى: والله زي ما بقولك قالي موافق.

سارة: يبقى أكيد مفكر أنك بتهددي وخلاص.

ندى: أزاي يعني؟

سارة: يعني لازم تثبتي أن إلي بتقوليه دا هيحصل في جوازكم.

ندى: ودا إزاي!؟

سارة: هقولك بس الأول، أهلك أي رأيهم فيه!

ندى: هما إلي جبروني أقابله وحبينه أوي، وموافقين على الخطوبة.

سارة: ااه فهمت.

ندى: طيب اي هنعمل اي.

سارة: هنخلي فترة الخطوبة دي أسود فترة في حياته.

ندى: عندك حق، يقول على نفسه يا رحمان يا رحيم.

يوم الجمعه.

والدة ندى: أخلصي الراجل قاعد بره.

ندى: الله هتستعجلوني والله أفركش الجوازه.

والدة ندى: أعوذ بالله بوومه، أخلصي لأما والله أسحب منك التليفون.

ندى: ماهو لو فضلتي تتكلمي كدا مش هخلص!

والدة ندى: طيب طالعة، ياارب تنجزي.

ندى: اه يارب.

سارة: أنا جيت.

ندى: اتأخرتي لي يلي تنشكي.

سارة: معلش اسفة كنت بجهز.

ندى: بتجهزي لأي، أنتِ صدقتي أن الخطوبة هتطول ولا أي.

سارة: يستي بتخيل أنها خطوبة، اي متخيلتش!

ندى: ااه متتخيليش!

سارة: طيب يلا يختي زمانه خلل بره، وأهلك على أخرهم.

ندى: مش هما الي عاوزين الجوازة يلبسوا بقا.

سارة: يبت أخلصي، أبوكي لو جه هسيبك وامشي.

ندى: خاينه.

سارة: خاينه خاينه، بس ميتفتحش نفوخي، اخلصييي.

ندى: طيب جهزت اهو.

في الصالون.

والد ندى: أهي جت أهي.

زين بصلها ببسمه خفيفة.

والد ندى في دنها: حسابك معايا.

ندى من الخوف: بتقول أي يابابا مش سامعة.

والده ندى: بتوتر مافيش مقولتش يلا عشان تلبسي الدبله.

ندى: وأنتَ مستعجل لي، وبعدين فين أهله، وأهلي أنا.

والد ندى: اسكتي.

ندى: أسكت لي، فين الأهل دي مش خطوبه.

والد ندى: قولتلك أسكت.

زين: أهلي متوفيين يا آنسة ندى من خمس سنين في حادثة عربية.

ندى بصدمة.

والد ندى: مش قولتلك أسكتي، أنا هربيكي على قله سمعان الكلام دي.

ندى: الله يا بابا أنتَ هتضربني قدامه!

زين: طيب يا آنسة ندى، ممكن نلبس الدبل.

ندى بذهول: ها!

زين: الدبل!

ندى: ملها.

زين: بتسلم عليكي.

ندى: خفيف.

زين: بنتعلم منك.

والد ندى: لبسها يابني الدبله.

ندى: ثواني، وانا اهلي فين!

والد ندى: يوم فرحك هيجو.

ندى: وميجوش في الخطوبة لي.

والد ندى: أنتِ ناسية اخر مرة عملتي اي!

ندى. خلاص خلاص، هلبسها بس بشرط.

زين: شرط اي!؟

ندى: بابا يلبسني الدبله.

زين: كنت هقترح الأقتراح دا، عشان انتي لسة مش حلالي.

والد ندى: هاتي ايدك يا أخره صبري.

بعد تلبيس الدهب سارة زغرطت.

زين: عمي ممكن تسبينا نقعد مع بعضنا شوية.

والد ندى: أه طبعًا يابني.

ندى: رايح فين، هتسبني معاه!

والد ندى: يبنتي انا قاعد قدامكم بره اهو، يلا يا سارة.

ندى: سارة كمان!

سارة: معلش يا حبيبتي هعمل اي بس.

زين: مش عاوزه تساليني على حاجه يا ندى!

ندى: لا.

زين: طيب، يبقى أتكلم أنا.

ندى: متتكلم حد ماسكك!

زين: انا عارف أنك طفشتي العرسان إلي قبلي، وعارف أنك كنتي بتكلمي ولد من ورا ابوكي.

ندى بصدمة: بتقول أييي.

زين: انا عارف أنك طفشتي العرسان إلي قبلي، وعارف أنك كنتي بتكلمي ولد من ورا ابوكي

ندى بصدمة: بتقول أييي

زين: أي مسمعتنيش!

ندى: أنت جبت الكلام الفارغ دا منين

زين: لا هو مش كلام فارغ، دا كلام حقيقي

ندى: شكلك بتخرف وأنا مش ناقصة

وقبل ما تخرج ندى من الباب

زين: وحرف ال M الي عملاه على دراعـك بالموس دا برضو تخريف!

ندى بصدمة:.....

