تحميل رواية «ارهقني حبك» PDF

كله بيجرى يجهز للطبور.

بعد فترة انتهى الطبور الصباحى للعساكر وبدأ التدريب.

اثناء التدريب.

شاب1: هو يابنى القائد دا رجل آلى.

شاب2: معرفش والله بس انا تعبت بقالنااا اكتر من 3 ساعات بندرب ومش عارفين ناخد نفسنااا.

شاب1: طب اسكت اسكت الظابط زين جاى علينااا.

زين: الحلوين بتكلموا ف اى وسايبين التدريب.

شاب2: ابداا يافندم احنا اسفين.

لسة هيمشوا زين جابهم من قفاهم.

زين: المقدم رحيم لو شافكم كداا مش هيسكت زى ماشى انا بحذركوا منه يلااا على التدريب.

الشابين جريوا بسرعة على التدريب خوف من رحيم.

زين فضل يضحك على شكلهم.

صوت من وراه: بتضحك على اى يازين.

زين: تعالى ياهشام شوف العساكر او لما سمعوا اسم رحيم جريوا زى الفراخ.

هشام: عامل للعساكر خوف يابنى انا بظن ان العساكر بتحلم بيه وهما نايمين يابنى.

زين: طب يلااا على التدريب ياخوياا العساكر بدأت تخسع واحنا بنتكلم هنااا.

هشام: يلاااا.

•••

ف مكان اخر.

الحق: ها جبتوا البت.

حد تاني: ايوا ياباشااا تحت ف المخزن.

الحق: حلو هتلى بقاا الفون كدااا.

حد تاني: خد ياباشاااا.

بدأ يرن على رقم.

•••

ف مركز التدريب.

رحيم: زين الفون بتاعك بيرن.

زين: رد يارحيم انت.

رحيم: الوو.

صوت من التلفون: اختك معايااا ياحضرت المقدم ودلوقتى هتعمل زى ما احنااا عايزين استنى منى تلفون تانى باى.

رحيم بص للفون وللرقم واتنهد.

زين: مين اللى كان بيرن يارحيم.

رحيم: دا رقم غلط كان بيرن باين على حبيبته.

زين: عقبالنااا يارب.

رحيم: زين انا الفون بتاعى باظ وعايز تليفونك علشان عندى مهمة ومحتاج فون.

زين: مهمة اى دى.

رحيم: لما ارجع هقولك كل حاجة.

رحيم مشى وساب زين وحط الفون ف جيبه.

•••

ف بيت عيلة زين.

نور: هدى اختك اتأخرت لى.

هدى: معرفش والله ياماما هى المفروض تكون خلصت المحاضرة بتاعتهاا من ساعة تقريباا.

محمد: اهدى شوية يانور هتكون راحت فين يعنى هتلاقيها خرجت مع صحابهاا شوية.

نور: لاء يامحمد بنتى مش متعودة تتاخر كدا غير لما تتصل علياا وتقولى وبتصل وفونها مقفون قلبى بيقولى بنتى حصلهااا حاجة هتلى بنتى يامحمد.

محمد: طب بصى ياحبيبى كمان ساعة لو مجتش هنزل وادور عليهااا ماشى.

نور: اتصلى ب زين يامحمد.

هدى: هتقلقى ابيه لى ياماما وانتى عارفة ابيه زين بيحب ملك ازاى هتخوفيه حرام ياماما لو بابا نزل ومش لاقهاااا نبقا نتصل بيه ماشى.

نور: ياترى انتى فين يابنتى.

•••

ف المخزن.

ملك: انتو ياللى هناااا ياعم الحج.

شخص: اى من ساعة اما جيتى مش مبطلة رغى ف اى.

ملك: يرضيك ياعم الحج من ساعة ماجيت هنااا ومحدش سال فياااا.

شخص: وانتى عيزاهم يسئلوا فيكى يقولوا اى.

ملك: يعنى مثلاا يعنى تجيبولى اكل اشرب اى حاحة تسلى مش يمكن تعجبنى الضايفة هنا وافضل قاعدة معاكواوعلى طول.

شخص: انتى عبيطة يابت انتى.

ملك: اه عرفت منين اكيد ماما قالتلك اصل مش بتسيب حد غير وتقعد تقوله ملك بنتى فيها وفيها.

شخص: لاء انتى هبلة.

وسابهااا وخرج وهى ضحكت.

ملك: انا على اخرة الزمن اتخطف يافؤج الله لو بس اكبم البت سارة اقولهااا بس يلااا لما اروح ابقاا احكيلهاا.

•••

ف مكتب القائد الاعلى.

رحيم: اناعايز اجازة اسبوع يافندم.

القائد: لى يارحيم.

رحيم: عادى يافندم بقالى كتير مأخدتش اجازة ممنوع ولا اى.

ومضى طلب الاجازة ل رحيم.

•••

الفون رن ف جيب رحيم.

رحيم: جايلك وقفل السكة ف وشه من غير اماا يسمع منه اى حاجة.

رحيم نزل وراح بيت زين وخبط على الباب.

محمد فتح.

محمد: مين.

رحيم وابتسم: أنا المقدم رحيم أحمد صاحب زين.

محمد: اتفضل يابني أهلاً وسهلاً.

رحيم دخل وشاف نور اللي بتعيط وهدى اللي بتهدي فيها.

رحيم قعد على رجله قدام نور ومسك إيديها ونور استغربت ومحمد كان هيولع فيه.

رحيم بحنية: انتي بتثقي في زين ولا لأ.

نور بدموع: أكيد طبعاً دا ابني.

رحيم ابتسم: طيب اعتبريني دلوقتي زي زين واديني بس نص الثقة دي وصدقيني بنتك هترجع.

محمد بلهفة: انت تعرف ملك فين.

رحيم: أيوا هي مخطوفة واللي خطفها رن على زين بس أنا اللي رديت عليه وزين ميعرفش أي حاجة عن خطف أخته ف لو سمحتوا محدش يعرفه.

نور بدموع: يعني بنتي مخطوفة ملك مخطوفة يامحمد بنتي.

محمد خدها في حضنه وبيحاول يهديها.

محمد: طب لي مقولتش لزين يابني.

رحيم: أنا زين دا أخويا وصاحبي وعيلتي التانية اللي ربنا حرمني منهم ف أنا معرفش الراجل دا عايز إيه من زين وأنا مش مستغني عنه وصدقني اديني 24 ساعة وبنتك هتكون في حضنك.

نور وراحت حضنت رحيم: شكراً يابني انت من النهاردة ابني زيك زي زين وزي ما عايزة ملك ترجعلي وزين يبقى كويس عايزك ترجعلي ممكن.

رحيم ابتسم وباس إيديها: هرجعلك ملك وهرجعلك ياست الكل المهم دلوقتي.

محمد: إيه يابني.

رحيم: البيت متراقب وهما مستنين زين ينزل زي ما أطلب منه وأنا دلوقتي جيت فهم فاكريني زين دلوقتي ف بعد إذنكم هفضل هنا كأني زين.

محمد بحب: أكيد يابني.

رحيم بإحراج: يعني هو الآنسة هدى مش هتضايق.

هدى بدموع: أبداً أبداً انت زي زين بالظبط بس ونبي ملك ترجع تاني.

رحيم وابتسم: تمام ممكن أدخل أوضة زين.

نور بصت لهدى والاتنين ضحكوا جامد ورحيم ومحمد باصين ليهم باستغراب.

محمد: يتضحكوا لي.

هدى بضحك: أصل يابابا ملك قافلة الباب بتاع أوضة زين علشان محدش يدخلها غير زين وساعات بتعمل حظر تجول قدام الأوضة.

رحيم وابتسم: لي كدا يعني.

محمد: ملك وزين عاملين زي الاتنين اللي بيحبوا بعض بيضحكوا ويهزروا مع بعض ملك لما بتخاف بتجري لحضن زين لما بتعيط محدش بيعرف يسكتها غير زين وبتغير عليه بطريقة غريبة وزين روحه في ملك مستعد يهد الدنيا ولا إن ملك تزعل الاتنين لما كبروا كبروا مع بعض وكانوا بيشاركوا بعض في كل حاجة.

رحيم وابتسم على الحب دا: شوقتوني إني أشوف ملك دي.

نور: عارف على قد ما بحبها على قد ما بتعصب لما بشوفها.

رحيم وضحك: شكلها مجنناكم.

هدى: جداً.

محمد: بس سيبوا الواد يريح شوية ادخل يابني أوضة ملك ريح شوية.

محمد شاورله على الأوضة وهو دخل.

***

وصل.

ايوا ياباشا روح البيت.

ابتسم: طب هاتلي الفون.

أهلاً أهلاً البيت نور بيك.

رحيم: انجز.

انزل من بيتك آخر الشارع هتلاقي عربية اركب فيها.

قفل السكة في وش رحيم.

ياترى هيعمل زي ما انت قولت ياباشا.

ايوا أخته معايا.

***

رحيم غير ولسه هينزل.

نور بدموع: رحيم.

رحيم بحب: نعم يا أمي.

نور: هترجعلي صح.

رحيم وباس جبينها: هرجعلك يا حبيبتي يلا بقى سلام.

رحيم نزل وراح ركب العربية والعربية اتحركت.

***

في المخزن.

إيه دا بقى انتي اخت زين.

ملك: أيوا لي بقى.

بس طلعتي حلوة.

ملك بخوف: انت عايز إيه.

بضحك: هتعرفي.

ولسه بيقرب منها ومسكها واحد من رجالتة دخل.

وصل ياباشا.

دخلوه.

الراجل مسك ملك وقعدها على رجله ورحيم دخل واستغرب مين دي.

نادر: أهلاً أهلاً بـ زين باشا.

ملك بصت لنادر ولرحيم باستغراب.

ملك في نفسها: زين إيه دا مش زين.

رحيم ببرود: هو انت بقا اللي عامل كل دا.

نادر بضحك: إيه عجبتك.

رحيم ببرود وجه وقعد قدام نادر: شغل رخيص أوي.

