تحميل رواية «اسمعني» PDF
بقلم فاطمة سالم
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
عن الرواية
بين أزقة الأحياء القديمة نرى هناك حكايات. ليلى: خاطري نقرا في مدرسة غير شيك. رن تليفونها جاها مسج، طول شداته وابتسمت. يقين: ليلى في شن لاهية انتي وكل شوي شادة التليفون؟ ليلى: ولااا شييي. تكتب في رسالة ومبتسمة. يقين: امممم لي واخد عقلك يتهنى. ليلى: اممم. يقين بخبث: ليلى! ليلى: همم. يقين: ليلى! ليلى تضحك وتبعت في الرسائل. يقين بضحكة فكت منها التليفون وتهرب. ليلى توترت: يقيييين! يقين: الا ما نعرف شن لي داهبلك شيرتك. ليلى: يقييين هاتي! يقين: لا احكي به نعطيهلك. ليلى: مش أي شي تعرفيه هاتي. يقين: خلاص...
رواية اسمعني الفصل الأول 1 - بقلم فاطمة سالم
بين أزقة الأحياء القديمة نرى هناك حكايات.
ليلى: خاطري نقرا في مدرسة غير شيك.
رن تليفونها جاها مسج، طول شداته وابتسمت.
يقين: ليلى في شن لاهية انتي وكل شوي شادة التليفون؟
ليلى: ولااا شييي.
تكتب في رسالة ومبتسمة.
يقين: امممم لي واخد عقلك يتهنى.
ليلى: اممم.
يقين بخبث: ليلى!
ليلى: همم.
يقين: ليلى!
ليلى تضحك وتبعت في الرسائل.
يقين بضحكة فكت منها التليفون وتهرب.
ليلى توترت: يقيييين!
يقين: الا ما نعرف شن لي داهبلك شيرتك.
ليلى: يقييين هاتي!
يقين: لا احكي به نعطيهلك.
ليلى: مش أي شي تعرفيه هاتي.
يقين: خلاص تو نعرف بروحي.
وهي تجري.
ليلى: هاتييي يقييين.
وهي تلحق فيها.
وهوووب تجي سيارة تجري تضرب ليلى وتجي فوقها واطيح.
يقين: ليلللى!
ليلى: يقي...
أغمضت عينيها.
الناس كلهم التموا عليها وخافوا لأن الحادث قوي.
بينما صاحب السيارة كان لابس قناع مهرج، ولما زحمت الدنيا خاف وهرب بسرعة بدون ما يعرفوا هويته.
يقين: حلوو اتصلوا بالإسعاف حد يساعدنا، بتموت البنت.
خليل: تمام حلو حلو الإسعاف تو بتجي.
اتصلت بالإسعاف.
مسافة طريق وجت الإسعاف وكانت حالة ليلى يرثى لها.
في المستشفى.
يقين: كله مني إني السبب، لو ما خليتهاش تري ما كانش صار شي، كله مني.
نجيه: بنتي ماديريش في روحك هكي، كله قضاء وقدر.
جدة ليلى منهارة: بنتي بنتي حفيدتي بتموت.
نجيه: ح تنوض بخير وصحة إن شاء الله، متخافيش عمتي.
يقين: كله مني إني السبب، إني.
وتخبط في وجهها.
نجيه: بنتي أهدي، استهدي بالله عيب حرام عليك، كله مكتوب.
يقين: لا يما إني السبب إني السبب.
في شارع المدرسة.
خليل: اطلللع يا مولى المدرسة، اطلللع نتحاسبو، نحساب أرواح الناس لعبة.
بو بكر: اطلعووو نتواجهو، خلي تريس تقابل بعضها.
سراج: لي راجل فيكم يطلع هيا.
الأهل والجيران كلهم قدام المدرسة طالبين حق ليلى ومتعاطفين معاهم.
داخل المدرسة غير شيك.
أكرم: الباين هدا لي يصير فيهم.
سليمان: حل الموضوع بسرعة قبل لتوصل للشرطة، دير شغلك.
أكرم: تمام يا شيخ، انت ارتاح وخلي الموضوع عندي.
سليمان: الصبح نبي موضوع منتهي.
أكرم: تم يا شيخ تم، كون هاني.
أكرم: نطالب بشخص واحد بس يخش نتفاوضو معاه وح نديرو لي يرضيكم لو عندكم حق.
بو بكر: خش انت يا خليل أحسن.
سراج: أي خليل انت تعرف لي يصلح بينا وح نخش معاك.
أكرم: نطالب بشخص واحد فقط.
يتكلم على السبيكر.
خليل: تمام تمام، تو نخش إني بروحي.
سراج: متأكد؟
خليل: مش ح يصير، انتم خليكم هنا، كان بطيت اخشوا وراي.
سراج: تم.
خليل: تمام.
فتحوا بوابة المدرسة الحراس وخش خليل.
دخلوه داخل.
لقي قدامه...
أكرم: أهلا وسهلا.
خليل قارن حواجبه: أهليييين.
أكرم: خش فتش المدرسة كيف ما تبي، ونحن والله متعاطفين معاكم وبودنا ما صارش الحادث لشابة في مقتبل عمرها، ولكن احني مالينش دخل بالحادث اللي صار.
خليل هز راسه: تمام ح نتأكد بروحي ونشوف كلامك مضبوط أو لا.
أكرم: تفضل.
وبالفعل خليل فتش المدرسة وملقاش أثر لسيارة اللي شافها.
أكرم: تأكدت يا أستاذ؟
خليل: اسمي خليل، أي تأكدت من المكان، لكن ح نزيد نتأكد أكتر بمعرفتي.
أكرم توتر: اممم، احني كا أكرامية ليك وللقبيلتكم ح نعطو منحة لثلاثة أشخاص يقروا في مدرستنا المتواضعة، وغير ذلك ح نعطوك مبلغ وقدره.
خليل: مقابل؟
أكرم: أظن فهمت وفهمك كفاية.
خليل يحك في لحيته: امممم تمام تمام، حتى احني نبو نحلو الموضوع ودي أفضل.
أكرم ضحك: كويسسس، تعرف مصلحتك كويس يا أستاذ خليل، إذا هك... تفضل معاي للمكتب.
خليل ابتسم: تمام.
وخشوا هم الاثنين المكتب.
أكرم طلع كومة فلوس من الدرج: هادا مبلغ أظن بعده مش ح تجي أدّاه مدرستنا يا أستاذ خليل؟ وتتّهمنا بتهم ماليهش أساس من الصحة.
