تحميل رواية «أوتيل السعادة» PDF

طبعاً فشلت، فشلت زي ما أنا فشلت.

ولكن مهما كان، مش هتبقى أغبى مني.

أنت أكيد دخلت هنا غصب عنك، لكن أنا دخلت بكامل إرادتي عشان أتأكد من أسطورة طلعت حقيقية.

حاول تستخبى، حاول تستخبى يا صديقي، سارة جاية.

الباب هيخبط دلوقتي.

استخبى في أي مكان، بس قبلها اكتب كل اللي حصلك، يمكن تقدر تساعد اللي هيخش بعدك.

الباب خبط فعلاً، الخبط شديد.

مكنتش عارف أستخبى فين.

نزلت تحت السرير عشان ألاقي هيكل عظمي ببدلة قديمة، منطوي على نفسه ومستخبي.

نمت جنبه وأنا بترعش.

حطيت إيدي في جيبه عشان ألاقي بطاقة شخصية قديمة مكتوب فيها "كريم محمد".

أنا كنت عارف مين ده كويس، ده كان الكاتب المفضل بتاعي، اللي كل الناس كانت بتتكلم عن اختفائه فجأة وإنهم مش قادرين يتوصلوا لمكانه.

كنت بحب قصصه المخيفة واللي كانت دايماً حقيقية.

بس سمعت صوت الباب.

الباب اتكسر.