نادر وبدأ يحسس على وش ملك: إيه مش عايز أختك.

رحيم بص لملك واستغرب إنها ولا خايفة ولا بتعيط مفيش غير علامات الاستغراب وبتبصله.

رحيم: أكيد بس عايز أعرف انت عايز إيه.

نادر: رقبة المقدم رحيم.

رحيم ساعتها ضحك: طب واللي يجبلك رحيم بذات نفسه.

نادر: قصدك إيه.

رحيم في ثانية شد ملك وراه: قصدي إني أنا رحيم ياحلو بقى معقول رايح تخطف أخت مقدم ومتعرفش شكله دا إيه شغل العيال دا انت أهبل يلا.

رجالة نادر بقوا محوطين رحيم وملك.

نادر: خلصوا عليه.

وسابهم وخرج.

ملك لرحيم: انت يا عم عشان سينا هتخرجني إزاي النهاردة الجمعة وفي ماتش الساعة 9 الأهلي والزمالك ولازم أتفرج عليه أنا بقولك أهو.

رحيم بص لها بصدمة: انتي هبلة ياحبيبتي.

ملك: مش هخلص من أم السؤال ده أه يا عم هبلة روحني بقى عايزة ألحق الماتش.

رحيم لسه هيرد لقى الضرب بدأ يشتغل بقى بيخبي ملك وباليد التانية ماسك المسدس وبيضرب بيه.

ملك بإعجاب: الله ممكن أجرب البتاع ده.

رحيم وبصلها بسخرية: بس يا ماما.

ملك: طب هو بيموت ولا بيعور.

رحيم بنرفزة وحط إيده على راسها: تحبي تجربي.

ملك بضحكة خوف: بهزر معاك يا رمضان كمل المدبحة بتاعتك.

رحيم شايف إن عددهم بيزيد راح خرج وشغل عربية من عربياتهم وبدأ يسوق بسرعة.

ملك بخوف: لو سمحت وطّي السرعة.

رحيم: أوطي إيه هنموت يابنتي.

ملك بدموع: بخاف.

رحيم بص لدموعها وحس إحساس غريب.

رحيم: طب قربي.

ملك بخوف: لي.

رحيم: إيه أكتر حاجة بتحبيها في حياتك.

ملك: زين.

رحيم: قرب خرجى الفون من جيبي دا بتاع زين افتحيه وهاتي رقم هشام وكلمي زين.

ملك عملت زي رحيم ما قال.

***

في مركز التدريب.

زين: ولا أنا عايز آخد إجازة.

هشام بتعب: لي.

زين: مالك ياهشام.

هشام وابتسم: أبداً بس حملت زيادة على إيدي النهاردة.

زين بعصبية: انت غبي يا عم انت مش لسه كنت مصاب في كتفك لـ تحمل عليه.

هشام: معلش بقى.

زين: هناخد إجازة ليا وليك.

هشام: تمام.

ترن ترن ترن.

هشام بإستغراب: زين هو فونك فين.

زين: مع رحيم لي.

هشام واداله الفون ف زين رد.

زين: ياواد ياواطي من ساعة ما مشيت مرنتش حتى نطمن عليك اخس.

ملك بدموع: زين.

زين بلهفة: ملك مالك وبعدين انتي مع رحيم.

ملك بدأت تحكي كل حاجة لزين وزين شعر بالخوف على أخته وشعور العصبية من رحيم.

زين بحب: طيب ياحبيبتي ماتخفيش رحيم معاكي وهيحميكي اديني رحيم.

ملك ادت الفون لرحيم.

رحيم ببرود: خير.

زين بعصبية: قسماً بالله بارد.

رحيم: شكراً باي.

وقفل السكة في وشه ووصل ملك البيت.

ملك دخلت بدوشتها وسلمت عليهم وغيرت وقعدت جري قدام التلفزيون.

رحيم كل ده مستغرب البنت دي هبلة ولا مجنونة ولا فيها إيه بس افتكر شكلها وهي خايفة وشكلها وهي بتكلم زين.

رحيم بجدية: عن إذنكم بقى.

نور: رايح فين يارحيم.

رحيم: هروح بيتي.

هدى: استنى تاكل معانا.

رحيم: شكراً أنا بس تعبان وعايز أنام عن إذنكم.

رحيم مشي وراح شقته وفجأة…

رحيم مشى وراح شقته ودخل.

"بتعملى اى هنا يا شهيرة؟" سأل رحيم باستغراب.

"سؤال مهم ولازم اجاوب عليه."

رحيم بضحك: "اكيد."

"ابدأ برن عليك ومكنتش بترد، رنيت على القائد بتاعك، قالى إنك اخدت اجازة، فجيت أشوفك."

"يعنى جيتى من اسكندرية علشان تشوفينى ياقادرة؟"

"وأجى من آخر الدنيااا."

رحيم بحب: "وحشتينى ياروحى انتى."

شهيرة وحضنته: "وانت أكترر على فكرة."

"أنا جعان."

"ادخل غير هدومك وأنا هروح أعملك أكل وتكون أنت ريحت شوية."

رحيم وابتسم: "ماشي ياحبيبتي."

رحيم دخل وغير هدومه، وبدأ يصلي. وبعد أما خلص نام على السرير. بص افتكر جنان ملك وابتسم ونام.

***

ف بيت ملك، دخلت أوضتها بعد ما اتفرجت على الماتش. وخدت شاور وصلت وقعدت تفكر ف اللي حصلها. هي آه كانت بتضحك، بس الموضوع كان بشع. ولما الراجل كان بيقرب منها كانت خايفة، بس هي مش متعودة تبين خوفها.

ملك بدأت تمسك ورقة وبدأت ترسم. مكنتش عارفة هي بترسم إيه، بس ف الآخر بصت لقت نفسها رسمت رحيم.

ملك بإستغراب: "طب هو لى ف بالي ولى رسمته."

ابتسمت وبصت للصورة وراحت شالتها وخرجت.

ملك بصوتها العالي: "ماااااااماااااااا."

"جرى إيه يابنت الهبلة، إيه صوتك جايب آخر الشارع لى؟" قالت نور.

"عايزة أكل."

"عندك الأكل ف المطبخ، روحي اطفحي."

ملك بتمثيل: "اخس، دا أنا حتى كنت مخطوفة وتعبانة وجو أكشن وضرب نار ودم، أعصابي منهارة."

نور ببرود: "خلصتي؟ أنا داخلة أقعد بقاا."

"إنتي مش متأثرة لى؟"

"علشان إنتي جبلة أصلاً، مستحيل أعصابك تنهار. غورى يابت."

ملك مشيت وهي بتبرطم بالكلام، ونور ضحكت على بنتها.

محمد وحضنها: "أومال كنتي هتموتي من الخوف عليها؟"

نور بحب: "علشان دي نور عيوني دي، اللي مخلية للبيت روح. من غيرها أموت أنا. ربنا رزقني بيك وبالولاد، مقدرش أتخيل حياتي من غير واحد فيكو. يعني إنت مثلاً لو بس صدعت أنا بكون هموت من خوفي عليك. زين لما بيمشي يروح المعسكر ببقى هموت عليه لحد ما يرجع لحضني تاني. هدى لو بس عيطت أنا مقدرش على كدا. ملك دي لو اختفت عني بس عشر دقايق عن عيني ببقى مش على بعضي. أنا من غيركوا أموت."

محمد وباس إيديها: "ربنا يخليكي لينا ياحبيبتي، إحنا من غيرك ولا أي حاجة، إنتي عمود البيت دا."

ملك واقفة وبتضحك على أمها وأبوها وكلامهم والحب دا.

ملك بمشاكسة: "خياااااااااانة أبويااا وأمي وف الصالة، آخر ما كنت اتوقعت."

محمد بضحك: "غورى يابت."

"تشكرات يا أبو حميد."

"والله بنت جزمة."

"اشتمي نفسك حلوووو كدا."

ترن ترن.

"روحي افتحي يابت."

"آه ما أنا البواب بتاعك."

ملك راحت تفتح واتصدمت: "انت."

***

"رحيم اصحى بقاا وبطل رخامة."

"عايز أنام، اطلعى براااا."

"بقاااا كداا."

راحت جابت ميه ودلقتها على وشه.

"اه يابنت، طب تعالي بقاااا."

رحيم طلع يجرى وراها وهي بتضحك لحد ما مسكها.

"مسكتك."

"إنت رخيم، خلي بالك."

رحيم لسة هيرد بس شاف فون زين بيرن.

"الوووو."

"رحيم الحقني."

"الو الو ملك."

"فيه إيه يارحيم ومين ملك دي؟"

"مش وقته ياشهيرة، أنا خارج."

"هاجي معاك."

"لأ."

"يبقى همشي وراك."

رحيم بص لها وشاف الإصرار ف عيونها.

"خلاص ماشي، ادخلي."

بعد وقت، شهيرة لبست ونزلت هي ورحيم وراحوا على بيت ملك. وهو سايق ف دماغه ألف سيناريو ومش عارف إيه اللي حصل. وصل وطلع البيت وهو متوتر. طلع وخبط. الباب اتفتح بس بوكس جه ف وشه. وأول ما ركز شاف زين.

"زين."

"بقاا بتستغفلني يارحيم؟ متقوليش إن أختي مخطوفة، لاء وكمان إنت رايح لوحدك للي خطفوها؟ لو كان حصلك حاجة بقا كنت هفرح أنااا."

"ده كان تفكيري وخلصنااااا."

"مش هتبطل أم التفكير الغبي ده وام القرارات المتسرعة دي."

رحيم بعصبية: "زييين الزم كلامك، اللي حصل حصل وأنا مكنتش مستعد أخاطر بيك وإنت عارف كده كويس. مكنش عندي استعداد أقولك وأنا مش عارف كان الراجل ده عايز منك إيه. تعرف لما روحت كان عايز إيه؟ كان عايز منك إنك تجيب رقبتي، قوللي ساعتها كنت هتعمل إيه؟ هضحي بـ اختك عشان صاحبتك؟ ولا هتضحي بصاحبك عشان أختك؟ ماترد يا أستاذ. وبعدين أنا حر، أعمل اللي أنا عايزه واللي شايفه صح، مفهوم؟ عن إذنكم."