خليل لين عيونه ضحكوا لما شاف الفلوس: أي أكيد أكيد.
أكرم ابتسم بخبث: اممم حلوو الكلام، انستنا يا أستاذ خليل.
خليل: الله يأنسك الله يأنسك.
جي بياخد الفلوس.
أكرم: لحظظظه، مش بسهولة.
خليل انصدم.
أكرم: لا انت ولا غيرك يجي يصدع راسنا بعد هاليوم، ما تفكرش إن تجي بعدين.
خليل: أكيد أكيد أستاذ أكرم أستاذ.
أكرم ابتسم: هممم، تمام تقدر تتفضل توا.
تاني يوم.
"يقين"
نجيه: قال خليل ولد جيرانه، إنه المدرسة عطت منحة لثلاثة طلبة والقبيلة اختارتك من بينهم عشان مستواك كويس انتي وعويشة.
يقين وعيونها يدمعوا: أمي كيف نقرا في مدرسة هي سبب لي صار لي ليلى، ليلى نشلت ماما نشلتت، انتي مستوعبة؟
نجيه تنهدت: تمام بنتي، لكن هدي فرصة، انتي ماليكش ذنب، وبعدين مافيش دليل إنه المدرسة هي السبب.
يقين: السيارة سراج تبعها ولقاها خاشه للمدرسة أمي.
نجيه: تمام بنتي على راحتك، بس خليل مشي للمدرسة وشافها ملقاش السيارة.
يقين في خاطرها: امم بس لو قريت فيها ممكن نقدر نثبت إنهم هم السبب وناخد حق ليلى؟ يعني ح نكون في وسطها، واكيد اكيد ح نلقى دليل، هو لموضوع صار أمس بس ما أعتقدش تخلصوا من كل الأدلة.
نجيه: بنتي؟
يقين: يقيين.
يقين بفرحة: تمام خلاص ح نقرا فيها.
نجيه استغربت: مااشي بنتي ارقدي باش تنوضي الصبح للمدرسة.
يقين في خاطرها: ح ناخد حق ليلى، وح نثبت هالشي، اللي انتم ما قدرتوش تثبتوه.
تالت يوم.
يقين.
لبست الزي متاعي اللي جابته أمي أمس من المدرسة، واني مشمئزة، بس كله على خاطر ليلى، أكيد كلكم مستغربين ليش نحب ليلى، هي كويسة معاي الحق كويسة معاي هلبا.
أنا لما تعرف إنّي زعلانة طول تجي تتأسف لين نرضى، حتى تسهر على خاطري لين نرضي.
لما تعرف حتى زعلانة مع حد تجيني، تخليش فيا، لما نغيب تفقد فيا ومتحبش نغيب، تدور فيا، غيابي يفرق معاها، غير الباقي يدور فيا عشان مصلحة عشان القراية وبس.
بس هي لا عشاني أنا، حتى لما نفصل فيها تتحملني، فا أنا ما هانتش عليا بجد لما جي الدور عليا نرخي ونفوت معقولة!!!
هي من أول كويسة بجد، رغم إنّها معاي أنا بس، اللي يغلط فيها تفوته ولا يفرق زعلهم معاها، بس أنا فارقة معاها، حتى سمعت من غيرها قالوا لي ليش انتي تدير معاك هك، بس هي ما دورتش في حد غيري، وأنا نحب من يميزني ❤️.
مشيت للمدرسة على رجليا، بدون ما نفطر حتى، نبي نعرف دليل واحد دليل واحد باش نرفعهم وراء الشمس هالمدرسة المشؤومة.
أول أمس بس ليلى حكت عليها، من قال بس نقرا فيها، ولا نقرا فيها بدون ليلى! اللي ديما هي مرافقتني، بس والله ح ناخد حقك يا ليلى ح ناخد حقك.
خشيت للمدرسة أنا وبو بكر وعويشة.
كلهم بسياراتهم، والبنات بمكياج كامل، وعالم غير عن عالمنا البسيط، عالمهم هم عالم غني ومتعجرف.
خشينا المدرسة.
لقينا واحد يضربوا فيه، مصدومين من المنظر هذا، يااه على بساطتنا ورقة قلبنا، مش زيهم ناس متوحشة، يضربوا فيه ضرب شنيع.
وشوي وجانا واحد ومعاه بنت ونفس الولد اللي كانوا يضربوا فيه.
: أهلا اسمي نزار، يا سوس أكيد عطوكم المنحة عشان سوس وجو.
كلهم قعدوا يضحكوا.
يقين ضايقت: همم.
نزار مد إيده: تعالو نعرفكم على المدرسة ولا تبوش؟
يقين شبحت لإيده بأشمئزاز: امم أهلا.
ومدت روس أصابعها سلمت عليه.
نزار بضيق: همم إحسان خود البنت هذي.
عويشة: اسمي عويشة.
نزار: امم أهليين، وجيداء خودي بوبكر عرفيه على المدرسة.
جيداء تنرفزت: هممم تمام.
نزار: واني جي دوري أعرفك على المدرسة يا؟
يقين: يقين!
نزار ابتسم: أهليين أهليين، تعالي هدي المدرسة ومن هنا المسبح ومن هنا المكتبة، أكيد لو تدفعوا عمركم كله ما كنتوش حلمتوا بيها المدرسة هذي صح.
بأستفزاز قالها.
الكل يضحك قعد.
يقين ضايقت بكل غمتلي منه: امم شكرا عرفتني على المدرسة عن إذنك.
نزار: مزال كملناش المدرسة، كبر قبيلتكم ره.
يقين: لا شكرا.
يقين.
حبيب أمه شن هالمخلوق، غمتلي بككل.
طلعت من المدرسة نجري وهم كلهم يضحكوا.
فجأة لقيت نفس السيارة اللي خبطت ليلى.
رواية اسمعني الفصل الثاني 2 - بقلم فاطمة سالم
يقين .. حبيب امه. شن هالمخلوق .. غمتلي بككل.
طلعت من المدرسة نجري وهم كلهم يضحكوا. فجأة لقيت نفس السيارة اللي خبطت ليلى.
نصدمت. مشيت نجري جيهتها نتفحص فيها بعيوني مش مصدقة. بس لقيت رقم الطارقة مش نفسها وفي اختلاف عنها.