زين: سكتي يعني، اظن نقعد ونتكلم عشان باباكي ميشكش في حاجة

ندى بتوتر: عرفت كل دا منين

زين: عرفت من مطرح ما عرفت بقا، المهم انو صح

ندى: لا مش صح

زين: تمم تحبي اقول لبوكي وهو يشوف الحرف موجود ولا لا؟

ندى: أنت عاوز اي بالظبط؟

زين: ولا أي حاجة، أنا بس بعرفـك أني عارف عنك كل حاجة، عشان لو فكرتي تفسخي الخطوبة هقول لأبوكي

ندى: أنت أنت حقي..

زين: بلاش تشتمي يا ندى، واقعدي خلينا نتكلم، أنا مش جاي أهددك

ندى: لا والله وتسمى إلي بتعمله دا أي!

زين: ولا حاجة أنا بس بقولك كدا عشان بحبك ومش عاوز اخسرك، ولو التهديد هو الضمان الوحيد أنك تفضلي معايا، فهعمل كدا

ندى: بكرهك

زين: صدقيني بكره هتتدمي أنك قولتي كدا عليا يا ندى

ندى: عمري ما ندمت على حاجة

زين: أه صح زي ما ندمتي على محمد كدا! باين فعلاً أنك مش بتندمي على حاجة، على العموم أنا هقوم أروح عشان ألحق أصلي، وأنتِ أكيد تعبانة وعاوزة ترتاحي، يلا سلام يا ندى

ندى: في ستين داهية

**********************

والد ندى: تعالي هنا يا هانم، أي إلي عملتيه دا!

ندى: معلش يا بابا نتكلم بعدين أنا تعبانة ومحتاجة أرتاح، بعد أذنك

والدة ندى: هي ملها فيها أي

والد ندى: العلم علمك

والدة ندى: طيب أنا هروح أشوف ملها

والد ندى: لا مش دلوقتي أصبري شوية، وهنعرف كل حاجة

***************************

ندى: سارة أنا محتجاكي أووي

سارة: مالك يبنتي في أي؟! مالو صوتك

ندى: زين يا سارة

سارة: مالو!؟

ندى: طلع عارف بموضوع محمد

سارة: أي!!!! أزاي وعرف منين

ندى: مش عارفة يا سارة، عقلي واقف عن التفكير

سارة: طب أهدي، بالمنظر دا مش هنعرف نفكر، طب هو قال لأهلك حاجة

ندى: لا مقالش، قالي أنا مش بهددك أنا بس بعرفك اني عارف عنك كل حاجة

سارة: مش ممكن يكون من طرف محمد، أو يعرف محمد!

ندى: لا مظنش محمد مكنش معرف حد عليا، عشان المشاكل إلي كانت بتحصل

سارة: على كدة لازم نتعامل معاه بحظر، ونأجل خطتنا شويه لحد ما نشوف هو عارف أي عنك تاني

ندى: طيب إلي تشوفيه، بس لازم أخلص منو يا سارة، أنا أعصابي مش على بعضها من ساعة ما جاب سيرة محمد

سارة: أهدي بس وأكيد في حل، هو قالك هيجي أمتا تاني!؟

ندى: مقالش

سارة: طيب نامي دلوقتي وأهدي وبكرة عدي عليا ونشوف حل

ندى: طيب، مممم سارة

سارة: نعم

ندى: تفتكري هيقول لأهلي!

سارة: لو كان عاوز يقول كان قال يا ندى، وبعدين هو الحرف إلي على إيدك أمك مشافتهوش!؟

ندى: لا شافته، وقولتلها صحابي اقترحوا نعمل كدا عشان نفضل فاكرين بعض، بس زعقتلي وضربتني

سارة: طيب أهدي وأرتاحي دلوقتي ومتفكريش في حاجة وبكرة نتكلم

ندى: طيب، سلام

سارة: سلام

قفلت ندى مع سارة ومعرفتش تنام، عقلها فضل يودي ويجيب، يا ترى ممكن يقول لابويا، طب هو عرف منين، يااربي عقلي هيوقف، ياربي حلها من عندك...

********************

"تاني يوم"

ندى: ماما أنا ماشية

والدة ندى: ماشي ياحبيبتي

ندى: أيوة يا سارة، أنا قربت على بيتك أهو يلا أنزل.... زين!

سارة: زين أي!؟

ندى: أنت بتعمل أي هنا؟!

زين: جيت أشوفك قبل ما تروحي الجامعة

سارة: هو في أي!؟

ندى: مافيش اجهزي وأنزلي وانا جيالك، سلام

ندى: أنت ازاي تيجي هنا

زين: هو أي إلي أزاي، هو مش أنتِ خطيبتي ولا أي!

ندى: أديك قولتها خطيبتك مش مراتك! عاوز تشوفني تجيلي بيتي!

زين: طيب أهدي، على العموم أنا عاوز أقابلك أنهاردة

ندى: مش هينفعش ورايا جامعة

زين: هقابلك بعد الجامعة

ندى: معلش مش هينفع عشان هكون تعبانة من المحاضرات وعاوزة أرتاح

زين: اااه، طيب هنتقابل ولا أقول لأبوكي!!؟

ندى: أنت بتهددني!؟

زين: لا طبعًا، بس كلمتك بهدوء مرضتيش!

