مش بمزاجك، وصح مفيش دكتورة، بس هنزله أنا.
هاجم عليها وهي بتصرخ وبتعيط. نور مدت أيدها على التربيزة ومسكت الكوباية وكسرتها على دماغه. قامت وقفت وهي بتترعش وطلعت تجري وهي حاطة أيدها على بطنها وبتعيط.
بعد سبع سنين.
اسر كان قاعد في مكتبه بيبص لصورة نور اللي حاطتها على مكتبه وعيونه فيها دموع. بدأ يفتكر.
Flash Back.
بعد ما نور هربت، اسر كان راجع من شغله وسمع كارمن بتتكلم في التليفون.
كارمن: بص يا يامن، معرفش هي غارت على فين، المهم إن اسر بقى ملكي أنا.
وقفت التليفون. اسر دخل وضربها كف.
اسر: يعني نور مظلومة. أنتوا السبب. متردي. ده أنا هوريكم الويل.
وراح شالها ونزلها في عربيته وراح على مخزن وكتفها. طلع تليفونه ورن على أخوه.
اسر: تعالالي فوراً على اللوكيشن اللي هبعتهولك.
بعد ساعة.
يامن وصل ودخل لقى كارمن متكتفة وفيه لازقة على بوقها. ولسه هيتحرك، كان اسر ضربه بالعصاية على راسه. راح كتفه جنب كارمن وقعد قصادهم لحد ما يامن فاق.
اسر: ليه يا يامن؟
يامن: بحبها وهي بتحبك. روحتلها يوم فرحكم وزعقتلي. والا إيه؟ بتحبك وإن هي مرات أخويا.
اسر كان بيسمع وهو بيفتكر لما ضرب نور ولما كانت بتصرخ.
يامن: بس تعرف، أنا آه مختهاش، بس أحسن إنها راحت منك. على الأقل هي مش ليك.
اسر بقى بيضرب يامن وكارمن خايفة.
اسر بزعيق: وطبعاً الرسالة اللي جت وقت ما نور في الحمام بعتها لما الهانم قالتلك إن نور مش قاعدة جنبي وإني همسك تليفونها. وضرب.
اسر: تعرفوا، انتوا الاتنين، أنا عايز أقتلكم دلوقتي. بس الموت خسارة فيكم. أنا هعمل غير كده.
وفكهم وساب المسدس على الأرض وقال: اللي حابب يخرج من هنا يخلص التاني. وخرج.
وطبعاً يامن مسك المسدس وضرب على كارمن. ولسه هيهرب، البوليس وصل، لأن اسر اتصل عليهم.
Back.
اسر دمعة نزلت منه وقال: أنا مستحقش لا انتي ولا ابني أو بنتي. أنا واحد غبي يا نور. أنا موثقتش فيكي.
وفجأة دخلت شمس.
شمس: إيه يا اسر؟ ارحم نفسك.
اسر: نور وحشتني قوي.
شمس: بقولك إيه، انت عندك اجتماع شغل في الغردقة بكرة. انت تخلص الشغل وتريح أعصابك كام يوم.
اسر هز راسه. وشمس خرجت.
في شقة صغيرة.
نور بغضب وهي ماسكة الشبشب: واللهي لو ياسر، لو مطلعته، لهنزل الشبشب على نفوخك.
هي دي أكبر مثال لأي أم مصرية أصيلة 😂.
ياسر خرج وقال: بصي، حقك تتعصبي، بس ده امتحان شهر، يعني فيها إيه لو جبت واحد.
نور اتعصبت أكتر من بروده وحدفته بالشبشب. وبعدين قعدت تعيط. وياسر قرب منها.
نور: أنا عايزاك ناجح يا ياسر، أنا مليش غيرك يا حبيبي.
ياسر باس إيد نور وحضنها وقال: حاضر يا نور، هذاكر الرياضة حلو. أنا نفسي أعرف أنا زي مين، مبحبش الرياضة.
نور افتكرت.
Flash Back.
من عشر سنين.
نور: فيه حد بيكره الرياضة؟
اسر: أنا.
نور: طب ليه؟
اسر: عشان مسائل معقدة وحاجة رخمة قوي.
نور ضحكت. وهو قال: بتضحكي على إيه؟
نور: عليك. نفسي أعرف كنت بتجيب كام في امتحانات الرياضة وأنت صغير.
اسر بهمس: ومتقوليش لحد.
نور هزت راسها.
اسر: كنت بجيب صفر، وأحياناً، أحياناً واحد.
نور بقت تضحك. واسر بيبصلها.
Back.
ياسر: ماما، روحتي فين؟
نور حضنت ياسر وقالت: شد حيلك وذاكر حلو. ودخلوا أوضتهم وناموا.
تاني يوم.
اسر وصل الغردقة وكان رايح المطعم اللي هيعملوا فيه صفقته.
نور وصلت ياسر مدرسته. وراحت المطعم وغيرت لبسها ولبست اليونيفورم وبدأت شغل.
اسر وصل واجتمع بالناس وبدأوا كلام وطلبوا قهوة.
رنيم: يا نور، خدي دول ووديهم على تربيزة خمسة.
نور خدت القهوة وراحت هناك. واسر ضهره ليها وكان بيبص في العقود. وهي حطت القهوة للكل وجت حطتها قدام اسر. وهو بص لإيدها وبص للخاتم و....