شوي سمعت صوت وراي: "تحسابيني إني اللي درت الحادث معاكم صح!؟"
يقين نصدمت والتفتت وراي.
كاران: "اطمني مش إني."
مشيت خشيت للمدرسة واني مستهزئة. أوف ح نكشف روحي بتصرفاتي العبيطة.
شوي واني خاشه سحبتني يد: "شني يا حلوة على شن تدوري؟" بصوت هادئ.
رفعت راسي خايفة. لقيت نزار مسكرلي فمي بإيده ووجهي واقف. قلبي قعد يدق من الخوف.
نزار: "جاية تجسسي ولا تقري انتي؟"
أني بلعت ريقي: "وانت شن دخلك نزار؟ .. انت جاي تقرا ولا تجسس على طلبة!؟"
نزار تبعد عني خاف: "ههه، نبصر معاها خيرك ميليسا."
ميليسا ابتسمت: "همم، من امتى هالدلالة؟ مش كأنه مزال." وضرباته كف.
التفتت لي شدتني من إيدي.
ميليسا: "أهلا كيف حالك؟"
يقين خايفة: "ح حمد الله."
ميليسا مبتسمة: "همم، تعالي تأخرنا على الدرس."
وطلعت أنا وياها. وأني مصدومة. هدا من أول يوم وهيك. شن هالبشر المتعجرف.
ميليسا وقفت قعدت تواسي في شعري. وفكت توكة منها ولبستها لي.
يقين: "بس إني منحَبش ناخد حاجات زي هيك."
ميليسا: "همم، بس بدون زعل شعرك بايخ. أظن كان تخلي توكة خير. دايرة لقطة يعني."
يقين ترددت: "همم، أوك."
ميليسا بإبتسامة: "تعالي للفصل."
مشينا أنا وياها للفصل. وقعدت حايرة وين نقعد.
ميليسا: "من اليوم هدا مكانك جنبي."
يقين ابتسمت. وحطيت شنطتي على المقعد. وقعدت ندور في عويشة وبوبكر وين مقعمزين. لقيتهم قريبين مني بس مش هلبا.
وشوي وخش أستاذ. أظن إنه أستاذ الأدب. عشان شاد كتاب الأدب.
أستاذ: "السلام عليكم... إني أستاذكم الجديد سليم بندر. ح نقريكم في مادة الأدب. الأدب هو أحد أشكال التعبير الإنساني عن مجمل عواطف الإنسان وأفكاره وخواطره وهواجسه بأرقى الأساليب الكتابية التي تتنوع من النثر إلى النثر المنظوم إلى الشعر الموزون لتفتح للإنسان أبواب القدرة للتعبير عما لا يمكن أن يعبر عنه بأسلوب آخر. وأما توا نبي كل حد منكم يكتب تعبير ارتجالي. على موضوع الندم."
يقين .. جي على الجرح. أخخ، أخيراً شي يفتح النفس في هالمدرسة. طلعت ورقة. ونغمست فيها. وقعدت نكتب بجميع حواسي وهواجسي. بمجرد ما كملت .. كمل وقت الحصة.
وبما إنه أول يوم قالولنا اطلعوا للاستراحة. خذيت أدواتي وطلعت. لقيت كاران قدامي فاتح الخزنة متاعه. انتابني الفضول. جيت وراه. ونلقى نفس قناع المهرج!؟؟؟
لا عاد شن هالصدفة. كان قلبيي حاس إنه هو. كنت حاسة. ومن بين الصراع الداخلي لا إرادياً قلت.
يقين: "انت!؟"
رجف بمجرد سمع صوتي. وصكر الخزنة. والتفت لي.
كاران: "شن قصدك؟!"
بلعت ريقي. وهزيت راسي. خايفة.
سرعت خطواتي. وهو وراي. قعدت نمشي بسرعة. لعند ما طلعت من المدرسة بدون ما نحس. نبي نطلع نهرب من هالمكان.
الطريق زحمة بكل. قعدت نشير بيدي محدش يبي يوقف.
يقين: "شن هالحظظ... بسرعة بسرعة ح يق... تلوني ولا يديروا فيا مصيبة. شن هالبليي اوقفووو."
قعدت نشير ونتلفت. لين طاحت عيني على .. كارااانن... واقف بين السيارات بسيارته المشؤومة يشوف ليي. أوووف، خلي ندير روحي عادية هدا يراقب فيا. نفضحت نفضحتتت.
مشيت درت روحي عادية. وقلبي يدق بسرعة. شوي وسمعت تبيب. أخيراً الفرج جي. التفت بنركب في تاكسي. لقيتو ... كارااانن... أوووف شن هالمصيبة لاحقنيي.
كاران: "اركببي."
أني كملت مشي ودورتاش.
كاران يلحق فيا بسيارة: "اركبيي خيرك خايفة."
يقين: "مش خايفة. من شن بنخاف منك انت مثلا!؟"
كاران: "تمام يا بطلة اركبيي."
سكت شوي وقال: "لو مش خايفة اركبي!؟.. بنوصلك للحوش بس."
أوووف هدا مش ح يخليني في حالي لين نركب. يا رب يستر الله يا رب. تعفلت. وفتحت باب السيارة وركبت.
يقين: "ارتحت هكيي؟.. هي يمينك ارفعني للحوش."
قعد يسوق وساكت مردش عليا.
يقين: "نكلم فيك؟"
مردش عليا. وسكوته هدا زايد خوفنيي. أوووف هدا شنييي. شن درت في روحيي بسس.
وشوي ولقيته مغير اتجاه الطريق. لااا هدا خييره. أني لازم مابينش خوفي لأنه لو عرف إني خايفة أبصر شن ح يدير.
يقين: "احمم الطريق هدا مش طريق حوشنا ره؟"
ماردش عليا.
يقين: "نكلم فيك!؟"
كاران: "ح تعرفي وين ماشيين اسكتي."
وصلنا. وشوي ونزل. لقيتو واقف على كافي.
يقين: "مش على أساس بتوصلني لحوشنا!؟"
كاران: "انزلي شوي. أساساً باين إنك مش واكلة شي وخايفة صح!؟" قالها بهزوة. وكمل: "... انزلي وح نوصلك بعدين للحوش."
أوووف نبي نفهم من داعي عليا في هالصبح بسس. نزلت واني ساكتة. وخش قدامي هو للكافي لحقته. قعمزنا في طاولة.
يقين: "أي وبعدين."