ندى: متسبني في حالي بقا، أنا مش بحبك!

زين: وأنا بحبك

ندى: وأنا مالي، هو بالعافية!

زين: لا مش بالعافية، أنا هخليكي تحبيني

ندى: أنت لو آخر واحد على الأرض مش هفكر فيك حتى

زين: لما نشوف، هقابلك أنهاردة في الكافية إلي جمب الجامعة متتأخريش، وأنا هروح لأبوكي أقوله

ندى بخوف: تقوله أي!!؟

زين: مالك أهدي، هقوله أني هقابلك أنهاردة، يلا عشان صحبتك بترن عليكي

ندى: سلام

*************************

سارة: في أي يبنتي، وزين اي

ندى: لقيته في وشي وأنا بكلمك

سارة: ودا إي إلي جابه!

ندى: بيقول عاوز يقابلني وهددني لو موافقتش هيقول لبابا

سارة: هو الواد دا عاوز أي!؟

ندى: مبقتش عارفة، أنا بقيت خايفة، أنا أي حاجة ممكن أزعله فيها، ممكن يقول لبابا، لازم أخلص منو بسرعة يا سارة

سارة: هنخلص منو متخافيش، ركزي بس في محضاراتك دلوقتي، يلا هقبلك بعد المحاضرات

ندى: طيب

هو لي بيعمل فيا كدا! هو ممكن يكون عارف محمد بجد زي سارة ما بتقول، لا لا مستحيل، ياربي بقا تعبت، تعبتتتت....

الدكتور: أفندم!!! تعبتي من أي يا أنسة

ندى: مين أنا!

الدكتور: أومال أنا!!

ندى: أسفة يا دكتور، بس في عندي شوية مشاكل

الدكتور: مشاكلك ونتي داخله المحاضره ترميها بره، مين مننا معندهوش مشاكل، منا عندي مشاكل شايفاني عملت زيك!!!

ندى: أسفة يا دكتور، مش هتتكرر تاني

الدكتور: أتمنى كدا، أتفضلي أقعدي

********************

"بعد المحاضرات"

سارة: ندى أنتِ فين

ندى: في كافيه الجامعة

سارة: طيب أنا جيالك

ندى: تمم

سارة: أي يبنتي، مالك مش قولتلك متفكريش في الموضوع

ندى: مش قادرة يا سارة، أنهاردة سرحت في المحاضرة والدكتور هزقني، مش هقدر أكمل معاه، بالمنظر دا مش هحبه، أنا معاه عشان خايفة منو!

سارة: طب متقوليلوا كدا يا ندى

ندى: إلي زي دا مش بيحس يا سارة

سارة: طب اي رأيك أكلمه أنا

ندى: هتقوليلوا أي بس

سارة: مش عارفة هفكر

ندى: اهو بيرن، أنا هروحله، سلام

سارة: خلي بالك من نفسك

ندى: طيب

**************

زين: كويس أنك جيتي

ندى: وأنا أقدر أتاخر

زين: لي حبتيني ولا أي!؟

ندى: لا طبعًا، أنتَ ناسي أنك بتهددني

زين: أه، طب ممكن تشيلي فكرة التهديد من دماغك، عشان أنا مش هعمل حاجة

ندى: لا والله، المفروض أفرح دلوقتي صح؟

زين: بتتكلمي كدا لي يا ندى

ندى: عشان انا عمري ما هحبك يا زين

زين بحزن: بس أنا بحبك

ندى: مافيش حد بيحب حد ويهدده يا زين

زين: أنا كان كل قصدي عشان متفسخيش الخطوبة

ندى: طيب تمم وأنا لسة مخطوبالك اهو، فين المشكله

زين: مخطوبالي خوف، مش حب، وأنا مش عاوز دا

ندى: أنا إلي بدأت

زين: طب ممكن تنسي التهديد وأنا والله ماهعمل حاجة، وحاولي تحبيني، لو ما حبتنيش فشكلي الخطوبة

ندى: مش هتعمل حاجة لو فشكلت الخطوبة!؟

زين: ولا هعمل اي حاجة

ندى: طيب، موافقة

زين: طيب تشربي أي بقا

ندى: أي حاجة

زين: بتحبي المانجا!؟

ندى: بموت فيها

زين: وأنا كمان، بعشقها

ندى: أه، كويس

"بعد مرور ساعة ونص"

زين: يلا عشان أروحك بقا

ندى: طيب يلا

"في منزل ندى"