رحيم سابهم ومشى وهو ف قمة عصبيته، حتى ساب شهيرة.

"مكنش له لازم ده يازين."

زين سابهم ودخل البلكونه.

"يا ماما تسمحيلي أنزل وراه."

"روحي وهاتيه، شكله من عصبيته نسى مراته."

ملك ركزت ف كلمة مراته وسرحت ثواني بس نزلت.

"اتفضلي يا مدام."

"لأ أنا هنزل أروح، أكيد رحيم راح البيت."

"لا يابنتي، هو هيجي. ملك نزلت وراه، ادخلي اقعدي."

شهيرة قعدت وهي مكسوفة منهم.

"عن إذنكم، همشي أنااا."

"إزاي بس يابني، اقعد اشرب قهوة."

"لاء تسلم ياعمي."

"اقعد يلاااا."

"علشان خاطرك بس يانورى."

"بتقول حاجة ياحبيبي."

"ابدا ابدا، بقول فين القهوة."

"ثواني وهعملك قهوة."

"تسلم إيدك."

هدى مشيت ودخلت المطبخ.

"هو ممكن أدخل البلكونه يا طنط."

"اكيد يابنتي، وبعدين إيه طنط دي؟ اسمي نور، قولي نور زيهم أو ماما."

شهيرة وابتسمت: "حاضر ياماما."

شهيرة دخلت ولقت زين واقف وبيشرب سجاير.

"متعرفش إنها مضرة."

"عارف."

"أسفة، عن إذنك."

زين مسك إيديها ووقفها.

"آسف، مكنش قصدي أكلمك كده، بس أنا متعصب."

"ولا يهمك، بس والله رحيم قلبه طيب جداً، وهو أكيد كان خايف عليك."

"عارف، وأنا رد فعلي طبيعي لأني خوفت عليه."

"هو إنتوا بتحبوا بعض أوي كده."

زين وابتسم: "وأكتر من كده، أنا مليش غير رحيم وهشام، دول أخواتي وأولادي كمان. من واحنا ف إعدادي مع بعض، ودخلنا ثانوي مع بعض، حتى الجامعة وقدمنا ف الجيش إحنا التلاتة. حياتي من غيرهم متسواش. رحيم ياما وقف جمبي ف أوقات صعبة عدت ف حياتي، خاصة لما حبيت."

"حبيت."

"أيوا حبيبت كانت بنوتة طيبة وقلبها أبيض، جميلة وهادية، لبسها جميل، ابتسامتها مفيش منها، كانت بتهون عليا، ضحكتها كانت بتنسيني همي."

"وليه سبتها."

زين والدموع لمعت ف عيونه: "هي اللي سبتني. ماتت. أيوا كان عندها سرطان، بس عرفت ف الآخر، كان المرض اتمكن من جسمها، مكنش فيه أمل. لحد ما ف يوم اتصلت بيها عشان تنزل عشان تروح المستشفى، بس مكنتش بترد. اتصلت على أمها، وهي دخلت تصحيها، بس مكنتش بتصحى. فجأة سمعت صوت صويت رجالي. كان حد مسك فيها. حامد، مكنتش قادر أتحرك، خايف. وبدأت أمشي واحدة واحدة لحد ما طلعت ودخلت، لقيتها نايمة شبه الملايكة، بتبتسم، تحس إنها كانت مبسوطة إنها طالعة لربنا. محستش نفسي غير وأنا بجري ف الشارع، وبقيت ف حضن رحيم وأنا بعيط."

دموع زين نزلت، شهيرة من غير قصد، حركة تلقائية منها، مسحت دموعه. هو بص لها وهي اتوترت وجت تبعد. زين مسكها.

"إنتي مين."

"أنا أخت رحيم."

"بس رحيم مش عنده إخوات."

"أنا بنت عمته وأخته ف الرضاعة، ولما عرفت إنه نزل إجازة جيت أشوفه."

"ممكن أعمل حاجة، مش عارف، حاسس إني عايز أعملها."

"اتفضل."

زين قعد ف الأرض وقعد شهيرة اللي مش فاهمة.

"ممكن تربعى رجلك."

"حاضر."

زين نام على رجليها وهي فضلت مبرقة من الصدمة.

"هو في إيه؟ هو مال الجو قلب كده ليه؟ يلهوي نفسي فين؟"

بصت لوش زين لقيته باصص للسما وسرحان وشكله جميل زي الطفل. بقت تلعب ف شعره بتلقائية منها. وهو بص لها وابتسم وغمض عيونه.

***

"رحييييييييم."

"جاية وراياا لى."

"الله يحرقك، قطعت نفسي."

"بتقولي إي."

"أسفة، بس جريت وراك كتير."

"طب تعالي نقعد وخذي نفسك."

"لأ، تعالي نتمشى."

"تمام."

"هو انت زعلت من زين."

"عمري ما أزعل منه، بس زعلت من حاجة تانية."

"ممكن أعرف."

رحيم ووقف وبصلها: "ليه اتصلتي وكنتي بتعيطي؟ والحقني يارحيم، قطعتيلي الخلف."

ملك وضحكت: "أصل هقولك."

***Flash back***

"انت."

"إنتي كويسة ياحبيبتي."

"كنت خايفة أوي يازين."

"حقك عليااا ياقلب وروح زين، أسف."

"لأ ياحبيبي متعتذرش، مش ذنبك، المهم إنت كويس."

"أيواا ياحبيبتي."

زين دخل وملك لسة الباب هيتقفل.

"وسعي يابت."

"هشااااااام، ليك وحشة ياجدع."

"بقالا دي اللي مخطوفة وهي زي القرود أهي."

"غور ياض من هنا."

"خلصتوا حلقة ناقر ونقير دي، اتفضلي احكيلي."

ملك حكت كل حاجة لزين، ونور كانت واخدة زين ف حضنها.

"طيب يارحيم، والله لما أشوفك."

"ليه دا كيوت."

"نعم ياختي؟ رني عليه وهاتيه."

"ده أنا أعملها إزاي دي."

"مليش دعوة، اتصرفي."

***Back***

"وبس ياسيدي، ورنيت عليك، بس والله مكنش قصدي أزعجك إنت والمدام."

"مدام مين."

"اللي كانت معاك فوق."

رحيم وضحك: "مدام مين بس، دي أختي يابنتي."

"بجد."

"مالك فرحتي لى كدا."

"ابدأ عادي يعني."

"ماشي ياستي."

"هو انت عندك كام سنة."

"عندي 27."

"قد زين يعني؟ هو انت وزين تعرفوا بعض من زمان؟ أصل فاكرة إنه طول عمره كان بيجيب سيرة واحد اسمه رحيم. أنا أعرف هشام."

"أيوا أنا ورحيم وهشام صحاب من إعدادي."

"يبقى انت اللي كنت بتساعده لما رهف ماتت."

"كانت فترة صعبة عليه أوي."

"كانت قصة حب جميلة أوي."

"إنك تلاقي الشخص اللي بتحبه بيموت قدامك شعور صعب أوي."

"فعلاااا."

"يلا نرجع."

"يلاااا."

***

هدى دخلت القهوة.

"عن إذنكم، هروح المطبخ."

"ممكن أروح الحمام."

"روح ياخويا، هتعملي مكسوف."

"قلبك أبيض ياجوز عمتي."

"قلب عمتو ياناس."

"حبيبتي، بس أبو حميد هينفخني."

هشام مشى بس دخل المطبخ.

"وحشتك صح."

"لأ، واتفضل اخرج براا."

"اممممممم، شكلي عملت مصيبة. إيه بس مالك."

"علشان إنت على طول مخوفني عليك وبتعمل مقالب سخيفة."

هشام وخدها ف حضنه: "حقك عليااا والله، مش هعمل كده تاني."

"وعد ياهشام."

"وعد ياروح وقلب هشام."

": وأي كمان."

هشام بعد عن هدى ولف وراه، وهدى استخبت ف ضهره.

"بتعمل إيه ياهشام إنت وهدى."

"والله ياماما."

"اخرسي إنتي."

"عمتو، أنا بحب هدى، وأظن الكل واخد باله، بس هي رفضت إني أتكلم ف موضوع الجواز لحد ما تخلص السنة دي في الكلية، فلو سمحتي أنا طالب إيديها للجواز."

نور كانت واخدة بالها بحب هشام وهدى لبعض، فحبت تعمل حاجة. نور قربت من هدى وشدتها من ورا هشام، ولسه هترضبها بالقلم، هشام وقف قدامها وخد هو القلم.

"هشام حبيبتي، إنت كويس ياروحى."

"اهدى، أنا كويس."

"يلا بقا احمدوا ربنا إن أنا اللي جيت مش محمد."

"اسف ياعمتو، بس والله أنا بحبها."

"عارفة ياروح عمتو."

هشام مشى وراح لزين، بس شاف منظر زين وهو نايم وشهيرة بتلعب ف شعره، فابتسم وسابهم لوحدهم. خرج شاف رحيم جه هو وملك.

"عامل زي القطر، ف ثانية مشيت."

"يوووووه، براحتي."

"طيب ياخويااا. بت ياملك، غورى شوفي أخوكي."

"هشام إنت غورى ياحبيبي."

"أنا يابنتي."

"بحسب فين زين."

"احم، ف البلكونه."

"هروح أنا."

"هااا لاء، خلي ملك هي اللي تروح."

"أوعى ياض."

رحيم راح البلكونه وشاف منظرهم.

"زيييييين."

زين قام اتنفض وكان خايف من رد فعل رحيم، مش عليه كان خايف على شهيرة لأنها ملهاش ذنب.

شهيرة بدموع: رحيم ممكن تهدى، والله كنا قاعدين.