راكان: "شن تشربي؟"
يقين: "مانبيش منك شي. اختصر شن تبي!؟"
راكان: "هازال!؟"
جت وحدة مبتسمة. مألوفة ليا شايفتها. أهاا هذيي تقرا معانا!؟
هازال: "أهلا نورتونا." وعيونها على راكان. "همم شن تحبوا تشربوا؟"
راكان ابتسم: "بوجودك يا قدر. على ذوقك جيبيلنا."
هازال: "تمامم والله في عصير مانجا لي يحبه قلبك. من حظك عاد."
راكان: "ههه تسلميي."
هازال: "أي أي." وشبحت لي. "يقين صح!!"
يقين: "أي."
هازال: "امم تعالي شوي نبيك في حاجة."
راكان استغرب: "لو في شي نساعدك إني!؟"
هازال: "هههه لالا ارتاح ارتاح حاجة هكي بينا أحني لبنات."
راكان هز راسه وسكت.
مشيت معاها إني ومستغربة. لين وقفنا على طاولة كاشير.
هازال: "نصيحة ردي بالك من راكان. ح يحسسك إنك مهمة عنده لعند تتعلقي بيه ويفوتك."
يقين: "شن تقولي انتي؟.. بعدين إني مش متاع الجو هدا."
هازال ابتسمت: "أي فاهمة. لكن قلت نوقضك أفضل."
هزيت راسي وابتسمت: "تمام شكراً."
هازال: "تقدري تمشي توا."
مشيت وخليتها. وقعدت في مكاني الأول. وإني نفكر في كلام هازال. وراكان مستغرب فيا كيف مشيت وجيت فيسع ووجهي متغير.
همم ياعيني من أول يوم مواعيد يا يقين.
خلي نصورك ونبعتك للست ميليسا خلي تشوف.
ثبت كاميرا تليفون. وصور.
And send.
في المدرسة. بعد الاستراحة. في حصة كيمياء.
سرحانة. معاش متخيلة حياتي من غيرك يا راكان. من غير مانزعل وترضيني ضحكتك. من غير مانقلق ونجي نقولك شن صاير معاك. من غير مانخاف ونجي نحكيلك. من غير مانبكي ونجي نشكيلك. من غير مانفرح ونجي من فرحتي نقسملك. معاش في حد غيرك يا راكان. انت حياتي كلها بعد أمي توفت.
معاش متخيلة أيام مافيهمش إنت. وساعات قبل لا نرقد مانقولكش فيهم نحبك. ولحظات مميزة مانشاركهمش معاك. وذكريات حلوة ماتكونش برفقتك. معاش متخيلة وقتي بدونك. وانت مرة فرحان ومرة خايف ومرة مرتاح ومرة خاطرك تحكي ومرة متوتر ومرة قلقان ومرة تضحك ومرة ساكت ومرة راضي ومرة من المسافات زعلان. مركّزة على كل تفاصيلك حافظتهم. اللي لما تتوتر تبدأ تطربق في أصابعك.
معاش متخيلة نكون بروحي. بعد مابديت إنت روحي. مش متقبلة فكرة انفصالنا. مشكلة بعد تجي عيني في عينك ما نقدرش نقولك ولا حرف من هالكلام. بس ياريت تفهم من الأفعال. اللي مهما صديتني نرجعلك.
تن تن. صوت رسالة قطع حبل أفكاره.
رفعت حاجبها بإستغراب. ورفعت تليفون.
تم ارسال صورة بواسطة majhool.
فتحت على صورة. لقيت راكان ويقين مع بعض في كافي لاتي. لقيت حب عمري مع غيري. ومني يقين. شن اللي فيها زايد عني؟ شن اللي فيها مش فيا!!!
رويدا: "ميليسا. خير وجهك أصفر."
دموع في عيوني. وريتها صورة.
رويدا شهقت.
عند يقين.
أوووف إني لازم أقوم. خلاص سايرته هدا بما فيه الكفاية.
راكان: "أي. قوليلي وين كنتي تبي تمشي. شني تبي تبلغي عليا لمجرد شفتي القناع؟"
همم وكيف تعرف انت إن هدا القناع نفسه؟ أني لازم أبلغ.
يقين: "لاا أبداً. مريضة ونبي نروح. وعن إذنك توا بنروح."
خذيت شنطتي بدون ما أخليه يتكلم. ونضت. نجري. ومشيت طول للمخفر.
وين ضابط مخلوف!؟
ضابط: تلقيه لوطا.
نزلت تحت مقر.
يقين: "مخلوف اسمعنيي. هالمرة لازم تسمعني. إني من ضمن طلاب المنحة متاع مدرسة. وليوم شفت قناع في خزنة واحد من طلاب. اسمه راكان. راكان غناي."
مخلوف: "أهديي أهدييي. انتي عارفة شن قاعدة تقولي ولا؟"
يقين داهشة: "أي وعارفة كويسسس."
مخلوف: "تمام تمام ح نعرف شن نسوي. انتي توا روحي للحوش."
يقين: "نعبى عليك."
مخلوف: "هدا شغلي يقين. خلاص تمام."
يقين: "شكراً."
مخلوف: "بس انتي متأكدة؟"
يقين: "أي أي متأكدة والله."
مخلوف: "تمام تمام روحي خلاص." ورشف من القهوة ويفكر.
طلعت واني حاسة إني درت إنجاز. حاسة بشعور حلوو. أخخ ليلى وأخيراً حقك ح تاخديه. روحت للحوش واني في قمة فرحي.
بعد ساعات. طق طق طق.
رضا: في حد جايكم!
عزيز وراكان: لا.
رضا: تمام تمام. زليخة افتحي الباب.
شوي وانفتح الباب.
: هدا حوش راكان رضا!؟
زليخة: أي يا حضرة ضابط.
مخلوف: موجود راكان!؟
زليخة: أي موجود.
رضا: مني على باب يا زليخة.
زليخة: حضرة يا ضابط يا أستاذ رضا.
رضا ناض: تفضل تفضل يا ضابط مخلوف. بشن نساعدوك؟
مخلوف: في شكوى بخصوص ولدك راكان يا أستاذ رضا. من ناحية حادث اللي صار.
رضا: ولدي؟... راكان!
مخلوف: أي أستاذ رضا ولدك راكان.
رضا: تمام تمام ما فيش مشكلة. راكاااان. تعال. وتفضل يا حضرة ضابط شوف شغلك.
مخلوف: لا ح نسأله كم سؤال.