سارة: حصل اي

ندى: ولا اي حاجة، قالي هديكي مدة تحبيني، لو محبتنيش خلاص فشكلي

سارة: طب حلو أوي، أهي أتحلت أهي

ندى:إزاي؟

سارة: فشكلي الخطوبة

ندى: طيب بعد فترة زي ما قولتله

سارة: وأمتا هتفشكلي

ندى: اسبوع كدا

سارة: خلاص أشطا، روقي بقا

ندى: رايقه أهو

سارة: طيب هشوفك بكرة

ندى: أها هقابلك بكرة

سارة: فين طيب

ندى: في الكافيه هيكون فين ياختي

سارة: طب بقولك بكره عندي فرح، متيجي معايا

ندى: فرح مين

سارة: خطوبت واحدة صاحبتي

ندى: تمم هاجي

*************

والد ندى: ندى، أنتِ بتكلمي زين

ندى: لا لي

والد ندى: أصل عرفت أنو تعبان شوية، فقولت تطمني عليه

ندى: وأطمن عليه بتاع أي

والد ندى: مش هو خطيبك يبنتي

ندى: بابا أنا مبحبش كده وأنت عارف، أنا هروح أنام، عشان الفرح إلي قولتلك عليه

والد ندى: مش عجبني حالك ولا تصرفاتك

ندى: بابا في اي، دا كله عشان مش عاوزة اطمن عليه!

والد ندى: لا عشان أنتِ بتتصرفي بدماغك، مافيش أفراح هتروحيها يا ندى

ندى: أي، بس أنا قولت لسارة هروح

والد ندى: وأنا قولت مش هتروحي، خلص الكلام

ندى: أنا أصلاً مكنتش هروح

"في اوضه ندى"

أنا هطق، يعني أي مش هروح، كله بسبب الزفت زين، أنا هربيه

زين: مين

ندى: لا والله ومش عارف صوتي

زين: ندى!

ندى: أيوة زفته

زين: مالك بتتكلمي كدا لي

ندى: عشان أنت سودت حياتي

زين: لي عملت أي!؟

بابا: مش راضي يوديني الفرح بسببك

زين: طب ماهو عنده حق، تروحي فرح لوحدك ازاي!؟

ندى: وأنت مالك يا بارد

زين: بارد!

ندى: وتنح

زين: لا دا أنتِ خدتي عليا خالص

ندى: دمك سم على فكرة

زين بضحك: والله خففتي عليا تعبي

ندى: تعب أي

زين: أنتِ متعرفيش اني تعبان!؟

ندى: لا عارفه

زين: طيب ورنيتي عشان تطمني عليا

ندى: أه.. لا لا طبعًا، رنيت عشان اهزقك

زين: ندى

ندى: عاوز أي

زين: بحبك

ندى بذهول: ممم حبك برص "وقفلت السكه"

"تاني يوم"

وهما قاعدين بيفطروا

ندى: يا بابا بالله عليك وديني الفرح وهسمع الكلام بعد كدا

والد ندى: قولت لا

رن جرس الباب...

والدة ندى: زين!

زين:أزيك يا طنط، أومال فين عمي!؟

والدة ندى: جوه، تعالا أدخله

ندى: يا باب... زين!

زين: أزيك يا عمي

والد ندى: تعالا يا بني حماتك بتحبك، تعالا كل

ندى: اي إلي جابك

والد ندى بحزم: ندى!

ندى: خلاص أسفة

زين: لا شكرًا يا عمي أنا كلت، أنا جاي أخد ندى، عشان عندنا فرح أنهاردة

ندى: اييي!!!!!!

الفصل الثالث

زين: لا شكرًا يا عمي أنا كلت، أنا جاي أخد ندى، عشان عندنا فرح أنهاردة

ندى: اييي!!!!!!

زين: أي يا ندى مالك!؟

والد ندى باستغراب: فرح أي يابني!؟

زين: هي ندى مقالتش ليك يا عمي أن عندنا فرح أنهاردة ولا أي!؟ أي يا ندى مقولتيش لي ابوكي!؟

ندى بذهول: فرح أيي

زين بغمز: فرح قريبت سارة يا ندى مالك نسيتي ولا أي

ندى: أااه صح، منا قولتله وهو رفض

زين: رفضت لي يا عمي، هو في حاجة ولا أي!؟

والد ندى: والله يا ابني أنا معرفتش أنك رايح معاها أصلاً

زين: إزاي يعني يا يعمي أكيد مش هخليها تروح لوحدها

والد ندى: هي مقالتليش والله يابني

زين: لي كدا يا ندى، مش المفروض تقولي لباباكي

ندى بدهشة: ها!!

زين: أنتِ لسة واقفة، يلا أخلصي غيري هدومك، هتيجي الفرح بالهدوم دي!؟

ندى: أغير هدومي دلوقتي!؟

زين: أه يلا، أنتي لسة واقفة

ندى: ها لا هغير أهو

زين:طيب يلا بسرعة

ندى: ماشي

زين: مش هنتأخر يا عمي

والد ندى: ماشي يابني خلي بالك منها

زين: أكيد يا عمي دي في عيني

"بعد مرور نص ساعة"

ندى: أنا جاهزة يلا

زين بذهول: أي دااا!

ندى: أي في أي!؟

زين: أي الجمال دا، مانتي رقيقة أهو، أشمعنا دبش معايا

ندى: ونتا مالك أنا رقيقة ولا لا!؟

والد ندى: أنتوا هتتخانقوا!

