فهد جرى على وجد بقلق وهو بيقول: وجد وجد.
وجد مش بترد.
سليم: فهد اهدى، الرصاصة عدت من جنب وجد.
فهد ضمها ليه بقوة وهو بيحمد ربنا.
بعدها قام وقرب من مهران اللي كان العسكري ماسكه جامد وبيشده.
فهد قرب منه و ضربه بوكس.
مهران بكره: هموتك يا فهد هموتك، بس قبلها هحرق قلبك عليها.
وبص على وجد بنظرات مقرصة وقال: هخرجلك يا قمر.
فهد ضربه بوكس تاني.
والعساكر بعدوا مهران عن فهد.
فهد بعد عنه وراح لبس الطرحة لوجد بغيره إن شعرها بان لحد غيره.
شالها وخرج بيها ورا سليم.
سليم: فهد، ها نروح على الفيلا عندي؟
فهد بغضب: لا، وجد من النهارده مش هتبعد عني.
سليم: نروح عندي ونشوف الحوار ده.
فهد كان هيتكلم.
سليم: فهد، أنا ما قلتش حاجة لمي عشان ما تقلقش.
فهد اتنهد وقال: تمام.
وبعد وقت فهد دخل وهو شايل وجد.
ومي كانت صاحية، جريت على وجد بقلق.
سليم: انتي إيه اللي مصحيكي يا ميوش؟
مي بقلق: مالها وجد؟
فهد: اطلعها فوق الأول وبعدين نتكلم.
مي: تمام.
وبعد ما طلعوا وحطوا وجد.
مي بقلق: ها، فيه إيه؟
سليم: وجد كانت مخطوفة واحنا رجعناها.
مي: يعني كان قلقي صح؟
سليم قرب منها وقال: اهدى، هي كويسة.
مي: انت ليه ما قلتليش؟
سليم حضنها وقال: كنت مش هقدر أسيبك وإنتي بتعيطي أو زعلانة.
مي: احكوا حصل إيه.
بعد وقت.
مي بعياط: يعني كانت ممكن الرصاصة تيجي فيها.
سليم: اهدى يا ميوشتي، هي بخير.
مي هديت وقالت: الحمد لله.
سليم: يلا يا قلبي، وسيبى وجد ترتاح وفهد قاعد معاها.
مي بصت على فهد بقلق.
أما فهد فكان مش معاهم أصلاً، فهد كان قاعد جنب وجد وواخدها في حضنه وبيأملها.
سليم: يلا يا مي، ما تقلقيش على وجد.
مي: تمام.
وتاني يوم وجد فتحت عينيها على تقْل عليها.
ومر واحدة صوتت لدرجة إن في ثواني البيت كله كان في الأوضة.
مي بخصه: فيه إيه؟
وجد الصغيرة: مالك يا وجد؟
وجد بغضب: الشخص ده بيعمل إيه؟
سليم: اهدى يا وجد.
وجد بغضب: لا، وكلم المأذون خليه ييجي يا سليم.
فهد بغضب: مش هيحصل يا وجد.
وجد: لا هيحصل يا فهد، كفاية اللي شفته منك ده، كفاية الخطف، أنا عايزة أعرف أنت إيه.
ابعد بقى يا أخويا، عارف أنا بحاول افتكر عشان أعرف أنت عملت إيه، مخليني كارهالك كده.
فهد بحزن وحب وصدق: وجد، أنا بحبك وأنا آسف على اللي عملته، بس عشان خاطري بلاش الطلاق.
وجد بحزن: مش هقدر، ياريت بنطلق يا فهد.
فهد بحزن: اللي إنتي عايزاه.
وبعدها كمل بغضب: بس برضه مش هسيبك.
وجد لنفسها: هو ده مجنون.
وبعد ساعة.
فهد بحزن: سلام يا وجد.
وجد بصت ليه بحزن وما اتكلمتش.
والماذون مشي.
مي: وجد، تعالي عايزكِ.
وجد ومي طلعوا فوق.
مي: اتطلقتي أهو، ممكن أفهم عايزة إيه؟
وجد انهارت من العياط وقالت: مش عارفة، مش عارفة، كل اللي عارفه إني عايزة أبعد عنه.
مي: وجد، فهد بيحبك أوي.
وجد: بس هو عذبني أوي أوي.
مي: طب التمثيلية دي هتفضل لحد امتى؟
وجد: مي، محدش هيعرف إني فكرة مش فاقدة الذاكرة.