رضا: تمام تمام ما فيش بأس. تفضل تفضل. راكان احكي لضابط مخلوف لو في شي احكيه. ممكن يساعده. عاد إني في خدمة شرطة. واللي صار لبنتنا ليلى يحزن والله وكلنا ودنا إن المتهم ياخد حقه على فعلته اللي دارها.
مخلوف: تمام بارك الله فيك يا أستاذ رضا.
راكان هز راسه: تفضل حضرة ضابط معاي.
خشوا هم الاثنين للمربوعة.
مخلوف: أي يا راكان. في حد شاهد عيان. شاف قناع اللي شافوه على المتهم صاحب سيارة. عندك في خزنة مدرسة.
راكان: أي؟
مخلوف: أي انت عارف شن معناه هدا؟
راكان يطربق في أصابعه: وانت عارف بشن قاعد تتهم فيا؟
مخلوف: وشن يدير القناع عندك؟
راكان: إني ملياش علاقة بشي. وزيي زيكم مصدوم.
مخلوف: بس الخزنة خزنتك؟
راكان: ساهل فتحها؟ وتقدر تفتش الحوش ولو لقيت شي تفضل.
مخلوف: امم لو عندك شي قوله راكان لأن توا الشرطة في المدرسة وح تفتش خزنتك.
راكان: إني ملياش علاقة بشي.
مخلوف: تماام شكراً. ولو عندك شي تقدر تضيفه لاقوالك.
راكان هز راسه.
طلع مخلوف.
رضا: شني راكان ساعدت حضرة ضابط مخلوف.
مخلوف: تمام شكراً أستاذ رضا.
وبالفعل في هذي لحظات. شرطة كانت في المدرسة.
أكرم: تفضلوا فتشو.
ضربت قفل بحديدة. وانفتحت الخزنة و...
رواية اسمعني الفصل الثالث 3 - بقلم فاطمة سالم
ضربت قفل بي حديده .. ونفتحت الخزنه والخزنه ملقوش فيها القناع!!
أكرم: شفتو؟ .. أنتم تعبتو روحكم على ففاضي مستحيل مدرسه زي مدرستنا احني يكون فيها شي زي هكال
الشرطه: سامحونا على إزعاج
أكرم: على رحب على رحب .. هدا شغلكم .. بس مفروض تتأكدو من مصادر لي تجيبلكم في الأخبار .. عشان ما يصيرلكمش مواقف محرجه .. هك الأفضل اظن!
الشرطه: ليلتك سعيد يا أستاذ أكرم
أكرم ابتسم بخبث وهز راسه.
رضا: شني يا حضره ضابط؟
مخلوف: نعتذرلكم عن إزعاج .. فتشو خزنه راكان وملقوش شي الضباط .. الباين صار سوء فهم
رضا ابتسم: معلش معلش حصل خير.
تاني يوم .. في المدرسه ..
ميليسا: راكان حبيبي ليش طايرتلك؟
راكان: الأفضل تركزي على من مصاحبه انتي؟
ميليسا: شن قصدك كيف؟
راكان: يقيين الحقيره هذيي
ميليسا: يقييين؟ تكلمم شن داارت؟
راكان شد راسه بعصبيه: مبلغه عليا الشرطه.. شافت قناع في خزنتي
ميليسا: لاااعاااد هدي وصلت حدها ...
راكان: وممكن نفهم القناع كيف وصل لخزنتي؟
ميليسا: ليش تسأل فيا اني .. اسال نزار!!
نزار: سمعتت اسميي شن في؟ .. هه اكيد اكيد عشان لي صار امس صح؟
راكان: وتضحكك؟ انت عارف روحك قريب ودرتني ولانزار: تمام تمام عارف لي درته غلط .. بس كنت نختبر في إحسان هل هو سالك موضوعه معانا ولالا
راكان: يعني إحسان لي حطه؟ .. ويعنيي تختبر إحسان على حسابي انيي
نزار بعصبيه: بدل ما تحاسبوني حاسبوو يقين لي مشت وبلغت .. ولا انت لي امس مضيفها في كافي يا الرومنسي
ميليسا: نزاار ..
راكان: ماهو لو انت ما حطيتش قناع ره اني ما عزمتهاش ..
نزار: على أساس درت حل يعني انت؟ .. ما اهو بلغت فيك
راكان: من تحت راسك كلهه ماهووو
نزار: تمام تمام خليها عليا
ميليسا: شن بدير؟
نزار بخبث: ح تشوفوو.
في الفصل ...
فرج: اهيا جت جت
الأولاد قعدو يخبطو
خشيت للفصل وهم يخبطو على طاولات استغربت .. جيت وقعمزت على كرسي حسيت بشي تحتي نضت لقيت حبر أحمر؟
حي على احررراج اووف كيف بنوض توا
كلهم قعدو يضحكو .. نحرجتت بكل .. نضت وقعدو كلهم يصورو ويضحكو .. نحتت مشيت نجري وقفتني الاخصائيه .. مش شن هالمدرسه كل مره يديرو في شي!!
الاخصائيه إكرام: خيرك يقين شن في؟
يقين: ولا شي ..
إكرام: تمام على راحتك .. بس لما تبي تحكيلي تفضلي ..
يقين هزت راسي
إكرام: تمام ليوم في حفله بخصوصكم ترحيب ليكم
يقين هزت راسي: تمام
وخليتها لين تمشي وروحت.
على العصر .. بدت الحفله ..
ليلى: يقييين امشي بالله عليك .. على اقل تحكيلي وتغيريلي جوي..
يقين: المدرسه هذي تعبتني يا ليلى تعبتنيي
ليلى: هياا بس بالله عليك .. حقا تعرفي واحد اسمه راكان!
