يونس كان مخنوق بيلف بالعربية وبيفكر ف كلام ندى.
يونس بحزن: عندها حق يايونس، انت من امتى قريب منهم؟ من بعد موت ابوك وامك وانت واخد جنب، معرفتش تشيل المسؤولية، انت انسان فاشل.
وقف بالعربية ونزل قعد ف المكان اللى كان بيقعد فيه مع والده.
يونس بدموع: رناا جاتلك يابابا، بس جيالك وانا مقصر معاهاا، وانااا كنت اخ فاشل ليهاا، معرفتش احميهاا، معرفتش اكون مسؤول عنهاا.
يونس ياحبيبي!
يونس بص جمبه شاف رنااا، فستانهاا الابيض والخمار اللى دايما كان بيزيد جمالهااا.
يونس بدموع: رنااا انتى موجودة.
رنا وابتسمت: انا دايما موجودة معاك يا يونس، هناا.
وشاورت على قلبه.
يونس بدموع: انا اسف، انا مقدرتش احميكى.
رنا: لاء ياحبيبى، دا قدرى ونصيبى، حافظ على ندى يا ياونس، انت عارف انهاا حساسة، وانت طول عمرك شايلنا فوق دماغك يا يونس، ودا مش غلطك، غلطى اناا انى مسمعتش كلام ورد.
يونس: هجبلك حقك لو اى كدا.
رنا وابتسمت: واثقة من كدا، خلى بالك من نفسك يا يونس، وخلى بالك من ندى وورد، انتو اللى كنتو غاليين عندى، واطمن، انا مبسوطة اوى اوى فوق.
رنا اختفت ويونس اتنهد ومسح دموعه وركب عربيته ومشى.
هاله: ورد اصحى ياحبيبتى.
ورد قامت من النوم وهى خايفة وحضنت مامتهاا.
هاله حضنتهاا بحب وبدأت تقرأ لها القرأن لحد ما نامت تانى.
هاله واتنهدت: ربناا يهديلك حالك يابنتى.
يونس روح ودخل اوضة ندى شافهاا نايمة قرب منهاا واعتذر لها ولسة هيخرج.
ندى بدموع: يونس خليك معاياا، انا اسفة.
يونس قرب وخدها ف حضنه: انا جمبك على طول ياحبيبتى، انا اللى اسف انى كنت مشغول عنكم، بس فوقت متاخر اوى ياندى.
وبدأ يعيط.
ندى مسحت دموعه: لا يا ابيه، انت طول عمرك بتحبناا، بس شغلك هو اللى كان واخدك مننا، انا متاكدة يا ابيه انك هتجيب حق رنا، وان رنا مسمحاك صدقنى.
يونس ابتسم وباس راسهاا: نامى ياحبيبتى، تصبحي على خير.
ندى: وانت من اهل الخير.
ف اليوم التالى.
فتاه: سمعتى اخر الاخبار.
شاب: اى هى.
فتاه: رناا الاولى على الدفعة.
فتاه ٢: مالهاا صح مختفيه بقالهاا يومين.
فتاه ١: للاسف ماتت، وكل الجامعة بتتكلم ف الموضوع دا.
فتاه ٢ بحزن: لا حول ولا قوة الا بالله، ربناا يرحمهاا، دى كل الجامعة بتشهد ب احترامهاا وطيبتهاا.
الشاب: ربنا يرحمها ويصبر اهلهاا.
فتاه ١: المشكله انهم بيقولوا انها ماتت مقتوله.
الفتاه ٢ بشهقة: يانهارى، دى كانت ملاك، ازاى دا بس.
كان ف شاب سامع كل اللى كانت البنت بتقوله وبان عليه العصبية.
طارق: خالد هو صح رنا ماتت مقتوله.
خالد: معرفش والله يابنى، كل الجامعة بتقول كدا، وبعدين مالك متعصب كدا.
طارق: ياخالد مهما كان دى صحبتناا، اه كنت برخم عليها هى و ورد، بس برضوا دى كانت محترمة، بس ازاى.
خالد ابتسم: كنت متاكد ياطارق انك من جواك نضيف.
طارق واتنهد: انا عندى اخت بنت ياخالد، انا عمرى ماكرهت حد، بس معرفش والله، المهم لازم نعرف مين اللى عمل كدا.
خالد بإستغراب: واحنا مالنا ياطارق، وبعدين هنعرف منين.
طارق: مالنا ازاى بس، فاكر لما قولتلك انى شوفتها مع اتنين ف عربية.
خالد: اه.
طارق: انا متاكد ان هما دول، لان من بعدها هى اختفت، ودلوقتى موتهاا.
خالد: بس هنجيب الاتنين دول منين.
طارق وحمحم: الصراحة لما شوفتها فضلت ماشى وراا العربية لحد ماوقفت قدام عمارة ف الزمالك ونزلوا، بس رنا كانت مغمى عليها، الصراحة افتكرتها نايمه ودخلوا، وانا دخلت وراهم، كانوا هما ركبوا الاسانسير، ف فضلت باصص لحد ما شوفته وقف ف الدور ال 8.
خالد: حلو، بس هنجيبهم منين.
طارق: تعالى وراياا.
ورد بإحراج: هو ممكن ادخل ل ندى.
الدادة: اقولها مين معلش.
ورد بدموع خفيفة: صاحبة رنااا.
الدادة بدموع: اتفضلى يابنتى اتفضلى، دا انتى من ريحة الغالية، انتى ورد صح.
ورد اومات ب الايجاب.
الدادة: دى على طول كانت بتتكلم عنك، وورد عملت، وورد النهاردة زعقت وعيطت وووووو، سيرتك ماليه المكان هنا، تعالى دى ندى هتفرح اوى.
وصلوا ل اوضة ندى ودخلوا، ندى بصت ل الدادة بمعنى مين دى.
الدادة: دى ورد ص...
ندى وحضنت ورد: صاحبة رنا صح.
ورد بفرحة: ايواا اناا.
ندى بدموع: رنا مبقتش موجودة يا ورد.
ورد مسكت دموعها بالعافية بصت ل ندى وابتسمت: هششششش، لا طبعا معاناا وحوالينا كمان، وطول ما انتى حابسة نفسك كدا وبتعيطى هى زعلانة، يرضيكى رنا تزعل.
ندى بدموع: تؤتؤ.
ورد: يبقاا خلاص. امممم بقولك اى، رنا كانت قايلالى انك بتحبى الكيك ب الشوكولاتة.
ندى: اوى.
ورد ومسكت ايديهاا: جنيل قومى بقااا نعمل واحدة من ايدى هتموتى عليهااا قومى.
ورد شدت ايد ندى ونزلوا على المطبخ.
يونس صحى دخل اوضة ندى ملقهاش نزل تحت سمع صوت ضحك ف المطبخ وصريخ دخل.
يونس بصدمة: اى دا.