رحيم قرب وخدها في حضنه وابتسم: بس ياهبلة، أولاً انتي اختي وعارف إنك مش هتعملي حاجة غلط، وبعدين اللي واقف ده أنا بثق فيه أكتر من نفسي ومستحيل يأذيكي، أنا بس حبيت أخضكوا.

زين: والله رخمة.

رحيم بضحك: شكلك كان مسخرة ياحضرة الظابط.

زين: ولا يا أخويا.

رحيم بجدية: كدا كدا كنت هاخد شهيرة ونروح، عن إذنكم.

نور: بكرا معزمين عندنا.

رحيم: عيوني ليكي يا أمي، يلا يا شهيرة.

شهيرة ورحيم مشيوا.

••••••••••••••••••••••••••••••••••••••••••••••••••••••••••

هشام: عايزين حاجة بقى.

نور: رايح فين يا هشام.

هشام: هروح بقى عشان عايز أنام.

محمد: ادخل نام يا ابني انت مع زين.

هشام: بس يا عمي ما..

نور: هشام اسمع الكلام.

هشام بتعب: حاضر يا عمتو، تصبحوا على خير.

الكل: وانت من أهل الخير.

ملك: وأنا كمان هدخل أنام.

نور بحب: تصبحي على خير يا حبيبتي.

ملك: وانتي من أهل الخير يا ماما.

هدى: هروح أنا أذاكر.

محمد: مش هتنامي.

هدى: لأ شوية كده وهنام.

نور: ربنا معاكي ويقويكي يا حبيبتي.

هدى: يارب يا ماما، يلا عن إذنكم.

محمد: يلا يا نور ادخلي نامي عشان انتي تعبتي النهاردة.

نور: فعلاً، يلا قوم.

•••••••••••••••••••••••••••••••••••••••••••••••••••••••••

شهيرة: رحيم أنت شكلك تعبان أوي.

رحيم: أنا كويس، أنا بس عايز أنام.

شهيرة ابتسمت: ماشي يا حبيبي.

•••••••••••••••••••••••••••••••••••••••••••••••••••••••••

الساعة 2 بالليل.

هشام قام من النوم متوتر وخايف، اتنهد وخرج البلكونة وهو بيشرب سيجارة.

هدى حست بحد برا، خرجت تشوف مين، شافت البلكونة مفتوحة.

هدى: يمكن حرامي، بس دا غبي يدخل وفيه اتنين ظباط هنا، أي الغباء ده يا هدى، وهو أي عرفه إن فيه هنا ظباط.

هدى بدأت تقرب من البلكونة وبصت براحة، شافت هشام واقف.

هدى بتنهيدة: يالهوي يا هشام خوفتني.

هشام برفع حاجب: لي يعني.

هدى: افتكرت فيه حرامي.

هشام ابتسم: روحي نامي يا هدى.

هدى حست بهشام وقربت منه: مالك يا حبيبي.

هشام ابتسم: مفيش يا هدى، أنا بس مش جايلى نوم.

هدى ومسكت إيده: بتكذب عليا يا هشام.

هشام اتنهد: نفس الحلم، مش عارف أنسى اليوم ده يا هدى، مش عارف، بحلم بيه على طول، كأنه مش عايزني أرتاح من عذاب الضمير، مش...

بدأت الدموع تنزل من عيونه.

هدى وهي بتمسح دموعه: هشششششش اهدى، هتنسى، ربنا عارف إنك ملكش ذنب في كل اللي حصل، أنت بس خليك واثق فيه، وبعدين أنا جنبك أهو، وقت ما تحلم بيه تعالى ونعيط مع بعض، بلاش تكتم جواك.

هشام: أنا بحبك أوي.

هدى وحضنته: وأنا بعشقك يا حبيبي، بص تعالى نصلي.

هشام بإستغراب: هنصلي إيه دلوقتي، ده لسه الفجر مأذنش.

هدى ابتسمت: لأ قيام الليل.

هشام وحضنها: مش بقولك بحبك، يلا نروح نتوضى.

وبعد فترة خلصوا وفضلوا يتكلموا لحد ما الفجر أذن وصلوا وناموا.

••••••••••••••••••••••••••••••••••••••••••••••••••••••••••••••••

الصبح في المعسكر.

القائد: تحت أمرك يا فندم.

اللواء: اقعد يا سامح، عايزك.

سامح: شكراً يا فندم.

اللواء: عايزك تكلف مجموعة من الظباط عشان عايزهم.

سامح: خير يا فندم.

اللواء: فيه عملية كده وعايز ظباط بياكلوا الحديد، وأظن أنت فاهمني.

سامح: تحت أمرك يا فندم.

اللواء: بكرا الصبح يبقوا على مكتبي.

سامح: تمام يا فندم.

اللواء: على مكتبك يلا.

•••••••••••••••••••••••••••••••••••••••••••••••••••••••••

شهيرة: سيبني أنام يا ابني بقى.

رحيم: قومي، هنتاخر على الناس.

شهيرة: حاضر.

ترن ترن.

رحيم: قومي البسي يلا، عقبال ما أشوف مين.

رحيم فتح.

رحيم بفرحة: سليم يا ابن اللعيبة، وحشني.

سليم: واضح يا واطي، أنت والعيال الخسيسة التانية.

رحيم بضحك: تعالى ادخل، إيه نزلت إمتى.

سليم: امبارح بالليل، لما خلصت المهمة رجعت ملقتش واحد فيكم، عرفت إنكم إجازة، قولت هي جت على قرمط يعني.

رحيم بضحك: لأ إزاي.

شهيرة: رحيم يلا.

رحيم: تعالي يا شهيرة، ده سليم صاحبي، سليم دي شهيرة أختي.

سليم ابتسم: أهلاً، أنا سليم، اعتبريني زي الواد ده أخوكي.

شهيرة بضحك: أهلاً، تمام يا سليم.

سليم: أوكي، أنتوا شكلكم خارجين.

رحيم: أيوا رايحين عند زين.

سليم: اشطا، يلا معاكوا.

رحيم بضحك: يلا يا خوي.

••••••••••••••••••••••••••••••••••••••••••••••••••••••••••

نور: ملك أنت يا بت.

ملك: يا نعم، إيه في إيه، مفيش غير زفتة.

هشام بضحك: أه اتنيلى بقى.

ملك: أنت يا ابني أنت تخرس خالص.

زين: ملك عيب.

ملك: أووووف، نعم يا ماما.

نور: غورى صحي اختك.

ملك: ااااه، أنتوا ناس ظالمة، بقى ست هدى نايمة ومرتاحة وأنا طالع عيني.

هشام بحب: تنام براحتها، وبعدين أنت كنتي مخدودة، هي كانت بتذاكر.

نور: صح.

ملك: أيوااا، طبطبوا له يا أختي.

زين: منكم لله صدعتوني.

ملك دخلت تصحى هدى ورشت على وشها ميه.

هدى: يييييييح، اه يا كلبة، طب والله يا ملك لأضربك.

ملك وهي بتجري: بس ياما.

ملك بتجري وبتصوت وهدى بتجري وراها، وزين بيتفرج، وهشام بيحاول يهدّي هدى، ونور بتشتم ملك.

ترن ترن.

زين بصداع: أبوس إيدك ادخل فضلي الليلة اللي جوا دي.

رحيم: هو فيه إيه، وإيه الصوت ده.

زين: ادخل وشوف.

سليم: بخ.

زين بضحك: كنت متأكد إني هلقيك في قفايا.

سليم: يا عزيزي، أنتوا متقدروش تعيشوا من غيري أصلاً.

زين: طب ادخل.

شهيرة: السلام عليكم.

زين بابتسامة: وعليكم السلام، اتفضلي.

شهيرة: ميرسي.

رحيم دخل واتصدم، ملك على السفرة وهشام ماسك هدى ونور ماسكة دماغها.

رحيم: هو فيه إيه.

نور: أهلاً يا ابني اتفضل، لأ دول ولادي الهبل بيجروا ورا بعض.

هدى بعصبية: ماما أنا مش هبلة، هي اللي حيوانة، حد يصحى حد كده.

ملك: بت انتي، هنزلك.

هدى: لو جدعة انزلي وريني نفسك.

شهيرة بضحك: هموت يالهوي، دول عسل خالص.

ملك: خدي بوسة يا بت.

زين: والله أنا زهقت، ملك انزلي وبطلي شغل العيال ده.

ملك: هدى خلاص قلبك أبيض.

هدى هديت: خلاص، بس مش عشانك عشان الناس بس.

ملك لسة بتنزل، وقعت، رحيم مسكها.

ملك غمضت ومستسلمة إنها تقع، فتحت نص عين: أنا وقعت.

رحيم ابتسم: ولحقتك.

ملك بصت لقت نفسها شبه في حضنه، راحت بعدت.

ملك بكسوف: تشكر يا رجولة.

وطلعت تجري.

سليم بضحك: مين المجنونة دي.

زين: للأسف أختي.

نور: اقعدوا يا ولاد عمكم، محمد نص ساعة ويوصل.

زين ورحيم وهشام وسليم قعدوا في الصالون والبنات في الأوضة.

زين: القائد حسام رن عليا النهاردة.

رحيم: لي.

زين: عايزنا بكرة الصبح نكون في المعسكر.

سليم: هو أنا لحقت أرتاح.

هشام بضحك: بختك الأسود، نعمل إيه بقى.

سليم: تبا لكم أيها القوم.

رحيم قاعد ساكت وقلبه مش مطمن من العملية دي.

زين: ساكت لي.

رحيم اتنهد: هقول إيه، أما نروح بكرة نشوف الموضوع ده.

في أوضة البنات.

هدى: والله يا شهيرة أنتِ عسل.

شهيرة: حبيبتي، أنتوا اللي قلبكم أبيض.

ملك بتعب: هدى اندهي ماما.

هدى بقلق: مالك يا ملك.

ملك بتعب: بطني وجعاني أوي.

هدى: طب استريحي وأنا هنده ماما.