يقين: ايي نعرفه مرتبط بي وحده اسمها ميليسا .. تحسيها مطرشقه هذي وهو أحرف منها
ليلى نصدمت: كيف؟
يقين: خيرك ليلى؟
ليلى: هاا ولا شي ولا شي .. ساد قعدت مشلوله .. ولي في عمري كلهم بصحتهم اعتازيت في رجليا وصحتي
يقين: ليلى؟
ليلى: اطلعي يقين اطلعي عني
يقين: خلاص على خاطرك تو نمشي خيرك؟
ليلى سكتت
يقين: خلاص حاضر اهدي
ليلى: اطلعي
تنهدت وطلعت .. لبست تيشرت وسروال و وشاح وطلعت .. مشيت للمدرسه .. ولقيت هدوكا طرحات كلهم من أغلى ماركات لبسهم .. ومكياج والعطر يفحفح من بعيد .. لدرجه اغلبهم ممعرفتنهش الا من صوتهن .. وشوي ولقيت راكان جاني
راكان: شجو؟
يقين: همم تمام
راكان: حتى اني جوي تمام؟
يقين: همم
راكان: بااهي كنتي تأكدتي سألتيني هل اني ليا ايد في لموضوع او لا .. مش مشيتي بلغتي عليا مش عيب منك هالشي؟
يقين: سوى انت او غيرك ح ياخد الحق مجراه
راكان: تهددي؟
يقين: افهمها كيف ما تفهمها
راكان: صدقيني اني ملياش علاقه بالموضوع .. دوري على غيري أحسن لك أحسن ما ضيعي وقت
يقين: همم وشن يدير عندك القناع؟
راكان: اني بروحي نصدمت لما شفته
يقين: هممم.
جيداء: ميليسا هذيم ليهم ساعه يهدرزو؟
ميليسا: البنت هذي شكلها تبي تموت ناقصه عمرررجيداء: لازم نوقفوها لعند حدها من حاسبها روحها هذي
نزار: خليها عليا
ميليسا: جربناك ما درتش شي لقيناك شفتي نتيجه بعينك صحح.
نهاد تصور في بث على انستا .. وجايب نسبه مشاهده قويه .. من ضمنهم ليلى وسراج يتفرجو عليه.
في المحل..
سراج: اووف شن هالفلوس لي طايحين فيها
السيد: السلام عليكم
سراج: عليكك بخت
السيد: احمم سرااج
سراج نخلع: نعم نعم
السيد: نوض جيب لي باكو دخان بدل هالتقعميزه يا مدهوب الشيرة
ملاحظه : السيد يكون بو عويشه + عويشه تمشي للمدرسه بدون علم بوها .. بس أمها تعرف .. وبوها لو عرف مش ح يخليها عشان زي ما نعرفو ان المدرسه ليها ايد في الحادث ..
السيد يتمتم: شن كان داهبله شيرته الفرخ.
وقرب على التليفون وطاحت عينه على عوييشه ..
طاار عقله وفار دمه .. مشي يجري طووول لي مرته ورفعها لي المدرسه .. يدور في عويشه
السيد: عوويشه عويييشه
مرته: اسسس تو نلقوها فضحت بينا الناس
السيد: هدا زعميته ماشيه تقرا مع يقين .. هكي ادير تستغفل فيا
مرته: المدرسه دايره حفله بسس
السيد شبحلها: شنوو وحتى انتي تندري يعنيي
مرته ارتبكت
السيده: عوويششه " ولقاها شدها من شعرها " شافه خليل جاه يجري
خليل: خوي السيد اهفت شن قاعد ادير
السيد: وحتى تندري يا خليل؟ .. حسابك بعدين حسابك بعدييين
خليل: يا حول الله استغفر الله وخلاص.
وقعدت عويشه حديث الموسم .. كلهم يتهامزو ويحكو عليها ويضحكو .. فضيحه عاد ولقاها بلوشي.
تاني يوم
ميليسا: اليوووم جنازتتتك يا يقين ح تشوفيييي
نزار: اهي جت .. اذكر القط يجيك ينط.
يقين: اووف لازم نكلمو عمي السيد لازم يفهم ان لي يدير فيه غلط
بوبكر: بنمشي توا بنلعب مع الولاد كوره
يقين: تمام
مشي بوبكر بيلعب معاهم قعدو يضايقو فيه ويطيحو فيه
بوبكر: خلوني نلعب خيركم
راكان غمز لي نزار
راكان: تمام خود كوره هي
وقعدو كل ما بياخد الكوره يطيحو ويضربوه
يقين ضايقت .. حاسه ح يصير شي .. اخخ خلي نمشي نحط كتاباتي في الخزنه .. وبالفعل مشيت نحط في كتاباتي .. طبعا الخزنه هي في دار المسبح .. وشوي تخش وراي ميليسا ونهاد وجيداء وهيفاء
ميليسا: همم اظن عارفه انه راكان اني وياه مرتبطين .. ليش تتلصقي؟
يقين: شن تقطفي
ميليسا: همم شن نقطف؟ .. وامس مني كان لاصق فيه؟ .. ولا مني لي راكب في سيارته وماشي معاه لي كافي لاتي!؟
يقين قلبت عيوني: اوووف مش محتاجه نبرر .. بري اسألي حبيبك
ميليسا: همم " وغمزت لي هيفاء " هيفاء فكت مني تليفوني .. وعطاته لي ميليسا
يقين: هاتييي تليفون ميليساا
ميليسا غمزتلهن .. طول شدني كتفني ..: همم يا سمحه قولييي شن الرمز
يقين: بلا وقاحه وهاتي التليفون
ميليسا: ما تحرقيش دمي وقولي الرمز
هيفاء شدتلي شعري بقوه: قولييي
يقين: ااه 1500
ميليسا: همم ما تكوني قنيننه من الاول .. ايي ابدو يا بناتتت
قعدت يريشن في دبشي وشعري
يقين: حولننن شن قاعدات اديرنن "كل ما نقاومهن يزيدن .. وميليسا تصور .. اني من هول موقف لقيت روحي نعيط بس وهن يزيدن بس".
في الجيهة التانيه مكتفين بوبكر ويضربو فيه ويشركو في دبشه .. شوي هرب منهم لحقوه وزادو ضربوه .. لقي قدامه عزيز وراكان
بوبكر: عززيز راكان ساعدوني حد يساعدنيي
مكتفينه ويضربو فيه
شوي وشدوني اني ورفعوني لي بوبكر .. ميليسا: همم شن يكون العنوان مع صور هادو؟ .. قض.يه تح.رش؟ .. ولا علاقه غرام !! مش من الاول قلتلك يقين اهفتيي ما تنبشيش ورانا .. مش كان هفتي خيرلككك
فكوني لبنات .. طحت .. طول نضت وضربت ميليسا
ميليسا: قصدك انتي قاااعده تقاوميي؟ .. تمام ح انزل صور هذين على حسابببك في الانسان يا هانم تماام
بوبكر: لا ميليسا لاا .. يقين تكلمي خيرك ساكته
يقين: مش ح نجدا حدد
نزار: يا وحش هه .. تمااام زيدي صكري راسك ح تشوفي شن يصير فيك
يقين .. مش ح نبكي مش ح نبكي مش ح أبين ضعفي ..