زين: لا مش هتخانق، يلا يا ندى عشان نمشي

ندى: طيب

زين: يلا السلام عليكم

والد ندى /والدة ندى: وعليكم السلام

******************

ندى: أنت أي جابك؟ الفرح دا يخصني ميخصكش!؟

زين: تحبي نرجع!؟

ندى: لا لا أنا بس بسأل

زين: طيب يا يستي هجاوبك، مش أنتِ رنيتي عليا أمبارح وسمعتيني صوتك!؟

ندى: سمعتك صوتي!؟ أنا رنيت عشان أهزقك

زين: أحم المهم سمعت صوتك

ندى: أه

زين: وأنا فرحت لما سمعت صوتك يستي، فقولت افرحك

ندى: أااه قول كدا بقا

زين: أه

ندى: طب أنتَ مخرجني بدري لي! الفرح الساعة6 والساعة دلوقتي 1!

زين: عشان ألحق أقعد معاكي

ندى: نعم!!

زين: أي، انا خارج واهلك عارفين، وبعدين هنقعد مع بعض لحد وقت الفرح مافيهاش حاجة يعني

ندى: لا فيها، أنا مبادئي متسمحش أغش أهلي

زين: مبادئك! لا أنا ميضرنيش أزعل مبادئك، تعالي أرجعك البيت

ندى: ها، تعرف بعد تفكير أنا شايفة مش هيحصل حاجة لو أتنازلت عنها المرادي

زين بضحك: جبانة

ندى: رأيك فيا في الزبالة

زين: يبت أرحميني وبطلي دبش شوية بقا

ندى: بت أما تبتك، أنتا خدت عليا ولا أي

زين: زي ما ختي عليا يختي، ولا نسيتي قولتي أي أمبارح

ندى: قولت اي يعني

زين: هزقتيني!!

ندى: محصلش

زين: يا كدابة الكداب بيروح النار، بس عارفة رغم كدا أنا مزعلتش منك، عارفة لي!؟

ندى: لي!؟

زين: عشان أتكسفتي

ندى: أنا أتكسفت! إزاي يعني

زين: لما قولتلك بحبك

ندى بتوتر: لا متكسفتش على فكرة

زين: أومال قفلتي لي

ندى: كنت عاوزة أنام

زين: لا والله

ندى: أه، وبعدين متسكت بقا صدعتني

زين: لساني وأنا حر في

ندى: لا مش حر

زين: ودا إزاي ان شاء الله!

ندى: أهو كدا وخلاص

زين: ندى هو شكلي وحش!

ندى: لي!

زين: أصلك باصة في الأرض من ساعة ما خرجنا من البيت

ندى: لا مش كدا أنت قم...، قصدي لا مش وحش

زين: أي قولتي أي!

ندى: قولت أي

زين: قولتي قمر صح

ندى: لا محصلش

زين: لا والله قولتي

ندى: بقولك محصلش، أنا جعانة

زين: عاوزة تاكلي اي يا ندوش

ندى: مممم أي حاجة اي حاجة

زين: طيب تعالا في مطعم قريب

ندى: طيب

****************

"في المطعم"

زين: أتفضلي يا آنسة

ندى: اي دا وبتشدلي الكرسي كمان!

زين: اومال، فكراني مش راجل دنچوان ولا أي

ندى بضحك: بصراحة لسة عارفة اهو

زين: طيب يختي، لو سمحت

الجرسونـة: أُؤمر يا فندم

زين: ها يا ندى تاكلي أي

ندى: اي حاجة

زين:ممم طب بصي هاتلنا أحسن أكل عندكم

الجرسونة: حاضر يا فندم

زين: لطيفة أوي

ندى: هي مين!؟

زين: الجرسونة، ضحكتها حلوة وشها بشوش كدا

ندى: لا على فكرة مش حلوة خالص، ومافيش حاجة فيها عدله، د أنا أحلى منها

زين: أي دا أنتِ بتغيري!

ندى: أغيـر من مين، من جرسونة! يا شيخ قول كلام غير دا، قال أغير قال

زين: دا أنتِ مش بتغيري بس، د أنتِ بتولعي كمان

ندى بغيظ: لو مسكتش هقوم امشي!

زين: خلاص خلاص سكت أهو

ندى: أحسن برضو

"بعـد مرور ساعتان"

زين: أنا زهقت، يلا نمشي

ندى: طيب، يلا

زين: الحساب لو سمحت

********************

زين: حابة نروح فين دلوقتي

ندى: مش عارفة هي الساعة كام دلوقتي

زين: 3وعشرة

ندى: لسة بدري

زين: طب منروح نستني هناك مفضلش كتير يعني

ندى: ماهو الفرح دا تبع سارة مش تبعي، وانا معرفش العروسة فمينفعش أروح بدري

زين: فهمت، طب هنعمل اي دلوقتي، دي نروح الكورنيش

ندى: لو روحنا مش هنلحق الفرح، ممم زين ممكن اسالك سؤال؟

زين: أتفضلي

ندى: عرفت منين بموضوع محمد!؟

زين: العصفورة قالتلي

ندى: بتكلم بجد، رد بقا

زين: مش دلوقتي، لما نتجوز هقولك

ندى: لا يا شيخ وأي ضمنك أني هتجوزك

زين: أحساسي، وبعيد عنك أحساسي عمره ما خيب

ندى: لا والله واثق أوي من نفسك!