شهيرة بخوف: نامي يا حبيبتي، إن شاء الله خير.

ملك بدموع: اااااااااااااااه.

سليم: فيه صوت صويت.

زين قام يجري والشباب وراه.

زين بقلق: مالها ملك حبيبتي.

ملك بوجع: بطني يازين ااااااااااااااه.

رحيم: شيلها وتعالى ورايا.

زين شال ملك ونزل ورا رحيم، ونور جريت وراهم.

هدى بدموع: يارب تكون كويسة يارب.

شهيرة: هتبقى كويسة، متخافيش يا حبيبتي.

هشام: اهدى يا حبيبي هتبقى بخير.

•••••••••••••••••••••••••••••••••••••••••••••••••••••••••

في المستشفى.

نور بدموع: ها يا دكتور، مالها.

الدكتور: مفيش، هي بس معدتها حساسة، وأكيد أكلت حاجة منتهية صلاحيتها.

نور: يعني هي كويسة.

الدكتور: أيوا، وتقدر تروح.

رحيم: شكراً يا دكتور.

نور ودخلت: حبيبتي يا بنتي.

ملك: اهدى يا ماما، أنا كويسة.

نور بغضب: عشان لما أقول متتنيليش تاكلي حاجة من برا، تسمعي الكلام.

ملك: آسفة، حاضر.

رحيم: حمد لله على سلامتك يا ملك.

ملك ابتسمت: الله يسلمك يا رحيم.

زين كل ده ساكت.

زين: يلا نمشي.

ملك زعلت من زين أوي إنه مكلمهاش ولا حتى اطمن عليها.

•••••••••••••••••••••••••••••••••••••••••••••••••••••••••

في البيت.

محمد: السلام عليكم.

هشام وسليم: وعليكم السلام.

محمد بإستغراب: هو فيه إيه.

هدى جريت وحضنته وعيطت.

محمد بخوف وقلق: مالك يا حبيبة بابا.

هدى بدموع: ملك يا بابا في المستشفى وكانت تعبانة أوي.

محمد: إيه، ومحدش اتصل عليا ليه.

هشام: زين ورحيم وعمتو جريوا بيها.

محمد لسه هيتصل، الباب اتفتح.

محمد: فيه إيه.

نور: مفيش يا حبيبي، كانت بس معدتها وجعاها شوية.

محمد وحضن ملك: أنتي كويسة يا حبيبتي.

ملك: أيوا يا بابا.

زين: يلا حطي الأكل يا ماما.

ملك بدموع: زين.

زين: نعم.

ملك: أنت مبتكلمنيش لي، وحتى مطمنتش عليا.

زين ببرود: ما أنتي كويسة أهو، يلا يا ماما حطي الأكل.

ملك بصتله بدموع ودخلت الأوضة، وكلهم بصوا لزين بصدمة.

زين: عن إذنكم.

ونزل تحت.

رحيم: أنا ممكن أدخلها.

نور: اتفضل يا ابني.

رحيم راح وخبط.

ملك: ادخل.

رحيم ابتسم: احم، الجميل عامل إيه.

ملك: اتفضل يا أبيه.

رحيم: أبيه إيه، دي اسمي رحيم.

ملك: بس أنا معملتش حاجة.

رحيم: لأ عملتي، لما تعرفي إن معدتك حساسة كده يبقى متاكليش حاجة من برا، يبقى تحافظي على نفسك عشان فيه ناس بتحبك، تعرفي إن لو كان حصلك حاجة كان زين هيبقى عامل إزاي، طب هدى أختك، أنت مشوفتيش كانت خايفة إزاي، أبوكي وأمك، المفروض تخلي بالك من نفسك أكتر من كده.

ملك بدأت تعيط أكتر.

رحيم خدها في حضنه.

ملك: أنا مكنتش أقصد.

رحيم: عارف، ممكن تهدّي.

ملك لاحظت إنها في حضنه، جت تبعد، مرضيش.

ملك بهمس: رحيم.

رحيم: هششششششش اسكتي.

ملك سكتت ورحيم كان في عالم تاني.

فجأة...

ملك بدأت تعيط أكتر.

رحيم خدها في حضنه.

ملك: أنا ماكنتش أقصد.

رحيم: عارف، ممكن تهدّي.

ملك لاحظت إنها في حضنه جت تبعد، ما رضيش.

ملك بهمس: رحيم.

رحيم: هششششششش، اسكتي.

ملك سكتت ورحيم كان في عالم تاني.

فجأة سمعوا صوت ضحك.

ملك بعدت عن رحيم وطلعت تجري على برا.

رحيم بغضب: غبي، إزاي تعمل كدا؟ دي أخت زين يا غبي! أخوك تبص لـ حرمة أخوك.

ملك بابتسامة: بتضحكوا لي؟

هدى: سليم دمه خفيف أوي.

هشام: ده دمه سم.

ملك بضحك: بتغيري يا كوكو.

هشام: لولا إنك تعبانة كان زماني قمت قتلتك.

رحيم خرج: شهيرة خليكي هنا، ولما أرن عليكي تنزلي، مفهوم.

شهيرة باستغراب: حاضر.

محمد: رايح فين بس يابني؟ زين هييجي دلوقتي.

رحيم: معلش ياحج، عايز أكون لوحدي شوية.

سليم: مالك يارحيم؟

هشام: في إيه يابني؟

رحيم بصوت عالي: مالكم انتوا الاتنين؟ عايز أكون لوحدي، أي جريمة؟ عن إذنكم.

رحيم سابهم وكلهم مستغربين شكله وكلامه، وخاصة ملك.

نور: تعالي ياملك، عايز اِكِ.

ملك: في حاجة ياماما؟

نور: تعالي ياحبيبتي، عايز اِكِ نعمل حاجة.

ملك: حاضر يا أمي.

هدى: هو في إيه؟

شهيرة: معرفش والله.

سليم: سيبكوا انتوا، تعالوا أقولكم على العسكري الجديد لما جه وعصّب زين.

شهيرة بضحك: أيوا، كمل انت.

هدى: أيوا كمل ياسليم.

هشام: صبرني يارب.

نور: إيه اللي حصل بينك انتي ورحيم؟ ولي خرج متعصب كدا؟

ملك بارتباك: هقولك ياماما، بس ونبي بلاش تزعلي مني.

نور وحضنتها: قولي ياحبيبتي.

ملك حكتلها كل اللي حصل.

ملك وحضنتها: ممكن ما تزعليش؟

نور وابتسمت: حسيتي بإيه ياملك؟

ملك: أقولك الصراحة.

نور: يا ريت.

ملك حضنتها: حسيت بدفا، حسيت إني مستريحة في حضنه، كأني في حضن زين أو بحضنك، بس هو فيه حاجة أحلى، معرفش ليه، كنت حاسة بدقات قلبي وقلبه كأنهم واحد، معرفش.

نور ابتسمت: ملك، ممكن نتفق على اتفاق؟

ملك: إيه هو ياماما؟

نور: ممكن ننسى اللي فات، وكمان أول وآخر مرة تحضنيه، حتى لو هو قرب، حرام يا كوكو، ماشي؟

ملك وعيطت: خايفة ياماما، نفس الشعور جه تاني، بس ده أقوى بكتير، معرفش حسيت براحة غريبة، والله أنا آسفة، أنا معرفش إزاي استريحت كدا.

نور وحضنتها: طب خلاص ياحبيبة ماما، رحيم شاب جدع ومحترم ياملك، مش عيل زي اللي كنتي تعرفيه، بس برضه متتوهميش نفسك، ممكن يكون بيحب.

ملك: حاضر ياماما.

•••••••••••••••••••••••••••••••••••••••••••••••••••••••••

رحيم: كنت عارف إني هلاقيك هنا.

زين وابتسم: جيت لي؟

رحيم وقعد جنبه: مخنوق ياصاحبي.

زين وابتسم: احكي، سامعك.

رحيم حكى كل حاجة لزين.

رحيم بأسف: أنا آسف يازين، بس صدقني معرفش أنا عملت كدا إزاي، إزاي قدرت آخدها في حضني؟ لي مقدرتش أشوف دموعها؟ لي خليتها تاخد ذنوب بسببى؟ إزاي محترمتش غيابك.

زين: ملك غلبانة أوي يارحيم ورقيقة أوي، على قد ما هي تبان مجنونة ومش بيهمها حاجة، بس من أقل حاجة بتنهار، وياصاحبي أنا واثق فيك.

رحيم: ملك أختي يازين، زي شهيرة بالظبط.

زين وابتسم: متأكد.

رحيم: أكيد.

زين واتنهد: طب قوم يلا نروح.

رحيم: طيب، قوم.

•••••••••••••••••••••••••••••••••••••••••••••••••••••••••

في مكان تاني خالص.

بدر: انتي يابنتي ارحميني وانزلي من نفوخ أمي.

دينا: ولاااااه مسمعش صوتك، فسحني وانت ساكت.

بدر وجابها من قفاها: بتقولي حاجة ياعسل.

دينا: أنا قدر ياحضرة الظابط، دا أنا أبقى كلبة.

بدر وضحك: طب امشي يا كلبة.

فون بدر رن.

بدر: أيوا يافندم.

….. : ………

بدر: تمام يافندم، بكرة الصبح هكون موجود.

دينا: في إيه يابدر؟

بدر واتنهد: شكلي كدا هطلع مأمورية بكرة.

دينا بحزن: انت لحقت تقعد.

بدر وابتسم: مالك ياسيد ياصاحبي بس.

دينا بضحك: ماتلم لسانك ياض انت.

بدر: يا كرامتي اللي في الأرض بسببك يابنت عمي.

دينا: طب بذمتك حد عنده اخت عسل زي كدا.

بدر بضحك: فين العسل دا.

دينا: غور ياض.

بدر بضحك: طب قومي يلا.

دينا بدموع: بدر.

بدر: يا عيون بدر.

دينا: مش هتتأخر وهترجع بالسلامة.

بدر: هرجع ياحبيبي والله.