بوبكر: خلااص خلاصص نوعدكم معاش نبحثو على قضي.ه هذي بس ما تنزلوش
ميليسا: همم عرض مغري
نزار غمزلها: بس نفكروو قبل .. ميليسا: لكن يقين ضربتني .. كسرتلي قلبي هك .. لالا ح انزل
اني جبدتها من رجلها وطيحتها ميليسا
نزار: ح تشوفيي شن ندير فيك تمام
شوي ورن جرس تنبيه
ميليسا ناضت خايفه: حرريق اهربوو اهربوو
كلهم طلعو والكلب نزار ياخد دبشنا ويصكر علينا الدار بالمفتاح.
اني نهرت وقعدت نعيط ساعدونااااااا.
رواية اسمعني الفصل الرابع 4 - بقلم فاطمة سالم
اني نهرت وقعدت نعيط.
"ساعدونااااااا!"
"بنموتوو حد يساعدنا ياهوو!"
"ليووم ح نموت وح نموت بفضيحه هكي كبرها ..يا متت هنا يا فالحوش!"
وفجأة يتكسر الباب.
التفتت مصدومة وخايفة.
ونلقى راكان.
"اطلعي هياا!"
"خدت الزي احتياطي من الخزنه لبسته وطلعت."
"لقيت الكل في ساحة كان اني بس كيف طلعت."
"ميليسااا!"
"عيونها يا عيونييي!"
"عطيني تليفونييي!"
"تليفون؟ اما تليفون اهاا قصدك تليفونك..يا بناتتت يقين تليفونها راح دوروه!"
قعدن يضحكن لبنات.
"ميليسااا!"
"اعصاببك حبيبتي ..قوليلي شن نوعه تليفونك باش نعرفوه؟?"
يقين انحرجت.
"عطيني تليفوني!"
"اااخ اني بنروح.."
خدت شنطتها ومشت.
لحقتها وشديتها من ايدها.
"ميليسا هاتي تليفوون احسنلك!"
"شن بديري يعنيي!"
"هاتييي!"
"يا طالبات خيركنن!"
"شي استاد نطمن عليها خافت من لحريق!"
"ماشيي يومين هذين خدوهن عطله!"
"تمام عن اذنك استاد بنروح!"
معاش عرفت كيف ندير.
لباين خلاص ح نموت ليوووم.
روحتتت واني خايففه.
ولو بنقول لاداره شن بنقول ترا؟
اصلا ح يدافعو عليها لان ميليسا بنت النقيب عاااد.
قعدت كل شوي نشوف للكمبيوتر.
وامي مهناش.
طبعا امي تخدم في لحيشان تنظف وهك باش تحصل ما ناكلو.
وناخدو في راتب بوي نمشو بيه روحنا.
اما بوي متوفي.
راكان يدخن.
فتح تليفون وفتح الواتس.
"لاقيني في اخر الشارع جيهة بيستا"
"هممم على شن ناوي يا راكان؟"
"تمام بعد الغدي"
بعد ساعات.
"شني يا راكان خيرك؟"
"تو قعدت راكان؟"
ميليسا قعدت تشبحله ورافعه حاجبها.
"ماشي الحق فيا"
وفتح باب السياره وطلع اكياس.
ميليسا لين عيونها ضحكو.
"حبيبيييي!"
"ايي هكي انت حبيبي!"
وخدت لاكياس فيهن هدايا وعطورات.
"اييي احكيلي!"
راكان بخبث.
"اممم وين تليفون يقين!"
"اممم"
وطلعاته من الشنطه.
"خيره؟"
"خلي باقي الشغل عليا تمام"
وغمزلها.
"تم😚"
بين ما اني نفكر.
ونحسب في ساعات.
وكل شوي نشوف في الانستا.
جتني رساله.
"شنيي يا حلوه تفكري في تليفونك؟"
"اوووف الموضوع تسرب ..مني هدا التانييي!"
جتني رساله تانيه.
"لو تبي تليفوني تعالي في الحديقه"
"اووف لا لا مستحيل نمشي ..اكيد هذي من الاعيب الصفرا هذي ميليسا!"
"تعالي متخافيش!"
"اووف لو مشيتش ح ينتشرو الصور ..اصلا شن مزال بيصير بعد هك.."
لبست طول.
ومشيت للحديقه وحاسه الكل شاف صوري الخوف قاتلنييي.
قعمزت في اول مقعد قابلني.
وبديت نفرك في ايديا ونفكر.
"اهلا!"
رفعت راسي ولقيت راكان.
"كيف حال؟"
يقين تنرفزت.
"امم حتى اني حمدالله"
"شن تبييي!"
مدلي ايده شفتلها ولقيت.
"ليش تبي تساعدني؟"
"خودي تليفونك"
"اكيد خديتو صور صح؟"
"لا خودي تليفونك ..ومره تانيه معاش تدخلي في شي انتي اكبر منه!"
سكتت.
"كان بامكاني ان نساعدكش عشان من حقي عاد ليش نساعد وحده تظلم فيا وتبلغ عليا الشرطه!"
"كملت؟"
"همم هدا واجبي عفوا ..حسيت مواقف زي هك لازم تنشكر!"
وناض تبعد عني.
"اوووف منين طلعلي هدا من وييين."
فتحت كول تليفوون لقيت صور قاعدات.
وتليفون مش ساخن معناها ما نقربش.
قعدت نشوف في الصور عااار.
فضييحه.
هادو لو ينتشرو نرييح فيها.
العار اطول من العمر.
قعدت نمسح ونبكي.
ونبكي نبكي ليييين عيوني تنفخو.
والله الا ما ندمك يا ميليسا وراكان هدا ح ناخده مكر فيك وكسره خشممم.
روحت.
درت بحث على ايميل راكان.
ضفت خواته وعيلته وبنات خاله وخالاته ودنيا كلها.
وعرفت من ايميلاته كلهن عرفت يحب اغاني كامي كازي والراب ومرسكاوي.
وبرجه الحمل.
وقريت على برج الحمل.
وجبت رقمه.
وعيد ميلاده.
وقعدت نهدرز مع خواته.
ونديرلهن في تاقاتت.
"طحتي في وحده حرررفه يا ميليسااا"
"سرااج نبيك تهكرلي"
بعتت لسراج على واتس.
