تحميل رواية «انتقام العشاق» PDF

قالها زين بجمود لملك الواقفة مصدومة من اللي قاله.

ملك بصدمة: طب ليه؟

زين ببرود: العلاقة بقت مملة جدا، مفيش جديد. تصرفاتك كلها أطفالي أوي، والصراحة أنا عايز واحدة تكون قد المسؤولية، وكمان متكونش مهملة فيا زيك.

ملك بحزن: تمام، طلقني.

زين ببرود: انتي طالق.

ملك اتصدمت لما طلقها بكل سهولة، ده حب حياتها وطفولتها، معقول؟

زين: وعشان انتي يتيمه وملكيش حد، أنا هسيب الشقة ليكي انتي وبنتك، وهبعتلك حقوقك كلها. سلام.

سابها وخرج، وهي اتصدمت ووقعت على الأرض. بدموع بنتها ذات الأربع أعوام خرجت وشافت أمها بتعيط.

رقية بطفولة: بتعيطي ليه يا ماما؟

ملك ضمتها بحب ودموع وقالت: مفيش يا قلبي، تعالي يلا عشان نصلي العصر ونذاكر واجب الحضانة.

خدتها وقاموا يصلوا، وكانت منهارة وهي ساجدة.

زين: طب دلوقتي حقك ورجعلك، عايزة إيه تاني؟

قمر بغضب: بس انت موجهتهاش، عارف يعني إيه؟

زين بحزن: أنا جرحتها زي مانتي عايزة، بس كفاية كده.

قمر: بس اللي أخويا عمله فيا مش سهل، وأقسم بربي مش هسكت له.

زين بعصبية: قمر، انتي أختي آه، لكن إنك تأذيها وانتي عارفة إنها أم بنتي، يبقى لحد كده واقفلك.

قمر بتحدي: يبقى تطردها من الشقة هي وبنتها وترميهم في الشارع، وأنا هكون راضية.

زين بصدمة: ننننعم!!!!

ملك نيمت بنتها، وبعدين قعدت جنبها وهي بتمشي إيدها على شعرها بحنان، وبتفتكر كتب كتابها هي وزين.

ملك بخجل: فرحان؟

زين بحب: أسعد واحد في الدنيا النهارده، عشان فزت بأجمل واحدة في الدنيا.

ملك بكسوف: زين.

زين باس إيدها: قلبه وحياته.

ملك رجعت من تفكيرها وقالت بغضب وتحدي: ماشي يا زين، أنا هوريك مين هي ملك، هخليك تندم على جرحك ليا.