زين: أومال يا فندم، بنتعلم منك

ندى بضحك: ماشي يعم

زين: ضحكتك حلوة أوي

ندى بكسوف: أحم هنعمل اي دلوقتي!؟

زين: أي دا أنتِ مكسوفة، دا أنتِ بتحسي زينا أهو!

ندى: نعم ياخويا حد قالك عليا دبش قبل كدا ولا أي!؟

زين: لا سمح الله هو حد يقدر، دا أنتِ كنتي كلتيه

ندى: مش للدرجة يعني

زين: لا يا شيخة

ندى: أومال يابني فاكر أي

زين: طيب خليكي هنا هروح أجيب حاجة وأجي

ندى: رايح فين!؟

زين: متخافيش هجيب حاجة وهاجي بسرعة

ندى: طيب متتأخرش

"بعد مرور 10دقائق"

زين: مفاجأة

ندى: أي دا غزل البنات، عرفت منين أني بحبه

زين: كل البنات الهايفين بيحبوه

ندى: نعم!

زين: اهدي بهزر، مش قولتلك أنا عارف عنك كل حاجة

ندى: ما أنا هموت وأعرف عرفت منين

زين: العصفورة قالتلي

ندى: هي العصفورة دي ملهاش اسم!

زين: لا ليها، اسمها عصفورة هو دا مش اسم ولا اي!؟

ندى: لا خفيف يلا

زين بضحك: يلا كمان، لا كدا كتير بصراحة

ندى: اي في اي

زين: هتفضلي محنساني بغزل البنات كدا كتير ولا أي!

ندى: متجبلك، هو أكل وبحلقه، أنت عازمني عشان تطفحه معايا!

زين: أطفحه!! يبنتي الملافظ سعد

ندى: بقولك اي يستا هو دا كلامي عاجب مش عاجبك شد في حواجبك، وبعدين دي طريقتي مع اي حد قريب مني

زين: يعني انا قريب منك يا ندى

ندى: ممممم كنت عاوز حتة صح

زين: متغيريش الموضوع

ندى: زين بس بقى بتكسف

زين بحزن: طيب يا ندى براحتك

ندى: ممم، سارة بترن، أيوة يا سارة

سارة: اي يبنتي فينك

زين: في الشارع لي!؟

سارة: عندي ليكي خبر بمليون جنيه

ندى: خبر أي!؟

سارة: محمد هنا في الفـرح

ندى بصدمة: أيي!

الفصل الرابع والأخير

سارة: عندي ليكي خبر بمليون جنيه

ندى: خبر أي!؟

سارة: محمد هنا في الفـرح

ندى: أييي!

زين: أي يا ندى في أي مالك

ندى: طيب سلام

زين: في أي يا ندى، مالك!؟

ندى بخوف: عاوزة اروح الكورنيش يلا بينا

زين: طب والفـرح!

ندى: مش مهم، سارة قالتلي أنو مش حلو ومش هيعجبني

زين: مممم

ندى: مالك!؟

زين: مافيش بس مستغربك، كنت هتموتي وتروحي الفرح ودلوقتي مش عاوزة تروحي!

ندى: ماهو سارة قالت انو وحش وميستاهلش أني آجـي، وبعدين عاوزة أروح الكورنيش

زين: ممم طيب، يلا بينا

*******************

زين: أجبلـك درة

ندى:....

زين: يا ندى

ندى: نعم في أي

زين: لا أنتِ مش معايا خالص، بقولك أجبلك درة

ندى: لا ماليش نفس، بقولك أي، عاوزة أغسل وشي

زين: في دورة مياه هناك أهي

ندى: طيب خلي حاجتي معاك

زين: ماشي

_هي ملها فيها أي! كانت بتضحك وكويسة، أنا متأكد أن دا مش بسبب الفرح"وقطع تفكيرة رنـة سارة على تليفون ندى"

زين: أرد ولا مردش، أرد ولا مردش، هـرد

سارة: يبنتي فينك، محمد بيسأل عليكي

زين: أي!، محمد مين!

سارة: أي دا، أنت مين!

زين: محمد مين بقولك

سارة: زز.. زين!

زين: بقولك مين محمد، حبيبها القديم صح!

سارة: والله أنت فاهم غلط يا زين

ندى: أي يا زين، صوتك عالي لي! وبعدين بتكلم مين! مش دا تلفوني!

زين: أنتِ مستهليش أي حاجة عملتها عشانك، روحيله، قبل مايمشي، عشان كدا وشك لونه اتغير لما سارة كلمتك، كدا فهمت لي مكنتيش عاوزاني أجي معاكي

ندى بعياط: لا يا زين أنا مظلوم...