رن فون بدر تاني.

دينا: احم، رد على نهى.

بدر: أيوا يانهى، نعم.

نهى بدلع: إيه ياحبيبي، انت فين؟

بدر: أنا برا مع دينا.

نهى بغضب: لي إن شاء الله؟ هو انت خاطب مين فينا بالظبط؟

بدر بعصبية: نهى، أنا مش فاضي للعب العيال ده، سلام.

نهى بغضب: ماشي يابدر.

دينا: بتتخانقوا بسببى تاني.

بدر وابتسم: بس ياهبلة، يلا تعالي نشرب قهوة.

دينا: اوكي.

••••••••••••••••••••••••••••••••••••••••••••••••••••••••••

شادي: العملية جاهزة يانادر.

نادر: أيوا ياباشاااا، كله تمام.

شادي بضحك: نادر، انت لي بتحسسني إني زعيم مافيا؟ ماتقولي يافندم، ياحضرة الظابط، بس إيه باشا دي.

نادر: آسف يافندم.

شادي: ااااااااه ياني منك ياض، انت لسة صغير وصدقني هيبقى ليك مستقبل.

نادر: بجد، تسلم يافندم.

شادي بجدية: طب يلا، كله يجهز، هجوم.

بعد فترة من ضرب النار والإصابات واللي ماتوا.

شادي ركب عربيته: أيوا يافندم.

….. : …….

شادي: كل تحت السيطرة، وأنا رايح دلوقتي وهسلم المجرمين.

…… :……..

شادي: بكرة الصبح.

…… :………

شادي: تمام يافندم، بكرة هكون عندك.

شادي لنفسه: هو أنا لحقت أريح.

•••••••••••••••••••••••••••••••••••••••••••••••••••••••••

سليم بضحك: في الواد زين بيدربه وبيعلمه حركة، فالواد بيقوله: وهستفيد إيه من الهبل ده؟

هدى بفضول: وبعدين؟

سليم: زين راح ضرب الواد بوكس، قاله: علشان كدا ياروح أمك.

شهيرة بضحكة عالية: لاء، مش قادرة.

سليم: زين ده مسخرة.

زين: وبعدين يا أستاذ سليم.

سليم: احم، طب أطير أنا.

زين بضحك: اقعد يا أهبل انت.

رحيم: يلا ياشهيرة.

زين: اقعد يارحيم، نسهر مع بعض، بكرة هيبقى شغل ومش هنعرف هننزل تاني امتى.

شهيرة برجاء: أيوا يارحيم، القعدة هنا حلوة أوي.

زين في نفسه: ونبي انتي اللي حلوة.

هدى: مش انت زي زين؟

رحيم بابتسامة: أكيد.

هدى: يبقا خليكوا.

رحيم: تمام.

سليم: وأنا، مافيش حد هيقولي اقعد.

هدى وشهيرة مع بعض: انت أساسي، قاعد.

هشام: لاء، الواد عملهم غسيل مخ.

رحيم كان بيدور بعيونه عليها.

محمد: طب شكلكم ليلتكم صباحي، هنام أنا.

نور: خدني معاك.

قعدوا وفضلوا يضحكوا لحد ما شهيرة ما اقترحت.

شهيرة: ما تيجوا نلعب.

هدى: هنلعب إيه؟

شهيرة: هقولك، هووو…

ترن ترن.

زين باستغراب: مين هييجي دلوقتي؟

زين راح فتح.

ندى: بخ.

زين بضحك: اه ياهبلة، وحشتيني.

ندى: اه ياندل، جيت وهتمشي بكرة ومش عايز تشوفني.

زين: ادخلي يالمضة.

ندى: سمووعليكوو.

هدى: ندوش، تعالي.

ندى بإحراج: مش تقول إن عندكوا ضيوف يارخم.

زين بضحك: ما انتي اللي هبلة ودخلتي على طول، دول صحابي رحيم وسليم، وطبعًا انتي عارفة هشام، ودي شهيرة أخت رحيم.

ندى: منورين ياحلوين.

زين بضحك: هبلة هبلة، مفيش كلام، دي ندى بنت عمي.

سليم: طب صدق بقا إن دمها خفيف وعسولة.

ندى بكسوف: شكراً، انت اللي عسول.

سليم: قلبي مش قادر.

ندى: فين لوكا؟

زين: جوه.

ملك: بتجيبوا في سيرتي لي.

ندى: إيه دا، والله لو جبت سيرة 100 جنيه ما هتيجي.

ملك: نينينينينينينيني، رخمة يابت.

ندى: وحشششاني.

ملك بضحك: أكتر.

ملك بصت لزين وراحت حضنته: آسفة والله، بعد كدا هاخد بالي من نفسي، بس بلاش تعاملني كدا.

زين: مش زعلان خلاص.

ملك بضحك: بجد.

زين وابتسم: بجد.

ملك: طب بمناسبة اللمة العسل دي، هعملكم كيكة.

هدى: وأنا آيس كريم.

شهيرة: أنا هعمل حلويات.

ندى: وأنا هاكل.

كلهم ضحكوا.

زين: ندوش، أنا بحب القهوة بتاعتك، روشي علينا، ممكن.

ندى: يلا ياعسل، منك ليه، كل واحد هيساعد واحدة.

سليم: ونبي.

ندى: أيوا، وأنا هوزعكوا.

ندى: هدى مع هشام.

هشام: والله البت دي بتفهم.

ندى بضحك: عارفة، ملك مع العسل الهادي ده.

ملك بإحراج: أنا ممكن أعملها لوحدي.

ندى: بس يابت.

رحيم: تمام.

ندى: زين مع العسولة اللي جمبي دي. يلا على المطبخ.

كلهم قاموا.

سليم: طب وأنا.

ندى بضحك: خليتك ليا.

سليم بضحك: مجنونة فعلاً.

في المطبخ.

رحيم: أنا آسف ياملك على اللي حصل مني.

ملك بكسوف: ولا يهمك.

رحيم وابتسم: خدودك بتفضحوكي لما بتتكسفي.

ملك وابتسمت: بطل تكسفني طيب.

رحيم بضحك: حاضر.

زين: شكلك قمر النهاردة.

شهيرة بكسوف: هااااا.

زين بهمس: هااا إيه؟ هبوسك دلوقتي.

شهيرة بصتله بصدمة وهو ضحك عليها.

هشام: بحبك.

هدى: خليني أركز.

هشام: بموت فيكي.

هدى: وأنا بعشقك.

وطبعًا ندى وسليم اللي بيضحكوا عليهم ورا.

وكدا اليوم خلص.

تانى يوم الصبح ف المعسكر.

اللواء: اتفضلوا.

زين: خير يافندم.

اللواء: منورين ياشباب.

هشام: بنورك يافندم.

اللواء: ندخل ف الموضوع على طول.

رحيم بجدية: ياريت.

اللواء: عرفنى بنفسك الاول.

رحيم بنظرة حادة: اظن احنا مش متجمعين علشان نتعرف.

اللواء بإعجاب من ثقة رحيم: انا اللواء ياحضرة الظابط والمفروض طريقة الكلام متبقاش كداا انا مش عسكرى عندك.

رحيم بإبتسامة: تمام يافندم معاك المقدم رحيم احمد.

بدأ الباقى يعرف نفسه واللواء شرح المهمة وكلهم مركزين وبعد ساعة.

اللواء: انا كدا خلصت مهمتى الباقى عليكوا اسيبكوا بقا.

سليم: دماغى وقفت.

هشام: حاسس بطاقة سلبية جاية من ناحيتك ياض انت.

سليم بضحك: ابوشكلك.

بدر: طب هنعمل اى.

زين: نروح ناكل علشان انا مهبط.

رحيم وابتسم: على طول جعان.

زين: انت مش سهل.

رحيم وغمز: احظروا منى.

زين: هتروح.

رحيم: اه بس هروح اجيب شهيرة من عندكوا.

زين: طب خدنى معاك.

زين ورحيم مشيوا وسابوا الباقى.

هشام: عن اذنكم ياشباب هنتقابل بعدين.

سليم: ولاااه خدنى معاك.

بدر: تعالى معايااا بقا انت.

شادى وابتسم: تسلم.

كلهم مشيوا.

••••••••••••••••••••••••••••••••••••••••••••••••••••••••••••••••

ملك بنوم: ايواااا جاية جاية.

رحيم بضحك: ساعة.

ملك بنوم: مين.

رحيم وخد باله من لبسهاا: ملك فوقى وادخلى جوااا.

ملك طلعت تجرى على الاوضة بتاعتهااا.

ملك: يلههههههوى منك لله يارحيم هدى وشهيرة فين اكيد نايمين عند هدى الكلاب سبونى نايمة لوحدى.

زين: بتضحك على اى ياض.

رحيم بضحك: مفيش مفيش.

زين لسه هيرد فون رحيم رن.

رحيم سابه ودخل البلكونة.

زين: والله مجنون.

زين دخل الاوضة بتاعته وشاف شهيرة نايمة زين قرب منهااا وقعد جمبهااا.

زين بحنية: شهيرة اصحى.

شهيرة: ………

زين: شهيرة قومى.

شهيرة بنوم: اى يارحيم.

زين: قومى.

شهيرة: اسكت خلينى اكمل نوم.

زين ابتسم: شهيرة انا زين.

شهيرة بصدمة: زين مين.

زين بضحك: زين اخو ملك.

شهيرة بعدت عنه وهى مكسوفة: انا اسفة والله مكنتش اعرف انها اوضتك.

زين بخبث: ازاى وانا صورتى منورة اهووو.

شهيرة بتوتر: ماهووو اصل…..

وطلعت تجرى على برااا.

زين بضحك: كلهم مجانين.

عند رحيم.

رحيم: خلاص نتقابل كمان ساعة.

المتصل: تمام.

شهيرة وابتسمت: صباح الفل.

رحيم وحضنها: صباح النور يا اميرتى.

شهيرة: رجعت يعنى.

رحيم وضحك: مقدرتش ابعد عن اميرتى ف جيت جرى.