شوي وشافها طول رد.
"مني؟..وحاضر"
بعتله "تو نمر عليك في المحل ونحكيلك"
رد عليا "تم هاتي الايميلات"
بعتله الايميلات.
وهكييي يا ميليسااا اجلك قرربب.
ح تشوفي مع من تلعبييي.
صورت الهدايا وسلسله ضوء القمر وقفاطين.
وكتبت عليهن "الله لا يحرمني منك حبيبي راكان"
And send.
وبدو الرسايييل والتعليقات بالهببلل.
"هههه مرجوعك لياا يا راكان!"
مشيت لسراج في المحل.
وحكيتله كل شي.
"ولاد الل... توو نظملك الجوو وتشوفي شن يصير فيهمم!"
يقين ابتسمت.
"تماام ..لازم ندمهممم لازم"
"وبعدين هذا راكان حكايته بسيطه ههه!"
"لازم نجيب راسه مكره فيها هالصفراا!"
"ههه تستاااهل!"
"اييي عطيني سمينسه وشبسات خلي نمشي لي ليلى يناري اكيد مكيده بروحها!"
"تمام"
وحطلي من كل شي في كيس.
"هذي هديه مني خودي وعمتي نجيه تو نقوللها لما نجي!"
"بعتلها رساله ..لكن تمام صحيت!"
وطلعت مشيت لي ليلى.
سلمت على حداها وخشيتلها.
"كيفوو الحلوو!"
"اووف تعبت من العلاج تعرفي"
كلمات ليلى هادو وتعبها خلانيي نزيد اصرار على انتقامي.
"ياعمررري هااانت والله ..وشوفي شن جبتلك كل ما يحببه قلبك!"
"هههه ياعمري سلمها هاتي هاتي اصلا خاطري فيهم!"
"ههههه اييي احكيلي كيفو القمر شجو!"
"كساد والله الحكايه عندك احكيلي على المدرسه!"
"اخيي بلاكك ..هيا هي عارفتك قويه نوضيلنا وخلي نمشو جميع للمدرسه ونرجعو لهبالنا😂!"
"اييي ان شاء الله..."
"تعرفي سخفتني عيوش بوها بطلها وقعدت تبيع في لحار مع مركز!"
"الله؟"
"هكي قالت جداي!"
وقعدنا نهدرزو ونتفرجو على فيلم تايتانيك.
بس حاسه بي ليلى ابصر كيف متغيره.
لكن مابيتش نضغط عليها بأسئله وروحت.
هدرزت مع امي شوي ورقدت.
ليوم تعلمت ان لازززم ما نخليش شي يأثر فيا ولاازمم نلقى ليه حلل احسن من لبكاء.
تاني يوم.
نضت على اتصالات وتهديدات من راكان.
"الحق فيا لي ساعدتك!"
"تو نوريييك تلعب بالنار راهي تحرقك!"
"الحق مش فيك تو توو تشوفيي!"
قلبي قعد يدق بقوه.
شفت الانستا ولقيت ميليسا منزله صور.
شفت تعليقات لقيت تعليق مكتوب فيه "ديرو شن تبو يا كمشه مج..ارم شكلكم نسيتو حق ليلى!"
"تو يحاسبني اني هدااا خيره المريضضض!"
اوووف لبست الزي واني خايفه.
المدرسه قعدتلي كابووس.
ومشيت بلا فطور من الخوف.
لقيت الكل يشبحلي.
شوي وحد نخصني.
"انتي تبي تم..وتي ولا شني؟"
"انت شن قاعد تقول؟"
"شن تهددي ولا شن شن تعليق لي دايرتيه!"
"اني مادرت شي حل مشاكلك بعيد عنيي!"
"امم تو نشوفو لكن لو طلعتي وراه ما تلومي الا نفسك!"
ومشي.
"شن هالمتخلف هداا..مش عارفه من وين يطلعلي وفجأة يختفي كيف الج..ن."
"مش هي وراه الموضوع!"
"وشن يخليك متأكد؟"
"اني عارف!"
"مهما كان يكون لازززم نعرفوه ولازم يتربى!"
"ديرو رايكم اني بنمشي!"
نزار خلاه لين يمشي وقال.
"هدا يتستر عليها!"
"لازم نقرص ودنها من جديد هذي!"
"شن بديري!"
"خليها عليا!"
جيداء تمشي للبنات وتعزم على عيد ميلادها.
"جيجي!"
"همم شن تبي دام قلتي جيجي وراك شي!"
"الله على الحب لي يفهمني!"
"اختصري!"
"اعزمي يقين!"
"ناقصنييي خمج خيرك ميليسا لاباس!"
"اعزميهاا بس عندي موضوع معاها!"
"ميليسااا!"
"على خاطري جيجي حبي!"
"اوووف بااه!"
ومشت بالفعل عزمتتني.
جيداء ما دارتلي شي الحق.
فا قلت خلي نمشي كساد كساد وماما اشبح لعند وين تروح وليوم مافيش افلام لا مسلسلات نكسد عليهم ملل بكل.
فا لما روحت من المدرسه.
استغربت ما صار شي.
وتيت روحي واتصلت بي ماما ما وافقت لين خليني ونخليك.
ومشيت بعد العصر.
يا ويلييي حوشها ما هو حوش قصررر.
يخي قصر ظلم فيه.
يهبببل خدم وحشم يهبببل.
بس واني خاشه لقيت مااما.
اووووف عليك بختت.
وليت على وراي بنروح.
"يقيننن!"
اوووف شافتني جيداء ووك.
"اهلا جيداء كل عام وانتي بخير وعقبال الف شمعه يارب!"
"اهلا بيك تفضلي خشي!"
خشيت.
بدو الناس تخش وخشت ميليسا ودنيا زحمت بككل.
"تعرفي يا ميليسا الخدامه لي جبتيها تهببل ساعدتني في عيد ميلادي كل شي نسقاته ماما من مبكري تشكر فيها!"
"سلمك سلمك!"
"عطيني رقمها باش نتعاملو معاها ..تنظف الله يبارك باش كل ما نستحقوها نكلموها!"
"عيب منك عرفتيهاش معقوله؟"
"مني؟"
"هذي ام يقين كيف عرفتيهاش!"
الكل قعد يضحك ويتهزا.
موقققف باايييخ بكل.
"صارلنا هبوووط وين الغداء يا يقين!"
كلهم قعدو يضحكو.
"اي كلمي امك وعاونيها!"