زين: عشان يحلالك الجو مع حبيب القلب، على العموم أنا هريحك من ثقلي، وهريحك خالص، عشان تعرفي تاخدي راحتك مع حبيب القلب

ندى بعياط: زين والله أنا مظلومة، أنت فاهم غلط والله أنا بحبك أنت صدقني

زين: كفايا شعارات كدابة، دبلتك أهي

"ورماها في وشها ومشي"

ندى وهي منهارة من العياط: زييين بالله عليك متسبني، أنا بحبك، سـارة ألحقيني أنا بموتتت

سارة: اهدي أنا جاية قولي أنتِ فين

ندى: الكورنيش، متتأخريش والله هموت نفسي

سارة: لا لا أنا جيالك والله اهو

ندى وهي بتبكي: هو سابني يا سارة صح، خلاص كدا خسرته، خسرته قبل ما أعترفله بحبي

سارة: أهدي يا روحي زين عارفك كويس، وهيعرف أنك برئية وهيرجعلك

ندى: زين سابني خلاص، وكله بسبب محمدددد، حسبي الله ونعم الوكيل

سارة: بالله عليكي أهدي

ندى: أقفلي أنا هرن عليه

_تنننننننننن "تم انهاء المكالمة"

_ الرقم مشغول

_الرقم مشغول

_الرقم مشغول

ندى ببكـاء: لا يا زين، عملتلي بلوك! عملته لي ها، أنا مظلومة والله العظيم مظلومه، والله مظلومههههههه

*********

سارة: ندى!!!

ندى بضحك ممزوج ببكاء: عملي بلوك يا سارة، زين عملي بلوك

سارة: ياااربي أهدي بالله عليكي، والله العظيم هيرجع

ندى: عمره ما هيرجع يا سااره

سارة: لازم تروحي، أنتِ شكل ضغطك وطي، يلا يا ندى، قومي معايا

ندى: مش قادرة يا ساارة أتحرك، جسمي مشلول، أنا تعبان....

"واغمى على ندى"

سارة:بخوف ندى، ندى فووقيي، ندى!!!!، الحقووني يا نااس، يااا ندددددددى

********************

_تنتنتنتنتن

والدة ندى: اي دا مين بيرن الجرس بالطريقة الغبية دي

والد ندى: قومي شوفي مين، دا هيحرق الجرس

والدة ندى: طاايب جايةة، أنت بتر......، ندى!!!!!، ملها ندى يا سارة، الحقني يا مسعدددد

سارة: هحكيلك بعدين، بس تعالوا نطلعها على اوضتها الاول

مسعد: في اي، ندى!! حصل اي في اي ملها ندى!! ندى ندى مالك يا حبيبتي، في اي يا سارة

سارة: يا عمي والله هحكيلك على كل حاجة، بس لازم. دكتور يشوفها دلوقتي

والد ندى: انا هروح اجيب دكتور ونتوا طلعوها على اوضتها

***********************

والدة ندى: ملها بنتي يا دكتور

الدكتور: متخافوش، ضربات القلب مكنتش مستقرة، وضغطها كان عالي أوي، هي دلوقتي نايمة، ويفضل محدش يزعجها، والدوا دا تاخده في ميعاده

والد ندى: يعني هتبقى كويسة يا دكتور

الدكتور: بإذن الله

****************

سارة: ها يا عمي الدكتور قال اي!

والد ندى: ضربات قلبها كانت سريعة، وضغطها عالي، هو حصل اي!

سارة: هقولك يا عمي

_ندى كانت عارفة ولد و..............

"وحكت سارة كل حاجة"

********************

والد ندى: كل دا وأنا معرفش، كانت مستهيفاني!

سارة: مش وقته الكلام دا دلوقتي يا عمي، الكلام دا عدى عليه كتير، خلينا في زين دلوقتي، ندى بتحبه يا عمي، ولازم يفهم انها مظلومة

والد ندى: طيب سيبيني افكر

سارة: طيب يا عمي، أنا هطلع أشوف ندى

والد ندى: طيب يا بنتي

والدة ندى: هو في اي يا سارة

سارة: أنا حكيت لعمي كل حاجة، هو هيفهمك يا عمتي، أنا هطلع لسارة بعد اذنك

والدة ندى: إذنك معاكي يبنتي

*********************

سارة: وجعتني قلبي عليكي يا ندى، والله هيرجعلك يا حبيبتي، مش هيعرف يلاقي واحده زيك، بس أنتِ خفي يا ندى، وحشتيني ووحشني دبشك

"بعد مرور تلاتة أيام"