شهيرة بضحك: يابكاش.

رحيم: طب يلاا علشان نمشى علشان كداا تقلنا على الناس.

شهيرة بحب: انا حبيتهم اوى يارحيم.

رحيم: هما يتحبوا يلاا بيناا جهزى نفسك.

شهيرة: حاضر.

شهيرة ورحيم سلموا عليهم ومشيواا.

ملك: انا هنزل اجيب شوية حاجات من تحت.

هدى: طب بصى عيزاكى تعدى على المكتبه وتجبيلى كام حاجة كداا.

ملك: طيب حاضر.

زين: متتأخريش ياملك.

ملك وحضنتنه: حاضر.

ملك نزلت وراكت السوبر ماركت.

ملك: السلام عليكم.

حمدى: وعليكم السلام ياملك.

ملك: عايزة 4 شيكولاته وكيس شيبسى بالشطة.

حمدى بحب: عيونى ثوانى.

ملك: كام كداا.

حمدى: ولايهمك ياملك خليهااا عليااا.

ملك بجدية: لاء ميصحش.

حمدى: خلاص والله مش هاخد منك حاجة.

ملك بإستغراب: اوك.

ملك جابت حاجات هدى وطلعت.

زين: مالك.

ملك حكتله اللى حصل.

زين: تمام انا هنزل احاسبه.

زين نزل ل حمدى.

زين: ازيك ياحمدى.

حمدى: ازيك يازين بيه.

زين: تمام الحمدلله المهم حساب ملك كام.

حمدى: خلاص يابيه.

زين بجدية: انت عايز اى من ملك ياحمدى.

حمدى بتوتر: كل خير يابيه.

زين بتحذير: ملك تشيلها من دماغك وخد حسابك اهووو.

حمدى بشر: يا انا يا انت يازين بيييه.

••••••••••••••••••••••••••••••••••••••••••••••••••••••••

بدر: خير نهى.

نهى بدموع: انت لازم تاخدلى حقى.

بدر وقف العربية: مالك يانهى ف اى.

نهى: تعالى البيت وانت تعرف كل حاجة.

بدر: تمام مسافة السكة.

بعد ربع ساعة.

بدر: ممكن افهم اى اللى حصل.

نهى بدموع: دينااا كانت واقفة ف الجامعة مع شاب وبيضحكوا ف روحت علشان اقولهااا كدا عيب وميصحش راحت شتمانى ولما حاولت اشدهاا ونمشى راحت ضربتنى بالقلم.

بدر بغضب: مين الشاب دا.

نهى بعصبية: انت همك الشاب ومش همك خطيبتك اللى اتهزقت.

بدر ساب نهى وطلع ل دينااا.

سماح: اتفضل يابنى.

بدر: فين دينا يامرات عمى.

سماح: على السطح.

بدر: تمام.

بدر سابهااا وطلع على السطح.

دينااا ببرود: جاى علشان السنيورة سخنتك عليااا صح.

بدر: لاء جاى اسمع منك.

دينا بصتله بإستغراب.

بدر: مالك.

دينا: مفيش عايز اى.

بدر: تحكيلى.

دينا بدموع: كنت خارجة من المحاضرة وف ولد معايااا كان عايز الشرح اللى كتبته المحاضرة اللى فاتت علشان مكنش موجود ف بدهوله راح بيقولى خطك حلو انا خطى خط حمير ف ابتسمت لقيت نهى جت وبتقولى انتى قليلة الادب ومش محترمة وعملالى فيهااا الشريفة قدام بدر علشان تخليه يحبك قولتلها اى الهبل دا راحت مسكت ايدى وكانت عايزة تشدنى من شعرى روحت ضربتها بالقلم وسبتها ومشيت وممكن تسال الولد اللى كان واقف.

بدر: هششششششش خلاص اهدى مش محتاج اسال حد انا مصدق كل حاجة انتى قولتيهاا.

دينا وبتحاول تبعد عنه: مينفعش اللى بيحصل دا يابدر.

بدر: دينا انا اسف.

دينا بإستغراب: على اى.

بدر قرب منهااا.

بدر بهمس: بحبك.

ديناا بصتله بصدمة وهو سابهاا ونزل وابتسملهااا.

دينااا نزلت شقتهاا ودخلت الاوضة وكانت فرحانة ان اخيراا بدر حس بيهااا.

نهى بصدمة: بدر انت بتقول اى.

بدر: زى ماسمعتى انا اسف مش هقدر اكمل ان اذنك.

نهى بدأت تكسر كل حاجة قدامهاااا وبتقول بصوت عالى بكرهك يادينااا بكرهك.

••••••••••••••••••••••••••••••••••••••••••••••••••••••••

سليم: ايوااا ياماما خلاص وصلت الصيدلية.

سليم دخل الصيدليه.

سليم: لوسمحت يادكتور.

ندى وابتسمت: سليم بتعمل اى هنااا.

سليم وابتسم: انتى بتشتغلى هنااا.

ندى بفخر: صيدليتى.

سليم بضحك: حاسب الغرور.

ندى بضحك: دى ثقة.

سليم: طيب ياجميل عايز العلاج داا.

ندى: عيونى.

بعد شوية.

ندى: اتفضل بس مين اللى بياخد العلاج دا.

سليم: ل امى.

ندى بتأثر: ربنا يشفيهاا يارب.

سليم وابتسم: يارب عن اذنك.

ندى: باى.

سليم: صح رقمك كام.

ندى بضحك: ……….. 011.

سليم: ماشى يا دكتورة ندى باى.

••••••••••••••••••••••••••••••••••••••••••••••••••••••••

رحيم: هاااا قول اللى عندك.

يونس: ف مصيبة يارحيم.

رحيم: قول يايونس.

يونس: على حسب المعلومات ف الوجهه الجاية هتبقااا المستشفيات والجامعات.

رحيم: اى الهبل داا.

يونس: زى مابقولك كدااا طلبه الجامعات شباب لسة ف الخطف هيبقااا من الجامعات وعلشان الجو يبان طبيعى هيتفقوا مع مستشفى معينه وهيعملوا هناك العمليات.

رحيم: تعرفلى انهى مستشفى هيتفقوا معاهااا والباقى عليااا.

يونس: تمام.

رحيم ل نفسه: اللعب كبير يارب قوينى.

زين بصدمة: انت بتقول ياعم انت.

هشام: والله دى الأخبار كلها منتشرة ف المعسكر.

سليم: أكيد دا اتجنن.

زين بغضب: ماشي يارحيم.

شادي باستغراب: مالكم ياشباب.

زين سابهم ومشي وهو متعصب.

شادي: ماله دا.

سليم واتنهد: أستاذ رحيم قدم استقالته.

شادي بصدمة: إيه لي إيه اللي حصل.

هشام: لسه ما نعرفش.

سليم بضحك: تعرف إيه الممتع يا شادي.

شادي: إيه.

هشام وضحك: خناقة رحيم وزين اللي هتبقى جامدة.

شادي بضحك: طب قاعدين لي قوموا بينا نحضر من الأول.

سليم: يلا بينا.

•••••••••••••••••••••••••••••••••••••••••••••••••••••••••

شهيرة: رحيم مالك.

رحيم: مفيش ياحبيبتي.

شهيرة: هو ممكن أطلب طلب.

رحيم بانتباه: إنتي تطلبي عيوني.

شهيرة: ممكن تخدني عند ملك وهدى.

رحيم وابتسم: بس كده يلا بينا.

شهيرة وحضنته: أنا بحبك أوي.

•••••••••••••••••••••••••••••••••••••••••••••••••••••••••

هدى: ماما مالها ملك.

نور: ماعرفش من ساعة ما صحيت وهي ساكتة ومش بتعمل حاجة.

محمد: بتتكلموا ف إيه.

هدى: ملك يابابا ساكتة من ساعة ما صحيت ومش بتتكلم مع حد خالص وقاعدة لوحدها.

ملك بهدوء: ماما أنا نازلة.

نور بحنية: مالك ياقلب ماما.

ملك: مفيش أنا كويسة وهو زين فين.

هدى: لسه جاي.

ملك: تمام.

ملك دخلت لزين وحضنته وعيطت جامد.

زين بخضة: كوكى مالك ياحبيبتي.

ملك بعياط: ممكن منتكلمش.

زين بحب: ماشي ياحبيبتي.

ملك فضلت ف حضن زين لحد ما نام.

زين سابها وخرج ومستغرب هي فيها إيه.

هدى: زيزو مالها ملك.

زين: ماعرفش دخلت حضنتني وفضلت تعيط.

نور بخوف: بنتي هيكون حصلها إيه.

محمد: خير إن شاء الله.

ترن ترن ترن.

افتح يامحمد.

محمد فتح.

هشام: حبيبي ياحج عامل إيه.

محمد: الحمد لله ادخل.

سليم: أبو حميد وحشتني.

محمد بضحك: ادخل يابكاش.

شادي: السلام عليكم.

محمد: وعليكم السلام يابني اتفضل.

زين باستغراب: مش مستريحلكوا.

هشام بفضول: كلمت رحيم.

زين ببرود: لأ هو حر.

سليم بصدمة: ننعم ياخويا يعني مش هتعصب عليه.

زين: آه.

شادي بضحك: معلش ياشباب تتعوض فالمرة الجاية.

سليم: منكم لله ضيعتوا عليا أحلى متعة.

ترن ترن.

زين: أهلاً ياخويا لولا إن شهيرة معاك مكنتش دخلتك.

رحيم: ابعد ياض إنت.

رحيم دخل.

شهيرة بإحراج: هي فين هدى.

زين بحب: مينفعش أخو هدى دا حتى طيب.

شهيرة: هااا.

زين وابتسم: هااا إيه ادخلي هدى جوه.

شهيرة جريت وزين ضحك على شكلها.

سليم: رحيم الخبر صح.

رحيم: أيوا.

زين بعصبية: ودا لي إن شاء الله.

رحيم ببرود: أنا حر.

