تحميل رواية «انتقام صوفيا» PDF

صوفيا بدون وعي حضنته وعيطت بشحتفة.

فجأة صوت من وراهم.

"الله الله، طب يريتني مجيت دلوقتي، مراتي في حضن أخويا."

صوفيا بصدمة: "عمار...!"

عمار بتريقة: "آه عمار. دنتي مصدقتي اطلقتي عشان تروحي لحبيب القلب."

صوفيا بصت لـ عدي وبعدت عنه: "وانت مالك، مش طلقتني؟ عاوز إيه دلوقتي؟"

عدي بخبث وبيغمز لـ صوفيا من غير ما عمار يحس: "آه وماله يا عمار، هو انت متعرفش إن بعد ما عدي صوفي تخلص هنتجوز وتبقى مراتي."

أما صوفيا مكنتش متوقعة إنه يقول كده، بس سايرته وقالت: "انت اتجوزت خطيبته وهو هيتجوز طلقتك."

عمار بص عليهم بغضب شديد: "أنا كنت جاي أشوف بنتي بس، انتي هتخليني أعمل حاجة هتندمي عليها بقيت عمرك يا صوفي."

صوفيا ببرود: "وريني."

عمار بص على عدي بكرة ومشي.

صوفيا بصته وقالت بأمل: "تفتكر هننجح؟"

عدي وهو بيبصلها: "هنجح، تعالي ناخد سندس ونمشي."

صوفيا: "يلا."

عند منه.

منه بتتكلم في الفون: "بقولك صوفيا شكلها عرفت كل حاجة."

المجهول ببرود: "متخفيش."

منه بغضب: "إيه اللي متخفيش؟ انت عارف صوفيا ممكن تعمل إيه؟"

المجهول ببرود أكتر: "هتعمل إيه يعني؟"

منه بغضب: "هتعمل كتير، صوفيا دي محدش يعرفها غيري، صوفيا لو عرفت اللي فيها وإن انت اللي قتلت..."

قطعها المجهول بغضب: "إيه؟ إيه؟ إيه؟ اسكتي، ليكون جوزك الشؤم ده يسمعك ويمسكها علينا زلة."

منه ببرود وحست إن دب فيه الخوف شوية: "المطلوب هتنفذه عشان حبيبة القلب متعرفش."

المجهول بنفاذ صبر: "عاوزة إيه يا منه؟"

منه: "الحماية... تحميني وكمان...!"

المجهول وهو على وشك الانفجار: "إيه؟!"

منه بتصطنع البراءة: "خمسين ألف جنيه يتحولوا على الحساب عشان محتاجة شوية حاجات."

المجهول: "هي الحاجات اللي بتجيبيها دي مبتخلصش؟ الأسبوع اللي فات واخدة خمسة وعشرين ألف ودلوقتي خمسين، إيه بتبلعيها؟"

منه ببرود: "لا يا خويا، تمن سكوتي عشان متتفضحش قدام حبيبة القلب، وأعرفها مين اللي قتل أهلها."

المجهول: "بس بس خلاص، الفلوس بكرة هتتحولك وصوتك مش عاوز أسمعه."

منه بدلع: "تسلملي يروحي، كل ما تديني أكتر كل ما أحبك أكتر."

صوت من وراها: "انتي بتكلمي مين يا منه؟"

منه لفت بصدمة وو...

عند عدي كان بيتكلم في الفون وقفل مرة واحدة.

عدي بقلق: "يارب المجنونة دي تعرف تتصرف."

فجأة صوفيا دخلت عليه.

صوفيا بغضب وهي بتقف قدامه: "أنا عاوزة أعرف انت قولت لـ عمار كده ليه؟ وكان قصدك إيه من اللي قولته؟ عشان اللي أعرفه إن دي مش الخطه اللي كنا متفقين عليها."

عدي بيتنهد: "اقعدي يا صوفيا."

صوفيا وهي بتقعد: "آهو يا سيدي قعدت، اتفضل قول."

عدي وهو بيبصلها: "الخطه اتغيرت."

صوفيا بستغراب: "إزاي يعني؟ إزاي اتغيرت؟"

عدي وهو بيشاور على الباب: "يعني كده."

وفجأة لقوا خبط على الباب.

صوفيا بخوف: "هو في إيه؟!"

عدي ببرود: "قومي افتحي."

صوفيا بصت لـ عدي وقامت وفتحت لقت ناس وقالت بخوف: "انتو مين؟"

واحد منهم: "انتي مدام صوفيا؟"

صوفيا هزت رأسها وبصت لـ عدي وبصت للشخص اللي قدامها: "أيوه."

الشخص: "طب حضرتك مطلوبة في بيت الطاعة...!"