سارة: أي يا ندوش، عاملة أي أنهاردة

ندى: الحمدلله وأنتِ

سارة: أنا عال أووي، بقولك يا ندوش، متيجي نخرج انهاردة

ندى: معلش يا سارة، ماليش نفس، مرة تانية ان شاء الله

سارة: لا أنهاردة، عاوزة نخرج زي زمان يا ندى، كفايا زعل يا حبييتي

ندى ببكاء: ومين قالك أني زعلانة

سارة: بتعيطي يا ندى! أرحمي نفسك بقا، بصي أنا هعدي عليكي أنهاردة عشان نخرج، سلام

******************

سارة: طق طق طق، أنا سارة، واقفة على الباب، وهخش، أي يا جميل مالك زعلان

ندى: في أي يا سارة قولتلك مش هخرج يستي، وبعدين أي الفستان دا

سارة: وأنا قولت هتخرجي، لبستة عشان هنخرج

ندى: يووو بقا قولتلك مش هخرج سيبيني في حالي يستي الله يرضي عنك

سارة: لع، انا رخمة يستي، وبعدين أنا قولت لاهلك وهما موافقين

ندى: وأنا مش موافقة

سارة: كدا يعني يا ندى، مش هتحضري تلبيس دبل أختك

ندى: تلبيس دبل!!!

سارة: أه، منا هتخطب

ندى: مقولتليش يعني! عشان كدا لابسة الفستان!

سارة: يختي هو أنتِ فايقة، وبعدين قولتلك اهو، مش هتيجي برضو، أه عشان كدا

ندى: لا هاجي طبعًا

سارة: أشطا أنا جبتلك فستان شبه بتاعي

ندى: لي بس

سارة بضحك: لي بس أي، عشان يحتاروا مين العروسة

ندى: أها طيب

سارة: طيب هستناكي تحت تلبسي وتنزلي، ومش تتاخري ها

ندى: حاضر

"بعد ربع ساعة"

ندى: خلصت

سارة: أي الجمال دا، د أنتِ أحلى مني

ندى: شكرًا، هو فين بابا وماما

سارة: راحوا سابقونا على هناك، أنتِ ناسية أنهم مربيني ولا أي

ندى: أه صح، طيب يلا بينا

سارة: يلا

*************************

"في القاعة"

ندى: اي جابنا القاعة!!!!! هو مش دا تلبيس دهب!؟

سارة: ماهو تلبيس دهب وخطوبة يا ندى مالك

ندى: مممممم طيب

سارة: يلا ندخل

ندى: يلا

سارة: ابوكي وأمك أهم

ندى: أها طي... أي دا! أعمامي بيعملوا اي هنا

سارة: ممكن أهلك عزموهم، أنتِ عارفة عيلتي صغيره والقاعة ذي منتي شايفة كبيرة

ندى: طيل هاروح أقعد معاهم

سارة: تقعدي فين يختي، أنتِ هتتذنبي جمبي

ندى بضحك خفيف: طيب يختي

سارة: أيوة كدا فرفشي

ندى: هما فين قرايب خطيبك، أنا شايفه اهلك وأهلي بس

سارة: جايين في الطريق، بقولك أي

ندى: أي

سارة: تعالا أصورك

ندى: لا أنتِ العروسة يبنتي، تعالي أنا الي هصورك

سارة: لا انا هصور أترزعي هنا، وأضحكي يلا

ندى: طيب

سارة: ها جاهزة

ندى: أيوة جاهزة

"والنور قطع"

ندى: يا عيله يا فقر، حتى يوم خطوبتك فقر

_هتفضلي دبش ومش هتتغيري

ندى: أي، الصوت دا

زين: منورة يا عروستي

ندى بصدمة: أي دا في أي!!!!

زين: ولا حاجة هخطبك بس

ندى: تخطبني ازاي، أنت أي جابك، وأي جابني، هو في اي أنا هتجنن

زين: لاااا مش طالبة جنان دلوقتي بالذات، وعشان اريحك، سارة وابوكي فهموني كل حاجة يا ندى، وعرفت أني ظلمتك، أنا أسف يا ندى

سارة: لما قولتلك محمد في الفـرح، أكتشفت أن الخطوبة دي كانت خطوبة محمد، ولما رنيت عليكي وقولت محمد عاوز يشوفك زين إلي رد عليا، ومدنيش فرصة أقوله أن محمد كان عاوز يشوفك عشان يباركلك على خطوبتك

ندى: بجد

سارة: أه والله بجد

ندى: طب لي قولتي أنها خطوبتك!؟

سارة: عشان مكنتيش راضية تيجي، ودي كانت الطريقة الوحيدة عشان تيجي معايا، وبعدين بذمتك هو أنا منظر واحدة تتخطب برضو

زين: أحم أحم، تقبلي تتجوزيني يا آنسـة

ندى بفرحة: أه أقبل

زين: هاتوا المأءون

ندى: مأذون أي!

زين: منا مش هضيعك تاني وهكتب الكتاب دلوقتي

_بارك لكما وبارك عليكما وجمع بينكما في خيـر

زين: مش عاوزة تقوليلي حاجة!

ندى: أه عاوزة

زين: ها أشجيني

ندى: هنكد عليك عشتك على إلي عملتوا فيا

زين: سارة ألحقي المأذون قبل ما يمشي في حاله طلاق هنا

ندى: لا والله

زين: بحبك يا ديش

ندى: أحم وأنا كمان

تمت رواية كاملة عبر مدونة