زين وضربه: حر والله ومن إمتى الكلام دا.

رحيم بعصبية: رحيم التزم حدودك.

زين: وإنت خليت فيها حدود يا أستاذ.

رحيم بغضب: زين أنا حر ومش عايز أبقى زفت ظابط فيها حاجة دي.

زين: صح إنت حر براحتك يا عم.

شادي: ما تهدوا ياشباب.

سليم وشده: اقعد إنت كملوا خدوا راحتكوا.

شادي بضحك: حريقة قاعدة معانا.

هشام بضحك: اسكت دي متعة هتحبها أوي قدام.

هدى: زين ملك مش ف الأوضة بتاعتك.

زين: هتلاقيها ف أوضتها أو الحمام.

هدى: لأ هي شكلها نزلت وأنا خايفة عليها.

رحيم: تمام أنا هنزل ورايا كام حاجة كده زين شهيرة أمانة في رقبتك يا صحبي.

زين ببرود: غور ياض.

رحيم بص لهم ومشي.

على البحر ملك بتتمشى ودموعها على خدها بتفكر ف اللي شافته ياترى هيتحقق ولا لأ.

…: لي الدموع دي.

ملك بلهفة: رحيم.

رحيم وابتسم: أه مالك بتعيطي لي.

ملك: مفيش افتكرت حاجة ضايقتني شوية.

رحيم وبصلها: هو ممكن أطلب منك طلب.

ملك: اتفضل.

رحيم قرب منها وهمس ف ودنها بكلام ملك من الصدمة جسمها تلج مش قادرة تتكلم ولا تستوعب اللي هو قاله.

رحيم: ملك مالك.

ملك بضحك: إنت بتهزر صح قول إن دا مقلب سخيف منك.

رحيم: لأ ومحتاج مساعدتك زي ما قولتلك.

ملك بدموع: رحيم مش هقدر.

رحيم: لي ياملك.

ملك بضعف: مش هقدر علشان أنا…

رحيم ومسكها من كتفها وثبتها قدامه: إنتي إيه ياملك.

ملك وتاهت: معرفش بس إحساس إني مش عايزك تبعد عني.

رحيم بحنية: لي اشمعنا أنا.

ملك وعيطت جامد: معرفش معرفش.

رحيم وخدها ف حضنه: هششش اهدى كله هيتحل بس بطلي عياط ممكن.

ملك بكسوف بعدت عنه: احم رحيم ابعد.

رحيم وبعد عنها ومسح دموعها: لما الموضوع اللي قولتلك عليه يخلص هنبقى نتكلم ف الموضوع دا ماشي.

ملك بإحراج وطلعت تجري: ماشي.

ملك لنفسها: مش عارفة هعمل إزاي اللي إنت قولت عليه دا يارحيم.

شهيرة بقلق: رحيم اتأخر أوي يا هدى.

هدى: اهدّي يا حبيبتي، أكيد عنده شغل واتأخر.

زين وابتسم: اهدّي يا شهيرة، هييجي كمان شوية هتلاقيه بيخلص ورق ولا حاجة.

شهيرة ابتسمت وسكتت.

ملك بتوتر: ما ترنّ عليه كده يا زين.

زين واتنهد: في إيه انتي كمان يا كوكو؟ هو بخير يا جماعة.

ترن ترن ترن.

زين: أيوا يا هشام.

هشام: ……

زين والدم وقف في جسمه: ا... انت بتقول إيه.

هشام: ……

زين وقام جرى: اقفل اقفل، جاية.

زين دخل الأوضة جري وخرج، بس قبل ما يخرج من باب الشقة شهيرة مسكت إيده.

شهيرة بدموع: أخوياااا فين.

زين بتوتر باين عليه: كويس، متخافيش. خليكي هنااا. ماما، خلي بالك منهااا.

زين نزل وهو أصلاً مش شايف قدامه، كلام هشام بيتردد في دماغه وبس.

زين بدموع: لأ يا رحيم، مش هتعمل فيااا كده.

ملك ودخلت أوضتها وافتكرت كلام رحيم معاها كله وعيطت: مينفعش تعمل فيااا كده بعد أما حبيتك.

Flash back

رحيم برجاء: ملك، لازم تساعديني بجد.

ملك: انت مجنون؟ أنا مستحيل أعمل كده، يعني إيه أصلاً.

رحيم: لأنهم لازم ينسوني.

ملك بدموع: لى هاااا؟ لى مش همك اختك ولا صحابك؟ طب زين، طب أنااا.

رحيم: انتي إيه.

ملك بدموع وعصبية: ملكش دعوة دلوقتي، أنا مستحيل أعمل كده يا رحيم.

ملك لسه هتمشي.

رحيم: أنا هموت يا ملك.

ملك: بتقول إيه.

رحيم: زي ما بقولك، الناس هتقتلني النهاردة. فكده كده ميت، فانا عايزهم يكرهوني علشان ينسوني، فهمتي.

ملك وقفت وعيطت مكانها.

رحيم: ملك، مالك.

ملك بضحك: انت بتهزر صح؟ قول إن ده مقلب سخيف منك.

رحيم: لأ، ومحتاج مساعدتك زي ما قولتلك.

ملك بدموع: رحيم، مش هقدر.

رحيم: لى يا ملك.

ملك بضعف: مش هقدر علشان أنا…

رحيم ومسكها من كتفها وثبتها قدامه: انتي إيه يا ملك.

ملك وتاهت: معرفش، بس إحساس إني مش عايزك تبعد عني.

رحيم بحنية: لى، إشمعنى أنااا.

ملك وعيطت جامد: معرفش، معرفش.

رحيم وخدها ف حضنه: هششششش، اهدّي، كله هيتحل، بس بطّلي عياط، ممكن.

ملك بكسوف بعدت عنه: احم، رحيم، ابعد.

رحيم وبعد عنها ومسح دموعها: لما الموضوع اللي قولتلك عليه يخلص، هنبقى نتكلم في الموضوع ده، ماشى.

ملك بإحراج وطلعت تجري: ماشى.

رحيم ابتسم وفضل يتابعها لحد ما اختفت من قدامه واتنهد وخرج فونه.

رحيم: أنا جاهز.

Back

ملك بإنهيار: كداب وخاين يارحيم، خونت حبّي ليك، خونت صحابك، خونت اختك، كان ممكن بكل سهولة تبلغ صحابك وتقدروا تحموا بعض، بس انت إنسان غبي… ثواني كده، هو قال لما يرجع هيتكلم في موضوعنااا، معنى كده إن هو مش هيموت، معنى كده إن دي لعبة، يعني رحيم عايش، حبيبي، مش هيموت.

ملك مسحت دموعها وضحكت ومسكت صورة رحيم وابتسمت على غبائها هي.

ملك: معنى كده إنك وثقت فيااا أنااا، وأنا مش هخذلك أبداً أبداً.

ملك خرجت لقت شهيرة بتعيط، وهدى ونور بيحاولوا يهدوها.

ملك: اهدّي يا شهيرة، إن شاء الله هيكون كويس.

شهيرة بدموع: لاء، أخويااا، فيه حاجة. مشوفتيش زين نزل خايف إزاي.

ملك حضنتها وبتفكر: ياترى هو فين، وإيه اللي هيحصل.

زين ف المستشفى واقف هو وسليم وهشام وبدر وشادي. جو متكهرب، توتر. كل واحد بيفكر إيه اللي بيحصل، وفيهم اللي بيفكر في شغلهم.

الدكتور خرج ووشه في الأرض.

سليم بخوف: خير يا دكتور، رحيم كويس، صح.

الدكتور: إحنا عملنا كل اللي نقدر عليه، شدوا حيلكوا، البقاء لله.

الدكتور سابهم ومشي. حالة من الصمت التام نزلت عليهم. زين بيبص لسليم شوية ول هشام شوية، وبعدين اتكلم بهدوء استغرب منه كل اللي واقفين.

زين: خلصوا إجراءات المستشفى والدفنة، وأنا هروح أجيب أخته وأجي.

سابهم ومشي.

سليم بدموع مكتومة: يلا يا شباب.

بدر بتأثر: مات يادينا، صحابه مصدومين أوي. أنا لسه عرفته بس زعلان عليه، فتخيّلي صحابه. أنا مش قادر.

دينا وحضنته: اهدّي يا حبيبي، في الجنة إن شاء الله.

بدر: بحبك.

دينا: بجد يا بدر.

بدر وباس إيديها: بجد يا روح بدر. آسف إني كنت غبي الفترة اللي فاتت دي كلها، وكنت هسيبك تروحي من إيدي.

دينا بدموع: كنت بموت لما بشوفها ف حضنك وبتدلع عليك. قلبي كان بيتكسر كل مرة كنت تقول فيها حبيبتي.

بدر وحضنها: آسف.

دينا: هششششش، خلاص، إحنا دلوقتي مع بعض.

بدر: أنا همشي.

دينا: لو محتاج أي مساعدة، أنا ف قسم الأطفال عند الدكتور، هكشف على ابن صحبتي علشان هي تعبانة.

بدر وابتسم: ماشي يا حبيبي.

زين: يلاااا يا شهيرة، تعالي معايا.

محمد: هتوديهااا فين.

زين: هتشوف أخوهااا.

شهيرة بفرحة: بجد يا زين؟ طب يلاااا.

زين: جثة أخوهااا.

نور بصدمة: بتقول إيه يا ابني.

زين: رحيم مات.

شهيرة وضربته بالقلم: انت كداب.

زين: يلااا.

شهيرة اغمى عليها، وزين جرى عليها وشالها ونزل، وملك وهدى وراه.

نور بعياط: ابني مات يا محمد.

: كله تمام.

رحيم: أنا جاهز. وانت.

: جاهز، بس شكلهم صعب أوي.

رحيم واتنهد: عارف. شهيرة كويسة.

: ف المستشفى اغمى عليهاا، وزين جابها.

رحيم: طمني أول بأول.

: سلام.

رحيم: آسف ياحبيبتي.